diff --git "a/Behişti_Heft Peyker_1466.txt" "b/Behişti_Heft Peyker_1466.txt"
new file mode 100644--- /dev/null
+++ "b/Behişti_Heft Peyker_1466.txt"
@@ -0,0 +1,7618 @@
+|\/|
+_____
+<?xml version="1.0" encoding="UTF-8"?>
+<metadata>
+    <title>HEFT PEYKER-İ BEHİŞTİ</title>
+    <author>Behişti</author>
+    <date>1466</date>
+    <word_count>20418</word_count>
+    <unique_words>7120</unique_words>
+    <line_count>7618</line_count>
+</metadata>
+_____
+**II. BÖLÜM**
+
+**HEFT PEYKER-İ BEHİŞTİ**
+
+
+-----
+
+
+
+**Fe’ilâtün fe’ilâtün fe’ilün**
+
+Yâ Rab eyle dile feyzüñi müdâm
+
+Kim olur feyzuñ-ile nagz-ı kelâm
+
+Olmasa feyzuñ eli fâyiz-i cûd
+
+Gelmez idi bir avuç hâke vücûd
+
+Bâg-ı lutfuñ eseri heşt-behişt
+
+Nâr-ı kahruñ şereri dûzah-ı zişt
+
+Kudretüñ dest idüp hâki hamîr
+
+Sîne i itdi şeh-i ‘aşka serîr
+
+Ol mekîn ile şeref buldı mekân
+
+Toldı şevkuñla zemîn ile zamân
+
+Toludur ‘aşkuñ-ıla ins ü melek
+
+Hâk-i vecd oldu vü çarh urdı felek
+
+Cism-i mahlûka olur ‘aşk revân
+
+Zindedür anuñ-ıla cümle cihân
+
+Zinde kıl ‘aşkuñ-ile mürde dili
+
+Zinde itdüñ virüben cân çü gili
+
+Zinde-ten mürde-dil eyleme beni
+
+Mahv kıl benligi pür eyle seni
+
+Kadri olmaz çü tehî ola sebû
+
+Şeref ü kadr virür kûzeye su
+
+Olmaya kîsede çün sîm ile zer
+
+Eylemez kimse göz ucıyla nazar
+
+Ey hıred zât-ı hayâlinde zelîl
+
+Vasfuñı eyleyimez kâl ile kîl
+
+Bilmede çün seni ‘acz oldı kemâl
+
+Ma’nîde oldı tekavvül bu mekâl
+
+Mâ-’arefnâke didi çünki resûl
+
+Da’vî-i ‘ilm kılan ola cehûl
+
+Bilmeyen aslı-y-ıla aslı neden
+
+Hakkı bildüm dise olmaya hasen
+
+Yok nişânı ki beşer vire nişân
+
+Kendüyi kendü bilür neyse hemân
+
+
+-----
+
+
+
+İtmese lutf eli ref‘-i nikâb
+
+‘Akl hergiz ide mi keşf-i hicâb
+
+Görmede ‘âciz anı çeşm-i nazar
+
+Göre mi degme belâ-y-ile basar
+
+‘Akl dahı çün olur kendü hicâb
+
+Sırrını keşf ide mi ‘ilm-i kitâb
+
+Çün hıred mûsıl-ı matlûb degül
+
+Rehber idinen olur anı hacil
+
+Dâmen-ı fazla yapıs mûsıl olur
+
+Dest-res bulan aña yâri bulur
+
+Keremi bedreka-i râh yeter
+
+Ola mı vâsıta ‘uşşâka nazar
+
+Vay aña kim vire evhâm-ı zılâl
+
+Gele ma’kûli hayâline hayâl
+
+Bâtılı Hak bile ısrâr ola
+
+Gelmeye nakl u delîl ile yola
+
+Tolu havf-ile İlâhi bu tarîk
+
+Eyle lutfuñı Behiştî'ye refîk
+
+Pîşvâsı ola tâ ‘ilm ü şühûd
+
+Kalmaya siflede eyleye su’ûd
+
+DER-ERÂDİF-İ TESMİYE TAHMİD-İ FATİHÂTÜ'L-KİTÂB
+
+Kİ FÂTİHÜ'L- EBVÂB-EST
+
+Ni’met-i Hak mezîd itdi sipâs
+
+Vâcib ol her nefese şükr ide nâs
+
+Her mesâma açuben şükre-dehân
+
+Olsa her bir ser-i mû aña zebân
+
+Bulsa biñ haşr kadar bu’d-ı zamân
+
+Kârını şükre kosa kişi hemân
+
+Bir nefes almaga olmaya sipâs
+
+Aña lâyık nice şükr eyliye nâs
+
+Ey olan ni’met su gibi sebîl
+
+Keremi her kişi rızkına kefîl
+
+Ni’metüñ ‘add ide mi hîç ‘ahadd
+
+
+-----
+
+
+
+Müntehî olmayana ola mı hadd
+
+Ni’mete gerçi ki çok şart u sebeb
+
+Gâh olur mûcib olur sa’y ü taleb
+
+Geh felek ‘illet olur gâh zemîn
+
+Sebebi ma’nîde Hakk oldı hemîn
+
+Kapusı mahzeninüñ oldı güşâd
+
+Gerek oldukça alur hıssa ‘ibâd
+
+Ne ‘atâsına şerîk olur ahad
+
+Ne kapusından ider kimse i red
+
+Mahzen-i rızkına anbâr-ı Hudâ
+
+İsteme derbeder añı çü gedâ
+
+Kirme seng içre virür hıssa müdâm
+
+Âdeme rızkını virmez mi temâm
+
+Feyz bahrinde sipihr oldı habâb
+
+Süfre-i h[v]ânına Cibrîl zübâb
+
+Levh-i mahfûz-ıla yogidi kalem
+
+Rızk-ı mahlûkınuñ olmışd rakam
+
+Rızka olsaydı eger iki kefîl
+
+Niçeler cû‘dan olurdu ‘alîl
+
+Vahdeti her kişiye oldı ‘ayân
+
+İtdi Bürhân-ı Temânü‘de beyân
+
+Halkınuñ vahdete her biri güvâh
+
+Vay aña baglaya çeşmini İlâh
+
+Şükr kim virdi bize ‘akl u nazar
+
+Bilünür anuñ-ıla hayr ile şer
+
+Ekseri hikmetinüñ oldı ‘ayân
+
+‘Âlem-i gaybı durur gizlü hemân
+
+Aña kim zarf degül kevn ü mekân
+
+İtdi mirât-ı dil içinde nihân
+
+Dâne-i hurd-ile sıgmak bu cihân
+
+Nazar-ı ‘akla virür gerçi gümân
+
+Lîkin istedügi ‘ilmini mühît
+
+Cümle ma‘lûm mürekkeble basît
+
+
+-----
+
+
+
+Hâdim oldı nazarı ‘akla havâs
+
+Ki havâs-ile olur kudret-i nâs
+
+Çün zamâniyle gide ‘akl u havâs
+
+Cân ‘urûc ide vü hâk ola libâs
+
+Rûha ihsan ide bir dürlü havâs
+
+‘Akl ola her biri bunlara kıyâs
+
+Matlaba ‘akl degül gerçi delîl
+
+‘Akl olmayan olur lîk zelîl
+
+Câzibe olmaz ise rehber-i dil
+
+Fark olınmaz bir olur bes dil ü gil
+
+Zerrece câzibe olmazsa eger
+
+Vâsıl olmaya visâlüñe beşer
+
+Cezbe-i ‘aşkıle mest it dili sen
+
+Mestdür câm-ı gurûr ile igen
+
+NA‘T-I MİHTERİ KÜ İCMÂL-İ EŞYÂ TAFSİL-İ HAKİKAT-İ ÜST
+
+Tûtî-ı nâtıka-i nagme-serâ
+
+Hatm idüp zemzem-i medh ü senâ
+
+Enbiyâ hâteminüñ na‘tine bes
+
+Eyledi biñ dil ü cân-ile heves
+
+Hâdi-i halk u İmâmü’s-sakaleyn
+
+Oldı ‘âlem ki vücûdı-y-ıla zeyn
+
+Nokta-i evvel ü hem ahir-i hat
+
+Muzmahîl dâyiresinde bu nukat
+
+Gül-i hoş-bûy-ı gülistân-ı İrem
+
+Veter-i dâ'ire-i kavs-ı kadem
+
+‘İllet-i gâyi-i îcâd-ı vücûd
+
+Zâtınuñ tâbi‘-i nâ-bûd ile bûd
+
+Âyet-i evvel-i pîşîne-rakam
+
+İbtidâ harf ki sebt itdi kalem
+
+Muslih-i halk u safâ-bahş-i rüsül
+
+Sâyiri cüz gibidür hazret-i gül
+
+Âdem andan görinür gerçi kadîm
+
+Sebkine şâhid anuñ lîk delîm
+
+
+-----
+
+
+
+Rûh olan kâlbüd-i Âdem'e ol
+
+Gün gibi nûr viren ‘âleme ol
+
+‘Arakı mâye-i gül-berg-i tarî
+
+Nûr-ı mâ-zâg idi kühl-i basarı
+
+İsmidür zikr-i sarir-i kalemüñ
+
+Zîver ü ziynet-i bâl-ı ‘alemüñ
+
+Çetr idi farkınuñ üstünde sehâb
+
+İtmeye hüsnini âzürde kitâb
+
+Sâye salmaz yere ol serv-i revân
+
+Sâyidâr ola mı ten gibi revân
+
+Levh-i mahfûz aña olmuşdı ‘ayân
+
+İşidürdi ne dise gizlü zebân
+
+Teni olmuş idi ayîne-misâl
+
+Görinür idi ne vehm itse hayâl
+
+İdüp engüşt-i elfiyle dünûn
+
+Kadrini nân-ı mehüñ kıldı fürûn
+
+Söyledi dest-i şerîfinde hacer
+
+Yüridi gel diyü emr itdi şecer
+
+Eyledi çünki dırahte çü nazar
+
+Virdi tâze oluben berk ü semer
+
+Barmagundan akıdup Âb-ı Hayât
+
+Verdi teşne-dil olanlara necât
+
+Dön diyüp çün gûne emr itdi resûl
+
+Döndi yerine idüp emr-i kabûl
+
+‘Arz idicek aña hâlini cemel
+
+Kıldı müşküllerini lutf-ile hal
+
+Virdi Hakk hâr-ı mugaylana lisân
+
+Eyledi mürsel idügini beyân
+
+Kisrînüñ kasrını kesr eyliyen ol
+
+Nerdubânsız bulan ol Sidreye yol
+
+Meş’al ol idi şem’-i pesîn
+
+Mihr-i ‘irfân idi vü mâh-ı metîn
+
+Olmuş idi bir aña zâhîr ü gayb
+
+Sâdıku'l- kavl sözi bî-şekk ü reyb
+
+
+-----
+
+
+
+Enbiyâ mefhari vü tâc-ı rüsül
+
+Himmeti bedrekası hâdi-i pül
+
+Nice diyemem aña Âb-ı Hayât
+
+Kim irişmez yolına anı memât
+
+Hâtem-i hâtime-i ehl-i belâg
+
+Mihrdür hazret gayrısı çerâg
+
+‘Alim olanlara ol ‘ilm-i fezây
+
+Câhil olanlara ol râh- nümây
+
+Yüz sürer pâyine Cibrîl-i Emîn
+
+Fakr idi fahri onuñ lîk hemîn
+
+Âsmânuñ idüben tahtına şâh
+
+Kıldı Hak başına Levlâk-i külâh
+
+Şer‘-i şemşîri-y-ile buldı cihân
+
+Cennet-i ‘Adn gibi emn ü emân
+
+Kadriñi bilmede hayretde beşer
+
+İdemez fikr-i dakîkıyla nazar
+
+Enbiyâ müftisi kâzi-i enâm
+
+Hikmeti gör dinür ümmî aña nâm
+
+Oldı bir hatve aña arş-ı Hudâ
+
+Nerdübân pâyeleri sakf-ı semâ
+
+Mahzen-i ma‘rifete kufl u emîn
+
+Kamer-i çarh-berin mahzar-ı zemîn
+
+Râmdur emrine mülk ü melekût
+
+Zeyni zâtı-y-ıla bâg-ı ceberût
+
+Çokdurur mu’cizesi lîk ‘acîb
+
+Bu durur eyleyicek fikr-i lebîb
+
+Bir gice eyledi ‘azm-i melekût
+
+Ola cevlângehi tâ kim ceberût
+
+‘Arş u kürsi vü eflâk temâm
+
+Anı seyr eyledi sür’atle imâm
+
+Kıldı bir anda ‘urûcıyla nüzûl
+
+Bisteri germ idi geldikde resûl
+
+Geldi lutfı-y-ıla çü sultân-ı kerem
+
+
+-----
+
+
+
+Rahmet itdi hedâya-yı ümem
+
+Çâr-yârı oluben gevher-i çâr
+
+Her biri dîn evine oldı cidâr
+
+Yâr-ı gârı biri Bû Bekr-i Sıddîk
+
+Sâni isneyn-i mezelli vü şefîk
+
+‘Adl ü dâda biri menba‘ü kân
+
+Yüz sürer idi işigine Kiyân
+
+Biri ‘Osmân idi deryâ-yı hayâ
+
+Câmi‘-i menzil idi yemm-i vefâ
+
+Biri dahı Esedu'llâh -ı velî
+
+Evliyâ serveri ya'ni ki ‘Alî
+
+Oldı her biri yem-i kurbde güm
+
+Râdiyâ'llâh u Te’âlâ ‘Anhüm
+
+Ale ashâba ta’assub iden er
+
+Görmeye rahmet-i rahmândan eser
+
+Yâ İlâhi olıcak vakt-i kıyâm
+
+Bunları eyle Behiştî'ye imâm
+
+Eyleyüp anlara cennetde karîn
+
+Eyleme düzah-ı firkatde hazîn
+
+ZİKR-İ MEHÂMİD-İ HALİFE-İ ZAMÂN MUCİB-İ EMN Ü EMÂN
+
+Ey cihân memleket-i pâdişehî
+
+Sedd-i islâm u şerî‘at-penehî
+
+Hâmi-i dâyire-i mülket-i Rûm
+
+Vâzı‘-ı sünnet u mâhî-i rüsûm
+
+Sürme-i ehl-i nazar hâk-i derüñ
+
+Tavk-ı sultânlara bend kemerüñ
+
+‘Adlüñ ile bulalı zeyn zamân
+
+Her harâb oldı mu’azzez çü cinân
+
+Oldı pür ‘âleme bir vech ile dâd
+
+Dâd lafzın unudur âdemi-zâd
+
+Olıcak ebr-i kefüñ lûlû-feşân
+
+Pür olur hokka-i dür gibi cihân
+
+
+-----
+
+
+
+Sîm u zer eyleyesin çünki nisâr
+
+Kîse gibi pür olur heft diyâr
+
+Nesi var Hâtemün ihsân n’ola
+
+Ki saña beñzeye itdükde sehâ
+
+Bezl kılmakda la'l ile zer
+
+Kân-ı deryâya mı beñzeye beşer
+
+Gerçi her gün pür olur lâl-feşân
+
+Göricek cûduñ ider şermî nihân
+
+Âsmân-ı hatem olur mihr-i nigîn
+
+K'ola destüñde semâ-y-ıla zemîn
+
+Saña çetr olmaga ey ‘âli-cenâb
+
+Çerhüñ etrâfına gün saldı tınâb
+
+Çün hilâl alsun ele hançer-i tîz
+
+Tîg-ı hûrşîd idemez saña sitîz
+
+Tâcdih-i tâcsitân mülk-güşây
+
+Fikri mir'ât-i felek müşteri-rây
+
+Mâhveş râyet-i hurşîde karîn
+
+‘Arş olur nûr ele ferş-i zemîn
+
+Perçem-i tûgı ne tâvus-ı cinân
+
+Cilvede dâim olur müşg-feşân
+
+Mihr ile mehden alur remhi külâh
+
+Âsmân-gîr idi rif’atda çü mâh
+
+Cengde çün ele ol şeh ala yâ
+
+Eylemez tir-i kâza gibi hatâ
+
+Mihrveş çünki çeke hışm-ıle tîg
+
+Çâk ola vehmi-y-ile zümre-i mîg
+
+Siper olmaz ele gürz alsa cidâr
+
+Nûk-ı peykân ider âhına kâr
+
+Bâl-ı Cibrîl olur ol şâha siper
+
+İtmeye tîr kadar tâ ki zarar
+
+Beñzemez nâhunına harbe-i berk
+
+Nice vehm eylemesün garb ile şark
+
+Rûzgâr eblâkını eyledi râm
+
+Tevsen-i çarha takar kadri licâm
+
+
+-----
+
+
+
+Her seher her şeb idüp kûs-ı nidâ
+
+Emn-i emâna ider halka salâ
+
+Devlet-i şem’ine pervâne kamer
+
+Bagladı hıdmet-i Cevzâya kemer
+
+Şâhı-ı bî-dâr dil ü ‘âlî-cenâb
+
+‘Adl oldı ki fiten çeşmine h[v]âb
+
+a Kurretü'l- ‘ayni kamu ‘âlemüñ ol
+
+Dürretü't-tâcı benî-âdemüñ ol
+
+Zeyl-i çetri oluben halka penâh
+
+Sâyesine irişen geydi külâh
+
+Mâh-ı nev oldugı bu terk-i külâh
+
+Zamm ide anı külâhına ki şâh
+
+Sûreti sîreti beñzer melege
+
+Bâbınuñ rif’ati döndi felege
+
+‘Aleme kutb durur emne medâr
+
+Kutbveş devlet-ile tuta karar
+
+Pâdişehler oluben ana gulâm
+
+Haşre dek şâh ola dünyâya temâm
+
+Bâbına bende ola feth u zafer
+
+Bula zâtıyla şeref tâc u kemer
+
+Devleti mihrine irmeye zevâl
+
+Dâyimâ şâd ola görmiye melâl
+
+SEBEB-İ NAZM-I KİTÂB-I MÜŞGİN -NİKÂB Ü MAHMİDET-İ MÜNŞİ-İ HİTÂB-I
+
+MÜSTETÂB
+
+Subh-dem hâtif-ı gayb itdi hitâb
+
+Didi sür’atle geçer vakt-i şebâb
+
+Gâfil olma ki geçer ‘ömr çü bâd
+
+Gelmede gitmededür âdemî-zâd
+
+Bahr-i emvâc gibi halk geçer
+
+Görinür nesne yok illa ki eser
+
+Eser oldur ki ola anda sebât
+
+Nâm-ı zinde ide çün Âb-ı Hayât
+
+Nedür ol sâbit eser nazm-ı latîf
+
+
+-----
+
+
+
+Kim olur anuñ-ile nâm-ı şerîf
+
+Haşre dek zindedür ol kim koya nâm
+
+Mürde dür zinde ise dahı ‘avâm
+
+Rûmda sencileyin nâm u nişân
+
+Komadı kimse turaldan bu cihân
+
+‘Âleme mihr ideli ‘arz-ı cemâl
+
+Dogmadı sencileyin ehl-i kemâl
+
+Penc Genc'i çü nasîb itdi İlâh
+
+Bende-i efkar idüñ eyledi şâh
+
+Sa’y kıl kılmaga sen anı temâm
+
+Ki sühan mülki ola hükmüñe râm
+
+Hamse hams olmag-ıla kadr bulur
+
+Bu temâm olmayıcak nâkıs olur
+
+Hamse bunuñla olur çünki temâm
+
+İhtimâm it buña kıl nevmî harâm
+
+Gencdür sineñ ü miftâh-ı kalem
+
+Eyle envâ‘-i kemâlât rakam
+
+Tîşedür hâme vü kân oldu devât
+
+Sîm ü zer yirine bezl eyle nebât
+
+Ney şeker hâme midâd oldı şeker
+
+Kand ile ko ki dola bahr ile ber
+
+Sadef oldı dilüñ ma‘ni güher
+
+Pâkini nakm kıl oldur ki hüner
+
+Baş çeküp hırkaya gavvâs misâl
+
+Gavta kıl bahr-ı dile dürlerin al
+
+Ol cevâhirleri kıl halka nisâr
+
+Ki sadef gibi pür ola bu diyâr
+
+Eyle bir sihr gören ehl-i füsûn
+
+Zevk u şevkından ola tâ ki hebûn
+
+Şu‘bede- bâzlık it yine ki halk
+
+Penc Genc idügini bile bu delk
+
+Göstere her biri bir dürlü cemâl
+
+‘Arz ide her biri bir dürlü kemâl
+
+
+-----
+
+
+
+Bâbilîler görüp insâf ideler
+
+Bileler var ki kerâmetden eser
+
+Hum-ı ‘aşk oldı devâtuñ dolu meyi
+
+Hem sarîr-i kalemün nâle-i neyi
+
+Rûh-bahş oldı kelâmuñ çü Mesîh
+
+Gelmedi saña bedel ehl ü fasîh
+
+
+Şeker-i nazmuña girüp meges
+
+Nahl-i Meryem misin ey ‘İsî-nefes
+
+Nûk-i hâmüñ çün ide bâng ü sarîr
+
+Mürg-i cennet ötinür ki ide safîr
+
+Penc Gence uralı pençe sen
+
+Her kişi saña didi pençe-şiken
+
+Urduñ ise kemerine kimüñ el
+
+Bendeveş hıdmetüñe bagladı bel
+
+İtmesün kimsene destine ta‘ab
+
+Disün el arkası yerde saña heb
+
+Eyledüm çünki bu efsâneye gûş
+
+Kıldı deryâ-yı ma‘âni yine cûş
+
+Dil hazâyin gibi olmuş idi pür
+
+Bezl kıldum yine bu ‘âleme dür
+
+Görüp ihsânımı tâ bahr ile kân
+
+Zer saçup olmayalar lûlü- feşân
+
+İde her biri metâ‘ını nihân
+
+Şerm idüp itmeye varını ‘ayân
+
+Himmetümi idünüp bâl u perüm
+
+Sidreye uçmaga oldı nazarum
+
+a Himmetî ‘âli olan ‘âlî-güher
+
+Eylemez ‘âlem-i süfliye nazar
+
+Perr-i Cebrâ'îl olup bâl u perüm
+
+Müntehâya olacakdur seferüm
+
+Ey Behiştî saña tevfîk Hudâ
+
+Cümle kâruñda ola râh-nümâ
+
+MATLA‘I- EFSÂNE-İ PÜR-EFSUN BEHRÂM-I GUR-I ŞİR-İ ZUR
+
+
+-----
+
+
+
+Genc peymâ-yı hazâyîn-i Hudâ
+
+Hâme miftâhın idüp kufl güşâ
+
+Açdı bu mahzeni bezl itdi güher
+
+Çü sadef toldı cihân içi dürer
+
+Yâd idicek geçen efsâneleri
+
+Didi bu resme virüben haberi
+
+Yezd cürd eyledi çün terk-i külâh
+
+Oldı Behrâm ‘Acem mülkine şâh
+
+Bagladı beline şâhâne kemer
+
+Buldı anuñla şeref dîhim-i zer
+
+Nevbetin nevbetile çaldı zamân
+
+Oldı pür sıyt sadâsıyla cihân
+
+Oldı bâbında anuñ kûs-ı sipihr
+
+Zühr-i hünyâger ü deffâf idi mihr
+
+Nâme ile buluban kadr-ı direm
+
+Hutbesi ile ider fahr ‘Acem
+
+‘Adl u dâdıyla bulup emn ü emân
+
+Sanasın huld-berîn oldu cihân
+
+Gam gidüp toldı ‘Acem mülki ferâh
+
+Düşmeninde dahı kalmadı terah
+
+Hâmi-i beyzâ ider bâzi küleng
+
+Beccesi gibi yalar gûrı peleng
+
+İdüp âhû berre-i şîr ile sîr
+
+Dâyeveş besler idi mihr ile şîr
+
+Görse bir bâmda biñ yerde ciger
+
+Zegan itmez idi vehmi-y-le nazar
+
+Ni’met ile toluban mülk-i Kiyân
+
+Döndi bakkâl dükânına cihân
+
+Çog idi şarkda gâyet de sitem
+
+Çekdi ol resm-i sitem üzre rakam
+
+Var ise her ne kadar huşk-şecer
+
+Verdi devrinde anuñ tâze semer
+
+Kâr-ı ‘âlem tutup anuñla nizâm
+
+Cümle ser-keşler olur hükmüne râm
+
+
+-----
+
+
+
+a Kıldı sâyilleri ihsânı ganî
+
+Takdı zâlimlere ‘adlî reseni
+
+Şâhlıkda yogidi aña hemâl
+
+Pehlivânlıkda hemîn Rüstem-i Zâl
+
+Şâd olup hulkı-y-la halk-ı cihân
+
+Olur âsûde zemîn-i-y-le zamân
+
+Rezm de alsa ele tîr ü kemân
+
+Pûr-ı Zâl isteye havfından emân
+
+Hasmına salsa kaçan gürz-i girân
+
+Degmeden sâyesi virür idi cân
+
+Kahrla Kaf'a eger ursa sinân
+
+Tafsiye döndüre zahm-i-y-le hemân
+
+Gürzini çekmede zahmet çeke pîl
+
+Nîzesi mi'at çün mi'at-i mîl
+
+Düzilelden berü nâvek ile yâ
+
+Gelmedi ancılayın şast-güşâ
+
+Bezm de keffi güher-rîzi sehâb
+
+Rezmde tîgi virür meh gibi tâb
+
+Rezm u bezmidi işi seyr ü şikâr
+
+Bir nefes gün gibi tutmazd karar
+
+Bir idi neste aña gûr u neheng
+
+Tîgına döymez idi şîr ü peleng
+
+b Sayda uydurmaz idi yüz yele bâz
+
+Gayrdan gayruya yog idi niyâz
+
+Sag u sâlim dilese itmege bend
+
+Gerden-i şîre salar bend-i kemend
+
+Darb-ı desti soruyıp girye gibi
+
+İtdügin gürbeyi itmezdi sabi
+
+**ŞİKÂR-KERDEN-İ BEHRÂM-I NÂM-DÂR VE**
+
+**KÜŞTEN-İ BEBR DER-ŞİKÂR**
+
+Turdı bir gün seherî şâh-ı cihân
+
+Kasd kıldı kim ola sayda revân
+
+Çekdiler cenge bir dîv- nijâd
+
+
+-----
+
+
+
+Kim tozın görmez idi pûyede bâd
+
+Rahş-ı Rüstem gibi yük çekmede cüst
+
+Cümle endâm-ı kemâlinde dürüst
+
+Gerdeni kavs-ı kuzat idi hemân
+
+Çâr-per-i tîr idi çün ola revân
+
+Adı Şeb-reng-i siyeh hem-çü sehâb
+
+Cüstdi hamlede mânend-i şihâb
+
+Sayda üstünden itmeseydi hadeng
+
+Tîr ile bile irüşür çü peleng
+
+a Âhına gark olicek rûz-ı musâf
+
+Saf içinde görinür idi çü Kâf
+
+Bindi Şeb-rengine ol şîr-i jiyân
+
+Aldı destine kemend-i-y-le kemân
+
+Oldı serverler ile sayda revân
+
+Düşdiler deşte olup bâd-vezân
+
+Cüst ü cû itdi irüp saydgehe
+
+Gösterir yerlü yerini sipehe
+
+Halkaveş devr kılur deşt-i siyâh
+
+Kalmadı dâm u dede kaçmaga râh
+
+Oldı ol dâyireye şâh medâr
+
+Deşt çün hâne-i çîn itdi nigâr
+
+Mürde peykerler ile toldı zemîn
+
+Nat‘-ı hüsniyye döner deşt hemîn
+
+Bâb-zen itdi gözine gehi tîr
+
+Ki kemendiyle şikâr eyledi şîr
+
+Gelse ögine eger pîl-i demân
+
+Müştini eyler idi gürz-i girân
+
+Müştinüñ darbını çünkim yiye pîl
+
+Sürhabın yıkılup olurdı zelîl
+
+Tîg-i vehminden anuñ şîr-i jiyân
+
+Gürbeveş mîşede olurdı nihân
+
+b Buldı ol deştde bir bebr-i ‘acîb
+
+Dîv-i vârun gibi gâyetde mehîb
+
+
+-----
+
+
+
+Cüssede pîl idi vü pençede şîr
+
+Cevşeni çâk ider idi çü harîr
+
+Kime ugradıyısa kıldı helâk
+
+Cübbesin cevşenini eyledi çâk
+
+Gözi fessâd çanagıydı hemîn
+
+Hârveş mûyi huşûnetde haşîn
+
+Deşneyidi dişi çengâli çü tîg
+
+Hışm iderdi harekât eylese mîg
+
+Kuyrugun deprücek hem çü neheng
+
+Siñecek yer bulamaz kühde peleng
+
+Görünüp esneyüp açaydı dehân
+
+Gülhen-i tefteye benzerdi hemân
+
+Nicesi destüñ idüp çînini çâk
+
+Üstine çünki saça hışmile hâk
+
+Göricek vehm kıla Rüstem-i Zâl
+
+Tîge el urmaga bulmaya mecâl
+
+Gördi Behrâm anı çün saldı semend
+
+Diledi kim sala bu yanuna kemend
+
+Varmadı esb-i ciger itdi sitem
+
+İndi tîg aldı ele şâh-ı ‘Acem
+
+a Sıçradı cüst ki şâhı ide çâk
+
+İtdi bir darb ile şâh anı helâk
+
+Gördiler itdügini bu işi şâh
+
+Kıldılar çümle du‘a mîr ü sipâh
+
+Şâm irince idüben şöyle şikâr
+
+Geldi pes devlet ile mîr-i küsâr
+
+**SIFAT-I BEZM-İ BEHRÂM BÂ-DİLÂ-RÂM-I GÜL-ENDÂM**
+
+Bir gün oldı kati bârân ile bâd
+
+Varmadı sayda şeh-i ‘âli-nijâd
+
+‘Azm-i bezm itdi vezin eyledi taht
+
+Hem-dem-i ‘izzet ü ikbâl ile baht
+
+‘Adeti olmış idi bu iki kâr
+
+Meclis eylerdi çün itmeye şikâr
+
+
+-----
+
+
+
+Kıldılar def’i havâssına haber
+
+Virdi her peri gelüp meclise fer
+
+Düşinüp sefere ni’am oldı zelîl
+
+İtdiler şerbet su gibi sebîl
+
+Toldı pes ‘âlet-i bezmiyle zemîn
+
+Aldı sazın ele her zümre-i çîn
+
+b Var idi bir sanem-i çeng-nevâz
+
+Başdan ayaga teni işve vü nâz
+
+Zümre âyin ü dilâ-râm-ı benâm
+
+Reşk iderdi göricek mâh-ı temâm
+
+Bir Hıtâyî-sanem ü Çînî-nîjâd
+
+Görmemiş mislini kim âdemî-zâd
+
+Mûcib-i şevkıdı evzâ’i kamu
+
+Ser-i mûyıdı dehânı beli mû
+
+Dag urup lâleye hâl-i siyehi
+
+İtdi şermende ruh-ı mihr ü mehî
+
+Fitne-ger gamzesi gammâz anuñ
+
+Pür-hayl turrası tınnâz anuñ
+
+La'li çün bâde zenahdânı çü hâm
+
+Ola mı buncılayın bâde haram
+
+Vesmesi fitne idi sürmesi nâz
+
+Biñ dil alsa aña bir lahzada az
+
+Hüsn evcinde mehi dikdi ‘alem
+
+Nâhunı dürr idi engüşti kalem
+
+Hâyil olmazdı ana pireheni
+
+Şîşe içinde gülâb idi teni
+
+Serv-nâz idi boyu ‘ömri dırâz
+
+Berk idi işvesi vü mîvesi nâz
+
+a Nâr- pistân idi vü sîb-i zekan
+
+Yâsemîn-sîne idi gonce-dehen
+
+Zülfinüñ her hamı kullâb-ı kulûb
+
+Sözinüñ şehd-i şeker gibi ‘uzub
+
+Lebi hurmâsı virür hastaya cân
+
+Hokka-i la’li olur lûlü-feşân
+
+
+-----
+
+
+
+Mâhidi cebhesi vü saçı sehâb
+
+Heves-engîz çü eyyâm-i şebâb
+
+Ruh-ı gül-rengi virüp güllere reng
+
+Deheni itdi dil-i gonce teng
+
+Gamzesi tîr idi vü kaşları yay
+
+Sine mi dil mi döyer bunlara hây
+
+Ceşm-i mestânesi bî-mâr-ı humâr
+
+Gamzesi kâtil-i dil-dâde-i zâr
+
+Oluben zülfi perîşân u dijem
+
+Pîc pîc idi olup yâllesi ham
+
+Düzd-i dil idi saçınuñ reseni
+
+Mahbes-i cânidi câh-ı zekanı
+
+Añsa saçıyla olur nâfe-feşân
+
+Toldı micmer gibi ‘ıtrıyla cihân
+
+Gürzine tolaşur saçı çü mâr
+
+Mâr-gîr idi san ol şûh-nigar
+
+Gûş-vârı virüben hüsn-i behâ
+
+Görinür mihr yanında çü sehâ
+
+Leb-i şîrîni hemîn şeker ü şîr
+
+Nâzenîn cismi çü kâfurî hamîr
+
+Şikemi hırmen-i gül idi hemân
+
+Câmdan virür idi nâfi nişân
+
+Her regi rişte idi hâyili dür
+
+Şîşe idi teni ya hamr ile pür
+
+Nideyüm her tarafı bâg-ı cinân
+
+Misli olmaya meger ‘aksi hemân
+
+Pây-ı hınnâlu vü hınnâsı nigâr
+
+Lâle-zâr idi tehî pây-ı çenâr
+
+Başdan ayaga letâfetde ‘aceb
+
+Görse her kim ki dutar lerze-i teb
+
+Dökülür söyleyicek kand u nebât
+
+Cân virür ölmişe çün Âb-ı Hayât
+
+Nâlveş inceyidi beli hemân
+
+
+-----
+
+
+
+Aña avîhte ol mâye-i cân
+
+Şöyle nâz ile kuşanmışdı kuşak
+
+Zillete inmiş idi kûşesi çâk
+
+Geldi biñ şîve ile bezme çü mâh
+
+Buldı zeyn anuñ ile meclis-i şâh
+
+a Meh-likâlar tutup eârafına saf
+
+Kimi saz aldı ele kimisi def
+
+Alup ol mâhârâya çü nücûm
+
+İtdiler her ne ise vaz‘ u rüsûm
+
+Aldı çengini ele itdi enîn
+
+Seyledür câmidi ol zümre-i Cîn
+
+Kaddi ham pîri idüp tâze cüvân
+
+‘Aşk esrârını iletdi beyân
+
+Ne kadar kim var ise râz-ı nihân
+
+Eyledi pîr ü cüvânhalka ‘ayân
+
+Dutmasa dâmenin otar u veted
+
+Tutmaz idi anı şevkından ahed
+
+Duralı gâh idüben anı terâş
+
+İder idi ki enîn sîne-hırâş
+
+Bükilüp iki kat olup iñiler
+
+Dilde derdi var anuñ dahı meger
+
+‘Aşkdan olmışdı lâgar u zâr
+
+Sayılurdı regi mânend-i nevâr
+
+Perdeden taşar kaçan itse figân
+
+Gûş-mâl eyler idi ehl-i hemân
+
+Cildi bir pîşrev ol nakş-ı garîb
+
+Mest olup vicde-dâr u şâh-ı lebîb
+
+b Nakşına renk virüp itdi edâ
+
+Rûh- bahş oldı her itdügi sadâ
+
+Çaldı tasnifini bir resme dürüst
+
+Zührenüñ çengi olur reşk-ile süst
+
+Şevkle gâh geh eyledügi âh
+
+Hâlet-ı ‘aşkına olurdı güvâh
+
+
+-----
+
+
+
+Şâhı bir resmle kerem itdi nigâr
+
+Eyledi sîm u zerî bezme nisâr
+
+Aldı sâkî ele memzûc-ile câm
+
+Kıldı tâvûs-i cinân gibi hırâm
+
+İbtidâ şâha sunar câm-ı zeri
+
+Leb-i nuklıyla virüp gül-şekeri
+
+Ba’de devr ider ashâb temâm
+
+Sâki-i serv-kad u kebg-i hırâm
+
+Gâh mâh aldı ele gâh hilâl
+
+Devr idüp eyler idi gunc-ı delâl
+
+Gâh yâkûta geh elmâsa döner
+
+Sihrde kâmil idi sâki meger
+
+Gâh pür olur idi gâh tehi
+
+Gözedürdi sanasın gökde mehi
+
+Câm-ı zer-mest olup açıldı hemân
+
+İtdi memzûc dili sırr-ı nihân
+
+a Germ olur sanki âolu aâker olur
+
+Canlanur lûlesi bir ejder olur
+
+Ejdehâ kâm döküp Âb-ı Hayât
+
+Zehr-i gam mürdesine virdi necât
+
+Kebg ü dürrâc ile tolmuşdı simât
+
+İştihâ-germ virür kalbe neşât
+
+Tâze tâze gelüben bezme kebâb
+
+Tolu tolu açılır oldı şarâb
+
+Kimki mert olsa şehenşâh-ı cihân
+
+Gönderir meskenine anı hemân
+
+Mest olan gitdi kalur şâh ile mâh
+
+Germ olup çekdi kenâra mehi şâh
+
+Leb-i zevkında bulup lezzet-i cân
+
+Basdı bagrına anı şâh-ı cihân
+
+Leb-i yâdına nice bir aça pîl
+
+Oldı bâlini gül ü bisteri gil
+
+Subha dek sürdı anuñ zevkını şâh
+
+
+-----
+
+
+
+Çıkuben taâta sihir geydi külâh
+
+Yok cihânda çü bilür idi vefâ
+
+İşi ‘işret idi her subh u mesâ
+
+**REFTEN-I BEHRÂM-İ NÂM-DÂR-I BE ‘AZM-İ ŞİKÂR**
+
+**Ü KÜŞTE ŞODEN-İ EJDEHÂ-YI MEHİB**
+
+**DER DEST-İ SER-EFRÂZ-I NESİB**
+
+Bir gün itdi yine şeh ‘azm-i şikâr
+
+Oldı serverler ile sayda süvâr
+
+Saydı içün uyduruben yüz yele bâz
+
+Aldılar gâh kuzen u gehi kâz
+
+Dest-i geşt eyler iken şâh-ı cihân
+
+Gûşına irdi enîn-ile figân
+
+Vardı geldügi yire bâmg-i ‘acîb
+
+Gördi bir ejder-i hûn-rîz-i mehîb
+
+Var dehânında ki bir tâze cüvân
+
+Yudmış ol ejder ider âh u figân
+
+Agzı içinde alup nıûf-ı nihân
+
+Taşrada nıtf dahı lîk ‘ayân
+
+Yudmış anı cübbe vü cevşen ile
+
+Belki kılıcı kalkanı bile
+
+Tîg çekmiş ki ide ya’ni ki helâk
+
+Dem urup yudmış ol anı çü megâk
+
+Na’ra urdı göricek şâh-ı cihân
+
+Kodı agzından anı ani yılân
+
+Kasd-ı şâh eyleyüp oldı çü revân
+
+Aldı ol şîr eline tîr ü kemân
+
+a Görmemiş idi dahı tîr ü kemân
+
+Bahr-ı Kulzüm gibi mevc urdı hemân
+
+Her hamî kavs-ı kuzah idi hemîn
+
+Nefesiyy-ile ider çâk -i zemîn
+
+Tel idi başı dehânı çü megâk
+
+Heybeti zümre-i dîvî ide hâk
+
+Zehr-i mîzâb idi dişi hemân
+
+Merg-i seyl-âbını eylerdi revân
+
+
+-----
+
+
+
+Pul pul idi teni her füls-i siper
+
+Ra’d okı atmaz idi ana zarar
+
+Cismine pulları san cevşen idi
+
+Pür şerâre deheni külhen idi
+
+Meş’ale idi iki gözi hemân
+
+Dûdede gâh nihân gâh ‘ayân
+
+Kaldurup başın aça çeşm çü mâr
+
+Gicede sanki yanar kûhda nâr
+
+Eyledi desti demi-y-ile megâk
+
+Gâve dek eyleyüben sînesi hâk
+
+Saçdı şâh üstine od açdı dehân
+
+Tokunup itmedi amma ki ziyân
+
+Kaldı şeh ateş içinde çü Halîl
+
+Sakladı lutfı-y-ıla lîk Celîl
+
+b İder otdan çü siyâvuş-güzer
+
+Gelmedi bir kılına dahı zarar
+
+Urdu çok tîr aña sultân-ı cihân
+
+Kâr-ger olmadı kılmadı ziyân
+
+Gördi kim cismine tîr itmedi kâr
+
+Gözedir çeşmini ol şîr-i şikâr
+
+Kesmeler urdı onuñ hışmına şâh
+
+Ki cihân gözlerine oldı siyâh
+
+Urdı yirden yire kendüyi yılan
+
+Şeh görüp aldı ele gürz-i girân
+
+Gördi Şeb-rengini şeh varmada süst
+
+İndi atdan yüridi ejdere cüst
+
+Def’-i tiryâk süründiyidi hem
+
+Cismine ermiye tâsamdan elem
+
+Urdı şol deñli aña gürz-i girân
+
+Seyl olup akdı ki magzı-y-ile kan
+
+Kaldı hayretde görüp anı sipâh
+
+Gelmedi Şeb-rengine bindi yine şâh
+
+Leşkeri cümle idüp şâha du’â
+
+
+-----
+
+
+
+Didiler ola mübârek bu gazâ
+
+Görmedük kimsede bu resme ciger
+
+Ejdehâlık budur ey ejder-i ner
+
+a Zahmlu server olup anda helâk
+
+Kazdılar defn içün ol yerde megâk
+
+Kıldılar çünki namâzını sipâh
+
+Defn idüp türbe yapar üstine şâh
+
+İtdiler genc gibi yirde nihân
+
+Şehre döndi yine Dârâ-yı- zamân
+
+Gice gündüz işini ‘işret ider
+
+Kesret-i şurb virür mülke zarar
+
+Avda-Şeb-rengdi Behrâm'a enîs
+
+Avda dil-dâr idi hem-râz u celîs
+
+**REFTEN-İ BEHRÂM-I NÂM-DÂR VE ŞİKÂR**
+
+**U KÜŞTEN-İ ŞİRÂN-I Bİ-ŞÜMÂR**
+
+Şâh-ı maşrık çıkıban tahta seher
+
+Saçdı germiyyet ile ‘âleme zer
+
+İtdi divân şeh-i Dârâb-nijâd
+
+Vâris-i mülk-i Cem u Pûr-ı Kubâd
+
+Taht-ı Kâvûsa çıkup eyledi dâd
+
+Oldı ‘adli ile âsûde ‘ibâd
+
+Pehlevânlar oluben yanına cem’
+
+Tutdılar lûlü-yı şeh-vârına şem’
+
+b Yerlü yerine geçüp mîr ü vezîr
+
+Toldı dîvân içi bürnâ-y-ıla pîr
+
+Dökülüp ni’met ü seyl oldı şarâb
+
+Bire büryân idi mürg idi kebâb
+
+Çünki yenildi temâm oldı ni’am
+
+Halk hayfini sorar şâh-ı ‘Acem
+
+Kime kulm oldı ise eyledi dâd
+
+Oldı her gussalu dâdı ile şâd
+
+Bir bölük halk gelüp itdi figân
+
+Didiler dâd eyâ şâh-ı cihân
+
+
+-----
+
+
+
+Şehrümüzi idüben şîr harâb
+
+Hiç bir kimsede kalmadı devâb
+
+Bir neyistân var içi tolu esedd
+
+Zühresi yok giçe yanından ahadd
+
+İkisi bir yire gelseydi eger
+
+‘Alemi eyler idi zîr ü zeber
+
+Her biri cüssede bir pîli hem��n
+
+Yâ musavver-ecel almakda revân
+
+Şeh didi gam yemeñüz dâd idelüm
+
+Kırup anları sizi şâd idelüm
+
+Dâm-ı dûdan ideyim ‘âlemi bâc
+
+Kılayum sînelerin tîg-ile çâk
+
+a Bindi pes atına fil-hâl dilîr
+
+Gûr yirine ki sayd eyleye şîr
+
+Ol neyistânı varup gördi çü şâh
+
+Emr kıldı alur ortaya sipâh
+
+Od yakar her kişi önünde ‘acîb
+
+Gelmiye yanına tâ şîr-i mehîb
+
+Şîrdür otdan ider vehm ü hazer
+
+Geçüp eyleyimez insâna zarar
+
+Âteşîn halka olur çünki sipâh
+
+Girdi ortaya medâr olmaga şâh
+
+Urdılar çünki yine âteş-i tîz
+
+Neysitândan ded ü dâm itdi gürîz
+
+Her ne suya ki hücûm itse esed
+
+Geçmez âteş olur râhına sed
+
+Kırdaşa bunları kassâb gibi
+
+Akdı kan her yaña seyl-âb gibi
+
+Oldılar mâde vü ner cümle helâk
+
+Oldı ol memleket anuñ-ile pâk
+
+Tîg-ıla şâh u hadeng-ile sipâh
+
+Virmediler esede kaçmaga râh
+
+Eyleyüp şâha re’âyâsı du’â
+
+Herkesi eyledi cân ile senâ
+
+
+-----
+
+
+
+b Âferîn didi sipihr üzre melek
+
+Egilür öpmege destini felek
+
+Oldı bu feth-ile her kişi ferah
+
+Kimsenüñ kalmadı kalbinde terah
+
+Geldi şehre yine nûş eyledi mey
+
+Başladı yine terâne def ü ney
+
+Yine çeng aldı ele Zühre-i çîn
+
+Yine ‘ûd eyledi feryâd u enîn
+
+Yine zer-pâş oluben bezmde şâh
+
+Yine pür oldı zer uhk-i siyâh
+
+**‘AZM-İ HAKAN-I ÇİN BE-KASD-I SAYD-I BEHRÂM U**
+
+**KÜŞTE-ŞODEN-İ -DER DEST-İ PEHLEVÂN**
+
+Her kime kim ola ikbâl atı râm
+
+Eylesün kanda ki eylerse hırâm
+
+‘İzz ü devlet kişiye çün ola yâr
+
+Düşmeni olsa cihân halkına vâr
+
+Uyumaz bahtı ol uyursa eger
+
+Zehr yirse olur agzında şeker
+
+‘Ayş olur işi şehüñ çünki müdâm
+
+‘Avk ider gâyet anı ceng-ile câm
+
+a Gâh tefrît vü geh ifrât ider
+
+Şehligüñ şevkatine virdi zarar
+
+Didilerse ne kadar tutmadı söz
+
+Dökdüler mülkine a’dâları köz
+
+Hâl-i İrân bilüp şâh-ı Hıtây
+
+Kasd kıldı basa o milkete pây
+
+Nâmeler gönderüben beglere şâh
+
+Emr ider encümen ola ki sipâh
+
+Hiddetiyle çün olur cem’-i sipâh
+
+‘Azm-i rezm eyledi vü geydi külâh
+
+Subh-dem kâr dem eyledi enîn
+
+Âsitânına gelür leşker-i Çîn
+
+Cümle ‘âlem oluben cevşene gark
+
+
+-----
+
+
+
+Âhen olmuşdı tehi pây ile fark
+
+Kurdılar pîl-i sepîd üzre serîr
+
+Çıkdı oturdı emîrâne emîr
+
+Şevketiyle çeküp İrâna sipâh
+
+Merv yolını tutup yüridi şâh
+
+‘Âlemüñ içi tolup bâng ü derây
+
+Eyledi kulagı ger rûyına nây
+
+At sahîbi-y-ile âvâze-i nâs
+
+Çökerdürdi felegi şöyle ki tas
+
+b Virdi elvân-ile envâ’-tırâz
+
+Hayl-i Hâkâniye haylice birâz
+
+Bahr idi seyl gibi lîk revân
+
+Seyl idi mevc velî gürz-i girân
+
+Toluben ‘âlem içi Çinî sipâh
+
+Yir yüzin tutdı Tatar hem-çü giyâh
+
+Her biri geydi nemed üzre zirih
+
+Tîrden kalmadı kalbinde girîh
+
+Pür idi her birinüñ tirkeşi tîr
+
+Bir idi oklarına der’u harîr
+
+Girüden ‘âlemi tutmuşdı kulem
+
+Meş’ale oldı veli tâb-ı ‘alem
+
+Kondı har-gâhı nüzûl eyledi ân
+
+Sâkin oldı yine deryâ-yı revân
+
+Her birisi nemedin çadır ider
+
+İtmeye tâ ki güneş tâbı zarar
+
+Aldılar zeynlerini cümle hemân
+
+Gitdi her esb-i çerâ-gâhe çemân
+
+Ne ‘alef virdi ne hod hayli gam var
+
+Otlayup her birisi tutdı kinâr
+
+Kımız içdi kimi ezdi kimi keş
+
+Gâyet ulularınuñ yedügi leş
+
+a Bilmez idi ki biri neydügini nân
+
+Bildügi at eti bâl idi hemân
+
+
+-----
+
+
+
+Hân idüp bir iki gün anda karâr
+
+Leşkerin yokladı yok gördi şümâr
+
+Rîk-i kuhsâre bulunırdı ‘aded
+
+Lîk ol hayili bilmezdi ahad
+
+Gördiler cümle gidemez bu sipâh
+
+Gider ise bulamaz âb u giyâh
+
+On bölük atdı sipâs-ı şeh-i Çîn
+
+Olmaya gark-ı muhîte ki zemîn
+
+Kıldı her bölüge bir serveri ser
+
+Virüben sîm u zer ü tâc u kemer
+
+Didi ardımca gelüñ siz de hemîn
+
+Ola kîm feth ola İrân zemîn
+
+Bagladı bu işe mecmû’-ı miyân
+
+Oldılar ‘azm idüben Merve revân
+
+İrdi ser-hadde çü sulân-ı Hıtây
+
+Toldı İrânıñ içi âh ile vây
+
+Gârete başladı cumhûr-ı Tatar
+
+İtdiler nice yiri zîr u zeber
+
+Şâh Behrâm'a irişdi çü haber
+
+Ceng içün leşkerini hâzır ider
+
+b Bildügi gördügi serverleri şâh
+
+Getürüp yanına gerd itdi sipâh
+
+Kasd kıldı ide hasm-ı-y-la neberd
+
+Mergine merg diye derdine derd
+
+Didi destûr eyâ şâh-ı zamân
+
+Toludur hayl-i Hıtâ-y-ıla cihân
+
+Habeşi-y-ile Tatar hayline had
+
+Komadı kimse idüp cümle ‘aded
+
+Bunlara hasûm olamaz hîç sipâh
+
+Bula hayliyle meger kimsene râh
+
+Buldıgı mâlı idüp bahş-ı sipâh
+
+Hoş-dil itdi sipehini yine şâh
+
+Didi Hak baña olur ise mu’în
+
+Gûrveş ola zebûnum şeh-i Çîn
+
+
+-----
+
+
+
+‘Avn-i Hakdan eger olmaya meded
+
+Bilürüm baña mu’în olmaz ahed
+
+İ’tikâdum bu velî leşker-i Çîn
+
+Desti bir dem göre çünkim geh kin
+
+Vehm idüp eylemeye ceng-ü cidâl
+
+Kaçmaga yüz tuta kalmaya kıtâl
+
+Arkama çünki geyüp bebr-i beyân
+
+Rezm de alam ele tîr ü kemân
+
+a Kaçmaga döndüre yüz Rüstem-i Zâl
+
+Bulmaya benüm ile çünki mecâl
+
+Bunı böyle dir iken şâh-ı cihân
+
+Rûmdan dahı gelür peyk-i revân
+
+Didi ‘asker virüben Kayser-i Rûm
+
+Eyledi mülket-i İrâna hücûm
+
+Bir sipeh kim dahı mislini zamân
+
+Görmedi halk olalı mülk-i cihân
+
+Âhına gark oluben başdan ayak
+
+Kimi fâris sipehüñ kimi yayak
+
+Heftelik yola gider bâng-i sahîl
+
+Toldı pes nat’-ı zemîn esb ile pîl
+
+Yitmedügi içün anlara miyâh
+
+İtdi galbîr yerüñ yüzini câh
+
+Nirde konsalar ey şâh-ı zemîn
+
+Nîzeden kûha döner deşt hemîn
+
+Hayme vü har-geh ile toldı cihân
+
+Haymeler mevc-i sipeh bahr-i revân
+
+İtdi gerdûn ile kendüye hiûâr
+
+İtmeye tâ ki şeb-i hûn aña kâr
+
+Tüfek u top ile zeyn oldı hisâr
+
+Yogidi reh ki sabâ ide güzâr
+
+b Gice bâl ahayıdı şeb-reh-i ger
+
+Biñ tüfek eyler idi haste ciger
+
+Harbe vü sih-ile sûr itdi sipâh
+
+
+-----
+
+
+
+Kal’alar içre huzûr eyledi şâh
+
+Arasında uçayum dise zübâb
+
+Sançılur harbelere hem-çü kebâb
+
+Sende yok anda olan âlet-i harb
+
+Eyleme anuñ ıla harb ile darb
+
+Gaflet itdüñ idi şah-ı cihân
+
+Her tarafdan saña hasm oldı ‘ayân
+
+Çün işitdi bu sözi şâh-ı ‘Acem
+
+Eyledi anı ihâta hem ü gam
+
+Göñli isterdi anuñ daâı kıtâl
+
+Hasm iki oldugına geldi melâl
+
+Kankı suya ki olur ise revân
+
+Yol bulur bir yañadan düşmen-i cân
+
+İki kürbe ide bir şîri zebûn
+
+İki miyve ide bir şâı nigûn
+
+İki yüz biñ kişi cem’itdi temâm
+
+Her biri âfet ü hûnı vü benâm
+
+Kodı yüz elli biñin şehrde şâh
+
+Hasmdan saklıya tâ taht-ı sipâh
+
+a Bir begi var idi gâyetde dilîr
+
+Çarh olmaz vü siper itse ki tîr
+
+Kardeşi oglı idi fürs-i benâm
+
+Tîz u hûn-pâş idi mânend-i hüsâm
+
+Kıldı serverlere ol serveri ser
+
+Didi vehm itmege olur feth u zafer
+
+Turuñuz siz varayum Tebrîze ben
+
+Şâyed ola ki olam hasm-şiken
+
+Ma’bedüm var kıluban anda namâz
+
+İdeyüm Hâlıka ‘acz ile niyâz
+
+Size çünkim gele nezdik Tatar
+
+Gönderesüz şeh-i Tûrâna haber
+
+Kaçdı Behrâm deyüp edâ idesiz
+
+İnkıyâd ile şehi şâd idesiz
+
+
+-----
+
+
+
+Kim urup kılmaya İrânı harâb
+
+Çünki eylemeye hışmı-y-la şitâb
+
+Elli biñ server ile oldı süvâr
+
+Her biri ma’nîde bir sâm-ı süvâr
+
+İkişer yaylu atı iki şer
+
+Yükleri yayları şemşîr u teber
+
+Göçüben eyledi Tebrîz'e sefer
+
+Kayser-i Rûma dahı oldı haber
+
+b Karşuladı sanuben Kayser-i Rûm
+
+Kodı kıldugını sür’atle hücûm
+
+Başladı inmege gitmekde direng
+
+Ola âsûde şehe tâ ki ceng
+
+Kayser eglendügini bildi çü şâh
+
+‘Azm-i hakân idüben çekdi sipâh
+
+Buldı bir bedreka-ı râh-nümâ
+
+‘Alemi devr idici hem-çü sabâ
+
+Şâh bir yoldan alup oldu revân
+
+Bilmeye vardugın üstine ki ân
+
+Fürs ider şeh gidicek elçi revân
+
+Gaflet eyleme sözi eyle ki ân
+
+Gıybet eyledügini şâh-ı cihân
+
+Eyledi ilçi-y-ile şâha ‘ayân
+
+Didi biz bendelerüz Hazret-i Hân
+
+Kulluga bizi kabûl itse hemân
+
+Varayum hidmetine yüz süreyüm
+
+Şâhumuz oldı yüzini göreyüm
+
+Nice oldugını hıdmet göre şâh
+
+Kuluyam ben de vü hem cümle sipâh
+
+Kendinündür kamu İrân-zemîn
+
+Komasun yıkmağa haylini hemîn
+
+a Sîm ü zer nakd-ı cevâhir ne ki var
+
+Yoluna ânuñ idem cümle nisâr
+
+Cân u dilden kulı kurbanı bile
+
+Leşker incinmeye âheste gele
+
+
+-----
+
+
+
+Karşular memleketüñ halkı şehi
+
+Hâzır oldı kamu İrân sipehi
+
+Varalum ‘izzet ü ikrâm idelüm
+
+‘Alemi hıdmetine râm idelüm
+
+Aldanur ilçi sözine şeh-i Çîn
+
+Oturur memleket ucunda hemîn
+
+Geh yeyüp gâh içüp eylerdi şikâr
+
+‘Ayş u ‘işretde idi leyl ü nehâr
+
+Gice gündüz dimeyüp gitdi berây
+
+Hâna iletdi şehi râh-ı nümây
+
+Gördiler kaldı yakîn Hüsrev-i Çîn
+
+İtdi bir gûşei Behrâm kemîn
+
+Ol gün asâyiş idüp anda sipâh
+
+Olup âsûde gider rahmet-i rah
+
+Şeb olur hâzır ider âlet-i ceng
+
+Bir nefes eylemedi dahı direng
+
+İtmege ânı şebî-hûn u hakîr
+
+Çaldılar tabl u nekâr-ı-y-la nefîr
+
+b Ol giçe hikmet-i Gûr Hüsrev-i Çin
+
+Har-gehün itmişidi huld-ı berîn
+
+Çîn idüp begleri itmiş idi bezm
+
+‘Ayş u nûş idi añlamaz idi rezm
+
+Yemek içmek idi lâfîdi güzâf
+
+Kımz u bal içün idi çog lâf
+
+Her biri yatdı olup mest harâb
+
+Evvelâ itdi şebî-hûnı şarâb
+
+Dâhı gâfil idüben anları h[v]âb
+
+H[v]âbdan kalmadı bir kimsede tâb
+
+Ba’dehu itdi şebî-hûnı ‘adû
+
+Tutdılar kaçmaga her birisi rû
+
+Mest ü lâ-ya’kil idi hayl-i Hıtây
+
+Alamadılar ele tir ile yay
+
+Ugradı har-geh-i hakâna çü şâh
+
+
+-----
+
+
+
+Almış ortaya görür mest-i sipâh
+
+Atdan indi eline aldı hüsâm
+
+İtdi hâfıklaruñ işini temâm
+
+Girdi har-geh içine şâh-ı zemîn
+
+Uyanur ‘arbededen hüsrev-i Çîn
+
+.
+Gördi pürhar-geh içi nâle vü vây
+
+Aldı tîgîn eline şâh-ı Hıtây
+
+a Hân karşuladı Behrâm-ı dilîr
+
+Ceng ider biri biriyle iki şîr
+
+Bir kılıç vurdı aña şâh-ı ‘Acem
+
+Abanos iken olur taht-ı bekâm
+
+İtdi ol zahm ile hakânı zebûn
+
+Tahtdan düşdi yire zâr u nigûn
+
+Virdi cân düşdügi gibi şeh-i Çin
+
+Kaldı andan dahı Turân-i zemîn
+
+Günde biñ şeh yir ola hâk-ı siyâh
+
+Göze görüneni amma ki giyâh
+
+Olmada oldı müsâvî çü beşer
+
+Ne belâdur yâ bu tâcıyla kemer
+
+İçirür her kişiye merg çü mül
+
+Kurıbaş agrısıdur bâng-i dühül
+
+Çün refîk olmaz imiş mâl-ile câh
+
+Ol mıdur nef’ki artura günâh
+
+Fikr ideydi kişi mevtini eger
+
+Saklamaz idi yıgıp sîm ile zer
+
+Hâl-i’âlemden olan kimse haber
+
+Eylemez devlet-i âynaya nazar
+
+Kişide çün ola fi'l-cümle kemâl
+
+Görinür mi gözine mâl u menâl
+
+b Göz olur çün bir avuç hâk ile pür
+
+Nazaruñda bir ola seng ile dür
+
+İ’tibar oldı çü gaflet-i sebî
+
+Aldanan kimse olur aña tabî
+
+
+-----
+
+
+
+İ’tibârât-ı tılısm itdi Hudâ
+
+Sanma gördügini tahkiki ola
+
+Râki’at ise olur çünki hayâl
+
+Pes hayâle ne için bunca melâl
+
+**ÇEŞEN-İ ŞÂH-I İRÂN-ZEMİN VE NİHÂDEN-İ TÂC-I METÂ’-I**
+
+**BER-SER-BER HÂKÂN-I ÇÎN VE MERÂSİLE-İ**
+
+**CİHÂN-PEHLEVÂN BÂ-KAYSER-I ŞÂH-I RÛM**
+
+Kıldı hakânuñ işin şeh çü temâm
+
+Kırmadı ‘askerini eyledi râm
+
+Hânuñ olmuş idi bir oglı esîr
+
+Yerine eyledi şâh anı emîr
+
+Kuşadup tîg geyürdi aña tâc
+
+‘Ahd kıldı vire amma ki harâc
+
+Cân u dilden oluben bende-i şâh
+
+Nîk-h[v]âh oldı şehe cümle sipâh
+
+Bunlarun sıdkına şeh itdi çü hazm
+
+Koyuben rezmi ider hân ile bezm
+
+Yeyüp içüp çü çıkar başa şarâb
+
+Dost-kâmiler içer şeyh ile şâb
+
+Yüz üzüp hân didi ey şâh-ı zemîn
+
+Bendelerden biri bil bizi hemîn
+
+Ol Hudâ hakkı ki yaratdı cihân
+
+Nitekim ola vücûdumda revân
+
+Yâr olam yâruña a’dâña ‘adû
+
+İtmiyem hıdmetüñe çîn-be-rû
+
+Baş u cân yoluña cân ile fidâ
+
+Cümle kâruñda ola yâr Hudâ
+
+Bir muradum var eyâ şâh-ı cihân
+
+Diyeyüm hazretüne bâri ‘ayân
+
+Dilegüm olmaz ise bâri kabûl
+
+Cân u dilden oluram şâh-ı melûl
+
+Yirde yatdukca şehâ hüsrev-i Çin
+
+Ola Behrâm şeh-i rûy-ı zemîn
+
+
+-----
+
+
+
+Bir kızı kaldı eyâ şâh-ı serîr
+
+Gelmedi gelmeyiser aña nazîr
+
+Mihr-ruhsâredür ol mâh-cebîn
+
+Reşk ider görse yüzin sûret-i Çîn
+
+b Gamzesi tir ü kaşı cacı kemân
+
+İstikâmetde boyı nîze hemân
+
+Çeşm-i bî-mârı çü nâz ile süzer
+
+‘Alemüñ halk olur haste çiger
+
+Fitneger kaşını çün eyleye çîn
+
+Dil ider sîne-i vehm ile kemîn
+
+Hareketde beli baykını müdâm
+
+Mürg-i dil saydına her bir kılı dâm
+
+Sînesi âyîne-i gayb-nümâ
+
+Mihr-i mirâtına feyz ide safâ
+
+Göricek sûretini reşk ide hûr
+
+Başdan ayaga teni gün gibi nûr
+
+Boyı uzun beli ince teni nerm
+
+Görse yüzini melâyik ola germ
+
+Kaşı gözi kara vü sînesi ak
+
+On ikisinde dürür sinni de çâk
+
+Agzı burnı uvacık küh-ı serîn
+
+Mûya beñzer beli dikkatde hemîn
+
+Utanur yüriyicek kebg-i deri
+
+Gizlenür andan idüp şerm peri
+
+Nakşı gâyetde güzel adı Nigâr
+
+Cânda arâm komaz dilde karâr
+
+Ol sanem çift-i şeh olursa revâ
+
+Şehden artuk yok aña çift-i sezâ
+
+Mihr ider ölüm buyurur iseñ eger
+
+Olsun âmîhte şîr ile şeker
+
+Çün nigâruñ işidür vasfını şâh
+
+Germ olup sûda ider mihre külâh
+
+Didi çün bizi kabûl eyledi hân
+
+Râzıyam bende nikâh eyle hemân
+
+
+-----
+
+
+
+Vâliyidi çü nikâh eyledi şâh
+
+‘Akd-ı mihr eylediler mihr ile mâh
+
+Kodu yâsı dügine başladı hân
+
+Şâdlıg-ı-y-ıla tolar cümle cihân
+
+Eyledi sûr-ı sürûr-ı-y-la herây
+
+Gûş-ger eyledi mugan ile nây
+
+Çeşn işin çünki temâm eyledi şâh
+
+Oldı hem-h[v]âbe şehenşâh ile mâh
+
+Gördi şeh bir sanem-i lâle-’izâr
+
+Vâkı’â ismi gibi resm-i nigâr
+
+Göricek biñ dil ü cân-ı-y-la sever
+
+‘Aşk gönlinde şehüñ eyledi yer
+
+Bir iki gün sürüp anuñ ile dem
+
+Döndi mülkine yine şâh-ı ‘Acem
+
+Şâha bedrûd idüben hüsrev-i Çîn
+
+Geldi Çine dil-i düşmenden emîn
+
+Geyüben başına Behrâmî külâh
+
+Oldı hâkân yerine mülkine Şâh
+
+Vardı istahra şehenşeh dahı şâd
+
+Rûz u şeb hem-demi ol hûr-nijâd
+
+Vardı çün tahtına sultân-ı ‘Acem
+
+Emr ider mûr-bed alur deste kalem
+
+Yazmaga Kaysere mektûb-ı debîr
+
+Eyledi müşk-ile âlûde harîr
+
+Evvelâ yazanı ki evveli yok
+
+Bî-nihâyet keremi ni’meti çok
+
+Hâlık-ı hulkdür ferd ü samed
+
+İdemez nisbet na kimse veled
+
+Her kime virdiyise fazlı vücûd
+
+Farzdur kim aña eyleye sücûd
+
+Nâmıya oldı çün ol ism-i berâz
+
+Başdan ayaga olur nâme-tırâz
+
+Vasf idemez şeref-i ismini nâz
+
+
+-----
+
+
+
+Şeref-i zâtını kıl aña kıyâs
+
+Keremi vâsıta-i halk-i vücûd
+
+Eser-i lutf-ı bû nâ-bûd ile bûd
+
+a Âdemî-zâde viren ‘akl u kemâl
+
+‘İzz ü ikrâm u kerâmât ü celâl
+
+Hâzini olamadı çerâg u zemîn
+
+Âdemi eyledi gencîne emîn
+
+Ba’dehu Kaysere pes itdi selâm
+
+Kıldı ta’zîm-ile tekrîmi temâm
+
+Didi ey pâdişeh-i nîk-nijâd
+
+Zâtına lâzım olan dâniş ü dâd
+
+Neyledim n’itdüm ola bari saña
+
+Ki ‘adâvet idesin şöyle baña
+
+Saña bir kimse ki kılmaya zarar
+
+Baglama kasdına kîn ile kemer
+
+Eyleme kendüñe ahbâb-ı ‘adû
+
+Dâyima sag gelür sanma sebû
+
+Yiyebildügüñ aşa uzada el
+
+İdebildigüñ işe baglaya bel
+
+Lokma kim olmaya hazm anı yeme
+
+Ki kılur semm gibi muhtâc-ı seme
+
+Çün nefes yolını sedd eyliye nâm
+
+Şübhesüz sür’at ider çıkmaga cân
+
+Beni bilmez misin ey Kayser-i Rûm
+
+Eyledüñ baña ne cân ile hücûm
+
+b Kurt koñşısını yemez çü şehâ
+
+Bize kasd eylemek ola mı revâ
+
+Konşıı konşıya sorar çün İlâh
+
+Bizi âzürde niçün eyleye şâh
+
+Eyledüñ çünki ta’âruz bu kadar
+
+Gâfil olma irüşür saña zarar
+
+Baña virmek gerek elbette harâc
+
+Yoksa vâllâh gider taht ile tâc
+
+
+-----
+
+
+
+Cenge çünkim çeke bir şâh-ı sipâh
+
+Havf idüp dönse gider genc ü külâh
+
+Pây-ı mâl olup olur hasma zebûn
+
+Şehler içinde olur baht-ı nigûn
+
+Varıcak dönme dinür var bu mesel
+
+Eyle sen dahı nasîhatle ‘amel
+
+Berü gel eyleyelüm ceng ü cidâl
+
+Göresin niçe olur sen de kıtâl
+
+Gırre olma sipeh-i gence şehâ
+
+Çün gele nusret olur cümle hebâ
+
+Cizye girü virmezseñ ceng iderüm
+
+‘Alemi gözlerüñe teng iderüm
+
+Hâzır ol kim çekerüm ben de sipâh
+
+Geyüben başuma pûlad külâh
+
+a Çün idem hınkumı meydânda cümân
+
+Divşüre Rüstem ise hasm gümân
+
+Çün idem nîzei m∞zâb-ı demâ
+
+Siperin ditrede vehm-i-y-le semâ
+
+Kankı server ki baña egmeye baş
+
+Başı ucında diker dehr eli taş
+
+Şîrlerden niçe aldugumı tâc
+
+Halk-ı ‘âlem baña virdügüni bâc
+
+İşidüpdür bilürem şâh-ı cihân
+
+İtmesün oda çü pervâne revân
+
+Eyledi bana husûmet şeh-i Çîn
+
+Hâlin işitdük eyâ şâh-ı zemîn
+
+Sen baña gelmez iseñ ben varayum
+
+Turabilür mi sipâhuñ göreyüm
+
+Hasmuñ idem çü reyâhına nazar
+
+Görinür bana Hudâ hakkı eber
+
+Ne kadar çokluk olur ise sipâh
+
+Görinür gözlerüne hem-çü giyâh
+
+Tîgıma cümle cihân halkı zebûn
+
+Gam yok olursa ‘adû hayli füzûn
+
+
+-----
+
+
+
+Mülkiñe varur iseñ sag u esen
+
+Bilesin bilmedüñ ise beni sen
+
+b Nâmei öyle diyüp itdi temâm
+
+Ve's-selâm-ile aña itdi hitâm
+
+Buldı bir ehl-i dil ü mîr-i kelâm
+
+Nâmei virdi şehe itdi selâm
+
+Didi var baña getür togrı haber
+
+Ya kıtâl eyleyelüm ya vire zer
+
+Nâmei aldı resûl oldı revân
+
+Hazret-i Kaysere irişdi demân
+
+Yüz urup şâha du’â itdi resûl
+
+Göricek nâmesini oldı melûl
+
+Bildi Behrâm ile ger eyliye ceng
+
+Rûm mülkini ider ceşmine teng
+
+Şeh-i Çîn ana ki olmaya hemâl
+
+Hasm anuñla bula mı çünki mecâl
+
+Çâresi sulh-ı derây şâh-ı hemîn
+
+Başa çıkmaz aña her kim ide kîn
+
+Virüp ilçisine çok sîm ile zer
+
+‘İzz ü ikrâm u ri’âyetler ider
+
+Bir kızı var idi hûrşîd-i zemîn
+
+Müşterî-tal’at u nâmıyıdı çîn
+
+Kaddi Tûbâ idi ruhsârı cinân
+
+Kevser idi leb-i mey-gûnî hemân
+
+a Kasd ider kim añı Behrâma vire
+
+Ta ki göñliñe anuñ ile gire
+
+İdine kendiye dâmâd anı şâh
+
+Telef olmaya ara yirde sipâh
+
+Hasmına hasm ola vü yârına yâr
+
+Biri biriyle ide ‘ahd u karâr
+
+Beglere söyledi tedbîrini şâh
+
+Maûlahat gördi bu râyını sipâh
+
+Koşdı ilçisine destûrını şâh
+
+
+-----
+
+
+
+Virdi çok sîm u zer u taht u külâh
+
+Meh-likâya virübenhayli cihâz
+
+Bile gönderdi vü’arz itdi niyâz
+
+Gerd-i gerdûne çün ol mâh-likâ
+
+Gördi reşk eyledi gerdûn-ı semâ
+
+Kadr buldı meh-ile hem-çü felek
+
+Sâyebân itdi cenah aña melek
+
+Anı zeyn itmişidi kırmızı sîb
+
+Çarh-ı atlas gibi bulmışıdı zîb
+
+Çeküben tevsen-i gerdûn-hırâm
+
+Seyr ider sür’at-ile Dârü's-selâm
+
+Aldı oraya anı Rûmî sipâh
+
+Hûblar hâle arasında o mâh
+
+b Oldı mihire çü gerdûn-ı makâm
+
+Halka gösterdi makâmât-ı temâm
+
+Düzdi her çarh-ı ber-avâzeye sâz
+
+Keşf olur ‘âleme ol sâz-ile râz
+
+Âsmân idi velî sâyir olur
+
+Çarhdan fark bu ol dâyir olur
+
+Üştüre estere yogidi ‘aded
+
+Cümlesin bilmez idi hîç ahed
+
+Yükleri yeşim ü zer ü la’l u kumaş
+
+Bister anuñ kimi kimi ferrâş
+
+Rûmî mahbûblaru Rûmî gulâm
+
+Her biri lâle-ruh u serv-i hırâm
+
+Oldılar ‘azm idip İrâna revân
+
+Ol sefer anlarun ‘iydiydi hemân
+
+Kona göçe ol iki ilçi gider
+
+Yaglı ballu ikisi yeyüp içer
+
+İlçiler geldi çü İrâna karîb
+
+Virdi Behrâm işidüp mülkine zîb
+
+Karşular memleket ucunda sipâh
+
+Cümle begler ile yok arada şâh
+
+
+-----
+
+
+
+‘Âlemün toldı içi bâng ü nevâ
+
+Oldı her kûşede ‘ıyş ile safâ
+
+a Sâz u söz oldı kamu reh-güzerî
+
+‘Ayş u nûş oldı hemânâ seferî
+
+İrdi çün şöhret-ile şehre nigâr
+
+Oldı râhına zer ü sîm-nisâr
+
+Çokdı bânûları agır ile hem
+
+Geldi yirine pes âyîn-i ‘Acem
+
+Oldılar karşulayup la’l-feşân
+
+La’l üzere yüridi serv-i revân
+
+Tevseni pâyine hınna idi lâ’l
+
+Aşınur lûluya basmagıle na’l
+
+Döşediler yoluna hazz ü harîr
+
+Saçdılar her harafa müşk ü ‘anber
+
+Düşdi sâzendeler ögine revân
+
+Nagme-ger kimi kimi raks-künân
+
+Çün sarâya gelür ol suret-i Çîn
+
+Karşular ‘izzet idüp şâh-ı zemîn
+
+Saçılar saçup aña hüsrev-i şark
+
+İtdi dür-dâne-i cevherlere gark
+
+Tutdı cennetde çün ol Tubî-mekân
+
+Oldı ol hûri-y-ile bâg-ı cinân
+
+Sûr-ı esbâbına pes başladı şâh
+
+Eyledi çeşn ü harab bir nice mâh
+
+b Bezl idüp ‘âleme sîm ile zeri
+
+Dökdi meclislere şehd ü şekeri
+
+Toldı kâlâ-yı garîb-i-y-le sarây
+
+Yer bulunmazdı iki kişi koya pây
+
+Ger olup bâng-i rebâb ile felek
+
+Geldi bülbül gibi ol bezme melek
+
+Bezm zeyn itdi görür kût-ı revân
+
+Oldı hayvân suyı kulmetde nihân
+
+Sâkinüñ kalmadı sâkında çü tâb
+
+Oldı âb ile tehî bâde habâb
+
+
+-----
+
+
+
+Zîynet-i bezm olalı kebk-i derî
+
+Almaz oldılar ele gül-şekeri
+
+Şerbet-i şehd olup arada sebîl
+
+Mevc urup akdı mey-i nâb çü Nîl
+
+Bülbüle bülbüli çün itdi sadâ
+
+Toldı ‘âlem içi bâng ile nidâ
+
+Akıdup agzı suyın meclise câm
+
+Eyledi serv gibi sâkîi hırâm
+
+Mest olur kor içine bülbüle baş
+
+Râz-ı sâgar açılup eyledi fâş
+
+Başladı şîveye sâkî-i zarîf
+
+Nagmeger okıdı eş’âr-ı latîf
+
+a Şevk-ıla şöyle içerler mey-i nâb
+
+Gark ider bunları kim seyl-i türab
+
+İzn virdi gidene şâh-ı cihân
+
+Kaldı mahremleri şâh ile hemân
+
+Gitdi anlar dahı şeh kaldı hemîn
+
+Kıldı ta’yin mihir mevrid-i dîn
+
+İtdiler ‘akd u nikâhı çü dürüst
+
+Getürür yanına şeh dilberi cüst
+
+Gördi Kayser kızınuñ çünki yüzîn
+
+Kendüzünden geçüp unıtdı sözin
+
+Gördügi yog idi bu resme nigâr
+
+Serv-kadd gonce-dehen lâle-’izâr
+
+Meyl idüp biñ dil ü cânıyla aña
+
+Subha dek sürdi anuñ-ile safâ
+
+Subh-dem eyledi dîvânını şâh
+
+Tahtına çıkdı geyüp başa külâh
+
+Bir ziyâfet ider ilçiye ki şâh
+
+Görmedi mislini hûrşîd ile mâh
+
+Sol kadar virdi aña sîm-ile zer
+
+İtmez oldı ki zer u sîme nazar
+
+Eyledi Kayser ile ‘ahd u karâr
+
+
+-----
+
+
+
+Kim olalar bir birine hisâr
+
+b Ogul ata oluben ol iki şâh
+
+Oldı bir ol iki mülk iki sipâh
+
+Gönderür ilçi ol ‘âli-nijâd
+
+Göricek Kayser olurhurrem ü şâd
+
+**REFTEN-İ CİHÂN -PEHLEVÂN MÂNEND-İ RES LÂN**
+
+**BE- MÜLK-İ HİNDUSİTÂN**
+
+Dimiş efsûn-ger-i efsâne-nigâr
+
+Sihr ile dürler idüp kilk nisâr
+
+Kasd iderhusrev-i iklîm-i ‘Acem
+
+Varuben Hinde dike anda ‘alem
+
+Seyr idüp memleket-i Hindî temâm
+
+Kendüye şehlerini eyleye râm
+
+Hep ‘ayâr eyleme serverlerini
+
+Sınayup gördü dilâverlerini
+
+Bile nice ider ol kavm-i kıtâl
+
+Kendüye anda bulınur mı hemâl
+
+Fethine çâre nedür fikr kıla
+
+Hîle ve erlik ile Hindî ala
+
+Yedi mülküñ olicek derdine mîr
+
+Kasd ider Hinde daâı şâh-ı dilîr
+
+a Yerine Nersi yine eyledi şâh
+
+Geydirür başına Behrâmî külâh
+
+İlçiler suretine girdi hemân
+
+Armagan hâzır idüp şâh-ı cihân
+
+Emr ider kâtib alur deste kalem
+
+İtmege nâme şeh-i Hinde rakam
+
+Evvelâ nakş idüben nâm-ıhudâ
+
+Yazdı ‘ünvânına hamd ile senâ
+
+Vâcib oldur ne kadar var ise nâs
+
+İdiler hazretine şükr ü sipâs
+
+Pâdişehler kamu yanında zelîl
+
+Birdürür kudretine peşşe vü pil
+
+
+-----
+
+
+
+Kimse virdügüne mâni’olamaz
+
+Sa’y-ile virmedügini alamaz
+
+Viren insâna kirâmât u cûd
+
+İtdiren aña sürûşına sücûd
+
+Oldı her bir eseri şâhid-i zât
+
+Anuñ emr-i-y-le hayât ile memât
+
+Yaradılmış kamu mahfi vü ‘ayân
+
+Her biri varlıgını itdi beyân
+
+Halk mahlûkdurur Hâlık odur
+
+Halk merzûkdurur Râzık odur
+
+b Her ki bir bilmez olur ehl-i cahîm
+
+Hâmiye ehli alur içe hamîm
+
+Bir dürür birligine itme gümân
+
+Şâhid-i vahdetidür kevn ü mekân
+
+Dimiş ey Hindüñ şehi göziñi aç
+
+Gönder elbette baña bâc u harâc
+
+Gönderür idüñ olunmazdı haleb
+
+Gelmedügine nedür şimdi sebeb
+
+Feyzuñi bir baña gönder zer ü sîm
+
+Tîgdan başıñ ola tâ ki selîm
+
+Düşmen idinme beni kendüñe sen
+
+Olmaya pirehenüñ tâ ki kefen
+
+Hışm ile Hinde çekem çünki sipâh
+
+Nizeler ‘âlemi tuta çü siyâh
+
+‘Alemi tolduruben tîg u teber
+
+Mülküñi eyliyeler zîr ü zeber
+
+Kalmaya kal’a ki olmaya harâb
+
+Kalmaya kimse ki çekmeye ‘azâb
+
+‘Avret ü oglan ola cümle esîr
+
+Kalmaya kimsenede köhne hasîr
+
+Mülk ü mâluñ ıla başıñ da gider
+
+Hele ben saña didüm togrı haber
+
+a Yaluñuz Hinde varup Rüstem-i Zâl
+
+Eylemişdür defe’ât ile kıtâl
+
+
+-----
+
+
+
+Hind serverleri bulamadı nefer
+
+Kıldı ol memleketi zîr ü zeber
+
+Çünki andan degülem ben dahı kem
+
+Hindülardan gele mi gönlüme gam
+
+Pehlevânum baña yok şimdi nakîr
+
+Terk-i tâc oldı baña zir-i serîr
+
+Elüme çünki alam tir ü kemâñ
+
+Varmadanhasm vire vehm-ile cân
+
+Elüme çünki alam tîg u mecen
+
+Gevşeni düşmenüñ ola kefen
+
+Senden ulu şeh idi Hüsrev-i Çîn
+
+Gitdi başı baña itmek-ile kîn
+
+‘Alemüñ şâhiyidi Kayser-i Rûm
+
+Turamadı baña itdüm çü hücûm
+
+Darb-ı dest ile olup tâc-ı giyân
+
+Olmuşum tîgum ile şâh-ı cihân
+
+Cengde kimdir uzadan baña dest
+
+Kim onuñ eylemeyem kadrini pest
+
+Çü cihazum altımda cümân
+
+Turamaz hamlesine pîl-i demân
+
+b Benden ögrendi cihân halkı neberd
+
+Görse kim tîgum olur zer gibi zerd
+
+Benim ile bilüben rezm ü kemâl
+
+Benden ögrendi cihân halkı cidâl
+
+Cehl ile eyler iseñ ceng ü cidâl
+
+Getürem başuna çok dürlü zevâl
+
+Sözimi tutup olursañ baña yâr
+
+Çalışayum yoluña leyl ü nehâr
+
+Cümle Hindî ideyüm emrüñe râm
+
+Şehlerini ideyüm saña gulâm
+
+Nâmei böyle diyüp itdi temâm
+
+Yazdı pes hirine temme kelâm
+
+
+-----
+
+
+
+Ne kadar var ise gâyet de dilîr
+
+Bile yoldaş idünür şâh-ı serîr
+
+Kodı her birini bir hidmete bes
+
+Ki görüp itmeye vehm anları kes
+
+Her biri kendüyi pinhân kılur
+
+Kimi sâyis kimi har-bende olur
+
+Bir kılâvuz oluben şâh-ı cihân
+
+Hinde bu hayl-i-y-ile oldı revân
+
+Hinde yakın varicek şâh-ı cihân
+
+Gönderür şeng- ile bir peyk-i revân
+
+Geldigin işidicek Hind şehi
+
+Gönderür karşulamaga sipehi
+
+Aldılar gitdiler ikrâmlar idüp
+
+Vardılar Dehliye müddetle gidüp
+
+Şöhret ile gelicek şehrine şâh
+
+Kondurur ‘izzet ile anı sipâh
+
+Pür olur et’amadan kondugı çây
+
+Matbaha döndi hemîn sahn-ı sarây
+
+Eyledi yeyüp içüp çünki huzûr
+
+Gidüben vehmi tolar kalb-i sürûr
+
+Şâh-ı şengül geyüben başa külâh
+
+İtdi dîvân kıluban cem’-i sipâh
+
+Encümen oldı gelüp çünki sipâh
+
+İlçiyi da’vet ider yanına Şâh
+
+Geldi çün şâh sarâyına karîb
+
+Pîş-keşlerle virüp kendüye zîb
+
+Çeküben pîş-keşin öpdi zemîn
+
+Çıkarup nâmesini sundı hemîn
+
+Başına kodı öpüp nâmei şâh
+
+Okudur işüdüp incindi sipâh
+
+Didiler kim kim ola şâh-ı ‘Acem
+
+Ki bu vehm ile idüp nâme-rakam
+
+b İ’tibâr itmeye göndere size
+
+Bu berâberdür ölüm ile bize
+
+
+-----
+
+
+
+Şeh dönüp ilçiye pes kıldı hiâb
+
+Eyledi hüsrev-i İrâna ‘itâb
+
+Didi dîvâne midür şâh-ı ‘Acem
+
+Diline geleni diye çü kalem
+
+Şol sühan kim ider ruhsârı midâd
+
+Diye mi anı olan ‘âlî -nijâd
+
+Ululuk olsa nijâdında eger
+
+Bize göndermez idi böylehaber
+
+Bir kişi kim giye başına külâh
+
+Her şehün kadrini bilmese günâh
+
+Hind ne mülk idügün bilmedi şâh
+
+Yokdurur sandı ola bunda sipâh
+
+Gelür ise göre hâlini n'ola
+
+Çînde bulmadıgını bunda bula
+
+Bilmemiş neydügini pîl meger
+
+Fark kılmaz ola ya nef’ ile zar
+
+Sanur ola bizi ol hayl-i Tatar
+
+Yok sanur bizde dahı tîg u teber
+
+Sanmasun bir ok atup bizi döner
+
+Cenkde biz iderüz sîne siper
+
+Toludur Hindüñ içi pîl-i demân
+
+Her biri leşkerimüñ şîr-i jiyân
+
+Bunlaruñ san’atıdır ceng ü cidâl
+
+Biri dönmez olur olursa kıtâl
+
+Ne söz idi bu söz anuñ ki dir ol
+
+Bize korkutmak ile mi bula yol
+
+Raylar başlarına giyeli tâc
+
+Virmediler daâı bir şâhaharâc
+
+Öldürürdüm ya iderdüm seni lâl
+
+Resmdür ilçiye yok lîk zevâl
+
+Didi Behrâm ki ey şâh-ı cihân
+
+Nakldür vâcib olan baña hemân
+
+
+-----
+
+
+
+Her ne kim didiyise Hazret-i şâh
+
+Dimesem olur idi baña günâh
+
+İder idi varicek baña ‘itâb
+
+Ne ‘itâb eyler idi belki ‘azâb
+
+Şâh-ı Hind itdi çü Behrâma nazar
+
+Gördi kim lâyık u dîhîm ü kemer
+
+Cüssede pîl ü şeca’atde çü şîr
+
+‘Akıl ü hoş-sühan ü merd-i dilîr
+
+Begenür gâyet anı şâh-ı cihân
+
+Kasd ider alı koya anda hemân
+
+b Virdi dîbâlar şemşîr ü kemer
+
+Cevherî tâc u zer ü sîm u güher
+
+Gönderür yine mekânına şehi
+
+İledür menzile seyyâre mehi
+
+**BEZM-İ ŞÂH-İ HİNDÜSİTÂN VÜ MUSÂRA’A-İ CİHÂN PEHLEVÂN**
+
+Derc iden derc-i ma’âniye dürer
+
+Şöyle nazm eyledi bu silke güher
+
+Ki seherden turuban Hind şehi
+
+Lâleveş başına geydi külehi
+
+Bâgda serv gibi kıldı karâr
+
+Çetr-i şâhı dutar üstinde çenâr
+
+Bezm-i saz aldı gülistânda çü gül
+
+Zeyn ider meclisini nukl ile mül
+
+Virdi fer meclise gılmân ile hûr
+
+Saçdılar şem’gibi her biri nûr
+
+Yer yer oturdı gelüp çeng-nevâz
+
+Her biri aldı ele nâz ile sâz
+
+Toldı sâkiler ile bezm-i şerîf
+
+Her biri sâde rutu şûh u zarîf
+
+a Geldi memzûc u sürâhî vü kadeh
+
+Kalb ola tâ zer u sîm ile ferah
+
+Meclis esbâbı kamu sîm ile zer
+
+Tâs-ı sakâ gibi pür câmı güher
+
+
+-----
+
+
+
+Geydi her sîm-beden gevherî tâc
+
+Hûbluk memleketinden k'ala bâc
+
+Gerd-i dibâlara baglandı kemer
+
+Hüsn-i kadrini mezîd eyledi zer
+
+İlçii meclisine da’vet ider
+
+Kodılar anuñ çün kürs-i zer
+
+Meclise geldi şükûhiyle çü şîr
+
+Döşediler rehine çînî harîr
+
+Saçdılar her yañadan sîm u zeri
+
+Sîm ü zer ferşe döner reh-güzeri
+
+Karşular şeh dahı bir niçe kadem
+
+Geldi oturdı ser-efrâz-ı ‘Acem
+
+Buldı şâh ile şeref kürsi-i zer
+
+Kürsi ûanhtem idi şâh-ı güher
+
+Gördiler hey'et ü sîmâda çü şîr
+
+Begenürler anı sultân u vezîr
+
+Yâl ü bâlına iderler çü nazar
+
+Egdiler Hind dilâverleri ser
+
+b Kadd ü kalebde görürler ki çü pîl
+
+Rân-ı bâzûsı hemîn rûyına mîl
+
+Döyemez niçesine bebr-i beyân
+
+Turamaz cümlesine şîr-i jiyân
+
+İtdi serverlere şeh dahı nazar
+
+Begenür bunları ol ejder-i ner
+
+İçilir şerbet olur devr-i temâm
+
+Çekilür meclise ardınca ta’âm
+
+Toldı hüsnîler ile sahn-ı sarây
+
+Kim bulınmazd kaşık komaga çây
+
+Mihr ü meh kurs olur bezm de nâm
+
+Ol tabak güller ile sofra cinân
+
+Yiyüp içildi çü götrüldi ta’âm
+
+Seyl olup akdı ara yerde müdâm
+
+Bahr-i yâkuta salup keştî-i zer
+
+Yıgılur nûde gibi nukl ü şeker
+
+
+-----
+
+
+
+Gün gibi devr idüben sâki vü câm
+
+Hûblar serv gibi buldı hırâm
+
+Ney idüp nâle kılur çeng ü figân
+
+Toldı avâze-i sâz-ile cihân
+
+İçilüp mey çü çıkar başa şarâb
+
+İtdi Behrâma şeh-i Hind hitâb
+
+a Didi ey server ü serdâr ü dilîr
+
+Cüsse de pîl vü seca’atde çü şîr
+
+Cân u dilden seni sevdüm hele ben
+
+Kıla bunda bizi terk eyleme sen
+
+Yokdur oglum ki idem yerüme şâh
+
+Hep senüñ mülk ü hazâyin ü sipâh
+
+İki İrân kadarı var bu diyâr
+
+Yedîbîn pâre yârer kal’ası var
+
+‘Ayş u nûş ile idüp sayd u şikâr
+
+Tâ şeref bula senüñ ile diyâr
+
+Bir kızum var vireyüm anı saña
+
+‘Ömrüñ oldukça du’â eyle baña
+
+Anda hatm oldı cemâl ile kemâl
+
+Yokdurur aña zamânında hemâl
+
+İtdi Behrâm çü bu sözleri gûş
+
+Şâd olup bir tolu itdi şeh nûş
+
+Baş urup emrüñe oldum didi râm
+
+Kıldı sevgend ile ‘ahdini temâm
+
+Şâh-ı Hind oldı bu ma’niye ferah
+
+Toldurup sundı aña yine kadeh
+
+Nûş idüp didi ki ey şâh-ı cihân
+
+Bir yaña olsa eger halk u cihân
+
+b Dönmezem gam yemezem ceng iderüm
+
+‘Alemi başlarına teng iderüm
+
+Bilmedi kadrimi Behrâm-ı dilîr
+
+Döyemez yoksa benüm pençe-i şîr
+
+Göresin çün ola ey şâh-ı kıtâl
+
+
+-----
+
+
+
+Bulunur mı baña meydânda hemâl
+
+Ya alıcak elüme gürz-i girân
+
+Döye mi heybetüme şîr-i jiyân
+
+Hüsrevâ olmıyıcak vakt-ı neberd
+
+Kadrıni bildiremez lâf ile merd
+
+Hele bir gün olalum seyre süvâr
+
+Göre merdâneligimi bu diyâr
+
+Göreler niçe olur erde hüner
+
+Tutulur ya niçe şemşîr ü siper
+
+Küşt-i girem bana her kim ura dest
+
+Basup elbet iderüm kadrin pest
+
+Bir zeber dest bul ey şâh-ı zemîn
+
+Kadd-ü kâlebde ola pîl hemîn
+
+Ki güreş dutam anuñ-ile fakîr
+
+Ya beni ol ya idem ben anı zîr
+
+Zûr u bâzumı göre halk-ı cihân
+
+Uzada medhine her kişi zebân
+
+a Var idi bir güreşür tâze cüvân
+
+Pile beñzerdi mehâbetde hemân
+
+Pîlden artuk idi eylese zûr
+
+Her öginde yer idi bir nice gûr
+
+Âhen olur idi destinde hamîr
+
+Görmemiş mislini bu ‘âlem-i pîr
+
+‘Azm-i rezm itse kaçana kim şehr-yâr
+
+Esb çekemez pîle olurdı süvâr
+
+Tîre ebridi degül idi beşer
+
+Sâ’ika sanur idi savtını ger
+
+Destinüñ her biri bir şâm∞-mecen
+
+Regi a’zâsunuñ içünde resen
+
+Agzı bir tüfte tenür idi hemân
+
+Her biri dişlerinüñ nûk-i sinân
+
+Burnı har-gâh u sütûn idi sütûn
+
+Zâl-i zerri ide küştîde zebûn
+
+
+-----
+
+
+
+Bu kadar gövde ile işci vü cüst
+
+Heft ile göre şeh olmaya süst
+
+Da’vet eyledi anı mescide şâh
+
+Geldi baş urdı şeh öñinde sipâh
+
+Gördi Behrâm anı bir pîl-ı sütürg
+
+Döyemez nicesine bebr ile gürg
+
+b Bakamazlar bu yüzine şöyle mehîb
+
+Döñdürür çarâa-geri arzı çü sîb
+
+Vehm kılmadı görüp anı dilîr
+
+Çekinür aña şikârına çü şîr
+
+Bildi Behrâmı dahı pîl-i siyâh
+
+Yâl ü bâlına oñat itdi nigâh
+
+Gördi bir Rüstem-i dem ejder ü ner
+
+Döyemez niçesine pîl ü hizebr
+
+Nazar itdükçe olur vehm-i füzûn
+
+Olmadan dert daâı oldı zebûn
+
+Emr ider şeh soyınur ol iki meyl
+
+Geldiler cüş ile meydâna çü seyl
+
+Pehlevân yerine turmışidi şâh
+
+Dest-yâri gibi pây öpdi sipâh
+
+Dest urup çün yapışur o iki pîl
+
+Sarmaşuben tolaşur san iki mîl
+
+Zûrı bâzûya getürdi iki şîr
+
+Oldı bir anlara bâl-i-y-ile zîr
+
+Cûş idüp iki tarafdan iki seyl
+
+Karışur birbirine Kulzum ü Nîl
+
+Tutuban bir kesesin şâh-ı cihân
+
+Sindurup yere ider anı hemân
+
+a Çaldı tagıtdı idüp def’-i zebûn
+
+Halk bildi kim idügini füzûn
+
+Çekdi bir ayagını yanına pes
+
+Asılur mahmil ile mânend-ı ceres
+
+Kündesin anlamayup itdi hemân
+
+Kaldı hayrân kaluban pir ü cüvân
+
+
+-----
+
+
+
+Def’i basdıgını ol pîli bu şîr
+
+Hayrete vardı görüp şâh u vezîr
+
+Sîm u zer itdiler üstine nisâr
+
+Sîm u zerden olur eârâf hiûâr
+
+Hil’at u tâc ile şemşîr ü kemer
+
+Virüp itdi şehi tâcına güher
+
+Bu güreş derdi di ey şâh-ı cihân
+
+Bir güreşmekle ne fark ola cüvân
+
+Güreşelüm iki kez dahı şehâ
+
+Artık eksik kim ise kâhir ola
+
+Yine el urdı silünüp iki dîv
+
+Sarılup birbirine kopdı girîv
+
+Oldı bî-cân çün iki ejder-i ner
+
+Na’ralar urır idi mest-i hizebr
+
+Kapdı başına çıkardı anı şâh
+
+Fark üstinde tutar hemçü külâh
+
+b Bahş idüp anda anı şâh-ı cihân
+
+Kodı arkasınuñ üstine hemân
+
+Döküben her biri bulut gibi ter
+
+Toprak oldular olup zîr ü zeber
+
+Yine silinüp urur çün şâh el
+
+İntifâ itdi siyeh hemîl-i bel
+
+Sedelemler ururıdı aña şâh
+
+Bulamaz idi velî kaçmaga râh
+
+Keşmiyândan çevirüp eyledi zîr
+
+Loglamalar virüben itdi esîr
+
+Tagıdur çünki câlib-i çenber ider
+
+Bükdi bâzularını hemçü kemer
+
+İledüp eñsesine destini cüst
+
+Şeh kodı oldı idüphaûmını süst
+
+Pes idüp öpdi pes önünde zemîn
+
+Didi kim yirde el arkası hemîn
+
+Baş urup geydi libâsın yine şâh
+
+
+-----
+
+
+
+Sevdi cân ile anı cümle sipâh
+
+Yüki yetince içüp şâh-ı ‘Acem
+
+‘İzn alup baûdı rikâbına kadem
+
+Binüben vardı visâkına revân
+
+Yatuben râhat olur serv-i revân
+
+**SÜVÂR ŞODEN-İ ŞÂH-I HİNDUSİTÂN VÜ**
+
+**MERDİ-NİM DEN-İ CİHÂN PEHLEVÂN**
+
+Tevsen-i çerha çü mihr oldı süvâr
+
+Bindi Behrâm-ile şeh tutdı kenâr
+
+Çıkdı seyrâna bile cümle sipâh
+
+Necm idi halk iki şeh mihr ile mâh
+
+‘Âleme toldı sadâ-y-ıla sahîl
+
+Gûş-ger ider idi na’ra-i pîl
+
+Vardı meydâna vü ûaf çekdi sipâh
+
+Didi Behrâma besâ lutf-ile şâh
+
+Ke'y cihângîr ü cihândâr u dilîr
+
+Zûr u bâzûda vü heybetde çü şîr
+
+Cilve kıl cilve gehüñ oldı mesâf
+
+Hind serverleri tâ kılmaya lâf
+
+Göreler niçe togar anadan er
+
+Tutulur ya nice şemşîr ü siper
+
+Yâ nice olur imiş esb-i cemân
+
+Tutulurmuş ya niçe şast u kemân
+
+Tutulur elde niçe tîr ü kemân
+
+Durulur saga sola nice nişân
+
+b Pes çerâyendesini itdi cemân
+
+Sandı görenler anı bâd-ı vezân
+
+Şâh-ı şehbâz idi vü raâşi ‘ukâb
+
+Hind serveler yanında gurâb
+
+İbtidâ aldı ele tîr ü kemân
+
+Urdı sagına vü solına nişân
+
+Urd anıñ dahı sûfârına tîr
+
+
+-----
+
+
+
+Hayretde vardı görüp şâh u vezîr[*]
+
+Bir okı ol atup şâh-ı cihân
+
+Kıldı sûfârını birine nişân
+
+Okına oldı yine okı siper
+
+Olmadı k'o hamel-i haste-ciger
+
+Halkalar eyledi meydânda nişân
+
+Ki ala nîze ele şâh-ı cihân
+
+Halkalardan çü zırıh geydi zemîn
+
+Kıldı şeh nîze ile bir yere cîn[* ]
+
+Âsiyâ gibi çevirdi anı tîz
+
+Urdı senge idüben sengine tiz
+
+Döymedi nîzesi zahmine hacer
+
+Güzer itdi nitekim bizden eber
+
+Gösterür bunlara çün lu’b-ı sinân
+
+Aldı def’i eline gürz-i girân
+
+İtdi perrân anı vâpesi devân
+
+Kabzasından yetişüp tutdı revân
+
+Âsmâna çıkıcak ebr misâl
+
+Reşk ider çünki yire ine hayâl
+
+Koyup anı eline aldı hüsâm
+
+Gösterir lu’blarun cümle temâm
+
+Âsmâna atuben tîg-ı revân
+
+İnmeden aldı ele tîr ü kemân
+
+Eyleyüp sür’atle rahş-ı demân
+
+Zeyn üstünde turur elde kemân
+
+Uruban râst-ı nişânına hedeng
+
+Urdı pes kabza-i şemşîrine ceng
+
+Yine vurdı sola vü saga nişân
+
+Oturup zeyne nihân itdi kemân
+
+Çaldı düşürdi atı na’lini hem
+
+- ** Vezin bozuk**
+
+- ** Çü: Çün**
+
+
+-----
+
+
+
+Sümm-i esbine irişmedi elem
+
+At segürdürken inüp yine biner[* ]
+
+Sür’atîle ki olur hayra nazar
+
+Ne kadar var ise lu’bile hüner
+
+Gösterir şâha şehi şîr-ciger
+
+Âferîn eyleyüben itdi nisâr
+
+Üstine her ne kadar genci ki var
+
+b Oldı ol mâh ile yagmacı ganî
+
+Hisse-dâr oldı şerîf ile denî
+
+Şâd olup geldi her âyine emîr
+
+Bile yanınca cihân-dâr-ı dilîr
+
+Subha dek eylediler ‘ayş ile nûş
+
+Demleri itdi yine mey gibi cûş
+
+Mest olup itdiler ol gice huzûr
+
+Şevk-ı dildâr ile pür kalbi sürûr
+
+**MÜJDE KERDEN-İ VEZİR ŞÂH-I HİNDUSİTÂN**
+
+**BE-CİHÂN PEHLEVÂN**
+
+Şâh-ı şengül turuben subh meger
+
+Gönderür kendi vezirine haber
+
+Ki gelüp halvet ola şâha karîn
+
+Biri ol ola biri şâh hemîn
+
+Gelüben şâha du’â itdi vezîr
+
+Yüz urup ayagına öpdi serîr
+
+Didi ey hem-reh u hem-râz u enîs
+
+Yâr-ı hem-zâd u vefâ-dâr u celîs
+
+İledüp tâc ile Behrâma kemer
+
+Eyledüm vâli-i mülk ile haber
+
+a Kızuma virdüm iderüm aña sûr
+
+Ki melikdür yaraşur hem-dem-ı hûr
+
+Bu sözi işidicek itdi pesend
+
+İrmesün devletüñe didi gezend
+
+Vardı Behrâma du’â itdi vezîr
+
+- ** At segürdürken inüp yine biner: At segürdürken yine inüp biner.**
+
+
+-----
+
+
+
+Didi ey lâyık-ı dîhîm ü serîr
+
+Çok selâm eyleyüben sizlere şâh
+
+Virdi taht ile libâsıyla külâh
+
+Kasdı bu vâli-i mülk ide sizi
+
+Anuñ içün size gönderdi bizi
+
+Kızını virdi ki dâmâd olasın
+
+Şâh olup memlekete şâd olasın
+
+Kız degüldür ya peridür ya melek
+
+Görmedi ancılayın mihri felek
+
+âulk idelden berü dünyâyıhudâ
+
+Gelmedi aña bedel mâh-likâ
+
+Dâyim ol mâh-nikâb ile güzer
+
+Yüzine bakmaga yok tâb-ı baûar
+
+Gerçi ser-geştesidür mihr ile mâh
+
+Bulımaz menziline perisi râh
+
+Görse Havva tola kalbine hevâ
+
+Diye yok hûride bu hüsn ü behâ
+
+b Göricek sen anı ey şâh-ı cihân
+
+Kulu olduguña yok hiç gümân
+
+Hûblar gördüñ ola nice nice
+
+Lîk ‘ömr oldur anuñ ile geçe
+
+Vasfın işitmiş idi şâh-ı zemîn
+
+‘Aşık oldı dil u cân ile hemîn
+
+Her ki zen dost ola işide cemâl
+
+Sabra kalur mı dahı anda mecâl
+
+Didi şeh çünki kabûl itdi bizi
+
+Başımuñ yüzimüñ üstine sözi
+
+Lutf-ı zencîri bizi eyledi bend
+
+İrmesün devlet ü ‘ömrine gezend
+
+Bizi gurbetde idük kıldı ferah
+
+İrmeye kalb-i şerîfine terah
+
+Beni gurbetde garibsetmedi şâh
+
+‘Ömrün ü devletin artursun İlâh
+
+
+-----
+
+
+
+Baña bu eyüligi çün eyledi şâh
+
+Şâhdan istemezem genc ü külâh
+
+Hükmüne râm ideyüm Hindi temâm
+
+Eyleyüp şehlerini aña gulâm
+
+Şehligün isemezem şahlıg aña
+
+Lutf çok çok kerem eyledi baña
+
+a Lutfunı şeh ne kadar itse mezîd
+
+Farzdur arta ‘ibâdetde ‘abîd
+
+Yüz urup pâdişehe eyle du’â
+
+‘Arz kıl lutf ile bizden vü rızâ
+
+Kemeri tâcı virüp gitdi vezîr
+
+Varuben urdı yere yüz çü hasîr
+
+Çün bisâ eyledi pes bast-ı kelâm
+
+Neyise didi peyâmını temâm
+
+Şâd olur işüdüben şâh-ı cihân
+
+Çeşm-i esbâbına başladı hemân
+
+Emr ider kim gele bir ehl-i salâh
+
+Vakt-i meymûnda ide ‘akd-ı nikâh
+
+İtdi mûbed gelüben ‘akdi temâm
+
+İşidüp oldı ferah kebk-i hırâm
+
+Şâd olur bu işe gâyet de sipâh
+
+Bildiler Hinde olur şüst ü penâh
+
+**ZİFÂF-I ŞÂH-I HİNDUSİTÂN VE DÂMÂDİ-İ CİHÂN PEHLEVÂN**
+
+Olicek bir kişiye devlet yâr
+
+Hâsıl olur ne murâdâtı ki vâr
+
+a Buluban cümle hayâlat vukû’
+
+Râmdur her ne işe itse şurû’
+
+Pehlevânuñ çün murâdidi hasîb
+
+İtmeden sa’y Hudâ kıldı nasîb
+
+Şâh-ı şengül çalışup saçıla şâm
+
+Çeşn-i esbâbını çün itdi temâm
+
+Ne kadar varise mülkünde sipâh
+
+
+-----
+
+
+
+Sûrına gelmege emr eyledi şâh[*]
+
+Şehrden haşra çıkup şâh-ı vezîr
+
+Dikülüp hayme vü kurıldı serîr
+
+Çetrden hîç görünmezd felek
+
+Sâyebân olmış idi bâl-ı melek
+
+Çâr-mîh eyledi sahrâyı veted
+
+Perdeler itdi sabâ râhını sed
+
+Başladı gelmege malîle menâl
+
+Şol kadar kim idemez vehm-i hayâl
+
+Toluben dest içi avâz-ı nefîr
+
+Dutdı sahrâyı nihâlî-i harîr
+
+Çıkuben tahtına oturdı çü şâh
+
+Geldi şâdiliga ol sûra sipâh
+
+Şeh yanında kodılar kürsi-i zer
+
+Ki gelüp otura ol ‘âli-güher
+
+a Gelicek burcine Behrâm çün mâh
+
+Aldı encüm gibi ortaya sipâh
+
+Çün şeref buldı mekin ile mekân
+
+Oldı ferâunde zemîniyle zamân
+
+Toldı pes meclis içi sâz ile söz
+
+Yakılup ‘ûd olur bezm-i fürûz
+
+Başladı eylemege nây-ı enîn
+
+Kalmadı bezmde bir kalb-i hazîn
+
+Dir cihân varlıgıdur çün bu nefes
+
+Komañuz dilde hevâ-y-ile heves
+
+Ceng ü kânûn idicek nâle vühh
+
+Def kadar karşu geçüp sîni-i kâh
+
+Hûblar raks uruban oldı cümân
+
+Tîr olur kadleri ki kâh temâm
+
+Kâh tâvûs gibi cilve-nümâ
+
+Kâh gerdân idi mânend-i semâ
+
+Çekdiler meclise enva’-ı ni’am
+
+* **Sûrına gelmege emr eyledi şåh: Sûrına** **emr** **gelmege** **emr** **eyledi şåh**
+
+
+-----
+
+
+
+Yemeden içmeden incindi şikem
+
+Kaldurup aşları çün geldi şeker
+
+Meclise nukl virür zîb ile fer
+
+Şekerî peyker ile toldı zemîn
+
+Oldı san bezmüñ içi hâne-i çîn
+
+b Başladı devri yine sâki vü câm
+
+Hûblar her tarafa kıldı hırâm
+
+Oldı memzûc çü memzûc ile pür
+
+Lûlesi bezme döker la’l ile dür
+
+Mest olup bülbüliden gitdi karâr
+
+Şevk ile itdi terennüme çü hezâr
+
+Başladı açıluban söylemege
+
+Sâgari bûs u kenâr eylemege
+
+Yinüp içülür olur bezm temâm
+
+Gitdiler meskenine hâss ile ‘âm
+
+Şâm irüp çünki olur vakt-i visâl
+
+Kalmadı sabra dil-i şeh de mecâl
+
+Şâhı destûr iledüp ‘izzet ile
+
+Savlet-i hassa girür rağbet ile
+
+Gördi şeh menzilini ‘adn-i berîn
+
+Virmiş ol burca şeref mâh-cebîn
+
+Karşuladı şehi ol serv-i revân
+
+Saçdı sîm u zeri çün berg-i hazân
+
+Virdi destûr el ele gitdi hemîn
+
+Kaldı Behrâm-ile ol sîm u serîn
+
+Dest-bûs eyleyüp ol gonce-dehen
+
+İtdi gül desteye ûan sûde hemen
+
+a Şeh dahı öpdi nigâruñ lebini
+
+Okşadı germ oluban gabgabını
+
+Kıldı çün ref’-i şehenşâh-ı nikâb
+
+Gün yüzünden sanasın gitdi sehâb
+
+Bir melek gördi ki yok yirde nazîr
+
+Görmedi beñzer aña âlem-i pîr
+
+
+-----
+
+
+
+Cebhesi mâh idi vü kâşı hilâl
+
+Zeyn kılmış mehini nokta-i hâl
+
+Çeşm-i cemmâşi ider gâret-i cân
+
+Dil ider gamze-i gammâz-nişân
+
+Dil külingine atup zülf-i kemend
+
+Gör ne şahbâzdur itmiş anı bend
+
+Ne hümâ sâyedür ol zülf-i siyâh
+
+Eyledi dilberi dilberlere şâh
+
+Kâküli tûg idi kaddi sinân
+
+Hûblar içre ‘alem gibi ‘ayân
+
+Çeşm-i sûzen gibi teng idi dehân
+
+Çün ebr kirpigi sertîz ü revân
+
+‘Arızı şem’-i şebistân-ı cemâl
+
+Beñzemiş sûhte pervaneye hâl
+
+Deheni goncesinüñ içini dür
+
+Eylemiş şebnemi sâfi-y-ıla pür
+
+b Çâh-ı Bâbil idi çâh-ı zekanı
+
+Dest-res olmasa zülf-i reseni
+
+Göricek oldı şehenşâh-ı dilîr
+
+Zülf zincîrine çü şîr-i esîr
+
+Elini öpdi vü sürdi yüzine
+
+Baûuben bagrına aldı dizine
+
+Yapışup zülfine öpdi lebini
+
+Okşadı germ oluban gabgabını
+
+Görmemiş idi anuñ gibi nigâr
+
+Göricek kalmadı kalbinde karâr
+
+Hall idüp lutf ile ‘akd-i kemeri
+
+Dügmesin çözüp açar sim-beri
+
+Gümüşhyîne idi sîne hemân
+
+Anda ‘aksini görür şâh-ı cihân
+
+Boyı serv ol iki pistân iki sib
+
+Serv virdügi semer lîk ‘acîb
+
+Câme-h[v]âbına iletdi anı şâh
+
+Deste-i gül idi sarıldı güyâh
+
+
+-----
+
+
+
+Gerçi ‘üryana degül resm-i kemer
+
+Sâk-ı sîmîni veli dilber eder
+
+Şöyle germ eyledi cünnâlu büjûl
+
+Kâdir olsayıdı eylerdi hülûl
+
+Nîfesi gitdi vü nâf oldı ‘ayân
+
+Aşikâr oldı şehe genc-i nihân
+
+Bedeni ak idi gâyetde çü ‘âc
+
+Nâf-ı sâfiydi çün câm-ı zücâc
+
+Ter ü tâze vü latîf idi zibâr
+
+Tolu gül-berk ile yüz yasdugu var
+
+Virmemiş kîl dahı mirâte keder
+
+Görinür yüz olına çünki nazar
+
+Sîb idi olmuşidi lik dü nim
+
+Bula ûıhhat añı görmekle sakîm
+
+Şâh idi nigâr oldı kemân[*]
+
+Eyledi cânını tîrine nişân
+
+Zahm-vâr oldu çü tîr ile kemân
+
+Hokkadan la’l-i müzâb oldı revân
+
+Dökilüp la’l tolar lûlû-yı ter
+
+Olur âmîhite san şîre şeker
+
+İkisi dahı bulur çünki murâd
+
+Diller asûde olur cânları şâd
+
+Subha dek izleri ‘ayş oldı müdâm
+
+Birisi râgıbidi birisi râm
+
+**GEŞTEN-I BEHRÂM Zİ BER DEST-İ AN PİL-İ MEST-RÂ Kİ**
+
+DER NEZD-İ KÛH-I KÂF PEST Ü Bİ-KADR B��D
+
+Urdı dem çünki seher bâd-ı sabâ
+
+Nâfe-rîz oldı demiyle hevâ
+
+Pes şeker-h[v]âbdan uyandı dilîr
+
+Felek olmış meh ile gördi serîr
+
+Bagrına basdı yine itdi kemân
+
+Kıldı cân ol dahı tîrine nişân
+
+- Hece eksik
+
+
+-----
+
+
+
+Devlet anuñ ki aça çün gözini
+
+Göre çok sevdügi yâri yüzini
+
+Kendüzi uyuya bî-dâr ola baht
+
+Gele asan aña her iş k'ola saht
+
+Hûbdur yâr ile ‘işret seherî
+
+Dilde andan ola sevdâ eseri
+
+Leb-be-leb sîne-be sîne olasın
+
+Vuslata irişesin kâm alasın
+
+Biri birinden alup zevk ile kâm
+
+İkisi daâı bilür çünki müdâm
+
+Nâz ile kalkup iki serv-i sehi
+
+Lâle-veş başa giyerler külehi
+
+Saçdılar güllerine tâze gülâb
+
+Ki tutar tâze güli çün ola hâb
+
+a Düzinüp kuşanup ol sûret-i çîn
+
+Kendüyi hûriye döndürdi hemîn
+
+Geldi ortaya yine sâz ile söz
+
+Yandı ‘avd oldı yine bezm-fürûz
+
+Yine ni’met çekilüp geldi şarâb
+
+Dükilü bezmde nukl ile kebâb
+
+Çün kadeh aldı ele şâh-ı cihân
+
+Ayag üstine turup serv-i revân
+
+Kavşurup el turuban ‘izzet ider
+
+İçicek sundı lebi nukli şeker
+
+Şevk ile çekdi mehi yanına şâh
+
+Ki öpüp sînesin okşar idi kâh
+
+Dest-bâzî idicek zülfi-y-ile
+
+Nâfe-i çîni virür zülfi yele
+
+Böyle ‘ayş eyler iken mâh ile şâh
+
+Girdi serv katına bir pîl-ı siyâh
+
+Kûh-ı Kâf idi sanasın nice pîl
+
+Kim görür ise sana her yanı mîl
+
+Her dişi remh-i kazâyıdı hemîn
+
+
+-----
+
+
+
+Ditrer altında yüriye çü zemîn
+
+Beñzemiş ejdere hortumı hemân
+
+Diyesin yüriyecek kûh-ı revân
+
+b Gûşınuñ her biri bir çerh-i siper
+
+Siper-i çerh ola mânendi meger
+
+Agzı bir gâr idi tîre vü teng
+
+Gülhan idi vü döşenmiş içi seng
+
+Gözihteş idi kuh üzre cümân
+
+Geh’ayân olur idi gâh nihân
+
+Bend ü zencîrini kırmış idi mest
+
+Virür idi der u dîvâre şikest
+
+Mest idi eylemeden nûş-ı şarâb
+
+Nereye ugrasa eylerdiharâb
+
+Pîl-bânhutmaga eylerdi hazer
+
+Döye mi ejdere varmaga ciger
+
+Şâh karşu yüridi na’ra- zebân
+
+Hâzır eyledi ele gürz-i girân
+
+Başına anuñ urup gürz-i girân
+
+Yıkılup virdi pes ol ∂arb-ile cân
+
+Pîlhorâumunı sulân-ı zemîn
+
+Nâv-dân eyledi magzına hemîn
+
+Yapışuphorâumına eyledi zûr
+
+Sürüdihaşra anı şîr çü gzr
+
+Çıkarup evden anı serv-i sehî
+
+Bıragur ûokaga çün müşk-i tehî
+
+a Geldi oturdı yine bezmine şâh
+
+Elini öpdi sürüp yüzine mâh
+
+Ol sürzr-ile çeküp bâde-i nâb
+
+Beng-i neşaâ-ile yine açdı şarâb
+
+Çünki bu nev’i hüner eyledi şâh
+
+Âferîn itdi aña mihr ile mâh
+
+Gören işiden ider şâha du’â
+
+Güşte yol üzre yatur ejderhâ
+
+
+-----
+
+
+
+Oldı hengâmeler üstünde hemân
+
+Üşdi ol püşteye pîr ile cüvân
+
+İşidüp şâh te’accübler ider
+
+Gönderirhüsreve çok sîm-ile zer
+
+İdüben seyr anı bir hefte temâm
+
+Geldi görmege anı mîr u gulâm
+
+**‘AZM-I VAÛAN-Ih[v]İŞ KERDEN-I PEHLEVÂN VE**
+
+**KÜŞTEN-İ GERGEDÂN**
+
+İden efsâne-i dîrînei yâd
+
+Kıldı serpûşhabakdan çü küşâd
+
+Didi bir yılhuruban şâh-ı ‘Acem
+
+‘Ayş idüp sürdi nigâri-y-ile dem
+
+b Yine yâdına gelüp taât-ı Kiyân
+
+Kaûd ider kim ola İrâna revân
+
+Râzını eyledi dil-dâre ‘ayân
+
+Şâh-ı Hinde ider ol daâı beyân
+
+Bildi Behrâm idügini anı şâh
+
+Şâd olur işidüben cümle sipâh
+
+Ne kadar var ise gencînede zer
+
+Kıymeti tâc-ı girân-mâye güher
+
+İledüp kıldı ayagına nisâr
+
+Şol kadar kim yogidi hadd ü şümâr
+
+Şükr idüp didi ki ey Nûr-ı Kiyân
+
+Buldı zâtuñla şeref uşta bu mekân
+
+Uşta mülk uşta hazâyin u sipâh
+
+Âlet-i harb u matâ ya vü külâh
+
+Nem var ortada benüm cümle saña
+
+Bakdugum yüzüñe yetmez mi baña
+
+Tek koyup gitme beni kılma hazîn
+
+Sensüz olamazam ey şâh-ı zemîn
+
+Didi Behrâm ki ey şâh-ı zaman
+
+Zâte lâzım gibi diraht-ı vatan
+
+Severüm cân ile ben dahi şehi
+
+
+-----
+
+
+
+Bendesidür kamu İrân sipehi
+
+a İtdi bir bu iki iklimi hudâ
+
+İdeyüm şâha mekânımda du’â
+
+Zahmet itdük size ey şah-ı cihân
+
+Olalum mülkümüze biz de revân
+
+Şol kadar eyledük ey şâh-ı kerem
+
+Gelmez oldı ki hayâlüme ‘Acem
+
+Lîk korkum budur a’dâ işide
+
+Gelüp İrânı yaka bir iş ide
+
+Ayag altında kala mâl u menâl
+
+Cümle halkuñ gele başına zevâl
+
+Esem olam baña Hak ide ‘itab
+
+Hazret-i Hakka bulunmaya cevâb
+
+Kıl mahur yâd u gam ey şâh ‘aceb
+
+Olamazam bu kadar kana sebeb
+
+Yâd ayak basa gire mülke çün el
+
+Râhat olup ne huzûr eyliye el
+
+Serzeniş eylemeden halkı cihân
+
+Varayum mülküme ey şâh-ı zamân
+
+Bizi unutma du’â eyle müdâm
+
+İdeyim ben de senâ subh ile şâm
+
+Sıla eylemege bu serv-i sehi
+
+Göndereyüm kapuña gâh gehi
+
+a Nâgehân düşmen olur ise ‘ayân
+
+Baña tenbîh kıl ey şâh-ı cihân
+
+Göresin kim neler eyleyem aña
+
+Daâı kaûd itmeye bir hasm saña
+
+Sûr-ı emr itdi bu şâdilıga şâh
+
+‘Ayş u nûş itmege başladı sipâh
+
+Hind mülkün idüben zeyn temâm
+
+Her kişi aldı ele câm-ı müdâm
+
+‘Âlemeholdı yine bâng-i rebâb
+
+Su-be-su seyl oluban akdı şarâb
+
+
+-----
+
+
+
+Şöyle zeyn eylediler şehrün için
+
+Oldı her kûşesi bir hâne-i çîn
+
+Şol kadar saçdı zeri şâh-ı zemîn
+
+‘Ar ider oldı gedâ itmege çîn
+
+Yidi gün eylediler ‘ayş-ı müdâm
+
+Yatup uyumak olur halka harâm
+
+‘Ayşdan fârıg olup şâh-ı cihân
+
+Didi destûre ki sen dahı hemân
+
+Hâzır ol şâh-ile hem-râh olasın
+
+Her ne hıdmet buyurursa kılasın
+
+Hind serverlerini eyle güzîn
+
+Yalıñuz gitmeye tâ şâh-ı zemîn
+
+b Yolda ne var idügün kim ne bile
+
+Hele yekdür ise oldıgı bile
+
+Ne kadar gerek ise mâl u menâl
+
+Yürü var defter idüp gençden al
+
+Hep tehi olunur çün berk-i râh
+
+Binüben mülkine ‘azm eyledi şâh
+
+Gönderi çıkdı şehi Hind şehî
+
+Bile yatınca cemi’î sipehi
+
+Şâha şengül ider enva’ile pend
+
+Eremiye dolaşa tâ ki gezend
+
+Bile yatınca gider hayli zamân
+
+Dönderür yine şehi şâh-ı cihân
+
+Kıldı çok pend nigâre dahı şâh
+
+Elin ayagın öpüp eyledi âh
+
+Virüben dilbere çün sîm ile zer
+
+Hatırın kıldı teselli vü düner
+
+Düşüben deşte gider şâh ile mâh
+
+Gözedür anları esrince sipâh
+
+İdüp at üzere gehi bûs u kenâr
+
+Dest-bâzılar iderler iki yâr
+
+Her ne yerde ki göre çây-ı latîf
+
+‘İşret eylerdi inüp şâh-ı zarîf
+
+
+-----
+
+
+
+a İşi ‘ayş olmuş idi subh ile şâm
+
+Yâr yanında vü destinde müdâm
+
+Sâz u söz idi yiyüp içmek idi
+
+‘Ayş u nûş idi konup göçmek idi
+
+Yâr pehlûda vü baş ola çü sag
+
+Tag üstinde olur kişiye bâg
+
+Yâr her kime ki ola münis-ı râh
+
+Serv olur ayagı el ise giyâh
+
+İrdi bir kûha ki mânend-i felek
+
+Yol bulamaz aña illâ ki melek
+
+Mesken-i dîv idi vü mâr min-i cân
+
+Geçmege korkar idi bâd-ı vezân
+
+Gergedânlar tolu her biri çü kûh
+
+Belki yok pîlde ol denlü şükûh
+
+Geldi ol kûha ki eyleye güzer
+
+Pişvâ didi ki ey ejder-i ner
+
+Maksada togru durur gerçi bu râh
+
+Hatarı çok gidemez lîk sipâh
+
+Bunda bir gergedan idindi vatan
+
+Vehm ider adın anup Çîn ü hoten
+
+Şâh olmuş sanasın çarha sütûn
+
+Zerrece gelmez aña pîl u heyûn
+
+b Haml-i hâmil-i ‘anber aya nazîr
+
+Seng-lâi sümi eyliye fazîr
+
+Kûh yanında anuñ hem-çü hebâb
+
+Pîl başında çü kûh üzre zebâb
+
+Şâh üzre dizilür bir niçe pîl
+
+Andan olur olıcek nev’i ‘alîl
+
+Şâh san pîl idi sîh-i kebâb
+
+‘Akıbet hâlin ider pîl harâb
+
+Şeh didi gergedan olursa hezâr
+
+Dönmezem vehm idüben yirde ne vâr
+
+Elüme çünki alam tîr ü kemân
+
+
+-----
+
+
+
+Gâvi-deşti gelür ol baña hemân
+
+Yüri Allâh ile ol togrı yola
+
+Ne kaderlendiyise olan ola
+
+Oldılar böyle diyüp yola revân
+
+Aldı Behrâm eline câcı kemân
+
+Kavs-ber-kavs-ı kuzah idi hemîn
+
+Siper olmaz okına çerh-i berîn
+
+Her okı harbiyidi senge geçer
+
+Bir idi sîne-y-ile aña siper
+
+Giderek üstine ugradı sipâh
+
+İdinürler şehi vehm ile penâh
+
+a Gördiler anı mehâbetde mehîb
+
+Tuli vü ‘arzı nihâyetde ‘acîb
+
+Gösterür hasmını çün râh-nümây
+
+Karşular anı elinde ok u yây
+
+Pek tutup kabzını toldurdı gümân
+
+Koltugı altın ider râst-ı nişân
+
+Müşte peykân irüşür gûşına ger
+
+Gözedür tu’ma idinmege ciger
+
+Râst kondı cigerin eyledi çâk
+
+Oldı bir zahm ile üftâde helâk
+
+Baş üstine yıkıldı çü heyûn
+
+Sançılup şâyire oldı sütûn
+
+Öldürüp anda anı göçdi hemân
+
+Şâhını kesdürüben aldı nişân
+
+Sa’uy idüp ol yolı şâh eyledi mâk
+
+Buldıgı dâm u dedi kıldı helâk
+
+Gâh destinde gümân gâh kemend
+
+Kimin öldürdi kimin eyledi bend
+
+Geçüben kûhı irür deste çü şâh
+
+Secde-i şükr kılur cümle sipâh
+
+Dutup İrân yolını oldu revân
+
+İrdi serhaddine sultân-ı cihân
+
+
+-----
+
+
+
+Mülk-i serhaddine irişdi çü şâh
+
+Şâd olup karşuladı şâh u sipâh
+
+Pây-tahta varup i’zaz ile şâh
+
+Tahtına çıkdı geyüp başa külâh
+
+Şeh kudûmıyla olur halk ferah
+
+Kimsenüñ kalmadı kalbinde tarah
+
+Yine İrâna tolar ‘ayş u neşât
+
+Döşenür yine mecâlisde simât
+
+Zeyn ider bezmleri nukl ile câm
+
+Bir olur bâde-keşe subh ile şâm
+
+Cism-i bî-cân idi ‘iklîm hemân
+
+Geldi şâh gelmesi-y-ile yine cân
+
+Mürde cism idi cihân buldı hayât
+
+Şükre uzatdı lisânını nebât
+
+**EFRÂHTEN-İ BEHRÂM-İ GUR SER-KIBÂB-I GÜNÂGÜN BE ‘AYYUK**
+
+Dâyımâ nakş iden envâ’-ı hayâl
+
+Şöyle nakş eyledi yazdukda misâl
+
+Geldi İrâna çü ol Pûr-ı Kiyân
+
+Buldı anuñ ile şeref mülk-i mihân
+
+Toldı İrânun içi bâng-i rebâb
+
+Akdı her ravzada su gibi şarâb
+
+a ‘Ayş u nûş ile geçüp yaz u kışı
+
+Gülmek oynamak olur halkuñ işi
+
+Gün gibi taâta çıkup şâh-ı cihân
+
+Başladı dâd-ile üstâde hemân
+
+Bir niçe gün idüben ‘adl ile dâd
+
+Mülkü abâd ider vü dilleri şâd
+
+Güz geçüp irmiş idi savlet-i dey
+
+Başladı toñmaga memzûcda mey
+
+Kalmayup meş’ale-i mihrde nûr
+
+Mâh-ı kandîline irişdi fütûr
+
+Bâg u râguñ koyuban seyrini zâg
+
+Gencveş günci kutup itdi ferâg
+
+
+-----
+
+
+
+Geydi sincâbını fertût-ı felek
+
+Reşk ider tâbedeki mürge melek
+
+Oldı her âb-ı revân üsti memerr
+
+Ferş-ı mermer düşedi devr meger
+
+Nâmıye oldı zemîn içre nihân
+
+Tâ ki dey şiddeti itmeye ziyân
+
+Tâk-i rahmında dahı bezr-i nebât
+
+Gelmemiş nutfe gibi aña hayât
+
+Kûh-ı küncinde peleng itdi hemîn
+
+Rûbehüñ olmaga kürkini hemîn
+
+b Konacak yer bulamaz oldı tuyûr
+
+Mîşede ded idemez oldı huzûr
+
+Menzilin mârun idüp seyl-i harâb
+
+Mûş küncinde olur garka-i hâb
+
+Tâb-ı sermâ ki komaz nârda tâb
+
+Âbı seng eyler ü sengi ider hâb
+
+Toldı berf u yah ile kevn ü mekân
+
+Döndi yahdâne bürûdetle cihân
+
+Vakt-ı ‘ayş idi degül sayd-ı gehi
+
+Zevk ider şâh tagıtdı sipehi
+
+Aldı çünkim yedi iklîmi temâm
+
+İşi ‘ayş oldı şehüñ subh ile şâm
+
+Ceng ü âşûbden oldı çü halâs
+
+Meh-likâlarla ider sohbet-i hâs
+
+Ol kış ilçi saluben itdi taleb
+
+Kim kızını vire sultân-ı ‘Arab
+
+Virdi nîk-’izzet ile mihre mehi
+
+Şâh dâmâd idüben Mısr şehi
+
+Çıkarur hüsn ile bir meh dahı ad
+
+Lâle ruhsâr u Minû-Çihr-nijâd
+
+İrs-ile dikmiş idi aña mirât
+
+Nîk-nâm idi vü ma’mûr-ı cihât
+
+a İşidüp anı nikâh eyledi şâh
+
+‘Ayşda hem-dem olur şâh ile mâh
+
+
+-----
+
+
+
+Mülkine kasd idüp ide deyü cenk
+
+Vehm idüp hem kızını virdi Firenk
+
+Kaçup anı dahı zevk eyledi şâh
+
+Her gice hem-demi bir hal’at-ı mâh
+
+Dürlü dürlü olıcek at’amalar
+
+Ta’m her birinüñ olur çü şeker
+
+Dâyımâ gül-şeker olursa gıdâ
+
+Şübhe yokdur bulamaz zevk ü safâ
+
+Ni’met-i envâ’ile hoşdur çün ola
+
+Ki virür her biri bir dürlü safâ
+
+Hasr-ı ‘âciz işidür çünki hemân
+
+Mutlak olan başına şâh-ı cihân
+
+İstedügiyle çü ‘ayş ide kişi
+
+‘İydi nevrûz ola yaz ola kışı
+
+Dâyimâ binilen olursa Burak
+
+Esb-i reh-vârda isteye mezâk
+
+Elde bir câm hura çünki müdâm
+
+Olur içene içindeki harâm
+
+Kasd ider kim yiye bir hûb-makâm
+
+İde tâvûslar içinde hırâm
+
+Her biri cilve idüp ola cümân
+
+Ola her gûşesi gül-zâr-ı cinân
+
+Kasr-ı cennet gibi zeyn ola kusûr
+
+Ravzası pür ola gulmân ile hûr
+
+Âb-ı kevser ola gülzâr-ı behişt
+
+Taş derhâk ola müşk-i sirişt
+
+Her dırahtı vire bir dürlü semer
+
+Her semer ola ‘uzûbetde şeker
+
+Belki her birisi bir Sidre misâl
+
+Müntehâ ola vire bâga cemâl
+
+Çekile sûr aña gâyetde bülend
+
+Düzd irişdirmiye vehm ile kemend
+
+Bâmına irmiye şâh-bâz-ı hayâl
+
+
+-----
+
+
+
+Kullesi hem-seri olmaya hayâl
+
+Kapusı tûc ola vü halkası zer
+
+Çevrüle üstine şeddâdî kemer
+
+Buldılar pes şehe bir ehl-i kemâl
+
+Hendesi bilmede yok aña hemâl
+
+Hûb- mi’mâr idi ressâm idi hem
+
+Hûş-mühendis idi kassâm idi hem
+
+San terâzû idi dikkatde gözi
+
+Hikmet-âmûz idi mecmû’sözi
+
+a Nakş-perdâz idi pür-kâr hemân
+
+İki barmagıyidi itse nişân
+
+Ne kadar var ise envâ’-ı nukûş
+
+Yazuben eyler idi resm u hûş
+
+Sinnimâr ile olup niçe zamân
+
+Hıdmet itmiş idi ustâde cihân
+
+Kasd iderse yapa şeddâdî- makâm
+
+Şöyle kim sana gören Dârü's-selâm
+
+Çünki tasvîr yaz emâni-i çîn
+
+Göricek zinde sana anı hemîn
+
+Kasd kılsa yapa gerdûne nazîr
+
+Seng ile âhen elinde çü hamîr
+
+Çün mukarnas eve kırtas ola seng
+
+La’l sana gören ile vire reng
+
+Hem dıraht işini işlerdi garîb
+
+Kim du’a eyler idi görse habîb
+
+Tîşe vü başda üstâd idi ol
+
+Zûr u bâzûda çü idi ol
+
+Didi maksûdın aña şâh-ı ‘Acem
+
+Emr kıldı ala destine kalem
+
+Bildi makûûdını resm itdi hemîn
+
+Tâ ki resmini göre şâh-ı zemîn
+
+b Begenür resm görüp şâh-ı cihân
+
+Ol yapar bildi murâdınca cinân
+
+
+-----
+
+
+
+İhtiyâr eyledi bir hûb-makâm
+
+Ki görüp reşk kıla Dârü's-selâm
+
+Sel-sebîl idi suyı âks ‘abîr
+
+Agacı Sidre vü hazrâsı harîr
+
+Mürde içse suyını vire hayât
+
+Bula ölmelü olan hasta necât
+
+Suyını ko ki hevâ-sı-y-la hemân
+
+Pir-i fertut ola bir tâze cüvân
+
+Bir yerüñ çünki olup yeri şerîf
+
+Ola âbı vü hevâsı da latîf
+
+Nedür ol cennet olur tâk u sarây
+
+Sâye har-gâh ola çün hûb ola cây
+
+Yeri rıf’atde sipihr ile sivâ
+
+Her tarafdan tokınur tâze hevâ
+
+Nazar itdükçe gider medd-i basar
+
+Heftelik yol görinür olsa nazar
+
+Cümle târâf açık hâyili yok
+
+Göz açıklıgı temaşâ-gehi çok
+
+Buldı bir ferah-i ferahda zamân
+
+Urdı bünyâdını sultân-ı cihân
+
+a İtdi kurbanlar ol şeddâdî dırem
+
+Toldı ihsân ile mülk-i ‘Acem
+
+Bir binâ yapdurur ol şâh-ı zemîn
+
+Kendüsi sandı görüp çarh-ı berîn
+
+Yapılup çıkdı çün ol sûr-ı bülend
+
+Asdılar üstine nîk-pâre perend
+
+Oldı çün burcu vü bârûsı temâm
+
+Geldi yüz sürüdi gayretle ‘amâm
+
+Yapılur kaleleri hâre ile
+
+Zeyn her kullesi seyyâre ile
+
+Kullesi oldı hevâle felege
+
+Bâmı mesken idi dâyim melege
+
+Şöyle kaluñ yapılur seng ile sûr
+
+Çalınursa işidimez idi hûr
+
+
+-----
+
+
+
+Yapdı her dilbere bir kasr-ı latîf
+
+Ki vücûd-ı-y-la anuñ ola şerîf
+
+Yapılup çün yapusı oldı temâm
+
+Soyıyup her birisine kodı hâm
+
+Nice câm idi safâda çü güher
+
+Virmemiş hâdisenüñ seng-i keder
+
+Oldı her câm güneş gibi münîr
+
+Olmaz idi gicede mâh nazîr
+
+b Sırçası âyîne-i gitî-nümâ
+
+Ziynet-i kalbe virür zevk u safâ
+
+Abanos idi derî mantar-ı ‘âc
+
+Sakf altun idi vü sath-ı rihâc
+
+Suffesi her birinün ‘adne karîb
+
+Buldı her kûşesi bir resm ile zîb
+
+Sandal u ‘ûdi idi hep tahtaları
+
+Zeyn kılmış idi mismâr-ı zeri
+
+Zerreler kimisi sîm ü kimi zer
+
+Hıyre olur idicek çeşm-i nazar
+
+Kabları yapdı çü eflâk-i ‘azîm
+
+Hiştuñ biri zer ü birisi sîm
+
+Havz ider suffelerüñ öñine hem
+
+Ki müretteb ola destûr-ı ‘Acem
+
+Sîm idi havzı şâdırvân-ı zehâb
+
+‘Ayşa vü nûşa virür şevk-ı şegâb
+
+Her kemer kavs-ı kuzah idi hemân
+
+Nâzirüñ kaddini eylerdi kemân
+
+Taklar bâmını kurşunladı hem
+
+Yagicek tâ ki nüfûz itmeye nem
+
+Kâr-ger-i kâr-gîr işini temâm
+
+Eyleyüp eyledi arâste-i bâm
+
+b Kıldı nakkâşlar içini nigâr
+
+Hâne-i çîne döner sakf u cidâr
+
+
+-----
+
+
+
+Çünki nakkaş idi işi tezhîbi beter
+
+İtdi taûvîr-i nüvîsende âaber
+
+Ne kadar var ise eşkâl-i ‘acîb
+
+Resmini eyledi üstâd-ı lebîb
+
+Her birine virüben reng ü âırâz
+
+Oldı envâ’ına elvân birâz
+
+İtdügi işleri ol şîr-ı jiyân
+
+İtdi tasvîrini üstâd-ı cihân
+
+Buldı her cânibe yol âb-ı Fırât
+
+Havza vü çeşmelere geldi hayât
+
+İtdi fıskıyyeleri kasr-ı cinân
+
+San gül-âb idi akan âb-ı revân
+
+Hâs mermerle döşenmişdi memer
+
+Kenti her birinüñ sîm ile zer
+
+Çü temâm oldı gidüp şâh-ı cihân
+
+Göricek şekk idüben sandı cinân
+
+İtdi dilberlerini şâh-ı cihân
+
+Ol sadeflerde dürer gibi nihân
+
+Menzilin buldı çü seyyâreleri
+
+İtdiler âyineler hâreleri
+
+a Her biri meskeni renginde harîr
+
+Geyüp ol reng ile zeyn itdi serîr
+
+Hâne-i esbâb dahı her ne ki var
+
+Cümle ol reng ile olmuşdı nigâr
+
+Kankı kasra ki vara şâh-ı cihân
+
+Giyer ol renk libâsını hemân
+
+Ol gice anda sürüp zevk ü safâ[*]
+
+Gösterirdi aña âyin-i vefâ
+
+Yedi günde idüben devri temâm
+
+Yine başlar idi ol serv-i hırâm
+
+Deyre dönmiş idi her kasr hemîn
+
+Sanma beñzer içinde büt-i Çîn
+
+- Sürüp : Sad ile yazılmış.
+
+
+-----
+
+
+
+Yokdurur bütde kemâl ile cemâl
+
+Vardur anlarda cemâl ile kemâl
+
+Yokdurur bütde leâfet ile hân
+
+Bunlaruñ her birisi serv-i revân
+
+Toldı hûrîler ile çünki kusûr
+
+Kalmadı buldı kemâlini kusûr
+
+San sanem hâneyidi hânları
+
+Büt-ı Azer idi cânânları [*]
+
+Gül-i gûyâ ile şimşâd-ı revân
+
+Eyledi sahn-ı gülistânı cinân
+
+b Gül idi her nereye olsa nazar
+
+Laleyidi nereden olsa güzer
+
+Oldı cennet içi hûr ile pür
+
+Her biri lutfda bir dâne-i dürr
+
+Dâmeninden oluben müşk-i demân
+
+Nîfesi her birinüñ nâfe-feşân
+
+Buldı kevkebler ile zeyn-i cinân
+
+Âsmân oldı zemîn yer âsmân
+
+Toldı micmer gibi ‘ûd ile nühûr
+
+Her biri eyledi bir yerde huzûr
+
+Gördi rızvân anı germ oldı temâm
+
+Cenneti terk idüp itdi aña cân
+
+İtdi cârû aña zülfîni peri
+
+Toldı her bâguñ içi kebk-i deri
+
+‘Arz idüp her biri bir dürlü cemâl
+
+Eyledi meskenini ‘adn-misâl
+
+Çekilüp dâmen açıldıkça büjûl
+
+Şâd olurdı gören olursa melûl
+
+Matla’-ı şems idi her menzil-i hûb
+
+Lîk anda yine eylerdi gurûb
+
+Heft-seyyâre ile heft-felek
+
+Zeyn olur niteki gerdûn u melek
+
+- San sanem håneyidi hânları: San sanem hâneyidi vü hânları
+
+
+-----
+
+
+
+a Şem’ler virdi şebistânlara nûr
+
+Oldı pervâne görüp anları hûr
+
+**BEZM - ARÂSTEN-İ BEHRÂM ŞEB-İ ŞENBİH**
+
+**DER-KÜNBED-İ MÜŞK FÂM**
+
+Şeb-i şenbîhde ki kadr idi hemân
+
+Kasr-ı müşgîne gider serv-i revân
+
+Turra-i şeb oluben müşk-feşân
+
+Hokka-i nâfeye dönmişdi cihân
+
+Hızr idi istemege Âb-ı Hayât
+
+Oldı ol kasr aña gûyâ zulümât
+
+Çeşme-i cân bulup itmege nûş
+
+İtdi kanı mey-i tâze gibi cûş
+
+Nûr-ı zulmetde bulunmasa eger
+
+Kimse ol renge ider miydi nazar
+
+Geydi ‘abâsı libâsın şeh-i şark
+
+Gicede mehden olunmaz idi fark
+
+Geydügi başdan ayak cümle siyâh
+
+‘Anberin câme idi müşk-i külâh
+
+Gâliye fâm oluben virdi selâm
+
+‘İzzetiyle turuben Tûbî-hırâm
+
+b Karşuladı idüben işve vü nâz
+
+Kadr-i muhyine olur zülf-tırâz
+
+Mihr idi lîk sehâb içre nihân
+
+Tal’at-ı lem’ası amma ki ‘ayân
+
+Zeyn idüp berk-i benefşe semeni
+
+Sûsen ârâyiş ider yâsemeni
+
+Yokdur elvânda mânend-i siyâh
+
+İtdi takdîm anın içün anı şâh
+
+Siyeh olmasa idi zülf ile âl
+
+Hüsne virür miyidi bunca kemâl
+
+Gerçi tîre görinür müşk-i Hoten[*]
+
+Kadrini kıymetin anuñ göresin
+
+- a Görinür: Görünür
+
+
+-----
+
+
+
+Yiri geh sînede vü başda gehi
+
+Fark ile sîne dür ârâm gehi
+
+Zeyn ider mushafı görince midâd
+
+Kadr-efzûn olur oldukça sevâd
+
+Kara taş içre olur la’l nihân
+
+Cevhere tîreligi lîk nişân
+
+Cümle elvâne eger olmasa şâh
+
+Ka’benüñ ortası olmazdı siyâh
+
+Mûmiyâ tîredür ey ehl-i nazar
+
+Tâzeler haste ola çünki ciger
+
+a Yesirüñ oldıgı çün reng-i siyâh
+
+Buldı sübha oluben ‘izzet ü câh
+
+Elin eline alup oldı revân
+
+Dil-berüñ tahtına sultân-ı cihân
+
+Abanos idi serîri de siyâh
+
+Çıkdı oturdı şehinşâh ile mâh
+
+Getürüp ortaya nukl ile şarâb
+
+Def’î kebk ile tezerv oldı kebâb
+
+Bir iki kerre ki devr eyledi mey
+
+İstedi şâh-ı cihân bir bat u ney
+
+Mutrıb-ı hûş-nefes ü hûb-hısâl
+
+Ele sâz aldı vü ‘arz itdi kemâl
+
+Başladı itmege feryâd u figân
+
+Eyledi dildeki esrârı ‘ayân
+
+Germ ider çünki şehi bâde vü sâz
+
+Eyledi destini çün zülf-i tırâz
+
+Şevk ile mâhı ider bûs u kinâr
+
+Başladı şîve vü kınnışa nigâr
+
+Gitdi seyyâreleri oldı nihân
+
+Mâh ile kaldı hemîn şâh-ı cihân
+
+Sarmaşup yatdılar oldı ki h[v]âb
+
+Şâh idindi lebini nukl u kebâb
+
+b Tokınup sînesine ol iki sîb
+
+Cümle a’zâsı ider nâz u firîb
+
+
+-----
+
+
+
+Emişüp koçuşurak didi nigâr
+
+‘İzzü ikbâl ola dâyim şeh-i yâr
+
+İrmesün devlet ü ‘ömrüñe gezend
+
+Bin perestâra peder itdi çü pend
+
+Didi çünkim olasın şâha karîn
+
+Eyle dâyim aña bu pendi hemîn
+
+Ki işi dâyım ola ‘adl ile dâd
+
+Bâr olmaya aña hakk-ı ‘ibâd
+
+Şâh olan çünkim ide cevr ü sitem
+
+Çekilür defter u ‘ömrine rakam
+
+Evvelâ ‘adli sorar çünki İlâh
+
+Farzdur her kişiye kim ola şâh
+
+Birdür anda çü gedâ-y-ile emîr
+
+Sakın incinmeye zinhâr fakîr
+
+Seni şâh itmiş iken halka celîl
+
+Bir dilenciyi niçün ide zelîl
+
+Aña kim olmaya şahlıkla hemâl
+
+Pây-mâl ola niçün mûr misâl
+
+Olmaya çünki ulu'l-emrde dâd
+
+H[v]âr ider âhir añı hakk-ı ‘ibâd
+
+a Zâlim olanûn olur ‘ömri çü az
+
+‘Akil olan dileye ‘ömr-i dırâz
+
+‘Âbid olmakdan ise sâl ile mâh
+
+‘Âdil olmak yeg olan kimseye şâh
+
+‘Adl u ihsân çü emr itdi âudâ
+
+İmtisâl ide şu kim ‘âkil ola
+
+‘Adldür şehlere mâl ile sipâh
+
+‘Adldür belde kemer başda külâh
+
+Küfr ile olmadı bir mülk harâb
+
+Niçe sultânları zulm itdi türâb
+
+Al saña vâcib olan hakkı hemîn
+
+Kimsenüñ mâlına el sunma sakın
+
+Mâr olur mâlı sokar soñra seni
+
+
+-----
+
+
+
+An kefen-dûzı vü hem gör küheni
+
+‘Adldür şehlere tîg ile siper
+
+‘Adli yok şâhda olmaya hüner
+
+Çeşm ü gûşı şehüñ olmasa cihâr
+
+Mülk-i ‘adl ile kaçan âuta karar
+
+Şâh olan çünki vire kulme rızâ
+
+Lâ-cerem Hakdan irer mülke kazâ
+
+Zulme çün el uzada şâh-ı cihân
+
+Kahtlıkdan ola vîrâne cihân
+
+b **HİKÂYET**
+
+Râylarda var idi bir ulu şâh
+
+Hinde olmuşidi ‘adl-ile penâh
+
+Kendüye ‘adli idinmişdi şi’ar
+
+Gâyet âbâd idi dâd ile diyâr
+
+Şehd-i hâne gibi pür mülk-i ni’am
+
+Reşk ider olmuş idi Mısr u ‘Acem
+
+Çok belâ çekmiş ü görmişd zamân
+
+Cümle ma’lûmiydi hâl-i cihân
+
+‘Adl-i Kisrî'yi unutdurdı temâm
+
+İ’tirâf itdi aña hâss ile ‘âm
+
+Remeye olmaz ise dahı şebân
+
+Zîb itmez idi devrinde zebân
+
+Gûr vehm ide deyü şîr u jiyân
+
+Kendüyi itdi neyistânda nihân
+
+Ugramayam deyu âhûya peleng
+
+Mesken idinmiş idi kulle-i seng
+
+Pil-i Hindû ne kadar kim ola mest
+
+Pây-ı mûra daâı virmezdi şikest
+
+a Ne kadar var ise mülkinde sipâh
+
+‘Adl-i cûyide çü ‘âdil idi şâh
+
+Kimseye bakmaz idi hîç hakîr
+
+Bir idi aña fakir île emîr
+
+Yog idi kâlime hergiz nazarı
+
+
+-----
+
+
+
+Eger olsa dahı kendü püseri
+
+Her ki düzd ola veya ide sitem
+
+Destini tîg ile eylerdi kalem
+
+Dâyim eyler idi tagyir-i libâs
+
+Ta tefahhüs ide neydügini nâs
+
+Kimse bilmezd anı sâyir idi
+
+Şehri tulab gibi dâyir idi
+
+Kande kim iki kişi itse kelâm
+
+Neyidüklerin işidür ü temâm
+
+Kime zulm olduğun işitse hemân
+
+‘Adl iderdi buluban şâh-ı cihân
+
+Bunı ‘âdet idünür nîçe zamân
+
+Oldı bu kâr ile ma’mûr-ı cihân
+
+Ki Züleyhâ gibi yok aña nazîr
+
+Oldı sultân-ı cihân iken esîr
+
+Kâmet-i serv idi ruhsâri semen
+
+Cebhesi berk-i gül ü gonce-dehen
+
+b Cismi terlikde çü pâlûda-ı ter
+
+Meyl ider her kişi kim ide nazar
+
+Terligi şîşe idi cism-ı gülâb
+
+Ab-gîne ola mı âba hicâb
+
+Cây-ı âli ola mahbûba ola
+
+Nice âdem ola kim sabr kıla
+
+Gamzesi tîr ü kaşı câcı kemân
+
+Didi ey sîm-beden serv-i revân
+
+Boynını çekdi vü gögsüni kakar
+
+Germ olup dikkatnile aña bakar
+
+Oda yakanına hıdmet idelüm
+
+Ya sizüñ cây-ı şerîfe gidelüm
+
+Yüzimüñ üstine bas tek kademüñ
+
+Kademüñle bile gelür kıdemüñ
+
+Yoluña harç ideyüm mâ- melegüm
+
+Ey peri yüzlü begüm hey melegüm
+
+
+-----
+
+
+
+Katı bî-yâr idüm ol yâr baña
+
+Ne sadâkatlar idem gör ki saña[*]
+
+İncinüp eyledi hışm ile nazar
+
+Didi kim Hind şehi oldı meger
+
+Yoluña git yüri incitme beni
+
+Odlara yakdururam yoksa seni
+
+a Oda yakar kime kim itse ‘itâb
+
+Yürü var eyleme kendüñe ‘azâb
+
+Olmasayıduñ eger bunda garîb
+
+Sâdır olmaz idi bu fi’l-i ‘acib
+
+‘Adl u dâdını şehüñ bilsen eger
+
+Eylemezdüñ baña bu resme nazar
+
+İtdigüñ etmeyelüm saña hele
+
+Nev-civânsın yüri yoluña gele
+
+Sözüni işidicek şâh-ı cihân
+
+Terk idüp oldı visâkına revân
+
+İtdügi işe olur kalb-i hazîn
+
+Nefsine eyledi âyın deyü kîn
+
+Cürmden eylemege defter-i pâk
+
+Kasd ider kim ide kendüyi helâk
+
+Kendüyi yakmaga idindi murâd
+
+Halk gördi ki olur şûr u fesâd
+
+İttifâk ile guluvv itdi sipâh
+
+Komadılar ki yaka kendüyi şâh
+
+Cebr kılmasayıdı halk-ı cihân
+
+Çün semender oda atmiş idi cân
+
+‘Adl böyle gerek ey şâh-ı zamân
+
+Zulmden tâ ki emin ola cihân
+
+b Zulme bir kerre ki igmâz ide şâh
+
+‘Âdet idünür olur soñra sipâh
+
+Fâyide itmez olur soñra gazab
+
+- Metinde "ol" kelimesi "sen" kelimesiyle düzeltilmek istenmiştir. Ancak bu düzeltme şiirin
+**veznini bozuyor.**
+
+
+-----
+
+
+
+Cümleye olmuş olur kendü sebeb
+
+Şöyle didi vü şehe itdi du’â
+
+Virdi pendi dahı bir dürlü ûafâ
+
+Germ olup sözlerine şâh-ı cihân
+
+Basdı bagrına añı niteki cân[*]
+
+Çünki mahbûba olur şehd-i makâl
+
+Lutf-i güftâr virür hüsne kemâl
+
+Bu fesâneyle uyur şâh-ı cihân
+
+Câna cân sarılur ol serv-i revân
+
+Subh olıcek yine zeyn itdi serîr
+
+Maslahat her ne ise gördi vezîr
+
+**MECLİS -SÂHTEN-İ BEHRÂM-I GUR ŞEB-İ YEK-ŞENBİH**
+
+**DER-KÜNBED-İ KÂFUR**
+
+Şeb-i yekşenbih olur çün ki h[v]âb
+
+Kalmadı gökde çü nevrûz-ı sehâb
+
+Mihr-i tâbına dönüp tâb-ı kamer
+
+Necmde olmuş idi hıyre basar
+
+a Sun’-ı kandîl ile zeyn oldı felek
+
+Tâbına üşdi çü pervâne melek
+
+Ebkem olmışdı vühûş ile tuyûr
+
+Kasd ider her kişi kim ide huzûr
+
+Geldi yâdına şehüñ kasr-ı sefîd
+
+Fikri bu kim içe yâr ile nebîd
+
+Tâk-ı sîm-âba ider ‘azm çü mâh
+
+‘Asmân sûda idüp tarf-ı külâh
+
+Geydügi başdan ayak cümle sepîd
+
+‘Ârızı serhadi amma çü nebîd
+
+İşidüp geldügini şâh-ı cihân
+
+Nâz ile karşu çıkar serv-i revân
+
+Yüz sürer pâyine mûre gibi mâh
+
+Nitekim servün ayagına giyâh
+
+Geydügi başdan ayak berk-i semen
+
+- b Bagrına : Nagrına
+
+
+-----
+
+
+
+Ak güle dönmüş idi gonce-dehen
+
+Sîm-i âmîde libâsı teni dür
+
+Yâ meger şîşe idi âb ile pür
+
+Mâyı içinde teni sîmi hemân
+
+Mâhı sîm idi su içre nihân
+
+Meh-i çîn idi melek manzar idi
+
+Sanki âyinedeki peyker idi
+
+b Gördigin sihr ile şîşeye peri
+
+Görmeyen görse o sîmin-beri
+
+Çenberî hâle idi ‘ârızı mâh
+
+Yâsemen idi başındagı külâh
+
+Târ idi beli dür içinde hemân
+
+Gâyet-i lutfdan olmazdı nihân
+
+Âşiyânına gelüp bâz-ı sepîd
+
+Nâzenini görüben oldı şemîd
+
+Şâhıñ öñine düşüp oldı revân
+
+Şem’-i kâfûri idi sanki hemân
+
+Şîr-i berfîne idi şâh-ı cihân
+
+Bâ-revân oldu meh ardunca revân
+
+Taht-ı ‘âc üzre çıkup sîm-beden
+
+Kıldı ‘İsî gibi hurşîd vaâan
+
+Menzil-i âbıyidi sanki serîr
+
+Yâ dü peyker idi ol iki münîr
+
+Sîm-destine olup câm-ı bilûr
+
+Sundı kevser deyü rıdvânına hûr
+
+Câm-ı billûruñ içindeki nebîd
+
+Âb-ı Kevser gibi şîrîn ü sefîd
+
+Ak olup mey çün ola sâfi vü pâk
+
+Yok humârından anuñ zerrece bâk
+
+a Şîşesi dür idi vü hamrı gülâb
+
+Tâb virüp meh virdi şehe tâb
+
+İçilüp mey ney ider çünki figân
+
+Germ olur mâha katı şâh-ı cihân
+
+
+-----
+
+
+
+Yüze mey tâb getürdi göze h[v]âb
+
+Devşürildi yine esbâb-ı şarâb
+
+Gitdi sâkisi vü sâzendesi hem
+
+Mâh-ı Rûm ile kalur şâh-ı ‘Acem
+
+Câme-â[v]âbın döşeyüp hûr-i cinân
+
+Bister-i âhenge ider nâfe-feşân
+
+Soyınup yatdı nigâr ile dilîr
+
+Oldı hem-â[v]âbe ol âhû-y-ıla şîr
+
+Leb-be-leb sîne-be sîne iki yâr
+
+Yok ara yirde kumeys ile izâr
+
+Cümdler lu’bîle şâhı gehi mâh
+
+Ki kucaklar mâhı bâzi ile şâh
+
+Dest-bâzi idüben niçe zamân
+
+İtdiler kande mükerrerce nişân
+
+Lu’bdan soñra didi gonce-dehân
+
+Devletüñ dâyim eyâ şâh-ı cihân
+
+Çerh döndükçe tur ey kutb-ı zamân
+
+İtmesün gam okı kaddüñi kemân
+
+b Göndericek pîlini bu yana peder
+
+Şöyle ısmarladı ey ‘âli-güher
+
+Didi çün şâha mülâki olasın
+
+Bizden anlara du’âlar kılasın
+
+Bir nasîhat virem unutma sakın
+
+Diyesin şâha buluşicek hemîn
+
+Farzdur çünki selâtine salâ
+
+Devlet anuñ kim şi’ârı ol ola
+
+Olur ihsâna çü insân ‘abîd
+
+Göziñi virmek ile eyle mezîd
+
+Kimsene eylemeden saña su’âl
+
+Eyle ihsân budur cûda kemâl
+
+Perdedür cümle-i ‘ayba sehâ
+
+Setr kıl ‘aybunı itmekle ‘atâ
+
+Hatem olmadı cihân mülkine şâh
+
+
+-----
+
+
+
+Geymedi başında gerçi kim külâh[*]
+
+Lîk kesb eyledi bir nâm u nişân
+
+Ki unudulmaya turdukca cihân
+
+Devleti bir şehüñ olmasa bülend
+
+Vakt-i hâcetde ider halkı nejend[**]
+
+Halka muhtâcdur elbet dahı şâh
+
+Nice muhtâc ise kendüye sipâh[***]
+
+a ‘Âlemüñ sîm ü zerin eyleme çîn
+
+Vir ki oldur kalanı saña hemîn
+
+Zer-perest olma ki mergûb olasın
+
+Cümle ‘âlem seve mahbûb olasın
+
+Virmek eyler kişiye düşmeni yâr
+
+Sevmeyen dahı sever bi-ihtiyâr
+
+Kîse mi kimse şehâ viren eli
+
+Çok işitdük bilürüm bu meseli
+
+Çünki virür birine Tañrı hezâr
+
+Bire biñ ala tücârında ne var
+
+İder imsâk kişiyi çü hakîr
+
+Bir olur virmeyicek şâh-ı fakîr
+
+Toludur maâzen-i gaybuñ içi nakd
+
+Eyleme kise gibi dostuña ‘akd
+
+Yumicek rezmde yum desti şehâ
+
+Bezm de olsa tehi dest-i hata
+
+Dest-beste usa sanduk misâl
+
+Getürür âdeme çok dürlü zevâl
+
+Her kişi senden ider çünki ümîd
+
+Eyleme destüñi zinhâr kilîd
+
+Eyle engüştini miftâh-ı ni’am
+
+Olmaya tâ şehüñ âli şikem
+
+b Hiç Karûn'a müfîd oldu mu zer
+
+Gerçi gerd eyledi çok la’l-i dürer
+
+- Vezin bozuk.
+** a Şehün: metinde "şåhun" vezin geregi "şehün" okundu.
+*** a Muhtacdur: Dur bildirme hali eki "vav"lı yazılmış.
+
+
+-----
+
+
+
+Himmet-i ‘âli olup desti küşâd
+
+Olmasa serv ola mı hurrem şâd
+
+Kân ider sîm-i zeri gerçi nihân
+
+Çâk ider sînesini dest-i zamân
+
+İktibâkuñ sebebi cem’-i derem
+
+Mûcib-ı bast u tarab bezl ü kerem[*]
+
+Kişinüñ genc-i çîni olsa hemân
+
+Kılmasa buldugını defn ü nihân
+
+Yi bitür var ise koma zeri sen
+
+Kendüñe eyleme dünyâyı vesen[**]
+
+Mihrveş lutfuñı kıl ‘âleme ‘âm
+
+Olmaya şehlık adı tâ ki harâm
+
+‘Avrete oglana bezl eyleme zer
+
+Aña vir kim ola ol ehl-i hüner
+
+Şehlerüñ dâd u dihişdür hüneri
+
+Zîveri hil’atı tâc ü kemeri
+
+**HİKÂYET**
+
+a Rûmda var idi bir şâh-ı cevâd
+
+Kim çıkarmış idi ol dâd ile âd
+
+Kara toprakça tutup sîm u zeri
+
+Kuma taymaz idi hergiz düreri
+
+Himmet-i ‘âli idi kadri ‘akîm
+
+Hâtem-i Tayy gibi gâyet de kerîm
+
+Hükm iderdi yedi iklîme temâm
+
+Felegüñ kâsesi destinde çü câm
+
+‘Âleme nef’ide mânend-i sehâb
+
+Âftâb ide kefin görse hicâb
+
+Milketinde yogidi hiç su'âl
+
+Bir idi mîr ü gedâ çün dege mâl
+
+Kâyil olmaz idi bir sâyil ola
+
+Ya gedâ ola zere mâyil ola
+
+- a İktibâk: itfibâk
+** a Bitür: bidür
+
+
+-----
+
+
+
+Memleket fethine savb itse ‘inân
+
+Ele almaz idi tîr ile kemân
+
+Cûdını işidüben halk hemîn
+
+Cümle râm olup öperler diremîn
+
+Bu tarik ile olup âleme şâh
+
+‘Adl u dâd olmuş idi aña külâh
+
+Didi oglı ki eyâ şâh-ı cihân
+
+Hükmüñe râm zemîn ile zamân
+
+b ‘Âleme şâh olaludan berü sen
+
+Almaduñ elüñe şemşîr ü mecen
+
+Bu cihân mülkini tutmaga sebeb
+
+Hikmeti ne bilemez kimse ‘aceb
+
+Tîgdür mülk-küşâ hasm-şiken
+
+Almadun destüñe bir gün anı sen
+
+Gelüben didi ki ey cân peder
+
+Bir olur erde meseldür bu hüner
+
+Almadum gerçi ele tîg u kemer
+
+Halka dâm eyleyüben sîm ile zer
+
+Eyledüm dilleri anuñ ile râm
+
+Oldı ‘âlem baña münkâd temâm
+
+‘Âlemi eyledi teshîr-i sehâm
+
+Cân ile sevdi beni hâss ile ‘âm
+
+İster iseñ ki seve halk seni
+
+Bir nasîhat ideyüm diñle beni
+
+Zeri sevme ki seni halk seve
+
+Yolına ölmege her kişi ive
+
+Tevbe-reh olsa tehî var bu mesel
+
+Ki tutulmaz aña esb ile cemel
+
+Her neye kâdir isen eyle nisâr
+
+Göresin niçe olur feth-i diyâr
+
+a Bu kişinüñ yimegin on kişi yer
+
+Ni’metüñ bezl kıl oldur ki hüner
+
+Ne kadar virseñ olur dahı ziyâd
+
+
+-----
+
+
+
+Fazla bu aduñ olur bâr-ı cevâd
+
+Dûzaha girmez imiş çünki sahî
+
+Bundan artuk ne ola nef’ü vasî
+
+Cennete girmez imiş çünki bahîl
+
+İtme imsâk ile nefsüñi zelîl
+
+Belki şöyle gerek ey şâh-ı sahâ
+
+Ki cihân râmî vü münkâd ola
+
+Eyledi böyle diyüp şâha du’â
+
+Bir hulûs ile ki olur def’-i revâ
+
+Şeh bu pendini begendi vü öper
+
+Leb-i nukli sunar agzına şeker
+
+Bu hikâyet olup efsâne-i h[v]âb
+
+Lezzet ile uyudur hem-çü şarâb
+
+Subh olıcek yine ol mihr-i münîr
+
+Oldı arâyiş-i dihîm-i serîr
+
+Şâhlık resmiyle tâ geh-i şâm
+
+Maûlahat her neyise gördi temâm
+
+**SOHBET-İ BEHRÂM ŞEB-İ DÜŞENBİH DER KÜNBED-İ LA’L-FÂM**
+
+b VE MUSÂHEBET-İ BÂ DİL-ARÂM-I GÜL-ENDÂM
+
+Çün düşenbih gicesi şâh-ı cihân
+
+Tak-ı la’lîne diler ki ola revân
+
+Götürür şem’ini bir serv-i revân
+
+Gider ardınca anuñ meş'al-i cân
+
+Karşuladı şehi bânû-yı ‘Acem
+
+Künbed-i sürha girür vâris-i Cem
+
+Erguvân olmuş idi serv-i hırâm
+
+Lâleveş aldı ele destine câm
+
+Pür idüp lâle için la’l-i müzâb
+
+Zeyn içün meclise kebk oldı kebâb
+
+Câme-i sürh ile ol âfet-i cân
+
+Mihr idi sanki şafak içre nihân
+
+Âteş içinde Halîl idi meger
+
+Eylemez âteş aña hîç zarar
+
+
+-----
+
+
+
+Nâzenîn cismi leâfetde çü cân
+
+Lâle câmındaki jâleydi hemân
+
+Berk-i gülnâr idi san birisini
+
+Gül sever idi biri yâsemeni
+
+Yine sâzende alup destine ‘ûd
+
+Çaldı yırladı hoş-âyende sürûd
+
+a Ni’met ile toluban tak u sarây
+
+Oldı elhânı anuñ şevk-i ferây
+
+Yeyüp içüp idüben ‘ayş u neşât
+
+Devşürildi şehüñ emriyle simât
+
+Câme h[v]âbına girüp şâh-ı ‘Acem
+
+Bir zamân sürdi düşekde dahı dem
+
+Didi dilber ki eyâ şâh-ı zamân
+
+Haşre dek râm ola emrüñe cihân
+
+Dimege sizlere bir niçe haber
+
+Baña ısmarladı tekrâr peder
+
+Didi kim şâha şecâ’at de gerek
+
+Zen olur olmasa bir erde yürek
+
+Yedi iklîm açılur çün ola seyf
+
+Şâhlık oldı cebân kimseye hayf
+
+Gökden indi bu mesel var ki cedîd
+
+Oldı serkeşler anun ile ‘abîd
+
+Eceli olmayan olmaz çü şehâ
+
+Vehm kılma ölicek rûz-ı vefâ
+
+Şâh olan cengden eyliye çü bîm
+
+Lâyık olmaz ki giye başa dihîm
+
+Şîri gör kim seg olur ise hezâr
+
+Üşenüp vehm ile tutar mı kinâr
+
+b Gel a gör ola cünd anuñ füzûn
+
+Sanma yüz döndüre yüz ola zebûn
+
+Olsa âhûdan eger deşt içi teng
+
+Hak ider anı görüp bebr ü peleng
+
+Bir zegan olsa eger çerh-i berîn
+
+Çıkuban tagıda bir bâz-ı haşîn
+
+
+-----
+
+
+
+Olmasa şâhin eger ehl-i şikâr
+
+Ele mi alur idi anı kibâr
+
+Gürg tenhâda eger bulsa müyûn
+
+İder elbette şu hâl ile zebûn
+
+Peşşede olmag ile sûzen-i nîş
+
+Turamaz hamlesine gör nice mîş
+
+Hasmuñ açdurma gözin virme aman
+
+Ya kaça ya dileye bâri aman
+
+Hasmunâ çünki mukâbil varasın
+
+Cehd kıl ol anı sen urasın
+
+Cüst olmak gerek itdükde kıtâl
+
+Bulmaya tâ ki ‘adû saña mecâl
+
+Tutmaga bilmeyicek tîg u kemân
+
+Yük olur kişiye esbâb hemân
+
+Esbini itmeyicek bir kişi râm
+
+Dâr u gir itmek olur aña harâm
+
+a Merd olan bilmeye tutmaga ‘inân
+
+Nedir eline alup bâri sinân
+
+İtmeyen kendüzine erligi fen
+
+Takınup neyliye tîg ile mecen
+
+**HİKÂYET**
+
+Tutdı dünyâyı Sikender çü temâm[*]
+
+Oldı mahkûm anuñ Mısr ile Şâm
+
+Tîgınuñ râm olup bahr ile ber
+
+Nereye vardiyise buldı kafer
+
+Geldi tahtına idüp geşt-i cihân
+
+‘Ayş u nûş itmege başladı hemân
+
+Hasmı yog idi ki ideydi hazer
+
+Sohbet idi işi her şâm u seher
+
+Bir gün itdi aña bir kimse su'âl
+
+Didi ey câmi’-i envâ’-ı kemâl
+
+- Çü: çün
+
+
+-----
+
+
+
+Halk olaldan berü kevn ile mekân
+
+Gelmedi sencileyin şâh-ı cihân
+
+Eyledüñ gerçi mülûk ile kıtâl
+
+Olmadı kimse saña lîk hemâl
+
+b Kande varduñsa koduñ nâm u nişân
+
+Gelmedi nâmuña bir yirde ziyân
+
+Didi ne deñlü itdümse kıtâl
+
+Hasm bulmadıgı bu baña mecâl
+
+Turmada süst idüm ü varmada cüst
+
+‘Âlemi tutdum anuñ ile dürüst
+
+Hasmdan itmez idüm derece bâk
+
+Kalmaz idüm çü zebûn ola helâk
+
+Kankı şehde k'ola fi'l-cümle ¡ebât
+
+Vartalardan bulur elbette necât
+
+San’at oldı baña bu ceng-i cidâl
+
+Kesb olur görmek ile cümle kemâl
+
+Olmasayıdı eger bende ciger
+
+Korkar idüm görecek tîg u teber
+
+Baña olmazd müyesser bu celâl
+
+Pâdişehlıkda bulunmazdı kemâl
+
+Hak budur virmeyicek lîk Hudâ
+
+Kişinüñ sa’yi olur cümle hebâ
+
+Kendü olur elde olan tîg u teber
+
+Remh-i şâmi görinür hasma eber
+
+Virmek Allâh'a yaraşur çü kafer
+
+Bir behânedür ara yirde teber
+
+a Kâh olur cüzz-i bahâneyle ‘adû
+
+İrişür nasr dutar kaçmaga rû
+
+Sipehü sa’y-ile olmaz bu kafer
+
+Dâd-ı Hakdur vire Allâh meger
+
+Çün temâm itdi sözin zümre-i cîn
+
+Şâh-ı Behrâm olur h[v]âb hemîn
+
+Öpüben bagrına baûup ûanemi
+
+Dilde kalmadı bu devrân gamı
+
+
+-----
+
+
+
+Ne safâdur ola hem-h[v]âbe habîb
+
+Tokına sîneñe nârenc ile sîb
+
+Uyanup geh öpesin geh kucasın
+
+Geh serin oâşayasın geh uçasın
+
+Subha dek şeh kuçuben itdi huzûr
+
+Nukl-ı kevser idi hem-h[v]âbesi
+
+**MECLİS-ARÂSTEN-İ BEHRÂM ŞEB-İ D ŞENBİH**
+
+**DER KÜNBED-İ ZÜMÜRRÜD-FÂM**
+
+Çün se-şenbih gicesi togdı kamer
+
+Şeh turup künbed-i hazrâya gider
+
+Lu’bet-i hûrveş Çîni-nijâd
+
+Karşuladı şehi ikrâm ile şâd
+
+b Hûriye dönmüş idi serv-i revân
+
+Ravza-i cennet idi kasrı hemân
+
+Müntehâ kaddi anuñ Sidre-misâl
+
+Hüsninüñ cennetine virdi kemâl
+
+Cennet içinde tutup Tûbî-makâm
+
+Ravzada eyledi tâvûs-hırâm
+
+Şâhuñ eylemege göñlini şikâr
+
+Sebzeler giymiş idi yine nigâr
+
+Sebz idi sakı çü eyvân-ı felek
+
+Dilber içinde yeşil perlü melek
+
+Şem’-i kafûriyidi gerçi ki yâr
+
+Lîk zengâr ile olmuşdı nigâr
+
+Tûti-i sebz idi güftâri şeker
+
+Dökülür söyleyicek la’l ü dürer
+
+Sebz-pûş oldıgı bu serv-i revân
+
+Resmdür hulle giyer hûr-ı cinân
+
+Hızr u etile gider gussa vü gam
+
+Sebze meyl itdügi bu şâh-ı ‘Acem
+
+Câme pirûzec idi târ-ı miyân
+
+Târ-ı pirûzeci içinde nihân
+
+
+-----
+
+
+
+Başmadan çıkaydı tak-ı hümâ hemîn[*]
+
+Dilber içinde çü pirûze-nigîn
+
+Dönüben mâh-ı zeber-hadd saneme
+
+Kıble-gâh oldı emîr-i ‘Aceme
+
+Câme olmaz idi cismine hicâb
+
+Hâyıl ola mı mehe sebz-i sehâb
+
+Câme-i sebz ile ol serv-i âırâm
+
+Sebze de Tûbî gibi tutdı makâm
+
+Çü çıkar tahtına sultân-ı cihân
+
+Oturur yanına ol serv-i revân
+
+Gonce lebler düzilür serv-misâl
+
+‘Arz ider her biri gül gibi cemâl
+
+Her biri kebk-i deri kasr-ı çemen
+
+Rutları berk-i ter içinde hemen
+
+Sâki-i hazresi vü ‘İsî-nefes
+
+Câm-ı pirûeci pür eyledi bes
+
+Sunuben eyledi Behrâma du’â
+
+Nûşidüp toldı dil ü cânı safâ
+
+Nukl içün virdi lebin agzına mâh
+
+İtdi şirîn dehenin nukl ile şâh
+
+Aldı kânûn eline nagme-serây
+
+Başladı nagme-i eşvâk-ferây
+
+Çaldı çagırdı idüp sohbet-i germ
+
+Nicesin seng-i dilün eyledi nerm
+
+b Tutdı aheng ana ma’nî vü zübâb
+
+Ol sürûd ile olur devr türâb
+
+Virdi rakkâsları bezme şeref
+
+Başladı tutdı usulü kef u def
+
+Şevk ile sîne döger gördi çü def
+
+Germ olup çaldı celâcil dahı kef
+
+Yandı pervâne gibi şem’-i münîr
+
+Döndi gerdûne ziyâsıyla serîr
+
+- a Vezin bozuk
+
+
+-----
+
+
+
+Devr idüp bir niçe kez bâde-i nâb
+
+Getürür her kişinüñ ceşmine h[v]âb
+
+Câme-h[v]âbına girür şâh-ı cihân
+
+Oldı hem-h[v]âbesi ol mâye-i cân
+
+Didi dilber ki eyâ şâh-ı cihân
+
+‘Âlemüñ emn ü emânîne zemân
+
+Yâr ola ‘ömrüñe ‘izz ile celâl
+
+İrmiye göñlüne ‘âlemde melâl
+
+Dirile hazretüñe müddet-i Nûh
+
+Haşre dek eyleyesin feth ü fütûh
+
+Bir nasîhat dimiş idi baña bâb
+
+Şerh olunsa ola her bâb kitâb
+
+Şehlere didi siyâset de gerek
+
+Ki siyâset olur insâna mihek
+
+a Yeñemez lutfla bu halkı kişi
+
+Geh siyâset gehi lutf olsun işi
+
+Çün siyâsetsüz olur mülk harâb
+
+Müstehak olana bes ile ‘azâb
+
+Düzd ü tarrâr olana virme aman
+
+Ki fesâd ider olur bulsa zamân
+
+Şâha rûze ne fûz olsa revâ
+
+Ki kazâ olur anuñ ile kazâ
+
+Şer’e kıl ‘örfüñi geh gâh karîn
+
+Fitneden tâ ki halâs ola zihîn
+
+Hamldür gerçi ki âdemde kemâl
+
+Kesiretlîk ider naks-ı celâl
+
+Hoş-sıfatdur bilürem hilm u cemâl
+
+İ’tidâli gözet oldur ki kemâl
+
+Râzi olma ki göre kimse elem
+
+Kılmasun bendelerüñ halka sitem
+
+Şâhlık buldı siyâsetle nikâm
+
+Çok olur putteler içinde ki âm
+
+Nefs-i nefsi olicek mîr ü sipâh
+
+Halk pâ-mâl ola mânend-i siyâh
+
+
+-----
+
+
+
+Memleket tîz olur anuñla harâb
+
+Pür olur âdemi yerine ‘azâb
+
+b Rehber-i dûzah ola her ki saña
+
+Ogluñ olur ise rahm itme aña
+
+Emr-i Hakdur çün siyâset idesin
+
+Emr-i şer’-ile olan fi’l-i çîn
+
+‘Âleme oldı siyâset çü esâs
+
+Gayr-ı ‘âdetlere eyleme kıyâs
+
+Hârven-i bâguñ içi olmasa pâk
+
+Bâgbânuñ ide dâmânını çâk
+
+Kişinüñ çün ola cîbinde yilan
+
+Gözedür şeh-tamarı ki ide nişân
+
+Zulme vü zâlime meyl itme şehâ
+
+Farzdur zâlime tehdîd ola
+
+Olmasayıdı eger şâh-ı zamân
+
+Biri birin yer idi pîr ü cüvân
+
+**HİKÂYET**
+
+Bir hikâyet didi dânâ-yı umûr
+
+Dimeyem gelmez ise kalbe fütûr
+
+Çînde var idi bir şâh-ı cihân
+
+Ki emîn idi zamânında zamân
+
+Yogidi aña siyâsetde nakîr
+
+Saltanat ‘ilminde dânâ vü habîr
+
+Bir begi var idi eylerdi sitem
+
+Çekdiler hayli re’âyâsı elem
+
+Ne kadar kıldıysa cevr ü sitem
+
+İtdiler defterini cümle rakam
+
+Sundılar şâha yazup rik’a- misâl
+
+Göricek geldi celâlîydi celâl
+
+Da’vet eyler kapusına anı şâh
+
+Kasdı bu kîm gelicek ide tebâh
+
+Havf idüp kendüzini itdi nihân
+
+Bulamadı arayup şâh-ı cihân
+
+
+-----
+
+
+
+Anı terbiyyet iden kimseyi şâh
+
+Kasd kıldı ide yerine tebâh
+
+Didiler aña ki ey şâh-ı serîr
+
+Ne günâh itdi bu üftâde fakîr
+
+Bilürüz añı bu itmedi günâh
+
+Yok yere kana ne içün gire şâh
+
+Hûn-ı nâ-hâk niçe taht itdi harâb
+
+Günehi olmayana kılma ‘azâb
+
+Didi ol kâlime çok oldı mu’în
+
+Zulmi bu itmiş olur halka hemîn
+
+b Bu sebeb oldı anı itmege mîr
+
+Eylerem yerine ben bunı hakîr
+
+Bir kişi kim idine kâlimi yâr
+
+Zulmle anun da belki kim meyli var[*]
+
+İhtiyâri degül ol meyl aña
+
+Bâ’isi yok anuñ illâ irtişâ[**]
+
+Nefsine ya baña eylese günâh
+
+Hışm idüp itmez idüm anı tebâh
+
+Hakk-ı gayr oldı çü yok çâre aña
+
+İderem vâcib olan neyse baña
+
+Bulına deyü kim itdiyse günâh
+
+Habs iderler anı emr eyledi şâh
+
+Niçe müddet oluban habse emîr
+
+Habsün elemini çok çekdi vezîr
+
+Hikmeti gör ki olan kimse nihân
+
+Kendüyi bir gün eder yine ‘ayân
+
+Tutdılar anı vü itdiler esîr
+
+Saldılar mahbese vü kıldı vezîr
+
+Suçu ‘afv oldı vü varıldı hemân
+
+Asdılar ol begi virmedi amân
+
+Bu siyâsetde eder hafv-ı sipâh
+
+- Vezin bozuk.
+** Vezin bozuk.
+
+
+-----
+
+
+
+Vehm ider itmeye her kişi günâh
+
+a Ahir itdi çü bu efsâneyi mâh
+
+Uyudı dinleyirek kıssaı şâh
+
+Subha dek yatdı çü irişdi seher
+
+Menziline yine gün gibi gider
+
+**BEZM - KERDEN-İ BEHRÂM ŞEB-İ CİHÂR-ŞENBİH**
+
+**DER KÜNBED-İ SANDAL-FÂM**
+
+Çâr-şenbih gicesi server-i ceyş
+
+Sandalî kasra varur itmege ‘ayş
+
+Karşular vaht-ı şehenşâh-ı ‘Arab
+
+Kim ide ol gice şâh ile tarab
+
+Câme-i zerd ile ol zümre-i çîn
+
+Mehdeki peykere dönmiş idi hemîn
+
+Za’ferânîler ile serv-i şehî
+
+Hurrem eyledi dil-i pâdişehî
+
+Sîm-i sâkındaki hal-hal-i zeri
+
+Geldi deyü şehe virdi haberi
+
+Dâmenin devşürüp oldı çü revân
+
+Za’ferânında olur müşk-i demân
+
+‘Âşıkâne geyüben şâh harîr
+
+Gün gibi çıkdı vü zeyn itdi serîr
+
+b San gül-i zerd idi yanında nigâr
+
+Yüzine bakup olur şâh-ı hezâr
+
+Sanki dînârdaki nakş idi mâh
+
+Karşusunda yazılu peyker-i şâh
+
+Lâle-i zerd idi ol lâle-’izâr
+
+Oldı tâk içi anuñ ile bahâr
+
+Şenbelîd idi velî ‘ârızı gül
+
+Lâleveş câm elinde tolu mül
+
+Gül-i nesrîn idi yâ geydügi zerd
+
+Sürhu tâze ruhı ammâki çü verd
+
+Sîm idi gûy-ı zer-endûd teni
+
+Zeyn olur hayrı yele yâsemeni
+
+
+-----
+
+
+
+Geydügi pirehen-i zerd-i kabâ
+
+Cezb iderdi dili çün kâh-rübâ
+
+Saru Yakup gibi mâhına hemân
+
+Tâc üzre yer ider şâh-ı cihân
+
+Reng-i behden nice renk ola latîf
+
+Ki giye anı olan kimse karîf
+
+Yaraşur hûb olana saru libâs
+
+Gayrı renge anı eyleme kıyâs
+
+Döndi zerden düzili bir saneme
+
+Zerd idi bâ’is olur def’-i gama
+
+a Pûşiş-i câm-ı zer u haddi nebîd
+
+Mey neşâtın zer-i zerd itdi mezîd
+
+Şâhı itmişdi hevâsı yarakan
+
+Döndürür la’le mey-i zerd hemân
+
+Yine mutrıblar ider sâzını râst
+
+Çaldılar kimi Hicâz u kimi Râst
+
+Mey-i asfer idicek devri çü mâh
+
+Germ olup şeh yine kec itdi külâh
+
+Tıflveş kec mec olur oldı zebân
+
+Ezilür dilberine şâh-ı cihân
+
+Dizi üstine alup la’lin emer
+
+Geh kolun geh saçın idindi kemer
+
+Yiyüp içüp çün olur ‘ayş temâm
+
+İtdi pes bisterine şâh hırâm
+
+Oldı ‘üryân soyınup sîm-beden
+
+Koynı koltıgı şehüñ toldı semen
+
+Sînesi yâsemeni berk-i semen
+
+Beñleri sînesi üstünde peren
+
+Sarulur tek ol iki teng-i şeker
+
+Ki oradan suda itmezdi güzer
+
+‘Arabî şîvelere başladı mâh
+
+Germ olur gâyet aña şîfe-i şâh
+
+b Uyumaz gördi şehi zümre-i çîn
+
+Didi ey zîver-i dîhîm-i nigîn
+
+
+-----
+
+
+
+Bir nasîhat bize de itdi peder
+
+Nakl ideyüm saña ey ‘âli-güher
+
+Şehlere didi gerek hılm ü vakâr
+
+Her kişi andan ider yoksa firâr
+
+Verme zinhâr gazab otına tâb
+
+Bagrum itmiye nedâmet ki kebâb
+
+Kûhda oldugiçün hılm ü vakâr
+
+Oldı sâbit-kadem ü âutdı karâr
+
+Âteşi olsa eyâ şâh-ı cihân
+
+Kendü kendüye ider kişi ziyân
+
+Hılm-ı hışm âteşine saçmasa âb
+
+Yana yakıla cihân ola âarâb
+
+Hışm kılma olana saña zebûn
+
+‘Âkiluñ hışm olur hılme zebûn
+
+Bir kuluñ eylese bir kere günâh
+
+‘Avf vacibdür anuñ itme tebâh
+
+Lîk ‘âdet idine çünki günâh
+
+Farzdur anı ki tarayup ide şâh
+
+İtdügüñ cürmleri eyle hisâb
+
+Yazsalar şübhe yok olurdu kitâb
+
+a Birine itdi mi pâdâş-ı kerîm
+
+Sen de hilm ögrenüp ol nefs-i selîm
+
+Bir günâhuña eger olsa’ukâb
+
+Haşre dek olur idi saña ‘azâb
+
+Rahm kıl rahmet ide tâ ki Hudâ
+
+Kul beşerdür ‘aceb olmaya hatâ
+
+Yapdugı âyını hak itme harâb
+
+Diler iseñ saña itmeye ‘azâb
+
+‘Aybdur şehlere bî-hûde kelâm
+
+Nâ-sezâ söyleme sakın çün ‘avâm
+
+Hokka-ı nûşa sakın koyma semi
+
+Şehlerün pâk gerekdür ki femi
+
+
+-----
+
+
+
+Yâve-gû olma virür kadre ziyân
+
+Hem mülevves olur anuñla zebân
+
+Şefkat it halka ki şefkat bulasın
+
+Rahmet it halka ki rahmet bulasın
+
+Eyleme halka lisânuñı sinân
+
+Söyleme kasd ile zinhâr yalan
+
+Eylemez kimseneden şâh çü bîm
+
+Kasd ile söylese kizb ola le'im
+
+‘Afv olur çün siper-i hışm-ı Hudâ
+
+Eyleme olsa sezâ dahı cezâ
+
+b Türş-rû olma çîn eyleme kaş
+
+Vaz'uña dinmeye ta sîne-hırâş
+
+Meyl-i beşşâsa ider halk-ı cihân
+
+Halk bende idünür çürb-zebân
+
+Çün kılup eyleye latî’i nüfûr
+
+Şâhlıkdan ne kadar ola huzûr
+
+Çekmedi kimsene saña nâvek-i kîn
+
+Kavsveş niçe kaşuñda ola çîn
+
+Bâg-ı handana ider her kişi meyl
+
+Ârzû eyleye mi kimsene veyl
+
+Genc yerine neden ‘âleme renc
+
+Renc ile girür ele gerçi ki genc
+
+Bâg yerine neden dilleri dâg
+
+Merhem-i lutfuñı kıl dagda bâg
+
+Zîr-i destüñ olana eyleme kîn
+
+Ki sıgışmaz didiler kin ile dîn
+
+Kakıyup nice perîşân olasın
+
+Dâyıma süârede şeyân olasın
+
+**HİKÂYET**
+
+a Bir gün İskender-i Rûmîye meger
+
+Didi destûri ki ey fahr-i kemer
+
+Halka itdükçe şehenşâh-ı kerem
+
+Olmaga başladı küfrân-ı ni’am
+
+
+-----
+
+
+
+Hılmdür bâ’isi terk eyle şehâ
+
+Halk senden ola kim korkar ola
+
+Şâhdan itmeye çün vehm-i sipâh
+
+‘Âkibet hasmuñ olur taht u külâh
+
+Didi şol kahr ile olacak işi
+
+Hüner oldur ide lutf ile kişi
+
+Kılma Hak yapdugı dîvârı harâb
+
+‘Âkıbet sen de olursun çü türâb
+
+Ölmegi her kişi kim eyleye yâd
+
+Bozulur olmuş iken hâtırı şâd
+
+Elüñ üzüñe urup eyle ‘itâb
+
+Her kişiye çün olur sûr u hîsâb
+
+Dem-i nâ-hak gibi olmaya günâh
+
+Saklasun her kişii andan İlâh
+
+Hîn-i ‘arzunda bunuñ gibi kelâm
+
+Deme ırak baña yokdur ki rızâm
+
+Hayr işe eyle delâlet beni sen
+
+‘Aybdur hem-dem-i sultâna fiten
+
+b Didi neyliyeyüm ey şâh-ı cihân
+
+Yaramaz oldı katı halk-ı cihân
+
+Karşuña bir kişi varmış idiler
+
+Görmeden yüzini dil nefret ider
+
+Müflis ü bî-edeb ü h[v]âr u gedâ
+
+Bu söze söylemek olur mı sezâ
+
+Buyuruñ anı helâk eyliyeyüm
+
+Cigerün tîg ile çâk eyliyeyüm
+
+Bile mikdârını tâ mîr u fakîr
+
+Sanmaya kendüyi ‘izzet de hakîr
+
+Didi dîvâniye yokdur çü kalem
+
+Cenneti imiş aña itme elem
+
+Sevdügünden beni bilmez ne diye
+
+Lâyık ola mı seven hadde giye
+
+Düşmen öldügi yeter baña hemân
+
+Sevene dahı idelüm mi ziyân
+
+
+-----
+
+
+
+Aslı sevmege çıkar itme zarar
+
+Yoksa benden irişür saña hatar
+
+Hayre haml itdi halâs oldı fakîr
+
+Kaldı hayretde görüp hılmi vezîr
+
+Hılm şöyle gerek ey şâh-ı cihân
+
+Şâhdan itmiye tâ kimse gümân
+
+a Böyle derken uyudı şâh-ı zemîn
+
+Bagrına basdı anı zümre-i Çîn
+
+Subh olicek yine hûrşîd-i serîr
+
+Çıkdı dîvânına vü geldi vezîr
+
+Maslahat her neyise oldı temâm
+
+Vakf-ı ‘ayş oldı irişdi geh şâm
+
+**MECLİS-ARÂSTEN-İ BEHRÂM ŞEB-İ PENŞENBİH**
+
+**DER KÜNBED-İ FELEK-FÂM**
+
+Penc-şenbih gicesi şâh-ı cihân
+
+Lâciverdî geyüben oldı revân
+
+Oldı efrencî nigârın da enîs
+
+Devlet anuñ ola dildârı celîs[*]
+
+Lâciverdî geyüp ol dahı harîr
+
+Zeyn ider hazret-i şâh ile serîr
+
+Lâciverdîler içinde añı şâh
+
+Göricek sandı tenüñ ebrde mâh
+
+Sûsen içinde açılmışdı semen
+
+Zeyn kılmış semenün gonce-dehen
+
+Hûblar karşusuna bagladı saf
+
+Ele sâzendeler aldı ney ü def
+
+Zeyn idüp meclis için sâgar-i zer
+
+İtdi ârâste nukli-y-ile şeker
+
+Bezm işi bitdi gider yatmaga şâh
+
+Gird koynuna yaturdı şehi mâh
+
+Geh öpüp geh kuçar iken anı şâh
+
+- b Devlet anun ola dildârı celis: Devlet anun ki ola dildârı celis
+
+
+-----
+
+
+
+Didi lutf ile ki ey zıllu'llâh
+
+İtmiş idi baña bir pend peder
+
+Diyeyüm şâha buyurursa eger
+
+Şeh didi söyle eyâ gonce-dehen
+
+Hoş gelür her ne ki derseñ baña sen
+
+Didi şâh olmayıcak ‘ali-himem
+
+Hiç bi’at ide mi aña ümem
+
+Zer olur himmet ile hâk-i siyâh
+
+Cân virür himmet ile huşk giyâh
+
+Himmeti gör ki ider sengi güher
+
+Himmeti gör ki ider âki kemer
+
+Himmeti virdi hümâya dahı fer
+
+Yoksa her murgda var bâl ile per
+
+Himmeti ‘âli tut ey ‘âli -cenâb
+
+……………cân ile tâ şeyh ile sâb[]
+
+Himmet it bende-i makbûle müdâm
+
+Nâ-sezâyı ko olur aña harâm
+
+a Himmet îmândan imiş var bu âaber
+
+Bûrıyâ himmet ile oldı şeker
+
+Hâcetin her kişinüñ eyle kabûl
+
+Yas idüp olmaya ta göñl melûl
+
+Kimseye kılma hakâretle nazar
+
+Düşmen-i dîne ola illa ki meger
+
+Himmet eylemeyicek halkına şâh
+
+Vire mi başını öñinde sipâh
+
+Fikr idüp eyleyicek halka nazar
+
+Himmet içün dürişür şâm u seher
+
+Yâs idicek kilimi kimse saña
+
+Haşr de rahmet idemezsin aña
+
+Hakk hıdmet bileni halk sever
+
+Himmeti olmayanı kişi neder
+
+Yazamaz hokka daâı himmeti dûn
+
+Silik olduğu için okunamadı.
+
+
+-----
+
+
+
+Kim ider rûhını nefsine zebûn
+
+Himmet ile irüşür vâsıl-ı Hakk
+
+Himmet-i tıfl gibi eyle sebak
+
+Şehlerüñ himmet şâhâne gerek
+
+İre maksûda çeken tâ ki emek
+
+Himmeti gör ki uçar evcde bâz
+
+Nesr cîfeyle sürer ‘ömr-i dırâz
+
+b Ol feleklerde ider mürg şikâr
+
+Buña cîfe yemek oldı ulu kâr
+
+Himmeti olanı Hakk dahı sever
+
+Dûn-ı himmet kişiden Tañrı bezer
+
+Himmeti olmayan olur mu hemân
+
+Uluya nisbet ider rind-i cihân
+
+Bir hikâyet didi efsâne-minâs
+
+Yâd kıl etme fesâneye kıyâs
+
+Olmasun deyü süâan dürr-i telef
+
+Eyledi gûş hudâvend sadef
+
+**HİKÂYET**
+
+Çünki İskender-i iklîm-küşây
+
+‘Âlemüñ fethiçün eyledi rây
+
+Fikr idüp bir nice gün oldı gamîn
+
+Agzını açmadı çün lâl-i nigîn
+
+Tonugup âyine-i gitî-nümâ
+
+Hiç göstermedi bir kere safâ
+
+‘Aklınuñ âyine fikr oldı seâb
+
+Soramaz serin ider halk hicâb
+
+‘Âkibet geldi Aristo-yı Hakîm
+
+Kâmil u fâzıl u üstâd u ‘alîm
+
+a ‘İlm-i fîrdevs ola ‘imâl ola hür
+
+Haşre dek zehrüñ ola meş’al-i nûr
+
+Olsa ‘âlemde ne deñlü sürûr
+
+Getürür kalbe adın ol deñlü fütûr
+
+Bir güli var ise biñ ârı da var
+
+
+-----
+
+
+
+Kande kim genci ola mârı da var
+
+Nûş var gerçi ki nîşi dahı var
+
+Eskidür takı degül cây-ı karâr
+
+Gelmek ü gitmek olupdur çü biran
+
+Gelmegi gitmegi bil anı hemân
+
+Teni terk eyleyüp ol cân ile mâr
+
+Döndi çarâbudur resm-i kibâr
+
+Hiştdur bu beden hâki hemîn
+
+Seyl-i âfet ider eczâ-yı zemîn
+
+Hâk-pez oldu ten-i hâki hemân
+
+Bu didügüme merâm oldı nişân
+
+Oldı gırbâl misâlinde tenüñ
+
+Âbdur ‘ömrüñi fikr eyle senüñ
+
+Mîhmân oldı kişi bunda hemân
+
+Gitmedi her ki kim kodı nişân
+
+Kişinüñ çün kala makbûl eseri
+
+Söylenür haşr olunca hüneri
+
+b Bir eser ola ki mislini melek
+
+Görmeye devr ideli çarh-i felek
+
+Olmaya nakm gibi hûb-eser
+
+Lîk pâk eylemedür nazmı hüner
+
+‘Âlem içinde bunuñ tâlibi çok
+
+Hikmeti gör ki velî vâsılı yok
+
+Kişinüñ olmayıcek tab’ latîf
+
+Ola mı râm aña bu fenn-i şerîf
+
+Söz ‘arûsına virilmese cemâl
+
+Nazma kudret degül insâna kemâl
+
+Tab’ fıtratda çün olmaya selîm
+
+Gedâ-y-ile her ne dir ola sakîm
+
+Bile kadrimi bulan bunda kemâl
+
+Ola ma’lûm ki yok baña hemâl
+
+Görmedim hamse gibi hûb-kitâb
+
+Yok hatâsı zileli cümle savâb
+
+
+-----
+
+
+
+Minnet Allâha didüm aña cevâb
+
+Her kişi gördi cevâbımda savâb
+
+Cânı yokdur ki bula ‘ayb-i beşer
+
+Çeşm-i insâf ile eylerse nazar
+
+Geçeni ko gelicek dahı ‘adem
+
+Nazm bu nazmdurur dem de bu dem
+
+a Şimdi yok baña bu fennim de hemâl
+
+Gerçi çokdur virilen ehl-i kemâl
+
+Bu sözüme diriseñ lâf u haber
+
+Nazar et nazmûma ey ehl-i nazar
+
+Penc-Genci çün nasîb itdi Hudâ
+
+‘Araba vü ‘Aceme cümle salâ
+
+Toludur gen�� ile bu penc-kitâb
+
+Kimsenüñ haddi degül buña cevâb
+
+Urayım şevkıle Şeh-nâmeye dest
+
+Hasm ol kaldı idem anı da pest
+
+Yazayum Târih-i ‘Osmâniyi ben
+
+Kıssası râstdur nazm-i hasen
+
+Anuñ efsâneleri oldı dürûg
+
+Yok cürâ’ında dürüguñ da fürûg
+
+Bunlaruñ eyledügi lîk cihâd
+
+Râst dur eyleyemez kimse ‘inâd
+
+Eyliyeyüm anı bir hûb-kitâb
+
+Şâh-nâmeye ola tâ ki cevâb
+
+‘Avn-i Hakkıle idüp anı temâm
+
+Kılayum emrüme Firdevsî'yi râm
+
+Çünki Hakkdan baña nazm oldı ‘atâ
+
+Dil uzatmak baña gâyet de hatâ
+
+b Dâd-ı Hakdur bu cevâhir baña ne
+
+‘Aybdur zişt dimeklik hasene
+
+Nazmuma eyler isen lîk hased
+
+Di nazîrini bunu eyleme red
+
+Bulamaz kimse buña ‘ayb u kusûr
+
+
+-----
+
+
+
+Ziştdür dinse revâ ola mı hûr
+
+‘İlm çok olmasa bu ‘ömr-i kasır
+
+Komak olur idi asâr-ı kesîr
+
+Her birisinde yazup ben de kitâb
+
+Derc iderdüm nice redd ile cevâb
+
+Mefharüm sanma ki nazm ola hemîn
+
+Sinem içinde besâ genc-i defîn
+
+Nazmdan lîk murâdum bu hemân
+
+Beni unutmaya sultân-ı cihân
+
+Arturup itdügüm ol arz-ı hüner
+
+Ki ide baña ‘inâyetle nazar
+
+Çü sever kâmili ol ehl-i celâl
+
+Farzdur ‘arz ide her bende kemâl
+
+Devlet ü ‘ömrüni çok ide İlâh
+
+Haşre dek halka ola bâb-ı penâh
+
+Cehl olmamış idi sinn-i şerîf
+
+Ki temâm oldı bu ebyât-ı latîf
+
+a Çü tokuz yüz on üçe irdi hisâb
+
+Hamse hatm oldı vü ketb oldı kitâb
+
+Temme
+
+
+-----
+_____
+|/\|
\ No newline at end of file