Datasets:
File size: 211,340 Bytes
7b03a83 |
1 |
ⴰⵎⵍⴰⵍⴰ ⴷ ⵉⵅⴼⴰⵡⵏ ⵏⵏⵅ ⵜⴰⵄⴰⵡⵉⵜ ⴷ ⵡⵓⵔⴰⵔ ⴰⵍⵙ ⴷ ⴰⵎⵃⴰⵢⵍ ⴰⴽⴽⴰ ⴽ ⵇⵇⵉⵙⵅ, ⵎⴰⴳⴳⵉⵏ ⴰⵍⵙ, ⵉⵇⵇⵏ ⵉⵢⵉ ⴰⴷ ⵔⵙⵅ ⵡⴰⵀⵍⵉ ⴳ ⵓⵎⵣⵔⵓⵢ, ⴰⵣⵣⵍⵅ ⵖⵔ ⵜⵙⵔⵡⵉⵜ ⵏ ⵜⵓⵙⵏⴰ ⵜⴰⵎⴰⵣⵉⵖⵜ. ⵏⵜⵛⵏⵉ ⵉⴷ ⵉⴽⴽⵔⵏ ⵅⴼⵙ, ⵜⵣⵔⵉ ⵣⴳ ⵉⵎⵉ, ⵖⵔ ⵜⵎⴷⴷⵊⵜ, ⵏⵏⵉⵛⴰⵏ, ⵡⴰⵅⵅⴰ ⵓⵔ ⵜⵍⵍⵉ ⵜⵉⵔⵔⴰ, ⵏⵓⴼⵉⵜ ⵜⵣⵔⵉ ⴳ ⵜⵄⴰⵡⵉⵜⵜ ⴷ ⵡⴰⵍⵙ. ⵉⵎⵣⵡⵓⵔⴰ, ⴽⵎ ⵅⵙⵏ ⴰⴷ ⴰⴽ ⵉⵏⵉⵏ ⵛⴰ ⵓⵏⵖⵎⵉⵙ, ⵍⴰ ⵜ ⵉⴼⵜⵜⴽ ⵙ ⴷⴰ ⴰⴽ ⵇⵇⵉⵙⵅ ⵎⴰ ⵖⵉⴼⵉ ⵢⴰⵔⵓⵏ. ⴷⴰ ⵉⵏⴰⴽ ⴰⵅⵓⴱ ⵏⵏⵙ, ⴷ ⵡⵓⵙⵙⴰⵏ, ⵓⵔ ⴰⵙ ⵉⵙⴳⴳⵉⴷⵏ. ⴷⴷⴰⵏ ⵉⵡⴷⴰⵏ ⴰⴷ ⴼⴼⵖⵏ ⵉⵍⵙ ⵏⵏⵙⵏ. ⵉⵍⵍⵙ ⴰⵙⵏ ⵓⵏⵍⵍⵉ; ⴷ ⴰⴳ ⴰⵍⵍⵉⴳ, ⴼⴰⴼⴰⵏ; ⵅⵙⵏ ⴰⴷ ⵡⵜⵏ ⴰⵏⴼⴰ ⴳ ⵜⵣⴷⴰⵖⵜ ⵏⵏⵙⵏ, ⵓⴼⵉⵏ ⵛⴰ ⵉⴳⴰⵏ ⵏ ⵉⴱⴱⵔⴰⵡⵏ, ⴰⴳ ⵜⵜⵓⵖⵣⵉⵏ, ⴼⴼⵉⵔ ⴰⵙⵏ. ⴰⵙⵙ ⵓ, ⴽⵓ ⵉⴷⵊ ⵍⴰ ⵢⵓⵔⵣⵣⵓ ⴰⴷ ⵉⵎⵣⴰⵔⴰⵢ ⴷ ⵓⴱⵟⵟⵓ ⴰⵙ ⴷ ⵉⴽⴽⵔⵏ. ⵜⴰⵡⵓⵔⵉ ⴰⴽ ⵜ ⵓⵜⵛⵅ, ⴷⴰⵀⴰ, ⵜⴳⵓ ⵉⴷⵊ ⵣⴳ ⵊⴰⵔ ⵉⵏⵏⵣⴳⵓⵎⵏ ⵉⵟⵏⵉⵏ, ⵉⵥⵥⴰⵥⵉⵏ ⵅ ⵜⴽⵯⵔⵎⵉⵏ ⵏ ⵓⵎⴰⵣⵉⵖ ⴰⵔ ⴰⴷ ⵜⴳⵜ ⴳⵅ. ⴰⵥⵢⵢⵕ ⵡⵏ ⵉⵜⵡⴰⴽⵯⵔⵏ, ⵡⴰⵅⵅⴰ ⵍⴰ ⵜ ⵉⵜⴰⵡⵟ ⵓⵥⵢⵢⵕ; ⵓⵔ ⴷ ⴰⴷ ⵉⴽⴽ ⴷⴷⴰⵡ ⵏ ⵜⴰⵢⵜ ⵏ ⵡⵏⵉ ⵜ ⵢⵓⴽⵯⵔⵏ; ⵉⵍⵍⴰ ⴳ ⵡⴰⵡⴰⵍ ⴰⵇⵓⵕⴰⵕ ⵎⴰ ⴰⵙ ⵉⵏⵏⴰⵏ: ⵣⴳⴳⵔⵅ ⵛ. ⵉⵔⴰⵔ ⴰⵙ: ⵙⵙⵏⵅ ⵛ; ⵅⴰ ⵉⵜⴰⵙⵙ ⵜⵉⵍⵓⵍⴰ ⵏⵏⵙ, ⵉⵙⵙⵉⵖ ⵜⵉⵔⵉⵜ. ⵉⵎⵣⵡⵓⵔⴰ ⵖⵔ ⵓⵎⵃⵟⴰⵔ ⴰⴳ ⴷ ⵡⴰⵄⵔⴰⴱⵏ, ⵍⴰ ⴳⵉⵏ ⴱⵄⵉⵜ, ⴰⴷ ⴽ ⵓⵔ ⵣⵍⵍⴰⵏ ⵉⵅⴼⴰⵡⵏ ⵏⵏⵙⵏ; ⴳⵏ ⵉⵙⵎⵖⴰⵏ, ⵀⴰ ⵉⵍⵉⵏ ⴳ ⵜⴰⴳⵍⵜ, ⴷⴷⴰⵡ ⵏ ⵜⴰⵢⵜ ⵏ ⵓⵏⵊⴷⵉ, ⵙ ⵜⴰⵡⵙⵏⴰ ⴷ ⵉⵃⵜⵜⴰ. ⵜⵉⵣⵉ ⵢⵓ, ⵉⴳⵉⵏ ⴰⴷⴷⵓⵔ ⵏ ⵜⵎⵓⵔⵜ ⵣⵉⴽ, ⵜⴷⴷⴰ ⴰⵙⵏ; ⵢⴰⵖⵓⵍ, ⵡⵏ ⵉⵜⵜⴰⵡⴳⵏ ⵅ ⵓⵎⵣⵔⵓⵢ, ⵅⴰ ⵜ ⵉⵜⴰⴼ ⴷ ⴰⵙⵔⴱⵓⴱ ⵉⴷⵊ ⵏ ⵜⵙⵎⵖⵜ; ⵣⴳ ⵜⴰⵢⵜ ⵖⵔ ⵜⵏ ⵉⵟⵏⵉⵏ. ⵓⵔ ⵅⴰ ⴷ ⵜⴼⴼⵖⵏ ⵣⴳ ⵉⵛⵜ, ⵅⴰⵙ ⴰⴽ ⴰⴷ ⴱⵟⴰⵏ ⴷⴷⴰⵡ ⵏ ⵜⴰⵢⵜ ⵉⵟⵏⵉⵏ, ⵙ ⵓⵎⴰⵜⴰ ⵣⴳ ⵜⵎⵏⴰⵟ ⵏ ⵢⵉⵍⵙ. ⴰⵢⵏ ⵉⴷⴷⵊⵉⵏ ⵉⴷⵊ ⴰⴷ ⵢⴰⵔⵉ " ⵉⵎⴰⵣⵉⵖⵏ ⵍⴰ ⵜ ⵉⵏⵉⵜⵏ ⴰⴷ ⴰⵔⵉⵏ ⵙ ⵢⵉⵍⵙ ⵏ ⵉⴳⴷⵓⴷⵏ ⵉⵜⵏ ⵉⴳⵉⵏ ⴷⴷⴰⵡ ⵏ ⵜⴰⵢⵜ ", ⴷⴰⵜ ⴰⵔⴰ ⵢⵉⵏⵉ " ⴰⵙⴽⴽⵉⵏ ⵓⵔ ⵉⴷⵊⵉⵏ ⴰⵎⵖⵓⵢ ⵏ ⵢⵉⵍⵙ ⴰⵖⵍⵏⴰⵡ ⵏ ⵜⵎⴰⵣⵉⵖⵜ ". ⵙ ⵉⵎⴳⵕⴰⴹ ⴰⴷ ⵣⴷⵎⵅ ⴳ ⵓⴷⵍⵉⵙ ⴰ, ⵅⵙⵅ ⴰⴷ ⴰⵔⵉⵅ ⴰⵕⵥⵥⵓⵎ ⵉⵏⵓ, ⴷ ⵜⵣⵎⵔⵜ, ⵏ ⴽⵓ ⵉⴷⵊ ⴰⴷ ⵢⴰⵔⵉ ⵙ ⵢⵉⵍⵙ, ⵉⵅⵙ, ⵎⵇⵇⴰⵔ ⵉⵙⵓⵍ ⵓⵔ ⵉⵜⵜⵓⵣⵎⵎⵉⵎ ⴳ ⵓⵣⵔⴼ ⴰⵎⵇⵔⴰⵏ ⵏ ⵜⵎⵓⵔⵜ, ⴰⵍⵍⵉⴳ " ⴽⵓ ⵜⴰⵏⴱⴰⵟ ⵜⵓⵍⵉ, ⴳ ⵎⴰⵢ ⵜⵟⵟⴼ ( ... ) ⵅ ⵍⵀⵏⵜⴰⵜⵉ ", ⵓⵙⵔⵡⵜ ⵏⵏⵙⵏ. ⵜⴰⵣⵎⵔⵜ ⵜⵉⵡⵉ ⵣⴳ ⵉⵎⵣⵡⵓⵔⴰ, ⴰⵢⵏ ⵉⴳⴳⵓⵜⵏ; ⵉⵙ ⴰⵙⵏ ⵉⵎⵇⴰⴷⴷⴰ ⴰⴷ ⵙⵙⵉⵡⵍⵏ, ⴳ ⵉⵍⵙ ⵏ ⵡⵉⵏ ⵉⵟⵏⵉⵏ ⵅⴰⵙ ⵏⵉⵜⵏⵉ ⵉⵍⵍⴰ ⴷⴳⵙⵏ, ⵢⵉⵍⵉ. ⵉⵙ ⵍⵍⴰⵏ ⵡⵉⵏ ⴰⵖⵓⵍⵏ ⴷ ⵉⴱⵔⵔⴰⵏⵉⵏ, ⴷ ⵡⵉⵏ ⵇⵇⵉⵎⵏⵉⵏ ⵍⴰ ⵜⵏ ⵉⵥⵥⴰⴹ ⵓⵏⵣⴳⵓⵎ ⵓⵔ ⴷ ⴰⵎ ⵉⵎⵣⵡⵓⵔⴰ ⵉⴷⴷⴰⵏ ⵔⵛⴰⵏ, ⵀⴰ ⵜⵜⵓⵣⵏⵣⵏ. ⵣⴳ ⵡⵉⵏⵉⵏ ⴰⵔⴰ ⵉⵇⵇⵉⵎⵏ ⴷ ⴰⴱⵖⵓⵕ ⵉ ⵓⵎⵀⵔⵔⴰⵎ, ⴷ ⵡⴰⵍⵙ, ⴳ ⵜⵎⴰⵣⵉⵖⵜ ⵏⴷⴷⴰ ⴰⴷ ⵏⴰⴼ ⵅⵉⵔⴷⴷⵉⵏ, ⵛⵔⴰⵢⴱⵉ, ⵙⵔⵃⴰⵏ, ⵎⵄⵎⵎⵔⵉ, ⵣⴳ ⵊⴰⵔ ⵡⵉⵏ ⵉⵟⵏⵉⵏ ⵉⵜⵡⴰⵙⵏⵏ. ⴰⵃⵏⵊⵉⴼ ⵉⵎⴰⵣⵉⵖⵏ ⴰⴽ ⴰⴷ ⵉⵏⵉⵏ ⴰⵙⵙ ⵓ ⴰⵢⵏ ⵉⵙⵙⴽⴰ ⵢⵉⵡⵏ, ⵢⵉⴳ ⵖⵔⵏⵅ: ⴰⵃⵏⵊⵉⴼ ⴷ ⵓⴷⵉⴷⴰ, ⵏⵏⴰⵏ ⴰⵙ ⵓⵏⴳⴰⵍ. ⴷⴰ ⵓⴼⵉⵅ ⴷⴳⵙ ⴰⵟⵓ ⵢⵉⵡⵉⵏ ⵖⵔ ⵜⴳⵓⵔⵉ ⵏ " ⵉⵏⵏⴰ " + " ⵉⴷⵊ " = ⵢⵓⵏ ⵉⵏⵏⴰ. ⵓⵔ ⵏⵜⴻⵜⵜⵓ ⵉⵙ ⵉⵍⵍⴰ ⴳ < ⴳⴰⵍ >, ⴰⵙⵖⴷ ⵏ ⵜⵄⵔⴰⴱⵜ; ⴰⵍ ⵏⵜⵛⵏⵉ ⴰⴷ ⵢⵉⵏⵉ ⵅⴰⵙ ⵉⴷⵊ ⵏⵖ ⴷ ⵓⴳⵓⵜ, ⵓⵔ ⴰⵅ ⵉⴷⴷⵉ ⵡⴰⵍⵓ. ⵎⵇⵇⴰⵔ ⵙⵓⵍⵏ, ⵡⵉⴷⴷⴰ ⵏⵙⵙⵔⵙ ⴰⵎ ⵓⴱⵖⵓⵔ, ⵉⵡⵟⵏ ⴷ ⵡⵉⵏ ⴰⵔ ⵉⵙⵙⵔⵙⵏ ⵜⴰⵣⵕⵓⵜ ⵏ ⵓⵃⵏⵊⵉⴼ ⵣⴳ ⵏⵏⵊ, ⵉ ⵜⵎⴰⵣⵉⵖⵜ. ⵜⴰⵏⴽⵔⴰ ⵢⵓ, ⵍⴰ ⵜⴳⵔⵓ ⵛⴰ ⵏ ⵜⵙⵓⵔⵉⴼⵉⵏ; ⵅⴰⵙ ⵏⵜⴰ ⵉⵅⵙ ⴰⵙ ⵎⴰⵏⵉⴳ ⴰⵔⴰ ⵢⵉⵎⵜⵏ ⵓⵃⵏⵊⵉⴼⴰ, ⴰⴽ ⴰⴷ ⵢⴰⵡⵟ ⵡⴰⵙⵙ ⵎⴰⵏⵉⴳ ⴰⵔⴰ ⵢⵉⵍⵉ ⵎⴰⵎⵉ, ⴰⵔⴰ ⴰⵥⴹⵏ ⵎⵉⴷⴷⵏ ⴰⵟⴰⴹ, ⴰⴷ ⵉⴳ ⵓⴷⵎ ⵏⵖ ⴷ ⴰⴼⵔⴰⵙ ⴳ ⵜⵓⵙⵙⵏⴰ ⵏ ⵜⵎⴰⵣⵉⵖⵜ, ⴳ ⵡⴰⵔⵔⴰⵔ ⵏ ⵜⵙⴽⵍⴰ ⵙ ⵓⵎⴰⵜⴰ ⴷ ⵓⵃⵏⵊⵉⴼ ⴳ ⵉⵅⴼ. ⴰⴼⵔⴰⵙ ⵓ, ⵉⴳ ⴰⵙ ⵍⵃⴰⵍ ⴰⴷ ⵉⵙⵙⵖⵓⵢ, ⵎⴰⵃⴷ ⵉⵙⵓⵍ ⵡⵓⵍ ⵍⴰ ⵉⵜⵣⴷⴰⵃ. ⵣⵣⴰⵜ ⴰⵔⴰ ⴷ ⵢⴰⵡⵟ ⵓⴼⵔⴰⵙ ⵓ, ⵉⵎⴰⵔⴰⵢⵏ ⵉⵎⵣⵡⵓⵔⴰ ⴰⴽⴽ ⵎⴰⵏⵉⴳ ⵜⵍⵍⵉⵎ, ⴽⵏⵏⵉ ⵙⵉⵙⵓⵏ ⴰⵔⴰ ⵉⴽⴽⵔ ⵉⵍⵙ ⴳ ⵓⵎⴰⵜⴰ ⴰⴷ ⵢⵉⵍⵉ ⵍⴳⵓⴷ ⵉⵅ ⵉⵙⵙⴽⵏⴰⴼⵏ. ⵉⵎⴰⵔⴰⵢⵏ ⵡⴰⵅⵅⴰ ⴷ ⴰⴷ ⵉⵍⵉⵏ, ⵉⴷⴷⴰ ⴰⴷ ⵢⴰⵙ, ⵉⴷⵊ ⴰⵔⴰ ⵢⴰⴽⵯⵔⵏ ⴰⴼⵟⵟⵓⵊ, ⴰⴽ ⴰⴷ ⵉⵙⵙⵉⴷ ⵓⴷⵎ ⵏ ⵡⴰⵍⵙ ⴳ ⵉⵍⵙ ⴰⴷ ⴰⵎⴰⵣⵉⵖ. ⴰⵎⵚⴰⵡⴰⴹ ⴰⵍⵙ, ⴰⵃⵏⵊⵉⴼ, ⴰⴷⵉⴷⴰ, ⵎⴰⴽⴽⴰ, ⴰⵙ ⵏⵍⵍⴰⵖⴰ, ⵓⵔ ⵏⴼⴼⵉⵖ ⴰⵎⵓⵔ ⵏ ⵓⵎⵀⵔⵔⴰⵎ, ⵉⵜⵜⵉⵏⵉⵏ ⵜⵉⵍⴰⵡⵜ ⵏ ⵓⴳⴳⵉⴷ ⵏⵖ ⴷ ⴰⴼⵔⵔⵉⵖ ⵏⵏⵙ, ⵉⵙⴽⴽⵉⵏ ⵏⵉ ⵍⴰ ⵜⵎⵢⴰⵡⴰⵟⵏ ⵊⴰⵔ ⴰⵙⵏ; ⴷ ⵡⴰⴳⴳⵉⵡⵏ ⵏⵙⵜⵉ ⴷⴰⵀⴰ, ⴷ ⴰⴷ ⵜⵉⵏⵉⵏ, ⵉⵙ ⵓⵔⴰⵔ ⵉⴱⴷⴷ ⵅ ⵡⴰⵍⵙ. ⵓⵔⴰⵔ ⵏⵜⴰ ⵉⵙⵎⵓⵏ ⴰⵙⴰⵔⵓ ⴷ ⵓⵎⵣⴳⵓⵏ; ⵓⵔⴰⵔ ⵏⵜⴰ ⵉⵙⵙⵉⵡⵍ ⴳ ⵡⴰⵏⵙⴰ ⵏ ⵙⵉⵏ ⵉⵙⴽⴽⵉⵏ ⵏⵏⵉ; ⴰⵍⵙ ⴷ ⵉⵍⵙ, ⵉⵙⵙⵏ ⵓⵔⴰⵔ ⴰⴷ ⵉⵙⵙⵓⴼⵖ ⵣⴳ ⵍⴽⵯⴰⵕⵉⴹ, ⵎⴰⵅⵎⵎⵉ ⵉⵟⵟⵚ ⵓⵙⴽⴽⵉⵍ, ⵖⵔ ⵓⵎⵓⵛⵉ ⴰⵔⴰ ⵇⵇⵍⵏ ⵎⵉⴷⴷⵏ. ⵉⵎⴳⵕⴰⴹⵏ ⵉⴷⵔⵉⵚⵏ ⴰⴷ ⵅⵎⵉ ⵢⵓⵍⵉ ⵓⴷⵉⴷⴰ ⵢⵓ, ⵓⵙⵉⵏ ⴷ ⵣⴳ ⵎⴰⴳⵉⵏ ⵜⴰⵎⵏⴰⵟ; ⵅⵙⵅ ⴰⴷ ⵉⵏⵉⵅ ⵣⴳ ⵜⵔⵉⴼⵉⵜ ⴷ ⵜⵎⴰⵣⵉⵖⵜ ⴷ ⵜⵛⵍⵃⵉⵜ; ⴰⵍ ⵉⵍⵙ ⵏ ⵜⵇⴱⴰⵢⵍⵉⵜ ⵓⵏⴳⴰⵍ ⵏⵙⵙⴽ, ⵙ ⵜⵖⵓⵔⵉ, ⵢⵓⵔⴰ ⵜ ⵄⵎⵔ ⵡⵃⵎⵣⴰ: ⵙⵉ ⵜⴷⵢⴰⵏⵜ ⵖⵔ ⵜⴰⵢⴹ ... ⵡⴰⵍⵢⵏⵏⵉ ⵉⵇⵇⵉⵎ ⵉ ⵜⵡⴰⵍⴰ ⴷ ⵢⵓⵙⵉⵏ. ⵜⴰⵣⵔⴰⵡⵜ ⵜⴰⵎⵣⵡⴰⵔⵓⵜ, ⵜⵎⵍⴰⵍⴰ ⴰⴳ ⴷ ⵉⴷⵊ ⵓⴷⵍⵉⵙ ⵉⵜⵜⵡⴰⵔⵉⵏ ⵙ ⵜⵎⴰⵣⵉⵖⵜ, ⵢⴰⵖⵓⵍ ⵉ ⵄⵍⵉ ⵉⴽⵏ ⴳ ⵓⵙⴽⴽⵉⴼ ⵏ ⵉⵏⵥⴰⴹⴰⵏ. ⵜⵉⵙⵙⵏⴰⵜ ⴰⵍⵍⵓ, ⵜⴰⵖⵓⵍ ⵉ ⵍⵃⴱⵉⴱ ⴼⵓⴰⴷ ⴳ ⵜⵉⵙⵓⵔⵉⴼⵉⵏ. ⵜⵉⵙ ⴽⵕⴰⴷⵜ ⵜⵎⵍⴰⵍⴰ ⴰⴳ ⴷ ⵓⴷⵍⵉⵙ ⴷ ⵉⴽⴽⴰ ⵏ ⵜⵔⵉⴼⵉⵜ, ⵢⴰⵖⵓⵍ ⵉ ⵎⵓⵀⵎⵎⴷ ⴱⵓⵣⴳⴳⵓ ⴳ ⵜⵉⵛⵔⵉ ⵅ ⵜⴰⵎⴰ ⵏ ⵜⵙⴰⵔⵔⴰⵡⵜ. ⵜⴰⵣⵔⴰⵡⵜ ⵜⵉⵙ ⴽⵓⵥ, ⵜⴷⴷⴰ ⴷ ⵅ ⵓⵏⵣⴳⵓⵎ ⵏ ⵜⵎⴰⵣⵉⵖⵜ, ⵎⵇⵇⴰⵔ ⵓⵔ ⵜⵜⵡⴰⵔⵉ ⵙ ⵜⵎⴰⵣⵉⵖⵜ; ⴰⴹⵕⵉⵚ ⵏⵏⵙⵢⴰⵖⵓⵍ ⵉ ⵅ ⵉⵔⴷⵉⵏ, ⵏⵜⴰ ⵎⵉ ⵉⵍⴰⵖⴰ: ⴰⴳⴰⴷⵉⵔ. ⵢⵓⵔⵉ ⵜ ⵙ ⵜⴼⵔⴰⵏⵙⵉⵙⵜ. ⵜⴰⵣⵔⴰⵡⵜ ⵜⵉⵙ ⵙⵎⵎⵓⵙ, ⵜⵎⵃⴰⵟⴰⵔ ⴰⴳ ⴷ ⵡⴰⴳⴳⴰ ⵉⵜⵜⵡⴰⵔⵉⵏ ⵙ ⵢⵉⵍⵙ ⵏ ⴰⵢⵜ ⴷⴰⵔⵏ, ⵙ ⵜⵎⴰⵣⵉⵖⵜ ⵜⴰⵖⵓⵍ ⵉ ⵃⵎⴷ ⵃⴷⴷⴰⵛⵉ ⴳ: ⵎⴻⵎⵎⵉⵙ ⵏ ⵉⴼⵙⵜⵉ ⴷ ⴰⵡⴰⵍ. ⵜⴰⵣⵔⴰⵡⵜ ⵜⵉⵙ ⵙⴷⴹⵉⵙ, ⵜⴳⴰ ⵜⵉⵏ ⵡⴰⴷ ⵉⵣⵔⵉⵏ, ⵏⵙⵙⴻⵔⵙ ⵉⵜ ⴰⵎ ⵓⵛⵡⵡⴰⵍ, ⵏⵓⵔⵉ ⵜ ⵅ ⵉⵛⵜ ⵏ ⵜⴱⵔⴰⵜ, ⵎⵉ ⵉⵔⵣⵎ ⴳ ⵓⵎⴰⴹⴰⵍ ⴰⵎⴰⵣⵉⵖ. ⵜⴰⵣⵔⴰⵡⵜ ⵜⴰⵏⴳⴳⴰⵔⵓⵜ ⵜⴱⴷⴷ ⴰⴳ ⴷ ⵎⴰⴳⴷ ⵙⵙⵓⴼⵖ ⴰⴼⵓⵍⴰⵢ, ⵉⵍⴰⵖⴰ ⵢⴰⵙ: ⵉⵎⵓⵍⴰ ⵏ ⵜⵉⵎⴽⵜⵉⵜ ⵢⵓⵔⵉⵜ ⴳ ⵜⵙⵓⵙⵉⵜ. ⵡⴰⵙⴰ ⵉⵟⵟⴼ ⵓⴷⵉⴷⴰ, ⵏⵉⵡⵟ ⵖⵔ ⵡⴰⵎⵓⵔ ⵉⵟⵟⴼ ⵓⵔⴰⵔ, ⴳ ⵛⵛⵔⴽⵜ ⵏ ⵓⵙⴰⵔⵓ ⴷ ⵓⵎⵣⴳⵓⵏ. ⴰⴷⵔⵉⵚ ⵉⵜⵜⵡⴰⵔⵉⵏ ⵅ ⵓⵙⴰⵔⵓ, ⵏ ⵍⴰⵖⴰ ⴰⵙ: ⴰⵎⵍⴰⵍⴰ ⴷ ⵉⵅⴼⴰⵡⵏ ⵏⵏⵅ, ⵉⵙⵙⵓⴼⵖⵜ ⵉⴷ ⵃⴰⵙⴰⵏ ⵍⴰⴳⵣⵓⵍⵉ, ⵙ ⵜⵎⴰⵣⵉⵖⵜ; ⵡⵏ ⵜⵙⵙⵓⴼⵖ ⵢⴰⵎⵉⵏⴰ ⴱⵏⴳⵉⴳⵉ, ⵏⵜⴰ ⵉⴷⴷⴰⴷ ⵙ ⵜⴼⵔⴰⵏⵙⵉⵙⵜ, ⵜⴰⵣⵔⴰⵡⵜ ⵏ ⴳⵉⵜ ⵙ ⵜⵎⴰⵣⵉⵖⵜ; ⴰⵙⴰⵔⵓ ⴰⵏⴳⴳⴰⵔⵓ, ⵉⵙⵙⵉⵍⵉⵜ: ⴷⵓⴱⵓⵢⵙⵓⵏ, ⵙ ⵉⵍⵙ ⵏ ⵉⵎⵓⵀⴰⵔ, ⵏ ⵓⵛⴰⵙ ⴰⵍⴰⵖⴰ ⵏ: ⵜⴰⵢⵔⵉ, ⵓⵙⵜⵓ ⵏ ⵜⵓⴷⵔⵜ. ⵅ ⵓⵎⵣⴳⵓⵏ ⴳ ⵎⵉ ⵏⵥⵕⵓ ⴰⵢⵏ ⵉⴳⴳⵓⵜⵏ, ⵓⵔ ⵏ ⵙⵙⵓⴼⵉⵖ ⵅⴼⵙ ⵅⴰⵙ ⵙⵉⵏ ⵉⵎⴳⵔⴰⴹ, ⵉⴷⵊ ⵢⵓⵍⵉ ⵅ: ⵜⵉⵍⵍⴰⵙ ⵏ ⵡⴰⵢⵓⵔ. ⵡⵉⵙ ⵙⵉⵏ ⵅ " ⵜⴰⴱⵔⴰⵜ ⵓⵎⴰⵣⵉⵖ " ⵜⵓⵔⴰⵔ ⴷ ⵔⴱⵉⵄⵜ ⵏ ⵉⵣⵎⴰⵡⵏ ⵏ ⵣⵎⵎⵓⵔ. ⵙ ⵜⵡⵉⵣⵉ ⴰⵢ ⵜⴷⴷⵔ ⵜⵎⴰⵣⵉⵖⵜ ⵉⵎⴳⵔⴰⴹ ⵏ ⴷ ⵏⵙⵎⵓⵏ ⴷⴰⵀⴰ, ⵓⵔ ⴳⴳⵓⵏⵉⵏ ⴰⵍ ⴰⵙⵙⵓ ⴰⴽ ⴰⴷ ⵉⵥⵉⵕⵏ ⵜⴰⴼⵓⵢⵜ, ⴽⵎ ⵏ ⵙⵙⵓⵔⴼ ⵛⴰⵕⴹ ⵉⵎⴳⵕⴰⴹ, ⴰⴽⴽ ⴰⵢⵏ ⵉⵇⵇⵉⵎⵏ, ⵉⵣⵔⵉ ⵉⴼⴼⵖ ⴳ ⵜⵎⵙⵡⴰⵙⵉⵏ ⵏ ⵜⵎⴰⵣⵉⵖⵜ, ⴰⵎ ⵓⵎⴰⴹⴰⵍ ⴰⵎⴰⵣⵉⵖ ( ⵙⴷⵉⵙ ⵉⵎⴳⵔⴰⴹ ) ⴷ ⵜⴰⵡⵉⵣⴰ ⵙ ⵛⴰⵕⴹ ⵉⵎⴳⵕⴰⴹ. ⵜⴰⵡⴰⵍⵜ ⵙ ⵡⴰⵏⵙⴰ ⵏⵏⵙ ⴳ ⵜⵔⴰⵜⵙⴰ ⵜⵕⵥⵎ ⵉ ⵢⵉⴷⵊ, ⵉ ⵢⵓⴼⵉⵏ ⴰⴱⵔⵉⴷ ⴼⴼⵉⵔ ⵓⵢⵏ ⴳ ⵓⵎⴰⴹⴰⵍ, ⵉ ⵜⵉⵙⵍⵢⴰ ⵢⵉ ⵏ ⵜⵎⴰⵣⵉⵔⵜ, ⵙ ⵙⵏⴰⵜ ⵏⵏⵙⵏ, ⵍⴰ ⵜⵜⵉⵏⵉⵅ ⵜⴰⵏⵎⵎⵉⵔⵜ ⵉⵃⵕⵕⵏ. ⴰⴷⵍⵉⵙ ⴰ ⵍⴰ ⵓⵔⵜⵜⵓⵅ ⵙ ⵡⴰⴼⵔⵉⵡⵏ ⴰ ⵙⵎⵓⵏⵅ ⴷⴰⵀⴰ, ⴰⴷ ⵙⵙⵉⵡⵟⵏ ⵖⵔ ⵓⵅⵎⵎⴻⵎ ⴳ ⵜⵉⴷⵊⵜ ⵜⴰⵎⵣⵔⵓⵢⵜ, ⵉⵍⵍⴰⵏ ⵍⴰ ⵜⵔⵕⵥ ⴰⵙⵙⵓ, ⴰⵍⵍⵉⴳ ⵜⴷⵊⵓ ⵡⵉⴷⴷⴰ ⵉⴳⴳⴰⵔⵏ ⵉⵍⵙ ⵏ ⵜⵎⵓⵔⵜ, ⴰⴽ ⵙⵙⵉⵡⵍⵏ ⵅ ⵓⵙⵍⵓⵍ ⴷ ⵜⵡⵙⵏⴰ ⵙ ⵓⵇⵣⵣⵕ, ⴽⵎ ⵓⵔ ⴰⴽ ⵙⵙⵉⵡⵍⵏ ⵅ ⵜⵓⴷⵔⵙⴰ ⵏ ⵎⴰⴳ ⵇⵇⵉⵎⵏ ⴳ ⴷ ⴰⵔⵓⴽⵯⵓ; ⴰⵎⵎⵉ ⴰⵍⵍⵉⴳ ⵓⵔ ⵉⵍⵍⵉ ⵡⴰⵍⵓ, ⵜⵛⵏⵉ ⵉⴳⴰⵅ ⵍⵃⴰⵍ ⴰⵏⵣⵔⵉ, ⵙ ⵉⴼⴰⵙⵙⵏ ⵍⴰⴽⵯⵔⴼⵏ ⵖⵔ ⵉⴷⵎⴰⵔⵏ. ⵜⵉⴼⵓⵜ ⵏ ⵜⵉⵙⴽⵯⵍⴰ, ⴳ ⵓⵣⵍⵎⴰⴹⵏ ⵉⴼⵔⵉⵇⵉⵢⴰ, ⵜⵎⵣⴰⴳⴰⵍ ⴰⴳ ⴷ ⵡⴰⴷⴷⵓⵔ ⵏⵏⵙ, ⵣⴳ ⵡⴰⵙⵙⵏ ⵎⴰ ⵏⴳⴳⵔⵏ ⵉⵡⴷⴰⵏ ⵏⵏⵙ, ⴰⴷ ⴰⵔⵉⵏ ⵙ ⵡⴰⵍⵙⵉⵡⵏ ⵏ ⵜⵎⵓⵔⴰ ⵉⵀⵏ ⵉⵜⵣⵄⴰⴽⵏ, ⴰⵙⴽⴽⵉⵏ ⵉⵥⵉⵍⵏ, ⵅⴰⵙ ⵓⵔ ⵉⵜⵡⴰⴳⴳ ⵅ ⵜⴰⴷⴰⵡⵜ ⵏ ⵢⵉⵍⵙ ⵎⵉ ⵏⵜⵔⴰⵄⴰ ⴷ ⴰⵎⵥⵥⵢⴰⵏ, ⵓⵔ ⵉⵙⵜⴰⵀⵍ ⴰⴷ ⵢⴰⵕⵓ ⵜⵉⵎⵄⵉⵡⴰⴷⵉⵏ ⵏⵏⵙ ⴰⵎ ⵣⵉⴽ; ⴽⵎ ⵓⵔ ⵉⵍⵍⵉ ⵉⵡⵉⴷ ⵉⵙⵙⴰⵡⴰⵍⵏ ⵜⴰⵎⴰⵣⵉⵖⵜ ⴰⴷ ⴰⴽⵎⵏ ⴰⵎⵣⵔⵓⵢ ⵣⴳ ⵜⴰⵡⵡⵓⵔⵜ ⵏ ⵜⵙⵔⵜⵉⵜ, ⵍⴰ ⵉⵙⵓⵍ ⴰⵙⵏ ⵓⵣⵉⵍⴰⵍ ⵏ ⵓⵎⵣⵔⵓⵢ ⴰⵙⴽⵯⵍⴰⵏ. ⵡⴰⴷ ⵉⵍⵍⴰ ⵙⵏ ⴳ ⵉⵍⵙ ⵓⵙⵉⵏ ⴳ ⵉⵎⴰⵡⵏ ⵏⵏⵙⵏ. ⵅⴰⵙ ⵉⵎⵉⴽ ⵏ ⵓⵃⵟⵟⴰ, ⴷⴰⵢ ⵊⴻⴷⵊⴳ. ⴰⵙⵎⵣⴷⵓ ⵏ ⵉⴷⵊ ⵓⵙⵙⴽ ⴳ ⵓⴹⵕⵉⵙ ⵏ ⵄⵍⵉ ⵉⴽⴽⵏ ( 1 ) ⵜⵓⵙⵙⵓⵜ ⵓⵏⴳⴰⵍ ⵏⵜⴰ ⵢⵓⵍⵉ, ⵉⴱⴷⴷ ⵅ ⵉⵛⵜ ⵏ ⵜⵄⴰⵡⵉⵜⵜ, ⵉⵜⵉⵏⵉ ⵏ, ⵜⴰⵙⵔⴰⴼⵜ ⵏ ⴰⵢⵜ ⵜⵎⵓⵔⵜ. ⴰⵍⵍⵉⴳ ⵙⵎⴰⵔⵏ, ⴳⵀⵣⵏ ⵉⵎⵏⵖⴰⵏ ⵅ ⵜⴰⵏⴹⴼⴰⵔⵜ ⵉ ⴼⵔⴰⵏⵙⴰ, ⵣⵣⴰⵜ ⵎⵉ, ⴰⵔⴰ ⴳⴳⵉⵔ ⵏ ⵜⵉⵙⵓⵔⴰ ⵏ ⵜⵏⴱⴰⴹⵜ ⵉⵡⵉⵏ ⵉⵟⵏⵉⵏ, ⵓⵔ ⴷ ⵉⵙⵙ ⵎⵜⵉⵏⵏ ⵜⴰⵙⵔⵜⴰⵏⵜ ⵉⵙⵙⴰⵍⴰⵢⵏ ⵜⴰⵎⵓⵔⵜ. ⴰⵢⵏ ⴰⵔⴰ ⵉⵅ ⵢⴰⴼⵏ ⴷ ⵉⵎⵜⵜⵉⵏⵏ. ⴷ ⵢⵉⵍⵙ ⵏ ⵓⵏⴳⴰⵍ ⵉⵏⵏⴰ: " ⴰⴷ ⵉⵜⵎⵟⵍⵎ ⵙⵓⵍⵖ ⴷⴷⵔⵖ " ( ⴰⴼⵔ, 51 ). ⵜⴰⵄⴰⵡⵉⵜⵜ ⴰ, ⵉⵙⵓⵍ ⵉⵅⵙ ⴰⴷ ⵜⵜⵍⵎⵎⴷⵏ, ⴳ ⵜⵉⵏⵎⵍ ⵉⵡⵉ ⴷ ⵉⴷⴷⴰⵏ ⴰⵎ ⵜⵓⵖⵎⵉⵙⵜ ⵏ ⵜⵕⵓⵥⵉ, ⴷ ⵓⵇⵍⵍⴱ ⵅ ⵓⵥⵓⵕ ⵏ ⵢⵉⵅⴼ, ⴳ ⵜⵎⵏⴰⵟⵟ ⴰⴷ ⵏ ⵉⴼⵔⵉⵇⵉⵢⴰ ⵜⴰⵥⵍⵎⴰⴹⵜ. ⴷ ⴰⴽ " ⴰⴷ ⴷⴷⵓⵅ ⵖⵔ ⵜⴳⵎⵎⵉ ⵏⵡ " ( ⴰⴼⵔ 54 ), ⵉⵍⵍⴰⵅ ⴰⴷ ⵏⴽⴽ ⵅ ⵉⵣⵀⵜⵉⵍⵏ, ⴷ ⵉⵏⴳⵉⵢⵏ, ⴷ ⵜⵉⵃⵍⵍⴰⵍ, ⴷ ⵉⴷⵎⵓⵜⵏ, ⵎⵉ ⵓⵔ ⴰⵙⵏ ⵉⴳⵉ ⴰⴷ ⴰⵅ ⵙ-ⵜⵜⵓⵏ; ⴳ ⵉⵙⵙⴽⵉⵜⵏ ⴰⴷ ⵏ ⵡⴰⴼⵔⵉⵡⵏ ⵏ ⵓⵙⴽⴽⵉⴼ ⵏ ⵉⵏⵥⴰⴹⵏ, ⴷ ⵓⴷⵎⴰⵡⵏ ⵏⵏⵙ. ⵓⵏⴳⴰⵍ ⴷ ⵉⴷⵊ ⵓⵙⵙⴽ ⵅ ⵜⵎⵖⵏⵙⵜ, ⵅ ⵡⴰⵙⵙⴰⵢ ⵏ ⵉⵎⵔⵉⴳⵏ, ⵅ ⵜⴰⵙⴷⴰⵡⵉⵜ, ⵅ ⵓⵃⵓⴼ ⵏ ⵡⴰⵀⵍⵉ, ⴰⵄⵔⴰⵇ ⵙ ⵢⵉⵍⵙ ⵢⴰⴹⵏ, ⴷ ⵓⵎⵚⴰⴼⴰⵟ ⵏ ⵜⴱⵔⴰⵜⵉⵏ ( ⴰⴼⵔ 67 ), ⴰⴳ ⴷ ⵓⵎⴰⵙ, ⵏⵖ ⴷ ⵜⴰⴷⴷⴰⵔⵜ, ⵉⴷ ⵢⵉⵡⵉⵏ ⵛⴰ ⵉⴳⴰⵏ ⵏ ⵓⵎⴰⵔⴳ ⴷ ⵜⵖⵓⴼⵉ ( ⴰⴼⵔ 68 ). ⵉⴳⴳⵉⵜⵏ ⵏ ⵓⵏⴳⴰⵍ, ⵣⵔⵉⵏ ⵉⵏⴳⴳⵓⵔⴰ ⵏ 1973, ⴷ ⵓⵙⵍⵓⵣ, ⵊⴰⵔ ⵏ ⵜⵙⵔⴰⴼⵉⵏ ⵏ ⵜⵎⵓⵔⵜ, ⵏ ⴰⵢⵜ ⵓⵙⵇⴼⵟ ⵏⵡⵉ ⵖⵔ ⵣⵣⴰⵜ. ⵓⴷⵎ ⴳ ⵓⵏⴳⴰⵍ ⴰⵣⵟⵟⴰ ⴰⵅ ⵉⵍⵍⴰ ⵏ, ⵉⵏⴳⵔ ⵉⴹⵓⴹⴰⵏ, ⵉⵍⴰⵖⴰ ⵙ ⵓⵎⴰⵔⵓ ⵏⵙ: ⵓⵏⴳⴰⵍ, ⵎⴰⴽⴽⴰ ⵜⵏ ⵏ ⵜⵇⵇⵍ, ⴳ ⵡⴰⴼⵔ ⴰⵎⵣⵡⴰⵔⵓ. ⵜⴰⵄⴰⵡⵉⵜⵜ, ⵓⵔ ⵜⴳⵉ ⵉⵛⵜ. ⵜⴱⴰⴹ ⴰⴷ ⵜⵍⵍⵓⵣ, ⵜⴰⵎⵥ, ⴰⵢⵏ ⵉⴳⴳⵓⵜⵏ ⵏ ⵉⴱⵔⴷⴰⵏ; ⵜⵉⴳⵉⵔⴰ ⵏ ⵓⵏⴳⴰⵍ: ⴰⵙⴽⴽⵉⴼ ⵏ ⵉⵏⵥⴰⴹⵏ. ⵏⵡⵔⵏ ⵣⴳ ⵉⵏⵉⴷⴰⵏ, ⵙⵎⵉ ⴰⵔⴰ ⵏ ⴰⴽⵣ ⵓⵏⴳⴰⵍ. ⵏⵏⵉⵅ ⵏⵡⵕⵏ ⵖⵔ ⵜⵉⵔⵔⴰ, ⵉⵜⴰⵖⵓⵍⵏ ⵖⵔ ⵡⴰⵙⵙ. ⵏⵉⵜⵏⵉ ⴰⵔⴰ ⵉⵟⵟⴼⵏ ⵓⴷⵎ ⵏ ⵜⵉⵎⵙⵡⴰⵙⵉⵏ. ⴰⴱⵖⵓⵕ ⵉⵍⵍⴰⵏ ⴷⵉⴳⵙⵏ, ⵅ ⴰⴷ ⵜⴰⴷⵊⵏ ⵜⵉⵍⴻⵍⵍⵉ ⵉⵡⵏ ⵉⵜⵣⵎⵎⴰⵎⵏ ⴰⴷ ⵢⵉⵏⵉ ⴰⵡⴰⵍ ⵏⵏⵙ, ⵙ ⵓⵡⵀⴰⵏ, ⵎⵇⵇⴰⵔ, ⵜⵉⵔⵔⴰ ⵓⵔ ⵜⴳⵉ, ⵜⵉⵙⵙⴰⵍ ⵏⵡⵏ ⵉⴷ ⵢⵓⵙⵉⵏ. ⵉⵍⵙ ⴳ ⵓⵏⴳⴰⵍ ⵜⵉⵙⵓⵔⵔⴰⴼ ⵉⵜⴳⴳ, ⵉⵡⵉⵏⴷ ⴰⵏⴱⴷⴷ, ⵅ ⵉⵏⵉⴷⴰⵏ ⵏ ⵜⵎⵓⵔⵜ. ⵜⵉⴽⵯⵍⵉ ⵢⵓ ⵙ ⵜⴰⵖⵣⵉ ⵓⵔ ⴷ ⵙ ⵄⵏⵡⴰ. ⵎⴰⴽⴽⴰ ⴰⵍⵍⵉⴳ ⵓⴷⴼⵏ ⵉⵎⴰⵡⵏ, ⵀⴰ ⵓⴽⵯⵔⵏ ⵜⴰⵣⴷⵖⵜ, ⵏ ⴽⵓ ⵢⴰⵙⵙ? ⴰⵎ ⵎⴰⴽⴽⴰ ⴰⵔⴰ ⵢⵉⵏⵉ ⵉⴷⵊ ⵓⵎⴰⵙⵏⴰⵡ. ⵏⴷⴷⴰ ⴰⵏ ⴰⵙⵉ ⵣⴳ ⵓⵏⴳⴰⵍ, ⵜⴰⵡⴰⵍⴰ ⵢⵓ, ⴰⵡⴰⵍ ⵉⵜⵉⵏⵉⵏ, ⴰⵏⵣⴳⵓⵎ ⴰⵅⵜ ⵉⵙⵙⵅⵓⴱⵏ. " ⵢⴰⵖⵓⵍ ⵡⴰⵡⴰⵍ ⵣⵓⵏⴷ ⵜⵉⴳⵎⵎⵉ, ⵏⵣⵎⵔ ⴰⴷ ⴷⵉⴳⵙ ⵏⵣⴷⵖ " ( ⴰⴼⵔ 38 ). ⴰⴳ ⴷ ⵜⵡⵓⵔⵉ ⵢⵓ, ⵣⴳ ⵜⵎⵏⴰⵟ ⵏ ⵜⵓⵜⵍⴰⵢⵜ, ⵏ ⵓⴼⵉⵜ, ⵣⵔⴳⵏ ⴷⴳⵙ ⵉⵥⵓⵖⴰⵏ ⵏ ⵜⵎⵓⵔⵜ ⵏ ⵍⵇⴱⴰⵢⵍ. ⵜⵉⵎⵓⵖⵍⵉ ⵜⴽⴽⵓ ⵅ ⵓⵙⵏⵉ. ⴷ ⴳ ⵡⴰⵏⵙⴰ ⴰⵔⴰ ⵢⵉⵏⵉ, ⵢⴰⵔⵉ " ⵙⵍⵍⵉⵖ ⵢⵉⵙⵎ-ⵉⵏⵓ " ( ⴰⴼⵔ 49 ), ⵉⵙⵙⴱⵟⴰ ⴰⵙⴽⴽⵉⵍ ⵏ ( ⵏ ), ⴷⴰ ⵢⴰⵔⵉ " ⵢⵉⵙⵎ ⵉⵡ ", ⵙ ⵡⴰⵎⵎⵓ ⴰⵔⴰ ⵢⵉⴳ ⴰⴳ ⴷ ⵜⵉⵡⵉⵏⵙⵜ ⵉⵟⵏⵉⵏ, ⵎⴰⵏⵉⴳ ⵉⵏⵏⴰ " ⵓⵍ-ⵉⵡ " ( ⴰⴼⵔ 52 ). ⵣⴳ ⵍⵇⵔⵏ ⵓⵎⵙⴰⵡⴰⵍ. ⴷ ⴰⴷ ⴰⵅ ⵃⴰⵟⵔⵏ, ⵜⵉⴽⵯⵜ ⵏ ⵍⴼⵜⵉⵢⵢⴰⵜ, ⵓⵔ ⴷ ⵉⴽⵛⵉⵎⵏ ⵅ ⵓⴱⵔⵉⴷ ⵏ ⵓⴱⵔⵔⴰⵃ ⵏ ⵜⵎⵓⵔⵜ, ⴰⵍⵍⵉⴳ ⵎⵢⴰⵜⵜⴰⵙⵏ ⵜⵉⵎⵓⵔⴰ, ⵖⵔ ⵡⴰⴷⴷⴰ, ⵡⴰⵍⴰⵢⵏⵏⵉ ⴷ ⵢⵓⵙⵉ, ⵣⴳ ⵓⵃⵓⴼ ⵉⴳⵓ ⵖⵔ ⴷⵣⴰⵢⵔ, ⴰⵍⵍⵉⴳ ⵉⵏⵡⵕ. ⵓⵟⵟⵓⵏ ⵏⵏⵙⵏ, ⵎⴰⵙⵎⵉ ⵉⵙ ⵅⵉⵜⵔ ⴰⵢⴷⴷⴰ ⵏ ⵢⵉⵍⵙ, ⵉⵎⵖⵔ. ⵉⴷⴷⴰ ⴰⴷ ⵜⵉⵕⵥⵎ ⵙ ⵜⴰⵎⴰⵛⴰⵀⵓⵜ, ⵣⵎⵉⵔⵏ ( ⴰⴼⵔ 6 ) ⴰⵎⴷⴰⵏ ( ⴰⴼⵔ 8 ) ⵢⵔⵏⴰ ( ⴰⴼⵔ 10 ) ⵜⵎⵙⵙ ( ⴰⴼⵔ 16 ) ⵜⵉⵙⴷⵏⴰⵏ ( ⴰⴼⵔ 40 ) ⴷ ⵜⵓⵔⴰ ( ⴰⴼⵔ 64 ); ⵓⵔ ⵏⴽⴽⵉ ⴷⴰⵀⴰ ⵅⴰⵙ ⵅ ⵜⵙⵔⴱⵓⴱⵜ ⵏ ⵉⵡⴰⵍⵉⵡⵏ, ⵓⵔ ⴷ ⵢⵓⴽⵎⵏ ⵅ ⵍⵍⴳⵓⴷ ⵏ ⵓⵎⴰⵡⴰⵍ. " ⵜⴰⵎⵓⵔⵜ ⵜⵡⴰⵙⵏ ⵙ ⵢⵉⵍⵙ ⵏ ⵓⴹⵕⵉⵙ ", ⵉⵙⵙⵓⵔⴼⵏ ⵜⴰⵙⵥⵕⵓⵜ ⵉⵇⵇⵔⵟⵏ ⵉⵍⵙ, ⵙ ⵓⴼⵓⴷ ⵏ ⵜⵙⵔⵜⵉⵜ. ⵜⵓⴷⵔⵜ ⴳ ⵓⵏⴳⴰⵍ ⵜⵓⴷⵔⵜ ⵜⵉⵏ ⵡⴰⴷⴷⵓⵔ, ⵡⴰⵅⵅⴰ ⴷⵉⴳⵙ ⴰⵟⴰⵔⵃ ⵏⵖ ⴷ ⴰⵎⴽⵍⴼⵟ, ⵅⴰⵙ ⴰⴷ ⵜⵉⵍⵉ ⵜⴱⵏⵏ. ⴰⴳ ⴷ ⵜⵡⵓⵔⵉ ⵢⵓ, ⴷ ⴰⴷ ⵜⵏ ⴰⴼ ⵜⵎⵎⴰⵔⵖ, ⵜⵓⴷⵔⵜ, ⵏⵜⴰⵜ ⵜⵜⵡⴰⴳⴳ, ⴰⴽ ⴰⴷ ⵜⵉⵣⵣⵔⵉ ⵢⵉⴷⵊ; ⵓⵔ ⴷ ⴰⴽ ⴰⴷ ⵜⵉⵙⵙⴱⴷ. ⵜⵓⴷⵔⵜ ⵜⴽⴽⵓ ⴳ ⵓⴽⵯⵔⴰⴼ ⵏ ⴽⵓ ⵢⴰⵙⵙ, ⵙ ⵓⵢⵏ ⴰⴷ ⵜⵏ ⵜⵉⵥⵉⵕ ⵜⴳⵓ ⴰⵎ ⵓⴽⵯⵔⴰⴼ ( ⴰⴼⵔ 4 ). ⵉⵎⴷⴰⵏ ⵉⴹⴼⴰⵔⵏ ⴰⵎⵔⵡⴰⵙ ⵏ ⵜⵏⵙⵍⵎⵜ, ⵀⴰ ⵜⵡⴰⵇⵇⵏⵏ ⵖⵔ ⵜⵏⴳⴳⴰⵔⵓⵜ; ⴰⴳ ⵜⵜⴻⵜⵜⵓⵏ ⵜⵓⴷⵔⵜ, ⵉⵙ ⴽⴽⵉⵏ ⴷⴳⵙ; ⵉⵙ ⵉⵜⵏ ⵉⵇⵇⵏ ⴰⴷ ⴰⵡⵟⵏ ⵓⵔⵜⵓ, ⵎⴰⵏⵉ ⴳ ⵓⵔ ⵉⵙⵙⵉⵏ ⵢⵉⴷⵊ ⵎⴰ ⴳⵉⵏ ⵜⴰⵢⴷⵉ. ⵜⴰⵡⵙⵏⴰ ⵏⵡⵏ ⵉⵟⵟⴼⵏ ⵢⵉⵍⵙ ⵏ ⵜⵄⴰⵡⵉⵜⵜ ⴳ ⵓⵏⴳⴰⵍ, ⵏ ⵄⵍⵉ ⵉⴽⵏ, ⵓⵔ ⴷ ⵉⴽⴽⵉ ⴰⴼⵍⵍⴰ, ⴰⴽ ⴰⴷ ⵢⵉⵙⵉⵏ, ⵎⴰⴳ ⵍⵍⴰⵏ ⴳ ⵉⵅⴼⴰⵡⵏ, ⴷ ⵓⵍⴰⵡⵏ, ⵏ ⵉⵏⵊⴷⴰ ⵏ ⵜⵏⵖⵎⵉⵙⵜ. ⵡⴰⵅⵅⴰ ⵉⵙⵙⵏ, ⵍⴰ ⵉⵜⴰⵡⵟ ⵖⵔ ⵜⵉⴽⵯⵜ ⵏ ⵉⵙⴽⴽⵉⵏⵏ " ⵢⴰⴹⵏ ⴰⵢⴷ ⵓⵔ ⵏⵙⵙⵉⵏ " ( ⴰⴼⵔ 4 ), ⴰⵢⵏ ⵉⵜⴰⴷⵊⴰⵏ, ⴰⴷ ⵢⴰⴽⵯⵉ ⴷ ⵓⵎⵖⴰⵔ, ⵉⵙⵓⵍ ⵉⵅⵙ ⴰⵙ ⴰⴷ ⵉⵍⴰⵍ. ⵉⵙ ⵓⵔ ⴷ ⵢⵓⵙⵉ, ⵅⴰⵙ ⴰⴷ ⵉⵖⵔ, ⵉⴷⵎⵓ ⵡⴰⵀⴰ. ⵡⴰⵍⴰⵢⵏⵏⵉ ⴰⵎⵖⴰⵔ ⵉⴼⵔⵔⵏⵏ ⴰⵡⴰⵍ ⵣⴳ ⵉⴼⵇⵇⵓⵙⵏ ⴷ ⵜⵃⵍⵍⴰⵍ. ⵉⵇⵇⵏ ⴰⴷ ⵉⵙⵙⵔⵙ ⵎⵏⵉⴷ ⴰⵅ, ⵉⵙ " ⴰⵡⴰⵍ ⵓⵔ ⵉⵡⵀⵉⵏ " ⵡⵏ ⵉⵙⵙⴰⵡⴰⵍⵏ ⴳ ⵓⵏⴳⴰⵍ, ⴰⴽⵯⴰⵢ ⵏⵏⵙ ⵉⵎⴹⴰ, ⴰⵍⵍⵉⴳ ⵉⵜⵍⴰⵖⴰ, ⵉ ⵓⵎⵖⴰⵔ ⴰⴷ ⵉⵜⵜⴰⵡⴳ, ⵅ ⴰⵢⵏ ⴰⵙ ⵉⵜⴰⵔⵉ. ⴰⵙⵙⵓ ⵢⵉⵡⵟ ⵜⵉⵣⵉ, ⴷ ⵜⵉⴷⴷⵉ, ⵎⴰⵏⵉⴳ ⵉⵅⵙ ⴰⴷ ⵢⵓⵛ ⵉ ⵡⴰⵡⴰⵍ ⴰⵜⵉⴳ ⵏⵏⵙ, ⵓⵔ ⴷ ⴰⵡⴰⵍ ⵏ ⵢⵉⵟⵟⴹ, ⵉⵙⴼⴹ ⴰⵙⵜ ⵡⵏ ⵡⴰⵙⵙ. ⴰⴳⵉⵙ, ⵉⴼⴷⴹⴰ ⵡⴰⵡⴰⵍ ⴰⵎⵙⵙⴰⵙ, ⴰⵍⵍⵉⴳ ⵓⵔ ⵢⵓⴼⵉ ⵎⴰⵜ ⵉⴷⴷⵣⵏ, ⵙ ⵜⵙⴽⴽⴰ. ⵜⵉⵔⵔⴰ ⵜⴳⵓ ⵜⵉⵎⵛⵜⵉⵜ ⵏ ⵜⵖⵔⵎⴰ ⵉⴽⴽⵉⵏ ⵣⵉⴽ, ⴷ ⴰⵍⵍⵉⴳ ⵓⵔ ⴰⵅ ⴷ ⵢⵉⵡⵟ ⵛⴰ, ⵉⵙ " ⴰⴱⵔⵉⴷ ⵉⵢⵛⵇⵇⴰ " ( ⴰⴼⵔ. 5 ), ⵀⴰ ⵢⵉⵅⵙ, ⴽⵓ ⵢⵉⴷⵊ ⴰⴷ ⵉⵊⴱⵔ ⴰⵙⴰⴼⴰⵔ ⵉ ⵢⵉⵜⵔⵙⴰⵏ ⵉⵜⵉⵖⵣⵉⵏ. ⵎⵓⵔⴷ ⵅⴰⵙ ⵏⴼⵅⴰ " ⵜⴰⴱⵔⴰⵜ ⴰⴷ ⵖⵕⵜⵜ ⵜⴳⵔⵜ ⴷⴳ ⵡⴰⴼⴰ " ( ⴰⴼⵔ 34 ), ⵓⵎⴰ ⵜⵍⵍⴰⵅ ⵜⵖⵔⵎⴰ ⵏⵏⴰ ⴰⵔⴰ ⵜⵅⵙⵜ, " ⵜⵉⵔⵔⴰ ⴷⴰ ⵜⵖⵉⵎⴰⵏⵜ ". ⴰⵎⴰⵡⵉⵙ ⵏ ⵜⵖⵓⵔⵉ ⴰⵎⴰⵡⵉⵙ ⵉⵇⵇⵏⵏ ⴰⵎⵖⴰⵔ ⴷ ⴱⵓ ⴰⵍⵍⵙ, ⵉⵙⵙⵔⵙ ⵉⵜ, ⵣⴳ ⵓⵎⵣⵡⴰⵔⵓ, ⴰⴽ ⴰⴷ ⵢⵉⴳ ⵍⴳⵓⴷ ⵉ ⵡⴰⵡⴰⵍ, ⵙ ⵓⵎⴰⵡⴰⵍ. ⴰⵔⴰ ⵢⵓⵛ ⴳ ⵓⵛⵡⴰⵔⵉ, ⵉⵅⵙ ⵊⴰⵔ ⵜⴰⵛⵛⵉⵡⵉⵏ; ⴷ ⵙ ⵜⵡⵓⵔⵉ ⵢⵓ, ⵉⴱⴰⴹ ⴰⴷ ⴰⵙ ⵉⵏⵄⵜ, ⴼⴼⵉⵔ ⵎⵉ ⴰⵔ ⴰⴷ ⵢⴰⵖⵓⵍ ⴰⴷ ⵜⵉⴱⴱⵉ ( ⴰⴼⵔ 24 ), ⴰⴽ ⴰⵙ ⵢⴰⴷⵊ, ⴰⴷ ⵢⴰⴼ ⴰⵎⵓⵔ ⵏⵏⵙ, ⵏ ⵜⵍⴻⵍⵍⵉ, ⵏⵖ ⴷ ⵓⵔ ⵜⵍⵍⵉ ⵜⵖⵓⵔⵉ. ⴰⵎⵙⴰⵡⴰⵟ ⵢⵓⵍⵉ ⵅ ⵜⵉⴷⴷⵓⴽⵍⴰ, ⵎⴰⵏⵉⴳ ⵓⵔ ⵉⵍⵍⵉ ⵉⵜⵓⴳⴳⴷⴰ, ⴰⴷ ⵜⵎⵖⵉ ⴷ ⵜⵉⴼⵉⵛⵉⵜ, ⵣⵣⴰⵜ ⵏ ⵡⴰⴼⵔⵉⵡⵏ ⵉⵜⵎⵔⴰⵔⴰⵏ ⴰⵡⴰⵍ. ⴳ ⵡⴰⵏⵙⴰ ⵢⵓ, ⵏ ⵉⵅⵎⵎⵉⵎⵏ; ⵏⵖⵍ ⵓⵍ ⵏⴽ " ⴰⵔⵓ, ⵙⵉⵡⵍ, ⵉⵏⵉ ⴰⵢⵏⵏⴰ ⵜⵏⵏⵉⴷ ⴰⴷ ⵉⵇⵇⵉⵎ ⴷⴰ " ( ⴰⴼⵔ 55 ) ⴷ ⵜⵉⴷⵜ, ⵓⵔ ⵉⴳⵉⵏ ⵉⵛⵜ. ⵡⴰⵍⴰⵢⵏⵏⵉ, ⵉⴷⴷⵔⵏ ⴷ ⵜⵉⵏ ⵉⵟⵏⵉⵏ; ⵜⵉⴷⵜ ⵜⵍⵍⴰ ⵎⴰⵏⵉⴳ ⵜⵉⵡⵉⵜ ⴰⵇⵔⵕⵓ. ⵅⴰⵙ ⴰⵙⵇⵙⵉ ⵉⵇⵇⵉⵎⵏ, ⵉⴳⵓ ⵜⴰⵃⵔⵔⴰⴷⵊⵓⵜ ⴳ ⵉⵔⵉ, ⵏⵜⴰ: ⵎⴰⴽⴽⴰ ⴰⵔⴰ ⵏ ⴼⴼⵖ ⵣⴳ ⵜⵉⴷⵜ ⴰⵅⵏ ⵢⴰⵖⵏ? ⵜⵏⵏⵟⴰⵅ ⴰⵎ ⵓⵙⵍⵖⴰⵖ? ⴷ ⵓⵎⵃⴰⵟⴰⵔ ⴷ ⵜⵓⴷⵔⵜ ⴷ ⵓⵎⴰⴹⴰⵍ, ⴳ ⵜⵉⵣⵉ ⵢⵓ ⵉⴳ ⵉⵜ " ⴽⵛⵎ ⵉⵅⴼ ⵏⴽ ⴰⴽ ⴰⴷ ⵜⴰⴼⵜ ⴰⵎⴰⴹⴰⵍ " 4. ⵏⵜⵛⵏⵉ ⵓⵔ ⴰⵅ ⵉⵇⵇⵏ ⴰⵏ ⵇⵇⵉⵎ ⵙ ⴷⴼⴼⵉⵔ, ⵡⴰⵅⵅⴰ ⵏⴽⴽⵔⴷ ⴷ ⵉⵎⵣⵍⴰⴹ. ⴰⵢⵏ ⵉⵜⴰⴷⵊⴰⵏ, ⵓⵔ ⵏⵙⵙⵉⵏ ⵜⴰⴹⴼⵉ ⴳ ⵜⵎⵥⵉ ⵏⵅ ( ⴰⴼⵔ 6 ). ⵉⵙⵇⵙⵉⵜⵏ ⵏ ⵙⵎⵉ ⵏⵍⵍⴰ, ⵜⵓⵛ ⴰⵅ ⴰⵏ ⴳ ⵛⴰ, ⵙ ⵉⴼⴰⵙⵙⵏ, ⴰⴽⴰ ⵏ ⵓⵛ, ⵉ ⵡⴰⵡⴰⵍ ⴰⵔⴽⵯⵜⵉ ⵏⵏⵙ. ⵓⵎⴰ ⵅⴰⵙ " ⴰⵡⴰⵍ ⵓⵔ ⵉⵥⵉⵍ " ( ⴰⴼⵔ 10 ). ⴱⵓ ⴰⵍⵍⵙ, ⵉⵍⵍⴰ ⵉⵜⵇⵙⵚⴰⵔ ⴷ ⵃⴰⵎⵉⴷ, ⵉⵍⵍⴰⵏ ⵅⴰⵙ ⵉⵜⴱⵉⴱⴰ, ⵓⵔ ⵜⵓⵎⵉⵥ ⵜⵎⵟⵟⵓⵜ ⵏⵖ ⴷ ⴰⵔⴰⵡ. ⴰⵎⵚⴰⵡⴰⴹ ⵉⵍⵍⴰⵏ, ⵅⴰⵙ ⵉⵜⴷⴷⵓⵢ, ⵏⵏⴰⵏ ⴰⴷ ⵜⵙⴱⴷⴷⵏ, ⵅ ⵛⴰ ⵉⴳⵉⵏ ⵙⵜⵉⵜ, ⴷ ⴰⵢ ⴰⵍⵉⴷ: ⵎⴰⵜⵜⴰ ⵏⵜⵛⵏⵉ? ⴷ ⵜⵉⵍⴰⵡⵜ, ⵉⴳⵉⵏ ⵜⴰⵖⵣⵉ ⵏⵅ; ⵡⵉⴷ ⴰⵢ ⴳⵉⵏ ⴰⵙⵇⵙⵉ ⴰⵎⵣⵡⴰⵔⵓ ⵏ ⵓⵏⴳⴰⵍ ⴷ ⵓⴼⴳⴰⵏ. ⴰⵔⵣⵣⵓ ⵏ ⵜⴰⵖⵣⵉ, ⵉⵔⵡⵉⵙ ⴼⴰⴷ. ⵙⴰⵔ ⵜⴽⴽⵙⵜ. ⴷ ⴽⵎ ⵉⵍⵍⴰ ⵢⴰⵅ ⴰⵏ ⵙⵙⵉⵙⵏ ⵜⵓⴷⵔⵜ, ⴷ ⴰⴷ ⵜⴳ: ⴼⴰⴷ. ⴷ ⵎⴰ ⵢ ⵜⴳⴳⴰⴷⵊⵜ, ⵍⴰ ⵉⵇⵇⵏ ⵉⵛ ⴼⴰⴷ. ⴷ ⴰⴽ ⴰⴷ ⵜⵜⵎⵣⴰⵔⴰⵢⵜ ⴷⵉⵙ, ⵓⵔ ⴰⴽ ⵉⵍⵍⵉ, ⵅⴰⵙ ⴰⴷ ⵜⵉⵍⵉ ⵜ, ⵍⴰ ⵜⵟⵟⴰⵔⵃⵜ. ⴷ ⵣⴳ ⵙⵙⵢⴰ ⴰⴳ ⵜⴰⵍⵉ ⵓⵅⵓⴱ. ⴰⵛⴽ ⵉⵜ ⴰⴷⵊⴰⵏ ⴷ ⵉⵎⵍⴻⵍⵍⵉ. ⵀⴰ ⵉⴼⵙⵓⵙ, ⵙ ⵜⵇⴱⴱⴰⵟ, ⴰⴽ ⴰⴷ ⵜⵛⵛⴹⵜ ⴰⵎ ⵜⵉⵍⴰⵡⵜ ⵏⵅ. ⴰⵙⴽⴽⵉⴼ ⵏ ⵉⵏⵥⴰⴹⵏ, ⵓⵏⴳⴰⵍ ⴰ, ⵢⵉⵡⵉⴷ ⵜⵉⵣⵉ, ⵎⴰⵏⵉⴳ ⵜⵇⵇⴰⵔⵏ ⵜⵎⵇⵇⴰ ⵣⵡⴰⵏⵉⵏ, ⵏ ⵏⵥⴰⵥⵉⵜ ⵉⵣⵡⴰⵔⵏ, ⴷ ⵓⵙⴳⵎⵉ ⵉⴱⴷⴷⵏ ⵅ ⵓⵣⵏⵏⴳ. ⴰⵥⵏⵏⴳ ⴰⴷ ⵉⴷⴷⴰ ⴰⴷ ⵉⵅⵙⵉⵎⵏⵉⴷ " ⵉⵔⵛⴰⵏ ⴷ ⵉⵃⵔⵉⵜⵛⴰⵏ ⴷ ... ⵢⵉⵅⵅⴰⵏ ⴷ ⵡⴱⵣⵣⵉⴹ ⴷ ⵜⵓⴳⴷⴰ ⵡⵎⵓⵜⵜⵍ " ( ⴰⴼⵔ 11 ). ⴰⴳ ⵉⵙ ⵉⵄⵏⵇ ⵓⵎⴷⴰⵏ, ⴰⴷ ⵢⴰⵡⵟ ⵜⵉⵍⴻⵍⵍⵉ; ⵅⴰⵙ ⵏⵜⴰⵜ, ⴰⴽ ⴰⴷ ⵜⵏ ⴰⵡⵟ ⵓⵔ ⵜⴽⴽⵉ ⵅ ⵜⵉⵏⵖⵔⵙⵜ. ⵉⵥⵓⵖⴰⵏ ⵓⵔ ⵜ ⴰⵔⵓⵏ ⵅⴰⵙ ⵉⵥⵓⵖⴰⵏ, ⴰⵢⵏ ⵓⵔ ⵉⵎⵙⴰⵙⴰⵏ ⴷ ⵓⵙⵍⵓⵣ ⵏ ⵡⴰⵡⴰⵍ, ⵉⴳⴳⴰⵔⵏ ⵜⴰⴽⴰⴷⵉⵎⵉⵜ ( ⴰⴼⵔ 12 ). ⵜⵍⵍⴰ ⵉⵛⵜ ⵏ ⵜⴼⵉⵛⵉⵜ, ⵜⵏ ⵉⵣⴷⵉⵏ ⵡⵏ ⵉⴷⴷⴰⵏ ⵉⵙⵙⵏ, ⵉⴽⵛⵎ ⵜⵓⵙⵏⴰ ⵉⵅⵉⵜⵔⵏ, ⴷ ⵡⵏ ⵉⵍⵍⴰⵏ ⴳ ⵡⴰⵎⵎⴰⵙ, ⵓⵔ ⵉⵙⵙⵉⵏ ⴰⴳ ⴷ ⵉⵛⵜ. ⴷ ⵏⵉⵜⵏⵉ ⵓⵔ ⵎⵖⵉⵔⵏ, ⵏⵖ ⴷ ⵇⵇⵉⵎⵏ ⴳ ⵓⵎⵚⴰⵡⴰⵟ ⴷ ⵉⵡⴷⴰⵏ. ⴷ ⵎⴰⵏⵉⴳ ⴰⵔⴰ ⵏⵉⵏⵉ, ⵢⵉⵅⵙ ⴰⴷ ⵢⴰⵖⵓⵍ ⵖⵔ ⴷⴼⴼⵉⵔ ⴰⴽ ⴰⴷ ⵢⵉⵙⵉⵏ, ⵙ ⵎⴰⵏⵉⴳ ⴷ ⵉⴷⴷⴰ. ⵉⵅⵙ ⴰⴷ ⵢⵉⵙⵉⵏ, ⴰⴽ ⴰⴷ ⵉⵏⵏⵕⵥⵎ ⵅⴼⵙ, ⵓⵔ ⵉⵜⵖⵉⵎⴰ ⵍⴰ ⵉⵇⵇⵏ. ⵜⵉⵖⵓⵏⵉ ⴰⴳ ⵏⵇⵇⵏ, ⵍⴰ ⵜⴰⴷⵊⴰ, ⴰⴽ ⵓⵔ ⵏⵜⵜⵉⵙⵉⵏ ⵜⵉⵔⵉⵜ ⵉⴷ ⵢⵉⵡⵉⵏ ⵉⵎⴰⵍ. " ⵙ ⵜⵉⴷⵜ ⵏⴽ ⵓⵔ ⵙⵙⵉⵏⵅ ⵎⴰⵢⴷ ⴰⴽ ⵜⵜⵉⵙⵉⵏⵅ ⵅⴼ ⵜⵎⵙⴰⵍⵜ ⵏ ⵍⵎⵓⵜ ⴷ ⵜⵓⴷⵔⵜ " ( ⴰⴼⵔ 17 ). ⵉⵡⴷⴰⵏ ⵏ ⵓⵏⴳⴰⵍ ⴷ ⵉⵡⴷⴰⵏ ⵏ ⵓⴱⴰⴹ ⴷ ⵜⵣⵎⵔⵜ. ⵅⵙⵏ ⴰⴷ ⵙⵙⵉⵡⵟⵏ ⵛⴰ. ⵡⴰⵍⴰⵢⵢⵏⵏⵉ ⴰⵢⵏ ⵎⵉ ⵓⵥⴹⵏ ⴰⴼⵓⵙ, ⵍⴰ ⵜⴰⴼⵏ, ⵉⵅⴼⴰⵡⵏ ⵏⵏⵙⵏ, ⵔⵛⴰⵏ. ⵣⴳ ⵙⵙⵢⴰ ⵍⴰ ⵉⵜⴰⵖⵓⵍ ⴳ ⵡⴰⵡⴰⵍ ⵏⵏⵙⵏ, ⴰⵙⵇⵙⵉ ⵏ ⵓⵎⵣⴰⵔⴰⵢ ⵏ ⵢⵉⴳ ⴷ ⵓⵅⵎⵎⴻⵎ. ⵙ ⵓⵎⴰⵜⴰ ⴰⴽ ⴰⴷ ⵣⵔⵉⵏ ⵖⵔ ⵜⴰⴳⴳⵉⵜ, ⵢⵉⵅⵙ ⴰⴷ ⴽⴽⵏ ⵅ ⵡⴰⵡⴰⵍ; ⵎⴰⵜⵜⴰ ⵜⵉⵍⴰⵡⵜ, ⵎⴰⵜⵜⴰ ⴷ ⴰⵎⵣⵔⵓⵢ, ⵎⴰⵜⵜⴰ ⵜⵉⵔⵔⴰ, ⵎⴰⵜⵜⴰ ⵍ'ⴰⵥ, ⵏⵖ ⴷ ⵜⵉⵙⵙⵉ ⵏ ⵜⴱⵉⵔⵔⴰⵜⵉⵏ ... ⴳ ⵓⵏⴳⴳⴰⵔⵓ ⴷⴰⵜ ⵎⵉ ⴰⵔⴰ ⵔⴰⵄⴰⵏ ⵖⵔ ⵎⴰⴳⴳⵉⵏ ⴰⴽⵯⵔⴰⴼ, ⵉⵅⵙ ⴰⴷ ⴷⴷⵔⵏ. ⵅⴰⵙ ⵏⵜⴰⵜ ⵙ ⵜⴰⵖⵣⵉ, ⵍⴰ ⵜⵖⵉⵎⴰⵏ ⵉⵎⴰⵣⵉⵖⵏ, ⵓⵔ ⴷ ⵏⵉⵜⵏⵉ ⴰⴳ ⵜⵉⴷⵉⵔⵏ; ⵡⴰⵍⴰⵢⵏⵏⵉ ⵜⵓⴷⵔⵜ ⴰⴳ ⵜⴰⴷⵔⵏ ⴷⴳⵙ. ⴷⴰ ⵉⵇⵇⵉⵎ ⵡⵓⵍⵓⴼ ⵣⴳ ⵜⵎⴰⵔⴰ, ⵅⴰⵙ ⵙ " ⵡⵣⵣⴰⵍ ⴷ ⵡⴰⴼⴰ " ( ⴰ, 19 ). ⵜⴰⵍⵍⴰⵍⵉⵏ ⴰⴽⴽ, ⵅⵎⵉ ⵜⴱⴷⴷ ⵜⵏⴱⴰⵟ, ⴷ ⵜⵙⵔⵜⵉⵜ ⵜⵙⵏⵢⵓⴷⴷⵓ, ⵓⵔ ⴰⵙⵏ ⵉⵍⵍⵉ ⵙ ⵎⴰⵖⵔ ⵜⴷⴷⵓⵏ. ⵉⵣⵡⵡⴳ ⴰⵙⵏ ⵓⴼⵓⴷ, ⴷ ⵓⵏⵍⵍⵉ; ⴷ ⵓⵏⴳⵉ ⵏ ⵡⴰⵙⵉⴼ, ⵓⵔ ⵖⵔⵙⵏ ⵙ ⵎⴰ ⵜ " ⵜⵛⵛⵓⵛⴼ ". ⴰⵏⵙⴰ ⵏ ⵜⵎⵟⵟⵓⵟ ⵉⵏⵉⴷⴰⵏ ⵏ ⵉⵡⴷⴰⵏ ⵓⵏⴳⴰⵍ, ⵃⴰⵢⵍⵏ ⵀⴰ ⵇⵇⵏⵏ. ⵍⴰ ⵙⵙⴰⵡⴰⵍⵏ ⵅ ⵜⴰⵏⵓⵎⵉ ⴷ ⵓⵎⵇⴰⴷⴷⴰ, ⴳ ⵡⴰⵏⵙⵉⵡⵏ, ⵎⴰⵏⵉⴳ ⵢⵉⵅⵙ ⴰⴷ ⵉⵍⵉⵏ ⵕⵥⵎⵏ. ⵉⴷⵊ ⵓⵔ ⵉⵖⵉⵙ ⵡⵏ ⴰⵔⴰ ⵙ ⵉⵥⵥⵓⵖⵔⵏ ⴰⵡⴰⵍ, ⵣⴳ ⵜⴰⵖⵣⵉ ⴰⵙ ⵉⵜⵜⵍ, " ⵓⵍⴰ ⵎⴰⵎⵉ ⵜⵔⵉⵖ " ⵜⴳⵓ ⴰⵎ ⵜⵡⵉⵏⵙⵜ ⵏ ⵓⵡⴰⵊⴱ, ⵅ ⵡⵏ ⵉⵙⵃⵉⵍⵍⵉⵍⵏ ⵅ ⵎⴰⴳ ⴷⵎⵓ, ⵢⵉⴳⵉⵜ ⴷ ⵜⵉⴷⵜⵜ ⵏⵏⵙ. ⵄⵉⵙⴰ ⴷⴰⵀⴰ, ⵉⵙⵓⵍ ⵅ ⵎⴰⵅⵎⵎⵉ ⴷ ⵉⴽⴽⵔ ⵣⵉⴽ. ⵜⵉⵍⴰⵡⵜ ⵜⵉⵡⵟ, ⵜⵓⵙⵙⵏⴰ ⴰⵙⵙⵓ, ⵓⵔ ⵜ ⵜⵍⴽⵉⵎ. ⵉⵍⵍⴰ ⴱⵓ ⴰⵍⵍⵙ ⵢⴰⵎⵓ ⴰⴳ ⵉⴷⵙ. ⵙ ⵓⵔⴰⵄⴰ ⵉⵜⴳⴳ ⵉⵜⵎⵖⴰⵔⵉⵏ, ⵉⴱⵔⵔⴽⵏ. ⵉⵙ ⵉⵙⵓⵍ ⵅ ⵓⵇⵥⵥⵔ ⵏ ⵜⵎⵖⴰⵔⵜ, ⵉⵟⵟⵟ ⵅ ⵓⴼⵓⵙ ⵏ ⵓⴳⵔⵔⴰⵎ, ⴷ ⵓⵎⵔⵡⴰⵙ ⵉⵙ. " ⵏⵏⵉⵖ ⴰⵙⵏ: ⴰⴷⵊⴰⵜ ⴰⵅ ⵣⴳ ... ⵡ ⴰⵡⴰⵍ ⵏ ⵜⵎⵖⴰⵔⵉⵏ. " ( ⴰⴼⵔ 21 ). ⴷ ⴰⵢ ⵏⵜⵜⵓ, ⵉⵙ ⴷ ⵏⵉⵜⵏⵉ ⴰⵅ ⵉⴽⵯⵎⵙⵏ ⵜⵓⵜⵍⴰⵢⵜ, ⴷ ⵡⴰⵡⴰⵍ ⴰⵍ ⴰⵙⵙⵓ. ⵉⵔⴳⵣⵏ ⴰⴳ ⵡⵡⵜⵉⵏ ⵃⴰⵍⵍⴰ, ⵉ ⵜⵎⴰⵣⵉⵖⵜ ⵙ ⵓⴷⵉⴷⴰ. ⵜⴰⵎⵟⵟⵓⵟ ⵜⴳⵓ ⴰⵏⵍⵍⵉ ⵏ ⵜⵎⴰⵣⵉⵖⵜ. ⵡⴰⵅⵅⴰ ⴰⴷ ⵜⵙⴱⵔⵜⵉⵡ ⴰⵍ ⵜⴰⵃⵍ, ⵓⵔ ⵜⴰⵡⵟ ⴰⵎⵔⵔⵓⵣ ⴰⵙ ⴳⵉⵏ ⵉⴳⵔⵔⴰⵎⵏ ⵣⵔⵉⵏⵉⵏ. ⵀⴰ ⵙⵓⵍⵏ, ⵅⵙⵏ ⴰⴷ ⵜⴽⵯⵔⴼⵏ ⵙ ⵓⵏⵀⴰⵟ " ⴽⵎ ⵎⵓⴷ ⵏⵏⵎ ⴰⵅⵅⴰⵎ " ( ⴰⴼⵔ 34 ), ⴰⵣⵟⵟⴰ ⴷ ⵓⵇⵔⵛⴰⵍ. ⵉⵅⵙ ⵙⵉⵏ ⵉⴼⴰⵙⵙⵏ, ⴷ ⵜⵉⵔⵉⵜ ⴰⴷ ⵉⵏⵡⵔⵏ ⴳ ⵉⵛⵜ, ⵙ ⵉⵛⵜ ⵏ ⵜⵎⵏⴰⵟ ⵜⴰⵙⵓⵙ, ⵓⵔ ⵜⵓⵙⵉ ⵜⵓⴷⵔⵜ. ⵜⴰⵡⵙⵏⴰ ⵓⵔ ⵜⵍⵍⵉ ⴳ ⵓⵢⵏⵏⴰ ⵜⵓⴼⵉⵜ, ⵜⴰⵙⵉⵜⵜⵉⴷ. ⵉⵅⵙ ⴰⴷ ⵢⵉⵍⵉ ⵉⵎⵉⴽ, ⵏ ⵓⵅⵎⵎⴻⵎ. ⴰⵢⵏ ⵓⵔ ⵉⵣⵔⵉⵏ ⴰⵎⵎⵉⵏ, ⵢⵉⵅⵙ ⴰⴷ ⵜⵜⴽⴽⵙⵜ ⵣⴳ ⵉⵖⵚ ⴷ ⵡⴰⴷⵉⴼ. ⴰⵜⵉⴳ ⴳⵎⵉ ⵜⴳⵣⵎⵜ; ⵏⵖ ⴷ ⵎⴰⵜⵜⴰ ⵡⴰⵡⴰⵍ ⴰⴷ " ⴰⵢⵏⵏⴰ ⴳ ⵜⴳⵉⴷ ⵏⵏⴽ ⴰⴳ ⵜⵜⵉⵍⵉⴷ " ( ⴰⴼⵔ 36 ). ⴰⵡⴰⵍ ⵓⵔ ⵢⵓⵛⵉ ⵉⵅⴼ, ⵅⴰⵙ ⵉ ⵡⵉⴷⴷⴰ, ⵉⵜⵉⵜⵕⵓⵥⵏ. " ⴰⵡⴰⵍ ⵡⴰⵔ ⵍⴳⵓⴷ " ⵜⴰⵊⵇⵃⵉⵜ. ⵍⴰⵡⴰⵀ ⴰⵡⴷⴷⵉ; ⵏⵜⴰⵜ ⵜⵍⵍⴰ ⵙ ⵜⵡⵓⵔⵉ ⵏⵏⵙ, ⵓⵔ ⵜⵍⵍⵉ ⴷ ⵉⵅⴼⵉ ⵉⵙ. ⵜⵍⵍⴰ ⴷ ⵡⵉⵢⵢⴰⴹ. ⵓⵔ ⵅ ⴰⴷ ⵜⵓⵜⵛ, ⵉⵅⴼ ⵉⵙ ⵅⴰⵙ ⵉⵡⵏ ⵢⵓⴷⴼⵏ ⵉⴷⵎⴰⵔ ⵏⵏⵙ; ⴰⵡⴰ ⵎⵛⵃⴰⵍ, ⵏ ⵜⵡⵜⵎⵉⵏ ⴰⵢ ⵓⵙⵉⵏ ⵉⵔⴳⵣⵏ ⴳ ⵉⵔⴰⵡⵏ ⵏⵏⵙⵏ, ⴰⵎ ⵍⴰⵍⵜ ⵏ ⵜⴰⵔⵡⴰ, ⴷ ⵏⵉⵜⵏⵉ ⵓⴳⵔⵏⵜ ⵎⵉ ⵇⵇⴰⵕⵏ ⵜⵉⵊⵇⵃⵉⵏ. ( ⴰⴼⵔ 55 ), ⴰⵄⵔⵔⵇ ⴰⴷ ⵉⵅⵙ ⴰⵙ ⵓⵍⵓⴼ, ⵓⵔ ⵢⵓⵊⵉⵔ ⵉⴷⵎⵓⵜⵏ, ⵉⵅ ⵉⵙⵙⴰⵖⵓⵍⵏ ⴷ ⵉⵙⵎⵖⴰⵏ. ⵜⴰⵏⵖⵎⵉⵙⵜ ⵜⵣⵣⵔⵢ ⴰⵅ ⴰⵡⴰⵍ ⵅ ⵉⵊⵏⵊⴰⵔⵏ ⴷ ⵉⵎⵔⵉⴳⵏ, ⵉⵅⵙ ⴰⴷ ⵟⵟⴼⵏ ⵎⵉⴷⴷⵏ ⵙⵜⵉⵏ ⵉⵏ ⵜⵉⵔⵉⵜ, ⴰⵎ ⵜⵉⵟⵟ ⵙⵎⵉ ⴰⵔⴰ ⵜⵙⵙⵉⴷ ⵜⵎⵓⵔⵜ, ⵜⵍⵍⴼ ⵉ ⵡⵏⵎⵔⵉ. ⴷ ⴰⴽ ⴷ ⵙⵙⵉⵡⵟⵏ ⴰⵙⵏⴼⴰⵔ, ⴷ ⴰⵢⵏ ⵉⴳⴳⵓⵜⵏ, ⵣⴳ ⵉⵡⴷⴰⵏ ⴷ ⵍⴳⵓⴷ ⴰⵜ, ⴰⵙⵏ ⵉⵜⵓⵜⵛ ⵏ ⵜⴰⵖⵣⵉ ⵏⵏⵙⵏ. ⴰⵢⵏ ⵉⵎⵔⴰⵏ ⴰⴽ ⴰⴷ ⵜⵜⴰⵡⴹⵜ. ⴳⴳⵓⵜⵏ ⵜⵜⵉⵙⵃⵢⴹⵜ ⵉⵏⵏⵓⵎⵏ; ⵣⴳ ⵉⵥⵉⵥⵉⵜⵏ ⵉⵜⴰⵡⵉⵏ ⵖⵔ ⵓⵛⵔⵔⴳ, ⴷ ⵜⵕⵓⵥⵉ ⵙ ⵙⴰⵔ ⵜⵓⵙⵉⵜ ⴰⴼⵓⴷ. ⵙ ⵡⴰⵎⵎⵏ, ⴰⵏⴱⴰⴹ ⵅ ⵎⴰ ⴰⵙ ⵜⴳⴳⵉⵔ ⵜⵏⵖⵎⵉⵙⵜ, ⵅⴰⵙ ⵖⵔ ⵜⴰⵍⵓⴼⵜ. ⴷ " ⵓⴼⵣⵣⵄ " ( ⴰⴼⵔ 42 ). ⵡⵏ ⵉⵎⵎⵓⵜⵏ ⵉⴷⴷⴰ, ⵡⵏ ⵉⵎⵎⵓⵕⵚⵏ, ⵏⵖ ⴷ ⵉⵜⵜⵓⵔⵙ, ⵉⴷⴷⴰ ⴰⵙ ⵉⵇⵇⵉⵎ ⵢⵉⵍⵙ ⴷ ⵡⴰⵡⴰⵍ. ⴰⵔⴰ ⵢⵉⵏⵉ ⵉ ⵡⵉⵏⵏⴰ ⴰⵔⴰ ⴷ ⵢⴰⵙⵏ. ⴳ ⵉⵛⵜ ⵏ ⵜⵄⴰⵡⵉⵜ ⵏ ⴱⴰⵄⵎⵔⴰⵏ, ⵉⵣⵣⵔⵉⵏ ⴰⵄⵍⵍⵓⵛ ⴳ ⵡⴰⵏⵙⴰ ⵏ ⵓⵎⵜⵜⵉⵏ; ⵓⵔ ⵜⵏⵏⵉ ⵅⴰⵙ ⵉⵛⴽⴽⵉⵎⵏ ⴷ ⵉⴱⵔⴳⵉⴳⵏ, ⴰⵔⴰ ⵢⵉⵏⵖⵏ ⵜⴰⵎⵓⵔⵜ. ⵅⴰⵙ ⵉⵎⵔⵉⴳⵏ, ⴽⵎ ⵓⵔ ⴰⵙⵏ ⵍⵍⵉⵏ ⵉⵜⴱⴰⴱ ⵏⵏⵙⵏ, ⵅⴰ ⵜ ⵏⵣⵏ, ⴰⵖⵏ ⴳ ⵉⴷⵎⴰⵔ ⵏ ⵉⵜⵏ ⵉⵊⴱⵔⵏ; ⴷ ⴰⴽ ⴰⴷ " ⵏⵣⵖⵏ ⵜⵉⵍⴻⵍⵍⵉ " ⵅⴰ ⵜ ⵣⵣⵔⵏ ⴽⵓ ⵉⵙⴼⵍⵉⵍⵍⵉ, ⵉ ⵓⵙⵙⴰⵏ ⵏ ⵉⵎⴰⵍ. ⴷ ⵄⵎⵎⵔ ⵉⵎⵔⵉⴳⵏ ⵓⵔ ⵉⵡⵟⵏ ⵖⵔ ⵡⴰⵏⵙⴰ ⵏⵏⵙⵏ. ⵜⴰⴳⵔⴰⵡⵍⴰ ⵍⴰ ⵜⴳⴳⴰⵔ, ⴰⵙⵏⴼⴰⵔ ⵏⵏⵙ, ⴰⴽ ⴰⴷ ⵜⵙⵍⴻⵍⵍⵉ ⵎⵉⴷⴷⵏ ⵣⴳ ⵜⴰⵙⵙⴰⵙⵜ ⴳ ⵎⵉ ⵍⵍⴰⵏ, ⴷ ⴽⵎ ⵜⵙⵍⵉ, ⵉⵙ ⵍⴰ ⵜⴱⵔⵔⴰⵎ ⵏⵜⴰⵜ ⴷ ⵜⴰⵙⵙⴰⵙⵜ. " ⴰⵔⵎⴰⵖ ⵍⴰ ⵉⵙⵙⴳⵓⵜⴰ ⵉⵚⵉⴹⵉⵏⵏ, ⵏ ⵓⵙⵔⵟⴰⵍ ". ⵓⵔ ⴷ, ⴰⴽ ⴰⴷ, ⴱⵟⴰⵏ ⴳ ⵓⴼⵓⵙ ⵏ ⵉⴷⵊ, ⴼⴼⵖⵏ ⴷ " ⴷ ⵜⴰⵙⴷⵎⵉⵔⵜ ". ⵜⵉⵙⵓⵔⴰ ⴰⵔⴰ ⵏ ⵏⴰⴼ ⴳ " ⵜⵉⵙⵓⵔⵉⴼⵉⵏ " ⴽⵎ ⵉⵖⵣⴰ ⵡⴰⵡⴰⵍ ⵏ ⴱⵉⵏⴼⵉⵏⵉⵙⵜ, ⵎⴰⵏⵉⴳ ⵉⵜⵉⵏⵉ: " ⴽⵓ ⵓⵎⵉⴷ ( ⵉⴷⵊ ⵏ ⵎⵉⴷⴷⵏ ) ⵉⵜⴰⵔⵓ ⵜⵓⵜⵍⴰⵢⵜ ⵏⵏⵙ, ⵀⴰ ⵉ ⴰⵕⵓⵜ ⴰⴽ ⴰⴷ ⵉⴷⴷⵔ ". ⴰⴷⴷⴰⵢ ⵏ ⵙⵙⵔⵙ ⵜⴰⵖⴹⴼⵜ ⴰⴷ ⵅ ⵜⵓⵙⵙⵏⴰ ⵜⴰⵔⵓⵎⵉⵜ, ⵓⵔ ⵉⵎⵙⴰⵙⴰ ⴰⴳ ⴷ ⵜⵉⵎⵜⵜⵉ ⵏ ⵉⵎⴰⵣⵉⵖⵏ ⵏ ⵣⵉⴽ. ⵉⵙ ⵏⵜⴰⴼⴰ, ⵡⵏ ⵉⴷⴷⴰⵏ ⵖⵔ ⵜⴳⵔⵔⴰⵎⵜ ⵜⴰⵎⴰⵙⵉⵃⵜ, ⴰⵎ ⵓⴳⵙⵜⵉⵏ, ⴰⴳ ⵡⵏ ⵉⵇⵇⵉⵎⵏ ⴳ ⵜⵎⵓⵔⵜ, ⵢⵓⵔⵉ ⵙ ⵉⵍⵙ ⵏ ⵡⵉⵏ ⵉⵟⵏⵉⵏ. ⴰⵢⵏ ⵉⵡⵜⵉⵏ ⵜⴰⵡⵙⵙⵏⴰ, ⴰⴷ ⵜⵇⵇⵉⵎ ⵅⴰⵙ ⴳ ⵡⴰⵡⴰⵍ; ⵎⵇⵇⴰⵔ ⵏ ⵓⴼⵓ ⵉⵙⵙⵉⵡⵍ ⵅ ⴰⵢⵜ ⵜⵎⵓⵔⵜ ⴰⵎ ⵍⴳⵓⴷ ⵏ ⵓⵅⵍⴷⵓⵏ. ⴰⴳⴷ ⵜⵏⴽⵔⴰ, ⴰⵔⴰ ⵜⵉⵙⵉⵏ ⵜⴰⵎⴰⵣⵉⵖⵜ, ⵉⵏⴳⴳⵓⵔⴰ ⵏ 1900, ⴷ ⴰⵅ ⵜⴰⵡⵉ ⵉⵃⴰⵔⵚⵉⵜⵏ, ⵓⵔ ⵉⴳⵉⵏ ⴰⵏⵣⴳⵓⵎ ⵏⵏⵙⵏ ⴳ ⵜⵓⴷⵔⵜ ⵏ ⵓⵊⵎⵎⴰⵟⵉⵏ; ⵙⵙⵏⵏ ⴰⵥⵟⵟⴰ ⵢⵓ ⵏ ⵉⴳⵔⵔⴰⵎⵏ, ⵉⵙ ⵉⵣⵡⴰ; ⵉⵄⵏⵇ ⴰⴷ ⵉⴼⴽ ⵉ ⵓⵎⴰⵣⵉⵖ ⴰⴱⵔⵉⴷ ⵉⵙⵙⴰⵡⴰⵟⵏ ⵉ ⵉⵎⴰⵍ. ⵣⴳ ⵉⴷⵍⵍⵉⵙⵏ, ⵢⵓⵖⵏ ⴰⴱⵔⵉⴷ ⴰⴷ ⵉⴳⵉⵏ ⵇⵔⵟⴰ, ⴷⴰ ⵏⴰⴼ ⵜⵉⵙⵓⵔⵉⴼⵉⵏ ⵏ ⵍⵃⴰⴱⵉⴱ ⴼⵓⴰⴷ. ⵜⴰⵡⵓⵔⵉ ⴰ, ⵜⵅⵙ ⴰⴷ ⵜⵙⵙⵉⵊⵉ ⵉⴷⵊ ⵓⵎⵓⴹⵉⵏ, ⵉⵡⵜⵉⵏ ⵜⴰⵎⵓⵔⵜ, ⴷ ⵡⵉⴷ ⵉⵜⵜⵡⴰⵡⵜⵏ, ⵉⵍⵍⴰ ⵣⴳ ⵉⵏⵉⴷⴰⵏ, ⵙ ⵎⵉ ⵜⵡⴰⵙⵙⵏⵏ, ⵅ ⵜⴰⵖⵣⵉ ⵏ ⵜⵉⵙⵓⵔⵉⴼⵉⵏ, ⴰⵢⵜ ⵡⴰⵔ ⴰⴼⵓⴷ. ⵉⵏⴳⴳⵓⵔⴰ ⵉ, ⵓⵔ ⵇⵇⵉⵎⵏ ⵅⴰⵙ ⵅ ⵓⴷⵎⵓ; ⵉⴷⴷⴰ ⴰⵙⵏ ⵉⵍⵍⵓⵣ, ⴰⴷ ⵜⴱⴰⴹⵜ ⴰⴷ ⵜⵏ ⵜⴰⴼⵜ, ⴷⴳ ⵡⴰⵡⴰⵍ ⵉⵙ, ⵡⴰⵅⵅⴰ ⵍⴰ ⵙⵙⴰⵡⴰⵍⵏ, ⴷⵊⵉⵏ ⵉⵜⵜⵓⵙⴼⵍⴷ ⵓⵃⵔⵚⵉ ⵏⵏⵙⵏ; ⴰⵢⵏ ⵉⵜⴰⴷⵊⴰⵏ, ⴰⴷ ⵜⵏⵥⵉⵜ ⴷⴳⵙⵏ. ⴰⴼⵔⴰⵙ ⵉⵟⵏⵉⵏ ⴷⴰ ⵜⵉⴳ, ⵓⴼⵓⵙ; ⵉⵙ ⵡⴰⵅⵅⴰ ⵍⵍⴰⵏ ⴰⴷ ⵙⵏ ⵉⴼⴰⵙⵙⵏ, ⵓⵔ ⴱⴰⴹⵏ ⴰⵜⵏ ⵙⵙⴽⵏ, ⴷⴷⴰⵡ ⵏ ⵜⴳⴰⵥⵉⵟ ⴰⴽ ⴰⵙ ⴰⵙⵉⵏ ⵜⴰⵎⵍⵍⴰⵍⵜ, ⵣⴳ ⴷⴷⴰⵡ ⴰⵙ ( ⴰⴼⵔ. 38 ). ⵜⵉⵔⵚⵟ ⵜⵎⵓⵏ ⴰⵙⵏ ⴷ ⵡⴰⴷⵉⴼ, ⵓⵔ ⵉⵍⵍⵉ ⴷⴳⵙⵏ ⵎⴰ ⵔⴰ ⴰⴷⵊⵏ; ⵏⵏⵟⵏ ⵉ ⵓⵅⵔⴹ ⴷ ⵓⵙⵎⵎⵔ. ⴽⵎ ⴰⴼⵓⵙ ⴷ ⵜⴰⴳⴳⵉⵜ. ⵖⵔ ⵜⵖⵓⵔⵉ ⵏ ⵜⵉⵙⵓⵔⵉⴼⵉⵏ ⵏ ⴼⵓⴰⴷ, ⴷ ⴰⴷ ⵜⵏ ⵜⴰⴼⴷ ⵜⵓⵔⵍⵍⵉⵜ ⵏⵏⵙ. ⵉⵙ ⵉⵜⵜⵡⴰⴱⴱⵉ, " ⵉⴽⴽⵓⵛⵎ " ( ⴰⴼⵔ. 66 ). ⵏⵥⵕⵉⵜ ⵓⵔ ⵉⵣⵎⵉⵔ ⵉ ⵡⴰⵥⵥⴰⴹ; ⴷ ⴰⵍⵍⵉⴳ ⵉⵇⵇⵉⵎ ⵍⴱⴰⵕⵓⴹ ⵉⵎⵎⵖ ( ⴰⴼⵔ. 26 ), ⴷ ⴰⴷ ⵏⵊⴱⵔ, ⵎⴰⵔⴰ ⵜⵉⵏⵣⵉⵣⵏ ⵙ ⵓⵊⵄⵄⴱ; ⴰⵎⵎⵉ ⵉⵊⵊⵏⵊⵎ ⵉⵅⴼ ⵏⵏⵙ. ( ⵉⵏⴰⵙ ⵉ .... ⵉⵍⵍⴰ ⵍⴱⴰⵕⵓⴹ ⴰⵎⵃⴰⵢⵍ ⵖⵓⵔⵉ )! ⴰⵍ ⴰⵙⵙ ⵎⵉ ⵉⵡⵡⵜ ⴰⵏⴼⴰ, ⵢⴰⴼⵉⵜ, ⵉⵥⵉⵍ ⵅⴰⵙ ⴰⴷ ⵉⵜⵡⴰⴳⵍ ⴳ ⵜⵖⴰⵏⵉⵎⵜ, ⵉ ⵜⵙⵍⵎⵢⴰ, ⴰⴷ ⴰⵙ ⵜ ⵉⵜⵜⵔ ⵓⴳⵔⵔⴰⵎ. ⴰⵡⴰⵍ ⵉⵜⴰⵖⵓⵍ ⵛⴰ ⵉⴳⴰⵏ ⵅ ⵓⴼⵓⵙ, ⴰⵔ ⴰⴷ ⵉⴳⵏ ⵉⴷⵊ ⵓⵎⵟⵟⴰⵔ ⵅ ⵎⵉ ⵉⵍⵍⴰ ⵎⴰ ⵉⴷ ⵉⵡⵉⵏ ⵣⵉⴽ. ⵜⵍⵍⴰ ⵜⵏⵣⵉⵣⵉⵜ ⵜⵏⴰⵥⵓⵔⵜ ⵀⴰⴷⴷⴰ ⵓⵄⴽⴽⵉ; ⵀⴰ ⵜⵖⵣⴰ ⴷⴳⵙ. ( ⵀⴰⵏ ⴰⵚⴼⵚⴰⴼ ⵉⴽⴽⵔ ⵊⴰⵊ ⵓⵍⵎⵓ ... ⴰⵄⵇⵇⴰ ⵉⵜⵜⵡⴰⵜⵜⴰⵏ ⵓⵔ ⴷⴳⵙ ⵉⵍⵍⵉ ). ⵡⴰⵍⴰⵢⵏⵏⵉ, ⵓⵔ ⵙⵙⵉⵏⵅ ⵎⴰⴽⴽⴰ ⴳ ⵉⵛⵛⴹ, ⵓⵎⵓⵙⵏⴰⵡ ⵏ ⵜⵎⴷⴷⵢⵣⵜ ⵜⴰⵄⵔⴰⴱⵜ, ⴰⵍⵍⵉⴳ ⵢⵓⵔⵉ " ⵜⴰⵢⴼⴼⵔⵜ ⵓⵔ ⴷ ⴰⴷ ⵜⵉⵏⵉ ⵙⵜⵉⵜ. " ⴰⴼⵓⵙ ⵉⵟⵟⵚⵏ, ⵓⵔ ⵉⵙⴰⵍⴰ, ⴰⴷ ⵉⴱⴱⵉ (! ) ⴳⴰⵔ ⴰⵄⵇⵇⴰ; ⵏⵖ ⴷ " ⵉⵥⵓⵕⴰⵏ ⵉ ⴳⴰⵔ ⴰⵎⵓⴷ " ( ⴰⴼⵔ. 24 ). ⴰⴼⵓⴷ ⵢⵓⵔⴰⵏ, ⴰⴳ ⴷ ⵉⵏⵊⴷⴰ, ⵏ ⵜⵉⵙⵓⵔⵉⴼⵉⵏ, ⵓⵔ ⵜⵏ ⵉⵙⵚⵉⵡⵟ ⴰⴷ ⴰⵡⵟⵏ ⴰⴷⴷⵓⵔ, ⴰⵔⴰ ⵉⵍⵉⵏ ⴳ ⵜⵎⴰⵣⵉⵔⵜ ⵙ ⵜⵣⵎⵔⵜ ( ⴰⴼⵔ. 16 ), ⵡⴰ! ⵜⵉⵙⵓⵔⵔⴰⴼ ⵖⵔⵙ ⵄⵏⵇⵏⵜ ⴰⴷ ⵜ ⵍⴽⵎⵏ; ⵉⵙ ⵉⵍⵍⴰ ⵡⴰⵀⵍⵉ ( ⵢ ⴰⴳⴳⵓⴳ ). ⴰⴷⴷⵓⵔ ⵉⵍⵍⴰ ⵖⵔ ⵏⵏⵊ, ⴰⵏⵙⴰ ⵎⴰⵏⵉⴳ ⵉⵜⵉⵇⵇⵏ ⵓⵎⴰⵔⵓ; ⴰⴷⴷⵓⵔ ⵉⵅⵙ ⴰⴷ ⵉⵍⵉ ⴳ ⵡⴰⵛⴰⵍ, ⵓⵔ ⴷ ⴳ ⵜⵡⵉⵔⵊⴰ ⵓⵎⵔⵡⴰⵙ. ⵜⴰⵡⵍⴰⴼⵜ ⵏⵏⵙ ⴳ ⵜⵉⵙⵓⵔⵉⴼⵉⵏ " ⵣⵓⵏⴷ ⴰⴼⴰⵔ, ⵉⵜⵎⵓⵏⵏ ⴷ ⵓⴷⵎ ⵏ ⵡⴰⵛⴰⵍ, ⵓⵔ ⵉⵙⵙⵉⵏ ⴰⴼⵍⵍⴰ " ( ⴰⴼⵔ. 47 ). ⵜⵉⵙⵓⵔⵉⴼⵉⵏ, ⴰⵎ ⴳ ⵓⵎⵜⴰⵡⴰ ⵏ ⵀⵉⴳⵍ; ⵉⵙⵏⵜⴰ ⵙ ⵜⵙⵓⵔⵉⴼⵜ ⵜⴰⵎⵣⵡⴰⵔⵓⵜ; ⵙ ⵡⴰⵎⵎⵓ ⴰⴳ ⵉⵍⵍⴰ ⵓⵄⴰⵡⴷ, ⵏ ⵜⵉⵙⵓⵔⵉⴼⵉⵏ, ⵉⵛⵜ ⵜⵟⵟⴼ ⴳ ⵉⵛⵜ. ⴷ ⴳ ⵜⵡⴰⵍⴰ ⵢⵓ, ⴷ ⴰⴷ ⵏⴽⴽ ⵅ ⵜⵉⵔⵔⵓⴳⵣⴰ, ⴽⵎ ⵉⵜⵏ ⵓⵙⵉ, ⵀⴰ ⵏⵔⵎⵙⵉⵜ ⵅ ⵍⴳⵓⴷ ⵏ ⵜⵉⴷⴷⵉ. ( ⴰⴼⵔ. 43-44 ). ⴰⵏⵀⴰⵟ ⵏ ⵜⵓⴷⴰ: " ⵉⵡⴰ ⴳⴰⵜ ⵉⵔⴳⵣⵏ, " ⴰⴷ ⵉⴰⵖⵓⵍ ⴷ ⵜⴰⵇⴱⴱⴰⵟ. ⵏⵜⵛⵏⵉ, ⵏⵙⵙⵏ ⵉⵙ ⴷ ⵉⵔⴳⵣⵏ ⴰⵢ ⴳⵉⵏ ⵓⵔ ⴷ ⵜⵉⵄⵢⵢⴰⵍⵉⵏ. ⵜⴰⵎⵟⵓⵜ ⴰⵔⴰ ⵉⴳⵏ ⵓⵣⵣⴰⵍ ⵓⵔ ⵜⴰⵖⵓⵍ ⵜⵜⴰⵎⵟⵓⵟ ... ⴰⴳ ⴷ ⵓⵔⵎⵖ ⴰⴷ ⵏⴳⵓ ⴷⴰⵀⴰ, ⵉⴷⴷⴰ ⴰⵅ ⵢⵓⵛ ⵛⴰ ⵉⵕⴰⵄⴰⵜⵏ ⵉⵟⵏⵉⵏ, ⵢⵉⵡⵟⵏ ⴰⴷ ⴳⵏ ⴰⵎ ⵛⴰ ⵏ ⵉⴷⵎⵓⵜⵏ ⴷⴷⵣⵏ ⴰⵅⵜⵏ ⴷ ⵜⵉⵙⵓⵔⴰ, ⵓⵔ ⵏⵇⵇⵉⵎ ⵏ ⴱⴰⴹ ⴰ ⵜⵏ ⵏⵙⵇⵙⴰ; ⴰⵍⵍⵉⴳ ⴰⵖⵓⵍⵏ ⴷ ⴰⵡⴰⵍ ⵉⵖⵣⴰⵏ, ⵎⵇⵇⴰⵔ ⵍⴰ ⵔⵛⴰⵏ. ⵜⵍⵍⴰ ⴷⴰⵀⴰ ⵉⵛⵜ ⵏ ⵜⵎⴰⴳⴳⵉⵜ ⵉⵜⵜⵡⴰⴽⵔⵏ; ⵜⵣⵔⵉⵜⵏ ⵎⴰⵏⵉⴳ ⵉⵜⵡⴰⵜⵜⵔ ⵣⴳ ⵉⵔⴳⵣⵏ ⴰⴷ ⴳⵏ ⵉⵔⴳⵣⵏ. ⵜⴰⵡⴰⵍⴰ ⵢⵓ ⴷ ⴰⴷ ⵏ ⴰⵡⵉ ⵅ ⵜⵎⵟⵓⵟ. ⴷ ⵜⵓⴷⴰ ⴷ ⴰⴷ ⵜⵏ ⴰⴼ, ⵓⵔ ⵜⴳⵉ ⵜⴰⵎⵟⵓⵟ ⴰⵔⴰ ⵜⵉⵙⵉⵏⵜ, ⵜⴰⵎⵟⵓⵟ ⵏ ⵓⵎⵃⴰⵕⴰⵚ; ⵓⵔ ⵉⵍⵍⵉ ⵅⴼⵙ ⵜⵉⴼⵔⴰⵙ ⵏ ⵓⵎⵉⴷ; ⵏⵜⴰⵜ ⴷ " ⵉⵍⵍⵉⵙ ⵏ ⵓⴷⵎⵔ ⵏ ⵓⵣⵣⴰⵍ " ( ⴰⴼⵔ. 71 ). ⴳⴳⵓⵜⵏ ⵉⵙⴽⴽⵉⵏ ⴰⵔⴰ ⵏⴱⵔⵔⵎ; ⴰⴽ ⴰⴷ ⵏⴳ ⵉⴷⵊ ⵓⵔⴰⵄⴰ; ⵉⴳⵉⵏ ⵇⵔⵟⴰ; ⴰⵔⴰ ⵅ ⵉⴰⵡⵉⵏ ⵖⵔ ⵓⴱⵖⵓⵔ. ⵙⵜⵉⵜ ⵜⵉⵍⴰⵡⵜ ⴷ ⴰⵙⴽⴽⵉⵏ; ⴷ ⴰⵕⵓ ⴷ ⵡⵏ ⵉⵟⵏⵉⵏ. ⵡⴰⵍⴰⵢⵏⵏⵉ ⴰⵎⴰⵜⴰ ⵏ ⵉⵡⴰⵍⵉⵡⵏ, ⴰⴳ ⵜ ⴳⴳⵉⵔⴰⵏ ⴷ ⵜⵉⵍⴰⵡⵜ. ⵜⴰⴼⵉⵛⵉⵜ ⵏ ⵀⵉⴳⵍ ⴷⴰⵀⴰ. ⵍⴰ ⵜ ⵜⵜⵡⴰⵙⵙⵏ; ⴰⵍⵍⵉⴳ ⵉⵏⵏⴰ ⵜⵉⵍⴰⵡⵜ ⴷ ⵜⴰⵖⵣⵉ; ⴷ ⵜⴰⵖⵣⵉ ⵜⵉⵍⴰⵡⵜ. ⵉⵇⵇⵉⵎ, ⵓⵔ ⵉⵍⵍⵉ ⵎⴰⵔⴰ ⵅ ⵉⴽⴽⵙⵏ ⵜⴰⵟⵚⴰ; ⵅ ⵜⴰⵎⴰⵜⵛⴰ ⵏ ⵓⵔⵅⵙⵉⵙ ⴷ ⵡⴰⵎⴰⵏ; ⵀⴰ ⵉⵏⵏⴰⴽ, ⵉⵅⵙ ⴰⴷ ⵉⵖⵣ ⵙ ⵓⴳⵍⵣⵉⵎ, ⵅ ⵜⵉⵔⵔⵓⴽⵣⴰ ⴷ ⵡⴰⴷⴷⵓⵔ ⴰⵎⴰⵣⵉⵖ. " ⴰⵢ ⴰⵛ ⵎⵢⴰⵖⵏ ⴰ ⵜⴰⵎⴰⵣⵉⵖⵜ " ⵎⴰⴽⴽⴰ ⴳ ⵉⵏⵏⴰ ⵄⵎⵔ ⵓⵃⵎⵣⴰ. ⴰⴳ ⵜⴽⴽⵏ ⵅ ⵉⵎⴰⵣⵉⵖⵏ. ⴰⵣⵡⵓ ⴷ ⵉⴽⴽⵉⵏ ⵅⴼ ⵙⵏ ⵉⵙⵙⴰⵙⵓⵜⵏ, ⴰⵎ ⵡⴰⴼⵔⵉⵡⵏ ⵏ ⵜⴰⵣⴰⵔⵜ ( ⴰⴼⵔ 43 ). ⵅⴰⵙ ⵉⵅⵙ ⵓⵔ ⵏ ⵜⵜⴻⵜⵜⵓ, ⵉⵙ ⵜⵙⵙⴽ ⵜⵙⵖⴰⵔⵜ ⴰⴷ ⵓⵙⵙⴰⵏ ⵏⵏⵙ. ⴷ ⴽⵎ ⵜⴰⵙⵓⵙ, ⵓⵔ ⵅ ⴰⴷ ⵜⴱⵔⵔⴰⵎ ⴰⴷ ⵜⵡⵡⵜ ⴰⴳⵊⴷⵉⵔ. ⵡⵏ ⵉⵔⵎⴰⵏ ⴰⵡⵉⵏⵜ ⵡⴰⵎⴰⵏ. ⵎⴰⴳⵎⵉ ⵉⵙⵓⵍ ⵡⴰⴷⵉⴼ ⵉⵙⵓⵍ ⴰⴷ ⵉⴽⴽⵔ, ⴰⵍ ⵡⵏ ⵎⵉ ⵉⵣⵡⴰ ⵉⵖⵙⵚ, ⵉⴳⴳⵓⵏⵉ ⵜ ⵉⴼⵔⵛⵉ. ⴷ ⵊⵉⵍ ⴷⵓⵍⵓⵣ, ⵉⵖⵣⴰ, ⴰⵍⵍⵉⴳ ⵉⵏⵏⴰ, ⵉⵙ ⵉⵅⵙ ⴰⵏ ⴽⴽⵡⵔ ⵡⵏ ⵉⵖⵔⵔⴹⵏ. ⴰⵡⴰⵍ ⴷ ⵉⵏⵣⵉ ⵉⵍⵙ ⴰⵎⴰⵣⵉⵖ, ⵓⵔ ⵉⵏⵏⵉ ⴰⵙ ⵜ ⵙⵙⴼⵍⵉⴷⵜ; ⵀⴰ ⵓⵔ ⵜⴰⴽⵣⵜ ⴷⴳⵙ ⴰⵡⴰⵍ ⴰⵇⵓⵔⴰⵔ, ⵡⵏ ⵉⵣⵔⵉⵏ, ⴰⵍ ⵖⵔ ⵏⵅ. ⵡⵏ ⴰⵔⴰ ⵏ ⵉⵙⵉⵏ ⵙ ⵡⴰⵙⵙⴰⵖ ⵏ ⵉⵏⵣⵉ. ⵅⴰⵙ ⴰⵡⴰⵍ ⴷ ⵣⵟⵉⵏ ⵎⵉⴷⴷⵏ ⵏ ⵣⵉⴽ, ⵓⵔ ⵉⵍⵍⵉ ⴷⴳⵙ ⵓⵙⴰⴼⴰⵔ; ⵅⴰⵙ ⴽⵎ ⴰⵙ ⵏⵄⴷⵍ ⴰⴼⵙⵔ. ⴰⵟⵓ ⵏⵏⵙ ⵉⵔⵚⵟ ⴽⵎ ⵓⵔ ⵉⵍⵍⵓⵣ. ⵉⵎⴰⵣⵉⵖⵏ ⵓⵔ ⵏⴻⵏⵏⵉ ⴰⴷ ⵙⵙⵓⴼⵖⵏ ⵛⴰ ⵏ ⵉⴷⵊ ⵣⴳ ⵉⵅⴼ ⵏⵏⵙⵏ, ⴰⴽ ⴰⴷ ⵉⴳ ⵉⴷⵊ ⵉⵟⵏⵉⵏ. ⴰⵢⵢⵓⵣ ⵉ ⵉⵣⵎ, ⴰⵍⵍⵓ ⵉ ⵜⴰⵖⴰⵟ; ⴽⵓ ⵉⴷⵊ ⵉⵇⵇⵉⵎ ⵉⴳⵓ ⵉⵅⴼ ⵏⵏⵙ, ⵓⵔ ⵉⵣⵔⵉ ⵛⴰ ⵣⴳ ⵣⵣⴳⵙ ⵏⵖ ⴷ ⵉⴽⴽⵙⵜ, ⴰⴽ ⴰⴷ ⵜⵉⴳⵔ ⵣⵣⴳⵙ ( ⴰⴼⵔ 75 ). ⴳ ⵎⴰⴳⴳⵉⵏ ⵜⴰⵎⴰⴳⴳⵉⵜ ⵉⵍⵍⴰ ⵉⴷⵊ ⵡⴰⵍⵍⴰⵖ, ⴱⵓⵡⴼⵓⴷ, ⵓⵔ ⴰⵅ ⵉⵣⵔⵉ ⴰⴷ ⵜⵏ ⵔⵎⵖ; ⵎⵇⵇⴰⵔ ⵓⵔ ⵉⵏⵏⵉ ⴰⴷ ⵉⵇⵇⵉⵎ ⵅ ⵎⴰⴷ ⵉⴽⴽⵔ. ⴰⵔⵟⴰⵍ ⴽⵎ ⵓⵔ ⵜⵓⴽⵉⵜ ⵙ ⵎⴰⵛ ⵉⴷⴷⵣⵏ, ⵓⵔ ⵜⵏⵏⵉⵜ ⴰⴷ ⵜⴰⴽⵣⵜ ⴰⵇⵔⵔⵓ ⵏⵏⴽ; ⴰⵔⵟⴰⵍ ⴷ ⵉⴷⵊ ⵏ ⵜⵓⵜⵔⴰ. ⴰⵢⵏ ⵉⵜⴰⴷⵔⵏ ⴷⵉⴽⴽ ⴰⴷ ⵜⵇⵇⵉⵎⵜ ⴷ ⴰⵎⵥⵍ'ⵓⵟ. " ⵉⵍⵍⴰ ⵎⴰⵏⵉⴳ ⵥⵉⵍⵏ ⵉⵔⵟⴰⵍⵏ ⵉⵜⵜⵡⴰⵙⵏⵏ "; ⵡⴰⵍⴰⵢⵏⵏⵉ ⴰⵔⵟⵟⴰⵍ ⵉⵜ ⴰⴷⵊⴰⵏ ⵉⵅⴼ, ⴷ ⴰⵎⴰⵜⵔⴰⵡ ⵓⵔ ⵉⵖⵓⴷⴰ, ⵉⵙ ⵉⴳⵓ ⴰⵣⵉⵍⴰⵍ ⵓⵣⴳⴳⵔ, ⵉⵙⵙⴰⵡⴰⵟⵏ ⴰⵀⵜⵛⴰ ⵖⵔ ⵓ ⵄⵔⵔⵇ; ⴰⵔⵟⵟⴰⵍ ⵓⵔ ⵉⴳⵉ ⴰⵔⵟⵟⴰⵍ, ⴰⵍ ⵢⵉⵍⵉ ⵖⵔⵙ ⵎⴰⵙⵎⵉ ⵉⵜⵉⵙⵙⴰⵖⵓⵍ. ⵢⵉⴼ ⵉ ⵃⵣⵣⵓⵟⵉ ⴽⵎ ⵓⵔ ⵢⵉⵇⵇⵉⵎ ⵡⵏⵏⴰ ⵔⵉⵅ; ⴰⴳ ⵉⵏⵏⴰ ⴱⵓ ⵉⵣⵍⵉ; ⵢⵉⴼ ⴰⴷ ⵜⵏⵏⵊⵍⴰⵜ, ⵀⴰ ⵓⵔ ⵜⴳⴳⵜ ⴰⵙⵎⵖ. ⵡⴰⵅⵅⴰ ⵉⵎⵔⴰⵢ ⴰⵀⵏ ⵜⵙⵎⵣⴰⵔⴰⵢⵜ. ⵜⴰⵡⵓⵔⵉ ⵏ ⵜⵉⵙⵓⵔⵉⴼⵉⵏ ⵜⵙⵙⵏ ⴰⴷ ⵜⵄⴷⵉⵍ ⵉ ⵍⵄⴱⴰⵔ ⵏ ⵡⴰⵡⴰⵍ; ⵉⵙ " ⵉⴼ ⴰⴷ ⵉⴳⵓⵔ ⵖⵔ ⵓⵎⵍⴰⵍⴰ ⵓⵔ ⴷ ⵖⵔ ⵓⵎⵣⴰⵔⴰⵢ ". ⵓⵔ ⵉⵍⵍⵉ ⵎⴰⵅⵎⵎⵉ ⴰⵔⴰ ⵏ ⴳⴳⵯⴷ, ⵣⴳ ⵓⵔⵎⴰⵖ ⵏ ⵜⵎⵓⵛⵉⵜ ⴽⵎ ⵓⵔ ⴰⵅ ⵜⵜⵓⵙⵉ, ⵓⵔ ⵜⵉⵡⵟ ⵜⵉⴷⴷⵉ ⵏⵏⵅ. ⴽⵎ ⵏ ⵓⵙⵉ ⵙⵜⵉⵜ, ⴰⵡⴰⵍ ⵏ ⵎⴰⵔⵙⵉⵍ ⵎⴰⵓⵙⵙ; ⵙ ⵓⵔⵟⵟⴰⵍ ⵓⵔ ⴷⴰ ⵜⵔⵛⵛⴰⵇ ⵅⴰⵙ ⵉ ⵉⵎⵜⵜⵉⵏ. ⵜⴰⵎⴰⵣⵉⵖⵜ ⵜⵓⵙⴷ ⴰⵙⵙⵓ ⴳ ⵜⵏⴽⵔⴰ, ⵎⴰⴳⴳⵉⵏ ⴰⵣⵉⵍⴰⵍ ⵜⴽⴽⵉⵜ, ⴰⴽ ⴰⴷ ⵜⵙⵚⵉⵡⵟ, ⴰⵙⵙ ⵏⵏⵙ; ⴷ ⵙ ⵓⵙⵉⵔⵎ ⴰⵢ ⵜⴳⴳⵓⵔ ⵜⵓⴷⵔⵜ. ⴰⴱⵔⵉⴷ ⵖⵔ ⵜⵉⵙⵓⵔⴰ ⵏⵓⵛⵓ ⵜⵉⵙⵓⵔⵔⴰⴼ ⵏⵅ; ⵉⵍⵍⴰ ⵡⴷⵍⵍⵉⵙ ⵏ ⵍⵃⴱⵉⴱ, ⴷ ⴰⵢ ⵏ ⴰⴽⵣ, ⵉⵙ ⴰⵅ ⵉⵙⵓⵍ ⴰⵏ ⴰⵡⵟ ⵖⵔ ⵜⵉⵙⵓⵔⴰ, ⴰⵔⴰ ⵏ ⴰⴼ. ⵜⵉⵙⵓⵔⴰⴼ ⴽⵎ ⵏⵕⵥⵓ ⵜⴰⴳⵓⵔⵉ ⵏⵏⵙ, ⴷ ⴰⴷ ⵏ ⴰⵡⵟ ⵖⵔ ⵜⵉⵙⵓⵔⴰ ⵏⵏⵊⵍⴰⵏⵉⵏ ⵎⵉ ⵉⵙⵓⵍ ⴰⴷ ⵜⵏ ⵉⴷ ⵏⵊⴱⵔ; ⵉⵍⵍⴰ ⵎⴰⴳ ⵓⵔⵉⵏ " ⴽⵎ ⵜⵅⵙⵜ ⴰⴷ ⵜⵃⵔⵔⵣⵜ ⵉⵍⵙ, ⵓⵔ ⴰⴽ ⵉⵍⵍⵉ, ⵅⴰⵙ ⴰⴷ ⵖⵉⴼⵙ ⵜⵃⵓⴼⵜ ". ⵜⵉⴽⵛⵛⵓⴹⵉⵏ ⴰⴷⵍⵉⵙ ⵓⵔ ⴷ ⵢⵓⵙⵉ ⵃⵣⵣⵓⵟⵉ, ⵅⴰⵙ ⵙ ⵉⵙⴽⴽⵉⵍⵏ ⵏ ⵜⵉⴼⵉⵏⴰⵖ ⵙⵎⵉ ⵉⵜⵜⵡⴰⵔⵉ; ⵉⵙⴽⴽⵉⵍⵏ ⵓⵔ ⵇⵇⵉⵏⵏ ⴳ ⵜⵉⵔⵔⴰ ⵉ ⵜⵖⵓⵔⵉ ⵡⴰⵀⴰ; ⵓⵙⵉⵏⴷ ⴰⴳ ⴷ ⵉ ⵜⵉⵎⵓⵖⵍⵉ. ⵣⴳ ⵙⵙⵢⴰ, ⴰⵢ ⵜⴱⵟⴰ ⵜⵥⵓⵔⵉ ⴷ ⵉⵖⵎⴰⵏ, ⴳ ⵓⵏⴳⴳⴰⵔⵓ, ⵅⴼ ⵜⵓⵙⵙⵏⴰ; ⴼⴼⵉⵔ ⵎⴰⴳ ⴽⴽⵓ ⴷⵉ ⴼⵉⵏⵛⵉ. ⵉⵙⴽⵉⵍⵏ ⵏ ⵜⵎⴰⵣⵉⵖⵜ ⵉⵙⵙⴰⵎⵓⵎ ⵍⵃⴰⴱⵉⴱ; ⵉⵡⵟⵏ ⴰⴷ ⵙⵙⵉⵡⵍⵏ ⴰⵏⵖⵎⵉⵙ ⵏⵏⵙⵏ ⵙⵜⵉⵜ; ⵉⵙ ⴳⵉⵏ ⴰⵎⵓⵔ ⵣⴳ ⵜⵓⴷⵔⵜ. ⵍⵍⴰⵏ ⵙ ⵜⵉⴽⵯⵜ ⴳ ⵓⴷⵍⵉⵙ ⵏ ⵜⵉⵙⵓⵔⵉⴼⵉⵏ; ⴰⴽ ⴰⴷ ⵏⴽⴽ ⵅⴼⵙⵏ ⴰⴽⴽ ⵢⵓⵊⵔⴰⵅ. ⴰⵢⵏ ⵉⵜⴰⴷⵊⴰⵏ ⴰⴷ ⵙⵙⵉⴽⵍⵏ ⵉⴷⵊ ⵓⴳⴳⵉⴷ, ⵡⴰⵀⴰ. ⴽⵎ ⵉⵜⵏⵃⵟⴰ ⵎⴰⴽⴽⴰ ⵉ ⵓⵔⵣⵣⵓ ⴰⴷ ⵉⵍⴽⵎ ⵜⵉⵣⵉ ⵏ ⵜⵉⵍⴻⵍⵍⵉ, ⵉⵇⵇⵏ ⴰⴷ ⵏ ⴱⴷⴷ ⵅ ⵜⵉⴽⵛⵛⵓⵟⵉⵏ ⵉⵄⵎⵎⵔ; ⵏ ⵓⴼⵉⵜ ⵏ ⵓⵎⵥⵏ ⴰⵏⵙⵉⵡⵏ ⵏ ⵡⴰⴼⵔⵉⵡⵏ: 10, 25, 34, 45, 54. ⴷ ⵜⵏ ⵉⵟⵟⴼⵏ ⴰⴼⵔ 73. ⵜⴰⵡⵍⴰⴼⵜ ⵏ ⵓⵎⵉⴷ, ⵜⴽⴽⵔⴷ ⵣⴳ ⵓⵣⴷⴰⵢ ⵏ ⵓⵙⴽⵉⵍ: ⵢⴰ ⴷ ⵢⴰⵔ ⴷ ⵢⴰⴷ. ⵅⴰⵙ ⵓⵎⵉⴷ ⴰⴷ ⴳ ⵜⵡⵍⴰⴼⵜ ⴰ, ⵉⵍⵍⴰ ⵉⵇⵇⵉⵎ ⴷ ⵉⴼⴰⵙⵙⵏ ⵍⴰ ⵇⵇⵏⵏ ⵉⴼⴰⴷⴷⵏ ⵖⵔ ⵜⴰⵖⵚⵎⴰⵔⵜ; ⴷ ⵙⵉⵏ ⵉⴱⵔⴷⴰⵏ ⵉⴱⵔⵔⴽⴰⵏⵏ ⵣⴳ ⴷⴷⴰⵡ ⴰⵙ. ⵜⵏ ⵉⵍⵍⴰⵏ ⴳ ⵡⴰⴼⵔ 25; ⵉⵍⵍⴰ ⵉⵜⵉⴳⵓⵔ, ⵏⵖ ⴷ ⵍⴰ ⵉⴱⴷⴷ, ⵙ ⵡⴰⴳⴳⴰ ⵊⵏ ⵓⵇⵔⵔⵓ ⵏⵏⵙ. ⴰⴳ ⴷ ⵜⵉⴽⵍⵉ ⵢⵓ, ⵉⵙⵓⵍ ⴰⵙ ⵅⴰⵙ ⵉⴷⵊ ⵓⴱⵔⵉⴷ. ⵡⴰⵍⴰⵢⵏⵏⵉ, ⵜⴰⵎⴰⵔⴰ ⵜⵙⵓⵍ ⵜⵎⵓⵏ ⴰⴳ ⵉⵙ. ⴰⵥⵉⵥⴰ ⵓⵔ ⵜⵉⴷⵊⵉ ⴰⴷ ⵢⵉⴳⵓⵔ. ⵖⵔ ⵡⴰⴼⵔ 34 ⴷ ⴰⴷ ⵎⵖⵔⵏ ⵉⴱⵔⴷⴰⵏ, ⴰⵖⵓⵍⵏ ⴷ ⵛⴰⵔⵟ; ⴷ ⵓⵎⵉⴷ ⵉⴷⴷⴰ ⴳ ⵉⵍⴰⵏ; ⵎⵇⵇⴰⵔ ⵉⴼⴼⵖ ⵉⵖⵉⵎⵉ; ⴰⵢⵏ ⴰⵔⴰ ⵜⵉⵙⵙⵉⵡⵟⵏ ⴰⴷ ⵉⵏⴳⵉⴳⵉ; ⵉⵟⴰⵕⵏ ⴷ ⵉⴼⴰⵙⵙⵏ ⵏⵏⵕⵥⵎⵏ. ⴰⵡⴷ ⵉⵎⵉ ⵉⴼⵜⴽ. ⴰⴱⵔⵉⴷ ⵏ ⴰⵏⵏⴰⵢⵜ ⵢⵓⵜⵙ; ⵉⵖⵉⵎⵉ ⴰⵔⴰ ⵏ ⴰⴼ ⴳ ⵡⴰⴼⵔ 54; ⴷ ⵉⵖⵉⵎⵉ ⵓⵙⴳⵓⵏⴼⵓ; ⵉⴱⵔⴷⴰⵏ ⴷ ⵉⵏⵉⴷⴰⵏ ⵓⵔ ⵉⵍⵍⵉ ⵅⴼⵙⵏ ⵓⵃⵔⵔⴰⵣ ⵉ ⵜⵏ ⵉⵥⵢⵢⵕⵏ. ⵣⵣⴰⵜ ⴰⵔⴰ ⵏⵥⵔ ⵜⴰⵏⴳⴳⴰⵔⵓⵜ; ⵜⵍⵍⴰ ⵜⵡⵍⴰⴼⵜ ⵏ ⵡⴰⴼⵔ 57; ⵍⴰ ⵅ ⵙⵙⵏⵄⴰⵜ ⴰⵙⴽⵉⵍ ⵏ: ⵢⴰⵔ; ⵉⵇⵇⵔⵟ ⴷ ⵉⵎⵉⵇ ⵏ ⵜⴰⴼⵓⵢⵜ ⴷ ⵢⵓⵙⵉⵏ ⴰⴷ ⵜⴼⴼⵖ; ⴷ ⵉⵎⵉ, ⴰⵎⵎⵉ ⵉⵜⵉⵏⵉ " ⴳⵉⵅ ⵉⵎⵍⴻⵍⵍⵉ, ⵉⵙ ⵓⵔ ⴳⵉⵅ ⵉⴷⵊ ⵉⵟⵏⵉⵏ, ⵅⴰⵙ ⵇⵇⵉⵎⵅ ⵙ ⵜⵃⵓⵕⵕⵉⵜ ⴷ ⵙ ⵓⵙⵔⵔⵃ ⵜⴰⵎⴰ ⵏ ⵉⵅⴼ ⵉⵏⵓ ". ⴰⴽ ⴰⴷ ⵏ ⵙⴰⵍⴰ ⵢⴰⵃⵓⴼ ⴷ ⵓⵎⵓⴷⴷⵓ ⵏ ⵓⵎⵉⴷ ⴰ, ⵎⴰⵏⵉⴳ ⴰⵔⴰ ⵜⵏ ⴰⴼ ⵉⵕⵥⵎ ⵉⴼⴰⵙⵙⵏ, ⴰⵎⵎⵉ ⵉⴷⴷⴰ ⴰⵅ ⵉⵃⴰⵟⵕ; ⵜⴰⵍⴰⵍⵉⵜ ⵏⵏⵙ ⵜⴷⴷⴰ ⴷ ⵙ ⵓⵍⵓⴼ ⴰⴳ ⴷ ⵓⵊⵏⵏⴰ. ⵉⵅⴼ ⵉⴳⵉⵏ ⴰⵙⴽⵉⵍ ⵏ: ⵢⴰ, ⵉⴷⴷⴰ ⴰⵙ ⵢⴰⵍⵉ: ⵢⴰⵔ, ⴰⴽ ⴰⴷ ⴰⵔⵉⵏ ⴰⵙⴽⵉⵍ ⵏ: ⵢⴰⵙ; ⴷ ⴽⵎ ⵏⵖⵔ ⴰⵎⴳⵔⴹ ⴰⵎ ⵓⵙⴽⵉⵍ ⵏ ⵢⴰⵏ, ⵉⵣⵢⵢⵔⵏ; ⵏⴷⴷⴰ ⴷ ⴰⴷ ⵏⴱⴷⴷ ⵅ ⵜⴳⵓⵔⵉ ⵏ: ⵙⵙⵏ; ⵏⵖⴷ: ⵙⵍⵍ. ⵉⵅⵎⵎⵉⵎⵏ ⴰ; ⴰⵅ ⵉⴷⵊⵉⵏ, ⴰⵏ ⴳⴳⵓⵏⵉ, ⵜⵉⵙⵓⵔⴰ ⵉⵟⵏⵉⵏ ⵅ ⵎⵉ ⵉⵙⵓⵍ ⵓⴽⵎⵎⵓⵙ ⵏ ⵜⵉⵙⵓⵔⵉⴼⵉⵏ, ⴰ ⵜⵏ ⵢⵓⵛ, ⵉ ⵉⵎⵖⵔⴰⵏ; ⴰⴽ ⴰ ⵜⵏ ⴼⵙⴰⵏ; ⴰⵎ ⵜⴰⴹⵓⵜ, ⵅ ⵎⵉ ⵉⴽⴽⵓ ⵛⴰ ⵉⴳⴰⵏ ⵏ ⵡⴰⵡⴰⵍ ⴳ ⵓⴷⵍⵉⵙ ⵏ ⵓⵎⴰⵔⵓ. ⵜⵉⴽⵍⵉ ⵏ ⵡⴰⵍⵓⴹ ⴰⴳ ⴷ ⴱⵓ ⵓⵏⴳⴰⵍ ⵎⵓⵀⵎⵎⴷ ⴱⵓⵣⴳⴳⵓ ⵢⵓⵔⵉ ⵎⵉⵔⵍⵓ ⵃⵓⵏⵜⵉ ⴳ ⵉⴷⵊ ⵏ ⵡⴰⴼⵔ, ⵉⵏⵏⴰ " ⴰⵎⴰⴹⴰⵍ ⵏ ⵜⵡⵙⵏⴰ ⵍⴰⵢ ⵜⵖⵉⵎⴰ ⵢⵇⵇⵏ, ⵡⴰⵍⴰⵢⵏⵏⵉ ⵢⴼⴼⵖ ⵣⵣⴰⵜ ⴰⵅ, ⴷⴰⵀⴰ, ⵉⵍⵍⴰ ⵉⴷⵊ ⵓⵍⵎⵙⵉ ⴰⴷ ⵔⴰ ⵏⵉⵙⵉⵏ ". ⴱⵓⵣⴳⴳⵓ ⵣⴳ ⵜⵎⵏⴰⴹⵜ ⵏⵏⵙ ⵉⴷⵔⵉⵀⵏ ⵅ ⵍⴳⵓⴷ ⵏ ⵉⴳⵔⴰⵏ, ⴷ ⴰⴽⴰ ⵜⵏ ⵏⵙⵙⵔⵡⵜ, ⴷⴷⴰ ⵏⴳ ⵜⴰⵡⴰⵍⴰ ⴳ ⵓⵎⵊⴰⵔ ⵏⵏⵙⵏ ⴰⴽⴰ ⵓⵔ ⵣⴷⴷⵉⵏ. ⵓⵙⵜⵓ ⵏ ⵓⵏⴳⴰⵍ, ⵏⵜⴰ ⴷ ⴰⵔⵣⵣⵓ ⵅ ⵓⵖⵔⵓⵎ, ⵅ ⵜⵓⴷⵔⵜ, ⵅ ⵢⵉⵅⴼ. ⵉⵇⵇⵉⵎ ⵓⵙⴽⴽⵉⵏ ⵏ ⵓⵔⵣⵣⵓ ⵃⵣⵣⵓⵟⵉ; ⴷⴰⵀⴰ ⵢⵓⵔⵉ ⴱⵓⵡⵏⴳⴰⵍ " ⴰⵖⵔⵓⵎ ⵃⴰⴼⵉ ⵡⴰⵔ ⵉⴷⵊⵉ ⴷ ⴰⵖⵔⵓⵎ " ( ⴰⴼⵔ 2 ). ⴷⴰⵢ ⵉⴽⴽⵔ ⵓⵅⵎⵎⴻⵎ ⴳ ⵓⵄⵔⴰⵇ ⵖⵔ ⵜⵎⵉⵣⴰⵔ ⵜⵉⴱⵔⵔⴰⵏⵉⵏ; ⴰⵔⴰ ⴷ ⵢⴰⵡⵉⵏ ⴰⵎⵔⵔⵜ, ⴷⴰ, ⴳ ⵜⵎⵓⵔⵜ; ⵖⵏⴷ ⵓⵔⵉⵏ ⴰⴷⴰⵢ ⵜⴼⴼⵖⵏ. ⵜⴰⵡⴰⴷⴰ ⵢⵓ, ⵅⵙⵏ ⵣⵣⴳ ⵙ, ⴰⴷ ⵙⵙⴼⵙⵓⵙⵏ ⴰⴳⴳⴰ; ⴷ ⵏⵜⴰ ⵅⴰⵙ ⵎⴰⴳⴷ ⵉⵜⵉⵥⴰ. ⴽⵎ ⵏⴳⵔⵓ ⵜⵉⵟ ⵅ ⵓⴷⵎ ⵏ ⵓⵏⴳⴰⵍ, ⴷⴰ ⵏⴰⴼ ⴰⵎⴰⵍⵓ ⵓⵟⴰⵔ, ⵉⵢ ⵉⵜⵎⵖⵉⵔⵏ ⵎⴰⵏⵉⴳ ⵉⴽⵃⴰⵔⵚ ⵖⵔ ⵣⵣⴰⵜ. ⴷ ⵜⴰⵡⴰⴷⴰ ⵙ ⵡⴰⵔ ⵓⵀⵏⴽⴰⵔ, ⵓⵔ ⴰⵅ ⵜⵜⵉⵡⵉ ⵅⴰⵙ ⵖⵔ ⵡⴰⵍⵓⵟ ⴷ ⵉⴼⵅⵙⴰⵏ ⴰⵔ ⴰⴷ ⵢⴰⵖⵏ ⵉⵏⵔⵣⴰⵡⵏ, ⴽⵎ ⵓⵔ ⵓⵣⵣⵉⵍⵏ ⵙ ⵉⵥⵓⵖⴰⵏ. ⵓⵏⴳⴰⵍ ⵍⴰⵅ ⵉⵙⵙⵎⵖⴰⵢ, ⵓⴷⵎ ⵏ ⵜⴰⵎⴰⵔⴰ ⵉⵜⵡⴰⵡⵜⵏ ⵙ ⵜⵎⵙⵙⵉ; ⴰⵢⵏⵏⴰ ⴷ ⴰⵅ ⵉⵇⵇⴰⵔⵏ ⵖⵔ ⵉⵍⵙ, ⵙⵎⵉ ⴰⵔⴰ ⵏⵙⵙⴼⵙⵓ ⴰⵅⵓⴱ, ⴷ ⵡⴰⵡⴰⵍ ⵓⵔ ⴷ ⵢⵓⵍⵉ, ⵉⵙ ⵉⵄⵎⵎⵔ ⵢⵉⵎⵉ ⵙ ⵓⵖⵔⵓⵎ; ⴰⵢⵏ ⴰⴷ ⴰⵅ ⵉⵙⵙⵔⴰⵙⵏ ⴳ ⵓⵙⵓⵙⵎ; ⴳ ⵜⵖⵓⵏⵉ ⵢⵓ ⵉⵙⵓⵍ ⵄⴰⴷ ⵓⵔ ⵉⵙⵙⵉⵏ ⵉ ⵡⴰⵡⴰⵍ ( ⴰⴼⵔ 14 ); ⴷ ⵓⴱⴷⴷⵉ ⵏⵏⵙ ⵏⵜⴰ ⴷ ⴰⵎⵅⵓⵎⴱⵔ, ⴰⴷⴰ ⴷ ⵢⴰⵡⵉ ⴰⵎⴰⵍⵓ ⵏ ⵜⵎⵓⵔⵜ. ⴰⵔⴰ ⵉⵙⵚⵉⵡⵟⵏ ⵖⵔ ⵓⵎⵏⵣⴰⵖ, ⵅⴼ ⵡⴰⵡⴰⵍ ⴷ ⵓⵢⵏ ⵉⵙⵚⵡⴰⵟⵏ, ⵉ ⵡⴰⵔ ⴰⴼⵔⵔⵣ ( ⴰⴼⵔ 28 ). ⵣⴳ ⵜⵎⵏⴰⵟ ⵉⵟⵏⵉⵏ, ⵜⵓⵙⵏⴰ ⵏ ⵓⵙⵉⵡⵍ ⵓⵔ ⵜⴱⴷⴷ ⵅ ⵓⵙⵓⴼⵖ ⵏ ⵡⴰⵟⵓ ⵙ ⵓⵃⵔⵚⵉ. ⴰⵡⴰⵍ ⵅⵎⵉ ⵉⵔⵣⵣⵓ, ⵓⵔ ⵉⴳⵉ ⴰⵙⴽⴽⵉⵏ ⵏ ⵓⵎⴳⵔⴹ, ⴱⴰⵔ ⵏ ⵓⵙⴳⵎⵉ, ⵉⴽⴽⵔⵏ ⵅ ⵜⵉⵍⴻⵍⵍⵉ; ⵎⴰⴳⵎⵉ ⵓⵔ ⵉⵍⵍⵉ ⵡⵇⵣⵥⵔ; ⵏⵖ ⴷ ⴰⴳⴰⵔ ⵉⵜⴰⴷⵊⴰⵏ ⴱⴰⴱ ⵏⵏⵙ ⵉⵜⵥⵓⵖⵉ; ⵜⵓ! ⵓⵔ ⵅⴰⵜ ⵜⴽⴽⵙⵏ, ⵅⴰⵙ ⵜⵉⵢⵢⴰⴷ, ⵅⵙⵅ ⵜⵏ ⵜⵙⵎⵓⵏ ⵍⴱⵟⵟⴰ, ⴰⵎ ⵎⴰⴽⴰ ⴳ ⵜⴳ ⴱⴰⴱⴰ ⵙ, ⵉⵙⵙⴰⵡⴰⵍⵏ ⵙ ⵏⵜⵛ ⴳ ⵓⵏⴳⴰⵍ ( ⴰⴼⵔ 36 ); ⵀⴰ ⴷ ⵏⵜⴰ ⵢ ⵙⵓⵍ ⴷ ⴰⵎⵥⵢⴰⵏ. ⵅⴰⵙ ⴰⴱⴱⵓⵛ ⴰⵙ ⴳⴳⴰⵔⵏ ⴳ ⵉⵎⵉ ⴰⴽⴰ ⵓⵔ ⵉⵙⵙⵖⵓⵢ ( ⴰⴼⵔ 28 ). ⵜⵉⵖⵎⴰⵙ ⵙⵓⵍⵏ ⵓⵔ ⵎⵖⵉⵔⵏ ( ⴰⴼⵔ 31 ), ⴷ ⵏⵜⴰ ⵉⵜⵃⵎⵎⴰⵛ ⴰⴷ ⵉⵟⵟⴼ ⴰⵏⵙⴰ ⵊⴰⵔ ⵉⴽⵯⵙⵡⴰⵜⵏ. ⵏⵜⵛ, ⵉⵟⵟⴼⵏ ⴰⵡⴰⵍ ⴳ ⵓⵏⴳⴰⵍ, ⵉⴱⴰⴹ ⴰⴷ ⵉⴽⴽⵡⵔ ⵅ ⵢⵎⵎⴰ ⵙ, ⵉⵇⵇⵉⵎⵏ ⴳ ⵜⵎⵓⵔⵜ; ⵉⴳⴳⵯⴷ ⵣⵉ ⵜⵔⵓⵎⵉⵜ, ⵉⵍⵓⵍⵏ ⴳ ⵏⵡⴰⵛ ⴷ ⵉⵄⵍⵓⵍⴰⵏ, ⵓⵔⵉⴷ ⴰⵎ ⵜⵏ ⵉⵇⵇⵉⵎⵏ ⵉ ⵜⵉⵣⵡⵉ. ⵉⵡⴷⴰⵏ ⵏ ⵡⴰⵍⵍⴰⵖ ⵓⵏⴳⴰⵍ ⵍⴰ ⵏ ⵜⴰⴼⴰ ⴰⵔⴳⴰⵣ ⴷ ⵜⵎⵟⵟⵓⵜ ⵏⵏⵙ, ⴰⵍⵍⵉⴳ ⴰⵙⵏ ⵉⴽⴽⵔ ⵡⴰⵟⵓ ⵏ ⵓⵥⵡⴰ ⵖⵔ ⵜⵎⵓⵔⵜ ⵏ ⵉⵔⵓⵎⵉⵢⵏ. ⵣⴳ ⵉⵛⵜ ⵏ ⵜⵎⵏⴰⵟ, ⴰⵏ ⵉⵥⵉⵕ ⵉ ⵡⵎⵙⴱⴹⵉ ⵢⵓ ⴰⵎ ⵉⵛⵜ ⵏ ⵜⵏⵓⵡⵔⴰ. ⴷ ⵡⴰⵔⵔⴰⵔ, ⵎⴰⵏⵉⴳ ⴰⵔⴰ ⵔⵙⵏ ⴳ ⵜⵡⴰⵍⴰ ⵢⵓ, ⵜⴳⵉⵜ ⵜⵎⵓⵔⵜ ⵏ ⴷⵣⴰⵢⵔ. ⴷ ⴰⴷ ⵉⴷⴷⵓ ⵓⵔⴳⴰⵣ ⴷ ⵎⴻⵎⵎⵉⵙ, ⴰⴽⴰ ⴷ ⵎⵄⴰⴼⴰⵔⵏ ⵅ ⵜⴰⵡⴰⴷⴰ, ⴰⴽⴰ ⵜⵇⵇⵉⵎ ⵜⵡⵜⵎⵜ, ⵍⴰ ⵜⵟⵟⴼ ⴰⵏⵙⴰ ⴷ ⵡⴰⵛⴰⵍ; ⵉⵙ ⵜⴳⵓ ⴰⴱⵓⵟ ⵏ ⵜⵓⴷⵔⵜ ⵏ ⵜⵎⴰⵣⵉⵔⵜ, ⴷ ⵜⵎⴰⵣⵉⵖⵜ. ⴰⵙⵙ ⴽⵎ ⴱⵔⵔⵎⵏ ⵖⵔ ⵙ, ⵀⴰ ⵙⵚⵉⵡⵟⵏ ⴰⵙ ⴰⵖⵔⴱⴰⵣ ⴰⵍ ⵜⴰⵎⴰ ⵏ ⵜⴳⵎⵎⵉ ⴳ ⴱⵔⵔⴰ, ⵅⴰⵙ ⴰⴽⴰ ⵜⵙⵙⵎⵣⴰⴳⴰⵍⵏ ⴷ ⵓⵥⵓⵔ ⵉⴷⵊⵉⵏ ⵉⵎⴰⵣⵉⵖⵏ ⴰⴷ ⵇⵇⵉⵎⵏ ⴰⵍ ⴰⵙⵙ ⵓ. ⴰⴱⵟⵟⵓ, ⴷⴰⵜ ⵎⵉ ⵏⵍⵍⴰ, ⵀⴰ ⵢⵓⵛ ⴰⵙ ⵓⴷⵎ ⵏ: " ⵜⴰⵖⴰⵟ ⵉⵏⵏⵓⵔⵢⵏ ⴷⵉ ⵎⵎⵉⵙ " ( ⴰⴼⵔ 16 ), ⴷ ⵍⵄⴰⴼⵉⵜ ⵉⵙⵙⵖⵓⵙⵏ. ⵜⵇⵇⵉⵎ ⵜⵓⴷⵔⵜ ⴷ ⵉⵛⵜ ⵏ ⵜⵉⵛⵔⵉ- ⵜⵉⴽⵍⵉ, ⵓⵔ ⵅⴰ ⵢ ⵙⵙⵉⴳⵉⵔⵏ, ⵅⴰⵙ ⵓⴽⵓⵙ ⴷ ⵓⵎⵣⴰⵔⴰⵢ. ⴰⵙⵇⵙⵉ ⵏ ⵡⴰⵡⴰⵍ ⵉⵕⵥⵎ ⵉ ⵛⴰ ⵢⴳⴰⵏ ⵉⵇⵔⵔⴰ, ⵉⵣⵓⵔⴰⵔ ⴷⴳ ⵙⵏ, ⵏⴷⴷⴰ ⴰⴷ ⵜⵏ ⴹⴼⴰⵔ, ⴰⴳ ⴷ ⵡⵏ ⵉⵟⴼⵏ ⴰⵡⴰⵍ ⴳ ⵓⵏⴳⴰⵍ. ⵅⵙⵅ ⴰⵃⵏⵊⵉⵔ ⴰⵔⴱⴰ ⴰⵎⵥⵢⴰⵏ ⵉⵃⵟⴰⵏ ⵜⵉⴽⵍⵉ; ⵏⵖ ⴷ ⵓⵙⵙⴰⵏ ⴷ ⵎⴰⵢ ⴷ ⵉⵡⵉⵏ, ⴰⵍⵍⵉⴳ ⵉⴼⴼⵖ ⴰⴳ ⴷ ⴱⴰⴱⴰ ⵙ. ⴳ ⵜⵓⴷⵔⵜ ⵏⵏⵙ ⵉⴷ ⵢⵓⵙⵉⵏ, ⵉⴷⴷⴰ ⴰⴷ ⵉⴱⴷⴷ ⵅ, ⵎⴰⴳⴳⵉⵏ ⴰⵇⵔⵇⵔ ⵉⴽⵯⵙⵡⴰⵜⵏ, ⴰⵡⴰⵍ ⵓⵔ ⵅⴰ ⵜⵉⵏⵉⵏ ⵣⵣⴰⵜ ⴰⵙ ( ⴰⴼⵔ 41 ). ⴷ ⵓⵢⵏ ⵓⵔ ⵖⵉⵙⵏ ⴰⴷ ⵢⵉⵙⵉⵏ ( ⴰⴼⵔ 44 ). ⴰⵃⵕⴰⵛ ⵏ ⵓⵃⵏⵊⵉⵔ ⵉⵡⵍⵎⴷ, ⵏⵜⴰ ⴷ ⴰⵏⵣⴳⵓⵎ ⵉⵟⵟⵟ ⵉⵜ ⵣⴳ ⵉⵎⵎⴰ ⵙ, ⵉⵜⵡⴰⴳⴳⵏ ⴷ ⵜⴰⵄⵏⵥⵓⵍⵜ, ⵎⵇⵇⴰⵔ ⵍⴰ ⵜⵙⵙⴰⵡⴰⵍ. ⴰⵍⵎⴷ ⵏⵜⴰ ⵢⵓⵙⵉⴷ, ⴰⴽⴰ ⴷ ⵉⵙⵙⵉⵡⵍ ⴳ ⵡⴰⵏⵙⴰ ⵏ ⵉⵎⵎⴰ ⵙ, ⴰⴽⴰ ⵜⴰⴼ ⴰⴷ ⵜⴰⵔⵉ ⵉ ⵡⵔⴳⴰⵣ ⵏⵏⵙ ( ⵉ 54 ) ⵜⵙⵙⵇⵙⴰ ⵜ: ⵎⴰⵢⵎⵎⵉ ⵉⵢⵜⵜⵓ? ⵀⴰ ⵢⵉⵇⵇⵉⵎ ⵉ ⵡⵔⴱⴰ ⴰⴷ ⵢⵉⵙⵉⵏ ⵜⵉⵔⵔⴰ ⴷ ⵜⵎⵓⵖⵍⵉ ⵉⵜⵓⵜⵛⵏ ⴰⵔⵄⴰ ⵏ ⵓⵍⵎⵙⵉ ⵅ ⵜⵉⵔⵡⵜ ⵏⵏⵙ. ⴰⵢⵜ ⵜⵎⵓⵔⵜ ⵏ ⵓⵏⴳⴰⵍ ⵏⵜⴰ / ⵏⵉⵜⵏⵉ ⴷ ⵉⵛⵜ ⵏ ⵜⵉⵎⵇⵇⵉⵜ ⵅ ⴰⵢⵜ ⵜⵎⴰⵣⵉⵔⵜ ⴳ ⵓⵏⴳⴳⴰⵔⵓ. ⴰⵎⴰⵍⵓ ⵏ ⵜⵎⵇⵇⵉⵜ ⵓ ⵢⵉⴼ ⵏⵜⴰ, ⴳ ⵡⴰⵙⵙⴰⵢ, ⴰⵢⵏ ⵉⵍⵍⴰⵏ ⴳ ⵜⵉⵍⴰⵡⵜ. ⴰⵢⵓ ⵉⴷⵊ ⴰⵅ ⴰⵏ ⵉⵙⵉⴷ ⵎⵣⵢⴰⵏ ⴰⵎⵣⴰⴳⴰⵍ ⵉⴽⴽⵔⵏ ⵊⴰⵔ ⵓⵔⴱⴰ ⴷ ⵜⵔⴱⴰⵜ. ⵉⴽⴽⵓ ⴰⴳⵉ ⵏⵅ, ⵎⴰⴽⴽⴰ ⴳ ⵓⴽⵎ ⵓⵡⵜⵎ ⴰⴷ ⵉⵖⵔ, ⵜⵇⵇⵉⵎ ⴰⵅ ⵜⵓⵡⵜⵎⵜ, ⵏⵜⴰⵜ ⴷⴰ ⵜⵎⵔⵛ. ⵜⴰⵔⴱⴰⵜ, ⵎⴰⵎⴰ ⵙ, ⴰⵎⵓⵔ ⵏⵏⵙ ⵉⴳⵓ ⵢⵉⵡⵍ. ⵡⴰⵍⴰⵢⵏⵏⵉ ⵜⴰⴱⵔⴰⵜ ⵏ ⵜⵔⴱⴰⵜ ⵓⵔ ⵜⵉⵡⵟ, ⴰⴷ ⵏⵉⵏⵉ " ⵜⵎⵎⵓⵔⵚ ". ⴷ ⵢⵉⵡⵍ ⴰⴳ ⵓⴱⵔⵔⴰⵏⵉ, ⵉⵙⵎⵣⴷⵓ ⴰⵍⵍⵉⴳ ⵓⵔ ⵉⵏⵊⵉⵇ, ⴷ ⵎⵛⵃⴰⵍ ⴰⴳ ⴱⵟⴰⵏ ⵜⵉⴷⴷⵉ ⵢⵓ ⵅ ⵜⵏ ⵜⵙⵙⵏ ⵜⵎⵟⵟⵓⵟ ⵣⵉⴽ. " ⴰⴽⴰ ⵜⴳⵜ ⴰⴱⵓⵟ ⵏ ⵓⵏⵊⴷⵉ ⴰⴷ ⵢⴰⵙ ⴳ ⵡⴰⵏⵙⴰ, ⵡⵡⵓ ⴰⴷ ⴳⵉⵏ ⴰⵙⴽⴽⵉⵏ ⴰⵏⴳⴳⴰⵔⵓ ⵅ ⵎⵉ ⵉⵜⵉⵥⵉⵔ ⵓⵙⵏⴼⵍⵓⵍ " ( ⵛⵓⴱⴱⵏⵀⴰⵡⵔ ). ⴷ ⴱⵓ ⵓⵏⴳⴰⵍ ⵙ ⵜⵎⵏⴰⵟ ⵏⵏⵙ, ⵉⴳⵓ ⴱⵉⴷⴷⵉ, ⴰⴽⴰ ⴷ ⵉⴽⴽ ⵅ ⵓⵢⵏ ⵉⴳⵉⵏ ⴰⵥⵓⵔ ⵏ ⵉⵡⴷⴰⵏ. ⵏⵜⵛⵏⵉ ⴽⵎ ⵏ ⵡⵡⵜ ⴰⵏⴼⴰ, ⴳ ⵎⴰⴳ ⵣⴷⵉⵏ ⴰⵡⴰⵍ ⴷ ⵜⴰⵎⴰⵜⵛⴰ, ⵍⴰ ⵜⵏ ⵜⴰⴼ ⴰ, ⴳ ⵉⵎⵉ. ⵙ ⵉⵎⵉ ⴰⵢ ⵏⵙⵙⴰⵡⴰⵍ, ⵀⴰ ⵏ ⵜⵛ. ⵉⵏⵉⴷⵉ ⵏ ⵡⵓⵜⵛⵉ ⵉⵙⵙⵔⵙ ⵢⵉⵡⵉⴷ ⵉⵅⴼ ⴰⵔⴰ ⵢ ⴽⴽⵏ ⵔⴼⵡⴰⵔ / ⴰⵔⴽⵯⴰⵎ. ⵜⴰⵎⵔⵉⵙⵜ ⵉ ⵜⵏ ⵉⵙⵎⵓⵏⵏ ⵅ ⵜⵏⴷⵓⵜ. ⵎⵇⵇⴰⵔ ⵥⵥⵓⵖⵔⵏ ⴰⴷ ⵜⵙⵍⵓⵣⵏ, ⵓⵔ ⵉⵡⵉⵏ ⵣⴳ ⵙ ⵎⴰ ⵙⵎⵉ ⴰⵔⴰ ⴼⵔⵏⵏ ⵜⵉⵖⵎⴰⵙ ( ⴰⴼⵔ 23 ). ⵉⵙ ⴷ ⴰⵇⵔⵔⵓ ⴰⴷ ⵡⵔ ⵢⵉⵏⵡⵉⵏ, ⵎⴰⴷ ⵓⵔ ⵉⴳⵉ ⵡⵏ ⵉⵜⵜⵓⵖⵔⴰⵚⵏ? ⵉⴷⵊ ⵓⵙⴽⴽⵉⵏ ⴰⴳ ⵏⵥⵥⵏ ⵖⵔ ⵏⵅ, ⴰⵟⵓ ⵏ ⵜⵉⵙⵍⵉⵜ ⵓⵔ ⵢⵉⵡⵉⵟ ⵉ ⵎⵎⴰⵙ. ⵎⵇⵇⴰⵔ ⵉⴽⴽⵓ ⵅⴼ ⵙ ⴼⵓⵙ ⴷ ⵙⵉⵏ / ⵙⴰ ⵉⵙⴳⴳⴰⵙⵏ ( ⴰⴼⵔ 54 ). ⴰⵡⴰⵍ ⵅ ⵓⴷⵎⴰⵡⵏ ⵏ ⵓⵏⴳⴰⵍ, ⵓⵅ ⴰⵢ ⵜⴽⴽ ⴳ ⵉⴷⵊ ⵡⴰⵡⴰⵍ; ⵡⴰⵍⴰⵢⵏⵏⵉ ⵙ ⵜⵡⴰⵍⴰ. ⵙ ⵓⵢⵓ ⵙⵎⵉ ⵜⵏⵢⵓⴷⴷⵓ ⵜⵡⵓⵔⵉ ⵏ ⵜⵣⵔⴰ ⵏ ⵜⴰⵔⵉ ⴷⴰⵀⴰ. ⴱⵓⵔⵅⵉⵙ ⵍⴰ ⵢ ⵜⴷⴷⵓ ⴷ ⵓⵥⴹⵉ ⵉⵜⵟⵟⴼⵏ ⵉⴷⵊ ⵓⴼⵉⵍⵓ, ⵢⵜⵜⵓ ⵡⵉⵢⵢⴰⴹ. ⴰⴳ ⴷ ⵉⵡⴰⵍⵉⵡⵏ, ⴷ ⴰⵏ ⴰⵡⵟ ⴰⴷ ⵏⴽ ⵅ ⵜⵔⵓⵎⵉⵜ, ⴷ ⵡⴰⵏⵙⴰ ⵜⵟⵟⴼ ⴳ ⵓⵏⴳⴰⵍ ⵏ ⴱⵓⵣⴳⴳⵓ. ⵢⵓⵔⵉ ⵡⵏⵏⴰ ⵢ ⴱⵟⵟⵓⵏ ⴰⵡⴰⵍ ⴳ ⵓⵏⴳⴰⵍ, ⵉⵏⵏⴰ: " ⴱⴰⴱⴰ ⵎⴱⵔⴰ ⵎⴰⵔⵉⴰ ⴰⵎ ⵢⵎⵎⴰ ⵎⴱⵔⴰ ⴱⴰⴱⴰ " ( ⴰⴼⵔ 63 ). ⵎⴰⵔⵉⴰ ⵜⵍⵍⴰ ⵉⵡⵊⵎⵎⴰⵟⵉⵏ ⵉ ⵢⵉⵍⵍ, ⴷ " ⵢⵎⵎⴰ " ⵅ ⵜⵎⵏⴰⵟ ⵓ. ⴰⴽⵔⵓⵙ ⵓ ⵉⴱⴷⴷ ⵅ ⵓⵥⵡⵡⴰ ⵓⵔⴳⴰⵣ, ⵎⴰⴳⵎⵉ ⵉⵣⵔⵉ ⵜⴰⵎⵟⵓⵜ. ⵙⴰⵔ ⵉⵅⵎⵎⴻⵎ, ⴰⴷ ⵉⴳ ⴱⵉⴷⴷⵉ, ⴰⴷ ⵜⵉⵙⵚⵏⵓⵡ ⴰⴳⵉⵙ. ⴷⴰ, ⴰⴳ ⵜⵎⵖⴰⵢ ⵓⵙⵇⵙⵉ ⵏ ⵜⴰⵣⵣⴳⵜ. ⵉⴱⴰⴹ ⵓⴱⵔⵉⴷ ⵏⵏⵙ ⴰⴷ ⵉⴳ ⵡⵏ ⵜⵓⵛⵛⵏⵜ, ⵉⵅ ⴰⵢ ⵜⴷⴷⵓⵏ ⵙ ⵉⴷⵊ ⴰⵎ ⴳ ⵓⵙⵙⵥⵡⴰ? ⴱⴰⴱⴰ ⵙ ⵏⵡⵏ ⵉⵙⵙⵏⵢⵓⴷⴷⵓⵏ ⴰⵡⴰⵍ ⴳ ⵓⵏⴳⴰⵍ ⴰⴷ ⵉⵇⵇⵉⵎ ⴳ ⵜⵎⵏⴰⵟ ⵉⵜⵉⵏⵉⵏ ⴰⴷⴰⵢ ⵉⵎⵍⴰⵍⴰ ⴰⴳ ⴷ ⵜⵔⵓⵎⵉⵜ, ⵅⴰⵙ ⵜⵇⵏⵏ ⵉⴱⵔⴷⴰⵏ. ⴰⵕⵥⵥⵓⵎ ⵏ ⵓⴽⵔⵓⵙ ⵓ ⵍⴰ ⵜ ⵉⵜⴰⴼⴰ ⴳ ⵓⵢⵏ ⵉⵍⵍⴰⵏ, ⵓⵔⵉⴷ ⴰⵢⵏ ⵏⵜⴳⴳⵓⵏⵉ; ⵓⵎⴰ ⵎⵏⵄⴰ ⴳ ⵉⵙⴽⴽⵉⵏⵏ ⵉⵜⴽⴽⵏ ⵅ ⵓⴽⵙⵓⵎ ⵉⴷⴷⵔⵏ. ⵓⵔ ⵏⵙⵙⵉⵏ ⵛⴰ ⵢⵉⴳⴳⵓⵜⵏ ⵅ ⵜⵎⵟⵟⵓⵟ ⵉⵣⵔⵉ ⴳ ⵜⵎⵓⵔⵜ. ⵙⵜⵉⵜ, ⵉⵍⵍⴰ ⵥⵥⵍⵟ ⴷ ⵜⴰⵔⵡⴰ. ⴷ ⵡⵉⴷ, ⵇⴰⴷⴷⴰⵏ ⴰⴷ ⴰⵣⵣⵍⵏ ⵅ ⵜⵓⴷⵔⵜ, ⴽⵎ ⵓⵔ ⵜ ⴽⴽⵉⵙⵏ. ⵖⵔ ⵎⴰⵔⵉⴰ, ⵜⵍⵍⴰ ⵜⴰⵖⵓⴷⵉ " ⵡⴰⵔ ⵜⴷⵊⵉ ⴷ ⵜⵎⵖⴰⵔⵜ ⵡⴰⵀⴰ, ⴷ ⵜⵓⴷⵔⵜ ⴷ ⵜⴰⵎⵇⵔⴰⵏⵜ, ⴷ ⵜⵓⵙⵏⴰ " ( ⴰⴼⵔ 68 ). ⴰⵢⵏ ⵉⵜⴰⴷⵊⴰⵏ ⴰⵔⴰⵄⴰ ⵖⵔ ⵍⴳⵓⴷ ⵏ ⵎⴰⵔⵉⴰ, ⴰⴷ ⵉⵖⵣⵉⴼ ⴰⴳ ⴷ ⵓⵔⴳⴰⵣ; ⵏⵉⵜⵏⵉ ⴰⴳ ⵜⴰⴷⵊⴰⵏ ⴰⵃⵏⵊⵉⵔ, ⴰⴷ ⵉⵙⵇⵙⴰ. ⵜⴰⵖⵓⴷⵉ ⵏ ⵜⵔⵓⵎⵉⵜ, ⴷ ⵓⵎⵙⴰⵙⴰ ⵏ ⴱⴰⴱⴰ ⵙ ⴰⴳⵉⵙ; ⴼⵓⵙ ⴳ ⴼⵓⵙ ( ⴰⴼⵔ 32 ) ⴷ ⵉⴷⵊ ⵏ ⵡⵓⴷⵎ. ⵣⴳ ⵙⵙⵢⴰ ⵜⴰⵙⵓⵔⵉⴼⵜ ⵜⵓⴼⵔⵉⵖⵜ, ⴳ ⵓⵙⴳⵎⵉ ⵏⵏⵙ. ⴰⵔⴱⴰ ⴰⴳ ⴱⴰⴱⴰ ⵙ ⴷ ⵜⵉⴼⵉⵛⵉⵜ, ⵓⵔ ⵜ ⵉⵜⴰⴷⵊⴰⵏ ⴰⴷ ⵉⵏⵢⵓⴷⴷⵓ. ⴷⴰⵢ ⵜⵓⵣⴷ ⵜⵉⵙⵙⵉ ⵏ ⵜⵖⵔⵔⴰⴼⵉⵏ ( ⴰⴼⵔ 35 ). ⴰⴽⴰ ⵜⵎⵥⵥⵉ ⵜⵓⴷⵔⵜ. ⴽⵎ ⵓⵔ ⵏⵜⵜⵓ ⵜⵉⵎⵓⵛⵉⵜ ⵏ ⵓⵙⵜⵜⵓⵢ ⵊⴰⵔ ⴰⵜⵙⵏ " ⵎⴰⵏ ⵜⵏ ⵣⵣⴰⵢ ⵙⵏⵜ ⵉⵜⵅⵙ? " ( ⴰⴼⵔ 42 ). ⴰⵙⵇⵙⵉ ⵢⵓ ⵉⵛⵛⴹ, ⵎⴰⵏⵉⴳ ⵓⵔ ⵉⵍⵍⵉ ⵣⵣⴰⵜⴰⵙ ⵎⴰⵔⴰ ⵢⵅⵙ, ⵖⵏⴷ ⵎⴰⵔⴰ ⵢⴰⴷⵊ; ⵉⵛⵜ ⵜⵍⵍⴰ ⴷⴰⵜ ⵙ, ⵜⵉⵢⵢⴰⴹ ⵙ ⵡⴰⵀⵍⵉ ⵎⴰⵏⵉⴳ ⵜⵍⵍⴰ. ⵖⵔ ⵉⵅⴼ ⵏⵖ ⴰⴳ ⵉⴷⵊⵓ ⵍⵃⴰⵍ ⴰⴷ ⵏⴱⵔⵔⵎ, ⴰⴽⴰ ⵏⵇⵇⵉⵎ ⴷ ⵎⵉⴷⴷⵏ ⵏ ⵡⴰⵙⵙ ⵓ. ⵉⴳⵓⵔ ⵏ ⵓⴼⴳⴰⵏ ⵖⵔ ⵛⴰ ⵏ ⵜⵡⵙⵏⴰ ⴷ ⵜⴰⵄⵔⵔⵉⵎⵜ ⵉⵇⵇⵏ ⴰⴷ ⵜ ⵢⴰⵙⵉ ⵙ ⵜⵜⴰⵡⵉⵍ ⵅⴼⵙ, ⴰⴽ ⴰⴷ ⵢⴰⵡⵟ ⴰⴷ ⵉⵙⵙⵉⵔⴷ ⵎⵉⵔⵛⴰⵢⵏ ⴰⵙ ⵃⵜⵜⴰⵏ, ⵡⴰⵅⵅⴰ ⵓⵔ ⵜ ⵉⵜⵡⴰⵔⵊⴰ. ⴰⵡⴰⵍ ⵏ ⵜⵔⵓⵎⵉⵜ ⵉⵙⵙⴽⵔ ⴷⴳ ⵙ ⵍⵄⴰⴼⵉⵜ, ⴷⴰ ⵢⵉⵟⵊⵊⵊ; ⵉⵙ ⴷ ⵢⵓⵙⵓ ⵣⴳ ⵉⵛⵜ ⵏ ⵜⵓⵙⵏⴰ ⵉⵔⵛⴰⵏ, ⵖⵔ ⵉⵛⵜ ⵉⴱⴷⴷⵏ ⵅ ⵡⴰⵡⴰⵍ, ⵎⵉ ⵓⵔ ⵉⵍⵍⵉ ⵡⵎⵓⵏⵟ, ⵖⵏⴷ ⵜⵉⵙⵔⴰⴼⵉⵏ ( ⴰⴼⵔ 35 ). ⵎⴰⵔⵉⴰ ⵜⵙⵓⵍ ⵄⴰⴷ ⴷ ⵜⴰⵎⵥⵢⴰⵏⵜ. ⵢⵓⵎⵥ ⵜ ⵙ ⵓⴼⵔⵔⵉⵖ; ⵏⵜⴰⵜ ⵖⵔ ⵙ ⵉⵙ ⵍⴰ ⵢⵉⵍⵍⴼ ⵉⵜⵎⵟⵓⵟ ⵏⵏⵙ ( ⴰⴼⵔ 61 ). ⵎⵏⵖⵉⵡⵜ ⵏ ⵜⵔⵓⵎⵉⵜ ⵜⵓⵣⵏ ⴰⵔⴳⴰⵣ ⵉ ⵜⵙⵔⴰⴼⵜ, ⵎⴰⵏⵉⴳ ⵉⵜⵜⵇⵇⵏⵏ. ⴰⵢⵓ ⵉⵥⵥⵓⵖⵕ ⴰⵅ ⴰⴷ ⵏⴱⴱⵉ ⴰⵡⴰⵍ ⵅ ⵓⵍⵇⵇⵎ, ⵉⴳⵉⵏ ⵉⴷⵊ ⵏ ⵍⴳⵓⴷ ⵉⵜⵙⵎⵓⵏⵏ ⵉⵥⵓⵕⴰⵏ ⵎⵣⴰⴳⴰⵍⵏⵉⵏ, ⵎⴰⴽⴰ ⵅⴼ ⵙ ⵜⵙⵙⵉⵡⵍ ⴽⵔⵉⵙⵜⵉⴼⴰ. ⴳ ⵜⵎⵏⴰⵟ ⵜⴰⵎⵣⵡⴰⵔⵓⵜ ⵉⵍⵍⴰ ⵓⵎⵃⴰⵟⴰⵕ ⴷ ⵓⴽⵓⵙ ⵏ ⵜⵔⵓⵎⵉⵜ. ⵣⴳ ⵜⵉⵙⵏⴰⵜ, ⵜⵍⵍⴰ ⵜⵡⴰⴷⴰ ⵓⵔⴱⴰ ⵢⵓⵙⵉⵏ ⵜⵉⴼⵔⴰⵙ ⵏ ⵓⵥⵡⴰ ⵏ ⴱⴰⴱⴰ ⵙ ( ⴰⴼⵔ 34 ). ⵓⴽⵓⵙ ⵏ ⵜⵓⴷⵔⵜ ⴷ ⵓⴼⵓⵖ ⵣⵣⴳ ⵙ, ⵍⴰ ⵢ ⵜⵖⵉⵎⴰ ⵉⵛⵜ ⵏ ⵜⵅⵏⵛⵓⵛⵜ, ⵅ ⵎⵉ ⵢ ⴱⴷⴷ ⵡⴰⵡⴰⵍ ⴳ ⵓⵏⴳⴰⵍ; ⴰⵎⵣⴰⵔⴰⵢ ⵏ ⴱⴰⴱⴰ ⵙ ⴷ ⵉⵎⵎⴰ ⵙ ⴷ ⵉⴷⵊ ⵓⵎⵙⴱⴹⵓ ( ⴰⴼⵔ 78 ); ⴷ ⵓⴽⵓⵙ ⵢⵓⵍⵉ ⵙⵉⵙ ⵖⵔ ⵡⴰⵏⵙⴰ ⵏ ⵓⵅⵙⵙⵉ ⵡⵡⴰⵟⵓ ⵢⵎⵎⴰ ⵙ ⵉⴳⵉⵏ ⵜⵓⴷⵔⵜ; ⴰⵍⵍⵉⴳ ⵜⵉⵡⵉ ⵜⵔⵓⵎⵉⵜ ⴰⵔⴳⴰⵣ ⵏⵏⵙ. ⵓⴼⵓⵖ ⵏ ⵜⵔⵓⵎⵉⵜ ⴰⵏⴳⴳⴰⵔⵓ ⵓⵔ ⴷⴰ ⵢ ⵜⵔⵓⵥ ⴰⴽⵓⵙ ⵏ ⵓⵏⴳⴰⵍ, ⵉⵜⵉⴳⵉⵏ ⵡⵏ ⵢⵓⴷⴼⵏ ⵜⴰⵙⵔⴰⴼⵜ ⵎⴰⵏⵉⴳ ⵉⵜⴳⵔⵉⵏ ⵉⵎⵙⵓⵍⵜⴰ. ⵜⵉⵡⵏⵜ ⵜⴰⵏⴳⴳⴰⵔⵓⵜ ⴰⴷ ⴰⵅ ⵉⵙⴱⴷⴷⵏ ⴳ ⵜⵉⵔⵔⴰ ⵏ ⴱⵓⵣⴳⴳⵓ, ⵜⴷⵊⵓ ⴰⵍⵍⴰⵖ ⵏⵏⵙ ⵅ ⵓⴷⵎ ⵏⵏⵙ; ⴷⴰ ⵜⴳ ⵜⵉⴷⵜⵜ. ⵜⵓ! ⵎⴰⵏⵉⴳ ⵉⵜⵜⵔⵣⵉⵜ ⵖⵉⵔⴰⴽ ⴰⴽ ⵜⵙⵎⵅⴰⵣⵣⴰⴼ. ⵜⵉⴷⵜⵜ ⴷ ⵜⴰⵢⴷⵉⵜ ⴰⵢ ⵜⴳⵓ; ⴳⴳⵓⵜⵏ ⴰⵙ ⵉⵅⵏⵛⴰⵛ ⴰⵎ ⵉⵖⵎⴰⵏ ( ⴰⴼⵔ 104 ). ⵛⴽⴽⵉⵏ ⵍⴰ ⵜⵜⴰⵣⵣⴷⵜ ⴰⴼⵓⵙ ⵉ ⵡⵙⵖⵓⵏ ⴷ ⵏⵜⴰ ⵍⴰⵢ ⵜ ⵏⵟⴰⵡ ⵖⵔ ⵢⵉⵔⵉ; ⴷⴰⵢ ⵣⴳ ⵓⵔⵣⵣⵓ ⵏ ⵜⵓⴷⵔⵜ ⵖⵔ ⵓⵙⴰⴳⵍ ⴷ ⵜⵙⴰⵔⵔⴰⵡⵜ ( ⴰⴼⵔ 105 ) ⴰⵔⴰ ⵢⵉⴱⴱⵉⵏ ⵉⴼⵉⵍⵉ ⵏ ⵡⴰⵟⵓ, ⴰⵔⴰ ⵜ ⵉⵙⵙⵓⴼⵓⵖⵏ ⵣⴳ ⵜⵓⴷⵔⵜ. ⵎⴰⴳⴳⵉⵏ ⴰⵙⴽⴽⵉⵏ ⵢⵉⵣⵔⵉ ⵜ ⴳ ⵡⴰⵏⵙⴰ; ⴰⵔⴱⴰ ⵉⵡⵟ ⵏ ⵜ ⵉⵏⵖⵎⵉⵙⵏ ⵏ ⴱⴱⴰⵙ ⵅ ⵓⴱⵔⵉⴷ ⵏ ⵍⴽⵯⴰⵕⵉⴹ ⴳⵎⵉ ⵉⵙⵖⵓ ⵉⴼⵙⴰⵏ ⵏ ⵜⵎⴰⵜⵛⴰ. ⵓⵙⵙⴰⵏ ⵖⵓⵙⵏⵉⵏ ⴳⴳⵓⴱⵔⴰⵡ, ⵉⵡⵟⵏ ⵖⵔ ⵜⵙⴰ; ⴰⴳ ⴱⵓⵡⵊⵏⵏⴰ, ⵢⴰⴽⵓⵛ, ⵓⵔ ⵖⵔ ⵙ ⵎⴰⵔⴰ ⴷ ⵉⴱⵔⵔⵎ ⴷⴳ ⵙⵏ ( ⴰⴼⵔ 110 ). ⵜⵓⴷⵔⵜ ⵏ ⵉⵏⵊⴷⴰ ⵏ ⵓⵏⴳⴰⵍ " ⵜⵉⵛⵔⵉ ⵅ ⵜⴰⵎⴰ ⵏ ⵜⵙⴰⵔⵔⴰⵡⵜ ", ⵜⵙⵓⵍ ⵜⵏⵢⵓⴷⴷⵓ, ⵅⴰⵙ ⴰⴷⴰⵢ ⵏⵅⵙ ⴰⴷ ⵜⵏ ⵏⵎⵟⵉ, ⵍⴰⵅ ⵜⵜⴰⵙⴰ ⴷ ⵜⴰⵎⵙⵙⴰⵙⵜ; ⵡⴰⵍⴰⵢⵏⵏⵉ ⵎⴰⴳ ⵙⵙⵏⵏ, ⵉⴱⴰⴹ ⴰⴷ ⵜ ⵏ ⴰⴼ, ⵉⴷⵊ ⵡⴰⵙⵙ ⵜⴰⴹⴼⵓⵜ ⴰⵎ ⵜⵉⵔⵔⴰ ⵏ ⴱⵓⵣⴳⴳⵓ ( 1 ). ( ⴰⴹⵔⵉⵚ ⴰ ⵉⴷⴷⴰ ⵉ ⵃⴰⴼⵉⴹⴰ ⴱⵓⵔⵅⴰⵎ ⵢⵓⵛⵉⵏ ⴰⴷ ⵇⵇⴰⵍⵅ ⴰⴷⵍⵉⵙ ⴰ ) ⴰⴳⴳⵯⴰ ⵉⴳⴳⵉⵔⵏ ⵣⴳ ⵓⵏⴳⴰⵍ ⴰⴳⴰⴷⵉⵔ ⵓⵏⴳⴰⵍ ⵏ ⴰⴳⴰⴷⵉⵔ ⴷ ⵉⵙⵙⵓⴼⵖ ⵅ ⵉⵔⴷⵉⵏ, ⴳ ⵜⴰⴷⴷⴰⵔⵜ ⵏ ⵜⴰⵎⴰ, ⴰⵙⴳⴳⴰⵙ ⵏ 1967. ⵢⵓⵔⵉⵜ ⵙ ⵓⵃⵔⴰⴷ, ⵉⵙ ⵎⵍⴰⵍⴰⵏ ⵛⴰ ⵉⴳⴳⵓⵜⵏ, ⵏ ⵜⵎⴰⵔⵉⵡⵉⵏ ⵉⵜⴽⴽⵏ ⵅ ⵜⵎⵓⵔⵜ. ⴷ ⴰⴷ ⵏ ⴰⴼ ⴰⵢⵏ ⵉⵙⴽⴽⵉⵏⵏ, ⵡⴰⵅⵅⴰ ⵉⴽⴽⵓ ⵅⴼⵙⵏ ⵡⴰⵀⵍⵉ ⵏ ⵓⵙⵙⴰⵏ, ⵉⵙⵙⴰⵖⵓⵍ ⵉⵀⵏ ⵓⵅⵔⵟ, ⵎⵉ ⵏ ⵜ ⵉⵏⵉ, ⴰⴳⴰⴷⵉⵔ ⴰⵍⵍⵓ, ⴰⵎ ⵍⴳⵓⴷ ⵏ ⵍⵀⵣⵣ ⵏ ⵉⴷⵊ ⵓⵟⵉⵇⵚ. ⵣⴳ ⵉⵏⵉⴷⴰⵏ ⵏ ⵓⵃⵔⴰⴷ ⴰⴷ ⴳ ⵓⵏⴳⴰⵍ, ⵉⵍⵍⴰ ⵎⴰⵏⵉⴳ ⴰⵔⴰ ⵜⵖⵔⵜ ⵜⵉⵡⵉⵏⵙⵜ ⵉⵟⵟⴼⵏ ⴰⴼⵔ ⵅ ⵓⵏⴳⴳⴰⵔⵓ ⵏⵏⵙ. ⵅⵙⵅ ⵉⵣⴷⵉ. ⴰⴳⴳⴰ ⵖⵔ ⵎⵉ ⵏⴷⴷⴰ ⴳ ⵜⵍⴰⵖⵉⵜ ⴰ, ⵏⴳⵓ ⵉ ⵜⴰⵣⵔⴰⵢ ⵓ, ⴰⵍⵎⵉ ⴷ ⴰⴷ ⵉⵇⵇⵉⵎ ⵉⵖⵣⴰ? ⴰⴽ ⴰⴷ ⵏ ⴰⴼ ⴰⵣⵉⵍⴰⵍ ⴷ ⵜⵙⵓⴼⵖⵜ ⵉⵢ ⵉⵙⵇⵙⵉ ⵢⵓ, ⴷ ⴰⴷ ⵏⴱⵔⵔⵎ, ⵖⵔ ⵓⵙⵖⵓⵏ ⵉⵣⴷⴷⵉⵏ ⵜⴰⵍⴰⵖⵉⵜ ⵏ ⴱⵓ ⵓⵏⴳⴰⵍ ⴷ ⵓⵃⵔⴰⴷ, ⴰⵙ ⵉⴳⵉⵏ ⵜⴰⵃⵔⵔⴰⴷⵊⵓⵜ. ⴷⴰⵜ ⵎⵉ ⴰⵔⴰ ⵏⴽⴽ ⵖⵔ ⵓⵙⵇⵙⵉ ⵓ, ⵉⵇⵇⵏ ⴰⵅ ⴰⴷ ⵏⵣⵔⵉ ⵅ ⵓⵙⴽⴽⵉⵏ ⵏ ⵜⴰⵎⴰⴳⴳⵉⵜ, ⵎⴰⴽⴽⴰ ⵉⵜⵉⵥⵉⵔ ⵖⵔⵙ, ⵣⴳ ⵓⴱⵔⵉⴷ ⵏ ⵜⵉⵔⵔⴰ. ⵎⴰⵜⵜⴰ ⵓⵎⵔⵡⴰⵙ ⵢⴰⵖⵏ ⵜⴰⵎⵓⵔⵜ ⴰⵎ ⵓⵎⵓⴹⵉ. ⵎⴰⵜⵜⴰ ⵏ ⵜⴰⵜ ⵜⵏⴱⴰⵟ ⵉⵍⵍⴰⵏ ⵅ ⵉⵡⴷⴰⵏ? ⵎⴰⴳⴳⵉⵏ ⴰⵎⵣⵔⵓⵢ ⴷ ⵓⵖⵎⵉⵙ? ⵎⴰⵢⵎⵙⵜ ⵏⵜⴰⵜ ⴽⴰⵀⵉⵏⴰ? ⴷ ⵎⴰⵜⵜⴰ ⵓⵣⵀⵜⵍ ⵓ, ⵉⵍⵍⴰⵏ ⴳ ⵡⴰⵍⵍⴰⵖ ⵏ ⴰⴳⴰⴷⵉⵔ? ⴰⵣⵀⵜⵍ ⴰⵣⵀⵜⵍ ⵏⵜⴰ ⴷ ⵉⵏⴳⵉⴳⵉ ⵉⵜⵛⴰⵜⵏ ⴰⵛⴰⵍ. ⵎⵉⵍⵎⵉ ⴰⵔⴰ ⵢⴽⴽ ⵅ ⵎⵉⴷⴷⵏ, ⵉⵍⵍⴰ ⵉⵜⵇⵇⵏ ⴷⴳⵙⵏ ⴰⵔⵡⴰ. ⴷ ⵡⴰⵍⵓⵟ ⴰⵔⴰ ⵉⴳⴳⵉⵔⵏ ⴷ ⴰⴷ ⵜⵉⴳ, ⵉⵙ ⵏⴰⵏⵏⴰⵢ ⴰⴼⵓⵙ ⴷ ⵎⴰⴳ ⵓⵣⴹ, ⴰⴽ ⴰⴷ ⵉⵙⵡⵉⵣ ⵡⵉⴷ ⵍⵍⴰⵏⵉⵏ ⴳ ⵓⵅⵓⴱ, ⴰⵎⵔⵔⵜ. ⵡⴰⵍⴰⵢⵏⵏⵉ ⵜⴰⵏⴳⴳⴰⵔⵓⵜ, ⵛⴰ ⵓⵔ ⵜ ⵉⴷ ⵉⵙⵙⵉⵍⵉ. ⵍⵓⵍⵅ ⴼⴼⵉⵔ ⵓⵣⵀⵜⵍ ⵉⵡⵜⵉⵏ ⴰⴳⴰⴷⵉⵔ. ⴷ ⴰⴽ ⴰⴷ ⵜⵉⵙⵉⵏⵜ, ⵡⴰⵅⵅⴰ ⵓⵔ ⵎⵙⴰⵙⴰⵏ, ⵍⴰ ⵜ ⵥⵕⵉⵜ ⵡⵏ ⵜⵙⵙⵏ ⵜⵎⵓⵔⵜ, ⴳ ⵍⵃⵓⵙⵉⵎⴰ ⴳ 2003. ⵉⵖⵔⵎ ⵢⴰⵖⵓⵍ ⴷ ⵉⴷⵊ ⵓⵙⵎⵟⵍ ⴰⴽⵯⵙⵡⴰⵜ. ⵙ ⵡⴰⵡⴰⵍ ⵏ ⵅ-ⵉⵔⴷⵉⵏ, ⵍⴰ ⵏ ⵜ ⵉⵍⵉ ⵣⵣⴰⵜ ⵉⵖⵔⵎ ⴰⴳ ⴷ ⵉⵜⴼⴼⵓ ⴷ ⴰⵎⵜⵜⵉⵏ. ⴰⴳ ⴷ ⵜⵙⵎⵟⵍⵜ ⵉⵕⵥⵎⵏ; ⵉⴷⴷⴰ ⴰⴷ ⵉⵎⵖⵔ ⵓⵔⵚⵟ ⵢⵣⵔⵉ ⴳ ⵡⴰⵟⵓ ⴰⴷ ⵜⴽⵯⵟⵉⵏ ⵉⵡⴷⴰⵏ ⴷⴰ ⵢⵉⵔⵚⵟ ⴰⴳ ⴷ ⵡⵏ ⵉⵜⵉⴽⵯⵟⵉⵏ ( ⴰ14 ). ⵢⵅⵙ ⵎⴰⵏⵉⴳ ⴷ ⵉⴷⴷⴰ ⵛⴰ ⵓⵣⵀⵜⵍ, ⵢⵅⵙ ⵉⵡⴷⴰⵏ, ⵓⵔ ⵃⵟⵟⴰⵏ ⵉⵎⵜⵓⵔⵙⵏ. ⴰⴷ ⵃⵟⴰⵏ, ⴰⵢⵜ ⵜⵏⴱⴰⵟ; ⵓⵔ ⵜⴳⴳⵏ ⵉⴽⵜⵛⴰⵡⵏ, ⴰⴷ ⴷⵊⴰⵡⵏⵏ ⵅ ⵜⴰⴷⴰⵡⵜ, ⵏ ⵡⵉⴷ ⵉⴷⴷⴰⵏ ⴱⵔⵊⵏ, ⵏⵖ ⴷ ⵔⵕⵥⵏ. ⵢⵓⵙⴷ ⴳ ⵡⴰⴼⵔ 16 " ⵉⵏⵏⴰ ⴰⵍⵍⵓ, ⵍⴰⵜ ⵏ ⵜⵜⴰⵡⵉ ⴱⵣⵣⴰⴼ ⴳ ⵉⵎⴳⵔⴰⵡⵏ ⵏ ⵜⵏⴱⴱⴰⴷⵜ ⵓⴳⴰⵔ ⵏ ⵉⵡⴷⴰⵏ ⵉⵜⵜⵓⵔⵙⵏ. ⵅ ⵓⵙⴽⴽⵉⵏ ⴰ, ⵙⵜⵉⵜ ⴰⴳ ⵏⵏⴰ " ⵜⴰⵏⴱⴰⵟ ⵡⵏ ⵉⵙⵙⵎⵇⴰⴷⴷⴰⵏ ⵜⵉⵔⴳⴳⵉⵏ ⵡⴰⵡⴰⵍ ⴳ ⵓⵏⴳⴰⵍ, ⴰⴽ ⴰⴷ ⴷⴷⵓⵏ. ⵍⴰ ⵉⴳⴳⴰⵔ, ⵎⴰⴳ ⵟⵟⴼⵏ ⴰⴱⴽⴽⴰⵙ ⵏ ⵜⵎⵓⵔⵜ, ⴳ ⵍⵎⵕⵟ. ⵉⵙ ⵉⵜⵉⵥⵕⵓ ⵍⴰ ⵜ ⴱⴷⴷ ⵅⴰⵙ ⵅ ⵜⵎⴰⵔⴰ ⵏ ⵓⴳⴷⵓⴷ. ⵏⵜⴰ ⴰⴷ ⵉⵡⵡⵜ ⵃⵉⵜⵔⵔⵎⴰ, ⴰⴷ ⵉⴱⵣⴳ, ⵀⴰ ⵉⵇⵇⴰⵔ ⵙ ⵜⴰⵢⴷⵉ, ⴷ ⵜⴳⵍⴷⵉⵜ ⵏⵜⴰⵜ, ⵍⴰ ⵜⵇⵇⵉⵎ ⵟⵟⵕⵕⵃ, ⴷ ⵉⵅⴼ ⵏⵏⵙ, ⵉⵙ ⴰⵙ ⵉⵍⵍⴰ ⵎⴰⴳ ⵜⵛⴰⵜⵏ ⵃⵉⵜⵔⵔⵎⴰ, ⴰⴷ ⵉⵊⴱⵔ ⴰⵖⵔⵓⵎ ⵏ ⴰⵙⵙ ⵙ ⴰⵙⵙ ( ⴰⴼⵔ 60 ). ⵙⵙⵢⴰ, ⵍⴰ ⵉⵜ ⴰⴼⴰ ⴰⴽⴽ ⴰⵅⵓⴱ ⵢⴰⵖⵏ ⴰⴼⴳⴰⵏ ⴳ ⵜⵎⵓⵔⵜ ⵏ ⵉⵎⴰⵣⵉⵖⵏ, ⵉⵍⵍⴰ ⵢⴰⵙ ⴳ ⵡⴰⵍⵍⴰⵖ " ⵓⵎⵉⵥ ⵏ ⵉⴽⵓⵔⴷⴰⵏ. ⴷ ⵜⵉⵏⵉⵜⵉⵏ ⵓⴳⵍⵍⵉⴷ ⴱⵓⵡⵅⵍⵓⵍ " ( ⴰⴼⵔ 68 ) ⵉⵜⵉⵜ ⵙⵙⵎⵔⴰⵔⴰⵏ. ⴷ ⴰⵢⵏ ⵉⵏⵇⵇⵏ, ⵎⴰⴽ ⴰⴳ ⵏⵏⴰ ⴱⵓ ⵉⵣⵍⵉ " ⵜⴳⵉⵜⵉ ⵜⵉⵜⵉ ⴷⴷⴰⵡ ⵏ ⵜⵉⵜⵉ ⵜⵏⵖⵉⵜⵉ ", ( ⵙ ⵓⵃⵔⵚⵉ ⵏ ⵎⵓⵊⴰⵏ ). ⵜⵉⵜⵉ ⵜⴰⵎⵣⵡⴰⵔⵓⵜ ⵏⴽⴽⴷ ⵅⴼⵙ, ⵡⴰⵙⴰ ⴷ ⴰⴷ ⵏ ⴰⵙ, ⵖⵔ ⵜⵏ ⴰⵙⴷ ⵢⵓⵙⵉⵏ, ⵣⴳ ⴰⵢⵜ ⵓⵙⵓⵏ. " ⵣⴳ ⵜⴰⵎⴰ ⵏ ⵡⴰⵔⴰⵡ ⵏⵏⵙ, ⵙⵙⴽⵔⵏ ⴰⵍⵍⵓ ⴰⵙⵏ ⵥⴹⵏ ⵙ ⵍⵅⵍⴰⵚⴰⵜ ⵉⵙⵙⵟⵚⴰⵏ " ( ⴰⴼⵔ 70 ), ⴷ ⵊⴰⵔ ⵓⴷⵍⴼⵉⵇ ⴷ ⵡⵏ ⵉⵟⵏⵉⵏ, ⵅⴰ ⵉⵜⴰⴼⴰ ⵓⴳⴷⵓⴷ ⵉⵅⴼ ⵏⵏⵙ, ⵍⴰ ⵖⵣⵉⵏ ⴰ ⵙⵜ. ⴱⵓ ⵢⵉⵍⵙ ⴱⵓ ⵜⵄⴰⵡⵉⵜ ⵢⵓⵛⵓ, ⴰⵡⴰⵍ ⵉⴽⵓ ⵢⵉⴷⵊ, ⵙ ⵜⵡⵓⵔⵉ ⵢⵓ ⵉⵖⵣⴰ, ⵉⵙ ⵉⴽⵎ ⵏ ⵉⵡⵟ ⴰⵏ ⵙⵍⵍ, ⵉ ⵓⴳⵍⵍⵉⴷ ⵍⴰ ⵉⵜⵜⴱⵔⵔⴰⵃ " ⵓⵔ ⵜ ⵙⵙⵉⵏⵜ ⵡⴰⵍⵓ. ⵏⵜⵛⵉⵏ ⴰⴳ ⵏⴱⴹⵏ " ( ⴰ. 85 ), ⴷ ⴰⴷ ⵜⴰⴼⵜ ⵎⴰⵔⴰ ⵉⴽ ⵢⵉⵏⵉⵏ " ⴰⴳⵍⵍⵉⴷ ⵢⵓⴽⵯⵔ ⴰⵅ. ( ⴰⴼⵔ 79 ). ⴷ ⴰⵢⵏ ⴰⵔⴰ ⵏ ⵙⵙⵏⴷⵓ, ⵣⴳ ⵉⵡⴰⵍⵉⵡⵏ ⵉ, ⵎⴰⵔⴰ ⵢⵉⵏⵉ ⵡⵏ ⵉⵜⴽⴽⵔⵏ " ⵓⵔ ⵃⵎⵉⵍⵅ ⵜⵉⵔⵙⴰⵍ ⵏ ⵜⴳⵍⴷⵉⵜ " ( ⴰⴼⵔ 27 ) ⵉⵇⵇⵓⵔⵏ ⵅ ⵓⴽⵛⵛⵓⵟ ⵏ ⵓⵣⵖⴰⵏ, ⵉⵙ ⴰⵙ ⵜⵉⵡⵉ ⴰⵖⴰⵏⵉⵎ ( ⵍⴱⵓⵔⴹⵓ, ⵎⴰⵅⵎⵎⵉ ⴰⵔⴰ ⵜ ⴰⴷⵔ: ⵜⴰⵎⵥⵓⵣⵜ. ⴷ ⵡⵏ ⵉⵜⵟⴼⵏ ⴰⵏⵙⴰ, ⴰⵎⴰⵥⵓⵥ ⴳ ⵓⵏⴳⴰⵍ ⵏ ⵅ-ⵉⵔⴷⵉⵏ, ⵓⵔ ⵜ ⵉⴳⵉ ⵓⴳⵔⵔⴰⵎ, ⵡⴰⵍⴰⵢⵏⵏⵉ ⵡⵏ ⵉⴱⴷⴷⵏ ⵅ ⵓⵥⵟⵟⴰ ⵏ ⴰⵢⵜ ⵜⵡⵓⵔⵉ, ⵢⵉⵡⵟ ⴰⴷ ⵢⵉⵏⵉ " ⴽⵎ ⵓⵔ ⵉⵍⵍⵉ ⵓⴳⵍⵍⵉⴷ ⵓⵔ ⵜⴷⴷⵉⵎ ⴰⵢ ⵜⵣⵣⵔⵉⵎ " ( ⴰⴼⵔ 82 ). ⴷ ⵡⵉⵏⵉ ⵉⵜⵜⴻⵜⵜⵔⵏ ⵉⴷⵊ ⵓⴳⵍⵍⵉⴷ, ⵔⵡⵉⵙⵏ ⵉⵊⵕⴰ, ⵎⴰⴽⴽⴰ ⴳ ⵓⵔⵉ ⵍⴰ ⴼⴰⵏⵜⴰⵉⵏ ⴳ ⵜⵎⴰⵛⴰⵀⵓⵜ ⵏⵙ * 2. ⴰⵎⵔⵡⴰⵙ ⵎⴰⵢⵎⵉ ⵉⵡⵀⵏ ⴰⴷ ⵉⴷⵎⵓ, ⵍⴰ ⵉⵜⵜⴰⵖⵓⵍ ⴷ, ⴱⵓ ⵉⴷⵎⵎⵓⵢⵏ ⵉⵜⵓⵜⵛⵏ ⵜⵉⵎⴷⵊⵜ, ⵉ ⵎⵏⵡⴰⵍⴰ. ⴷ ⴰⴷ ⵢⵉⵍⵉ ⴷ ⴰⴳⴷⵓⴷ ⴰⴽⴽ, ⴰⴳⴳⵉⵏ ⴱⵓ ⵉⴷⵎⵎⵓⵢⵏ. ⵉⵜⴼⵙⵓⵙ ⴰⴷ ⵜⵜⴱⴱⵉⵜ ⴷ ⵉⵍⴰⵏ. " ⴰⴳⴷⵓⴷ ⵉⵏⵓ ⵕⵥⵉⵏⵜ ⵙ ⵜⴷⵎⵎⵓⵢⵜ " ( ⴰⴼⵔ 68 ). ⴰⵔⵡⴰⵙ ⵉⵡⵡⵜⵏ ⵉⵎⴰⵣⵉⵖⵏ. ⵉⵍⵍⴰ ⵎⴰⵏⵉⴳ ⴰⵔⴰ ⵜⵙⵍⵍⵜ ⵎⴰⵔⴰ ⴽ ⵢⵉⵏⵉⵏ: ⵙ ⵓⵔⵡⴰⵙⴰ ⵙⵎⵉ ⵜⴼⴼⵖⵎ ⵜⵉⵣⵉ ⵏ ⵜⵄⵏⵥⵍⵜ. ⴷⴰⵢ ⵜ ⵉⵏⵉ ⵜ ⵛⴽⴽⵉⵏ ⵙⵜⵉⵜ. " ⵡⴰⵍⴰⵢⵏⵏⵉ ⵎⴰⵜⵜⴰ ⵓⵣⴳⴰⵍ ⴰ! ⵛⵛⵏⵛⴼⵏ ⵇⴰⵃ ⵜⵉⵙⵓⵏⵉⵏ " ( ⴰⴼⵔ 68 ). ⵉⵍⵍⴰ ⵓⴷⵎ ⵉⵟⵏⵉⵏ, ⵏ ⵓⵎⵔⵡⴰⵙ ⵎⴰⵅⵎⵎⵉ ⵓⵔ ⴷⴰ ⵏⴽⴽ; ⵓⵔ ⵏⵣⵔⵉ ⵅ ⵢⵉⵍⵙ ⵉⵙⵙⵏⵢⵓⴷⴷⵓⵏ ⴰⵍⵍⵙ. ⵏⵜⴰ ⵉⴳⵓ ⴰⵢⵏ ⵓⵔ ⵉⵣⵔⵔⵉⵏ ( ⴰⴼⵔ 37 ). ⵍⴰ ⵉⴳⴳⴰⵔ ⴰⵙⵙ ⴰⵏⴳⴳⴰⵔⵓ; ⵜⵓⴷⵔⵜ ⴰⴳⴳⵉⵏ ⵜⴰⵏⴳⴳⴰⵔⵓⵜ; ⵡⵏ ⵉⵜⵏ ⵉⴽⵔⴼⵏ ⵍⴰ ⵜ ⵉⵜⴼⴼⵖ. " ⵉⵎⵜⵜⵉⵏⵏ ⵓⵔ ⴷ ⴰⴷ ⵜⵅⵎⵎⴰⵎⵏ, ⵡⴰⵅⵅⴰ ⴰⴷ ⵜⴰⵃⵍⵎ ⵎⴰⵔⴰ ⵜⵉⵏⵉⵎ ⵓⵔ ⵉⵍⵍⵉ ⵎⴰⵔ ⴰ ⵜⵏ ⵉⵙⵇⵙⴰⵏ, ⵏⵖ ⴷ ⵏⴳⵉⴳⵉⵏ ... ⴰⴳⴷ ⵉⴷⵊ ⵓⵔ ⴷ ⴰⴷ ⵉⴳⴳⵣ ⵣⴳ ⵏⵏⵊ ⴰⴽⴰⴷ ⵉⵙⵇⵙⴰ ⵅ ⵉⴷⵎⵓⵜⵏ ⵣⵔⵉⵏⵉⵏ " ( ⴰⴼⵔ 94 ). ⵍⴰ ⵜⴰⵍⵉ ⵜⵓⵡⵍⴰⴼⵜ ⵏ ⵉⴱⴱⴰⵙ, ⴰⴷ ⵜⵎⵇⴰⴷⴷⴰ ⴷ ⵓⴷⵎ ⵏ ⵓⵎⵔⵡⴰⵙ, ⵏⵖ ⴷ ⵏ ⵡⴰⴽⵓⵛ. ⴷ ⴰⵍⵍⵉⴳ ⵅⴰ ⵉⵜⵥⴰⵡⴰⵟ ⵢⵉⵛⵜ, ⵍⴰ ⵜ ⵎⴹⴼⴰⵔⵏ ⵅⴼⵙ. ⴷ ⵓⵍⴰⵖⴰ " ⵉⵅⵙ ⴰⵏ ⵙⵙⴱⴷ ⵜⴰⵢⵔⵉ ⵏ ⵔⴱⴱⵉ, ⵏⵙⵙⵍⵓⵍ ⴰⵃⵟⵟⴰⵢ ⵏⵏⵅ " ( ⴰ26 ). ⵇⴰⵃ ⵎⴰⴳ ⵣⵔⵉⵏ ⴷ ⵄⵏⵡⴰ, ⴷ ⵡⵏ ⵉⵔⵣⵣⵓⵏ ⴰⴷ ⵉⵙⵙⵉⵍⵉ ⵛⴰ, ⵉⵅⵙ ⴰⴷ ⵢⴰⴼ ⴰⵢⵏ ⵉⵏⵥⵥⵏ. ⴷ ⴰⵢ ⵓⵔ ⵉⵍⵍⵉ ⵎⴰⴳ ⵏⵥⵥⵏ, ⴼⴼⵉⵔ ⵏ ⵡⴰⵟⵓ. ⵓⵔ ⵜⴰⴷⵊⴰⵜ, ⴰⴳ ⴷ ⵃⴰⵃ, ⵣⴳ ⴰⵢⵏ ⵉⵣⵔⵉⵏ ... ⵉⵣⵔⵉⵏ ... ⵉⴱⵙⵍ ( ⴰ143 ). ⴰⵎⵣⵔⵓⵢ, ⴰⵖⵎⵉⵙ ⵜⵉⵡⵏⵜ ⵏ ⵓⵎⵣⵔⵓⵢ ⵜⵙⴷⵉⴷ ⴱⵣⵣⴰⴼ. ⴷ ⴰⵍⵍⵉⴳ ⵉⵍⵍⴰ ⵅⴰⵙ ⵓⵃⵔⵚⵉ ⵏ ⵜⵏⴱⴰⵟⵟ ⴰⴳ ⵜ ⴱⵔⵔⴰⵃⵏ, ⵍⴰ ⵜ ⵄⵎⵎⵔ ⵉ ⵎⵉⴷⴷⵏ ⵙ ⴰⵢⵏ ⵉⴳⴳⵓⵜⵏ ⵏ ⵉⵃⵏⵊⴰⴼ, ⵉⵏⵉⵏ ⴰⴽ ⵀⴰ ⵢⴰⵎⵣⵔⵓⵢ ⵏⵏⵓⵏ. ⴽⵯⵏⵏⵉ ⵡⴰⵍⵓⵓ, ⵣⵣⴰⵜ ⵓⵙⵎⵅⴰⵣⵣⴰ ⴰⵖ ⴰⴷ ⵢⵉⴽⴽⵏ ⵅⴼⵓⵏ. ⵜⵜⵔⵏ ⴰⵡⵉⵜ ⵓⵎⵉⵢ ⵏ ⵜⵏⵙⵍⵎⵜ, ⴰⵎⵣⵔⵓⵢ ⵏ ⵓⴳⵍⵍⵉⴷ ⴷⵔⵉⵙⵙ, ⵉⴷⵔⵓⵙ ⴰ ⵎⵉⴷⴷⵏ. ⴷ ⴽⵎ ⵢⴰⵖⵓⵍ ⵅⵉⵔⴷⵉⵏ ⵖⵔ ⴽⴰⵀⵉⵏⴰ ⴰⴽⴰ ⴷ ⵢⵉⵏⵉ, ⵉⵙ ⴰⵎⵣⵔⵓⵢ ⵙⵙⵍⵎⴰⴷⵏ, ⵅⴰⵙ ⵜⵜⵉⵃⵍⵍⴰⵍ ⵡⴰⵀⴰ ( ⴰⴼⵔ 86 ). ⵉⵎⴰⵣⵉⵖⵏ ⵓⵔ ⵓⴼⵉⵏ ⵉⵅⴼ ⵏⵏⵙⵏ ⴷⴳⵙ, ⵉⵙ ⵍⴰ ⵡⵡⵜⵏ ⵙ ⵉⵥⵓⵕⴰⵏ ⴳ ⵓⵎⵣⵣⵔⵓⵢ ⵉⵃⴰⵢⵍⵏ. ⵀⴰ ⵉⵙⵓⵍ ⵉⴷⴷⵔ ⴰⵍ ⴰⵙⵙⵓ ( 3 ). ⴰⵎⵣⵔⵓⵢ ⵓⵔ ⵉⴷⵔⵓⵙ, ⵉⵅⵙ ⴰⴷ ⵢⵉⵍⵉ ⴷⵉⴳⵙ ⵡⴰⵏⵙⴰ ⵉ ⴽⴰⵀⵉⵏⴰ, ⵎⴰⵙⵉⵏⵉⵙⵙⴰ ⴷ ⵎⴰⵢ ⴳⴳⵓⵔⵏ ⵙ ⵉⵥⵓⵖⴰⵏ ⴷ ⵜⵓⵙⵙⵏⴰ ⵖⵔ ⵜⵉⵎⵎⵓⵣⵖⴰ. ⴳ ⵓⵎⵍⴰⵍⴰ ⵊⴰⵔ ⵏ ⵏⵜⵛⵉⵏ ⴷ ⴽⴰⵀⵉⵏⴰ, ⵓⵔ ⴰⵙ ⵢⵓⵛⵉ ⴰⵜⵉⴳ ⴰⵅⴰⵜⴰⵔ, ⵉⵙ ⵉⵄⵏⵇ, ⵉⴼⴷⴹⴰ ⴰⴳ ⴷ ⵜⴷⵎⵎⵓⵢⵜ. ⵉⴷⵊⵉⵡⵏ ⵉⴼⵇⵇⵓⵙⵏ ( ⴰⴼⵔ 58 ), ⴷ ⵎⴰ ⴽⴽⴰ ⴳ ⵍⵍⴰ ⴳ ⵉⴷⵊ ⵉⵏⵣⵉ ⴰⵎⵃⴰⵢⵍ: ⵎⴰⵅⵎⵎⵉ ⵉⴽⴽⵓ ⵉⴼⵉⵖⵔ ⵍⴰ ⵉⵜⴳⴳⵯⴷ ⵉⵣⵉⴽⵔ. ⴽⴰⵀⵉⵏⴰ ⴷⴰ ⵜⵡⴰⵙⵙⵏ ⴰⵎ ⵉⵛⵜ ⵉⵏⴳⴳⵯⵔⵏ ⵣⴳ ⵉⵔⴳⵣⵏ, ⵜⴷⴷⴰ ⴰⴷ ⵜⴳ ⵉⴷⵊ ⵓⵖⵎⵉⵙ ⴷ ⵢⵓⵙⵉⵏ ⴰⴷ ⵉⵏⵏⴰⵍ ⴰⵖⵎⵉⵙ ⵏ ⵜⴳⵍⴷⵉⵜ ( 4 ). ⴱⵓ ⴰⵍⵍⵙ ⵉⴼⵉⵍⵉ ⵉⵜⵉⵜⵙⵎⵓⵏⵏ ⴷ ⴽⴰⵀⵉⵏ ⴰ, ⴷⴰⴷ ⵉⴳ: ⵜⵉⴼⵉⵖⵔⴰ. ⴷ ⵜⵎⴰⴳⴳⵉⵜ ⵏⵏⵙ ⵓⵔ ⵜⴱⵟⵉ ⴷ ⴰⵢⵏ ⵜⴳⴳⴰⵔ ⵣⵣⴳⵙ. ⴽⵓ ⵉⴷⵊ ⵉⴳⵓ ⵓ ⵜⵡⵉⵣⵉ, ⴽⵎ ⴰⵙ ⵜⵍⵍⴰ ⵛⴰⵏ ⵜⵉⴷⵜ, ⵓⵔ ⴷ ⵉⴷⴷⵉ ⴰⴷ ⵜⵉⵔⵣⵣⵓ ( ⴰⴼⵔ 49 ), ⵉⵙ ⴰⵅ ⵉⵙⵙⵔⵙ ⵣⵉⴽ: ⴰⵡⴰⵍ ⵉⴳⵓ ⵜⴰⵣⵇⵇⵓⵔⵜ. ⵉⵍⵙ ⵏ ⵓⵏⴳⴰⵍ ⵏⵜⴰ ⵉⵙⵎⴰⵔ ⵖⵔⵙ ⵍⴳⵓⴷ ⵏ ⵜⴷⵎⵎⵓⵢⵜ, ⵎⴰⴽⴽⴰ ⴳ ⵣⵔⵉ ⴰⴳ ⵉⴷ ⵏⵅ ⵖⵔ ⵏⵊ; ⴰⵎⴹⴰⵍ ⵉⵢ ⵔⵣⵣⵓ ⴰⴷ ⵉⵥⴱⵔ, ⴷ ⵡⵏ ⵉⵣⵣⵏⵓⵣⴰ ⵜⵉⵡⵉⵔⵊⴰ ⵣⵡⴰⵏⵉⵏ ⵢⴰⴽⵯⵔⴰⵙⵏ ⵜⵏ ⵔⵖⴰⵏⵉⵏ. ⵡⴰⴷ ⴰⴳ ⴳⵉⵏ ⴰⵎⴹⴰⵍ ⵉⴳⴳⴰⵔ ⵏ, ⵓⵔ ⴷ ⵡⵏ ⵉⵎⴰⵣⵉⵖⵏ. ⴷ ⵜⴰⵍⵍⵙⵜ ⵉⵜⵢⴰⵖⵏ, ⵜⵓⵙ ⴰⵙⴷ ⵣⴳ, ⴰⵍⵍⵉⴳ ⵉⵙⵓⵙⵎ, ⵓⵔ ⴰⵙ ⵉⵍⴰⵖⴰ ⵙ ⵎⴰ ⴰⵙ ⵇⵇⴰⵔⵏ ( 3 ). ⴷⵖⵉ ⵏ ⵉⵡⵟ ⵖⵔ ⵓⵙⴰⵖⵓⵍ, ⴰⵔⴰ ⵏⴳ ⵉⵡ ⵙⵇⵙⵉ ⵏⵙⵙⵔⵙ ⵖⵔ ⴷⴰⵜ ⵏ ⵓⵇⵛⵓⵛⴰ. ⴰⵍⵍⵉⴳ ⴰⵙ ⵉⵃⵔⴷ, ⵀⴰ ⵉⵅⵎⵎⴻⵎ ⴰⴷ ⵉⵥⵡⴰ, ⵏ ⵓⴼⵉⵜ ⴰⵎⵎⵉ ⵉⵙⵍⵍ ⵉⵡⵍⴰⵖⴰ ⵉⵜⵏⵀⴰⵟⵏ " ⵜⵓⴷⵔⵜ ⵜⵍⵍⴰ ⴳ ⵓⵊⵎⵎⴰⵟⵉⵏ ⵙⵙⵓⵔⴼⴰⵜ ⵖⵔⵙ ⴷⴷⵔⵉ ) ( 5 ). ⴷ ⵉⴱⵔⴷⴰⵏ ⵉⵄⴼⵙ, ⵢⴰⵡⵉ ⴰⵅ ⴷⴳⵙⵏ, ⴷⴷⴰⵏ ⵡⴰⵀⵍⵉ. ⴷ ⴽⵎ ⵉⵜⵇⵇⵏⵏ, ⵜⵙⵙⵏ ⵜⴱⴽⴽⴰⵙⵜ ⵎⴰⵢ ⵜⵏⵢⵢⵛ. ⵓⵍⵓⴼ ⵉⴳⵓ ⴷ ⵎⴰⵢ ⵉⵣⵔⵉⵏ, ⵜⵇⵇⵉⵎ ⵜⵅⵙⵚⴰⵙ ⵉⵛⵜ ⵏ ⵜⴼⵓⵙⵜ, ⴷⴰ ⵢⵉⵏⴰⵅ, ⵜⴰⵎⴰⴳⴳⵉⵜ ⵙ ⵉⵛⵜ ⵏ ⵜⵄⵙⵔⵉⵜ ⵉⵖⵣⴰⵏ, ⵏⵜⴰⵜ ⵉⵍⵍⴰⵏ ⴳ ⵓⵙⴳⵓⴷⵊ ⵏ ⵜⵍⴰⵖⵉⵜ ⵏⵏⵙ ⵜⴰⴽⵯⵙⵡⴰⵜ ⴷ ⵜⵎⵥⵥⴰⵏⵜ, ⵜⵜⵓⵖⵜ ⴰⴷ ⵉⵙⵍⵍ ⴷⴳⵙ ⵅ-ⵉⵔⴷⵉⵏ, ⵓⵔ ⴷ ⵡⵏ ⵢⵓⴼⵏ ⴳ ⵓⵎⵔⵡⴰⵙ, ⵢⵉⵍⵉ ⴷ ⴰⵢⴷⴷⴰ ⵏⵏⵙ. ⴰⴽⵔⵓⵙ ⵓⵎⴰⵣⵉⵖ, ⵓⵔ ⵍⵍⵉⵏ ⵅⴰⵙ ⵙ ⵉⵍⵙ ⵏ ⵡⵉⵏ ⵎⴰⵢⵎⵉ ⵍⵍⴰⵏ ⴷⴷⴰⵡ ⵉⵖⵉⵍ, ⴳⵉⵏ ⴰⵡⵕⵏⵜⵎⵓⵔⵜ, ⴰⵡⴷ ⵙ ⵜⵍⴰⵖⵉⵜ ( 6 ). ⵡⴰⵍⴰⵢⵏⵏⵉ ⴰⴳ ⴰⴽ ⴰⴷ ⵜⵢⴰⴷⵊ, ⵀⴰ ⵉⴳⵓ ⵓ ⵜⵡⵉⵣⵉ, ⵉⴷⴷⴰ ⵖⵔ ⵉⵛⵜ ⵏ ⵜⵇⴱⴱⴰⵟ, ⵎⵓⵔⴷ ⵓⵔ ⵜ ⵉⵜⵛⵉ ⵓⵎⵣⵔⵓⵢ. ⵜⴰⵄⴰⵡⵉⵜⵜ ⵢⴰⴼⵉⴼⵏ ⵜⴰⵙⴽⵛⵎⵜ ⴰⴳⴷ ⵓⴷⵍⵉⵙ ⵏ ⵓⵎⴰⵔⴰⵢ ⵀⵎⴷ ⵀⴷⴷⴰⵛⵉ ( 1 ), ⵏⴱⴰⴹ ⴰⴷ ⵏⵉⵏⵉ ⵉⵙ ⴷ ⵢⴰⵖⵓⵍ ⴰⵍⵍⵓ ⵓⵍⴰⵍⴰ ⴰⵎⴰⵣⵉⵖ. ⵜⴰⵍⴰⵖⵉⵜ ⵓⵍⴰⵍⵉ, ⵓⵔ ⵜ ⵢⵓⵔⵉ ⵅ ⵓⴷⵎ ⴰⵎⵣⵡⴰⵔⵓ ⵏ ⵜⵡⵓⵔⵉ ⵏⵏⵙ. ⵉⴼⵙⵜ ⵅⴼⵙ. ⵉⵏⵉⴷⴰⵏ ⵏ ⵥⵕ ⵓ, ⴰⵅ ⵜ ⵉⵙⵙⵖⵓⵢⵢⵏ. ⴰⴷⵍⵉⵙ ⵣⴳ ⵏⵏⵊ, ⴷ ⴰⴷ ⵉⴳ ⵉⵛⵜ ⵏ ⵜⵄⴰⵡⵉⵜ ⴳ. ⵡⴰⵍⵍⴰⵖ, ⴷ ⴰⵏⴳⴳⵓⵔ ⵖⵔ ⵜⵉⴽⵜ ⵏ ⵜⵄⵉⵡⴰⵜ. ⴰⴳ ⵜⵡⵓⵔⵉ ⵢⵓ ⵏⴷⴷⴰ ⴰⴷ ⵏⴽⴽ ⵣⴳ ⵜⵄⴰⵡⵉⵜ ⵉⵣⵔⵔⵉⵏ ⵙ ⵉⵎⵉ, ⵖⵔ ⵜⵉⵏ ⵉⵜⵜⵡⴰⵔⵉⵏ, ⵅ ⵍⴽⵡⴰⵔⴹ ⴷ ⵜⵔⴰⵜⵙⴰ. ⵙ ⵜⵉⵙⵙⴰⵍ ⴰⴷ ⵢⵉⵡⵟ ⴰⴷ ⵉⵙⵙⵉⵏⵡⵔ ⵛⴰ ⵣⴳ ⵎⴰⴳ ⵇⵇⵉⵎⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ. ⵉⵏⵉⵜⵉ ⵢⵓⵖⵏ ⴰⵎⴰⵔⴰⵢ, ⵉⴷⵊⵉⵜ ⴰⴷ ⵉⵣⴷⵉ, ⵜⵉⴽⵜ ⵏ ⵉⵡⴰⵍⵉⵡⵏ ⵉⵜⵜⵡⴰⵏⵏⴰⵏ ⵙ ⵢⵉⵍⵙⴰⵡⵏ ⴳⴳⵓⵜⵏⵉⵏ, ⴳ ⵉⴷⵊ ⵡⴰⵡⴰⵍ ⵉⵙⵙⵉⵡⵍ ⵎⴻⵎⵎⵉⵙ ⵓⴼⵙⵜⵉ ... ⵉⵍⵍⴰ ⵉ ⵜⵓⵙⵙⵏⴰ ⵉⴷⵊ ⵓⵃⵎⴰⴷⵊⵓ, ⵉⵜⴰⵣⵣⵍⴰⵏ ⴰⴷ ⵉⵙⵙⵉⵖ ⴰⴼⴰ ⵉ ⵡⴰⵍⵙ. ⴷ ⵡⴰⵏⵙⴰ ⵎⴰⵏⵉⴳ ⴰⵔⴰ ⵜ ⴰⵡⵉⵜ, ⵉⵍⵍⴰ ⴰⴽ ⴰⴷ ⵜⴰⴷⵊⵜ ⴷⴳⵙ; ⴷ ⴰⵢⵏ ⵉⴳⴳⵓⵔⵏ, ⵍⴰ ⵉⵜⴷⴷⵓ ⴳ ⵓⵏⴳⵉⴳⵉ, ⴷ ⵓⵥⵡⴰ ⴰⵅ ⵉⵜⴳⴳⵓⵏⵉⵏ ⵣⴳ ⵡⴰⵡⴰⵍ ⴰⵍ ⵜⵉⵔⵔⴰ. ⴱⵣⵣⴰⴼ ⵉⵡⴰⵍⵉⵡⵏ ⴰⴳ ⴷⴷⴰⵏ ⴰⴷ ⵏⵖⵍⵏ. " ⴰⵢⵏ ⵉⵜⵜⵡⴰⵔⵉⵏ ⵉⴳⵓ ⵉⵍⴰⵏ ⵏ ⵉⵏⵢⴰⵏ ⵉⵍⵍⵓⵣⵏ ⵙ ⵡⴰⵔ ⵓⵎⵇⴰⴷⴷⴰ ⵏ ⵓⵙⵉⵡⵍ ⵅⴰ ⵙⵙⴽⵛⴰⵎ ⵣⴳ ⵜⵎⵏⴰⵟⵟ, ⵜⴽⵔⴼⵉⵜ ⵣⴳ ⵜⴰⵢⵢⴹ " ( 2 ) ⵜⴰⵡⵏⵣⴰ ⵏ ⵜⵉⵔⵔⴰ ⴰⵢⵏ ⴷⴳⵙ ⴰⵢⴰ. ⴷ ⵎⴰⴳ ⵥⵉⵍⵏ ⴷⴰⵀⴰ, ⴰⴳ ⴷ ⵃⴷⴷⴰⵛⵉ, ⴽⵓ ⵢⵉⵡⵏ ⵉⴷⴷⴰ ⴰⴷ ⵜⵜ ⴰⵡⵟ ⵜⵡⴰⵍⴰ ⵏ ⵓⵙⵉⵡⵍ; ⵓⵔ ⵉⵍⵍⵉ ⵓⵇⵥⵥⵔ ⴳ ⵓⵎⴰⴹⴰⵍ ⵏ ⵡⴰⵍⵙ. ⴰⵏⵕⵥⵓⵎ ⵉⵍⵍⴰⵏ ⵖⵔ ⵉⵄⵏⵥⴰⵍ ⵣⵉⴽ, ⵓⵔ ⵜⵍⵍⵉ ⵖⵔ ⵉⵡⴷⴰⵏ ⵏ ⵜⵎⵓⵔⵜ ⴰ, ⴰⵎ ⵉⵣⵔⴼⴰⵏ ⵜ ⵉⵏⵉⵏ ⵉⵃⴷⵊⴰⵎⵏ, ⴰⵍ ⴰⵙⵙⴰ. ⴰⵢⵏ ⵉⵙⵙⴳⵉⵔⵏ ⴰⵣⴱⴰⵕ, ⵃⵎⴰ ⴰⴷ ⵎⵖⵉⵏ ⵉⵙⵇⵙⵉⵜⵏ. ⴰⵔⵣⵣⵓ ⵓⵔ ⴷ ⵉⴽⴽⵉⵏ ⵅ ⵓⵙⵇⵙⵉ, ⵓⵔ ⵢⵉⵡⵟ ⴰⵏⵕⵥⵓⵎ. ⵡⵏ ⵎⵉ ⵉⵕⵥⵎ ⵓⵙⵍⵍⵉ: ⵎⴰⵢ ⴷ ⴰⵖ ⵉⵣⵍⴰⵏ? ( ⴰⴼⵔ. 37 ), ⵉⴷⴷⴰ ⴰⴷ ⵉⴳ ⵜⴰⵙⵙⵓⵔⵉⴼⵜ ⵜⴰⵎⵣⵡⴰⵔⵓⵜ ⵖⵔ ⵓⵕⵥⵥⵓⵎ. ⴰⵏⵢⵢⵛ ⵉⵍⵍⴰⵏ ⵉ ⵓⵙⵍⵍⵉ ⵢⵓⵔⴰⵔ, ⵓⵔⴰⵔ ⵏ ⵜⵎⵛⵜⵉⵜ, ⵉⵙ ⵢⵓⵙⵉ ⴰⴷ ⴰⵅ ⵢⵉⵏⵉ ' ' ⵖⴰⵙ ⴰⵢⵏⵏⴰ ⵉⵜⵜⵓⵏⵏⴰⵏ ⴰⵢ ⵎⵉ ⵜⵜⴰⵍⵙⵖ ' ' ( ⴰ. 56 ). ⴰⵙⵇⵙⵉ ⵏ ⵓⵙⴽⵍⵓ, ⵏⵜⴰ, ⵢⵉⵡⴹ: ⵡⵏ ⵎⵉ ⵉⴱⴱⵉ ⵓⵥⵓⵔ ⴷ ⴰⵙ ⵏⵖⵍⵏ ⵉⵥⵓⵖⴰⵏ. ⵜⴰⵡⵙⵏⴰ ⵏ ⴰⵢⵜ ⴷⵉⵅ, ⵓⴼⵉⵏ ⵜⴰⵙⴰⵔⵓⵜ ⵉ ⵓⵎⵓⴹⵉⵏ ⴰ, ⵉⴽⴽⵉⵏ, ⵉⵜⵜⵡⴰⵙⵙⵏ ⵙ ⵓⵍⵇⵇⵎ. ⵜⴰⵡⵙⵙⵏⴰ ⵏⵜⴰⵜ ⴰⴳ ⴷ ⵉⵙⵍⵍⵉ ⵢⵉⵅⵙ, ⴰⴷ ⵜⴰⴽⵯⵔ ⵉⵅⴼ ⵏⵏⵙ. ⵡⴰⵅⵅⴰ ⵢ ⵙⵙⵉⵡⵟⵉⵜ ⵖⵔ ⵜⵔⵓⵥⵉ ⵏⵏⵙ. ⵉⴷⴷⴰ ⴰⴷ ⵜⵉⴼⴼⵖ ⵡⴰⵡⵍ ⵓⵔ ⵉⵍⵍⵉⵏ ⴷⴳⵙ, ' ' ⴰⵥⵓⵔ ⴰⴷ ⵙ ⴷⴰ ⵉⵜⴳⴳⴰ ⵛⴰ ⴰⴷⵖⴰⵕ ' ( ⴰ. 35 ). ⴷ ⵉⵙⵍⵍⵉ ⵓⵔ ⵅⴰⵙ ⵜⵎⵖⵉⵏ ⵉⵥⵓⵕⴰⵏ; ⵓⵔ ⵏⵏⵉⵏ ⴰⴷ ⵉⵍⵉⵏ ⵖⵔⵙ. ⴰⵙⴳⵓⵏⵙ ⵏ ⵉⵙⵍⵍⵉ ⴷ ⴰⴷ ⵜⵏ ⴰⴼ ⴳ ⵜⴳⵓⵔⵉ ⵉⵙⵙⵓⴼⵖ: ⵓⵔ ⴷ ⵉⴽⴽⵉ ⴰⴳ ⴷ ⵉⴷⵊ ⵡⴰⵏⵙⴰ. ⵉⴽⴽⵔⴷ ⵅ ⵉⵅⴼ ⵏⵏⵙ ⴷⴰⵀⴰ ( ⴰⴼⵔ 37 ). ⵉⵙⵍⵍⵉ ⵙ ⵎⴰⴳ ⵍⵍⴰⵏ, ⵉⵇⵇⵏ ⵓⵔ ⵉⵙⵙⵉⴷ; ⵉⴳⵓ ⵜⴰⵍⵍⵙⵜ. ⴷ ⴽⵎ ⴰⵅ ⵉⵙⴰⴳⴰ ⵡⴰⵡⴰⵍ, ⵏⴱⴰⴹ ⴰⵏ ⵉⵏⵉ ⵓⵔ ⵉⴷⴷⵉ ⴰⴷ ⵉⴳⴳⵯⴷ ⵣⴳ ⵉⵅⴼ ⵏⵏⵙ; ⴽⵎ ⴰⵙ ⵏⵃⴰⵟⵔ, ⴰⴳ ⴷ ⵎⴻⵎⵎⵉⵙ ⵏ ⵉⴼⵙⵜⵉ ⴷ ⵡⴰⵡⴰⵍ, ⵍⴰ ⵉⴳⴳⵯⴷ, ⵉⵇⵇⵏ ⴰⵅ ⴰⵏ ⴰⴽⵯⵣ ⴷⴳⵙ ⵉⵏⵉⴷⴰⵏ ⵏ ⵉⵡⴷⴰⵏ; ⴷ ⵡⴰⵍⵙ ⵎⴰⵏⵉⴳ ⴰⵔ ⴰⴷ ⵉⵙⵙⵉⵡⵍ ⵉⵙⵍⵍⵉ, ⵉⴷⴷⴰ ⴰⴷ ⵢⵉⴳ ⵜⴰⵄⴰⵡⵉⵜ ( 3 ). ⵉⵙⵍⵍⵉ ⴽⵎ ⵉⵙⵇⵙⴰ, ⵓⵔⵉⴷ ⵙ ⵜⵄⵏⵥⵍⵜ, ⵡⴰⵍⴰⵢⵏⵏⵉ ⴰⴽ ⴰⴷ ⵉⵙⵃⵓⵣⵟ ⵉⵎⴰⴽⵯⴰⵔⵏ, ⵉⵇⵇⴰⵍ ⵏⵏⵉⴳ ⴰⵅ ( ⴰⴼⵔ 65 ). ⵎⵇⵇⴰⵔ ⵍⵍⴰⵏ ⵊⴰⵔ ⴰⵅ, ⴳ ⵜⵉⵍⴰⵡⵜ. ⴰⵍⴰⵍ ⴰⵏⴳⴳⴰⵔⵓ ⵏ ⵅⵓⵙⵉ ⵙⴰⵔⴰⵎⴰⴳⵓ: ⵏⵜⴰ ⴰⵎ ⵏⵜⵛⵉⵏ ( 2005 ), ⵎⵢⴰⵣⴰⵏⵏ ⵙⵉⵏ ⵉⵏⵊⴷⴰ ⵣⴳ ⵓⵍⴰⵍⴰ ⵢⵓ, ⵅ ⵉⴷⵊ ⵓⵙⴰⵔⵓ, ⵍⴰⵖⴰⵏ ⴰⵙ: ⵡⵏ ⵉⵔⵣⵉⵏ ⵢⵓⴼⵓ. ⵅⴰⵙ ⵜⴰⵡⴰⴼⵉⵜ ⵖⵔ ⵎⵉ ⵢⵉⵡⵟ, ⵓⵔ ⴷ ⵖⵔ ⵓⴽⵓⵙ ⵏ ⵉⵅⴼ ⵏⵏⵙ ⵡⴰⵍⴰⵢⵏⵏⵉ ⵏⵡⵏ ⵉⵟⵏⵉⵏ. ⴰⵛⴰⵍ ⴰⴳ ⴷ ⵓⴷⵍⵉⵙ ⵏ ⵃⵎⴷ ⵃⴷⴷⴰⵛⵉ, ⵙ ⵜⵡⴰⵍⴰ ⵏⵏⵙ ⵢⵉⵡⵟ ⵖⵔ ' ' ⵡⵏⵏⴰ ⵓⵔ ⵉⵜⵜⵏⴰⴷⴰⵏ ⵓⵔ ⴷⴰ ⵉⵜⵜⴰⴼⴰ ' ' ( ⴰⴼⵔ 67 ) ⵎⵇⵇⴰⵔ ⵉ ⵜⵏ ⴷ ⵉⵇⵇⵏ ⵅⴰⵙ ⵓⵏⵏⵊⵍⴰ. ⵜⴰⵡⵙⵏⴰ ⵏ ⵓⵙⵍⵍⵉ ⵓⵔ ⵜⴳⵯⵀⵉⵣ ⵀⴰ ⵉⵇⵇⵉⵎ ⴰⵙ ⵡⴰⵡⴰⵍ ⴰⵏⴳⴳⴰⵔⵓ. ⵏⵜⴰ ⵉⵙⵙⵏ ⵉⵙ ' ' ⵉⵏⵢⴰⵎⴰ ⵢⴰⵖ ⵡⴰⵏⵍⵍⵉ, ⵉⴳⵣⵉⵍ ⴰⵖ ⵉⵥⵕⵉ ' ' ( ⴰ. 95 ), ⵜⴰⵡⵙⵙⵏⴰ ⵏⵏⵙ ⵜⵍⵍⴰ ⴰⵍⵍ ..., ⵅⵙⵅ ⵙⴰⵔ ⵜⵍⴽⵎ ⵜⵉⵣⵉ ⵜⴰⴱⵙⵚⴰⵔⵜ, ⵎⴰⵏⵉⴳ ⴰⵔⴰ ⵜⵇⵇⵏ. ⴰⵍⵙ ⴰⴳ ⴷ ⵎⴻⵎⵎⵉⵙ ⵏ ⵉⴼⵙⵜⵉ ⴷ ⴰⵡⴰⵍ. ⵢⵓⵍⵉ ⵏⵖ ⴷ ⵉⴳⴳⵯⵣ, ⵉⵍⵍⴰ ⵙ ⵜⴰⴹⴼⵉ ⵏⵏⵙ, ⴳ ⵓⵍⴰⵍⴰ / ⵓⵏⴳⴰⵍ ⴰⴷ ⵉⵎⵙⴰⵙⴰⵏ; ⴰⵎ ⵎⴰⴽⴽⴰ ⴰⵔⴰ ⵉⵙⵙⵉⵡⵍ ⴰⵍⵍⵓ ⵙⴰⵔⴰⵎⴰⴳⵓ ⵅ ⵓⵏⵖⴰⵍ ⵏ ⵡⴰⵍⵙ ⴰⵣⴱⴰⵕ ⴰⴽⵛⵛⵓⵎ ⵏ ⵉⵏⵙⵉ ⴳ ⵓⵔⴰⵔ ⴷ ⴰⵣⴱⴰⵕ, ⵉⵙ ⵉⴳⵔⵓ ⴰⴷ ⵢⵉⴳ ⵉⵅⴼ ⵓⵔ ⵉⴳⵉⵏ ⵡⵉⵏ ⵏⵏⵙ ⴷ ⵡⵉⵏⵙ ( ⴰⴼⵔ 105 ). ⵉⵏⵙⵉ ⵍⴰ ⵉⵙⵙⵖⵏⴰⴼ ⵉⵏⵊⴷⴰ ⵙ ⵜⵓⵜⵜⵓⵜ ⵉⵎⵖⵔⵏ; ⵜⵏ ⵉⵜⵏ ⵉⴷⵊⵉⵏ ⵙⴰⵔ ⵓⴽⵯⵣⵏ ⵎⴰⵜⵜⴰ ⵏⵉⵜⵏⵉ ( ⴰⴼⵔ 107 ). ⵡⴰⵍⴰⵢⵏⵏⵉ ⴰⴽ ⴰⴷ ⵉⵜⵜⵓ ⵢⴰⵏ; ⵉⴳⵓ ⴰⵙⴰⴼⴰⵔ, ⴰⴷⴷⴰ ⵢⵙⵚⵉⵡⵟ ⴱⴰⴱ ⵏⵏⵙ ⴰⴷ ⵢⵉⵙⵉⵏ ⵉⵅⴼ ⵏⵏⵙ ⵉⵙ ⵉⴷⴷⵔ. ⴰⴳⴷ ⵉⵏⵙⵉ ⵉⴷⴷⴰ ⴰⴷ ⵉⵙⵙⴽⵔ ⵓⴷⵍⵉⵙ ⴰⵙⵇⵙⵉ ⵏ ⵡⴰⵍⵙ. ⴳ ⵓⵎⵣⵔⵓⵢ ⴰⵎⴰⵣⵉⵖ ⴰⵅⴷ ⵢⵉⵡⵟⵏ, ⵙ ⵓⵎⴰⵜⴰ ⴰⴳ ⴷ ⵜⵄⴰⵡⵉⵜⵜ. ⴰⵍⵍⵉⴳ ⵉⵜⵜⵓⵙⵇⵙⴰ ⵉⵏⵙⵉ; ⵅ ⵙ ⵎⴰ ⴰⵙ ⴷ ⴽⴽⵉⵏ ⵉⵙⵏⵏⴰⵏ ⵉⴱⵓⴱⴱⴰ ⵅ ⵜⴽⵯⵔⵎⵉⵏ ⵏⵏⵙ? ⵉⵙⵙⴰⵖⵓⵍ ⴰⵙⵏ ⵉⵙ ⴳⵉⵏⵜ ⵉⵏⵉⴷⴰⵏ, ⴷ ⵉⵏⴰⵖⵉⵣⵏ ⵅ ⵛⵛⵅⴱⴰⵜ ⵖⵉⴼⵙ ⵉⵣⵔⵉⵏ ( ⴰⴼⵔ 115 ). ⵉⵏⵙⵉ ⵙ ⵜⵙⵓⴼⵖⵜ ⵉⴳⵓ ⵉⵓⵙⵇⵙⵉ, ⵢⴰⵖⵓⵍ ⵉⵙⵓⵙⵎ. ⴷ ⵎⵇⵇⴰⵔ ⵓⴷⵔⵏ ⴷⴳⵙ ( ⵉⵙⵍⵍⵉ ) ⴰⴽ ⴰⵙⵏ ⵢⴰⵍⵙ ⵜⵏ ⵖⵉⴼⵙ ⵉⴽⴽⵉⵏ ( ⴰⴼⵔ 129 ), ⵢⵓⴳⵉ ⴰⵙⵏ ⴷ ⵉⴷⴷⵓ ⵖⵔ ⵓⴱⵔⵉⴷ. ⵉⵏⵙⵉ ⵓⵔ ⵜ ⵢⵓⵖ ⵉⵚⵉⴹ ⵏ ⵜⵅⵉⵜⵔⵜ ⴰⴽ ⴰⵙⵏ ⵢⵉⵏⵉ ⵉⵙ ⵏⵜⴰ ⴰⴷ ⵜⵏ ⵉⵏⵏⴰⵏ. ⵡⴰⵍⴰⵢⵏⵏⵉ ⵡⵏ ⵉⵙⵙⵓⴼⵖⵏ ⵉⵙ ⴷ ⵉⵍⵙ, ⵙ ⵢⵉⵍⵙ ' ' ⴰⵢⴷ ⴷⴰ ⵜⵜⵢⴰⵍⴰⵙⵏⵜ ' ' ( ⴰⴼⵔ 130 ). ⴰⵡⴰⵍ ⵏ ⵉⵏⵙⵉ ⵢⴰⵎⵓ ⴷ ⵓⵙⵖⵉⵎ ⵏ ⵀⵉⴷⴳⴳⵔ ⵎⴰⵏⵉⴳ ⵉⵙⵙⴽⵙⵉⵡ ⵉⵙ ⴷ ⵉⵍⵙ, ⴷ ⵡⴰⵡⴰⵍ, ⴰⴳ ⵜ-ⵉⵏⵉⵏ ⵓⴳⴳⵉⴷ; ⵡⵏ ⵉⵙⵙⴰⵡⴰⵍⵏ. ⵓⵔ ⴷ ⵡⵏ ⵉⵙⵙⴰⵡⴰⵍⵏ ⴰⴳ ⵙⵏⵢⵓⴷⴷⵓⵏ ⵉⵍⵙ. " ⴰⵡⴰⵍ ⵅⴰ ⵉⵜⵉⵏⵉ ⵉⵅⴼ ⵏⵏⵙ ⴳ ⵓⵎⴰⵜⴰ ⵅ ⵍⴳⵓⴷ ⵉⵜⵜⵡⴰⵏⵏⴰⵏ ⵀⴰ ⴷ ⵏⵜⴰ ⵣⴳ ⵣⵉⴽ ⴷ ⵓⵣⴷⵉ ⴰⴳ ⵜⵜⵡⴰⵏⵏⴰ ⵜⴳⵓ ⵉⵍⵙ ⵉⵜⵜⵓⵙⵉⵡⵍⵏ " ( 4 ). ⴽⵎ ⴷ ⵏⴽⴽⵓ ⵜⴰⵎⵏⴰⵟⵟ ⵏ ⵎⴰⵏⵉⴳ ⴰⴳ ⵜ ⵉⵏⵉ ⵓⴳⴳⵉⴷ ⵉⵡⴰⵍⵉⵡⵏ, ⴷ ⴰⴷ ⵏ ⴹⵔ ⴳ ⵜⵉⵃⵍⵍⴰⵍ, ⵢⵓⵍⵉⵏ ⴰⴷ ⴳⵉⵏ ⵜ ⴰⵢⵏ ⵉⵖⵣⴰⵏ, ⴷ ⵙⵜⵉⵜ. ⴽⵎ ⵏⵣⵔⵉ ⵣⴳ ⵓⵣⵉⵍⴰⵍ ⵉⵜⵓⵜⵛⵏ ⴰⵜⵉⴳ ⵉⵢ ⵉⵍⵙ, ⵏⴷⴷⴰ ⴰⵏ ⴽⴽⵙ ⵛⴰ ⵉⴳⴰⵏ ⵏ ⵜⵃⵍⵍⴰⵍ, ⵏ ⵓⵙⵉ ⴰⵎ ⵙⵜⵉⵜ, ⵀⴰ ⵜⵛⵉⵏ ⴰⵅ ⵙⵙⵉⵙⵏ ⵓⴽⵯⵔⵏ ⴰⵅ. ⵙ ⵓⵃⵔⵚⵉ ⵏ ⵉⵏⵙⵉ ⵏⵖⵔⴰ: ' ' ⵜⵖⵊⴷⵎ ⵜⴽⵯⵔⴽⵯⵙⵜ ⴳ ⵓⴷⵖⴰⵔ ⵏ ⵜⵉⴷⵜ ⴰⵍⵍⵉⴳ ⵜⴰⵖⵓⵍ ⴷ ⵜⵉⴷⵜ ' ' ( ⴰ. 145 ). ⵙⵙⵢⴰ ⵉⴳⴰ ⵍⴳⵓⴷ ⵉ ⵉⵏⵊⴷⴰ ⴰⴷ ⵍⵍⴼⵏ ⵉ ⵓⴷⵎⵎⵓ; ⵓⵔ ⵜ ⵟⵟⴼⵏ ⵎⴰ ⵙⵏ ⵉⴹⵔⵏ ⴳ ⵜⵎⴷⵊⵜ ⴷ ⵙⵜⵉⵜ. ⴰⵎⵣⵣⵓⵖ ⵉⵙ ⵓⵔ ⵉⵜⵜⴷⴷⵓ ⵅⴰⵙ ⵖⵔ ⵢⵉⵍⵙ; ⵓⵔ ⴷ ⵖⵔ ⵉⵎⴰⵡⵏ ⵉⵜⵅⵙⵏ ⴰⵅ ⴰⵙⵙⵏ, ⴽⵔⴼⵏ ⴰⵅ. ⵉⴷⵊ ⵓⵙⵖⵓⵏ ⴰⴳ ⵇⵇⵏⵏ ⵉⵡⴷⴰⵏ ⵏ ⵡⴰⵙⵙ ⴰⴷ ⴰⴽ ⴰⴷ ⴱⵟⴰⵏ ⴷ ⵉⵃⵍⵍⴰⵍ. ⴰⵙⵙⵃⵉⵍⵍ ⵉⴳ ⵉⵜⴰⴷ ⵜⵡⴰⵇⵇⵏⵏ ⴰⴽⴽ ⵎⵉⴷⴷⵏ ⵖⵔ ⵉⴷⵊ ⵡⴰⵡⴰⵍ. ⵢⵉⵅⵙ ⴽⵓ ⵉⴷⵊ ⴰⴷ ⵉⵥⵜ ⴰⵡⴰⵍ ⵉⵜⵉⵜⵉⵏⵉⵏ ⴱⵟⴰⵢⵟⴰⵢ, ⵓⵔ ⴷ ⵙ ⵜⵓⴼⵔⴰ. ⵙ ⵓⵔⴰⵄⴰⵢⵓ ⵏⴱⴰⴹ ⴰⵏ ⵏⵔⵎⵙ ⴰⵡⴰⵍ ⵎⴰⵏⵉⴳ ⵉⵜⵜⴻⵜⵜⵔ ⵣⴳ ⵎⵉⴷⴷⵏ ⴰⴷ ⵙⵙⵔⵙⵏ ⴰⴹⴰⴹ ⵏⵏⵙⵏ. ⴷ ⴰⵢ ⴰⵔⵓⵏ ⴰⵢⵏⵏⴰ, ⴷ ⵉⵏⵉⴷⵉ / ⵜⴰⵎⴰⵜⴰⵔⵜ ⵅⴼⵙⵏ, ⵉⵙ ⴽⴽⵉⵏ ⵙⵙⵢⴰ. ⵜⵉⵔⵔⴰ ⴰⴳ ⵜⵊⴱⴰⵔⵏ ⴰⵎⵣⵔⵓⵢ ⵓⵔ ⵢⵓⴽⵯⵉⵣⵏ ⵉⵅⴼ ⵏⵏⵙ ⴳ ⵡⴰⵍⵙⵉⵡⵏ ⵉⵟⵏⵉⵏ, ⵎⵇⵇⴰⵔ ⵉⵙⵡⵓ ⵣⴳ ⵙⵏ, ⵉⵜⵖⵉⵎⴰ ⴷⴳⵙ ⴼⴰⴷ; ⵓⵔ ⵅⴰ ⵙⵙⴰⵏ ⵎⵉⴷⴷⵏ ⵅⴰⵙ ⵙ ⵉⵎⴰⵡⵏ ⵏⵏⵙⵏ. ⴷⴰⵀⴰ ⵏ ⵉⵡⵟ ⵖⵔ ⵉⴷⵊ ⵓⵏⵣⴳⵓⵎ ⵉⵇⵙⵃⵏ; ⵉⴳⵉⵜ ⵓⵔ ⴰⵅ ⵉⵍⵍⵉ ⵅⴰⵙ ⴰⵏ ⴰⵔⵉ. ⵡⴰⵍⴰⵢⵏⵏⵉ ⵙ ⵉⵍⵙ ⵏ ⵜⵎⵓⵔⵜ ⵉⵣⴷⴷⵉⴳⵏ. ⵀⴰ ⵉⵜⵜⵓⴼⵔⵏⵏ; ⵉⵍⵙ ⵉⴷⵔⴱⵍⵏ ⵅⴰ ⵉⵜⵖⵉⵎⴰ ⴷ ⴰⵎⵍⵇⵇⵎ, ⴷ ⵙⴰⵔ ⵉⵄⴷⵍ ⴰⵙ ⵓⵙⵖⴰⴷ ⵏⵖ ⴷ ⴰⵙⴽⵙⵉⵡ. ⵜⵉⵔⵔⴰ ⴷ ⵜⴰⵎⴰⵔⴰ ⴰⵢ ⵜⴳⵓ, ⴰⵎⵔⵔⵜ ⵏⵏⵙ ⵓⵔ ⴷ ⴰⴷ ⵜⵏ ⵉⵜⵜⵉⵙⵉⵏ ⵅⴰⵙ ⵡⵏ ⵉⵜⵜⵡⴰⵇⵇⴷⵏ ⵙⵉⵙ. ⴽⵎ ⵏ ⵙⵚⵉⵔⵟ ⵉⵡⴰⵍⵉⵡⵏ ⵓⵙⴽⵍⵓ ⵉ ⵜⵉⵔⵔⴰ, ⵏ ⵓⴼⵉ ⵜⵏ ⵎⵙⴰⵙⴰⵏ; ⵍⵍⴰⵏ ⵙⵙⴰⵡⴰⵍⵏ ⵅ ⵓⵙⴽⴽⵉⵏ ⵏ ⵉⵅⴼ; ⴷ ⵡⴰⵜⵉⴳ ⵏ ⵜⵡⵓⵔⵉ ⵉ ⵎⵣⴰⵔⴰⵢⵏ ⵊⴰⵔ ⵏⵡⵏ ⵎⵉ ⵜⵍⵍⴰ ⴳ ⵓⴼⵓⵙ ⴷ ⵡⵏ ⵎⵉ ⵜⴱⵟⴰ, ⵓⵔ ⴰⵙ ⵜⵇⵇⵉⵎ ( ⴰⴼⵔ 153 ). ⵓⵔ ⵉⵍⵍⵉ ⵛⴰ ⴼⴼⵉⵔ ⵏ ⵜⵉⵔⵔⴰ, ⵉⵡⵏ ⵉⵅⵙⵏ ⴰⴷ ⵢⵉⵙⵉⵏ ⵙ ⵎⴰ ⴽⴷ ⵉⴽⴽⵓ; ⵏⵉⵜⵏⵉ ⵍⵍⴰⵏⵜ, ⵎⴰⵛ ⴰⴱⵔⵉⴷ ⴰⴳ ⵖⵣⵣⵉⴼⵏ ⵖⵔⵙ; ⴽⵎ ⵏ ⵚⵉⴹⵏ ⵉⵙ ⵜⵓⴷⵔⵜ ⴷ ⵜⴰⴽⵟⵡⴰⵏⵜ, ⵀⴰ ⴳⴳⵓⵜⵏ ⴰⵙ ⵉⵛⵛⵓⴹⵏ. ⴰⴼⵙⵜⵉ ⴷ ⵡⴰⵡⴰⵍ, ⵢⵉⵡⵟ ⵎⴰⵏⵉⴳ ⴰⵔⴰ ⵢⵉⵙⵉⵏ ⵎⴻⵎⵎⵉⵙ ⴰⵜⵉⴳ, ⵉⵍⵍⴰⵏ ⵙ ⵜⵉⵔⵔⴰ ⴷ ⵓⵙⵎⵖⵔ, ⴰⵙ ⵉⵜⵎⵎⵓⵛⵏ ⴰⴳ ⴷ ⵓⴷⵍⵉⵙ ⴰ; ⵓⵔ ⵜ ⵉⵣⵡⴰⵔ ⴰⴳ ⴷ ⵉⴷⵊ. ⴷ ⵡⴰⵟⵓ ⵉⵜⵉⴷ ⵢⵉⵡⵉⵏ, ⴷ ⴰⵏⵣⴳⵓⵎ, ⴰⴳ ⴷ ⵜⵎⵓⵔⵜ ⴰⴷ ⵓⵔ ⵜ ⵉⴷ ⵉⵡⵉ ⵣⴳ ⵓⵏⵇⵇⵔ, ⵏⵖ ⴷ ⵣⴳ ⵓⵖⵍⵍⵓⵢ, ⵣⴳ ⵜⵉⵍⵍⴰⵙ ⵓⵎⵣⵔⵓⵢ ⴰⴳ ⵉⵍⵍⴰ ⴳ ⵓⵣⵍⵎⴰⴹ ⵏ ⵉⴼⵔⵉ ⴽⵉⵢⴰ, ⵀⴰ ⵉⵙⵓⵍ. ⵜⴰⵡⵓⵔⵉ ⵏⵏⵙ ⵓⵔ ⵜ ⵢⵓⴽⵯⵔ ⵓⵎⵔⵡⴰⵙ, ⴰⵎ ⴰⴳ ⴷ ⴱⵓⵜⵓⵎⵎⵔⵜ ⴷ ⵓⴳⵔⵔⴰⵎ ⵓⵖⵉⵛⵜⵉⵏ, ⵓⵔⵜⵜ ⵉⵡⵉ ⵜⵖⵔⵎⴰ ⴰⵎ ⴰⵃⵃⵓⵍ ⵏⵖ ⴷ ... ⴰⵟⵓ ⵏ ⵓⴷⵍⵉⵙ ⴰ. ⴰⵏⵣⴳⵓⵎ ⵏⵏⵙ, ⵉⴳⵉⵜ ⵢ ⵉⵍⵙ ⴷ ⵡⴰⵡⴰⵍ ⵉⵅⵙⵏ ⴰⴷ ⵢⴰⵛⴽ, ⵉⵏⵏⵊⵍⴰ ⵉⴱⵔⴷⴰⵏ ⵏⵏⵙ; ⵓⵔ ⵜ ⴰⴷⵓⵣ ⴰⵜ, ⵉ ⵎⴰⵔⴰ ⵉⵙⵙⵉⵡⵍⵏ ⴳ ⵡⴰⵏⵙⴰ ⵏ ⵛⴰ, ⵙ ⵡⴰⵡⴰⵍ ⵏ ⵛⴰ ( ⴰⴼⵔ 158 ), ⴳ ⵓⴷⵖⴰⵔ ⴰⴷ ⵓⵔ ⴷⴰ ⵏ ⴰⴽⵯⵣ ⵉⵅⴼⴰⵡⵏ ⵏⵅ, ⵉⵙ " ⵎⴰⵜⵜⴰ ⵜⴰ ⵏⵜⵛⵏⵉ ⴰⴷⴷⴰ ⵜ ⵉⵍⵉ ⵜⴰⵎⴰⴳⴳⵉⵜ ⵏⴽ ⴳⵔⵉⵏ ⴰⴽⵜ ⵣⴳ ⴱⵔⵔⴰ? " ( 5 ). ⴰⴳⴷ ⵜⵉⵣⵉ ⵢⵓ, ⴰⵏ ⴰⵡⵟ ⴰⵏ ⴰⴽⵯⵣ, ⵉⴼⵙⵜⵉ ⴷ ⵓⵙⵓⵙⵎ, ⵉⴳⵉⵏ ⴰⵡⴰⵍ ⵉⵎⵎⵓⵔⵚⵏ. ⵢⵓⵔⵉ ⵙⴰⵔⴰⵎⴰⴳⵓ, ⴰⵙⵓⵙⵎ ⵉⵙ ⵉⴳⵓ ⴰⵡⴰⵍ " ⵉⵇⵇⵉⵎⵏ ⴳ ⵉⵔⵉ " ( 6 ). ⴷ ⵜⴰⵙⵙⴰⵙⵜ, ⴷ ⴰⴷ ⵜⵉⵍⵉ ⴽⵎ ⵉⴱⴹⴰ ⵡⴰⵡⴰⵍⵍ ⴷ ⵢⵉⵔⵉ, ⴽⵎ ⵅⴰⵙ ⵍⴰ ⵢⴰⵖⵓⵍ ⵉⵙⵓⵍ ⴰⴷ ⵉⴷⵓⵢ, ⴷⴰ ⵢⵉⵊⴱⵔ ⵉⵅⴼ ⵏⵏⵙ, ⵓⵔ ⵉⵜⴰⵛⴽ " ( ⴰⴼⵔ 164 ). ⵎⴻⵎⵎⵉⵙ ⵉⴼⵙⵜⵉ ⴷ ⵡⴰⵡⴰⵍ ⴷ ⵜⴰⵄⴰⵡⵉⵜⵜ ⵉⵙⵙⵉⴷⵉⵔⵏ ⵓⵙⵙⴰⵏ ⵏ ⵡⴰⵀⵍⵉ, ⵎⴰⵏⵉⴳ ⵉⵙⵓⵍ ⵓⵏⵏⵕⵥⵎ ⵉ ⵉⵙⴽⴽⵉⵏⵏ ⵏ ⵜⵓⴷⵔⵜ; ⵎⴰⵏⵉⴳ ⵉⵍⵍⴰ ⵖⵔⵙ ⴰⵎⵓⵔ ⴳ ⵡⴰⵡⴰⵍ. ⵙ ⵜⵡⵓⵔⵉ ⵢⵓ ⵉⵍⵍⴰ ⵉⵙⵙⵓⵔⴼ ( 7 ) ⵙ ⵉⵙ ⵏⵅ ⵛⴰ ⵉⴳⴰⵏ ⵏ ⵜⵎⵉⵣⴰⵔ ⴷ ⵓⵙⵙⴰⵏ, ⵙ ⵎⴰⵢ ⴽⴽⵉⵏ ⵏ ⵓⵖⵍⵍⵓⵢ ⵏ ⵜⴰⴼⵓⵢⵜ, ⴰⴳ ⵉⵙⵏ. ⴰⴽ ⴰⵅ ⵏ ⴰⴼ ⴰⴳ ⴷ ⵡⵉⴷⴷⴰ ⴷ ⵉⴷⴷⴰⵏ ⴰⴷ ⵙⵙⵉⵡⵍⵏ, ⵣⴳ ⵙⵏ: ⵜⴰⵙⵖⴰⵔⵜ, ⵉⵖⵥⵔ, ⴰⵊⵏⵏⴰ, ⵓⵛⵛⴰⵏ, ⵏⴰⵏⵏⴰ ⵉⵛⵛⴰ, ⵜⴰⵜⴰ, ⵜⴰⵣⵕⵓⵜ ⵜⴰⵇⵓⵔⴰⵔⵜ, ⴰⵛⴰⵍ ... ⵜⴰⵣⵔⵓⵔⵜ ⴰⵅ ⵉⵙⵙⵓⴼⵖ ⵓⵎⴰⵔⴰⵢ ⴷ ⵓⵎⵍⴳⴰⵣ ⴰⵀⵎⴰⴷ ⵀⴷⴷⴰⵛⵉ ⵜⵙⵙⵉⴷ; ⵜⴳⵓ ⴰⵥⴰⵕⵉⴼ ⵉⴷⵔⵓⵙⵏ ⵙ ⵉⵡⴰⵍⵉⵡⵏ ⵉⵜⵉⵙⵙⵉⵡⵍⵏ; ⵉⵙ ⵉⵜⵏ ⵜⵙⵙⵔⵡⵜ ⵜⵎⴰⵔⴰ ⵜⵥⴹⵉⵀⵏ ⵜⵏⴱⴰⵟⵟ, ⴳⴳⵯⵏ ⵜⵏ ⵉⴼⴰⵙⵙⵏ ⵓⵣⴳⴳⵔ ⴷ ⵜⵉⴽⵯⵓⵔⴹⴰ. ⴷⴰⵀⴰ ⴷ ⴰⴷ ⴰⵏ ⵖⵔ ⴰⵎⵣⵔⵓⵢ ⴰⵅ ⵉⵣⵣⵔⵏ ⵣⴳ ⵜⵎⵓⵔⵜ. ⵜⴰⵍⴰⵍⵉⵜ ⵏ ⵜⵄⴰⵡⵉⵜⵜ ⵓⵔ ⵉⴽⴽⵉⵏ ⵜⴰⵡⵓⵔⵉ ⵢⵓ ⵏ ⵀⴷⴷⴰⵛⵉ, ⵜⵜⴻⵜⵜⵔ ⴰⵢⵏ ⵉⴳⴳⵓⵜ ⵏ ⵓⵅⵎⵎⴻⵎ ⴷ ⵓⵙⵎⵇⴰⴷⴷⴰ; ⵉⵏⴱⵊⵉⵡⵏ ⴰⵔⴰ ⵉⵙⵙⵉⵡⵍⵏ, ⵓⵙⵉⵏⴷ ⴰⴷ ⵙⵎⴳⵔⴰⵡⵏ ⵅ ⵓⵅⵓⴱ ⵉⵜⵏ ⵉⵣⴷⵉⵏ, ⵓⵔ ⵎⵓⵏⵏ ⵅⴰⵙ ⴰⴽ ⴰⴷ ⵙⵎⵓⵏⵏ; ⵡⴰⵍⴰⵢⵏⵏⵉ ⴰⴽ ⴰⴷ ⵙⵙⵍⵓⵍⵏ ⴰⵢⵏ ⵓⵔ ⵉⴽⴽⵉⵏ, ⴳ ⵡⴰⵏⵙⴰ ⵢⵓ, ⵏⴷⴷⴰ ⴰⵏ ⵎⵍⴰⵍⴰ ⴰⴳ ⴷ ⵅⵓⵟⵟ ( ⴰⴼⵔ 164 ); ⴷ ⵏⵜⴰⵜ ⵜⴳⵓ ⵜⴰⵄⴰⵡⵉⵜⵜ ⵏ ⵜⵍⴻⵍⵍⵉ, ⵅⴰⵙ ⵜⴽⴽⵙ, ⴷⴰⵢ ⵉⵇⵟⴰ ⵡⴰⵡⴰⵍ ⴰⴳ ⴷ ⵉⵡⴷⴰⵏ, ⵓⵔ ⵉⵇⵇⵉⵎⵏ ⵅⴰⵙ ⵉⵄⵏⵥⴰⵍ; ⵉⵙⵓⵍ ⵓⴼⵟⵟⵓⵊ ⵏ ⵡⴰⴽⵯⴰⵢ ⴷ ⵓⵎⴼⴰⴼⴰ ⵏ ⵜⵎⵓⵔⵜ, ⵉⵍⵍⴰ ⵡⴰⵅⵅⴰ ⵓⵔ ⵜ ⵉⵙⵙⵉⵏ ⴰⴳ ⵉⴷⵊ; ⵉⵅⴼ ⵏⵏⵙ ⵏⵜⴰ ⵓⵔ ⵜ ⵉⵙⵙⵉⵏ; ⵉⴱⴰⴹ ⴰⴷ ⵉⴳ ⵉⵙⵍⵍⵉ, ⵀⴰ ⵜ ⵙⵍⵍⵎ ⴰⵙ ⴰⴷ ⴰⵡⵏ ⵉⵙⵖⵓⵢ " ⵏⵏⵡⴰ ⵙ ⵢⵉⵙⵉⵢ ⵏ ⵡⴰⵏⵣⴳⵓⵎⵏ ⵓⵔ ⵉⴳⵉⵏ ⵡⵉ ⵏⵏⵖ " ( ⴰⴼⵔ 164 ). ⵣⴳ ⵙⵙⵢⴰ ⴰⵔⴰ ⵉⵕⵥⵎ ⵓⵙⵏⵜⵉ ⵏ ⵜⵏⴽⵔⴰ. ⴳ ⵡⴰⴳⴳⴰ ⵢⵓ, ⵏⵅⵙ ⴰⴷ ⵏⴽⴽ ⵅ ⵓⵖⵎⵎⵓ ⵉⵙⵙⵉⴽⵎ ⵓⵎⴰⵔⴰⵢ ⴳ ⵓⵣⵟⵟⴰ ⵏ ⵓⴷⵍⵉⵙ ⵏⵏⵙ. ⵉⵍⵍⵙ ⵓⵔ ⵅⴰ ⵉⵣⴷⴷⵢ, ⵓⵔ ⵅⴰ ⵉⵜⵣⴷⴷⵉⴳ. ⵓⵔ ⵅ ⴰⴷ ⵉⵣⴷⴷⵢ, ⵉⵅⵙ ⴰⵙ ⴰⴷ ⵉⵙⵙⴳⵓⵏⴼⴰ, ⴰⴽ ⴰⴷ ⵢⴰⴼ ⵓⵎⵖⴰⵔ ⴰⴷ ⵉⵟⵟⴼ ⵉⴼⵉⵍⴰⵏ ⵏ ⵡⴰⵍⵍⵙ, ⵓⵔ ⴰⵙ ⵜ ⵎⵢⴰⴽⴰⵎⵏ. ⴷ ⴳ ⵉⴱⴷⴷⵉ ⵢⵓ, ⵉⵍⵍⴰ ⵢⴰⵙ ⴰⴷ ⵉⵓⵛ ⴰⵏⵙⴰ ⵉ ⵓⵏⴱⵊⵉ, ⴰⴷ ⵢⴰⴼ ⴰⴷ ⵉⵙⵙⵓⴼⵖ ⵓⴷⵎ ⵏⵏⵙ. ⵣⴳ ⵙⵙⵢⴰ ⴷ ⴰⴷ ⵏ ⴰⵙ ⵖⵔ ⵙⴰⵔ ⵉⵣⴷⴷⵉⴳ; ⵉⵙ ⵢⵓⵛⵓ ⴰⵏⵙⴰ ⵉ ⵓⵖⵎⵎⵓ ⵉⵟⵏⵉⵏ, ⴰⴽ ⴰⴷ ⵢⵉⵍⵉ. ⵅⵙⵅ ⴰⴷ ⵙⵙⵉⵡⵍⵅ ⵅ ⵉⵏⵣⴰⵏ; ⵉⵡⴰⵍⵉⵡⵏ ⵉⵇⵉⵟⵟⵏ; ⵉⴳⵉⵏ ⵓⴷⵎ ⵏ ⵜⵖⵔⵎⴰ ⴷ ⵜⵓⵙⵙⵏⴰ ⵜⴰⵎⴰⵣⵉⵖⵜ. ⴰⴱⵔⵔⵎ ⵖⵔⵙ ⵉⴷⴷⵊⵉⵜ ⵉⴷ ⵉⵙ ⵍⴰ ⴽⵎⵎⵙⵏ ⵛⵉⴳⴰⵏ ⴳ ⵜⴳⵓⵔⵉⵡⵉⵏ ⵉⴷⵔⵓⵙⵏ. ⵜⵓⴷⵔⵜ ⴰⴽⴽ, ⵅⴰ ⵜ ⵜⵡⴰⵏⵏⴰ ⴳ ⵉⵛⵜ ⵏ ⵜⵡⵉⵏⵙⵜ. ⵀⵎⴷ ⵀⴷⴷⴰⵛⵉ ⴳ ⵓⵣⵟⵟⴰ ⵓ ⵉⴳⵔⵓ, ⵉⵙⵙⵏ ⴰⴷ ⵢⴰⴳⵎ ⵉⵏⵣⴰⵏ ⴰⴽ ⴰⴷ ⵉⵙⵙⵓ ⵉⴳⵔ ⴰⴷ, ⴷⴰ ⵢⵓⵛ ⴰⵙⵏ ⵜⵉⴽⴽⵍⵜ ⵉⵟⵏⵉⵏ, ⵎⴰⵏⵉⴳ ⴰⵔⴰ ⴷⴷⵔⵏ, ⵊⴰⵔ ⵉⵡⴰⵍⵉⵡⵏ ⵉⵟⵏⵉⵏ; ⵜⴰⵙⵎⵓⵏⵜ ⵏⵏⵙⵏ ⵜⵍⵍⴰ ⵅⴼⵙ ⵍⴱⵏⴰⵏⵉⵜ, ⵉⵙ ⵉⵜⵏ ⵉⵔⵛⴳ ⴳ ⵡⴰⵏⵙⵉⵡⵏ ⴰⵙⵏ ⴷ ⵢⵓⵙⵉⵏ, ⵓⵔ ⵜⵏ ⵉⵣⴷⵉⵎ ⴷ ⴰⴽⵔⴽⵓⵔ ( 8 ), ⵉⴼⴼⵖⵏ ⵜⵓⴷⵔⵜ. ⵉⵏⵣⵉ ⴷ ⴰⵏⵣⴳⵓⵎ ⴰⵔ ⴰⴽ ⵢⴰⵖⵏ, ⴽⵎ ⵓⵔ ⵜ ⵓⴽⵯⵉⵔⵜ ⵢⴰⴽⵯⵔⵉⵛ. ⵉⵎⵣⵡⵓⵔⴰ ⵏⵏⴰⵏ, ⴰⵔⴰ ⴷ ⵛⴽⴽⵉⵏ ⵎⴰⵢ ⵜ ⵉⵏⵉⵜ. ⴷ ⴽⵎ ⵜⴷⵎⵉⵜ ⴳ ⴰⵢⵏ ⴰⴽ ⵏⵏⴰⵏ, ⵀⴰ ⵙⵙⵇⵔⴼⵏ ⴰⴽ ⵉⴼⴰⵙⵙⵏ ⵓⵔ ⴰⴽ ⵉⵅⵙ ⴰⴷ ⵜⵉⵍⵍⵜ, ( ⴰⴼⵔ 128 ) ⵢ ⵉⵅⵙ ⴰⴷ ⵜⵜⴰⵙⵙⵜ. ⵡⵏ ⵉⵡⵡⵜⵏ ⴰⴼⵓⵙ ⵏⵏⵙ ⵢⴰⵙⵙⵉⵜ, ' ' ( ⴰⵎⴰⴹⴰⵍ ⵏ ⵜⵓⴷⵔⵜ ) ⵓⵔ ⵉⴳⵉ ⵜⵉⵖⵎⵔⵜ ⵉⵇⵇⵓⵔⵏ ⵅ ⵎⴰⴷ ⵏⴽⴽⵔ, ⵡⴰⵍⴰⵢⵏⵏⵉ ⴰⵏⵍⵍⵉ ⵉⵣⴷⵖⵏ ⴰⵙⵙⴰⵣⵏ, ⵉⵍⵍⴰⵏ ⴳ ⵍⴳⵓⴷ ⵏ ⵜⵉⴱⵔⴰⵜⵉⵏ ... ⵎⴰⵏⵉⴳ ⵏⴱⴰⴹ ⴰⵏ ⵇⵇⴰⵍ ⴰⵛⴰⵍ, ⵜⴰⵎⵓⵔⵜ, ⴰⵎ ⴰⵢⵏ ⵉⵜⴰⴷⵊⴰⵏ ⵡⵏ ⵉⵟⵏⵉⵏ ⵢⵓⵜⵜⵚ ' ' ( 9 ). ⴰⴳⵯⵀⴰⵣ ⵜⴰⴳⵓⵔⵉ ⴷ ⴰⵙⵜⵜⵉⵢ. ⴷ ⵓⴱⴷⴷⵉ ⵏⴳⵓ ⴷⴰⵀⴰ ⴰⴳ ⴷ ⵓⴷⵍⵉⵙ ⴷ ⵢⵓⵙⵉⵏ ⴳ ⵜⴰⴼⴼⴰⴼⵜ ⵏ ⵓⵎⵣⴳⵓⵏ, ⵣⴳ ⵊⴰⵔ ⵉⵏⵉⴷⴰⵏ ⵉⵟⵏⵉⵏ, ⵏ ⵀⴷⴷⴰⵛⵉ ⵓⵔ ⵉⵏⵏⵉ ⴰⴷ ⵉⵙⵙⴰⵙⵓ ⴰⴽⴽ ⵎⴰⴳ ⵍⵍⴰⵏ ⵏ ⵍⴳⵓⴷ ⴰⴷ ⵜⵉⵙⵎⵓⵏ; ⴷ ⵏⵜⵛⵏⵉ ⵓⵔ ⵏⴻⵏⵏⵉ ⴰⵏ ⴰⵣⵣⵍ ⴳ ⵉⴱⵔⴷⴰⵏ ⴳⴳⵓⵜⵏ ⵉⵏ, ⵉⵜⵉⵥⴹⵉⵏ. ⵜⵉⵜⵉ, ⵜⵉⵜⵉ ⴰⵙ ⵎⵉ ⵉⵜ ⴰⵍⵉ ⵓⴷⵉ, ⴽⵎ ⵓⵔ ⵜⵍⵍⵉ ⵜⵉⵜⵉ, ⵓⵔ ⵜⵏⵏⵉⵜ ⴰⴷ ⵜⵜ ⵜⵙⵙⵏⴷⵓⵜ. ⵀⴰ ⴽⵯⵏⵏⵉ, ⵀⴰ ⵓⵙⵙⴰⵏ ( ⴰⵛⵡⵡⴰⵍ ) ⵅⵙ ⴰⴽ ⵍⴰⵖⴰⵅ ⵎⴻⵎⵎⵉ, ⵡⴰⵍⴰⵢⵏⵏⵉ ⵣⵕⵉⵅ ⵓⵔ ⵏⵇⵇⵉⵎ ⵏⵎⵢⴰⵙⵙⴰⵏ. ⴰⵖⵓⵍⵏ ⵉⵎⵥⵢⴰⵏⵏ ⴰⴳ ⵜⵜⴰⵔⵓⵏ ⴰⵙⵙ ⴰ. ⵏⵜⵛⵏⵉ ⴰⵙⵙⵓ ⵓⵔ ⴰⵅ ⵢⵇⵇⵉⵎ ⵎⴰ ⵢ ⵏⵜⴳⴳⴰ ⵉⵡⵙⴽⴽⵉⵏ ⵏⵅ. ⴰⵢⵏ ⵅⴼ ⵏⵅ, ⵎⴰⴽⴰ ⵢⴷ ⵏⴽⴽⵔ ⵅⴼⵙ ⵏ ⴳⵉⵜ; ⴰⵅ ⵉⴷ ⵣⴷⴷⵉⴳ ⵡⴰⵢⵢⵓⵔ, ⴳ ⵜⵉⴽⵍⵉ ⵜⴰⵎⵣⵡⴰⵔⵓⵜ; ⵓⵅⴰ ⵏ ⵜ ⴰⵙⴰ ⵎⴰⵏⵉⴳ ⴰⵔ ⴰⴷ ⵏⵙⵙⵔⵙ ⴰⴹⵔ, ⴰⵍ ⴰⵅ ⵜⵣⵡⴰⵔ ⵜⴰⴷⵉⵙⵜ, ⵜⴹⴼⴰⵔⵉⵜ ⵜⴰⴷⵉⵙⵜ, ⴼⴼⵉⵔ ⵏ ⵜⴰⴷⵉⵙⵜ. ⴰⴷ ⴰⵢ ⵏⵡⵡⵜ ⴰⵏⴼⴰ, ⵅⴰⵙ ⵉⵖⵖⴷ ⴰⴳ ⴷⵊⵓ ⵡⴰⴼⴰ; ⴷⴰⵢ ⵏⵀⵣⵀⵣ. ⵅⴰⵙ ⵉⵎⵉⵇ ⵏ ⵓⵣⴳⵓ, ⵜⴰⵏⵏⴰⵢⵜ ⴰⵍⵍⵏ ⵖⵎⵙⵏ; ⴷ ⵎⴰⵜⵜⴰ ⵡⵓⴷⵎ ⵢⵇⵇⵉⵎⵏ. ⴷ ⴰⴷ ⴰⵢ ⴷ ⵉⴽⴽⵔ ⵓⵎⵍⴳⴰⵣ ⴰⴷ ⵉⵙⵙⵉⵡⵍ, ⵢⵉⵏⵉ ⵢⴰⴽ: " ⵜⵣⵔⵉⵎ ⴽⵓⵏⵏⵉ ⴳ ⵓⵜⵔⵔⵃ ". ⵙⵜⵉⵜ, ⵏⴳⵓ ⴰⵎ ⵉⴳⵔⵔⴰⵎⵏ, ⵏⵖ ⴷ ⵉⵄⵉⵙⴰⵡⵉⵏ, ⵓⵔ ⵅⴰ ⵏⵜⵜⵉⵏⵉ ⵢⴷⵔⵓⵙ ⵎⵇⵇⴰⵔ ⵢⵖⵓⵙ; ⴰⵢⵏ ⵉⵍⵍⴰⵏ ⴰⴷ ⵏⵙⵙⴽ ⵙ ⵉⵙ. ⵏⵜⵜⴰ ⴰⴷ ⵉⴳ ⴰⴳ ⴷ ⴱⵓⵀⵢⵢⵓⴼ. ⵡⴰⵍⴰⵢⵏⵏⵉ ⵎⴰⵅ ⵉⴷⴷⴰⵏ? ⴱⵓⵀⵢⵢⵓⴼ ⵙⴰⵔ ⵉⴽⴽⵙ. ⴰⴳ ⴷ ⴽⵎ ⵓⵔ ⵜ ⵜⵥⵔⵉⵜ ⵎⴰⵏⵉⴳ ⵉⵜⵜⴷⵎⵉⵜ, ⵓⵔ ⵢⴽⴽⵉⵙ, ⵅⴰⵙ ⵍⴰ ⵢⴼⴼⵖ ⴰⵏⵙⴰ ⵏ ⵜⵉⵙⴳⴳⵏ, ⴷ ⴽⵓ ⵉⴷⵊ ⵎⴰⴽⴽⴰ ⴳ ⵜⴰⵔⵓ, ⴷ ⴰⴷ ⵏⴰⴼ ⴱⵓⵍⴽⴰⵔⵉⴷ ⴷ ⴱⵓⵜⵖⵔⵚⴰ. ⵢⵉⵡⵉ ⵜ ⵉⴷ ⵓⵎⵣⵡⴰⵔⵓ ⴳ ⵡⵉⵙⵙ ⵙⵉⵏ, ⴽⵔⴼⵏ ⴰⵅ ⵉⵍⵙ; ⵓⵔ ⵏⵥⵕⵉ ⵜⴰⵣⵔⴰ ⵉⵜⵢⵓⵔⴼⵏ, ⴷ ⵏⵜⵜⴰ ⵉⵏⵉ ⵢ ⴽⴽⴰ ⵅ ⴷ ⴰⵎⵔⵡⴰⵙ. ⵏⵜⴰⵜ, ⵓⵔ ⵉⵍⵍⵉ ⵎⴰⵅ ⵉⴹⴼⴰⵕⵏ ⵛⴰ. ⵏⴻⵏⵏⴰ ⵅⴰⵙ ⵜⴰⵇⴱⴱⴰⵜ ⴰⵢ ⵜⴳⵓ, ⵏ ⵓⴼⵉ ⵜ ⵜⵖⵓⴷⴰ, ⴷⴰⵢ ⵏⵟⵟⴼ ⵉⵜⵍⴰ ⵏⵣⵣⵔⵓⵢ ⵙ ⵉⵙ ⵓⵙⵙⴰⵏ. ⵜⵙⵙⵏⵜ, ⴰⵙⴽⴽⵉⵏ ⵏ ⵜⵡⵓⵔⵉ ⵢⵓ ⵍⴰ ⵢⵉⵖⵣⴰ ⴳ ⵎⴰ ⴳⴳⵉⵏ ⵓⴳⴳⵉⴷ, ⴰⴳ ⴷ ⵎⴰⵢⵎⵉ ⵢⵉⵙⵎⵎⴹ ⵡⵓⵍ, ⵢⵉⵖⵎⵙ ⴰⵙ ⵡⴰⵡⵏⵓⵍ, ⵎⴰⴽⴽⴰ ⵢ ⵜⵉⵏⵉⵜ; ⵅⴰ ⵢ ⵜⵅⵙ ⴰⴷ ⵢⵖⵊⴷⵎ, ⵡⴰⵍⴰⵢⵏⵏⵉ ⵏⵜⵛⵏⵉ ⵉⴷ ⵢⵓⵙⵉⵏ ⵣⵉⴽ; ⵜⵉⵏⵎⵍ ⴰⴷ ⴰⵅ ⵢⵉⵊⵍⴰⵏ. ⴰⴽⴰ ⵏ ⴰⵍⵉ ⵙ ⵉⵖⵔⵎ, ⵓⵔ ⵉⵍⵍⵉ ⵎⴰⴳ ⵇⵇⵉⵎⵏ? ⴰⴽⵯⵔⴽⵯⵓⵔ ⵏ ⵜⴽⵡⵡⴰⵣⵜ ⴰⵅ ⵢⵉⵍⵍⴰⵏ ⵊⴰⵔ ⵉⴼⴰⵙⵙⵏ; ⵖⵉⵔ ⴰⴽ ⴰⵎⵔⵡⴰⵙ ⴷ ⴰⵎⵔⵡⴰⵙ. ⵡⴰⵅⵅⴰ ⵢⵉⴳⵓ ⴰⵎⵥⵥⵢⴰⵏ ⵏⵖ ⴷ ⵢⵉⴼⵙⵓⵙ, ⴰⴷ ⴰⵢ ⵉⴳⴳⵣ ⴳ ⴱⴰⴱ ⵏⵏⵙ, ⴰⴷ ⵜⵉⵙⵚⵉⵡⵟ ⴰⴷ ⵉⵡⵡⵜ ⵙ ⵜⵖⵕⵉⵜ, ⵙ ⵡⵓⵣⵣⴰⵍ, ⵉⵡⵡⵜ ⵓⵍⴰⵡⵏ ⴷ ⵉⵏⵍⵍⵉⵜⵏ, ⵀⴰ ⵎⴰⴽⴽⴰ ⴳ ⴷ ⵉⵡⵟ ⴳ ⵓⵙⵙⴰⵏ ⵏⵅ. ⵣⴳ ⵙⵙⵢⴰ ⴰⵢ ⴷ ⵓⵍⵉ ⵏ, ⵡⵉⴷⴷⴰ ⵎⵉ ⵜⵍⴰⵖⴰ ⵎ ⵉⵅⵉⵏⵙⵍⵎ. ⵎⵉⴷⴷⵏ ⵍⴰ ⵢⵉⵡⵉⵏ, ⵉⵙ ⵏⴼⴼⵖ ⵣⴳ ⵜⵓⴷⵔⵜ, ⴷⴰⵢ ⵏⵙⵎⴰⵔ. ⵍⴰⵡⵡⴰⵀ! ⴰ ⵎⴻⵎⵎⵉ; ⵉⵛⵜ ⵏ ⵜ ⵏⴳⴳⴰⵔⵓⵜ ⴰⴳ ⵍⵍⴰⵏ, ⵓⵔ ⵅⴰⵜ ⵏ ⵜ ⴼⴼⵖ, ⵅⴰⵙ ⴰⵣⴷⴷⵓⵖ ⴰⴳ ⴱⵔⵔⵎⵏ ⴷ ⵜⴰⵙⵎⵟⵍⵜ, ⵎⴰⵏⵉⴳ ⴰⵔ ⴰⴷ ⵅ ⵜ ⵉⵍⵉ ⵜⴰⴱⴱⵓⵔⵜ ⵜⵔⵉⵡ, ⵅⴰ ⵜ ⴰⵖⵓⵍ ⵜⵇⵎⵔ, ⴽⵎ ⵓⵔ ⵉⵇⵇⵉⵏ ⵓⵣⵉⵍⴰⵍ ⴳ ⵍⵎⵔⵟ; ⴷⴰ ⵀⴰ ⵙ ⵓⵣⵟⵟⴰ ⵢⵓ ⵢⵉⴼⴰⴳⵎⵏ, ⵅⵙⵅ ⴰⴷ ⵙⵙⵉⵡⵟⵅ ⵉ ⵡⵉⵏⵏⴰ ⴳⴳⵉⵔⵏⵉⵏ, ⴽⵏⵏⵉ ⵎⵉⴷⴷⵏ ⵏ ⵡⴰⵙⵙⴰ, ⵉⵙ ⵢⵟⵟⴼ ⴽⵓ ⵉⴷⵊ ⴰⵏⵙⴰ ⵏⵏⵙ? ⵜⵜⵓⵖ ⵜ ⵉⵏⵉ ⵅ ⵊⴰⵔ ⴷ ⵉⵅⴼ ⵉⵏⵓ, ⵙⴰⵔ ⵙⵙⴳⵓⵏⴼⴰ ⵅ ⵅⴰⵙ ⴽⵎ, ⵉⵡⵟⵅ ⵜⴰⵙⵏⵏⵍⵜ. ⴼⴼⵉⵔ ⵎⴰⵢ ⴳⴳⵓⴷⵊⵅ, ⵓⵔ ⵅⴰⵜ ⴰⵡⵟⵅ ⴰⴳ ⴰⴷ ⵇⵇⵏⵅ ⴰⵍⵍⵏ, ⴰⵏⵎⵔⵉ ⴰ ⵎⴻⵎⵎⵉ, ⴷ ⵓⵎⵔⵔⵜ, ⴰⴳ ⵣⵣⴰⴹⵏ ⵉⵡⴷⴰⵏ, ⵡⴰⵅⵅⴰ ⵍⴰ ⵜⵡⴰⴽⴽⵙⵏ, ⵓⵔ ⵍⵍⵉⵏ ⴷⴰ. ⵎⴻⵎⵎⵉ, ⵛⴽⴽⵉⵏ ⵣⴳ ⵊⴰⵔ ⵎⵉⴷⴷⵏ. ⵉⴳ ⴰⵢⵏ ⵜⵙⵙⵉⵡⵟⵜ, ⵓⵔ ⵏⵇⵇ ⵛⴰ ⵉⵅⴼ ⵏⴽ, ⵓⵔ ⵢⵉⵍⵍⵉ ⵎⴰⴳ ⵙⵜⴰⵀⵍⵏ. ⵍⴰ ⵙⵙⵏⵅ ⵅⴰⵙ ⵡⵏ ⵢⴽⴽⵔⵏ ⵉ ⵛⴰ, ⵓⵔ ⴰⵙ ⵢⵉⵜⴰⴷⵊⴰ ⵎⴰⵏⵉⴳ ⴰⵔ ⴰⴷ ⵜ ⵙⵙⵉⵍⵉ ⴰⴳⴷⵕⵓⵔ, ⴰⵎ ⵎⴰⴽⴰ ⴳ ⵉⵏⵏⴰ ⵔⵓⵏⵉ ⵛⴰⵔ. " ⵕⵥⵎ ⵉ ⵜⴰⵢⵏⵔⵜ ⵏⵏⴽ ⵓⵔ ⵙⵙⵉⴽⵉⵏ ". ⵣⵣⵔⴰⴱⵉⵜ, ⵓⵔ ⵅ ⴰⴷ ⵜⴰⵡⵉ ⵅⴰ ⵙ ⵓⵣⵔⴷⴰⴱ, ⴽⵓ ⵢⴰⵙⵙ ⵣⵕⵉⵅ ⵜ ⵜⵉⵡⵉ ⴰⵎⴰⵣⵉⵖ, ⴳ ⵉⵛⵜ ⵏ ⵜⵡⴰⵍⴰ ⵖⵔ ⴱⵟⵟⵓ ⴷ ⵓⵔⵓⵎⵉ; ⵓⵔ ⵅⴰⵙ ⵢⵉⵟⵟⴰⵡⵜ ⴰⵍⵍⴰⵖ, ⵅⴰⵙ ⴽⵎ ⴰⵙ ⴽⵯⵔⴼⵏ ⵉⵍⵙ ⴷ ⵉⴼⴰⵙⵙⵏ, ⵜⴰⵣⵣⵍⴰ ⴰⵙ ⵉⵇⵇⵉⵎⵏ ⴰⴽⴰ ⴷ ⵢⵏⵡⵔ. ⴼⵜⴽ ⵜⴰⵟⵟⴰⵡⵉⵏ ⵜⴰⵎⴰ ⵏⴽ, ⵣⵣⴰⵜ ⴰⴽ, ⴰⴷ ⵜ ⴰⵏⵏⴰⵢⵜ ⵎⵛⵃⴰⵍ, ⴰⴳ ⵓⵣⵉⵏ ⴰⵀⵉⴹⵓⵔ ⵏⵏⵙⵏ, ⵙⵙⵉⵖⵏ ⴰⵙ ⵡⴰⴷ ⵉⵜⵜⵏⵓⵣⵏ ⴳ ⵜⵉⵖⵔⵎⵉⵏ, ⵙ ⵜⴽⵡⵡⴰⵣⵜ ⴷ ⵓⵖⵔⴱⴰⵣ. ⵓⵙⵉⵏ ⵜ ⵉⴷ ⴰⵎ ⵍⴳⵓⴷ ⵏ ⵓⵔⵟⵟⴰⵍ, ⵀⴰ ⵏⵜⵛⵏⵉ ⴳ ⵓⵎⵔⵡⴰⵙ ⵜⵉⴽⴽⵍⵜ ⴹⵏⵉⵏ. ⴰⵎⵎ ⵓⵎⵔⵡⴰⵙ ⴰⵎⵎ ⵜⴰⴽⵯⵏⴰ, ⵉⵡⴰ ⵇⵇⵉⵎ ⵜⴰⵎⴰ ⵏⵓ ⴰⴽ ⵙⵙⴰⵙⵓⵅ ⵜⵉⵎⴷⵊⵉⵏ, ⴰⴽ ⵉⵏⵉ ⵅ ⴰⵢⵏ ⵓⵔ ⵜ ⵙⵙⵉⴷⴷⵜ, ⴷ ⴷⴰⵜ ⵎⵉ ⴰⵔⴰ ⵢⵉ ⵜⴳⵜ ⴰⵣⵡⴰⵔ, ⵜⵄⵔⵔⵇⵜⵉⵢⵉ, ⵜⵏⵖⵍⵜ ⵅⴼⵉ ⵜⵉⵔⴳⴳⴰⵎ ⵏⴽ. ⵛⴽⴽⵉⵏ ⵓⵔ ⵜⵣⵕⵉⵜ ⵅⴰⵙ ⵜⴰⴽⵯⵏⴰ, ⵡⵏ ⵉⵜⵉⴷ ⵢⵡⵉⵏ ⵓⵔ ⵢⵍⵍⵉ ⵅⴼⵙ ⵡⴰⵡⴰⵍ; ⵜⵜⵓⵅ, ⵉⵏⵉ ⵛⴽ ⴷ ⴰⵡⵜⵎ; ⵜⵙⵙⵏ ⵜ ⵅⴰⵙ ⴰⵢ ⵜ ⵉⵏⵉ ⵜ ⵎⴰⵅ ⵓⵔ ⵔⵡⵉⵍⵅ? ⵎⴰⵔⴰ ⵉⴳ ⵡⵏ ⵢⵓⴼⵉⵏ ⴰⴱⴱⵔⴰⵡ ⵍⴰ ⵉⵖⵣⵓ ⵣⵣⴰⵜ ⴰⵙ? ⴰⵙⴽⴽⵉⵍ ⴳ ⵜⵎⵏⴰⵟ ⴷ ⴰⵢⵏ ⵏⵅⵙ ⴳ ⵓⵊⵎⵎⴰⴹ. ⴷⴰ ⵢ ⵚⵔⴹⵏⵜ ⵜⵉⵍⵍⴰⵙ. ⵅⴼⵓⵏ ⴽⵏⵏⵉ ⵅⵎⵉ ⵢⵉⵍⵍⴰ ⴰⴷ ⵢⵕⵥⵎ ⵉ ⵡⴽⵯⵔⵓⵙ, ⵍⵍⵅⵉⵜ ⵉⵣⵢⵢⵕⵏ. ⵍⴰ ⵜⵍⵍⴰ ⵛⴰⵏ ⵜⵉⵟⵟ ⵓⵙⵉⴷ, ⵔⵉⵅ ⵓⵔ ⴽⵏ ⵜ ⴰⵡⵉⵏ ⵉⵎⵏⵖⴰⵏ. ⵃⵟⴰⵜ ⵏ, ⵄⴷⵉⵍ ⴰⵜ ⴰⵜⴰⵙⵏ, ⴰⵙⵉⵙⵏ ⵜⵙⵙⵉⴷⵎ. ⵏⵜⵜⴰ ⵉⴷⵔⵓⵙ, ⵡⴰⵍⴰⵢⵏⵏⵉ ⵍⴰ ⵉⵜⵇⵇⴷ. ⴰⵙⴳⵉⵔⵜ ⵍⴰ ⵉⵏⵇⵇ, ⵢⴰⴷⵊ ⴰⴷⵔⴷⵎ, ⵙⵎⵇⴰⴷⴷⴰⵜ ⵜⴰⵡⴰⴷⴰ, ⴰⴷ ⵢⴰⴼ ⵓⵣⵔⴼ ⴰⴷ ⵢⴰⵡⵟ ⴰⵢⵜ ⵜⵎⴰⵣⵉⵔⵜ. ⵏⵜⵛⵏⵉ! ⴰ ⵎⴻⵎⵎⵉ, ⵏⴳⴳⵓⵏⵉ ⴰⵍⵍⵉⴳ ⵜⵓⵙⵉⵎ, ⴰⵢⵏ ⵅⴼⵏⵅ, ⵏ ⴳⴰⵜ; ⴰⴼⵟⵟⵓⵊ ⵢⵉⵅⵙ, ⵓⵔ ⵜ ⵜ ⴰⴷⵊ ⴰⵎ ⴰⴷ ⵉⵅⵙⵉ. ⵓⵔ ⵜ ⵙⵖⵉⴷⵜ ⵎⴰⴳ ⵉⵏⵏⴰ ⵓⵏⴰⵥⵓⵔ ⵉⴷⵉⵔ " ⵜⵡⵙⵚⴰ ⵢⵉ ⵢⵉⵎⵎⴰ ⴰⴷ ⴱⴷⴷⵅ ⴰⴳ ⴷ ⵢⵓⵎⴰ ⴰⴷ ⵢⵎⵖⵉⵔ ", ⴰⴷ ⵉⵄⵔⵔⵎ; ⵓⵔ ⵉⵜⵉⵙⵉⵏ ⵜⵉⴳⵓⵊⵍⴰ. ⵜⵓⴼⵉⵎ ⴰⵅ ⵍⴰ ⵏⵙⵙⵓⵙⵎ, ⴷ ⵓⵏⵣⴳⵓⵎ ⵍⴰ ⵉⴽⴽⵙⴰⵅ, ⵏⴳⵓ ⵓⵔ ⵏⵍⵍⵉ, ⴷⴰ ⵢ ⵉⵜⵉⵏⵉ ⵎ, ⵓⵔ ⵉⵍⵍⵉ ⵖⵔⵏⵅ ⵡⴰⵍⵓ; ⵜⵛⵛⴹⵜ! ⴰ ⵎⴻⵎⵎⵉ, ⵜⵙⵙⵏⵜ ⴱⵓ ⵢⵉⵖⵎⴰⵏ ⵎⵉ ⵜⵍⴰⵖⴰⵏ ⵖⴰⵏ ⴳⵓⴳ ⵎⴰⴷ ⵢⴰⴳⴳⵓⴳ! ⵡⵏ ⵅⴼ ⵎⵉ ⵜⵉⵏⵉⵏ ⴷ ⴰⴱⵓⵀⴰⵍⵉ, ⵓⵔ ⵉⴼⴼⵉⵖⵉⵍ, ⵉⵏⵏⴰ: ⵜⵓⴷⵔⵜ ⴰⵎ ⵓⴳⴳⵉⴷ / ⴰⴼⴳⴰⵏ, ⵢⵉⵅⵙ ⵓⵔ ⵉⵜⵜⴰⵎⵥ ⵅⴰⵙ ⵉⴷⵊ ⵓⴱⵔⵉⴷ. ⵜ ⵙⵙⵉⵡⵍⵜ ⵉⵢⵉ ⵅ ⵉⵛⵉⵔⵔⴰⵏ ⵏⵓⵏ; ⵓⵔ ⵔⵉⵏ ⴰⴷ ⴱⴹⵓⵏ ⴷ ⵢⵉⴼⴼ ⵏ ⵜⴰⴽⵯⵏⴰ, ⴰⴷⵊ ⴰⴷ ⵥⵥⴳⵏ; ⵅⴰⵙ ⴰⵢⴷⴷⴰ ⵏⵏⵙⵏ ⴰⵢ ⵜⵜⴻⵜⵏ ⵙ ⵓⵛⴼⴼⵔ. ⵜⵙⵓⵍⵎ ⴰⴷ ⵜⴳⴳⵓⵏⵉⵎ ⵙ ⵓⵏⴳⵉⴳⵉ ⴷ ⵜ ⵉⵔⵉⵜ ⴳ ⵉⵅⴼⴰⵡⵏ ⵏ ⵉⵡⴷⴰⵏ, ⴰⴽ ⴰⵡⵏ ⵢⵉⵍⵉ ⵓⵎⵓⵔ ⵏ ⵡⵓⵍⵍ. ⵉⴷⵊ ⵓⵙⴽⴽⵉⵏ ⴰⵔ ⴰⴷ ⴳⵏ ⵊⴰⵔ ⵡⴰⵍⵍⵏ ⵏⵏⵙⵏ, ⴰⴷ ⴳⵏ ⴰⴷ ⵜⵟⴼⵏ ⴰⴷⴷⵓⵔ ⵉ ⵜⴰⵙⴰ ⴷ ⵉⵎⵎⴰ ⵜⵙⵏ. ⵓⵔⴰⵔ ⴰⴷ ⵉⴳⴰ ⵛⵍⵍⴰ ⵏ ⵉⴼⵉⵍⴰⵏ, ⵉⴱⴰⴹ ⴰⴷ ⵢⴰⵖⵓⵍ ⵅ ⴱⴰⴱ ⵏⵏⵙ ⵉⵙⵙⵎⵓⵔⵚⵜ. ⵓⵔ ⵢⵉⴽⵓⵍ ⵓⵎⴰⵣⵉⵖ, ⴳ ⵓⵎⵣⵔⵓⵢ ⵏⵏⵙ, ⵉ ⵜⵙⴷⴷⵉⵜ. ⴱⴱⴰ ⵎⵓⵃ ⵓⵔ ⵉⵔⵉ ⴰⴷ ⵢⵉⴳ ⵅⴰⵙ ⴰⵢⵏ ⴰⵙ ⵉⵍⵍⴰⵏ ⴳ ⵓⵇⵔⴰⴱ ⵉⵃⵔⵔⴼ. ⵢⵜⵜⵓⵜ, ⴷ ⴰⵍⵍⵉⴳ ⵉⵡⵡⵜ ⴰⵏⴼⴰ ⴷⵉⴳⵙ, ⵉⵙⵕⵓⵜ ⵉⴷ. ⵉⵇⵇⵏ ⴰⴷ ⵏⵎⵙⴰⴼⴰⴹ ⴳⵔⴰⵜⵏⵅ ⴰⴳ ⵏⵏⴰ ⵉ ⵜⵎⴰⵣⵣⴰⵍⵜ ⵢⵏⵣⵉⵣⵏ: " ⵎⵓⵔ ⵅⴰ ⵉⵜⵜ ⴰⵡⵉ ⵡⵣⴳⵓ ⵜⵉⴱⵔⴰⵜⵉⵏ, ⴽⵓ ⵢⴰⵙⵙ ⴰⵙ ⴰⵣⵏⵅ ⵜⴰⵣⴷⵎⵜ ". ⵉⵏⵏⴰ ⵙ ⵅⴰⵙ ⵕⵥⵎ ⴰⵙⵏ; ⵡⵏⵏⴰ ⵢⵓⵔⵉⵏ ⵛⴰ, ⵉ ⵎⴰ ⵢⵉⵔⴰ ⵢⵉⵡⵟⵉⵜ; ⵉⴼⴰⵙⵙⵏ ⵉⵏⵓ, ⵢⵓⴽⵎ ⵜⵏ ⵓⵜⴼⵜⴼ; ⴷ ⵜⵖⵓⵔⵉ ⴷ ⴰⴽⴽ ⵜⴰⵎⵥ ⵛⵡⵉ, ⵍⵡⴰⵛⵓⵏ ⵙⵓⵍⵏ ⵓⵔ ⴰⵖⵓⵍⵏ ⵣⴳ ⵜⵉⵏⵎⵍ, ⴷ ⴳⴳⵉⵟ ⵉⴷⴷⴰ ⵉⵕⵥⵎ ⵉⵢ ⵉⵃⵓⵍⴰⵙ. ⵢⵉⵅⵙ ⴰⴷ ⵊⴱⵔⵅ ⴰⵢⴷⴷⴰ, ⵉⵙⵓⵍⵏ ⵉⵍⵍⵓⵣ ⴳ ⵡⴰⵟⵓ. ⴷⵊⵉⵅ ⵛⴽ ⵉ ⵛⴰ ⵏ ⵜⵡⴰⵍⴰ ⵉⵟⵏⵉⵏ. ⴰⵀⴰ ⵅ ⴱⵓⵏⵜ, ⵜⵜⵓⵅ ⴰⵡⴰⵍ ⵉⵢ ⵄⴷⴷⵎⵏ ⴳ ⵡⵓⵍ, ⵣⴳ ⵎⴰⵢ ⵜⵜⵉⵡⵟ ⵜⴰⴽⵯⵏⴰ, ⴰⴳ ⵉⵔⵙ ⵓⴽⵯⴰⵔⵉⴼ ⵉⴷⴰⵔⵔⵏ ⵉⵏⵓ; ⴷ ⴽⵓ ⵉⵜⵜ ⵉⵖⵣⵉⴼ ⴽⵓ ⵉⵜⵜ ⵇⵎⵉⵔ ⵜⵓⵙⵙⵓⵜ ⵉⵏⵓ. ⴷ ⵏⵜⵛⵏⵉ, ⵣⴳ ⵎⴰⵢ ⵜⴽⴽⵓ ⴰⵣⵉⵍⴰⵍ, ⴰⵢ ⴳⵉⵅ ⵜⴰⴷⵊⴰⵍⵜ. ⵉⵃⵎⵎⴰⵔⵏ ⵕⵥⵉⵏⵉⵏ, ⵓⵔ ⵅ ⴰⴷ ⵜⵏ ⵜⵇⵇⵏⵏ ⵡⵉⵏⵉⵏ ⴰⵔ ⴰⵡⵏ ⴷ ⴰⵡⵉⵏ. ⵀⴰ ⴽⵏⵏⵉ, ⵀⴰ ⵓⵙⵙⴰⵏ, ⴷ ⴰⵢ ⵜⵇⵇⴰⵍⵎ ⵉⵙ ⵉⴷⴷⴰ ⴰⴷ ⵉⴱⴷⴷ ⵓⵅⴰⵎ ⴰⵎ ⵎⴰⴽⴽⴰ ⵣⵔⵉ ⵣⵉⴽ; ⵉⴳⵔⴰⵏ ⵏ ⵡⴰⵙⵙⵓ ⵓⵔ ⵅ ⴰⴷ ⵜⵟⵟⵉⵇⵉⵚⵏ ⵅⴰⵙ ⵙ ⵓⵙⵎⵎⵓⵎ. ⵎⴻⵎⵎⵉ, ⵜⵇⵇⴰⵍⵜ ⵅⴰⵙ ⵓⴷⵎ ⵏ ⵜⵎⴰⵣⵣⴰⵍⵜ; ⵎⵓⵔ ⵜⵙⵙⵖⵉⴷⵜ ⵉⵜⵔⵇⵇⵉⵎⵉⵏ ⵉⵄⵎⵎⵔⵏ ⵜⵉⵡⵀⵏⴰⵜⵉⵏ ⴷ ⵉⵃⵏⴱⵍⵉⵡⵏ, ⵓⵔ ⴷⴰ ⵜⵜⴰⴼⴰⵜ ⵅⴰⵙ ⴰⵅⵓⴱ; ⵙⵙⵏⴷⵓ ⵜⴰⴳⵓⵔⵉ ⵏ: ⵜⴰⵎⴰⵣⵣⴰⵍⵜ, ⵜ ⵙⵔⵙⵜ ⴰⴷ ⵜⴰⵏⵏⴰⵢⵜ ⵎⴰⵔⴰ ⴰⴽ ⵢⴰⵍⵉ ⵏ: ⵜⴰⴷⵊⴰⵍⵜ. ⵉⵣⵔⴼⴰⵏ ⵅⵎⵉ ⵜⴰⵣⵣⵍⴰⵏ ⵜⵓⵍⴰⵡⵉⵏ / ⵜⵉⵎⵟⵟⵓⵜⵉⵏ, ⵍⴰ ⴷⴳⵙⵏ ⵛⴰ ⵢⵖⵓⴷⴰⵏ; ⴰⵟⴰⵔ ⴷⴳⵙⵏ ⵉⵍⵍⴰⵏ, ⵏⵜⵜⴰ ⴰⴽⴰ ⵜⵎⵣⴰⵔⴰⵢ ⴷ ⵜⴰⴷⴰⵡⵜ ⵏ ⵓⵔⴳⴰⵣ, ⵜⵇⵇⵉⵎ ⵜⵓⴳⵍ ⴳ ⵓⵛⵡⵡⴰⵍ, ⵉⵅⵙ ⴰⴷ ⵜⴰⵡⵟ ⴰⴷ ⵜⴱⴷⴷ ⵅ ⵉⵟⴰⵕⵏ ⵏⵏⵙ, ⵓⵔ ⵉⵄⴷⵉⵍ ⴰⴷ ⵜⴰⵎⵙⵏ ⴰⵍ ⵜⴳ ⴰⵙⵍⵍⵓⴼ. ⴷⵊⵉⵅ ⴰⴽ ⴰⵙⴳⵓⵏⴼⵓ; ⵍⴰ ⴽⵏ ⵙⵙⴰⵣⵓⵍⵅ, ⵙ ⵓⵎⵥⵢⴰⵏ, ⴷ ⵓⴽⵯⵙⵡⴰⵜ. ⵉⵙⵓⵍ ⵢⵉⵍⵙ ⵏ ⵜⵎⴰⵣⵉⵖⵜ ⵊⴰⵔ ⴰⵅ, ⵡⴰⵅⵅⴰ ⴰⴷ ⵜⵏⵙⵖ ⵣⴳ ⵓⵃⴰⵏⵓ. ⵜⴰⵔⴰⵄⵉⵜⵜ ⵜⴰⴱⵔⴰⵜⵜ ⵓ ⵜⴳⵓ ⵙⵜⵉⵜ ⵅ ⵉⴷⵊ ⵓⴱⵔⵉⴷ ⵉⵟⵏⵉⵏ. ⵢⵓⵔⵉⵜ ⵓⴷⵊ ⵓⵎⵍⴳⴰⵣ ⵉ ⵢⵎⵎⴰⵙ ⵉⴽⵯⵔⴼⵏ, ⴷ ⴰⵢ ⵓⴼⵉⵅ ⵓⵔ ⵉⴳⵉ ⵍⴳⵓⴷ ⴰⴷ ⵉⵇⵇⵉⵎ ⵍⴰ ⵉⵜⴳⴳⵓⵏⵉ ⴰⵎⵜⵜⵉⵏ ⴰⵙ ⵉⵙⵙⵉⵡⵍ, ⵏⵏⵉⵅ ⴰⵔ ⴰⴷ ⴰⴷ ⵏⴽⵛⵎ ⵜⵉⵃⵢⴹⵜ, ⵏⴰⵣⵏ ⴰⵙ ⵜⴰⴱⵔⴰⵜ, ⴰⵎⵎⵉ ⵢⵎⵎⴰⵙ ⴰⵙ ⵜ ⵢⵓⵣⵏⵏ, ⴷ ⵙⵜⵉⵜ, ⵡⵏ ⵢⵓⵔⵉⵏ, ⵅⴰⵙ ⵉⵙⵚⵉⵡⵜ ⵜⵉⵡⵉⵣⵏⵜ. ⴷ ⵢⵉⵍⵙ ⵉⵇⵇⵉⵎ ⵉⵣⴷⵉ. ⴰⴼⵙⵙⵓⵢ ⵏ ⵉⴼⵙⵜⵉ ⵢⵓⵔⵉ ⵉⴷⵎⵓⵏⴷ ⴳⴰⴱⵉⵙ, ⵉⵙ ⵍⴰ ⵏ ⵜⴰⵣⵣⴰⴹ ⴰⴷⵍⵉⵙ ⵍⴰ ⵉⵇⵇⵏ; ⴰⴽ ⴰⵜ ⵏ ⵙⵙⴰⵖⵓⵍ ⵍⴰ ⵉⵕⵥⵎ. ⴰⴳ ⴷ ⵉⵎⵓⵍⴰ ⵏ ⵜⵎⴽⵜⵉⵜ, ⴰⵢⵏ ⵓⵔ ⵅ ⴰⵏ ⵜⴻⵜⵜⵓ, ⵢⵓⴼⵓ ⵍⵅⴰⵜⵉⵔ ( 1 ) ⴰⴼⵔⵉⵡⵏ ⵏⵏⵙ ⵍⵍⵓⵣⵏ ⴰⵎ ⵜⵎⴽⵜⵉⵜ ⵏ ⴰⵢⵜ ⵓⵣⵍⵎⴰⴹ ⵏ ⵉⴼⵔⵉⴽⵉ ⴰ, ⴷ ⵓⵔⵣⵣⵓ ⵉⵖⵣⴰⵏ ⵉⵖⵣⵣⵉⴼ. ⵣⴳ ⵙⵙⵢⴰ ⴰⴳ ⴷ ⵉⵙⵙⵏⵜⵉ. ⴼⴼⵉⵔ ⴰⵙ ⵢⵓⵙⴰⵅⴷ ⴰⴷ ⵏⴽⴽ ⵅ ⵉⵙⵇⵙⵉⵜⵏ ⵏ ⵓⵔⵎⴰⵖ, ⴷ ⵓⴽⴽⵓⵙ ⵏ ⵜⵎⵍⵙⴰ ⴰⴽ ⴰⴷ ⴰⵅ ⵢⵉⵍⵉ, ⵊⴰⵔ ⵎⵉ ⴰⵔⴰ ⵏⵙⵜⵉ. " ⴰⵏ ⵙⵙⵉⵡⵍ ⵜⵉⴽⵯⵜ ⵏ ⵡⴰⵍⵙⵉⵡⵏ, ⵀⴰ ⵓⵔ ⵅ ⴰⵏ ⵜⴷⴷⵔ ⵅⴰⵙ ⴳ ⵉⴷⵊ. " ( 2 ) ⵙⵡⴰⵎⵎⵓ, ⴰⴳ ⵉⵅⵙ ⴰⴷ ⵉⵣⵔⵉ ⴰⴳ ⴷ ⵜⵎⴰⴳⴳⵉⵜ, ⵉⴱⴰⴹⵏ ⴰⴷ ⵜⴳ ⴱⵣⵣⴰⴼ, ⵀⴰ ⵜⵇⵇⵉⵎ ⴳ ⵉⵛⵜ ⵎⵉ ⴰⵔⴰ ⵏ ⵉⵙⵉⵏ ⴰⵏ ⵉⵍⵍ ⵀⴰ ⵏ ⵔⵛⵛⵇ, ⴰⵎ ⵎⴰⴽⴽⴰ ⴳ ⵉⵏⵏⴰ ⵄⵎⵔⵓⵛ ⴳ ⵉⵛⵜ ⵏ ⵜⵉⴽⴽⵍⵜ. ⵓⵔ ⴷ ⵢⵓⵙⵉ, ⵉⴷⵊ ⵉⵍⵍⴰⵏ ⵃⵥⵥⵓⵟⵉ, ⴰⴷ ⵉⵣⵣⵡⵉⵔ ⵜⵉⵙⵖⵜ ⵏ ⵜⴰⵙⴹⴰⴹ. ⴰⵎⵓⵔ ⵏ ⵉⵅⴼ, ⵉⵜⴼⴽⵏ ⴰⵡⴰⵍ ⴳ ⵓⴷⵉⴷⴰ, ⴷ ⵢⵉⵡⵉ ⵅ ⵓⵔⵣⵣⵓ ⵏ ⵜⵎⴰⴳⴳⵉⵜ, ⵓⵔ ⴰⵙ ⵉⵍⵍⵉ ⵙ ⵎⴰⵏ ⵉⵖⵔ ⵣⵣⵉⴳⵙ; ⵓⵔ ⴷ ⵢⵓⵙⵉ ⴰⴷ ⵜⵢⴰⴳⵍ. ⵎⴰⵔⴰ ⵙ ⵉⴽⴽⵙⵏ ⵉ ⵓⵏⴳⴰⵍ ⴰⴷ ⵓⵔ ⵉⵜⵇⵇⵏ, ⴰⵙⵔⵡⵜ ⵅ ⵉⵅⴼ, ⵀⴰ ⵉⵇⵇⵉⵎ ⵇⴰⵃ ⴷ ⵓⵏⴳⴰⵍ? ( 3 ). ⴰⵎⵣⵔⵓⵢ ⴰⵎⵙⵙⴰⵙ ⵉⵍⵙ ⵏ ⵓⵏⴳⴰⵍ ⵉⵙⵙⴰⵡⴰⵍⵏ ⵙ ⵏⵜⵛ, ⵉⵜⵜⵍ ⴰⵙ ⵓⵙⵓⵙⵎ ⵣ ⵎⴰⵏⵉⴳ ⵉⴱⵔⵔⵎ. ⴰⵡⴰⵍ ⵉⴱⴱⵉ, ⴷ ⴰⴳ ⵓⵡⵙⵙⴰⵔ, ⵉⴳⵉⵏ ⴰⵇⵔⴰⴱ ⵏ ⵜⵓⵙⵏⴰ ⵜⴰⵎⴰⵣⵉⵖⵜ, ⵜⴰⵏⵓⵜ ⵉⵃⵟⴰⵏ ⵎⴰⴳ ⵣⵔⵉⵏ, " ⵉⴹⴼⵓⵔ ⵉⵢⵢⵉ ⵙ ⵡⴰⵍⵍⵏ " ( ⴰⴼⵔ 14 ). ⴰⵏ ⴱⴰⴹ ⴰⵏ ⵉⵥⵉⵕ ⴳ ⵓⵔⴰⵄⴰ ⵢⵓ, ⵜⴰⴹⵓⵔⵉ ⵏ ⵜⵏⴱⴰⵟⵟ ⵏ ⵟⵟⴰⵍⴱ, ⵉⵙ ⴷ ⵓⵙⵉⵏ ⵡⵉⴷⴷⴰ ⵉⵜⵙⵇⵙⴰⵏ: ⵀⵉ ⵡⴰⵏⵙⴰ ⵏⵅ ⴳ ⵜⵎⵓⵔⵜ ⴰ? ⴰⴳⴷ ⵉⵍⵙ ⵏ ⵉⵎⵓⵍⴰ ⴷ ⴰⴷ ⵉⵏⵉ: " ⵓⵔ ⵏⵙⵙⵏ ⵢⴰⵜ ⴼ ⴷⴰⵔⵏⵅ, ⵉⵍⵉⵖ ⵏⵍⵍⵓⵍ, ⴷ ⵡⵉⵍⵍⵉ ⴼ ⴷ ⵏⵍⵍⵓⵍ, ⴰⴽⴰⵍ, ⴰⵎⵣⵣⵔⵓⵢ, ⴰⵡⴰⵍ ... " ⵡⴰⴷ ⵜⴰⵖⵓⵔⵉ, ⴷ ⵓⴼⵔⵉⵖ ⴰⵙⵙⵎⵉ ⴰⵅ ⵄⵎⵎⵔⵏ ⵉⵇⵔⵔⴰ; ⵡⵡⵜⵉⵏ ⵍⵃⵙⵙ ⵅⴼⵙⵏ. ⵀⴰ ⴷⵊⵉⵏ ⵓⵔ ⴰⵅ ⵏⵏⵉⵏ ⵅ ⵉⴳⵍⵍⵉⴷⵏ ⵏ ⵜⵎⴰⵣⵖⴰ ⵍⴰ ⵎⵔⵔⵜⵏ, ⵙ ⵓⵙⵙⴱⴷ ⵏ ⵉⵖⵔⵎⴰⵏ ⵙ ⵓⵏⵛⵜ ⵏ ⵍⴱⵖⵍⵉ ⵉⴽⴽⵉⵏ ⵅ ⵉⴼⴰⴷⴷⵏ ⵏⵏⵙⵏ. ⴽⵎ ⵏ ⵜⵜⴰⵡⴳ ⵅ ⵓⵎⵣⵣⵔⵓⵢ, ⴷ ⴰⴷ ⵜⵏ ⴰⴼ ⵉⵣⴷⵢ, ⴷ ⵉⴷⵊ ⵓⵏⵣⴳⵓⵎ; ⵏⵖ ⴷ ⴰⵙⵡⵉⵏⴳⵎ ⵉⵜⵢⴰⴳⵍⵏ, ⵣⴳ ⵡⴰⵀⵍⵉ, ⵢⴰⵖⵓⵍⵍ ⵙⵉⵙ ⵉⵍⵙ ⵏ ⵉⵎⵓⵍⴰ ... ⵖⵔ ⵓⴳⵔⵔⴰⵎ ⴰⴳⵓⵙⵜⵉⵏ, ⵢⴰⵡⵉⵜⵉⴷ ⴰⵍ ⵉⵎⵓⵙⵏⴰⵡ ⵏ ⵡⴰⵙⵙⴰ, ⴷ ⵓⵣⵎⵣ ⴳ ⵎⵉ ⵏⵍⵍⴰ ⴰⵍ ⴰⵙⵓⵙⵎ ⵉⵇⵇⵏⵏ ⵉⵡⴷⴰⵏ, ⵉⵙⵓⵍ ⵉⵣⵢⵢⵔ, ⴰⵍⵍⵉⴳ ⵓⵔ ⵓⴼⵉⵏ " ⵜⵉⵎⴹⵍⵜ ", ⵎⴰⵏⵉⴳ ⵙⵙⴳⵓⵏⴼⵓⵏ. ⵔⵉⵅ, ⴰⴷ ⵜⵜⴰⵡⵙⵙⵏⵏ ⵉⵡⴰⵍⵉⵡⵏ; ⵣⵔⵉⵏ ⴰⵅ, ⴰⴽ ⴰⴷ ⵏ ⴰⴼ ⵎⴰⵔⴰ ⵏ ⴰⵙⵉ ⴷ ⵎⴰⵔⴰ ⵏⴽⵯⵔⴼ. ⵓⵔ ⵥⵉⵍⵏ ⵜⵉⵡⵉⵔⵊⴰ ⵏ ⵜⵃⵍⵍⴰⵍ, ⴽⵎ ⵜⵍⵍⴰ ⵛⴰ ⵏ ⵜⵏⴳⴳⴰⵔⵓⵜ, ⵉⵥⵉⵕⴰⵜ ⴷⴳ ⵡⴰⵛⴰⵍ. ⵙⵡⴰⵎⵎⵓ ⵉⵇⵇⵏ " ⴰⴷ ⴷⴷⵓⵅ ⴰⴷ ⵙⵙⵉⴳⵍⵅ ⵖ ⵜⵙⵔⴼⵉⵏ ⵉⵇⵏⵏ ⵏ ⵉⵏⵖⵎⵉⵙⵏ " ( ⴰ, 11 ). ⴰⵎⵣⵣⵔⵓⵢ ⵡⴰⵔ ⴰⵣⵉⵍⴰⵍ ⵓⵔ ⵉⵅⵙ ⴰⵏ ⴳⴳⵓⵏⵉ ⵣⴳ ⵓⵎⵣⵣⵔⵓⵢ, ⵏ ⴰⵙⵙⵓ ⵏⵖ ⴷ ⵏⵡⵏ ⵣⵉⴽ, ⴰⵢⵏ ⵉⴳⴳⵓⵜⵏ; ⵉⵙ ⵉⵜⵜⵡⴰⵡⵜ ⵅⴼⵙ ⴷⴷⵔⵉ; ⴷⴰ ⵉⵇⵇⵉⵎ ⵉⵇⵇⵏ ⴰⵇⵎⵓ. ⴰⵍ ⴽⵎ ⴰⵙ ⵉⵕⵥⵎ, ⵉⵙ ⵅⴰⵙ ⴰⴽ ⴰⴷ ⵉⵏⵉ ⵜⴰⵏⴹⴼⴰⵔⵜ ⵏⵏⵙ ⵉⵡⵉⵏ ⵉⵟⵏⵉⵏ. ⴰⵢⵏⵏⴰ ⵉⵖⵣⴰⵏ, ⵉⴳ ⵙⵜⵉⵜ, ⵏⵜⴰ ⴰⴷ ⵉⵙⵇⵙⴰ ⵉⴷⵊ; ⵎⴰⴳⵎⵙ ⵏⵜⴰ, ⵎⴰ ⵣⴳ ⴷ ⵉⴷⴷⴰ, ⵙ ⵎⴰⵏⵉ ⴷⴷⴰⵏ ⵣⵣⵓⵖⵔⵏⵜ. ⴰⴷⴷⴰ ⵢ ⴷ ⵢⴰⵙ ⵓⴳⴳⵉⴷ, ⴰⴷ ⵉⴳ ⵉⵙⵇⵙⵉⵜⵏ ⴰ, ⴰⴷ ⵢⵉⵍⵉ ⵉⵙⵏⵜⵍ ⴰⵙⵉⴹⵏ ⵉⵜⵉⵜ ⴰⴷⵊⴰⵏ ⴰⴷ ⵢⵉⵍⵉ ( 4 ). ⴷⵉⵏ ⴰⴳ ⴷ ⴽⵎ ⵉ " ⴽⵔⵣ ( ⵢ ⵉⴷⵊ ) ⵖ ⵉⵙⵎⴹⴰⵍ ⵉⵇⴱⴱⵓⵔⵏ " ( ⴰⴼⵔ 49 ) ⴰⴽ ⴰⴷ ⵉⴰⵙⵉ ⵣⵣⵉⴳⵙⵏ ⵛⴰ, ⵓⵔ ⵜ ⴷⴷⵓⵏ ⴰⵎ ⵜⴰⵣⵣⵍⵉⵡⵉⵏ ⵏ ⵜⵎⵟⵓⵟ ⵙ ⵜⵙⵉⵡⴰⴹ ⵏ ⵜⵓⵜⵔⴰⵜⵉⵏ; ⵏⵖ ⴷ ⵉⵙⵎⵟⴰⵍ ⵏⵏⵓⵏ ⴽⵯⵔⵣⴰⵜⵜⵏ, ⴰⵎ ⵎⴰⴽⴽⴰ ⴳ ⵉⵏⵏⴰ ⵢⴰⵏ ⵓⵎⵍⴳⴰⵣ. ⵎⵉⴷⴷⵏ ⴷ ⵓⵢⵏ ⵉⴽⴽⵉⵏ, ⴷ ⵎⴰⴽⴽⴰ ⴰⵜⵏ ⵜⵃⴹⵓ ⵏⵀⵍⴰ ⴰⴼⵍⴰⵢ, ⵉⴷⵊⵉ ⵜⵏ ⴰⴷ ⴳⵏ ⵉⴱⵙⵚⴰⵕⵏ; ⵉⵙ ⵍⴰ ⴷⴼⴰⵕⵏ ⴰⵢⵏ ⵏⴰ ⵉⵜⵏ ⵜⴽⵔⴰⴹⵏ; ⴷ ⵖⵔⵎⵉ ⵙⵎⵓⵇⵇⵓⵍⵏ ⴰⵎ ⵡⴰⵡⴰⵍ ⵉⵖⵣⴰⵏ ⵓⵔ ⴷ ⵉⵡⵉ ⵉⵔⵛⴰⵢⵏ ⴷⵉⴳⵙ. ⵙ ⵜⵉⵙⵙⴰⵍ ⵉ ⵉⵔⵡⵉⵙ ⵉⵣⵉ, ⵉ ⵓⵔⵣⵣⵓⵏ ⴰⴱⵔⵉⴷ ⴳ ⵜⵉⵙⵉⵜ, ⵉⵇⵇⵉⵎ ⵍⴰ ⵉⵜⴱⴰⴱⴰ. ⴱⵓⵀⵢⵢⵓⴼ ⴽⵎ ⴷ ⵉⴽⴽⵔ, ⵓⵔ ⴷ ⵉⴽⴽⵉ ⵅⴰⵙ ⵅ ⵉⵎⵣⵍⴰⴹ, ⴳ ⵓⵙⴳⴳⴰⵙ ⵏ ⵍ ⴱⵓⵏ, ⵍⵍⴰⵏ ⵎⵉⴷⴷⵏ ⵉⴷ ⵢⴰⵖⵓⵍⵏ ⵙ ⵓⵢⴷⴷⴰ, ⴷⴷⵊⵉⵡⵏⵏ. ⵍⴰⵥ ⵉⵍⵍⴰ ⵎⵉⵍⵎⵉ ⵜⵜⵓⵙⵉⵜ. ⴰⵢⵜ ⵓⵟⵕⵕⵃ ⵓⵔ ⵜ ⵙⵙⵉⵏⵏ ⵅⴰⵙ ⵙ ⵉⴷⵍⵙⴰⵏ; ⵛⵓⴽⵔⵉ ⴳ ⵓⵖⵔⵓⵎ ⴰⵃⵔⴼⵉ, ⵉⵙⵙⵉⵡⵍ ⵅ ⵎⴰⴳ ⵣⵣⵔⵓⵢⵏ ⵙ ⵜⴰⵎⵎⴻⵎⵜ, ⴷ ⵡⵏ ⵓⵔ ⵢⵓⴼⵉⵏ, ⵎⴰ ⵔⴰ ⵉⵙⵙⵎⵜⵏ. ⴷⴰ ⵢⴰⵣⵣⵍ ⵖⵔ ⵉⵙⵔⴰⵎⵏ ⴳⴳⴰⵔⵏ ⵉⵕⵓⵎⵉⵏ. ⵜⴰⵎⴰⵣⵉⵔⵜ ⵓⵎⴰⵣⵉⵖ ⴷ ⵉⵛⵜ. ⴳ ⵔⵔⵉⴼ ⵉⵏⵏⴰ ⵅⵜ ⵛⵓⴽⵔⵉ; ⵜⵉⵏ ⵍⴰⵜⵍⴰⵙ ⵉⵇⵇⵉⵙ ⴰⴷ ⵅⵜ ⵙⵔⵃⴰⵏ ⴳ ⵎⵙⵄⵓⴷⴰ; ⵜⵏ ⵙⵓⵙ, ⵢⵉⵡⵉⵜⵉⴷ ⵉⵍⵙ ⵏ ⵉⵎⵓⵍⴰ ⴰⵎ ⵎⴰⴽⴽⴰ ⵜⵣⵔⵉ ⵣⵉⴽ ⴷⵉⵀⵉⵏ, ⵖⵔ ⴰⵢⵜ ⵜⵎⴰⵣⵉⵔⵜ, ⴰⵍⵍⵉⴳ ⵅⵙⵏ " ⴰⴷ ⵙⴽⵔ ⵏ ⴰⵏⴳⵓⵍ ⵉⵖⵡⵎⴰⵏ " ⵄⴷⴷⵍⵏⵜ ⵣⴳ ⵜⵉⵥⵕⴰ ⵏ ⵡⴰⵙⵉⴼ. ⴰⵎ ⵎⴰⴽⴽⴰ ⵓⵔ ⵜⵔⵉ ⵍⴰⵍⴰ ⵅⵍⵉⵊ ⴰⴷ ⵜⵙⵙⵉⵡⵍ ⵅⴼ ⵎⴰ ⵉⴽⴽⴰⵏ, ⴱⵔⵔⵎⵏ ⵖⵔ ⵍⴱⵟⵟⴰ ⴰⵙ ⵙⵉⵙ ⵕⵥⵏ ⵜⴰⵄⴰⵡⵉⴷⵜ. ⴷ ⵓⴷⵉⴷⴰ ⵏⵜⴰ ⴰⵔ ⴰⴷ ⴷ ⵢⴰⵙⵏ ⵉⵎⵇⴰⴷⴷⴰ ⵅ ⵡⵏ ⵉⵜⴰⵍⵙⵏ, ⵙ ⵜⴳⵏⵉ ⴰⵙ ⵉⵜⵜⵡⴰⴳⴳⵏ ⵉ ⵓⵛⵟⴰⵜ; ⵉⵅⵙ ⵓⵔ ⵜⵜⴰⵙⴰⵏ ⵍⴰ ⵎⵏⵣⴰⵖⵏ; ⴰⴳ ⴰⵍⵍⵉⴳ ⵉⵜⵅⵙ ⴰⴷ ⵢⵉⵏⵉ ⵡⴰⵔ ⴰⵎⵙⴰⵙⴰ ⵏⵏⵙⵏ. ⴼⵏⴷⴷⵓ ⴳ ⵓⵏⴳⴰⵍ ⴰ, ⵢⵓⵙⴷ ⵅ ⵉⴷⵊ ⵓⴱⵟⵟⵓ, ⵊⴰⵔ ⵎⴰ ⵔⴰ ⵏ ⵄⴰⵡⴷ ⵅ ⴰⵢⵜ ⵏⵏⵊ, ⴰⵎ ⵍⴳⵓⴷ ⵏ ⵜⵏⴱⴰⵟⵟ, ⵎⴰⴷ ⵎⵉⴷⴷⵏ ⵏ ⴽⵓ ⵢⴰⵙⵙ. ⴰⵙⵜⵜⵓⵢ ⵓⵔ ⵅ ⴰⴷ ⵉⴳⴳⵓⵔ, ⵖⵔ ⵡⵉⴷ, ⵏⵖ ⴷ ⵡⵉⵏ ⵉⵟⵏⵉⵏ. ⵡⵏ ⵏ ⵓⵙⵉ, ⴷ ⴰⴷ ⵢⴰⴷⵊ ⴰⵎⴳⴳⵓⵔ ⴷ ⴰⵃⵉⵣⵓⵏ. ⵉⵍⵉ ⵢⵄⴷⵍⵏ, ⵢⵉⵡⵉⴷ ⴰⵏ ⴰⴷⵊ ⴰⵎⵓⵔ ⵉ ⵢⵉⵅⴼ, ⴰⴽ ⴰⴷ ⵉⵎⵖⵉ; ⵉⵙ " ⵜⴰⵡⵓⵔⵉ ⵜⵍⵍⴰ ⴳⵉⵏⵅ ⵏⴽⴽ ⵏⵉ ... ⴰⴷ ⵏⵍⵍⵉⵍ ⴳⵔ ⴰⵅ ⴷ ⵉⵅⴼⴰⵡⵏ " ( ⴰⴼⵔ 56 ). ⴰⵎⵎⵓ ⴰⴳ ⴷ ⵉⵏⴳⵉⵜⵏ, ⵏ ⵓⵍⵎⵙⵉ, ⵉⵅⵙ ⵓⵔ ⵛ ⵉⵜⵏⵓⵢ, ⵢⴳⵔⵉⵛ ⵖⵔ ⵉⵛⵜ ⵏ ⵜⵎⵏⴰⵟ, ⵉⵙ ⵉⵎⵔⴰⵢ ⴰⴷ ⵜⵉⵍⵉⵜ ⴰⴳ ⵉⴷⵙⵏ, ⵅⴰⵙ ⴳ ⵜⴰⵖⵎⴰ. ⴰⴹⴼⵓⵔ, ⴰⵎⵔⵡⴰⵙ ⵉⴽⵯⵔⴼⵏ ⴰⵏⵍⵍⵉ ⴽⵎ ⵉⵍⵍⴰ ⵛⴰ ⵏ ⵓⴼⵔⴰⵙ ( ⵉⴷⵊ ⵏ ⵜⵉⴼⵔⴰⵙ ) ⵉ ⵜⵎⵓⵔⵜ ⴰ, ⵙⵎⵉ ⴰⵔⴰ ⵜ ⵏ ⴰⵙⵉ, ⵏⵜⴰ ⴰⴷ ⴳⴳⵉⵏ ⴰⴹⴼⴼⵓⵔ ⵏ ⵡⵉⵏ ⵉⵟⵏⵉⵏ; ⵓⵔ ⴷⴷⵊⵉⵏ ⵡⵜⵉⵏ ⴰⵏⴼⴰ, ⴳ ⵓⵥⵡⵕ ⵏⵏⵙⵏ, ⴰⴽ ⴰⴷ ⴰⵏⵏⴰⵢⵏ ⵎⴰⵏⵉⴳ ⵉⵡⵟⵏ. ⵜⴰⵏⴹⴼⵓⵔⵜ ⵜⴳⵓ ⴰⵎ ⵡⵏ ⵉⵟⵟⴼⵏ ⴳ ⵓⵛⵡⵡⴰⵍ ⵓ ⵙⵔⴷⵓⵏ, ⴷⴰ ⵢⵉⵜⵜⵓ ⴰⵣⵄⵔⵟ ⵏⵏⵙ, ⴷ ⵎⵉⵍⵎⵉ ⴰⵔⴰ ⵜ ⵢⴰⵙⵉ ⵙ ⵜⵉⵇⵇⴰⵔ; ⴰⴷⵊ ⵜⴰⵔⵚⵟⵉ, ⴰⵔⴰ ⵙⵏ ⵉⵇⵇⵏⵏ ⵜⵉⵏⵣⴰⵔ, ⴷ ⵙ ⵓⵣⵣⵓⵔ ⵉⵎⵉ; ⴷ ⵍⵅⴰⵜⵉⵔ ⴽⵎ ⵢⵓⵔⵉ: " ⴳⴰⵏ ⴰⵢⵜ ⴷⴰⵔⵉ ⵉⵣⵓⵎⴰⵍ ", ⵉⵙ ⵓⵎⵥⵏ ⴳ ⵓⵎⵔⵡⴰⵙ, ⴰⵎ ⵉⴷⵊ ⵓⵙⴽⴽⵉⵏ ⵉⵖⵣⴰⵏ, ⵜⵜⵓⵏ ⵉⵙ ⵍⴰ ⵢⵓⵙⴷ ⵅ ⵉⵛⵜ ⵏ ⵜⵡⴰⵔⵊⵉⵜ ⵢⵣⵡⴰⵏ; ⵜⴰⵎⴰⵡⴰⵢⵜ ⵜⵙⵙⵏ ⵎⴰⴽⴽⴰ ⴰⵔⴰ ⵜⵙⵙⵔⵙ ⴰⴼⵓⵙ ⵅ ⵓⵃⴱⴱⵓⵢ ⴰ, ⴰⵍⵍⵉⴳ ⵜⵏⵏⴰ: ⴰ ⵡⴰ ⵔⵉⵅ ⵛⴰ ⴳ ⵜⵓⴷⵔⵜ, ⵓⵎⴰ ⴰⴷⴰ ⵢ ⴷⴷⵓⵅ ⵖⵔ ⵉⵙⵏⵏⴰⵍ ⵓⵔ ⵉⴳⵉ ⵛⵛⵉ ⵡⵉⵏⵓ. ⵡⴰⵍⴰⵢⵏⵏⵉ, ⴰⵎⵔⵡⴰⵙ ⵉⵇⵇⵏ ⵎⵉⴷⴷⵏ ⴳ ⵓⵙⵙⴻⵎⵥⵉ; ⵙⴰⵔ ⵜⵜⵓⵏⵏⵀⵏ ⴽⵎ ⵓⵔ ⴰⵙⵏ ⵜⵍⵍⵉ ⵙⵙⵕⵉⵎⴰ; ⴰⵢⵏ ⴼⵙⴰⵏ ⵉⴳⵔⵔⴰⵎⵏ, ⴰⵎ ⵜⵉⴷⵜ, ⵓⵔ ⵉⵣⵔⵉ ⵉⴷⵊ ⵓⴷⵎ, ⵇⵇⵉⵎⵏ ⵡⵉⵏ ⵉⵟⵏⵉⵏ ⵍⴰ ⴽⵎⵙⵏ. ⵣⴳ ⵉⵎⵣⴰⴳⴰⵍⵏ ⴷ ⵉⵙⵙⵔⵙ ⴱⴰⴱ ⵓⴷⵉⴷⴰ, ⴰⴷ ⵉⴳ ⴰⵙⴽⴽⵉⵏ ⵅⵎⵉ ⵓⵔ ⵉⴽⴽⵉⵔ; ⴰⴷ ⵢⴰⵣⵏ ⵜⴰⵢⵏⵔⵜ, ⵖⵔ ⵡⴰⵛⴰⵍ ⵏⵀⵍⴰ ⴰⵙⵉⵔⴷ, ⴰⴷ ⵉⴷⴷⵓ ⴰⴷ ⵉⵙⵓ ⵜⴰⴱⵔⵔⴽⴰⵏⵜ, ⴱⵟⴰⵏ ⴰⵙ ⵉⵍⴷⴷⴰⵢⵏ ⵅ ⵡⴰⵎⴰⵏ ⵏ ⵡⴰⵟⵉⵍ; ⵜⵓⴷⵔⵜ ⵓⵎⵔⵡⴰⵙ ⵅⴰⵙ ⴷ ⴰⵔⵡⴰⵙ; ⴰⵍ ⵜⴳ ⵜⴰⵍⵍⵙⵜ ⵎⵏⵉⴷ ⴰⵙ, ⵄⴰⴷ ⴰⵔⴰ ⵢⵓⵛ ⵖⵔⵙ ⵙ ⵓⵅⵏⵛⵓⵛ. ⵉⵙⴽⴽⵉⵏⵏ ⵏ ⵓⵎⵔⵡⴰⵙ ⵓⵔ ⵅ ⴰⵏ ⵜⴱⴱⵉ ⴰⴳ ⵉⴷⵙⵏ ⴳ ⵉⵛⵜ ⵏ ⵜⵉⵜⵉ; ⴰⵔⵡⴰ ⵏⵏⵙⵏ, ⵙⴰⵔ ⵉⴳⵯⵀⵉⵣ; ⴰⵎⵔⵡⴰⵙ ⴷ ⴰⵢⴷⴷⵉⴷ, ⵉⵜⴰⴷⴷⵓⵎⵏ ⵜⵉⵎⵇⵇⵉⵜ ⵜⵉⵎⵇⵇⵉⵜ, ⴰⴷ ⴰⵢ ⵢⴰⵡⵟ ⴰⴷ ⵉⵎⵔⴰⵔ, ⵉⵜⵉⵍⵉ ⵓⴳⴳⵉⴷ ⵉⵏⵏⵟ ⴷⵉⴳⵙ. ⵡⵏ ⵉⵅⵙⵏ ⴰⴷ ⵉⴱⴱⵉ ⴰⴳ ⴷ ⵓⵎⵔⵡⴰⵙ, ⵉⵅⵙ ⴰⴷ ⵢⴳⵔ ⵛⴰ ⵓⵣⵟⵟⴰ, ⵎⴰⵢⵎⵉ ⵢⵓⴳⵍ, ⵉⵇⵇⵏ ⴰⴷ ⵜⵉⵄⵎⵎⵔ ⵙ ⵓⵙⵖⴰⵏ ⴷ ⵜⵡⴰⴷⴰ ⵖⵔ ⵣⵣⴰⵡⵉⵜ. ⴰⵙⴰⴼⴰⵔ ⵉⵙⵊⵊⵉⵏ ⵣⵣⴳⵙ ⴰⴷ ⵢⵉⵍⵉ ⴳ ⵜⵇⴱⴱⴰⵟ, ⴷ ⵍⵍⴰⵎⴰⵜ ⵙ ⵉⵃⵉⴷⴰⵙ ⴰⵎ ⴰⵢⵜ ⵣⵉⴽ; ⵙ ⵓⵢⵓ ⴰⵢ ⴰⵖⵓⵍⵏ ⵉⵡⴷⴰⵏ, ⴳ ⵓⵍⵎⵙⵉ ⵏ ⵉⵎⵓⵍⴰ ⵉⵙⵎⴽⵜⵉⵏ, ⵓⵔ ⵖⵉⵙⵙⵏ ⴰⴷ ⵉⵍⵉⵏ ⴷ ⵏⵉⵜⵏⵉ ( 5 ). ⵜⴰⵄⴰⵡⵉⵜⵜ ⴳ ⵉⵎⵓⵍⴰ ... ⴷ ⵜⵏ ⵓⵎⵏⵖⵉ ⴷ ⵜ ⵜⴰⵣⵣⵍⴰ; ⵜⴰⵣⵣⵍⴰ ⵅ ⵓⴷⴷⵓⵔ ⵉⴷⴷⴰ ⵏ ⵢⴰⵎⵓⵎ; ⴳ ⵓⴼⴳⴰⵏ ⵉⴱⵟⴰ ⵡⴰⵜⵉⴳ ⵏⵏⵙ, ⵉⵙ ⵅⴰⵙ ⴰⴳ ⴷ ⵎⵉ ⵉⵣⴷⵉ, ⵉⵙⵡⵉⵜ ⴰⵎ ⵓⵣⵣⴰⵍ. ⵓⵔ ⵙⵙⵉⵏⵅ ⵎⴰ ⵜ ⵉⵜⴰⴷⵊⴰⵏ ⴰⴷ ⵉⵇⵇⵉⵎ ⵉⴽⵯⵔⴼ, ⴰⵎ ⵉⵄⵏⵥⴰⵍ ⴷ ⵉⴽⴽⵉⵏ ⴰⵎⴰⴹⴰⵍ ⵉⵜⵉⵏⵉ ⵓⵎⵔⵡⴰⵙ, ⴰⵎⴰⴹⴰⵍ ⵉⵟⵏⵉⵏ ⴰⵔⴰ ⵢⴹⴼⵓⵔⵏ ⵡⴰⴷ ⴳ ⵎⵉ ⵏⵍⵍⴰ, ⵀⴰ ⵉⴳ ⴰⵏⴳⴳⴰⵔⵓ. ⵡⴰⵍⴰⵢⵏⵏⵉ ⵙⵡⴰⵎⵎⵓ ⴰⵢ ⵜⴳⵓ ⵜⵓⴷⵔⵜ ⴰⵟⵓ ⵜⴽⵯⵟⵓ, ⵡⴰⵅⵅⴰ ⴷ ⴰⴼⵕⵕⵉⵖ; ⵜⵉⵃⵍⵍⴰⵍ ⵏⵏⵙ ⴱⴰⵏⵏ, ⵉⵙ ⵜ ⴰⴷⵊ ⴰⵏ ⴰⵜⵡⴰⵔⵊⴰ ⵙ ⵎⴰ ⵓⵔ ⵏ ⵙⵙ ⵉⴽⵍ ⵅ ⵡⴰⵛⴰⵍ; ⴷⴰⵢ ⵏⵟⵓⵏ ⵎⵉⴷⴷⵏ, ⵡⴰⵅⵅⴰ ⵓⵔ ⵖⵔⵙⵏ ⴰⴼⵔⵉⵡⵏ, ⵜⵜⵓⵏ ⵉⵙ ⴰⵙⵏ ⵍⵍⴰⵏ ⵉⵟⴰⵔⵏ ⵅ ⵡⴰⵛⴰⵍ. ⵡⵏ ⵉⵙⵙⵡⵍⵏ ⵙⴷⵊⵉⵡⵏ ⴰⵙ ⴰⵄⵔⵔⵇ, ⴰⵎ ⵉⵅⴼ ⵏ ⵏⵜⵛⵉⵏ, ⵉⵙⵙⴰⵡⴰⵍⵏ ⴳ ⵓⵏⴳⴰⵍ, ⵢⵉⵡⵉⴷ: " ⵏⵏⴰⵏ ⵉⵢⵢⵉ ⴳⵉⵅ ⴰⵛⵢⵓⵄⵉ, ⴰⵛⴽⵓ ⵓⵔ ⴼⵍⵙⵅ ⵙ ⴽⵉⴳⴰⵏ ⴷ ⵜⵖⴰⵡⵙⵉⵡⵉⵏ " ( ⴰⴼⵔ 33 ). ⵉⵡⴷⴰⵏ ⴳ ⵓⵎⴰⵜⴰ ⵣⵟⵉⵏ ⵜⵏ ⵉⵃⵏⵊⴰⴼ, ⵢⵙⵙⴰⵡⴰⵟⵏ ⵖⵔ ⵓⵎⵔⵎⴷ ⵏ ⵉⴽⵯⵙⵡⴰⵜⵏ, ⴽⵎ ⵓⵔ ⴰⵙⵏ ⵄⴷⵉⵍⵏ ⵎⴰ ⵢ ⴳⴳⵓⵏⵉⵏ, ⵏⵖ ⴷ ⵓⵔ ⴽⴽⵡⵔⵏ ⵅⴼⵙⵏ ⵀⴰ ⵙⴱⵓⵔⵣⵏ ⵜⵏ. ⵢⵉⴼ ⴰⴷ ⵜⵎⵅⵏⴼⴰⵔⵜ ⴰⴳ ⴷ ⵛⴰ ⵏⵉⴷⵊ ⵅ ⴰⵜⵎⵅⵏⴼⴰⵔⵜ ⵅ ⵛⴰ ⵏⵉⴷⵊ, ⴰⵢ ⵏⵏⴰⵏ ⵉⵎⵓⵙⵏⴰⵡⵏ ⵏ ⵡⴰⵙⵙⵓ ( ⴰⴳⵏⵙ ⵀⵍⵍⵔ ). ⵉⴷⴷⴰ ⴰⴷ ⵉⵏⵉ ⵀⵉⴷⴳⴳⵔ, ⵉⵙ ⵍⴱⵙⴰⵍⵉⵜ ⵏ ⵣⵣⵍⵟ ⵜⵥⵥⴰ ( 6 ); ⴰⵢ ⵓ ⵙⵎⵉ ⴰⵔⴰ ⵏ ⴰⴽⵯⵉ, ⴰⵍⵍⵉⴳ ⵏ ⵜⵜⴻⵜⵜⵔ ⵜⵉⵔⵉⵜ, ⵉⵍⵍⴰⵏ ⴳ ⵓⴼⵓⵙ ⵏ ⵓⵡⵔⴷⴰⵏⵉ, ⴰⴽ ⴰⵅ ⵜ ⵉⴼⴽ, ⵉⵕⵥⵎⴰⵅ ⵉⴽⵯⵓⵔⴰⴼ. ⴰⵢⴷⵉ ⵉⴳ ⵉⵜ, ⵓⵔ ⴷ ⵡⵏ " ⵉⵜⵜⵔⴰⵔⴰⵏ ⵜⴰⵍⴽⴽⴰⵡⵜ ⵏ ⴰⵢⵜ ⵜⵎⴷⵓⵍ " ( ⴰⴼⵔ 31 ), ⵡⴰⵍⵢⵏⵏⵉ ⵡⵏ ⵉⵜⴳⴳⵓⵏⵉⵏ, ⴰⴷ ⵜ ⵜⵜⴰⵙⵉⵏ ⵖⵉⴼⵙ; ⴰⴽ ⴰⴷ ⵉⴼⵙⵓⵙ ⵓⵥⴰⵥⴰ ⵅⴼⵙ; ⵢⵉⵅⵙ ⵉ ⵢⵉⴷⵊ, ⴰⴷ ⵉⵙⵙⴽⵔ ⵜⵉⵖⵎⴰⵙ, ⵉ ⵡⴰⵙⵙ ⵓⵎⵅⴰⵣⵣⴰⴼ. ⵡⵉⵏ ⵉⵜⵉⴷⴷⵔⵏ, ⵅⵙⵏⵜ ⴰⴷ ⵜⴰⵙⵉⵏ, ⵣⴳ ⵡⴰⵏⵙⴰ ⵉⴼⵙⵓⵙⵏ; ⴰⵍ ⴽⵎ ⴽⴽⵔⵏ ⵣⴳ ⵓⵟⵓⵚ, ⴰⴼⵏ ⵅⴰⵙ ⴰⵛⴰⵍ, ⵅⵎⵉ ⵟⵟⵚⵏ, ⵓⵔ ⵖⵔⵙⵏ ⴰⴷ ⵖⵣⵏ ⵅ ⵡⴰⵎⴰⵏ ⴰⴷ ⵙⵓⵏ, ⵙⵙⵉⵔⴷⵏ ⵉⵔⵛⴰⵢⵏ; ⵉⵅⵙ ⴰⴷ ⵇⵇⵉⵎⵏ ⵉ ⵓⵔⵉⴼⵉ ⵓⵔ ⵜ ⴰⴼⵏ, ⵎⴰⵏⵉ " ⵉⵖ ⵜ ⵏⴷ ⵢⵉⵡⵉ ⵢⴰⵏ ", ⴳⴳⵓⵏⵉⵏ ⴰⵃⵏⵊⵉⴼ, ⴰⵔⴰ ⵙⵏ ⴷ ⵢⴰⵡⵉⵏ ⴰⴷ ⴽⴽⵙⵏ ⴼⴰⴷ. ⵍⴳⵓⴷ ⵉⵖⵎⵙⵏ ⵉ ⵓⵏⴳⴰⵍ, ⵉⴳⵓ ⵡⵏ ⴼⴰⴷ; ⴰⴳ ⴷ ⵉⵊⴷⵊⵉⴳⵏ ⴳ ⵜⵉⵔⵎⵜ ⵏ ⵜⵎⵅⵙⵉ, ⵇⵇⵉⵎⵏⵜ ⵓⵔ ⵓⴼⵉⵏ ⵎⴰ ⵜⵏ ⵢⴽⵯⵟⵉⵏ; ⴷ ⵜⴰⵔⴱⴰⵜ ⵢⵓⵔⵣⵣⵓⵏ ⴱⴰⴱ ⵏ ⵏⵜⵛ ⴳ ⵉⵎⵓⵍⴰ, ⵜⵓⴳⵍ; ⴰⵍ ⵎⴰⵏⵉⴳ ⴰⵙ ⵜ ⵉⵡⵟ ⵜⵉⵣⵉ ⵏ ⵓⵄⴷⴷⵍ ⵉⵎⵏⵙⵉ ⵉ ⴱⴰⴱ ⴰⵙ, ⵜⴽⴽⵔ ⵜⵣⵔⵉ ⴰⵢⵏ ⴰⵙ ⵜⵎⴷⵉ, ⵜⵇⵇⵉⵎ ⵅ ⵉⴷⵉⵙ, ⵡⴰⵍⵓ ⵎⴰⵔⴰ ⵜ ⵉⵃⴰⵔⵚⵏ. ⴰⵙⵇⵙⵉ ⵏ ⵉⵙⵎⵟⴰⵍ ⴷ ⵓⴱⵔⵉⴷ ⵉⵎⵔⴰⵔⴰⵜⵏ ⴰⵙⵕⵓⴹ ⵓⵔ ⵉⵍⵍⵉ ⵏⵀⵍⴰ ⵓⵏⴱⴰⵢ ⵉⴽⵯⵎⵎⵓⵙⵏ; ⴷ ⵓⵏⵣⴰⵖ ⵣⴳ ⵉⵙⵎⵟⴰⵍ ⵉⵇⴱⵓⵔⵏ, ⵍⵍⴰⵏ ⵉⵏ ⵣⵉⴽ, ⵏⵖ ⴷ ⴳ " ⵜⵉⴷⴼⵕⵉⵏ ⵣⴳⴰⵏⵉⵏ ⵎⵉⴷⴷⵏ ", ⵇⴰⵃ ⵉⵙⵇⵙⵉⵜⵏ ⵍⴰ ⴳⴳⵓⵔⵏ ⵖⵔ ⵓⴼⴳⴰⵏ. ⴳ ⵓⴼⴳⴰⵏ ⴰⵢ ⵏⵇⵇⴰⵣ; ⵉⵍⵙ ⴰⵔⴰ ⵅ ⵢⵉⵏⵉ ⵎⴰⵏⵉⴳ ⵉⵇⵇⵔⵟ. " ⵉⵙⵇⵙⵉⵜⵏ ⵓⵔ ⵉⵍⵉⵏ ⵜⴰⵎⵔⴰⵔⵓⵜ, ⵎⴰⵅ ⵉⵙ ⵙⵓⵍ ⵔⴰⴷ ⵉⵖⵎⴰ ⵓⵙⵇⵙⵉ ⵉⵖ ⵉⵜⵜⵓⴼⵙⴰⵢ, ⵎⴰⵢ ⴰⴷ ⴰⴼ ⴷⴰⵔⵉ ⴳⴰⵏ ⵉⵙⵇⵙⵉⵜⵏ " ( ⴰⴼⵔ 53 ). ⴳ ⵓⴷⵉⴷⴰ ⵏ ⵉⵎⵓⵍⴰ ⵏ ⵙⵙⵉⵡⵍ ⵎⴰ ⴳ ⴳⴳⵓⵜⵏ, ⵅ ⵡⵏ ⵉⵙⵎⵇⴰⴷⴷⴰⵏ ⵜⴰⵡⴰⵍⴰ ⵏ ⵡⴰⵡⴰⵍ, ⴷ ⴱⵓ ⵓⴷⵉⴷⴰ ⵢⴰ ⵉⴳⵉⵏ ⴰⴽⵯⴰⵢ; ⵉⵅⴼ ⵢⵉⵔⴰⵏ ⴰⴷ ⵉⵖⵣ, ⵅ ⵜⵉⴷⵜ ⵓⵅⵙⵙⵓⵢ ⵓⴼⵟⵟⵓⵊ ⵏ ⵓⵏⵖⵎⵉⵙ ⵏ ⵜⵎⵓⵔⵜ; ⵉⴳⵓ ⵉⴷⵊ ⵎⵉ ⵉⴳⴳⵓⵜ ⵓⵃⵓⴼ; ⵉⴽⴽⴷ ⵜⵉⵎⵉⵣⴰⵔ ⵏ ⵜⵍⴻⵍⵍⵉ ⴷ ⵉⵎⵔⴰⵔⴰⵜⵏ, ⴷ ⵓⵙⵉⴷⴷ; ⴱⵓ ⵓⴷⵉⴷⴰ ⴷ ⵓⴳⴳⵉⴷ ⵉⵖⵔⴰⵏ, ⵉⵙⵙⵡⵓ, ⵣⴳ ⵜⵓⵙⵙⵏⴰ, ⵉⵜⵓⵜⵛⵏ ⵉ ⵎⵉⴷⴷⵏ, ⵎⴰⴽⴽⴰ ⴰⵔⴰ ⵢⴰⵎⵥⵏ ⵜⴰⵏⴱⴰⵟ, ⵙⵓⵎⵙⴰⵙⴰ, ⵊⴰⵔ ⵉⴼⴰⵙⵙⵏ ⵏⵏⵙⵏ; ⵏⵖ ⴷ ⴳⵔⵏ ⵜⵏ, ⵉⵜⵏ ⵉⵜⵏ ⵢⵓⴽⵯⵔⵏ, ⴰⴳ ⴷ ⴳ ⵉⵥⵓⵔⴰⵏ ⵏⵏⵙⵏ. ⵉⵡⴰⵍⵉⵡⵏ ⵢⵜⵜⴰⵡⵉ, ⵓⵔ ⴳⵉⵏⵜ ⵅⴰⵙ ⵜⵉⵏⵉⵏ ⵢⵙⵙⴽ; ⵡⴰⵍⴰⵢⵏⵏⵉ ⵢⵉⵡⵉⴷ ⴰⴳ ⵎⴰⴳ ⵍⵍⴰⵏ ⴳ ⵉⴳⴷⵓⴷⵏ ⵎⵖⵔⵏⵉⵏ ⴳ ⵓⵎⴰⵍⵓ ⵏ ⵜⵉⵎⵔⴰⵔⴰⵜⵉⵏ. ⵙ ⵓⵎⵣⴰⴳⴰⵍ ⵉⵡⴰⵍⵉⵡⵏ, ⵓⵔ ⵉⴳⵉ ⴱⵓ ⵓⴷⵉⴷⴰ ⴰⴽⴽⵓⵛ ⵏ ⵜⵓⵙⵙⵏⴰ " ⵉⵙ ⴰⵙ ⵖⵡⵔⵉⵅ, ⵏⵅ ⴰⵙ ⵙⵍⵍⴰⵅ " ( ⴰⴼⵔ 75 ). ⴰⴳ ⴷ ⵓⴷⵉⴷⴰ ⵏ ⵉⵎⵓⵍⴰ, ⵏⵕⵥⵎ ⵉ ⵢⵉⵛⵜ ⵏ ⵜⵙⵓⵔⵔⵉⴼⵜ ⵉⵥⵉⵍⵏ; ⵉⵙ ⴰⵅ ⵜⵙⵙⵉⵡⴹ ⵖⵔ ⵜⵉⵣⵉ, ⵎⴰⵏⵉⴳ ⴰⵔⴰ ⵏ ⵍⵍⴼ ⵉⵜⵏⴱⴰⴹⵜ ⵜⴰⵄⵏⵥⵓⵍⵜ, ⵓⵔ ⵢⵓⵙⵉⵏ ⵣⴳ ⵜⵉⵟⵟ ⵏ ⵜⵓⵙⵙⵏⴰ ⴷ ⵉⵎⵔⴰⵔⴰⵜⵏ, ⵉⵙⵙⵏⵢⵓⴷⴷⵓⵏ ⵜⵓⴷⵔⵜ ⵏ ⵉⴳⴷⵓⴷⵏ ⵏ ⵡⴰⵙⵙⴰ. ⴰⵎⵙⴰⵡⴰⵍ ⴰⴳ ⴷ ⵉⴷⵊ, ⵏⵖ ⴷ ⴰⴳ ⴷ ⵉⵛⵜ ⵏ ⵜⵙⵎⵓⵏⵜ; ⵏⵜⴰ ⴷ ⵉⵛⵜ ⵏ ⵜⵙⵍⵢⴰ, ⴰⴽ ⴰⵅ ⵉⵙⵙⵔⵙ ⵎⵏⵉⴷ ⵏ ⵜⴰⵏⴹⴼⴰⵔⵜ, ⵉⵕⵥⴰⵏ ⵜⴰⵎⵓⵔⵜ; ⵉⵙ ⴰⵙ ⵉⵜⵜⵡⴰⴳ ⴰⴷ ⵉⵇⵇⵏ, ⵙⴰⵔ " ⵉⵙⵖⵍ ⵢⴰⵏ ⵜⵉⴱⵔⵉⴷⵉⵏ ⵖⵔ ⵖ ⵉⵅⴼ ⵏⵏⵙ ⵎⴰⴷ ⵉⵜⵜⴽⴽⴰ " ( ⴰⴼⵔ 76 ). ⴷ ⴰⵢ ⵉⴼⴼⵖ ⴰⵙⵏ ⵉⵅⴼ, ⵉⵙ ⵜⵉⴷⵎⵎⵓⵜⵉⵏ ⵇⴰⵃ, ⵙⵔⵙ ⵏⵜⵏ ⵎⵉⴷⴷⵏ ⵅⴰⵙ ⴰⴽ ⴰⴷ ⵣⵔⵉⵏ, ⴰⵎ ⵍⴳⵓⴷ ⵏ ⵜⵉⵍⴳⵯⵉⵏ, ⵓⵔ ⵜ ⴱⴰⴱⴱⴰⵏ ⵙⵉⵙⵏ ⴰⵎ ⵉⵙⵔⴳⴰⵏ, ⵓⵔ ⵉⴳⵉⵏ ⵜⴰⵡⵓⵔⵉ ⵏ ⵉⵡⴷⴰⵏ; ⵉⵅⵙ ⵓⵔ ⵜⴰⵡⵟⵏ ⴰⵏⵙⴰ ⵓⵃⴻⵜⵜⴰ ⵏ ⵜⴱⴰⵔⴷⴰ. ⵙⵜⵉⵜ ⴰⵢⵏ ⴰⵔⴰ ⵏ ⵉⵙⵉⵏ ⵙ ⵜⵓⴷⵔⵜ ⵉⵥⵉⵍ, ⵅⴰⵙ ⴰⴷ ⵢⵉⵍⵉ ⵡⵏ ⴰⵅ ⵉⵣⵡⴰⵔⵏ, ⴰⵅ ⵜ ⵉⵣⵣⵔⵉ ⴰⴽⴰ ⵓⵔ ⵜⴽⴽ ⵅⴼ ⵏⵅ, ⴳ ⵉⴽⵯⵔⵓⵙⵏ ⵉⵜⵉⵙⴱⴷⴷⵏ; ⵡⴰⵅⵅⴰ ⵜⴰⵡⵙⵏⴰ, ⵓⵔ ⵜⵍⵍⵉ ⴳ ⵉⵛⵜ ⵏ ⵜⵉⵜⵉ ( ⴰⴼⵔ 78 ), ⵓⵔ ⴰⵅ ⵉⵇⵇⵏ ⴰⴷ ⵜⵏ ⵏ ⴰⵙⵉ " ⵢⴰⵜ ⵙ ⵢⴰⵜ ", ⵎⴰⴽⴽⴰ ⴰⵔⴰ ⵢⵉⵅⵙ ⵓⴳⵔⵔⴰⵎ ⵏ ⴷⴷⴰ ⵎⵓⵃⴰⵏⴷ. ⵉⵔⴰⵄⴰⵜⵏ ⴳⴳⵓⵜⵏ, ⵅⴰⵙ ⴰⴷ ⵢⴰⵡⵟ ⵉⴷⵊ, ⴰⴷ ⵉⵙⵜⵉ ⵢⵉⴷⵊ ⵢⴰⴷⵊ ⵡⵉⵏ ⵉⵟⵏⵉⵏ; ⵓⵔ ⵜ ⵉⴳⵉ ⵏⵀⵍⴰ ⵓⵙⵉⴹⵏ, ⵍⴰ ⵉⵡⵡⵜ ⵇⴰⵃ ⵉⴱⵔⴷⴰⵏ ⵉⴳⴳⵓⵜⵏ, ⵙ ⵛⴰ ⵉⴳⴰⵏ ⵉⵖⵕⵓⵚⵏ, ⴰⴽⴰ ⴷ ⵢⴰⵙⵉ ⵡⵏⵏⴰ ⵢⵉⵅⵙ. ⵎⵉⴷⴷⵏ ⴰⵎ ⵓⴼⴳⴰⵏ ⴷⴷⴰ ⵎⵓⵃⴰⵏⴷ ⵖⵔⵙ ⵉⴷⵎⵓⵜⵏ ⵢⴰⵟⵏⵉⵏ ⵓⵔ ⵢⵓⴽⵯⵉⵣ; ⴷⵓⵍⵓⵣ, ⴷ ⴰⴷ ⵢⵉⵏⵉ ⴰⴽ ⴰⴷ ⵜⵏ ⵜⵙⵙⴽⵜ ⵉⵅⵙ ⵓⵔ ⵜ ⵜⵎⵣⵔⵉⴳⵜ. ⵉⵇⵇⵉⵎ ⵓⴳⵏⵙ ⵏ ⵜⵎⴰⵜⴰⵔⵉⵏ ⵉⴽⵯⵎⵙ ⵅ ⵎⴰ ⵢ ⴼⴼⵔⵏⵜ ( ⴰⴼⵔ 78 ). ⴰⴽⵯⵔⵓⵙ ⵏ ⵜⵉⵔⵔⴰ ⴳ ⵡⴰⵎⵓⵔ ⵏ ⵜⵉⵔⵔⴰ, ⵎⴰⵜⵜⴰ ⵏⵜⴰⵜ ⵜⵏ ⵉⵖⴱⴰⵏ? ⵜⴷⴷⴰ ⴰⵜⵜ ⵜⴳ ⵜⵏ ⵉⵜⵉⵏⵉⵏ ⵉⵎⴰⵏ ⵏ ⵓⴳⴷⵓⴷ ( 7 ); ⴰⵎ ⵙⵡⴰⵎⵎⵓ ⴰⵔⴰ ⵜⴳ ⴳ ⵓⵙⵙⴰⵏ ⵉⴷⵢⵓⵙⵉⵏ. ⴰⵔⴰⵄⴰ ⴷ ⵏ ⵉⵡⵉ ⴳ ⵉⵎⵓⵍⴰ, ⵏ ⵓⴼ ⵉⵜⵏ ⵍⴰ ⵥⵥⵓⵖⵕⵏ ⴰⴱⵔⵉⴷ ⴰ, ⵙ ⵎⴰⵢ ⵔⵣⵉⵏ ⴰⴷ ⵕⵥⵎⵏ ⵏ ⵉⵙⵇⵙⵉⵜⵏ, ⵇⵇⵉⵎⵏⵉⵏ ⵍⴰ ⴽⵯⵎⵙⵏ, ⴰⵍⵍⵉⴳ ⵉⴷ ⵢⵓⵍⵉ ⵅⴼⵙⵏ ⵓⴳⴷⵕⵓⵕ. ⵉⵏⵊⴷⴰ ⴽⵎ ⵓⵔ ⵜⵏ ⵏⴱⵉⵏ, ⵙ ⴽⴽⵔⵏ ⵜⵏ; ⵓⵔ ⵜⵏ ⵜⵜⵓⵏ, ⵅⴰⵙ ⵉⵙ ⵖⵔⵙⵏ ⵉⵏⵣⴳⵓⵎⵏ ⵉⵟⵏⵉⵏ. ⴷⴰⵢ ⵜⵉⵇⵇⴰⴷ ⵎⵉ ⵓⵔ ⵓⴼⵉⵏ ⴰⵙⴰⴼⴰⵔ, ⴰⵖⵓⵍⵏ ⴳⵉⵏ ⵜⴰⵢⴷⵔⵉⵏ ⴳ ⵉⴳⵔ, ⵙⴰⵔ ⵊⵊⵉⵏ " ⵓⵙⵙⴰⵏ ⴼⵔⵖⵏⵉⵏ ⴰⵔ ⵜⵜⵉⵔⵉⵏ ⴰⴷ ⵜⵏ ⵜⵜⵓⵏ ⴰⴷ ⵓⵔ ⵓⵔⵔⵉⵏ " ( ⴰⴼⵔ 39 ). ⵍⴰⵍⴰ ⵅⵍⵉⵊ ⵙ ⵜⵡⴰⵍⴰ ⵏⵏⵙ, ⵜⴳⵓ ⵉⵛⵜ ⵏ ⵜⵙⵔⴰⴼⵜ; ⵍⴰ ⵜⵙⵎⵓⵏ ⵇⴰⵃ ⵓⵙⵙⴰⵏ ⵏ ⵓⵙⵓⵏ ⴳ ⵡⴰⵎⵎⴰⵙ ⵏⵏⵙ. ⵓⵔ ⵅ ⴰⴷ ⵜⵜⵚⵕⵕⵓ, ⵅⴰⵙ ⵜⵉⵍⵎⵉ ⴰⵔⴰ ⵜⵣⴹ; ⵏ ⵓⴼⵉ ⵜ ⵉⵣⵡⴰⵔ ⴰⵙ ⴰⴷ ⵜⵙⵙⵉⵡⵍ, ⴰⴳ ⴷ ⵢⵉⵍⵙ ⵏ ⵡⴰⵍⴰⵙ, ⵅ ⵜⵖⵓⵕⵉ ⴷ ⵎⴰⵏⵉⴳ ⵢⵉⵡⴹ. ⵉⵅⵙ ⴰⴷ ⵉⵙⵙⴼⵙⵓⵙ ⵜⴰⵎⴰⵔⴰ ⵅ ⴱⴰⴱⴱⴰⵙ, ⵉⵙ ⵉⵙⵙⵅⵚⵕ ⵖⵉⴼⵙ, ⴰⴽ ⴰⴷ ⵉⵖⵔ; ⴷⴰⵀⴰ ⵜⵙⵙⵔⵙ ⴰⵟⴰⴹ ⵅ ⵓⴽⵯⵔⵓⵙ, ⵎⵉ ⵓⵔ ⵜⵖⵉⵙ ⵜⵏⴱⴰⵟ ⴰⵙ ⵜⵕⵥⵎ, ⵙ ⵉⵙ ⴰⵢ ⵜⵜⵓⵙⵓ ⵍⴰⵍⴰ ⵅⵍⵉⵊ ⴰⴷ ⵜⵉⵏⵉ: " ⵍⵎⵅⵣⵏ ⴰⵎⵅⵅⴰⵔ ⴽⴰ ⴰⴷ ⵢⴳⴰ " ( ⴰⴼⵔ 37 ); ⵜⵉⵎⵅⵅⵔⵜ ⵓⵔ ⵜ ⴱⴷⴷ ⵅⴰⵙ ⵖⵔ ⵓⵢⴷⴷⴰ, ⴱⴰⵔ ⵜⵉⵡⵟ ⴰⴷ ⵜⴰⴽⵯⵔ ⴰⴳ ⴷ ⵉⵅⴼⴰⵡⵏ; ⵣⴳ ⵙⵢⵉⵏ, ⴰⴳ ⴷ ⵓⵙⵓ ⵓⵏⴳⴰⵍ, ⴰⴷ ⵉⵙⵙⵉⵡⵍ ⵅ ⵜⵎⵛⵜⵉⵜ. ⴰⵔⵣⵣⵓ ⵅ ⵓⴽⵯⵔⴰⴼ ⵏ ⵚⵓⴼⵢⴰ, ⵢⵉⵡⵉ ⵜ ⴰⴷ ⵉⵏⴱⵔ ⴰⴽⵯⵔⴰⴼ ⵏ ⵜⵉⵎⵖⴰⵔⵉⵏ ⵉⵟⵏⵉⵏ; ⵜⵉⵔⵔⴰ ⵏⵏⵙ ⵜ ⵓⵍⵉⴷ ⴰⵎ ⵡⴰⴳⴳⴰ ⵏ ⵓⵏⴳⴰⵍ ⴰⵎⵙⵙⴰⵍⵟⵓ; ⵅⵍⵉⵊ ⵜⵙⵇⵙⴰⵜ: ⵎⴰⵢ ⵜⵖⵔⵉⵎ ⴳ ⵜⵉⵏⵎⵍ ⴷ ⵉⴷⵍⵉⵙⵏ ⵙⵎⵉ ⵜⴱⴰⴱⴱⴰⵎ ⴽⵓ ⵢⴰⵙⵙ? ⵅⴰⵙ ⴰⴳⴳⵯⴰ ⵏⵏⵙⵏ ⵉⵕⵥⴰ, ⵉⵖⵉⵔ ⴰⵡⵏ ⵏⵓⵏ; ⵡⴰⵅⵅⴰ ⵙ ⵡⴰⵎⵎⵉⵏ ⵍⵍⴰⵏ ⴷⴳⵙⵏ ⵉⵡⴰⵍⵉⵡⵏ ⵏ ⵙⵜⵉⵜ, ⵅⴰⵙ ⴳ ⵓⵎⵣⵡⴰⵔⵓ ⵢⵉⵅⵙ ⵉ ⵢⵉⴷⵊ ⴰⴷ ⵢⵉⵙⵉⵏ ⵎⴰ ⴳ ⵍⵍⴰⵏ ⴳ ⵓⴽⵯⵎⵎⵓⵙ ⵉⵃⵜⵜⴰ; ⵄⴰⴷ ⴰⵔⴰ ⵉⵜⵜⴰⵡⴳ ⵖⵔ ⵡⵉⵏ ⵉⵟⵏⵉⵏ, ⵎⵓⵀⵜ " ⵏⵏⴽ, ⵙⵙⵓⵔⵓⴼ ⴰⴳⴳⴰⵙⵏ ⵏ ⵎⴷⴷⵏ ⴰⵔ ⴷ ⵜⵍⴽⵎⵜ ⴰⵏⵣⴳⵓⵎ ⵏⵏⴽ " ( ⴰ, 38 ). ⴰⵡⴰⵍ ⵓ ⴷ ⵉⴷⵊ ⵓⵣⵟⵟⴰ ⵉⵏⵏⴳⵣⴰⵏ; ⵢⵉⵅⵙ ⴰⴷ ⴰⵙ ⵜⵜ ⵡⴰⴼ ⵜⵉⵍⵎⵉ, ⴰⴽ ⴰⴷ ⵉⵏⵢⵓⴷⴷⵓ, ⵖⵔ " ⵜⴰⵏⵢⴰⴼⵜ ⵏⵏⵅ ⴷ ⵜⵉⵏⵏⵓⵏ " '. ⴰⵎ ⵎⴰⴽⴽⴰ ⴰⵔⴰ ⵜ ⵉⵏⵉ ⵜⵎⵖⴰⵔⵜ ⵅⵍⵉⵊ. ⵜⵉⵛⴼⴼⵔⵜ ⵏⵏⴰ ⵜⴳ ⵜⵏⴱⴰⵟ, ⵜⴰⵖⵓⵍ ⵜⵜⵡⴰⵙⵙⵏ, ⵓⵔ ⵜⵇⵇⵉⵎ ⵜⵙⵙⴱⵀⴰⴹ ⴰⴳ ⵉⴷⵊ; ⵎⵇⵇⴰⵔ ⵜⵙⴷⵉⴷ ⴰⵎ ⵉⵎⴰⵏ. ⴷ ⵎⴰⴳ ⵍⵍⴰⵏ ⵅ ⵓⴼⴳⴰⵏ, ⴰⴷ ⵉⵙⵙⵔⵙ ⴰⵙⵇⵙⵉ ⵏ ⵉⵅⴼ, ⴷ ⵡⴰⵎⵓⵔ ⴰⵙ ⵉⵖⵣⴰⵏ, ⴰⴷ ⵉⵍⵉ ⴷ ⵡⵉⵏⵏⵙ. ⵉⵅⴼ ⵏⵜⴰ, ⵜⵜⵓⴷⵔⵜ; ⵡⴰⵅⵅⴰ ⵍⴰ ⵜⴷⴷⵓ, ⵉⵍⵍⴰ ⵙ ⵎⴰⵏⵉ ⵖⵔ ⵜⵙⵙⴳⵓⵏⴼⴰ; ⴰⵍ ⴽⵎ ⵜ ⵜⵜⴰⵡⴳ ⵅ ⵜⵉⵙⵉⵜ, ⴰⴷ ⵜⵇⵇⴰⵍ ⵉⵅⴼ ⵏⵏⵙ, ⴰⴷ ⵜⵊⴱⵔ ⴰⵢⵏ ⵙⵎⵉ ⵓⵔ ⵜ ⵓⴽⵯⵉⵣ ⵉⵅⴼ ⵏⵏⵙ; ⴰⴳ ⴰⴽ ⴰⴷ ⵢⵉⵙⵉⵏ ⵉⴷⵊ ⵉⵙ ⵓⵔ ⵉⴳⵉ ⵉⵅⴼ ⵏⵏⵙ, ⴰⴳ ⴷ ⵡⴰⴷ ⴷ ⵉⵥⴹⵉ; ⴰⵢⵏ ⵓⵔ ⵉⵥⵉⵍⵏ ⵢⵉⴳⵉⵜ ⴰⴷ ⵜⴽⵡⵔⵜ ⵅ ⵉⵏⵣⴳⵓⵎⵏ ⵏ ⵡⵉⵏ ⵉⵟⵏⵉⵏ ⵜ ⴰⴷⵊⵜ ⵡⵉⵏⵏⴽ, ⵓⵔ ⵢⵓⴼⵉ ⵎⴰ ⴰⵙ ⵏ ⵉⵜⵔⴰⵔⴰⵏ. ⴰⵡⴰⵍ ⵏ ⴰⵢⵜ ⵣⵉⴽ ⵢⵉⵡⵉⴷ: ⵎⴰⵏⵉ ⵖⵔ ⵜⴷⴷⵉⵜ ⴰ ⵜⴰⵥⴱⴱⴰⵔⵜ? ⴰⴷ ⴱⴱⵉⵅ ⴰⴽⵛⵛⵓⴹ ⵏ ⵄⴰⵔⵉ. ⴷⴷⵓ ⴰⴷ ⵜⴱⴱⵉⵜ ⵅⴰⵙ ⵡⵏ ⴰⴽ ⵉⵏⵏⵟⵏ ). ⴰⴽⵯⴰⵢ ⵙ ⵉⵙⴽⴽⵉⵏⵏ ⴷ ⵜⵖⴰⵡⵙⵉⵡⵉⵏ ⴰ, ⴰⴷ ⴰⵖⵓⵍⵏ ⵣⵡⴰⵔⵏ ⵖⵔ ⵎⵉⴷⴷⵏ; ⵉⵙ ⵔⴰⵏ ⵡⵏ ⵉⵍⵍⴰⵏ ⵡⴰⵙⴰ, ⵄⴰⴷ ⴰⵔ ⵜⵜⴰⵡⴳⵏ ⵅ ⵛⴰ ⵉⵟⵏⵉⵏ; ⵎⵓⵃⵎⵎⴰⴷ ⴰⵍⵍⵉⴳ ⵉⵟⵟⴼ ⴰⵇⴱⴱⵓⵛ ⵏ ⵡⴰⵎⴰⵏ ⵡⵡⴰⴹⵉⵍ, ⵉⵙⵡⵉⵜ; ⵉⵏⵏⴰ ⵢⴰⵙ ⵉ ⵡⵙⵎⵓⵏ, " ⴰⵏⵏⴰ ⴷ ⵓⵔ ⵜⵉⵡⵉⵜ ⵖ ⵜⵓⴷⵔⵜ ⵓⵔ ⵙⵓⵍ ⴰⴽ ⵉⵍⵍⵉ " ( ⴰⴼⵔ 42 ). ⵢⵉⵡⵟ ⵓⴳⴳⵉⴷ ⵖⵔ ⵜⵉⵣⵉ ⵏⵏⴰ, ⵎⴰⵏⵉⴳ ⴰⵔⴰ ⵉⵙⵙⴳⵓⵜ ⵉⵃⵏⵊⵉⴼⵏ; ⵓⵔ ⵜ ⵉⵜⴰⴽⵯⵔ ⵅⴰⵙ ⵉⴷⵊ ⵉⵇⵎⵔⵏ, ⴽⵎ ⵉⵅⵙ ⴰⴷ ⵉⵎⵓⵏ ⴷ ⵜⵓⴷⵔⵜ. ⵙ ⵉⴳⴳⵉⵜⵏ ⴰ, ⵢⵓⵣⴷ ⵎⴰⵏⵉⴳ ⴰⵔⴰ ⵉⵙⵜⵉ ⵉⵏⵉⴷⴰⵏ ⵉⵜⵉⴳⵉⵏ, ⵓⵔ ⴷ ⵡⵉⵏⵉⵏ ⴰⵙ ⵜ ⵓⵜⵛⵏ. ⵓⴷⵎ ⴰⴷ ⴰⵅ ⵉⵇⵇⵉⵎⵏ ⵜⴳⵉⵜ " ⵜⴰⵡⴰⵍⴰ ⵏ ⵉⵜⴽⴽⵏ ⴷⵖⵉ, ⵎⴰⵏⵉⴳ ⵓⵔ ⵜⵍⵍⵉ ⵅⴰⵙ ⵉⵛⵜ ⵏ ⵜⵓⴷⵔⵜ, ⵏⵜⴰⵜ ⵏ ⵜⴷⴷⵔ; ⴷⴰⵢ ⵜ ⵙⵙⵖⵓⵢ ⴰⴷ ⵜⴱⴱⵉ ⵏⵏⵉⵛⴰⵏ, ⴰⴳ ⴷ ⴰⵢⵏ ⵓⵔ ⵉⵍⵍⵉⵏ, ⵉⵙ ⵓⵔ ⵜⵍⵍⵉ ⵜⵓⴷⵔⵜ ⴼⴼⵉⵔ ⵓⴽⵯⵔⴰⴼ " ( 8 ). ⵜⴰⵡⴰⴷⴰ ⵊⴰⵔ ⵏ ⵉⵕⵥⵥⵓⵎⵏ ⴷ ⵓⵎⴰⵡⵉⵙ, ⵓⵔ ⴷ ⴰⴷ ⵜⴼⴷⴹⴰⵏ; ⵜⴰⵡⴰⴷⴰ ⴷ ⴼⴰⴷ, ⵓⵔ ⵉⵎⵣⴰⵔⴰⵢⵏ ⴷ ⵓⴼⵥⴰⵥ. ⵅⴰⵙ ⴽⵎ ⵜⵜⵉⵡⵟ ⴰⴷ ⵜⴹⵔ, ⴳ ⵡⴰⵏⵓ ⴰⵎ ⵎⴰⴽⴽⴰ ⵜⴳⵓ ⵚⵓⴼⵢⴰ, ⵉⴷⴷⴰⵏ ⴳ " ⵜⵓⴳⴳⴰ ⵏⵏⵙ ". ⴰⴼⴳⴰⵏ ⵓⵔ ⴷ " ⵙ ⵄⵏⵡⴰ ⴰⴳ ⵓⵛⴰ; ⵛⴰ ⵉⴳⴰⵏ ⵊⴰⵔ ⵍⴳⵓⴷ ⴷ ⵓⵎⵣⵔⵓⵢ " ( 9 ), ⴰⴽ ⴰⴷ ⵉⵊⴱⵔ ⵖⵔ ⵏⵜⴰ, ⴱⴰⵔ ⵉⵙ ⵢⵓⵛⴽⴰ ⵙⵜⵉⵜ; ⵇⴰⵃ ⵜⵉⵙⵉⵜⵉⵏ ⴰⵙ ⵉⵜⵜⵎⵎⵓⵛⵏ, ⴰⴽ ⴰⴷ ⵢⴰⵏⵏⴰⵢ ⴰⵇⵎⵓ ⵏⵏⵙ, ⵓⵔ ⵅⴰ ⵙⵙⴰⴷⴷⴰⵏⵜ. ⴷ ⴽⵎ ⴰⵙ ⵉⵎⵖⵉ ⵛⴰ ⵓⵎⴰⵍⵓ ⴷⵉⴳⵙ, ⵉⴷⴷ ⴰⴷ ⵢⵉⵍⵉ, ⵍⴰ ⵢⴰⵎⵓ ⴰⴳ ⴷ ⵛⴰ ⵉⵟⵏⵉ, ⵙⴰⵔ ⵉⵣⴷⴷⵉⴳ ⴰⵙ ( 10 ). ⵜⴰⵍⵍⵙⵜ ⴷ ⵓⴷⵉⴷⴰ ⵢⵓⵔⵉ ⵊⴰⵏ ⵡⴰⵀⵍ " ⵓⵔ ⵜⵍⵍⵉ ⵜⵡⵓⵔⵉ ⵓⵔ ⵉⴳⵉⵏ ⵜⴰⵍⵍⵙⵜ "; ⵣⴳ ⵜⵎⵏⴰⵟ ⵏⵏⵙ ⴰⴷⵉⴷⴰ, ⴳⴳⵓⵜⵏ ⴰⵙ ⴰⴳ ⵏⵜⴰ ⵜⵉⵣⵕⴰ, ⵜ ⵙⵙⴰⵍⴰⵢ ⵜⵉⵎⵥⴹⵉⵜ, ⵉⴳⴰⵏ ⵣⵓⵏⴷ ⴱⵓ ⵓⴷⵉⴷⴰ, ⵎⵉ ⵓⵔ ⵉⵡⵀⵉⵏ ⵓⵙⵎⵇⴰⴷⴷⴰ ⵏ ⵜⵡⴰⵍⵉⵡⵉⵏ " ⵓⴼⵉⵅ ⴷ ⵉⵅⴼ ⵉⵏⵓ ⴳⵔ " ⵉⴱⵔⴷⴰⵏ ⵓⴷⵉⴷⴰ, ⵉⵜⵉⵜⵓⵜⵛⵏ ⵉ ⵓⵏⵏⵊⵍⴰ; ⵜ ⴰⵡⵉⵜ ⵉ ⵓⵅⵎⵎⴻⵎ, ⴰⴷ ⵉⵏⵡⵔ ⵖⵔ ⵓⵊⵎⵎⴰⵟ, " ⵢⴰⴹⵏ ⵣⵓⵏ ⴷ ⵉⵖ ⴼⵍⵍⵉ ⵉⴳⴳⵓⵜ ⵓⵥⴰⵥⵓ ⵏ ⵉⵅⴼ ⵉⵏⵓ " ( ⴰⴼⵔ 80 ). ⴰⵢⵏ ⵓⵔ ⵉⵙⵙⵉⴷⴷⵏ, ⵉⴳⵓ ⵜⴰⵍⵍⵙⵜ; ⵜⵉⵟⵟ ⵉⵇⵇⵏⵏ, ⵜⵍⵍⴰ ⴳ ⵎⴰⴳⴳⵉⵏ ⴰⴷⵉⴷⴰ. ⵡⵏ ⵉⵙⵏⵢⵓⴷⴷⵓⵏ ⴰⵡⴰⵍ ⴳ ⵓⵥⵟⵟ ⴰⵢⵓ, ⵍⴰ ⵢⵓⴽⵉ ⵙ ⵎⴰ, ⵓⵔ ⵉⵟⵟⵉⴼⵏ ⴰⵛⴰⵍ; ⵉⵙ ⵍⴰ ⵜⵓⵙⵉⵜ ⴰⴳ ⴷ ⵏⵜⴰ, ⵛⴰ ⵣⴳ ⵜⵎⵉⵜⴰⴼⵉⵣⵉⴽⵜ ⵏ ⵡⴰⵡⴰⵍ ( ⴰⴼⵔ 81 ). ⵜⵙⵙⵉⵡⵍ ⵜⵎⴰⵣⵉⵔⵜ, ⵢⵓⵍⵉ ⵖⵔⵙ ⵓⵃⵔⵚⵉ ⵉⵖⵓⴷⴰⵏ; ⴷ ⵓⵃⵔⵚⵉ ⵢⵉⵡⵉ ⵡⴰⵟⵓ, ⵢⵉⴼⵉⵜ ⵡⵏ ⵉⵇⵇⵏⵏ, ⵎⴰⵇⵇⴰⵔ ⵢⵓⵙⵉ ⵜⴰⵍⵍⵙⵜ; ⴰⴽ ⴰⴷ ⵡⵏ ⵉⵇⵍⵍⴱⵏ ⴰⴷ ⵉⵙⵙⵉⴷ, ⵉⵅⵙ ⴰⵙ ⴰⴷ ⵢⵉⵥⵉⵔ, ⵎⴰⵔⴰ ⵉⵙⵙⵉⴷ ⵙ ⵜⵡⵓⵔⵉ ⵢⵓ, ⴰⵔⴰ ⵢⴰⵏⵏⴰⵢ ⵉⵏⵉⴷⴰⵏ " ⵏ ⵜⵓⵙⴽⴰ ⵏⵏⵙ ". ⴰⵥⵟⵟⴰ ⴷ ⵢⵓⵙⵉ ⴱⵓ ⵓⴷⵉⴷⴰ ⵏ ⵉⵎⵓⵍⴰ, ⵉⵣⵣⵔⵉ ⴰⵙ ⵜⵉⵇⵇⴰⴷ ⴳ ⵡⵓⵍ; ⴰⵢⵏ ⵉⵜⵉⵙⵚⵉⵡⴹⵏ ⴰⴷ ⵉⵄⵏⵇ, ⵉ ⵎⴰⴳ ⵜⴻⵜⵜⵔ ⴰⴷ ⵜⵢⵉⵙⵉⵏ; ⴰⵍⵍⵉⴳ ⵉⵙⵓⵍ ⵓⵏⵣⴳⵓⵎ ⵏ ⵓⴽⵃⴰⵔⵚ ⵖⵔ ⴷⴰⵜ, ⵓⵔ ⵜⵏ ⵉⵜⵛⵉ, ⵀⴰ ⵙⵓⵍⵏ ⵜ ⵓⵜⵛⵏ ⵜⵉⵖⵔⴰⴹ ⵏⵏⵙⵏ, ⵉ ⵎⴰ ⵜⵏ ⵉⵊⴷⴰⵔⵏ ⴳ ⵎⴰⵢ ⴳⵉⵏ ⵏⵉⵜⵏⵉ ⵙ ⵢⵉⵍⵙ, ⴰⵙⵏ ⵢⴰⴽⴽⴰⵏ ⴰⴷ ⵉⵍⵉⵏ ⴳ ⵜⵓⴷⵔⵜ ⴰ. ⴷⴷⴰ ⵍⵃⴰⵊ ⵉⵜⴳⴳⴰⵏ ⵜⵉⵔⴱⴱⴰⵄ ⵏ ⵉⵅⵉⵏⵙⵍⵎⵏ, ⵉⴳⵓ ⵉⴷⵊ ⵣⵣⵉⴳ ⵙⵏ; ⵉⵙ ⵢⴰⵖⵓⵍ ⵉⵙⵙⴰⵡⴰⵍ ⵉ ⵜⴰⵔⵡⴰ ⵏⵏⵙ ⵅⴰⵙ ⵙ ⵜⴰⵄⵔⴰⴱⵜ ( ⴰⴼⵔ 58 ). ⵜⵉⵖⵔⴰⴹ ⴰⴷ ⵉⵜⴷⴷⵓⵏ, ⵅⴰⵙ ⴳ ⵍⵀⵜⵓⴼ ⵣⵡⴰⵏⵉⵏ, ⵜⵔⴰ ⵜⵏ ⵜⵎⵓⵔⵜ; ⴱⴰⵔⴰⴽⴰ ⵣⴳ ⵎⴰⵢ ⵜⵖⴹⴰⴼ, ⵖⵔ ⵍⵎⵅⵣⵏ ⴰⵙ ⵉⵙⵎⵇⴰⴷⴷⴰ ⵉⴱⵔⴷⴰⵏ. ⵍⴰ ⵜ ⴰⴷⵍⵏ ⵎⵉⴷⴷⵏ ⴰⴷ ⵉⵙⵉⵏⵏ ⵉⵙⴷ " ⵉⵖⴰⵔⴰⵙⵏ ⵍⵍⵉ ⵢⴰⴷ ⵉⵍⵍⴰⵏ " ( ⴰⴼⵔ 70 ) ⵎⵓⵔ ⵢⵓⴼⵉ ⴰⴷ ⵇⵇⵏⵏ. ⵉⴳⴳⵓⵜ ⵎⴰⵢ ⴳⴳⵓⵏⵉⵏ, ⵓⵔ ⴰⵙⵏ ⵉⵍⵍⵉ ⵡⴰⵍⵓ; ⵣⴳ ⵙⵙⵢⴰ ⴰⵔⴰ ⵔⵣⵓⵏ ⵉⴱⵔⴷⴰⵏ, ⵉⵜⴰⵡⵉⵏ ⵙ ⵜⵎⴰⵣⵉⵔⵜ ⴷ ⵉⵅⴼⴰⵡⵏ ⵏⵏⵙⵏ, ⴷ ⵉⵇⵔⵔⴰ ⵏⵏⵙⵏ. ⴰⴷⵉⴷⴰ ⴷ ⴰⵎⵃⴰⵢⵍ, ⵉⵍⵍⴰ ⵣⴳ ⵣⵉⴽ; ⵜⴰⵔⵙⵍⵜ ⵉⵙⵙⵔⵙ ⵍⵅⴰⵜⵉⵔ ⴰⴳ ⴷ ⵉⵎⵓⵍⴰ ⵏ ⵜⴰⴽⵯⵣⵉ, ⵜⴷⴷⴰⴷ ⴰⴽ ⴰⴷ ⵜⵣⴷⵢ ⴰⵡⴰⵍ ⴷ ⵓⵙⴽⴽⵉⵍ, ⵀⴰ ⵜⵖⵎⵙ ⵉⵡ ⵓⴱⴱⵕⴰⵡ, ⵉⵡⵡⵜⵉⵏ ⵉⵖⵍⵉ ⵡⴰⵀⵍⵉ, ⵙ ⵓⵄⵎⵎⴻⵔ ⵏⵏⵙ. ⵓⵏⴳⴰⵍ ⵏ ⵍⵅⴰⵜⵉⵔ ⵢⵓⵙⵉ ⵉⴷⵊ ⵡⴰⴳⴳⴰ ⵉⵎⵖⵔⵏ, ⴳ ⵜⵖⵓⵏⵉ ⵏⵏⵙ; ⵉⵙ ⵉⴷⴷⴰ ⵓⴷⵉⴷⴰ ⵏⵏⵙ ⵉⴼⵓⴽⴽ, ⵀⴰ ⵉⵙⵓⵍ ⵓⵔ ⴰⵙ ⵢⵓⴼⵉ ⴰⵙⴰⵔⵓⵜ, ⴰⵙ ⵉⵕⵥⵥⵎⵏ ⵜⵉⵡⵡⵓⵔⵉⵏ ⴰ, ⴷ ⵉⵣⵉⵍⴰⵍⵏ ⵣⵢⵢⵔⵏⵉⵏ. ⴰⴽ ⴰⴷ ⵉⴼⵙⵉⵢ ⵡⵓⴽⵯⵔⵓⵙ, ⵉⵇⵇⵏ ⴰⴷ ⵏ ⴰⵡⵉ ⴰⴱⵔⵔⵎ, ⵖⵔ ⵓⵎⵚⴰⵡⴰⵟ ⵊⴰⵔ ⵏ ⴰⵢⵜ ⵜⴰⴷⴷⴰⵔⵜ; ⴰⵎⵚⴰⵡⴰⴹ ⴷ ⵉⴽⴽⵔⵏ ⵅ ⵜⴰⵎⵎⴰⵔⴰ, ⴷ ⵜⵖⵓⵏⵉ ⴳ ⵜⴳⵍⵎⵓⵙⵉⵏ ⵅ ⴰⵜⵜ ⴰⵡⵉ ⵎⵏⵖⵓⵢⵜ. ⵜⴰⵔⴱⴰⵜ ⵓⵔ ⵜⴼⴼⵖ, ⵎⴰⴳⴳⵉⵏ ⴰⵔⴳⴰⵣ, ⵍⴰ ⵉⵙⵙⵔⵙ ⵅⴼⵙ ⵜⵉⵟⵟ; ⴷ ⴰⵢ ⴰⵡⵉⵏ ⵉⵎⵃⴰⵟⴰⵔⵏ, ⵖⵔ ⴱⵔⵔⴰ ( ⴰⴼⵔ 87 ). ⴷ ⵅⴰⵙ ⵜⵏ ⵅⵙⵏ ⴰⴷ ⵎⵣⴰⵔⴰⵢⵏ ⴰⴳⵉⵙ, ⵅ ⴰⴷ ⵜⵉⵏⵉⵏ ⵉⵙ ⴰⵙ ⴼⴼⵖⵏ ⵉⵟⴰⵔⵏ ⵛⵛⵡⴰⵔⵉ. ⵎⵏⵉⴷ ⵓⵥⵢⵢⵔ ⴰ, ⵉⵜⵏ ⵉⵜⴰⴷⵊⴰⵏ ⴰⴷ ⴳⵏ ⴰⴳⴰⵏⵓⵏ ⵏ ⴷⴷⵔⵓⵔ; ⴷ ⴰⵙⵏ ⵉⴳⴳⵉⵔ, ⴰⵔⴰⵄⴰ ⵏ ⵓⴱⵓⵔⵣ, ⴷ ⵓⵔⵣⵣⵓ ⵏ ⵡⴰⴷⴷⵓⵔ ⵢⵓⵍⵉⵏ; ⴰⵎⵎⵉ ⵜⴰⵎⵟⵓⵟ ⵓⵔ ⵜⵍⵍⵉ, ⵅⴰⵙ ⴰⴽ ⴰⴷ ⵜⵎⵔⵎⴷ. ⴷ ⴰⵍⵍⵉⴳ ⵉⵜⵜⵓⵥⵓⵖⵓⵔ ⴷ ⵡⴰⵛⴰⵍ, ⵓⵔ ⵉⵇⵇⵉⵎ ⵉ ⵓⵔⴳⴰⵣ ⵓⴷⵎ; ⵅⴰⵙ ⴰⵎⵎⵉ ⵏⵜⴰ ⵖⵔ ⵎⵉ ⵉⵍⵍⴰ ⵓⴷⵎ; ⵜⴰⵎⵟⵓⵟ ⵜⴻⵜⵜⵛⵉⵜ ⴳ ⵉⵍⴰⵎⵎⵏ ⴰⴳ ⴷ ⵉⴳⴰⵥⵉⵟⵏ. ⵏⴻⵏⵏⴰ ⵎⵏⵉⴷ ⵓⵣⵢⵢⵔ ⴰ, ⵍⴰ ⵏ ⵜ ⴰⴼ, ⵜⵉⵔⴱⴰⵜⵉⵏ ⵏ ⴰⵢⵜ ⵜⵎⴰⵣⵉⵔⵜ, ⵅⴰ ⵜ ⵅⵙⵏ ⴰⴷ ⵎⵣⴰⵔⴰⵢⵏ ⴷ ⵓⵍⵎⵙⵉ, ⵜⴰⵖ ⵜⴰⵣⵣⵍⴰ; " ⵢⵓⴼ ⵖⵉⴷ ⵜⴰⵎⴷⵉⵏⵜ ⴰⵛⴽⵓ ⵓⵔ ⴼⵍⵍⴰⵙ ⵉⴱⵣⵣⵉⵣ ⴱⴰⴱⴰⵙ ⴰⴷ ⵏ ⵜⴳ ⴰⴳⵍⵎⵓⵙ " ( ⴰⴼⵔ 63 ). ⵡⵏ ⵉⵔⵣⵣⵓⵏ ⴰⴷ ⵢⵉⵙⵉⵏ ⵛⴰ ⵅ ⵓⵏⵊⴰⵇ ⵏ ⵉⵅⵉⵏⵙⵍⵎⵏ, ⵉⵅⵙ ⴰⵙ ⴰⴷ ⵢⴰⵖⵓⵍ ⵖⵔ ⵓⵙⴳⵎⵉ ⵢⴰ ⵓⵖⵣⴷⵉⵙ; ⵢⵉⵥⵉⵕ ⵎⴰⴽⴽⴰ ⴰⵔ ⴰⴷ ⵜⵉⵙⵎⵇⴰⴷⴷⴰ, ⴰⴽ ⴰⴷ ⵢⵉⵍⵉ ⴳ ⵜⴰⵏⵓⵎⵉ, ⵓⵔ ⵜⵣⴱⴰⵔⵏ ⵡⵉⵏ ⵉⵟⵏⵉⵏ. ⴰⵙⵇⵙⵉ ⵢⴰ ⵉⴱⴰⴹ, ⴰⵅ ⵢⵓⵛ ⴰⵏ ⵙⵙⵉⴷ; ⵎⵎⴰⵅ ⴰⵍⵍⵉⴳ ⵉⵜⴰⵊⵔ ⴱⵓ ⵜⵎⵓⵔⵜ ⴱⴰⴱ ⵓⵎⵔⵡⴰⵙ, ⴳ ⵓⵏⵣⴰⵖ ⴰⵙ ⴷ ⵢⵉⵡⵉ. ⴰⵙⵇⵙⵉ ⵉⴳⵓ ⴳⴰⴱⵔⵉⵢⴰⵍ ⵛⴰⵎⵃⵙ ⵅ ⵓⴱⵖⵓⵔ, ⵏ ⵜⵏⵙⵍⵎⵜ ⴳ ⵜⵎⵓⵔⵜ ⵏ ⵍⵎⵓⵖⵔⵉⴱ, ⴳ ⴷⵔⵓⵙ ⵉⵙⴳⴳⴰⵙⵏ; ⵅ ⵓⵢⵏ ⵓⵔ ⴳⵉⵏ ⵓⴷⴰⵢⵏ, ⵏⵖ ⴷ ⵉⵄⵉⵙⴰⵡⵉⵏ, ⴳ ⵡⴰⵀⵍⵉ ⵏ ⵜⵓⴷⵔⵜ ⵙⵙⴽⵏ; ⵅⴰ ⵏ ⵜ ⵙⵙⴽⵡⵃⴰⵕⴰⵚ, ⵉⵙⴷ ⵎⵔⵡⴰⵙⵏ ⵉⵎⴰⵣⵉⵖⵏ ⴷ ⵜⵏⵙⵍⵎⵜ, ⴳ ⵜⵖⵓⵏⵉⵡⵉⵏ ⵏ ⵓⵙⵙⴰⵏ ⵜ ⵓⵛⵏ ⵉⵡⵙⵓⵏ. ⵜⴰⵎⵟⵓⵟ ⵉⵏⴳⵔ ⵓⵣⴷⵓⵣ ⴷ ⵜⵣⵕⵓⵟ ⴰⵎⵣⵔⵓⵢ ⴰⴽ ⴰⴷ ⵉⵜⵜⵡⴰⵙⵙⵏ, ⵉⵇⵇⵏ ⴰⴷ ⵜⴽⴽⵜ ⵅ ⵓⵍⵎⵙⵉ ⵉⵜⵏ ⵢⵓⵙⵉⵏ; ⵅ ⵜⴰⴷⴰⵡⵜ ⵏ ⵜⵡⵜⵎⵉⵏ ⵉⵜⵏⵏⴰⵍⵏ ⵉ ⵢⵉⵏⴳⵉ ⵏ ⵓⵙⵙⴰⵏ, ⴷ ⵎⴰⴽⴽⴰ ⵜⵃⵟⴰ ⵜⵡⵜⵎⵜ ⵉⵍⵙ, ⴰⵢ ⵜ ⴼⴼⵔ ⵜⵉⴽⵯⵎⵙⵉⵏ ⵏ ⵜⵄⴰⵡⵉⴷⵉⵏ, ⵣⵣⵔⵉⵏⵉⵏ ⵡⴰⵀⵍⵉ. ⵇⵇⵉⵎⵏ ⵉⵙⵇⵙⵉⵜⵏ ⵏ ⵜⴰⵣⵣⴳⵜ, ⴰⴳ ⴳⴳⵉⵏ ⴰⵍⵍⴰⵖ ⵏ ⵎⴰⴳⴳⵉⵏ ⴰⵕⵥⵥⵓⵎ, ⴰⵔⴰ ⴷ ⵢⴰⵙⵏ ⵉⵎⴰⵍ. ⴰⵎⵙⴰⵙⴰ ⵏ ⵓⵍⵎⵙⵉ, ⵢⵣⵔⵉ ⵅ ⵓⵙⵙⵖⴰⴷ ⵜⴳⴳ ⵜⵎⵖⴰⵔⵜ, ⴰⴳ ⴷ ⵜⵎⵣⵣⵢⴰⵏⵜ. ⴰⵎⵚⴰⵡⴰⴹ ⵏ ⵍⵡⴰⵛⵓⵏ ⴷ ⵉⵎⵎⴰⵜⵙⵏ, ⵢⵓⵊⵔ ⵡⵏ ⴰⵔⴰ ⵜⵏ ⵉⵣⴷⵉⵏ ⴷ ⴱⴰⴱⴰⵜⵙⵏ. ⵙ ⵡⴰⵡⴰⵍ ⵉⵟⵏⵉⵏ, ⵡⵉⴷⴷⴰ ⵎⵉ ⵜⵔⵛⴰ ⵜⵏⴱⴰⵟ ⵅ ⴰⴷ ⵜⵎⵍⴰⵍⴰⵏ, ⴰⴽ ⴰⴷ ⴳⵏⵜ ⵉⵛⵜ ⵏ ⵜⵡⵓⵔⵉ, ⵖⵔ ⵡⴰⵙⵙ ⵓⵎⵏⵖⵉ. ⵖⵔ ⵓⵙⵙⴰⵏ ⵉⵖⵉⵎⵉ ⵎⴰⵏⵉⴳ ⵜⵍⵍⴰ ⵜⵇⴱⴱⴰⵟ ⴷ ⵓⵎⵀⵔⵔⴰⵎ, ⵅ ⴰⴷ ⵜⴰⵡⵉⵏ ⵛⵡⵉ ⵏ ⵓⵃⵟⵟⵓⵢ ⴰⵔⴰ ⵢⴰⴷⵊⵏ ⴰⵃⵔⵔⴰⵣ ⵉⵙⵓⵙⵎ. ⵣⴰⵢⵏⴰ ⴰⴽ ⴰⴷ ⵜⴰⵙ ⵖⵔ " ⵏⵜⵛ " ⵏ ⵓⵏⴳⴰⵍ, ⴰⵏⵣⴳⵓⵎ ⴰⵙ ⵉⵜⵖⵉⵎⴰⵏ, ⵉⵍⵍⴰ ⵉⴽⴽⴰⵙⴷ ⵣⴳ ⵜⵎⵏⴰⵟ ⵏⵡⵏⵉⵜ ⵢⵓⵔⵓⵏ; ⴰⴽ ⴰⴷ ⵜⴰⵡⵟ ⵖⵔⵙ, ⵉⵍⵍⴰ ⵡⴰⵡⴰⵍ ⴳ ⵉⵅⴼ ⵏ ⵉⵎⵎⴰⵙ; ⴰⵍ ⴱⴱⴰⵙ ⴷ ⴰⴷ ⴰⵙ ⵜⴳ ⵎⴰⴽⴽⴰ " ⵉⵢⵢⵉ ⵓⵔ ⵉⵥⵕ " ( ⴰⴼⵔ 99 ). ⵜⵓⵙⵙⵏⴰ ⵜⴰⵡⵜⵎⵜ, ⴷ ⵜⵏ ⵎⴰⴳⴳⵉⵏ ⴰⵙⵙ, ⵜⴱⴰⴹ ⴰⴷ ⵜⵙⵙⵓⵔⴼ ⵜⵉⴼⵉⵛⴰ ⵏ ⵉⴽⵯⵓⵔⴰⵙ; ⴰⵔⴰⵄⴰ ⵏⵏⵙ ⵓⵔ ⵉⵇⵇⵓⵔ, ⵉⴼⵙⵓⵙ ⵀⴰ ⵉⴱⵏⵏ; ⵉⵙ ⵉⴳⵓ ⴰⵃⵡⵡⵚ ⵖⵔ ⵜⴰⵎⴷⴰ, ⴰⵏⵙⴰ ⵏ ⵡⴰⵎⴰⵏ ⴷ ⵓⵎⴰⵍⵓ. ⴰⵣⵟⵟⴰ ⵓⵔ ⵅⴰ ⵉⵜⴰⵍⵉ, ⴽⵎ ⵓⵔ ⴰⵙ ⵍⵍⵉⵏ ⵜⵉⵖⵔⴰⴹ; " ⵉⵛⵇⵇⴰ ⵢⴰⵏ ⵉⴳⴰⵏ ⵢⴰⵏ ⵓⴼⵓⵙ ⵜⵉⵣⵉ ⵢⴰⴷ " ( ⴰⴼⵔ 101 ). ⵉⵎⵛⵉ ⵓⵔ ⵉⵜⴼⴼⵖ ⵓⵏⵍⵍⵉ, ⵉ ⵢⴰⵏ ⵃⵎⴰ ⴰⴷ ⵉⴼⵖⵍ, ⵏⵖ ⴷ ⴰⵙ ⵏⵟⵓⵏ ⵡⴰⴼⵔⵉⵡⵏ ⵊⵍⴰⵏⵜ ⴰⵙ, ⴽⵎ ⵉⵚⵓⴹ ⵓⵣⴳⵓ; ⴰⵎ ⵎⴰⴽⴽⴰ ⵜⴰⵏⵏⴰⵢ ⵍⴰⵍⵍⴰ ⵅⵍⵉⵊ. ⵉⵔⴰⵟ ⵏ ⵜⴱⴰⵔⴷⴰ: ⵜⴰⵎⴰⴳⴳⵉⵜ ⴰⴽⵛⵛⵓⵎ ⵖⵔ ⵜⵎⴰⵣⵉⵔⵜ, ⵓⵔ ⴷ ⵢⵓⵙⵉ ⵅ ⵓⴱⵔⵉⴷ ⵉⴳⵉⵏ ⵍⵎⵏⵊⵓⵔ; ⵓⵔ ⵍⵍⵉⵏ ⵅⴰⵙ ⵉⵙⴰⵡⵏ ⴰⵛ ⵉⵜ ⴳⴳⵓⵏⵉⵏ, ⴷ ⵓⵣⴰⵡⵟ, ⵎⴰⵃⴷ ⵓⵔ ⵜⴽⴽⵉⵔ ⵜⴰⵙⴰ. ⵜⵉⵏⴱⵊⵓⵡⵜ ⵉⵜⵜⵡⴰⵙⵏⵏ ⴰⴳ ⴷ ⵉⵎⴰⵣⵉⵖⵏ, ⴰⴳ ⵉⵙ ⵓⵔ ⵉⵎⵎⵓⵔⵚ ⵢⵉⴷⵊ, ⵏⵖ ⴷ ⵢⴰⵖⵜ ⵓⵔⵉⴼⵉ ⴷ ⵍⴰⵥ. ⴰⴽⵕⵕⴼ ⴳ ⵉⵎⵓⵍⴰ ⵏ ⵜⵎⵛⵜⵉⵜ, ⵜⵉⴽⵯⵍⵉ ⵢⵓ, ⵉⴷⴷⴰ ⴰⴷ ⵜⵢⵉⵙⵉⵏ ⵎⴻⵎⵎⵉⵙ ⵏ ⵜⵎⴰⵣⵉⵔⵜ, ⵉⵅⵙⵏ ⴰⴷ ⵉⵖⵣ ⴳⵯ ⵓⵍ ⵏ ⵓⵙⵓⵏ; ⴰⴽ ⴰⴷ ⵉⵙⵙⵔⵙ ⴰⴼⵓⵙ ⵅ ⵉⵎⴰⵏ ⵓⵙⵙⴰⵏ. ⴰⴽ ⴰⵙ ⵕⵥⵎⵏ ⵜⴰⵢⵏⵔⵜ, ⴷⴷⴰⵏ ⴰⵙ ⵍⴰⵖⴰⵏ ⴽⴰⵙⵉⵙⵜⵓ, ⴰⵎ ⵡⵏ ⴷ ⵢⵓⵙⵉⵏ, ⵉⵙⵎⵓⵏ ⴰⵢⵏ ⵉⵙⵎⵓⵏ, ⴷ ⵣⴳ ⵡⴰⵙⵙ ⵎⴰⴳ ⵎⵣⴰⵔⴰⵢ ⴰⴳ ⵉⴷⵙⵏ, ⵓⵙⴰⵔ ⵣⵕⵉⵏ ⵣⵣⴳⵙ ⴰⴳ ⴷ ⵉⵛⵜ; ⴳⴳⴷⵏ ⵜ ⴰⴷ ⵢⵉⴳ ⴰⴳⵉⵜⵙⵏ ⴰⵎ ⵓⵎⵣⵡⴰⵔⵓ; ⴼⴼⵉⵔ ⵎⴰⵔⴰ ⵉⴳⵯⵀⵣ ⴰⵍⵓⴳⵏ, ⴱⴷⴷⵏ ⵅ ⴰⵜⵉⴳ ⵏ ⵎⴰⴳ ⴽⵔⴹ ⵣⴳ ⵜⵙⵔⴼⵉⵏ; ⵉⵏⵏⴰ ⵙ ⴷⴰ ⵎⵃⴰⵏⴷ: ⵜⵙⵙⵏⵜ ⵜⵍⵍⵉⵜ ⵉⵢⵢⵉ ⴳ ⵜⵉⵣⵉ ⵢⵓⵊⵔⵏ ⵜⵏ ⵉⵡⵟⵏ ⵖⵓⵔⵉ ⵜⴰⵔⵡⴰ ⵏ ⵜⴰⴷⴷⴰⵔⵜ ⵉⵏⵓ; ⵉⵙ " ⵜⵙⵓⴳⵔⵜ ⵖ ⵓⵍ ⵉⵏ " ( ⴰⴼⵔ 104 ). ⴰⵡⴰⵍ ⵉⵜⵍⴰⵍ ⵏ, ⴰⴳ ⴷ ⵜⵙⵙⴽⵜ ⴰ, ⵉⴷⴷⴰⴷ ⴰⵅ ⵢⵉⵏⵉ ⵡⵉⴷⴷⴰ, ⵓⵔ ⵏⵙⵙⵉⵏ ⵓⵔ ⵏⴳⴳⵓⵏⵉ ⴰⴷ ⴰⵅ ⵅⵙⵉⵏ, ⵃⵎⵍⵏ ⴰⵅ. ⴰⵙⴽⴽⵉⵏ ⵉⵙⴱⵣⴷⴰⵏ; ⵏⵜⴰ ⵎⵎⴰⵅ ⵓⵔ ⵏⴳⴳⴰⵔ ⴰⵟⴰⵕ ⵖⵔ ⵡⵏ ⵉⵣⵡⴰⵔⵏ, ⵙ ⵓⵣⴰⵡⵟ ⵏ ⵓⵟⴰⵕ ⵏⵏⵙ; ⵀⴰ ⵏ ⵙⵙⵉⴳⵍ, ⵅⴼⵙ ⵛⴰ ⵉⴳⴰⵏ; ⴰⵍ ⵡⵉⵏⵉⵏ ⴷ ⵓⴷⴼⵏⵉⵏ, ⵀⴰ ⵇⵇⵉⵎⵏ ⴷ ⵉⵄⵏⵥⴰⵍ, ⵓⵔ ⵉⵍⵍⵉ ⵎⴰ ⵜⵏ ⵉⴳⴳⵓⵏⵉⵏ.; ⴰⵣⵟⵟⴰ ⵅⴰⵙ ⵓⵔ ⵜ ⴰⵖⵓⵍⵏ, ⴰⵢⵜ ⵓⵎⴰⵣⵉⵔ ⴷ ⵉⵄⵏⵥⴰⵍ. ⴰⵀ ⵙ ⵜⵉⵜ, ⵜⵜⵓⵅ ⵉⵡⵉⵏ ⵜ ⵉⴷ ⵉⵙⴰⴼⴼⵏ ⵓⵔ ⵅⴰ ⵉⵜⵖⴰⵔⵏ, ⴷ ⵉⴳⵔⴰⵏ ⵓⵔ ⵙⵙⴱⵣⵉⴳⵏ ⵜⵉⵔⴳⵯⵉⵏ. ⵎⵎⴰⵅ ⴰⵍⵍⵉⴳ ⴷ ⵓⵙⵉⵏ ⴰⵢⵜ ⵜⵎⴰⵣⵉⵔⵜ, ⴰⴷ ⵃⵎⵍⵏ ⵡⵉⵏⵉⵏ, ⵉⵜⴳⴳⴰⵔⵏ ⵜⴰⵎⴰⴳⴳⵉⵜ ⵏⵏⵙⵏ, ⴳⵔⵏ ⵡⵉⴷⴷⴰ ⵉⵜⵏ ⵉⵜⵙⵙⴽⵃⴰⵕⴰⵚⵏ ⴰⴷ ⴰⴽⵯⵉⵏ, ⵉⵙⵉⵏⵏ ⵎⴰⴳⵎⵙ ⵏⵉⵀⵏⵉ; ⵉⵙⴷ ⴰⵎⵢⴰⵊⴰⵔ ⴰⴷ ⵉⵜⵜⴰⵖⵓⵍ ⵅⴰⵙ ⵉ ⵓⵙⵖⴰⵏ; ⵙ ⵡⴰⵡⴰⵍ ⵉⵟⵏⵉⵏ, ⵉⵙⴷ ⴷ ⴰⴷ ⵉⵍⵉⵏ ⵙⵜⵉⵜ, ⵡⵉⵏⵉ ⵉⵜⴰⵎⵥⵏ ⵜⴰⵎⴰⴳⴳⵉⵜ, ⴰⵙⵏ ⵉⵜⵜ ⴰⵙⵏ ⵣⴳ ⵏⵏⵊ, ⴰⵎ ⵜⴱⴰⵔⴷⴰ. ⵅ ⵓⴱⵔⵉⴷⵓ ⵢⵓⵔⵉ ⴽⵓⵏⵣⵓ " ⵎⴰⵔⴰ ⵜⴳⵜ ⵛⴽⴽⵉⵏ ⴰⴷ ⴰⵢ ⵜ ⵉⵍⵉ ⵜⵎⴰⴳⴳⵉⵜ ⵏⴽ ⵍⴰ ⵙⵔⵙⵏ ⴰⴽⵜ ⵣⴳ ⵏⵏⵊ? " ( ⴰⴼⵔ 11 ). ⵓⵇⵓⵏ ⵏⵓⵣⴷ ⵖⵔ ⵓⴳⵯⵀⴰⵣ ⵏ ⵜⵖⵓⵔⵉ, ⵏ ⵓⵏⴳⴰⵍ ⴰⵅ ⵢⵓⵔⵉ ⵍⵅⴰⵜⵉⵔ; ⵀⴰ ⵜⵙⵓⵍ ⵜⵖⵓⵕⵉ ⵅ ⴼⴰⴷ, ⵓⵔ ⵜⵏⵏⵉ ⴰⴷ ⵜⵇⵇⵏ ⴰⵇⵎⵓ ⵉ ⵓⵖⴱⴰⵍⵓ, ⵏ ⵓⴷⵉⴷⴰ ⴷ ⵡⴰⵍⵙ ⴰⵎⴰⵣⵉⵖ. ⵉⵙⵓⵍ ⴳ ⵓⵎⵟⵟⴰⵕ ⵏ ⵉⵎⵓⵍⴰ, ⵎⴰ ⵔⴰ ⵉⵜⵓⵙⵓⵣⵓⵔⵏ, ⴽⵎ ⵉⵅⵙ ⵉⴷⵊ ⴰⴷ ⵉⵙⵎⵓⵏ ⵜⴰⵔⵔⵛⵜ ⵉ ⵡⴰⵙ ⵓⵇⵔⵉⴼ. ⴰⴳ ⴷ ⵡⴰⵙⵏⵉⴳⵓⵜⵔⴰⵔⵜ, ⵢⴰⵖⵓⵍ ⵓⵏⴳⴰⵍ ⵉⵍⵍⵓⵣ, ⵓⵔ ⵉⵇⵇⵉⵎ ⵉⵍⵍⴰ ⵅⴰⵙ ⵡⵏ, ⴰⵅ ⵣⵣⵔⵓⵢⵏ, ⴰⵎⵎⵉ ⵏⵜⴰ ⴰⴳⴳⵉⵏ ⵙⵜⵉⵜ. ⵙⵙⵢⴰ, ⴷⴰ ⴰⴷ ⵉⴳ ⵓⵏⴳⴰⵍ, ⴰⵎ ⵣⴳ ⵣⵉⴽ, ⵔⵎⵖ-ⵓⵏⴳⴰⵍ 12. ⴰⵎⵍⴰⵍⴰ ⴷ ⵉⵅⴼⴰⵡⵏ ⵏⵏⵅ ( ⵣⴳ ⵓⴱⴷⴷⵉ ⵖⵔ ⵓⵙⴰⵔⵓ ⵏ ⵍⴰⴳⵣⵓⵍⵉ ) * " ⵏⵏⵄⵏⴰⵄ ⵏ ⵡⴰⵏⵓ ⵉⵃⵔⵔⴰ ⵡⴰⵅⵅⴰ ⵉⴷⵔⵓⵙ " ⵜⵓⴷⵔⵜ ⵉ ⵓⵃⵔⵚⵉ ⵉⵏⵣⵉⵣⵏ ⵙ ⵉⵡⴰⵍⵉⵡⵏⵉ ⵉⵇⵓⵔⴰⵔⵏ, ⵉⴷ ⵏⵓⵙⵉ ⴰⴷ ⴳ ⵅ ⵉⵅⴼ ⵏ ⵉⵡⴰⵍⵉⵡⵏ ⵉⵜⵜⴻⵜⵏ ⵣⴳⵏⵅ, ⵅⵙⵅ ⴰⴷ ⵉⵏⵉⵅ ⴰⵙⴰⵔⵓ ⴷ ⵉⵙⵙⵓⴼⵖ ⵀⴰⵙⵙⴰⵏ ⵍⴰⴳⵣⵓⵍⵉ, ⵉⵙ ⵉⴳⵓ ⵉⴷⵊ ⴳ ⵍⵇⵙⴰⵔⵜ ⵜⴳⵓ ⵜⵉⵍⵉⵥⵔⵉ ⵜⵉⵙⵙⵏⴰⵜ ⴰⵙⵙ ⵏ 16 / 10 / 01. ⵀⴰ ⵢⵓⵣⴷ ⵊⴰⵔ ⵏ ⵜⴰⵎ ( 8 ) ⵏ ⵉⵙⴰⵔⵓⵜⵏ. ⴰⵡⴰⵍ ⵏ ⵏⵏⵄⵏⴰⵄ, ⴷ ⵉⵡⵉⵅ ⵖⵔ ⵏⵊ, ⵜⵙⵙⵏⵎ ⵎⴰⵅⵎⵎⵉ ⵍⵃⵔⴰⵔⵉⵜ? ⵉⵃⵕⵕⴰ ⴰⵍⵍⵉⴳ ⵉⵜⴽⴽⵙ ⴼⴰⴷ ⴷ ⵉⵔⵉⴼⵉ, ⵣⴳ ⵊⴰⵔ ⵏ ⵜⴰⵎ ⵏ ⵉⵎⵓⵛⴰⵏ; ⴷ ⵅⴼ ⵉⴷⵊ ⴰⵢ ⵏⴷⴷⴰ ⴰⵏ ⵙⵙⵉⵡⵍ; ⵉⵙ ⴰⵅ ⵉⴷⵊⵓ ⴰⴷ ⵏⵎⵍⴰⵍⴰ ⴰⴳ ⴷ ⵉⵅⴼⴰⵡⵏ ⵏⵅ. ⴰⴽ ⴰⴷ ⵏⵏⵙⵏⵜⵉ ⴰⵡⴰⵍ, ⴷ ⴰⵏ ⵙⵇⵙⴰ: ⵎⴰⵅ ⵉⵟⴼⵏ ⴳ ⵓⵙⴰⵔⵓ ⵏ ⵍⴰⴳⵣⵓⵍⵉ? ⵣⴳ ⵎⴰⵅ ⵉⵟⴼⵏ ⵉⵍⵍⴰ ⵡⴰⵡⴰⵍ, ⵉⵍⵉⵏ ⵓⴷⵎⴰⵡⵏ. ⴰⵡⴰⵍ: ⴰⴷ ⵜⵜⵙⵙⵉⵡⵍⵜ ⵅ ⵜⵎⴰⵣⵉⵖⵜ ⵓⵔ ⵉⴷ ⴰⴷ ⵙⵉⵡⵍⵏ ⵜⴰⵎⴰⵣⵉⵖⵜ. ⵣⴳ ⵙⵢⴰ, ⴰⴷ ⵉⵇⵇⵉⵎ ⵡⴰⵙⵙ ⵓⵕⵥⵥⵓⵎ ⵏ ⵓⵙⴰⵔⵓ ⵢⵓ ⴰⵙⵙ ⵏ ⵓⴱⵓⵔⵣ, ⵎⴰⵏⵉⴳ ⴰⵔ ⴰⴷ ⵢⵉⵥⵉⵕ ⵓⵎⴰⵣⵉⵖ ⵜⵓⴷⵔⵜ ⵏⵏⵙ ⵍⴰ ⵜ ⵏⵢⵓⴷⴷⵓ; ⴰⵢⵏ ⵏⵅⵙ ⵏⵜⴰ ⴰⴷ ⵉⵣⴷⵉ ⵡⵢⵓ. ⴷ ⵎⴰⴽⴽⴰ ⵢ ⴳⵉⵏ ⴰⴳ ⴷ ⵜⵔⴰⵔⵉⵜ ⵏ ⵜⵉⵖⵕⵉ ⴰⵍⵍⵉⴳ ⵙⴳⵓⴷⵊⵏ, ⴰⵢⵏ ⵉⵡⴰⵍⵉⵡⵏ ⴷⵔⵓⵙⵏⵉⵏ, ⵀⴰ ⴰⵔⵉⵏⵜⵏ ⴷⴷⴰⵡ ⴰⵙ ⵙ ⵜⴰⵄⵔⴰⴱⵜ, ⴰⵔⴰ ⴳⵏ ⴰⵍⵍⵓ, ⵙⴳⴰⴷⵊⵏ ⵡⵉⵏ ⵜⴰⵄⵔⴰⴱⵜ ⵖⵔ ⵜⵎⴰⵣⵉⵖⵜ ⴰⵔⵉⵏ ⵜⵏ ⵖⵔ ⵡⴰⴷⴷⴰ; ⵙ ⵡⴰⵎⵎⵓ ⵓⵔ ⵉⵜⴰⴼⴰ ⵓⵎⵣⴷⴰⵖ ⵏ ⵜⵎⵓⵔⵜ ⵉ ⵉⵅⴼ ⵏⵏⵙ ⵍⴰ ⵉⵟⵟⴼ ⵜⴰⵎⴰ. ⴰⵙⴰⵔⵓ ⵢⵓ ⵎⵉ ⵍⴰⵖⴰⵏ: ⴰⴷ ⴰⵢ ⵜ ⵙⵙⴱⵟⴰ ⵜⴰⴼⵓⵢⵜ ⵉⵊⵟⴰⵟ; ⵍⴰ ⵅ ⵜ ⵓⵜⵛ ⴰⴱⵔⵉⴷ ⴰⴽⴰ ⵏ ⵙⵙⵉⵡⵍ ⵅⴼⵙ. ⴽⵎ ⵏⵕⵥⵎ ⵉ ⵡⵙⵖⵓⵏ ⵏ ⵡⴰⵡⴰⵍ ⵣⴳ ⵓⴷⵎⴰⵡⵏ: ⵍⴰ ⴱⵟⴰⵏ ⵅ ⵙⵉⵏ, ⵡⵉⴷⴷⴰ ⵏ ⵙⵙⵉⴷ, ⴷ ⵎⴰⵅⵎⵎⵉ ⵢⵓⵣⴷ ⵓⵏⵖⵎⵉⵙ; ⵉⵅⵏⵛⴰⵛ ⵏ ⵙⵙⴰⴷⴷⴰ: ⵜⵍⵍⴰ ⵜⵎⵖⴰⵔⵜ ⵍⴰⵍⵍⴰ ⵢⴰⵎⵏⴰ, ⴰⵔⴱⴰ ⴽⴰⵎⴰⵍ, ⵜⵉⵙⵍⵉⵜ ⵣⵉⵏⴱ ⴷ ⵜⵎⵍⴳⴰⵣⵜ, ⵜⴰⵎⵟⵓⵟ ⵎ ⵉⵏⴱⵊⵉⵡⵏ; ⵉⵡⴰⵍⵉⵡⵏ ⵏⵏⵙ ⴷ ⵉⵡⴰⵍⵉⵡⵏ ⵉⵇⵓⵕⴰⵔⵏ, ⵅ ⴰⴷ ⵜⴰⵙⵉⵏ ⵓⴳⴰⵔ ⵎⴰⵅⵎⵎⵉ ⴷ ⵓⵙⵉⵏ, ⵉⴳⵉⵜ ⴱⵓⵡⵙⴰⵍⴰⵢ ⵓⵙⴰⵔⵓ ⵍⴰ ⵜ ⵙⵙⴰⵔⴰ ⵅ ⵎⴰⵔⴰ ⵙ ⵉⵖⵔⵚⵏ ⴰⴳⴰⵣⵉⵟ, ⵉⵙ ⵍⵍⴰⵏ ⵖⵔⵙ ⵎⴰⴳ ⵄⵎⵎⵏ ⵜⵉⴳⵎⵎⵉ. ⵣⴳ ⵎⴰⵢ ⵜ ⴼⴼⵖ, ⵓⵔ ⵜ ⵓⴼⵉ ⴰⵔⴳⴰⵣ ⵉⵅⴰⵜⵔⵏ, ⵉⴳⵉⵏ ⴰⴽⵯⵙⵡⴰⵜ, ⴰⵔⴰ ⵉⴱⴰⴹⵏ ⴰⴷ ⵉⵟⵟⴼ ⵜⴰⵅⴷⵎⵉⵜ, ⴰⴽ ⴰⴷ ⵉⵖⵔⵚ ⵉⵡⴳⵯⴰⵥⵉⵟ, ⵜⴰⵖⵔⵚⴰ ⴷⴰⵀⴰ ⵏⵜⴰⵜ ⴷ ⵓⴷⵎ ⵉⵜⵏⴱⴰⵟ; ⴷ ⵓⵔⵣⵣⵓ ⵢⵓ ⵅ ⵓⵔⴳⴰⵣ ⵀⴰ ⵓⵔ ⵉⴷ ⵅ ⴰⵎⵟⵓⵟ, ⴷ ⴰⵙⴽⴽⵉⵏ ⵉⵜ ⵟⴼⵏ ⴰⵔⴰⵄⴰ ⵏⵅ ⴳ: ⴰⴷ ⴰⵢ ⵜ ⵙⵙⴱⵟⴰ ⵜⴰⴼⵓⵢⵜ ⵉⵊⵟⴰⵟ; ⵉⵙ ⵉⵙⵙⴽⵔ ⴷⴳ ⵏⵅ ⵜⴰⵜⵚⴰ, ⵙ ⵓⴱⵉⴱⴰ. ⵢⵓⵔⵉ ⵎⴰⵓⵔⵉⵣⵢⵓ ⵏⵉⵛⵜⵜⵉ " ⵙⵏⵅ ⵉⵙ ⵜⴰⵇⴱⴱⴰⵟ ⵍⴰ ⵜ ⴰⵙ ⴰⴷ ⵣⴳ ⵓⵙⴰⵖⵓⵍ ⵏ ⵓⵔⴰⵄⴰ ⵉⵜⴱⵔⵔⴰⵎⵏ ⴽⵓ ⵜⵉⴽⴽⵍⵜ ". ⵣⵣⵍⵟ ⴰⵅ ⵉⵡⵜⵏ ⵣⴳ ⵉⵏⴱⴱⴰⴹⵏ, ⵏⵜⴰ ⴰⵅ ⵉⴷⵊⵉⵏ ⴰⵏ ⴳⵔ ⵜⴰⵔⵡⴰ ⵉ ⵜⵎⴰⵔⴰ, ⵉ ⵓⵄⵔⴰⵇ; ⴷ ⵓⵢⵏ ⵜⴷⵊⵓ ⵜⴰⵖⵓⵙⵜ ⵏ ⵜⵏⵣⵔⵓⴼⵜ, ⵜⴼⴷⴹⴰ ⵜ ⵜⴰⵎⵓⵔⵚⵜ ⵡⴰⵎⴰⵏ. ⵜⴰⵎⵍⴳⴰⵣⵜ ⴰⴽⴰ ⵜ ⵉⵏⵉ ⵣⵣⵍⵟⵓ, ⴷ ⴰⵙⵏ ⵙⵙⵖⴷ ⵍⴰ ⵜ ⵉⵏⵉ: ⴰⵡⵔⴰ ⵡⴰⵅⵅⴰ ⵜⴳⵉⵜ ⴰⴷⵔⵖⴰⵍ, ⴰⵡⵔⴰ ⴰⵅ ⵜ ⵖⵔⵚⵜ. ⴰⵔⵣⵣⵓ ⵢⵓ ⵉⴼⴼⵖ ⵉⴳⵓ ⵜⴰⵕⵥⵥⵓⵜ ⵉ ⵜⵎⵓⵔⵜ ⵅ ⵓⵏⴳⴳⴰⵔⵓ ⵏⵏⵙ. ⴷ ⴽⵎ ⵜⵏⵏⵉⵎ ⵛⴰ ⵀⴰ ⴽⴰⵎⵍ ⵎⵉ ⵍⵍⴰⵏ ⵉⵡⴰⵍⵉⵡⵏ ⵓⵔ ⵎⵇⴰⴷⴷⴰⵏ ⵉⵏ; ⵉⴳ ⵉⵜⴰⴷ ⵉⵙⵙⵉⵡⵍ ⵅ ⵡⴰⵍⵍⴰⵢ ⵏ ⵉⵎⴰⵣⵉⵖⵏ ⵅ ⵓⴱⵔⵉⴷ ⵏ ⵎⵉⵣⵕⴰ ⵙ ⵜⴰⵟⵚⴰ, ⵀⴰ ⵉⴳⵉⵜ ⵓⵔ ⵉⵙⵙⵉⵏ ⵉ ⵛⴰ ⵓⵥⴹⵉ ⵅⴰⵙ ⵉ ⵓⵀⵉⴹⵓⵔ ⵏ ⵡⴰⵟⵓ ⵜ ⵓⵔⴰⵔⵏ ⵙ ⵓⵟⴰⵔ, ⴰⵢⴷⴷⵉⴷ ⵡⵡⴰⵟⵓ ⵉⵜⵉ ⵙⵙⵅⵓⴱⵏ ⵉ ⵢⵎⵥⵥⵢⴰⵏ ⴷ ⵉⵎⵇⵔⴰⵏ. ⴰⵙⵓⴼⵖ ⵏ ⵓⵙⴰⵔⵓ ⵢⵓ, ⵉⴳⵓ ⵣⵣⴰⵜ ⴰⵙ ⵉⴷⵊ ⵓⴽⵯⵔⵓⵙ, ⵉⵣⴷⵉⵏ ⵉⵙⵖⵡⴰⵏ ⵏ ⵙⵙⵉⵏⵜⴰ. ⴰⴽⵯⵔⵓⵙ ⵓ ⵉⵇⵇⵏ ⵣⵉⵏⴱ ⴷ ⵢⴰⵎⵏⴰ; ⴷ ⴰⴽ ⴰⴷ ⵏ ⵉⵙⵉⵏ ⵎⵎⴰⵅ?, ⴷ ⴰⵏ ⴱⵔⵔⵎ ⵖⵔ ⵍⴳⴰⵎⵜ ⵎⴰⵏⵉⴳ ⵜⵓⵔⵉ ⵜⵎⵟⵓⵟ ⵜⴰⴱⵔⴰⵜ, ⵉ ⵓⵔⴳⴰⵣ ⵏⵏⵙ ⵉⵏⵢⵉⵏ ⵖⵔ ⵜⵏⵣⵔⵓⴼⵜ; ⴰⵏⴳⴳⴰⵔⵓ ⵢⵓ ⵜⵅⵙ ⵉⵎⵎⴰⵙ ⴰⵙ ⵜ ⴰⵣⵏ ⵙ ⵜⴰⵡⴰⵍⴰ ⵏⵏⵙ, ⵡⴰⵍⴰⵢⵏⵏⵉ ⵍⴰ ⵜⵏ ⵜⴰⴼⴰ ⵓⵔ ⵜⵖⵉⵙ, ⵉⵙ ⵜⴳⴳⵯⴷ ⵣⴳ ⵜⵉⵙⵍⵉⵜ ⵓⵔ ⴰⵙ ⵜ ⵙⵙⴰⵡⴰⵟ ⵎⴰ ⵔⴰ ⵙ ⵜⵉⵏⵉ ⵉⵎⵎⴰⵙ, ⵉⴳ ⵉⵏ ⵜⴰⵎⵖⴰⵔⵜ ⵉ ⵣⵉⵏⴱ; ⵜⵉⵙⵍⵉⵜ ⴰⵍⵍⵉⴳ ⴰⵙ ⵜⵏⵏⴰ ⴷ ⴰⵎ ⴰⵔⵉⵅ, ⵜⴱⵔⵔⵎ ⵖⵔ ⵎⴻⵎⵎⵉⵙ ⵏ ⵉⵍⵍⵉⵙ, ⵀⴰ ⵜ ⵉⵏⵉ ⵢⴰⵙ: ⵛⴽⴽⵉⵏ ⴰⵔ ⴰⴷ ⵉⵜⵢⴰⵔⵉⵏ; ⴷ ⵓⵔⴱⴰ ⴰⵍⵍⵉⴳ ⵉⵙⵙⵉⵡⵍ ⵢⵓⵙⵉ ⴰⵙⵇⵙⴰ ⵏ ⵜⵖⵓⵔⵉ; ⴰⴽ ⴰⴷ ⵜⵉⵡⴰⵊⴱ ⴰⵢⵏ ⵓⵔ ⵜ ⵏⵖⵔⵉ ⴳ ⵜⵉⵏⵎⵍ ⵉⵏⴱⴱⴰⴹⵏ, ⵉⵙⵙⵖⴰⵔⵏ ⵅⴰⵙ ⵉⵜⴱⴱⵉⵏ ⵉⵥⵓⵕⴰⵏ. ⴽⵎ ⵏ ⵥⵕⵓ ⵎⴰⴳ ⵣⴷⵉⵏ ⵜⴰⵎⵟⵓⵟ ⵜⵎⵥⵥⵢⴰⵏⵜ ⵏⵖ ⴷ ⵜⴰⴽⵯⵙⵡⴰⵜ, ⴰⴳ ⵃⴰⵃ ⵓⵔ ⵉⵍⵍⵉ. ⵓ ⵎⴰ ⵎⵏⵄⴰ ⴽⵎ ⵓⵔ ⵏⵜⵜⵓ ⵜⴰⵡⴰⵍⴰ, ⵎⴰⵏⵉⴳ ⵜⵅⵙ ⴰⴷ ⵜⴰⵡⵉ ⵜⴰⵏⴽⵔⴰ ⵖⵔ ⵜⵙⵔⵡⵉⵜ, ⵏⴷⴷⴰ ⴰⵙ ⵏⵙⵍ ⵍⴰ ⵜ ⵏⴳⴰⵔ ⵅ ⵣⵉⵏⴱ, ⴽⵓ ⴰⵙ ⵜ ⵉⵏⵉ " ⵊⵏ ⵉⵙⵓⵍ ⵍⵃⴰⵍ " ⴷ ⵏⵜⴰⵜ ⵅⴰⵙ ⴰⵟⵏⴰⵥ ⴰⴳⴳ ⵓ ⴰⵍⵍⵉⴳ ⵓⵔ ⵜⵓⴽⵯⵉ ⵣⵉⴽ. ⴰⵙⵙⴰⵖ ⵏ ⵓⴰⵙⵔⵓ: ⵍⴰ ⵉⵜⴰⴼ ⴰⴷ ⴰⵙⵉⴷ ⵏⵏⵙ ⴳ ⵓⵏⵖⵎⵉⵙ ⵏ ⵓⵜⵡⴰⵡⵜ ⵏ ⵜⴰⵔⵡⴰ ⵏⵏⵙ ⵙⵙⵉⵏ ⵏⵏⵙⵏ ⴳ ⵜⵎⵓⵔⵜ ⴳ ⵎⵉ ⵜⵍⵍⴰ ⵅⴰⵙ ⵜⴰⴼⵓⵢⵜ ⵍⴰ ⵜ ⵚⵏⵚⵍ; ⵀⵉ ⴽⵎ ⵜⵍⵍⴰ ⵛⴰ ⵏ ⵜⴱⵔⴰⵜ ⴳ ⵓⵙⴰⵔⵓ ⵢⵓ, ⵏⵜⴰⵜ ⴰⴳ ⴳⵉⵏ ⵎⴰⵔ ⴰⴷ ⵉⵙⵙⵉⵡⵍ ⵙⵉⵙ ⵓⵎⵖⴰⵔ ⵎⴰⵏⵉⴳ ⵉⵏⵏⴰ, ⵜⴰⵎⵓⵔⵜ ⵏⵅ ⴰⵢ ⴰⴷ ⴰⴳ ⵉⴷⵊ ⵓⵔ ⵢⵉⵡⵟ " ⴰⵏⵥⴰⵕ ⵓⵔ ⵉⵡⵡⵉⵜ, ⵜⴰⵔⵡⴰ ⵏⵅ ⵍⴰ ⴽⵯⵔⵔⴼⵏ ⴷ ⵉⵎⵥⵥⵢⴰⵏ ". ⴰⵙⵇⵙⵉ ⵉⵇⵇⵉⵎⵏ, ⵢⴰⵖⵓⵍ ⵍⴰ ⵉⵜⵉⵏⵉ: ⴰⵔⴱⴰ ⵢⵓⵣⵏ ⴳ ⵍⴽⴰⵔ ⵉⵙ ⴷ ⴰⴷ ⵢⴰⵡⵟ? ⵉⵙ ⴷⴰ ⴷ ⵉⴳ ⴰⵙⵉⴷ ⵉ ⵓⵙⵙⴰⵏ ⴰⵔ ⴰⴷ ⵢⴰⵙⵏ? ⵡⵏ ⵉⵇⴰⵎⵏ ⴰⵙⴰⵔⵓ ⵢⵓ ⵉⵄⴷⵉⵍ ⴰⵙ, ⴷ ⵡⴰⵙⵙ ⵏ ⵓⵔⴰⵄⴰ ⵏⵏⵙ, ⴰⵙⵙ ⵏ ⵍⵍⴰⵎⴰ ⴰⴳⴳⵓ; ⴷ ⵜⴰⵏⵎⵎⵉⵔⵜ ⵅ ⵍⴼⵉⵊⵟⴰ ⵎⴰⵏⵉⴳ ⴰⵅ ⵉⵙⵙⵔⵙ. ( ⵉ ⵍⵃⵓⵙⵉⵏ ⴰⵣⵔⴳⵉ ) ⵜⴰⵎⴰⵔⴰ ⵏ ⵓⵄⵔⴰⵇ ⴳ ⵓⵙⵙⴰⵏ ⵏ ⵢⴰⵎⵉⵏⴰ ⴱⵏⴳⵉⴳⵉ ⵍⴰ ⵉⵙⵔⵓⵙ ⵓⵙⴰⵔⵓ ⵜⵙⵙⵓⴼⵖ ⵢⴰⵎⵉⵏⴰ ⴱⵏⴳⵉⴳⵉ, ⵛⴰ ⵉⴳⴰⵏ ⵏ ⵉⴽⵯⵔⵓⵙⵏ. ⴰⵢⵏ ⴰⵅ ⵉⵜⴻⵜⵜⵔⵏ, ⴰⴷ ⵏ ⵜⵜⴰⵡⴳ ⵅⴼ ⵙⵏ. ⵜⵄⴷⵉⵍ ⵉⵜ ⵉⵡⵔⴰⵄⴰ, ⵉⵙ ⵉⵣⵔⵉ ⵉⴼⴼⵖⴷ ⴷ ⵓⵏⴳⴰⵍ. ⵙ ⵜⵍⴰⵖⵉⵜ ⵜⴷⵊⴰ ⵉ ⵜⵡⵓⵔⵉ ⵢⵓ, ⵎⵉ ⵜⵕⵥⵎ ⵉ ⵜⵣⵕⵉ. ⵙ ⵡⴰⵎⵎⵓ, ⵜⵕⵎⵖ ⵜⵉⵙⵙⴰⵍ, ⵅⵎⵉ ⴷ ⴽⴽⵔⵏ, ⴰⵢⵜ ⵜⵎⵓⵔⵜ ⵉⵣⵣⵖⵏ, ⵉⴷⵉⵙ ⴰⵥⵍⵎⴰⴹ ⵏ ⵉⴼⵔⵉ ⵇⵉⴰ. ⵜⵉⵖⵓⵔⵉ ⴳ ⵓⵎⵣⵡⴰⵔⵓ, ⵜⵣⵔⵉ ⵙ ⵜⵎⴷⵊⵜ ⴳ ⵓⴹⴼⴰⵕ. ⵜⴰⵙⵖⵓⵏⵜ ⴰⴷ ⴷⴰ ⵜ ⵙⵙⵉⵡⵍ; ⵜⴽⴽⴷ ⵅ ⵓⵥⵡⴰ, ⵖⵔ ⵓⵊⵎⵎⵟ ⵏ ⵓⵖⵍⵍⵓⵢ; ⵢⵉⵡⴹⵏ ⴰⴷ ⵉⵃⵔⵉ ⵎ ⵓⵙⵔⴱⵓⴱ, ⵢⴰⴷⵊ ⴰⵅ ⵏⵜⵛⵏⵉ, ⴰⵖⵢⵢⵓⵍ. ⴷ ⵡⴰⵅⵅⴰ ⵏⵙⵎⵓⵏ, ⵉⴼⴰⴷⴷⵏ ⴰⴷ ⵏⴽⴽⴰⵜ ⵖⵔⵙ; ⵙⴰⵔ ⵏⵎⵣⵔⴰⵢ ⴷ ⵓⵅⵓⴱ. ⵉⵙ ⵉⵅⴼⴰⵡⵏ, ⵇⵇⵉⵎⵏ ⵅⴼ ⵏⵅ, ⵣⵓⵔⵏ, ⵓⵔ ⵏⵣⵎⵉⵔ ⵉ ⵡⴰⵍⵓ. ⴰⵃⵓⴼ ⴰⵔⴰ ⴳⵏ ⵉⵡⴷⴰⵏ ⵉ, ⵉⵔⵙⴷ ⴰⵎ ⵜⵉⵙⵙⴰⵎ; ⵢⵓⴽⵯⵔ ⵉⵥⵔⵉ. ⴱⴰⴱ ⵏ ⵓⴽⴰⵎⵢⵓⵏ, ⵏⵜⵜⴰ ⵓⵔ ⵉⵖⵉⵙ ⴰⴷ ⵉⵊⴱⵔ ⴰⵢⵜ ⵓⵍⵎⵙⵉ; ⵉⵅⵙ ⴰⴷ ⵉⵇⵇⵉⵎ ⴷ ⵉⵛⵛ, ⵙ ⵓⴽⵯⵎⵎⵓⵙ ⵏⵏⵙ ⵅ ⵜⴽⵯⵔⵎⵉⵏ. ⴰⵍ ⵀⵎⴷ ⵡⴰⵅⵅⴰ ⵓⵙⵉⵏ ⴰⵙⴷ, ⴰⵢⵜ ⵜⴰⴷⴷⴰⵔⵜ, ⵢⵙⵎⵓⵏ ⵉⵀⵏⵉⴷ; ⵉⴷⴷⵔ ⴷ ⴰⵣⵓⴼⵔⵉ, ⴷ ⵉⵛⵛ; ⴰⵎ ⵓⵎⴷⴷⴰⴽⵍ, ⵉⵣⵔⵉ ⴳ " ⵓⴳⴷⵓⴷ ⵏ ⵉⵡⴷⴰⵏ ". ⴰⵙⵄⵔⵇ ⵉⴽⴽⵓ ⴳ ⵜⵡⴰⵍⴰ ⵜⴰⵎⵣⵡⴰⵔⵓⵜ ⵙ ⵉⵔⴳⴰⵣⵏ, ⴼⴼⵉⵔ ⵏ 1974, ⵜⵉⵡⵟ ⵜⵡⴰⵍⴰ ⵏ ⵜⵎⵓⵏⵜ ⵏ ⴰⵢⵜ ⵜⴰⴷⴷⴰⵔⵜ; ⴽⵓ ⴰⵔⴳⴰⵣ ⵉⵇⵇⵏ ⴰⴷ ⵢⴰⵡⵉ ⵜⵉⵍⴰⵡⵜ ⵏⵏⵙ, ⴷ ⵍⵡⴰⵛⵓⵏ ⴽⵎ ⵍⵍⴰⵏ. ⴳ ⵜⵏⴼⵓⵙⵜ ⵜⵙⵙⵏⵓ ⵢⴰⵎⵉⵏⴰ ⴳ ⵓⵏⴳⴰⵍ ⵏⵏⵙ, ⵜⴷⵊⵓ, ⴰⴷ ⵏⵉⵍⵉ ⵎⵏⵉⴷ ⵏ ⵉⴷⵊ ⵓⵍⵎⵙⵉ; ⴳ ⵎⵉ ⵍⵍⴰⵏ, ⵙⵉⵏ ⵉⵔⴱⴰⵢⵏ ⴷ ⵉⵛⵜ ⵏ ⵜⵔⴱⴰⵜ, ⵜⴰⵎⵟⵓⵟ ⴷ ⵜⵎⵖⴰⵔⵜ; ⴷ ⵓⵙⴰⵔⵓ ⵅ ⵎⵉ ⴰⵔ ⴰⴷ ⵏⵙⵙⵉⵡⵍ, ⵏⵜⵜⴰ ⵉⴳⵓ ⵜⴰⵏⴼⵓⵙⵜ ⵏ ⵜⵎⵖⴰⵔⵜ; ⵉⵕⵥⵎⵏ ⵉ ⵉⵥⵓⵕⴰⵏ, ⵖⵔ ⵜⵉⵡⴰⵏ ⵉⵟⵏⵉⵏ. ⵜⴰⵎⵖⴰⵔⵜ, ⵣⴳ ⵉⵛⵜ ⵏ ⵜⵎⵏⴰⵟⵟ ⵜⴳⵓ, ⵜⵏⵏⴰ ⵉⵙⵙⴰⵡⴰⵟⵏ ⴰⴳⴳⴰ, ⵉ ⵡⵏⵏⴰ ⴰⵔⴰ ⴷ ⵉⴷⴷⵓⵏ, ⵙ ⵉⴷⵊ ⵡⴰⵡⴰⵍ, ⵜⴳⵓ ⴷ ⴰⵎⵣⵔⵓⵢ. ⴰⵍⵍⵉⴳ ⵜⵜⵓⵙⵓ, ⵜⵉⵡⵉⴷ ⴰⴽⵯⵎⵎⵓⵙ, ⴰⵀⵉⴷⵓⵔ, ⵊⵍⵟⵉⵟⴰ, ⴷ ⵓⵙⴽⴽⵉⵏ ⵏ ⵜⵏⴱⴰⵟ; ⴰⵙ ⵉⵍⵍⴰⵏ ⴳ ⵉⵍⵙ ⵓⵇⵊⵔ. ⵓⵔ ⵜⵙⵙⵉⵏ ⵖⴰⵙ ⴰⵄⵕⵕⵇ, ⴷ ⴳⴰⵔ ⵡⴰⵡⴰⵍ; ⴷ ⴰⴷ ⵜⵟⵟⴼ ⵜⵉⵙⵓⵔⴰ, ⴰⴽ ⴰⴷ ⵜ ⴰⴼ ⴰⴷ ⵜⵇⵇⵏ, ⵅ ⵙⵙⴽⵔ ⴳ ⵜⵣⵏⴱⵉⵍⵜ. ⵡⵏ ⵉⴽⴽⵔⵏ ⴰⴷ ⵉⵄⴷⵍ ⵜⴰⴱⵔⵔⴽⴰⵏⵜ, ⵉⴳ ⴰⵙ ⵍⵃⴰⵍ ⴰⴷ ⵜⵜ ⵉⴳⴳⵓⵏⵉ ⵉⵙ ⵜⵇⵇⵏ ⵅⴼ ⵙ. ⵢⵉⵡⵉ ⵢⴰⵙ ⴷ ⵉⵅⴼ ⵏⵏⵙ, ⵓⵔ ⵢⵍⵍⵉ ⵎⴰ ⵔⴰ ⵜⵜ ⵉⵙⵡⵏ, ⴰⵍ ⵜ ⵉⵍⵉ. ⵅⴰⵙ ⵏⵜⴰ ⵎⵎⴰⵅ ⴰⴷ ⵉⵇⵇⵉⵎ ⵓⵔⵓⵎⵉ, ⴰⵅ ⵉⵜⴷⵍⵏ ⵅ ⵓⴱⵔⵉⴷ ⵏ ⵜⵍⴻⵍⵍⵉ? ⴷ ⴰⴷ ⵏⴰⴼ ⵜⴰⵔⵓⵎⵉⵜ, ⵜⵙⵡⵓ ⵜⴰⴱⵔⵔⴽⴰⵏⵜ / ⵍⵇⵀⵡⴰ, ⵜⴰⵎⵙⵙⴰⵙⵜ; ⵜⴰⵎⵖⴰⵔⵜ ⴰⵍⵍⵉⴳ ⵉⵜⵜ ⵜⵇⵇⴰⵙ ⵜⵏⵏⴰ: " ⵜⴳⴰ ⵔⵔⵀⵊ ". ⵡⴰⵍⵢⵏⵏⵉ, ⴰⵢ ⵉⵏⵊⴷⴰ! ⵜⴰⵎⵟⵓⵢⵜ ⵏ ⵜⵍⴻⵍⵍⵉ, ⵜⴷⴷⴰ ⴰⴷ ⵜⴽⴽ ⵅ ⵓⵎⵢⴰⴼⴰ, ⵏ ⵉⵅⴼ; ⵓⵔ ⵉⵣⴷⵉⵏ ⴰⴳ ⴰⴳ ⴷ ⵉⴷⵊ. ⴰⵏⵏⵍⵉ ⵏ ⵓⵡⵜⵎ, ⵓⵔ ⵉⵍⵍⵉ ⵖⴰⵙ ⵖⵔ ⵓⵔⴳⴰⵣ; ⵉⵍⵍⴰ ⴰⵡⴷ ⵖⵔ ⵜⵎⵟⵟⵓⵟⵉⵏ ⴷ ⵜⵎⵖⴰⵔⵉⵏ; ⴷ ⴰⵢ ⴽⵎ ⵏ ⵙⵙⵉⵡⵍ ⵅ ⵜⵉⵙⵙⴰⵍ ⵏ ⵓⴳⵔⵔⴰⵎ, ⴱⴰⴹⵏ ⴰⵙⵏ ⵣⴳ ⵓⵔⴳⴰⵣ ⴰⵎ ⵜⵎⵟⵟⵓⵜ; ⴷ ⵜⴰⵎⵖⴰⵔⵜ ⵓⵔ ⵜⴼⴼⵉⵖ ⵣⴳ ⵓⵏⵍⵍⵉ ⴷ ⵜⵉⵙⵙⴰⵍ, ⵎⵉ ⵏⵜ ⵉⵥⵉⵕ, ⴽⴽⵉⵏⴷ ⴰⵡⵜⵎ. ⴰⵍⵍⵉⴳ ⵜⴻⵜⵜⵔ ⵣⴳ ⵜⵉⵙⵍⵉⵜ, ⴰⵙ ⵜⵙⵍⵓⴷⵉⵢ ⴰⵎⴰⵏ, ⴰⴷ ⵜⵙⵙⵉⵔⴷ ⵉ ⵓⴽⵡⵡⵣ. ⴰⵎⵢⴰⵡⴰⴹ ⵓⵔ ⵉⴱⵟⵉ ⴰⴳ ⴷ ⵓⵎⵏⵣⴰⵖ, ⵜⵉⵙⵍⵉⵜ ⵣⵡⵉⵏⴰ, ⵜⴷⴷⴰ ⴰⴷ ⵜⵛⵛⵏⵛⴼ ⵜⴰⵔⵓⵎⵉⵜ, ⴰⵙ ⵉⵍⵍⴰⵏ ⴳ ⵉⴷⵉⵙ; ⵖⵔ ⵓⵏⴳⴳⴰⵔⵓ, ⵉⴷⵉⵙⴰⵏ ⵉ, ⵏⵉⵜⵏⵉ ⴰⵔⴰ ⴷ ⵢⴰⵙⵏ ⴰⴷ ⵜⵜ ⵙⵃⵓⵣⵣⵔⵏ; ⴷ ⴰⵏ ⴰⴼ ⵀⵎⴷ, ⴰⵍⵍⵉⴳ ⴱⵔⵔⴰⵏ, ⵉⵙⵙⵜⵛⴰ ⴰⵙ ⵜⴰⵖⵔⵉⵜ. ⵜⴰⵎⵖⴰⵔⵜ ⵣⴳ ⵜⵎⵏⴰⵟ ⵏⵏⵙ, ⴰⵍⵍⵉⴳ ⵜ ⵉⵡⵉⴷ ⵣⵡⵉⵏⴰ ⴰⴼⵛⴽ, ⵉⴽⵟⵟⵓⵏ ⴰⴳⴹⵔⵓⵕ, ⵜⵇⵇⴷ ⴰⵙ ⵜ ⵖⵔ ⵎⴻⵎⵎⵉⵙ, ⵀⴰ ⵍⴰⵙ ⵜⵜⵉⵏⵉ: " ⵜⴰⵎⵟⵟⵓⵟ ⴰⵔⴰ ⵉⵕⵥⵎⵏ, ⵜⴰⵡⵡⵓⵔⵜ ⵅⴰⵙ ⵄⵏⵇ ⴰⵙ ". ⴰⵎⴰⵣⵉⵖ ⵏⵜⵜⴰ, ⵎⵉⵍⵎⵉ ⴰⵔⴰ ⵉⵎⵣⴰⵔⴰ ⵉⴷ ⵎⴰⵎⵎⴰ ⵖⵓⵍⴰ, ⴰⴷ ⵜⵜ ⵉⵣⵣⵄ ⵣⴳ ⵓⵇⵔⵔⵓ ⵏⵏⵙ. ⵎⵎⴰⵅ ⵜⵉⵎⵉⵛⵓⵀⴰ ⵏⵅ, ⵅ ⴰⴷ ⵜⵜⵡⴰⵜⵜⴰⵏ ⴷⴳⵙⵏ ⵅⴰⵙ ⵜⵉⵔⴱⴰⵜⵉⵏ? ⵉⵅⵙ ⴰⴷ ⵏⵙⵎⵔⴰⵔ, ⴰⵢⵏⵏⴰ ⵏⵜ ⵙⵍⵍⴰ; ⴰⴷ ⵏⴳ ⴰⴳⵉⵙ ⵉⵙⵓⵟⴰⴼ, ⵉⴷⵊⵉⵏ ⵉⴽⴽⵉⵏ; ⵎⵏⵉⴷ ⵏ ⵓⵎⵚⴰⵡⴰⵟ ⴷ ⵓⵎⵏⵣⴰⵖ, ⴷ ⴰⵏ ⴰⴼ ⴰⵎⴰⵥ; ⵡⴰⵍⴰⵢⵏⵏⵉ, ⴳ ⵎⵉ ⵉⵍⵍⴰ ⵡⵓⴱⵓⵢ ⴰⴳ ⴷ ⵓⴳⴳⵉⴷ ⵎⴰⵏⵉⴳ, ⵍⵃⵙⵙ ⵏ ⵍⵖⴰⵛⵉ ⵓⵔ ⵉⵍⵍⵉ. ⵜⴰⵔⵓⵎⵉⵜ ⴽⵎ ⵜⵅⵙ ⴰⴷ ⵜⵙⵙⵉⵡⵍ, ⴷⴰ ⵜⵜ ⵉⵏⵉ ⵎ, ⵜⵉⵃⵢⵟ. ⵡⴰⵍⴰⵢⵏⵏⵉ ⴰⴷ ⵜⵙⵙⵉⵡⵍⵜ ⴷ ⵉⴳⴷⵊⵉⴳⵏ; ⵉⵔⵙⵉⵏ ⵎⵏⵉⴷ ⵏ ⵜⵉⵙⵙⵉⵜ, ⵢⵉⴼ ⵏⴳⴳⴰⵕ. ⴷⴰ ⵏⵉⵥⵉⵔ ⴰⵙⵏⴱⵊⵉ ⵜⴳ, ⴷ ⵜⵔⵣⵣⵉⴼⵜ, ⵉⵏⵡⵡⴰⵔ; ⵓⵔ ⴷ ⴰⵎ ⵜⵎⵖⴰⵔⵜ ⵉⴷⵊⴰⵍⵍⴰⵏ ⴳ ⵜⵉⵙⵍⵉⵜ, ⵜⵜⴰⵡⵉⴷ ⵅⴼ ⵙ ⵜⴰⴽⵯⵏⴰ. ⵜⵓⴷⵔⵜ ⵏ ⵣⵡⵉⵏⴰ, ⵜⴳ ⵓ ⵅⴰⵙ ⵔⵔⵉⵜⵓⵍⴰⵜ ⵜⵉⵎⵥⵥⵢⴰⵏⵉⵏ; ⵜⵄⵏⵇ ⴰⴷ ⵜⵎⵣⴰⵔⴰⵢ ⴷ ⵓⵔⵣⴰⴳ. ⴷ ⵏⵉⵜⵏⵉ, ⴰⵢ ⵜ ⵙⵙⴽⵔ ⵅⴼ ⵙ, ⵜⵎⵖⴰⵔⵜ. ⵜⵕⵥ ⴰⵙ ⵉⴼⵛⴽⴰⵏ ⵏ ⵓⵣⵔⵉⵔⵉ, ⴷⴰⵢ ⵉⵔⴳⴳⵎ ⴰⵙ ⵓⵔⴳⴰⵣ: " ⵢⵏⵄⵍ ⵔⴱⴱⴽ ". ⵉⵣⵍⴰⵏ ⵉⵙⵙⵏⵢⵓⴷⴷⵓⵏ ⴰⵙⴰⵔⵓ ⵢⵓ, ⴳⵉⵏ ⵡⵉⵏ ⵓⵏⴰⵥⵓⵔ ⴰⵅⴰⵜⴰⵔ, ⵉⴷⵉⵔ. ⵉⵣⵍⵉ ⵉⴷⴷⴰ ⴷ ⵅ ⵜⴰⵡⴰⴷⴰ ⵏ ⵉⵛⵉⵔⵔⴰⵏ ⴷ ⵉⴱⵔⵔⵎⵏ ⵣⴳ ⵜⵉⵏⵎⵍ, ⵏⵖ ⴷ ⵙ ⵢⵉⵍⵙ ⵏ ⵉⵣⵍⵉ: " ⴰⵙⵙⵏⴷⵓ, ⴼⴽⴰⵅ ⵓⴷⵉ ⴰⵎⵍⵍⴰⵍ ". ⴰⵍⵍⵉⴳ ⵅⴰ ⵏ ⵜⴳⴳⴰⴷⵊⴰ, ⵅⴰ ⵏⴳⴳⵓⵔ ⵙ ⵡⴰⴳⴳⴰ ⵏⵏⵅ; ⴰⵍⵍⵉⴳ ⵜⵏⵏⵓⴱⵊⴰ, ⴰⴽ ⴰⴷ ⵜⴽⵛⵎ ⵖⵔ ⵎⴰⵍⵉⴽⴰ; ⵜⴰⴷⵊⴰⵍⵜ ⵜⴷⵊⵓ ⵉⵀⵏⴽⴰⵔⵏ ⵖⵔ ⵉⵎⵉ ⵏ ⵜⵓⵙⵙⵓⵜ; ⴷⴰⵢ ⵜⵇⵇⵉⵎ ⵜⴰⴽⵯⵏⴰ ⵜⴳⵓ ⴰⵅⵓⴱ ⵏ ⵜⵎⵟⵟⵓⵟ. ⵜⵉⵖⵓⵏⵉ ⵏ ⵓⴳⴳⵉⴷ ⵖⵔ ⵓⵎⵣⵔⵓⵢ, ⵍⴰ ⵜ ⵉⵜⴰⴷⵊⴰ, ⵍⴰ ⵉⵇⵇⵏ; ⵓⵔ ⵢⵓⴼⵉ ⴰⴼⵔⵉⵡⵏ, ⵙ ⵎⵉ ⴰⵔⴰ ⵢⴰⴼⵔⵓ ⴳ ⵉⵊⵏⵏⴰ ⵏ ⵜⵍⴻⵍⵍⵉ. ⴷⴰ ⵢⵇⵇⵉⵎ ⵓⵎⵏⵖⵉ ⵏ ⵜⵙⵍⵉⵜ, ⴰⴳ ⴷ ⵜⴰⵎⵖⴰⵔⵜ; ⵜⴰⵙⵓⵔⵔⵉⴼⵜ ⵜⴰⵎⵣⵡⴰⵔⵓⵜ, ⴰⴽ ⴰⴷ ⵜⵣⵔⵉ ⵜⵎⵟⵟⵓⵟ ⵖⵔ, ⵓⵎⵙⴰⵙⴰ ⴷ ⵉⵅⴼ ⵏⵏⵙ. ⴰⵢⵏ ⵖⵔ ⵎⵉ, ⵓⵔ ⵜ ⵉⵡⵟ ⵀⵎⴷ, ⴰⵍⵍⵉⴳ ⵉⵖⵍⵉ ⴳ ⵓⵅⵓⴱ. ⵉⵙ ⵍⴰ ⵜ ⵏⵜⵜⴰⴼ ⴰ, ⴰⴽ ⴰⴷ ⵉⵃⵡⵡⵚ ⴰⴳ ⴷ ⵜⵎⵟⵟⵓⵟ ⵏⵏⵙ; ⵍⵍⴰ ⵢⵜⴼⴼⵖ ⴰⴳ ⴷ ⵉⵎⵎⴰⵙ ⴰⵙⵙ ⵏ ⵍⵃⴷ. ⵅⴰⵙ ⵜⴰⵎⵟⵟⵓⵟ ⵓⵔ ⵅⴰ ⵜⵜⵡⴰⵕⵥ, ⵓⵔ ⵅⴰ ⵜⴽⵯⵏⵓ; ⵜⴱⴰⴹ ⴰⴷ ⵜⵎⵖⵉ, ⴰⴷ ⵜⴽⴽⵔ; ⴷ ⵀⵎⴷ ⵅⴰⵙ ⴰⴷ ⵉⴼⴼⵖ, ⵏⵜⵜⴰⵜ ⵅ ⴰⴷ ⵜⵜⵟⵟⴼ ⵉⴼⴰⵙⵙⵏ ⵉ ⵍⵡⴰⵛⵓⵏ ⵏⵏⵙ, ⴰⴷ ⵜⵏ ⵜⵙⵙⵓⴼⵖ ⴰⴷ ⵃⵡⵡⵚⵏ ⵛⵡⵉ. ⴷ ⵜⴰⵍⴰⵖⵉⵜ ⵏⵛⵄ ⵍⵍⴰⵀ " ⵍⵃⴷⴷ ", ⵉⴳ ⴰⵅ ⵍⴳⵓⴷ ⴰⴷ ⵜⵏⵖⵔ, ⵉⵙ ⵉⵔⴰ ⵢⴰⴽⵓⵛ. " ⵍⵃⴷⴷ " ⵏ ⵣⵡⵉⵏⴰ, ⵉⴳⵉⵏ ⵜⵖⵓⴷⴰ, ⵅⴰⵙ ⴳ ⵡⴰⵙⵙⴰⵖ; ⴽⵎ ⴳ ⵜⵓⴷⵔⵜ ⵏ ⵉⵎⵄⵔⴰⵇⵏ ⵜⴳⵓ ⵅⴰⵙ ⴼⵏⵏⴷⴷⵓ ⴷ ⵓⵅⵓⴱ; ⴼⵏⵏⴷⴷⵓ ⵢⵓ ⴰⵔⴰ ⵢⴰⵖⵏ ⵀⵎⴷ; ⵓⵔ ⵉⵜⵎⵣⴰⵔⴰⵢ ⵣⵣⵉⴽⵙ ⵅⴰⵙ ⵙ ⵓⵍⵓⴼ; ⴰⴳ ⴷ ⵉⵎⵎⴰⵙ ⵉⴳⵉⵏ ⴰⵎⵣⵔⵓⵢ, ⵣⴳ ⵉⴷⵊ ⵓⵊⵎⵎⴰⵟ, ⵏⵜⴰⵜ ⴰⴷ ⵜⵉⵜⴰⵎⵥⵏ, ⵓⵔ ⵉⵜⴰⴽⵎ ⵖⵔ ⵜⵍⴻⵍⵍⵉ. ⵓⵔⴰⵔ ⴷ ⵉⵎⵓⵔⴰⵔⵏ, ⴳⵯⵀⵣⵏ ⴰⵢⵏ ⴰⵙ ⵉⵜⵜⵎⵎⵓⵛⵏ ⵎⵣⵢⴰⵏ; ⵓⵔⴰⵔ ⵉⵎⵣⴰⴳⴰⵍⵏ ⵢⵓⵙ ⴰⴷ ⴰⴳ ⴷ ⵜⵎⵖⴰⵔⵜ; ⵜⴰⵡⵙⵙⵏⴰ ⵏⵏⵙ ⵓⵔ ⵜⵜ ⵜⴷⵊⵉ, ⴰⴷ ⵜⴳ ⵜⴰⵡⴰⵍⴰ ⵏⵏⵙ ⵉⵎⵇⴰⴷⴷⴰⵏ; ⵓⵔ ⵙⵙⵉⵏⵅ ⵉⵙ ⴰⵙ ⴷ ⵢⵓⵙⵓ, ⵅⴰⵙ ⴳ ⵓⵙⴰⵔⵓ, ⵎⴰⴷ ⵉⴼⴼⵖ ⴰⵙ ⵉ ⵜⵎⵙⴰⵍⴰⵢⵜ ( ⵜⵏ ⵉⵙⵙⵉⵍⵉⵏ ⴰⵙⴰⵔⵓ ) ⴳ ⵍⴳⵓⴷ ⵏ ⵜⵉⵔⵔⴰ ⵏ ⵓⵏⴳⴰⵍ? ⵜⵉⴼⵉⵛⵉⵜ ⵓ ⵓⵔ ⵜⴷⴷⵉ ⴰⵅ ⵜⴰⵎⵥ ⴰⴽ, ⵓⵔ ⵏ ⵜⵙⵙⵉⴹⴼⵉⵜ, ⵜⵉⵥⵔⵉ ⵏ ⵓⵙⴰⵔⵓ ⵢⵓ. ⵜⴰⵢⵔⵉ, ⵓⵙⵜⵓ ⵏ ⵜⵓⴷⵔⵜ ⴰⴳⴷ: ⵉⵎⵓⵀⴰⵖ ⴰⵡⴰⵍ ⴰⵔ ⴰⴷ ⵢⴰⵙⵏ, ⵏⵜⵜⴰ ⵉⴷⴷⴰ ⴷ ⵅ ⵉⴷⵊ ⵓⵎⴰⵍⵓ, ⵜⵙⵙⴽ ⵜⵉⵍⵉⵣⵔⵉ ⵏ ⴼⵔⴰⵏⵙⴰ ⵜⵖ5, ⴰⵙⵙ ⵏ 23 / 12 / 2002. ⵍⴰ ⵙ ⵜⵍⴰⵖⴰⵏ ⵉⵎⵓⵀⴰⵔ; ⵢⵙⵙⵓⴼⵖ ⵜ ⵉⴷ ⵊⴰⴽ ⴷⵓⴱⵓⵢⵙⵓⵏ. ⴰⴳⴷ ⵉⵎⵓⵀⴰⵔ, ⵜⵓⴷⵔⵜ ⵜⴳⴰ ⴰⴳⵓⴷⵊ; ⴷ ⵓⵔⴳⴰⵣ ⴰⵣⴳⵣⴰ ⵉⵣⵣⵖⵏ ⵜⴰⵎⵓⵔⵜ ⵏ ⵜⵖⵓⵔⵉ, ⴰⴷⴰ ⴷ ⵢⴰⵡⵉ ⵓⴼⵓⵖ, ⵍⴰ ⵉⵜⵜ ⵏⵓⵢ ⵉⵍⵖⵎⴰⵏ, ⵉⵏⵏⵀ ⵛⴰ ⵏ ⵜⵉⵖⵟⵟⵏ. ⵍⵡⴰⵛⵓⵏ ⵙⵓⵍⵏ ⵅ ⵎⴰⵢⵎⵉ ⴽⴽⵔⵏ, ⵜⴰⵎⵏⵓⵢⵜ ⵏ ⵓⵖⵢⵓⵍ ⵏⵖ ⴷ ⴰⵍⵖⵎ; ⴷ ⴰⴽⴰ ⴷ ⵢⵉⵙⵉⵏ ⵉ ⵜⵡⵓⵔⵉ ⵢⵓ, ⴷⵣⵏⵜ ⵉⵙⵏⵏⴰⵏ; ⴰⵍⵍⵉⴳ ⵉⵏⵏⴰ ⵓⵛⵉⵔⵔⵉ ⵉ ⵃⵏⵉⵏⵙ ⴰⵙⵜ ⵉⵙⵙⵓⴼⵖ, ⵢⵓⵣⵏ ⵉⵜ ⵉ ⵏⴰⵏⵏⴰⵙ ⴰⴽⴰ ⵙ ⵜⵉⴼⵔⵉⵏ, ⵣⴳ ⵓⴹⴰⵔ ⵡⵡⵜⵉⵏ ⵉⵅⵍⴰⵍⵏ. ⴷⴰⵢ ⵜⴷⴷⵓ ⵜⵓⴷⵔⵜ ⴳ ⵓⵏⵏⴰ, ⴰⵔⵔⴰⵔ ⵎⴰⵏⵉⴳ ⵉⵙⵙⵔⵙ ⵓⵙⵓⵏ / ⵜⵇⴱⵉⵍⵜ; ⵏⵜⴰⵜ ⵖⵔ ⵎⵉ ⴷ ⵢⴰⵖⵓⵍ ⴷⵓⴱⵓⵢⵙⵓⵏ, ⴰⴽ ⴰⵅ ⵜ ⵉⵄⴰⵡⴷ, ⴰⵎ ⵜⵡⴰⵔⵊⵉⵜ. ⴰⵙⵙⴰⵖ ⵢⵓⵣⴷ, ⵉⴱⵟⴰ ⵅ ⵙⵉⵏ, ⵡⵏ ⵡⴰⴷⴷⴰ, ⵉⴳ ⴰⵙ ⵓⵎⵉⵢ. ⵜⴰⵡⵓⵔⵉ ⵏ ⴱⵓ ⵜⵙⵓⴼⵖⵜ ⵓ, ⵜⵏⵖⵍ ⵙ ⵜⵓⵙⵙⵏⴰ. ⵎⵉ ⵢ ⵙⵓⵍ ⴷⴰⵜ ⴰⵙ ⴱⵣⵣⴰⴼ, ⴰⴽ ⴰⴷ ⵜⵄⴰⵡⴷ, ⴰⴷ ⵜⵙⵙⴷⵊⴳ. ⵉⵏⵊⴷⴰ ⵏ ⵓⵏⵏⴰ ⴰⴷ ⴰⵢ ⵉⵣⵉⵕⵏ, ⵙⵙⵉⵡⵍⵏ, ⵅ ⵜⵉⵔⴱⴰⵜⵉⵏ ⴳ ⵉⴹ; ⵍⴰ ⵜ ⴰⴽⵎⵏ ⴳ ⵜⵖⵓⵔⵉ ⵏ ⵉⵜⵔⴰⵏ ⵓⴳⵍⵏⵉⵏ ⴳ ⵓⵊⵏⵏⴰ. ⵉⵜⵔⴰⵏ ⵉ, ⴰⴷ ⴰⵢ ⵖⴱⴰⵏ, ⵍⴰ ⵜ ⵉⵙⵉⵏⵏ ⵉⵙ ⵓⵙⵙⴰⵏ ⵏ ⵜⵔⵖⵉ ⴰⴳ ⴷ ⵓⵙⵉⵏ. ⵎⴰⴳ ⵜⵃⵔⴰⵚⵏ ⴱⵓ ⵜⵖⵓⵔⵉ, ⵡⵏ ⵉⵣⴷⵖⵏ ⵜⴰⵏⵣⵔⵓⴼⵜ ⴰⴷ ⵢⴳⴳⴰⴷⵊ? ⵓⵔ ⵉⴼⴼⵖ ⵜⵓⴷⵔⵜ; ⴳ ⵜⵡⴰⵍⴰ ⵢⵓ, ⵍⴰ ⵏⵜⵜⴰⴼⴰ ⴰⵎⴰⵏ. ⵢⵉⵅⵙ ⴰⴷ ⵢⵉⵥⵔ ⴰⵏⵙⴰ ⴳ ⵎⵉ ⴳⴳⵓⵜⵏ, ⵃⵉⵎⴰ ⴰⴷ ⵢⴰⴼ ⵙⵎⵉ ⴰⵔⴰ ⵣⵣⵓⵖⵔⵏ ⵛⴰ ⵏ ⵓⵙⵙⴰⵏ ⵉⵟⵏⵉⵏ, ⴷⴰⵜ ⵎⵉ ⵓⵔ ⵙⵎⴰⵔⵏ, ⵇⵇⵉⵎⵏ ⵙⵙⴳⵉⵔⵜⵏ ⵣⴳ ⵡⴰⵎⴰⵏ; ⵉⵙ ⴳⵉⵏⵜ ⴰⵙⴽⴽⵉⵏ ⴰⵎⵣⵡⴰⵔⵓ, ⵅⵎⵉ ⵢ ⵕⵥⵎ ⵓⵎⴰⵍⵓ ⴰⵡⴰⵍ. ⴰⵡⴷ ⵜⵓⴷⵔⵜ, ⴰⵍⵍⵉⴳ ⵏ ⵜ ⴰⴼⴰ ⴳ ⵡⴰⵍⵍⴰⵖ ⵏⵏⵙ ⵉⵎⴰⵏ, ⵉⵜⵉⵏⵉⵏ ⵓⵙⵜⵓ, ⵉⵜⴰⴷⵊⴰⵏ ⵎⵉⴷⴷⵏ ⴱⴷⴷⵏ. ⴰⵎⴰⵍⵓ ⵏ ⵉⵎⵓⵀⴰⵔ, ⵉⴱⴰⴹ ⴰⴷ ⵉⵙⵍⵎⵎⴷ, ⵉ ⵡⵉⴷⴰ ⵉⴷ ⵜⵥⴰⵔⵏ, ⵛⴰ ⵉⴳⴰⵏ ⵣⴳ ⵎⴰⵢ ⵙⵙⴽⵏ; ⴷ ⵓⵎⵖⴰⵔ ⴰⴳ ⵜⵖⵉⵎⴰⵏ ⴰⵙⵍⵎⴰⴷ ⴰⵅⴰⵜⴰⵔ, ⴳ ⵓⵙⵓⵏ ⵏ ⵉⵎⵙⵔⴰⵙⵏ; ⴷ ⵉⵍⵙ ⵏⵏⴰ, ⵙⵎⵉ ⵉⵜⵙⵙⴽⴰ ⵜⵉⵏ ⵣⵔⵉⵏⵉⵏ, ⵢⵉⴳⵓ ⴰⵎⴰⵣⵉⵖ. ⴰⵍ ⵉⵙⴽⴽⵉⵍⵏ ⵉ ⵜⵏ ⵉⵜⴰⵙⵉⵏ ⵍⴰ ⵙⵏ ⵜ ⵍⴰⵖⴰⵏ: ⵜⵉⴼⵉⵏⴰⵖ. ⴰⵎⵣⵔⵓⵢ ⵏ ⵉⵎⵓⵀⴰⵖ, ⴷ ⵜⴰⵥⵔⵓⵟⵟ ⵉⵙⵙⴰⵡⴰⵜⵏ ⵖⵔ ⵜⴰⵖⵣⵉ ⵏ ⵜⵓⴷⵔⵜ ⵉⵜⵉⴳⵉⵏ; ⵜⴰⵥⵔⵓⵟⵟ ⵏⵜⵜⴰⵜ ⴷ ⵉⴷⵊ ⵏ ⵉⵙⵍⵍⵉ, ⵉⵜⴰⴷⵊⴰⵏ ⴰⵏⵊⴷⵉ ⵓⵔ ⵉⵜⵎⴼⴰⴼⴰ ⵅ ⵓⴱⵔⵉⴷ; ⴰⴹⵓ ⵏⵜⵜⴰ ⵍⴰ ⵉⵙⵙⵉⴼⵉⴼ ⴰⵛⴰⵍ, ⴷⴰⵢ ⵖⵎⵙⵏ ⵉⵏⵖⵎⵉⵙⵏ, ⵖⵉⴼⵙ ⵉⵜⵔⵓⵙⵏ. ⴰⵎⴰ, ⴰⴽ ⴰⴷ ⵓⵔ ⵉⵜⵏⵏⵊⵍⴰ, ⴳ ⵜⵓⵙⵙⵓⵜ ⵏ ⵡⴰⵛⴰⵍ ⵢⵉⵔⵉⵡⵏ, ⵉⵇⵇⵏ ⵉ ⵎⴰⴳⴷ ⵉⵡⵉⵏ ⵜⴰⵡⴰⴷⴰ, ⴰⴷ ⵉⵙⵙⵔⵙ ⵜⵣⵕⵓⵟⵟ ⵅ ⵜⵥⵔⵓⵟⵟ ⴰⵍ ⵉⵎⵖⵔ, ⵢⴰⵖⵓⵍ ⴷ ⴰⴽⵔⴽⵓⵔ; ⴰⵔⴰ ⵉⴳⵏ ⴰⵏⵙⴰ ⵏ ⵓⵙⴳⵓⵏⴼⵓ, ⴷ ⵓⴷⵎ ⵅ ⵓⴱⵔⵔⵎ ⵡⴰⵛⴰⵍ; ⴷ ⵡⴰⵅⵅⴰ ⵢⵓⵣⴷ ⵓⵃⵔⵔⴰⵣ, ⵀⴰ ⵉⵕⵥⵎ ⵉ ⵜⵍⴰⵖⵉⵜ ⵏ ⵜⵡⴰⵔⴳ ⵅ ⵎⵉⴷⴷⵏ ⵏ ⵜⴰⵎⴰⵣⵖⴰ, ⵢⵍⵍⴰⵏ ⴳ ⵜⵏⵣⵔⵓⴼⵜ, ⵙⴰⵔ ⵜⵜⵓⵏ ⴰⵥⵡⵔ ⵏⵏⵙⵏ. ⴷ ⴰⴷ ⵢⵉⵏⵉ ⵓⵎⵖⴰⵔ ⵉ ⵅⵏⴰⵏ, ⵏⵜⵛⵏⵉ ⴷ ⵉⵎⵓⵀⴰⵔ; ⴰⴱⵔⵔⵃ ⵉⵟⵏⵉⵏ, ⵉⴷⵊⴰ ⵅ ⵜ ⵓⵔⵓⵎⵉ " ⵍⴼⵜⵉⵜ ⵓ ⴰⴷ ⵜⴰⵡⵟ ⴰⴷ ⵜⴰⵙ, ⵖⵔ ⵡⴰⵡⴰⵍ ⵅ ⵓⵎⵔⵡⴰⵙ, ⴰⴳ ⴷ ⵡⵏ ⵓⵔ ⵢⵓⵎⵉⵥⵏ ⴰⴳ ⵉⴷⵊ ⵓⵊⵏⵏⴰ, ⴽⵎ ⵉⵜⵏ ⵙⵙⵎⵍⴰⵍⴰ, ⴰⴳ ⴷ ⵡⵏ ⵉⵜⴳⴳⵓⵏⵉⵏ ⵜⵓⴷⵔⵜ ⵓⵊⵎⵎⴰⵟⵉⵏ " ( 2 ) ⴳ ⵓⵎⴰⵍⵓ ⵢⵓ, ⴰⵎⵓⵔ ⵏ ⵓⵎⵔⵡⴰⵙ ⵢⵓⵙⴷ ⵖⵔ ⴼⴼⵉⵔ; ⵙⵙⵢⵉⵏ ⵉⵎⵓⵀⴰⵔ ⵓⵔ ⵜ ⵓⵙⵉⵏ, ⵙ ⵜⵉⴷⵜ, ⵉⵙ ⴷⴰ ⵏ ⵥⵔ ⴰⵙⵇⵙⵉ, ⵅ ⵎⴰⵏⵉⴳ ⵉⴷⴷⴰ ⴱⵔⴳⴰⵍⵉ? ⵜⵙⵙⴰⵖⵓⵍ ⴰⵙ ⵜⵔⴱⴰⵜⵜ ⵜⴰⵎⵛⵟⵓⵃⵜ, " ⵉⴷⴷⴰ ⵙ ⴰⵛⴰⵍ, ⵓⵔ ⵉⴷⴷⵉ ⵎⴰⵏⵉⴳ ". ⴰⵔⵄⴰ ⵢⵓ ⵏⵜⴰ ⴷ ⵓⴳⴳⵉ ⵏ ⵉⴳⵔⴰⵏ ⵙⵎⵉ ⵉⵜⵉⵏⵉ ⵓⵎⵔⵡⴰⵙ. ⵜⴰⵏⴼⵓⵙⵜ ⴰⵅ ⵉⵖⵎⴰ ⴷⵓⴱⵓⵢⵙⵓⵏ ⴳ ⵓⵙⵖⵓⵏ ⴰ, ⵍⴰ ⵜ ⵉⵏⵉⵏ ⵜⴰⵢⵔⵉ; ⴳ ⵡⴰⴱⵓⴹ ⵏⵏⵙ ⵜⵍⵍⴰ ⵅⵏⴰⵏ, ⵜⴰⵏⵏⵙ, ⵀⵎⵎⵓ, ⵜⵓⵙⵜ, ⴷ ... ⵜⵓⴷⵔⵜ ⵏⵜⵜⴰⵜ ⴷ ⵓⴼⵓⵖ, ⵖⵔ ⵜⵎⵉⵣⴰⵔ ⵄⵔⵇⵏⵉⵏ, ⵏ ⵎⵉⴷⴷⵏ; ⵓⵔ ⵅⴰ ⴰⵜⵜⴰⵡⵉ ⴰⴷ ⵉⴱⴱⵉ, ⴰⴳ ⴷ ⵎⴰⴳ ⴳⵉⵏ ⴰⵙⴽⴽⵉⵏ ⵏ ⵜⵓⵙⵙⵏⴰ. ⴰⴷ ⵜⴰⵡⵟ ⵜⵡⵙⵔⴰ, ⵓⵍⴰ ⵜⴽⴽⵙ ⵜⵓⵙⵙⵏⴰ. ⴷ ⵎⵇⵇⴰⵔ ⵜⵓⴷⵔ ⴷⵉⴳⵙ ⵙ ⵓⵎⵔⵔⵜ, ⵉⴷⴷⴰ ⴰⴷ ⵜⵉⵙⵙⵉⴽⵍ ⵡⴰⵎⵓⵔ ⵏ ⵍⵍⴰⵎⴰ. ⴰⵍⵍⵉⴳ ⵜ ⵓⵙⵉ ⵅⵏⴰⵏ ⵙ ⵜⵉⵜⵉ, ⵜⵏⵡⵔ; ⴷⴰⵢ ⵜⵉⵡⵟ ⵖⵔ ⵉⴷⵊ ⵓⵍⵎⵙⵉ, ⵉⵍⵍⴰⵏ ⵡⴰⵀⵍⵉ; ⵙ ⵓⴼⵓⵙ ⵍⴰ ⵉⵔⵕⵥ ⴰⵙ; ⴷ ⴰⵍⵍⵉⴳ ⵜⵎⵓⴷⴷⵓ, ⵙⵏⴱⵊⵓⵏⵜ. ⵜⵇⵇⵉⵎ ⴰⵍⵍⵉⴳ ⵜⵟⵟⴰⵔⵃ, ⵜⴰⵖⵓⵍ ⵣⴳ ⵓⵏⵊⵍⴰ ⴷ ⵍⵓⵃⴰⵍⵉⵜ. ⴷⴰⵢ ⵢⵓⵣⴷ, ⵎⴰⵢ ⵉⵜⵉⵙⵙⵉⵡⵟⵏ ⵅ ⵓⵍⵖⵎ; ⴷ ⵓⴱⵔⵉⴷ ⵖⵓⵔⵙⵏ ⵓⵔ ⵉⵏⵥⵉⵥ. ⴰⵔⴳⴰⵣ ⵓ, ⴷ ⴰⴷ ⵉⴳ ⵖⵉⴼⵙⵏ, ⴰⵣⵉⵍⴰⵍ ⴷ ⵜⴰⵡⵏⵣⴰ; ⵉⴷⴷⴰ ⴰⴷ ⵢⴰⵖⵓⵍ, ⴰⴽ ⴰⴷ ⵢⴰⵀⵍ, ⵜⴰⵔⴱⴰⵜⵜ ⵎⵉ ⵜ ⵍⴰⵖⴰⵏ, ⵜⵏⵏⴰ ⴰⵙ. ⵃⵎⵎⵓ, ⴰⵏⴱⵊⵉ ⴷ ⵉⵡⵜⵏ ⴰⴱⵔⵉⴷ ⴳ ⵜⴰⴼⵓⵢⵜ; ⵢⵓⵣⴷ ⴰⴷ ⵉⵜⵜⵔ, ⵙⵎⵉ ⴰⵔⴰ ⵉⴽⴽⵙ ⴼⴰⴷ ⵏ ⵓⵎⴰⵔⴳ, ⵉⵙ ⴰⵙ ⵜⴳⴰ ⵅⵉⵏⴰⵏ, ⵉⵏⵡⵔⵏ, ⴰⴷ ⵢⵉⵙⵙⵉⵏ ⴰⵍⵎⵙⵉ ⵏ ⵎⴰⵏⵉⴳ ⴰⵔⴰ ⵢⴰⴼ ⵜⴰ ⵏⵏⵙ; ⵜⵉⵙⵍⵉⵜ ⴰⵔⴰ ⵢⴳⵏ ⵜⵉⵏⵏⵙ ⵢⴳ ⵡⵉⵏⵏⵙ. ⵜⵙⵙⵓⴼⵖⵉⵜ ⵉ ⵡⵏⵍⵍⵉ; ⵓⵔ ⵏⵜⴻⵜⵜⵓ ⵡⵏ ⵉⵟⵏⵉⵏ, ⴰⵔ ⴰⴷ ⵉⴳⵏ ⴰⴷ ⴳ ⵉⵙ ⵃⵎⵣⵡⴰⵔⵉⵜ, ⴱⴰⵔ ⴰⴷ ⴰⵙ ⵜⵜⴰⵖⵓⵍ ⵉ ⵏⵜⵜⴰ. ⴰⵔⴳⴰⵣⵓ ⵢⴳⵉⵜ: ⵜⵓⵙⵜ. ⴰⵎⵄⴰⴱⴱⴰⵥ ⴰⵔ ⴰⵀⵏ ⵉⵙⵎⵓⵏⵏ, ⵓⵔ ⴷ ⵡⵏ ⵉⵃⵓⴷⴷⴰⵣ ⴷ ⵍⴱⵓⵏⵢⴰⵜ; ⵡⴰⵍⴰⵢⵏⵏⵉ ⵡⵏ ⵡⴰⵡⴰⵍ, ⵙ ⵜⴳⵓⵔⵉ ⵏ ⵜⵇⵔⴼⵉⵜ ( 3 ), ⵎⴰⵏⵉⴳ ⴽⵓ ⵉⴷⵊ, ⵉⴷⴷⴰ ⴰⴷ ⵢⵉⵕⵥ ⵅⴼⵙ ⴰⵡⴰⵍ; ⵢⵉⵏⵉ ⴷⵉⴳⵙ ⵜⴰⵎⴷⵢⴰⵣⵜ ⵏ ⵜⴰⵢⵔⵉ. ⵜⵓⵙⵜ ⵉⵏⵏⴰ ⵜⴰⵢⵔⵉ ⵏⵏⵙ, ⴷ ⵃⵎⵎⵓ ⵣⴳ ⵜⵎⵏⵟⵟ ⵏⵏⵙ, ⴷⴰⵢ ⵜⵙⵜⵉ ⵏⵜⵜⴰⵜ ⵡⵉⵙⵙⵉⵏ, ⵉⵙ ⴰⵙ ⴷ ⵢⵓⵙⵓ ⵅ ⵡⵓⵍ. ⵉⵣⵡⴰⵔ ⵜⵓⵙⵜ, ⵃⵎⵎⵓ ⵙ ⵜⵓⵜⵔⴰ; ⴷ ⵜⵏⵏⴰ ⵓⵔ ⵜⵖⵉⵙ ⴰⴷ ⵉⵙ ⵜⵎⵢⴰⵡⴰⵍ; ⴷ ⴰⵢⵜ ⵜⴰⴷⴷⴰⵔⵜ ⵓⵔ ⴰⵙ ⵓⴷⴷⵉⵣⵏ, ⴷ ⴰⵢ ⵜⵉⵡⵟ ⵜⵡⴰⵍⴰ, ⵏ ⵓⴱⵓⵢ ⵏ ⵡⴰⵡⴰⵍ ⵉ ⴰⵢⵜ ⵓⵅⴰⵎ; ⵢⴰⵣⴷ ⵓⵙⵉⴽⵏ ⵏ ⵛⴰⵔⴹ ⵓⵙⵙⴰⵏ, ⵜⵙⵙⴽ ⴳ ⴱⵔⵔⴰ. ⴰⵎⵣⵔⵓⵢ ⵉⵖⵣⵣⵉⴼ; ⵓⵔ ⵉⴱⴷⴷ ⵅ ⵛⴰ ⵙ ⵉⵅⴼ ⵏⵏⵙ; ⴰⵔⴱⴰ ⵢⵓⵛ ⴰⵙ ⵍⴳⵓⴷ ⵏ ⵜⵍⴰⵍⵉⵜ, ⵙ ⵡⴰⵙⵙ ⴷ ⵡⴰⵢⵢⵓⵔ, ⵣⴳ ⵓⵙⴳⴳⴰⵙ 1984. ⵎⴰⵏⵉⴳ ⵓⵔ ⵉⵡⵟ ⵓⵡⵙⵙⴰⵔ ⴰⴷ ⵢⵉⵙⵉⵏ, ⵅⴰⵙ ⵙ ⵍⴱⴰⵛ, ⴰⵙⵏ ⵜⴳⵔⵓ ⵎⵓⴼⵔⴼⴰⵔ ⴰⵙⴳⴳⴰⵙ ⵏ 1920. ⵢⵓⵍⵉⴷ ⵉⵟⵉⵊ ⵓⵎⴰⵣⵉⵖ ⴷ ⴰⵙⵍⵉⵍⵓ, ⵡⴰⵅⵅⴰ ⵉⴳⵓ ⵉⴷⵊ, ⵍⴰ ⵉⵜⵉⵥⵉⵔ ⵅ ⵓⵔⴰⵄⴰ ⵉⵥⵉⵍⵏ. ⴰⴳ ⴷ ⴱⵓ ⵓⵙⴰⵍⵉ ⵢⵓ, ⴰⵙⵍⵉⵍⵓ ⵢⵓⵣⴷ ⵅ ⵜⴰⴷⵉⵙⵜ ⵜⵙⵙⵔⵙ ⵍⴰⵍⵍⴰ, ⴷ ⵎⵉ ⴰⵔⴰ ⵍⴰⵖⴰⵏ ⵏⴰⵏⴰ; ⴽⵓ ⵜⴰⵍⴰⵍⵉⵜ ⵍⴰ ⵜ ⵉⵡⵉ ⴷ ⴰⴽⵔⴰⴼ ⵏⵏⵙ. ⴱⵔⵖⴰⵍⵉ ⵜⵇⵇⵙ ⴰⵙ ⵜⵖⵔⴹⵎⵜ, ⴰⵔ ⴰⴷ ⵜⵉⵙⵙⵉⵡⵟⵏ ⵖⵔ ⵜⵉⵙⵎⵟⵍⵜ. ⴰⵎⴰⵍⵓ ⵏ ⵉⵎⵓⵀⴰⵔ, ⴰⵙⵓⴼⵖ ⵏ ⵊⴰⴽ ⴷⵓⴱⵓⵢⵙⵓⵏ, ⵢⵙⵙⵏ ⵎⴰ ⴽⴰ ⵔⴰ ⵜ ⵉⵙⵙⵏⵊⵇ ⵙ ⵓⵔⴰⵔ ⴰⴳ ⴷ ⵉⵙⵉⴷⴷⵏ, ⴷ ⵉⵅⵏⵛⴰⵛ, ⴷ ⵜⵎⵍⵙⴰ. ⴷ ⵎⴰⵔⴰ ⵏⵇⵇⴰⵍ, ⵓⵔ ⵉⵇⵇⵉⵏ ⴱⵣⵣⴰⴼ; ⴷ ⵡⴰⵅⵅⴰ ⵉⴼⵙⵓⵙ, ⵉⴷⴷⴰ ⴰⵅ ⵢⵉⵏⵉ, ⵅ ⵉⵏⴳⵉⴳⵉ ⵉⵍⵍⴰⵏ ⵖⵔ ⵡⴰⴷⴷⴰ, ⴰⴳ ⴷ ⴰⵢⵜ ⵓⵍⵎⵙⵉ ⵏ ⵉⵎⵓⵀⴰⵔ. ⵜⴰⵙⵓⵔⵔⵉⴼⵜ ⵓ ⴰⴳ ⴷ ⴷⵓⴱⵓⵢⵙⵓⵏ, ⵓⵔ ⵜⵜⵓⵙⵉ ⵅⴰⵙ ⴰⴷ ⵜⵜⵔ ⴰⵡⴰⵍ, ⵉⵜⵜⵓⵕⵥⵎⵏ ⴰⴳ ⴷ ⵀⴻⵍⴻⵏ ⴽⵍⵓⴷⵓ-ⵀⴰⵡⴰⴷ, ⴳ ⵎⵉ ⵜⴳⵔⵓ " ⴱⴷⴷⵏ ⵉⵎⵓⵀⴰⵔ, ⵓⵔ ⵇⵇⵉⵎⵏ ⵜⵕⵓⵥⵏ ⵜⵉⵎⵄⵉⵡⴰⴷ; ⴰⵖⵓⵍⵏ ⴳⴰⵏ ⵉⴷⵊ ⵓⵙⵓⵏ ⵉⵇⵇⵓⵔⵏ ". ⵎⵇⵇⴰⵔ ⵊⵍⴰⵏ ⴰⵢⵜ ⵜⵎⵓⵔⵜ, ⴷ ⵎⴰⵢ ⴽⴽⵉⵏ, ⵓⵔ ⵅⴰ ⵜⵜⴰⵃⵍⵏ ⴰⴽ ⴰⴷ ⴰⵖⵓⵍⵏ ( 1 ), ⴷ ⴽⵓ ⵉⴷⵊ ⴷ ⵎⴰⴳⴷ ⵙⵙⵉⵡⵟ. ⴰⵎ ⵡⴰⵡⴰⵍ ⵏⵅ, ⵅ ⵜⵙⴼⵉⴼⵜⵓ ⵏ ⵉⵎⵓⵍⴰ, ⵎⴰⴳⵎⵉ ⵓⵔ ⵏⴷⴷⵉ, ⴰⴷ ⵏⴰⴼ ⴰⵕⵥⵥⵓⵎ ⵉ ⵎⴰⴳ ⴳⵉⵏ ⴰⵙⵇⵙⵉ, ⵉⴷⵊ ⵙ ⵉⴷⵊ. ⴰⵎⵔⵡⴰⵙ ⴷ ⵓⵔⵡⴰⵙ ⴳ ⵜⵉⵍⵍⴰⵙ ⵏ ⵡⴰⵢⵓⵔ ⴰⵙⵇⵙⵉ ⴰⵅ ⵉⵣⴰⵡⴹ, ⵓⵔⴰⵔ ⵏ ⵜⵎⵣⴳⵓⵏⵜ: ⵜⵉⵍⵍⴰⵙ ⵏ ⵡⴰⵢⵓⵔ. ⵢⵓⵣⴷ ⴰⴳ ⴷ ⵜⵡⵓⵔⵉ, ⵜ ⵣⵣⵔⵉ ⵜⵉⵍⵉⵥⵕⵉ ⵏ ⵍⵎⵔⵔⵓⴽ. ⴳ ⵓⵙⵙⴰⵏⵉ ⵉⵏⴳⴳⵓⵔⴰ, ⵉⴽⴽⴷ ⵅ ⵡⴰⵎⵓⵔ ⵏ ⵉⴼⴳⴰⵏ ⵉⵜⵡⴰⵜⵛⵏ. ⴷ ⵏⵜⴰ ⵎⵉ ⵜⵍⴰⵖⴰⵏ ⴳ ⵜⴰⵎⴰⵛⴰⵇⵜ: ⴰⵣⵔⴼ. ⵉⵏⴱⴱⴰⴹⵏ ⵏ ⵓⵣⵔⴼ ⴳ ⵡⵓⵔⴰⵔ ⴰ, ⴷ ⵢⵓⵔⵉ ⵀⵎⴷ ⴰⵎⴰⵍ; ⴷ ⴰⴷ ⵏⴳ ⵎⴰⴽⴽⴰ, ⵔⴰ ⵏⵙⵙⵔⵙ ⵉⵖⵚⴰⵏ ⵉⵜⵉⴷⵊⵉⵏ ⵓⵔ ⵉⵇⵇⵉⵎ. ⴳ ⵜⵎⵏⴰⵟ ⵜⴰⵎⵣⵡⴰⵔⵓⵜ, ⵉⵍⵍⴰ ⴱⵓ ⵓⵄⵍⵍⵓⵛ, ⴷ ⵉⵡⵉⵏ ⴰⵢⴷⴷⴰ ⵏⵏⵙ, ⴰⴷ ⵜⵉⵙⵙⴽⵯⵏⴼ. ⴳ ⵜⵎⵏⴰⵟ ⵜⵉ ⵙⵙⵏⴰⵜ ⵉⵍⵍⴰ ⵡⵏ ⵉⵜⵉⵜⵛⵉⵏ, ⴷ ⴳ ⵓⵏⴳⴳⴰⵔⵓ ⵢⵓ, ⵓⵔ ⵉⴳⵉ ⵉⴷⵊ; ⵉⵙ ⵏⵜ ⴰⴼ ⴰⴷ ⵎⴰⴳ ⴰⵎⵓⵏ ⴰⴳⵉⵙ, ⴰⵎ ⴱⵓ ⵓⵙⵍⵀⴰⵎ ⴰⵣⴳⴳⴰⵖ; ⵊⵊⴰⵔⵉ ⵉⴳⵉⵏ ⴰⵎⵖⴰⵔ, ⴷ ⵎⴰ ⵙⵏ ⵢⵓⵣⴹⵏ ⵉⵣⵉⵎⵎⵔ ⵉⵜⵜⵓⴽⵯⵏⴼⵏ. ⵜⵉⵎⵏⴰⵟⵉⵏⵉ ⵉⵣⴷⵉ ⵀⵏ ⵓⵔⵣⵣⵓ ⵏ ⴱⵓ ⵓⵄⵍⵍⵓⵛ ⵉⵜⵡⴰⵜⵛⵏ. ⴷ ⵓⵎⵔⵡⴰⵙ ⵉⵇⵇⵉⵎⵏ, ⵉⵎⵓⵏ ⴰⴳ ⴷ ⴰⵢⵜ ⵜⵎⵏⴰⵟ ⵜⵉⵙⵙⵏⴰⵜ, ⵉⵙ ⵉ ⵜⴳⵉⵏ ⴳ ⵉⴼⴰⵙⵙⵏ ⵏⵏⵙⵏ, ⴰⴽ ⴰⴷ ⵣⵣⵔⵉⵏ ⴰⴳⴷⵓⴷ ⵙ ⵓⵣⴳⴳⵔ, ⵅ ⵓⵏⴳⴳⴰⵔⵓ, ⴷ ⵓⴼⴳⴰⵏ ⵙ ⵜⵉⵟ ⵏⵏⵙ. ⴳ ⵓⵔⴰⵔ ⴰ, ⴷ ⴰⴷ ⵏⴹⴼⴰⵕ ⵙ ⵜⴰⴹⴼⵉ; ⵎⴰⴽⴽⴰ ⴰⵔⴰ ⵢⵏⵏⵟ ⴱⵓ ⵉⵣⵉⵎⵎⵔ, ⵓⴷⵎⴰⵡⵏ ⵏ ⵜⵏⴱⴰⵟ ⵉⵜⵉⵚⵕⵟⵏ. ⴷⴰ ⵢ ⴳ ⵓⵔⴰⵔ ⴰⵎⵣⵡⴰⵔⵓ, ⴷ ⴰⵏ ⴱⴷⴷ ⵅ ⵜⵉⵙⵙⴰⵍ ⴰⵙ ⵙⴽⴰⵔⵏ, ⴰⴽ ⴰⴷ ⵜⴳⵔⵏ ⵣⵣⵉⴳ ⵙⵏ, ⴳ ⵓⵚⵏⵏⵍ ⵏ ⵓⵎⵔⵡⴰⵙ. ⴰⵙⵙ ⵎⵉ ⵙⵙⵛⵡⵓⵏ ⵜⵓⵖⵎⴰⵙ, ⵙⵙⵉⵡⵟⵏⵜ ⴰⴷ ⵉⵙⵓⵙⵎ ⵉⵎⵉⴽ; ⵎⴰⵅⵎⵎⵉ ⵓⵔ ⴰⵙ ⵉⵎⵖⵉ ⴷⴰⵜ ⵏ ⵜⴰⵟⵟⴰⵡⵉⵏ ⵏⵏⵙ, ⵓⵎⴼⴰⴳⴰⵎ ⵉⵡⴰⵍⵉⵡⵏ. ⴷ ⵓⴼⴳⴰⵏ ⵎⴰⵏⵉⴳ ⴷ ⵢ-ⵉⵡⵉ ⵜⵉⵖⵔⴰⴹ, ⴰⴽ ⴰⴷ ⵉⵙⵙⵉⵡⵍ, ⵙⵙⵓⴼⵖⵏ ⴰⵙ ⴰⴼⵔ ⵏ ⴰⴽⵓⵛ / ⵔⴱⴱⵉ. ⴰⴷ ⵜⵙⵙⴰⴳⴳⴰⴷⵏ ⵙⵉⵙ, ⴷ ⴰⵢⵏ, ⵓⵔ ⵉⵙⵕⵉⵟ ⴱⵓ ⵓⵄⵍⵍⵓⵛ, ⵏⵜⴰ ⴰⴷ ⴳⴳⵉⵏ: ⵎⵎⴰⵅ ⴰⵃⵓⵍⵉ ⵏⵏⵙ ⴰⴷ ⵉⴽⴽⵔ? ⵀⴰ ⵢⴰⵖⵓⵍ ⴷ ⵖⵔ ⵜⵓⴷⵔⵜ ⵎⵇⵇⴰⵔ ⵉⴽⴽⵓ ⵓⵅⴷⵎⵉ ⵜⴰⵎⴳⵔⴷⵜ ⵏⵏⵙ. ⴷ ⵡⵏ ⵉⴽⴽⵙⵏ ⵣⴳ ⵜⵓⴷⵔⵜ, ⵙⴰⵔ ⵉⴱⵔⵔⵎ ⴷ ⵖⵔⵙ; ⴷⴰⵢ ⵜⵇⵇⵉⵎ ⵜⵜⴰⵄⴰⵡⵉⵜ ⴳ ⵡⴰⵡⴰⵍ. ⵎⴰⴳ ⵜⵡⴰⴳⴳⴰⵏ ⵍⴰ ⵉⵥⵕⵉⵜ ⵓⴳⴳⵉⴷ. ⵙⵡⴰⵎⵎⵓ ⵏⴱⴰⴹ, ⴰⵏ ⴰⵡⵟ, ⴰⵏ ⴰⵏⵏⴰⵢ ⴳ ⵓⵎⵔⵡⴰⵙ ⵉⴳⵓ ⵣⵓⵏⴷ ⵜⴰⵡⵔⵢⵉⵜ ⵉⵜⵇⵇⵏⵏ ⵉⵎⵉ; ⵎⴰⵏⵉⴳ ⵉⵜⵥⵕⵉⵏ ⵉⴷⴷⴰ ⴰⴷ ⵉⵙⵙⵖⵓⵢ. ⴽⵎ ⵎⵇⴰⴷⴷⴰⵏ ⵉⵡⴷⴰⵏ ⴷ ⵉⵙⴽⴽⵉⵏⵏ, ⴳ ⵡⴰⵎⵓⵔ ⵏ ⵜⵓⴷⵔⵜ; ⵓⴼⵓⵖ ⴷ ⵜⴰⵖⵓⵍⵜ ⵖⵔⵙ, ⵙ ⵜⵏⴱⴰⵟ ⵏ ⴱⴰⴱ ⵓⵊⵏⵏⴰ, ⴳ ⵓⵔⴰⵔ ⵏ ⵜⵉⵍⵍⴰⵙ, ⵉⵍⵍⴰ ⵎⴰ ⵔⴰ ⵉⵙⵇⵙⴰⵏ: ⴰⴽ ⴰⵅ ⵉⵙⵙⴱⴷ ⵅ ⵓⴱⵟⵟⵓ, ⵏ ⵉⵡⴰⵍⵉⵡⵏ ⵉⴷⴷⴰ ⴰⵅ ⵉⵙⵙⵔⵙ; ⵏⵜⴰ ⵣⴳ ⵓⵢⵏ ⵉⵙⵙⴽ, ⵉⵙⵙⵏ ⵡⵏ ⵉⵎⵣⴰⵔⴰⵢⵏ ⴷ ⵜⵓⴷⵔⵜ, ⵜⵏ ⵉⴷⴷⴰⵏ ⴰⵜⴳ ⵜⴰⵏⴳⴳⴰⵔⵓⵜ; ⵙⴰⵔ ⴰⵙ ⵢⴰⵖⵓⵍ. ⵜⵍⵍⴰ ⵜⵎⵖⴰⵔⵜ ⵉⴳⵉⵏ ⴰⵎⵜⵜⵉⵏ, ⴰⵍⵍⵉⴳ ⵓⵔ ⵜ ⵙⵚⵎⵟⵉⵏ ⵣⴳ ⵓⴽⵯⴰⵏⵉⴼ. ⴰⵙⵇⵙⵉ ⴰⵔⴰ ⵢⴳ ⵏⵜⴰ: ⵎⵎⴰⵅ ⵉⵣⵉⵎⵎⵔ ⵉⵏⵓ ⵉⵏⴽⵔ? ⴽⵎ ⴰⵡⵏ ⵉⵙⵙⴽ ⴰⵡⴰⵍ ⵓ, ⴰⴳ ⴷ ⵜⴰⵎⵖⴰⵔⵜ, ⵉⵇⵇⵏ ⴰⴷ ⵜⴽⴽⵔ ⵙ ⵜⴰⵡⴰⵍⴰ ⵏⵏⵙ. ⴰⴱⵟⵟⵓⵢⵓ ⵍⴰ ⵜ ⴰⵣⵣⵍⴰⵏ ⵖⵔⵙ ⵉⵏⴱⴱⴰⴹⵏ, ⴰⴷ ⴰⵢ ⵅⵙⵏ ⴰⴷ ⵜⵜⵛⵏ ⵉⵏⵊⴷⴰ ⵏⵓⴳⴷⵓⴷ. ⴷ ⵓⵢⵏ ⵉⵏⵇⵇⵏ, ⵎⵎⴰⵅ ⴰⴷ ⵙⵓⵙⵎⵏ ⵎⵉⴷⴷⵏ ⵅ ⵜⵉⵃⵢⵟ? ⴷ ⴰⴷ ⵏⴰⴼ ⴰⵙⵙⴳⵯⴷ, ⴷ ⵓⵖⵔⵓⵛ; ⵡⴰⵍⴰⵢⵏⵏⵉ ⵎⵉⴷⴷⵏ ⴰⴷ ⴰⵡⵟⵏ ⴰⴷ ⵇⴱⴱⵟⵏ; ⴷ ⵜⵇⴱⴱⴰⵟ ⵔⴰ ⵀⵏ ⵜ ⴰⴷⵊ, ⴰⴷ ⵙ ⵃⵓⵣⵟⵏ ⵉⴱⵟⵟⵓⵢⵏ ⵔⵛⴰⵏⵉⵏ. ⵓⵔⴰⵔ ⵏ ⵜⵉⵍⵍⴰⵙ ⵢⵉⵡⵟ, ⴰⴷ ⵉⵙⵙⵔⵙ ⴰⴼⵓⵙ ⵅ ⵉⴷⵊ ⵓⵙⴽⴽⵉⵏ ⵉⵥⵉⵍⵏ; ⵏⵜⴰ ⴰⴳⴳⵉⵏ ⴰⵣⵔⴼ ⵉⴹⵔⵏ. ⵓⵔ ⴷ ⵢⵉⵡⵉⵟ ⵓⵏⵊⴷⵉ ( ⵜⴰⵎⵟⵓⵜ ⵖⵏⴷ ⴰⵔⴳⴰⵣ ) ⴰⴷ ⵉⵟⵟⴼ ⵣⴳ ⵓⴼⵓⵙ ⵓⵏⴱⴱⴰⴹ, ⵉⵙ ⵉⴳⵓ ⴰⵡⵜⵎ; ⴷ ⵜⵎⵟⵓⵜ ⴰⵔⴰ ⵢⴰⴼⵏ ⵜⴰⵙⵓⴼⵖⵜ, ⵉ ⵜⵓⴽⵔⴹⴰ ⵏ ⵓⵢⴷⴷⴰ ⵏ ⵉⵡⴷⴰⵏ; ⴰⴳⵉⴷⵙ ⴷ ⴰⴷ ⴰⵖⵓⵍⵏ ⵉⵖⵥⵕⴰⵏ ⴰⴷ ⴰⵣⵣⵍⵏ. ⵜⴰⴼⵔⵜ ⵓ ⴰⴽ ⴰⴷ ⵜⵏⵇⵇⵏ, ⵉⴳⵓ ⴰⵙⵏ ⵙⵎⵇⴰⴷⴷⴰ ⵜⴰⵎⵉⵡⵉⵏ; ⴰⵙⴽⴽⵉⵏ ⵉ ⵅⵉ ⵜⴰⵡⵉⵏ, ⴰⴽⴰ ⵏⴽⴽ ⵅ ⵓⴱⵔⵔⵃ ⴷ ⵢⵓⴽⵎⵏ ⵜⴰⵎⵓⵔⵜ, ⵍⴰ ⵢⵓⵣⴷ ⵣⴳ ⵉⵖⵔⵎ, ⵎⴰⵏⵉⴳ ⵉⵍⵍⴰ ⵉ ⵢⵉⵡⴷⴰⵏ, ⵡⴰⵡⴰⵍ ⴷ ⵜⵓⵙⵙⵏⴰ ⵏ ⵎⴰⴳ ⵣⵔⵉⵏ. ⵣⴳ ⵙⵙⵢⴰ ⴰⵎⵍⴰⵍⴰ ⵏⵏⵙ, ⴷ ⵜⵄⵏⵥⵍⵜ ⵢⴰⵖⵏ ⵉⵏⵊⴷⴰ, ⴳ ⵜⵎⴰⵣⵉⵔⵜ. ⴰⴱⵔⵔⵃ ⵙ ⵎⴰⴳ ⵜ ⴰⵡⵉ ⵏ ⵉⵏⵖⵎⵉⵙⵙⵏ, ⵢⵉⵡⵉⴷ ⵅ ⵜⴰⵙⵙⴰⵙⵜ, ⴳⵎⵉ ⵉⴳⴳⴰⵔ ⵓⴷⴰⴱⵓ ⵉⵏⵊⴷⴰ. ⴰⵡⴰⵍ ⵓⵔ ⵉⴳⴳⵉⵔ ⴰⵍⵍⵉⴳ ⴷ ⵉⴱⵔⵔⵎ ⵓⵛⴽⴽⴰⵎ ⴷ ⵊⵊⴰⵔⵉ, ⵖⵔ ⵓⴱⵔⵔⴰⵃ. ⵣⵉⴽ ⵜⵜⵓⵖ ⵓⴷⴰⴱⵓ ⴰⴳ ⵙⴽⴰⵔⵏ ⵉⴱⵔⵔⴰⵃⵏ, ⴰⵙⵙ ⵓ ⵜⴰⵡⵓⵔⵉ ⵏⵏⵙⵏ ⵜⴱⴹⴰ, ⵜⵎⵣⴰⵔⴰⵢ. ⵙⵡⴰⵎⵎⵓ ⴽⵎ ⵉⵡⵉⵏ ⴰⴱⵔⵔⴰⵃ, ⴰⴷ ⵉⵙⵓⵙⵎ ⴳ ⵓⵎⵣⵡⴰⵔⵓ, ⵉⵙ ⴳⵉⵏ ⴰⵡⴰⵍ ⵏⵏⵙ ⵓⵔ ⵉⵏⵥⵉⵥ; ⴷ ⵓⴷⵎ ⵏⵏⵙ ⵉⴱⵓⵔⵣ. ⵉⵡⵟⵏ ⵎⵉⴷⴷⵏ, ⴰⴷ ⵉⵙⵉⵏⵏ ⵉⵙ ⵓⵔ ⵉⵍⵍⵉ, ⵉⵜⵏⴱⴰⵟ ⴷ ⵓⵎⵔⵡⴰⵙ ⴰⴷ ⴳⵔⵏ ⵎⵉⴷⴷⵏ ⴳ ⵜⵙⵔⴰⴼⵜ, ⴽⵎ ⵙⵙⵉⵡⵍⵏ ⵅ ⵓⵣⵔⴼ ⵏⵏⵙⵏ. ⵉⵎⵛⵉ ⴷ ⴰⵏ ⵉⵍⵉ, ⵏ ⵉⵡⵟ ⴰⵏ ⵖⵣ ⴰⵏⴱⴷⵓ; ⵡⴰⵅⵅⴰ ⵓⵔ ⵉⴳⴳⵓⵜ ⵍⴰ ⵉⵥⵉⵍ. ⴷ ⵉⵡⴰⵍⵉⵡⵏ ⵉ ⵓⵔ ⴳⵉⵏ ⴰⴽⵏ ⴽⵯⵔⴼⵏ, ⵣⴳ ⵓⵔⴰⵄⴰ ⵏ ⵜⵎⵣⴳⵓⵏⵜ ⴰ; ⴷ ⴽⵎ ⵜⵙⵍⵍⵎ ⵉⵡⵏ ⵉⵏⵏⴰⵏ ⴰⵎⵣⴳⵓⵏ ⵢⴰⵖⵓⵍ ⵉⴳⴳⵉⵔ, ⵍⴰ ⵉⵙⵙⴰⵡⴰⵍ ⵅ ⵓⵎⵣⴳⵓⵏ ⵉⵙⵙⴰⵡⴰⵍⵏ ⵉⵍⵙ, ⵏ ⵍⵎⵔⵔⵓⴽ, ⵉⴷⵔⵓⵙⵏ; ⵓⵔ ⴷ ⵖⵔ ⵉⵎⴰⵣⵉⵖⵏ. ⴰⵣⵖⴰⵏ ⴷ ⵜⵓⵙⵉ " ⵜⴰⴱⵔⴰⵜ ⵓⵎⴰⵣⵉⵖ " ⵉⵏⵉⵔⵉⵜⵏ ⵖⵔ ⵎⵉ ⵉⵍⵍⴰ ⵉⴷⵊ ⵏ ⵓⵥⵓⵕ, ⵍⴰ ⵜ ⵇⵇⵏⵏ ⴳ ⵓⵎⴰⵍⵓ ⵏⵏⵙ ⵍⴰ ⵜ ⵎⵃⴰⵟⴰⵔⵏ. ⴳ ⵜⵓⵙⵙⵏⴰ ⵏ ⴰⵢⵜ ⵣⵉⴽ, ⴷ ⵡⵉⵏ ⴰⵢⵜ ⵡⴰⵙⵙⵓ ⵉⵜⵏ ⵉⴹⴼⴰⵕⵏ, ⵜⵍⵍⴰ ⵜⵎⴷⵢⴰⵣⵜ ⵜⵣⴷⵉ ⴷ ⵓⵎⵣⴳⵓⵏ; ⵙⵜⵉⵜ ⵛⴰ ⵓⵔ ⵜⵜⵓⵖ ⵜⵎⵍⵙⴰ ⴷ ⵉⵣⵔⵉⵔⴰⵏ ⴰⵎ ⵡⵉⵏ ⵡⴰⵙⵙⵓ, ⵡⴰⵍⴰⵢⵏⵏⵉ ⵓⵔ ⴽⴽⵉⵙⵏ. ⴷ ⴰⵢ ⵜⵇⵇⵉⵎ ⵜⵇⴱⴱⴰⵟ, ⴷ ⵜⵎⴷⵢⴰⵣⵜ ⵉⵅⵙ ⴰⴷ ⵜⵜⵓⵛⵔⵔⴳⵏ ⴰⴷ ⴼⴼⵖⵏ ⵜⵉⴷⴷⵉ ⵏⵏⵙⵏ ⴰⴽ ⴰⵏ ⴰⵡⵟ ⵖⵔ ⵓⵎⵣⴳⵓⵏ ⵎⴰⴽⴽⴰ ⵉⵜⵡ ⵓⵔⴰⵔ ⴰⵙⵙⵓ. ⴰⵎⵚⴰⵡⴰⴹ ⵉⵍⵍⴰⵏ ⵉⵏⴳⵔ ⴰⵜⵙⵏ, ⵓⵔ ⴷⴰ ⵉⵜⴱⴱⵉ. ⵎⴰⵏⵉⴳ ⵉⵍⵍⴰ ⵡⴰⵡⴰⵍ ⵉⵍⵍⴰ ⵓⵎⵣⴳⵓⵏ, " ⵓⵔ ⵉⵏⵏⵉ ⴰⴷ ⵉⴽⵯⵔⴼ, ⵏⵖ ⴷ ⴰⴷ ⵉⴽⴽⵙ ⵅⴰⵙ ⴽⵎ ⵜⴽⴽⵙ ⵜⵎⴷⵢⴰⵣⵜ, ⵔⵉⵅ ⵉⵏⵜⵛⵏⵉ ⴰⴳ ⴷ ⵓⴱⵓⵢ ⵏ ⵢⵉⵍⵙ ⵏ ⵓⴳⴳⵉⴷ ". ⴰⴹⵕⵉⵙ ⵏ ⵜⴰⴱⵔⴰⵜ ⵓⵎⴰⵣⵉⵖ ⵜ ⵓⵔⴰⵔ ⵜⵔⴱⵉⵄⵜ ⵉⵣⵎⴰⵡⵏ ⵣⵉⵎⵎⵓⵔ, ⵜⴷⴷⴰ ⴳ ⵍⴳⵓⴷ ⴰ, ⵉⵙ ⴳⴳⵓⵜⵏ, ⵡⴰⵏⵙⵉⵡⵏ ⵎⴰⵏⵉⴳ ⴰⵅ ⵜ ⴰⴽⵯⵔ ⵜⵎⴷⵢⴰⵣⵜ; ⴰⴳ ⴷ ⵓⵎⵓⵛⵉ ⵢⴰ ⵏ ⵙⵉⴹⵏ ⵛⴰⵔⴹ ⵡⴰⵏⵙⵉⵡⵏ. ⴰⵎⵣⵡⴰⵔⵓ ⵢⵓⵣⴷ ⴷ ⵉⵣⵍⵉ ⵓⴽⵛⵛⵓⵎ, ⴷⴳⵙ ⵎⵏⵉⴳ ⵉⵜⵡⴰⵏⵏⴰ: ⵉⵔⵛⴰ ⵡⵢⴰ ⵉⵔⵛⴰ ⴰⵏⵏⴰⵢⵅ ⵉⵙⵔⴷⴰⵏ ⵔⴰⵏ ⴰⴷ ⴳⵉⵏ ⵉⵙⴰⵏ ... ⵜⵉ ⵙⵏⴰⵜ ⴷ ⴰⴷ ⵜⵉⵍⵉ ⵅ ⵙⵙⴱⵙⵉ, ⴷⵉⴳⵙ ⴰⵅⴼ ⵉⵜⵍⴰⵖⴰ ⴰⴷ ⵜⵉⴽⵎⵓ ⴼⴼⵉⵔ ⵉⵎⵏⵙⵉ, ⴰⴽ ⴰⴷ ⵉⵇⵇⵏ ⵉⴼⵅⵙⵉ ... ⵜⵏⵉⵟⵏⵉⵏ, ⵜⴷⴷⴰ ⴰⵜⵜⴰⵙ ⵅ ⵉⵎⵉ ⵏ ⴼⴰⴹⵎⴰ ⵎⴰⵏⵉⴳ ⴰⵔⴰ ⵜ ⴱⴷⴷ ⵅ ⵥⵥⵍⵟ ⴳ ⵎⵉ ⵜⵍⴰ, ⵓⵔ ⴰⵙ ⵉⵇⵇⵉⵎ ⵍⴰ ⵍⵇⵛⵛ ⵍⴰ ⵜⵉⵍⵓⵍⴰ, ⵣⴳ ⵡⴰⵙⵙ ⵎⵉ ⵜ ⵎⵣⴰⵔⴰⵢ ⴰⴳ ⴷ ⵜⵎⵓⵔⵜ, ⴰⵍ ⵜⴰⵡⵟ ⵎⴰⵏⵉⴳ ⴰⵔⴰ ⵜⵏⵖⵍ ⵜⵉⵅⵜ ⵅ ⵡⴰⵅⵅⴰ ⵏⵇⵇⵉⵎ ⵓⵔ ⵏⵙⵓⵍⴰ. ⴰⵣⵖⴰⵏ ⵏ ⵜⵏⴱⴰⵟⵟ ⴳ ' ' ⵜⴰⴱⵔⴰⵜ ⵓⵎⴰⵣⵉⵖ ', ⵓⵔ ⴷ ⴰⴷ ⵉⴳ ⵅⴰⵙ ⵉⴷⵊ ⵉⴼⵉⵍⵉ, ⴳ ⵓⵥⵟⵟⴰ ⵏ ⵜⵎⵣⴳⵓⵏⵜ, ⴰⵅ ⵜ ⵓⵔⴰⵔ, ⵜⵔⴱⵉⵄⵜ: ⵏⵔⴰ ⵏⴳ ⵉⵙⵙⵉⴷⴷⵏ. ⴰⵙⵇⵙⵉ ⵏ ⵜⵏⴱⴰⵟⵟ ⵉⵇⵇⴰⵍ ⵖⵔ, ⵜⵉⴽⵯⵜ ⵏ ⵉⴽⵯⵔⵓⵙⵏ. ⵉⵜⵉⵏⵉⵏ ⴰⴽⵯⵔⴰⴼ ⴳ ⵎⵉ ⵉⵍⵍⴰ ⵓⴼⴳⴰⵏ ⵏ ⵜⵎⵓⵔⵜ. ⵜⴰⵖⵓⵏⵉ ⵎⴰⵏⵉⴳ ⵍⵍⴰⵏ ⵉⵡⴷⴰⵏ, ⵀⴰ ⵜⵙⵙⵔⵙ ⵅⴼⵙⵏ ⵜⵏⴱⴰⵜ, ⴷⴰ ⵢ ⵜⴽⵕⵥⵉⵀⵏ, ⵅⴰⵜ ⵏ ⵜ ⴰⵏⵏⴰⵢ ⵉⵏⴳⵔ ⵎⵉⴷⴷⵏ ⵏ ⵡⴰⴷⴷⴰ. ⴰⵕⵥⵥⵓⵎ ⵡⵓⵔⴰⵔ ⵉⴼⵜⴽⵯ, ⵙ ⵓⵙⵖⵓⵢ ⵏ ⴼⴰⴹⵎⴰ " ⵡⵉⴽ ⵡⵉⴽ ⴰ ⵎⵉⴷⴷⵏ, ⵎⴰⵏⵉⴳ ⵜ ⵙⵙⴰⵡⴰⵍⵏ ⵉⵡⴷⴰⵏ, ⴰⵔⴳⴰⵣ ⵉⵏⵓ ⵓⵔ ⵉⵙⵙⵉⵏ ⵅⴰⵙ ⴰⵄⴳⴳⴰⴷⵉ ". ⴷ ⴽⵎ ⵓⵔ ⵉⵍⵍⵉ ⵉⵎⵏⵖⵉ, ⵜⵍⵍⴰ " ⵎⴰⵅ ⵉⴷⴷⴰⵏ " ⵎⴰⵏⵉⴳ, ⵓⵔ ⵉⵜⵉⵙⵉⵏ ⵢⵉⴷⵊ, ⵎⴰⴳ ⵍⵍⴰⵏ ⵖⵔⵙ ⴳ ⵜⴰⴷⴷⴰⵔⵜ. ⵓⴷⵎⴰⵡⵏⵉ ⵙⴷⵉⴷⵏ, ⴷⴰⵢ ⵡⴰⵅⵅⴰ ⴽⴽⵔⵏ ⵅ ⵜⵏⴱⴰⵟⵟ, ⵅⴰ ⵣⵔⵔⵉⵏ ⵓⵔ ⴷ ⴰⵎ ⵡⴰⵏⵙⵉⵡⵏ, ⵉⵜⴰⴽⵯⵔⵏ ⵉⴱⵓⵔⴰⵇ ⵏ ⵉⵎⵥⴰⵔⵏ ⵉⵜⵜⵔⴰⵄⴰⵏ ⴰⵎⵓⵛⵉⵢ ⴰⴷ. ⵖⵔ ⵜⵡⴰⵍⴰ ⵏ ⵡⴰⵡⵟ ⵏ ⵊⵊⴰⵔⵉ, ⵙ ⵜⴰⴷⴷⴰⵔⵜ ⵏ ⵄⵍⵍⴰ; ⴰⴽ ⴰⴷ ⵉⵙⵙⴰⵖⵓⵍ ⵉⵄⴱⴰⵏ, ⴰⵙ ⵉⵜⵜⵎⵓⵛⵏ, ⵃⵎⴰ ⴰⴷ ⵉⴱⴷⴷ ⵙⵉⵙⵏ ⵣⵣⴰⵜ ⵉⵏⴱⵊⵉⵡⵏ, ⴷ ⵉⴷⴷⴰⵏ ⵣⴳ ⵡⴰⵀⵍⵉ; ⵎⵣⴰⵔⴰⵢⵏ ⵉⵏⵊⴷⴰ, ⵉⴹⴼⴰⵔⵜ ⵊⵊⴰⵔⵉ ⴰⴷ ⵉⵛⵛⵏⵛⴼ ⵡⵉⴷ ⵎⵉ ⵍⴰⵖⴰⵏ, ⴰⴷ ⵙⵉⵙⵏ ⵙⵙⴽⵏ, ⵓⵙⵙⴰⵏ ⵏ ⵓⵎⵔⵔⵜ. ⵊⵊⴰⵔⵉ ⵅⴰⵙ ⵉⴷⴷⵣ ⵜⵉⴼⵍⵡⵉⵜ, ⴷ ⵄⵍⵍⴰ ⵉⵅⵙⵉ, ⵢⵉⴽⴽ ⴷⴷⴰⵡ ⵓⵊⵔⵜⵉⵍ. ⴰⵎⴰⵙ ⵏ ⵓⴳⴳⵉⴷ, ⵢⵉⵡⵟ ⵜⵉⵣⵉ ⵜⵉⴼⵔⵛⵉⵜ. ⴼⴰⴹⵎⴰ ⴰⴽ ⵜ ⴼⵓⴽⴽ, ⵜⴰⵙⵙⴰⵙⵜ ⴰ, ⵉⵙⵙⵓⴼⵖ ⵄⵍⵍⴰ ⴰⵢⵏ ⵙⵙⵡⴰⵏⵜ ⵉⵃⵚⵚⵏ; ⴰⴽ ⴰⴷ ⵣⵔⵉⵏ ⵖⵔ ⵓⴼⵓⵙ ⵏ ⵊⵊⴰⵔⵉ, ⵜⴷⴷⴰ ⴰⴷ ⵙⵉⵙⵏ ⵜⴱⵔⵔⵃ " ⵀⴰⵏⴰ ⵡ ⵀⴰⵏⴰ, ⵔⴱⵄⵎⵎⵢⴰ ⵣⴳ ⵓⵔⴳⴰⵣ ⵉⵏⵓ, ⵉⵊⵊⴰⵔⵉ ... " ⴰⵎⵍⴰⵍⴰ ⵏ ⵜⵏⴱⴰⵟⵟ ⴷ ⵎⵉⴷⴷⵏ, ⵜⵓⵍⵉⴷ ⵅ ⵓⵛⴼⴼⵔ; ⵊⵊⴰⵔⵉ ⵉⴷⴷⴰ ⴰⴷ ⵉⵜⵛ, ⵉⵙⵓ; ⵀⴰ ⴷⴷⵊⵉⵏ ⵓⵔ ⵉⴷⵊⵉⵡⵏ; ⵉⵍⵍⴰ ⴷⴳⵙ ⴼⴰⴷ, ⵓⵔ ⴷ ⵏ ⵓⴽⵯⴰⵏⵉⴼ, ⵏⵖ ⴷ ⵍⵍⴱⴰⵏⴰⵏ, ⵏⵖ ⴷ ⵉⴼⵓⵍⵍⵓⵙⵏ ⵉⴱⵍⴷⵉⵢⵏ ⵉⵙⵓⴼⵔⵏ. ⵀⵎⵎⵓ ⴰⵍⵍⵉⴳ ⵢⵓⴽⵯⵉ, ⵢⵓⴼⵓ ⵉⵅⴼ ⵏⵏⵙ, ⵉⴷⴷⴰ ⵢⴰⵙ ⵍⴱⵣⵟⴰⵎ ⵙ ⵍⵃⵚⵉⵚⴰ ⴷⵉⴳⵙ ⵉⵍⵍⴰⵏ. ⵉⵡⴷⴰⵏ ⴳⵉⵏⵉⵏ ⵉⴼⴰⵙⵙⵏ ⵍⵎⵅⵣⵏ, ⵅ ⴰⴷ ⵜⴰⵖⵓⵍⵏ, ⴰⴽ ⴰⴷ ⵡⵡⵜⵏ ⵙ ⵉⵎⵉ ⵏⵏⵙ. ⴷ ⵡⵏ ⵉⵜⵜⵡⴰⴷⵔⵏ ⵍⴰ ⵙ ⵉⵜⵖⵉⵎⴰ ⵅⴰⵙ ⵓⵙⵖⵓⵢ " ⵉⵙ ⵜⵔⵉⵎ ⴰⵏ ⵇⵇⵉⵎ ⵃⵥⵥⵓⵟⵉ ⵎⴰ! ". ⴷ ⴳ ⵡⴰⵏⵙⴰ, ⵉⵍⵍⴰ ⵓⴼⵓⴷ ⵢⵓⵊⵔⵏ ⴰⴼⵓⴷ; ⴷ ⴽⵎ ⵜⵙⵙⵉⵡⵍⵜ ⴰⵛ ⵕⵥⵏ, ⵍⴰ ⵉⵜⵖⵉⵎⴰ ⵓⵄⵔⵔⵇ, ⴷ ⵜⵇⴱⴱⵟ ⴰⴳ ⵜⴳⴳⵏ ⵓⵣⵣⴰⵍ, ⵉⵜⵏⵏⴰⵍⵏ ⵜⵉⵇⵇⴰⴷ. ⵍⵍⴰⵏⵜ ⵜⵉⴽⴽⴰⵍ ⵎⴰⵏⵉⴳ ⵉⵜⵉⵜⵖⵏⴰⴼ ⵡⵏ ⵢⵓⵎⵙⵏ ⵅ ⵉⵡⴷⴰⵏ ⴳ ⵓⵎⵣⵡⴰⵔⵓ; ⵙⵡⴰⵎⵎⵓ ⵅⴰ ⵜⴽⴽⵙ ⵍⵖⴹⵉⴳⴰ ⵣⴳ ⵓⵍⴰⵡⵏ; ⵅⴰⵙ ⵜⵉⴽⴽⴰⵍ ⵉⴷ ⴷⵔⵓⵙⵏ. ⴷⴰ ⵉⵇⵇⵉⵎ ⵓⵅⵓⴱ ⵉ ⵜⴰⴷⴷⴰⵔⵜ, ⵙ ⵎⴰⴳ ⵥⵥⵓⵖⵕ ⵏ ⵍⵇⵡⴰⵍⴱ ⴼⴼⵉⵔ ⴰⵙ. ⴰⵍⵍⵉⴳ ⵉⵜⵜⴼⴼⵓ ⵉⵄⴱⴰⵏ ⴷⴷⴰⵏ ⵜⵜⵓⵏ ⵜⵏ, ⵄⵍⵍⴰ ⵉⵖⵏⴼⴰⵙ ⵜ ⵉ ⵊⵊⴰⵔⵉ, ⴰⵙ ⵉⵙⵙⴱⵍⵥ ⵙⵙⵡⴰⵏⵜ ⵢⵉⵡⵉ ⵣⴳⵙ. ⴰⵎⵍⴰⵍⴰ ⴳ ⵓⵎⴰⵜⴰ ⵉⴳⵓ ⵡⵏ ⵜⵜⴰⵡⵉⵍ, ⵓⵔ ⴷ ⵡⵏ ⵉⴷⵓⴱⴱⴰⵣ. ⵜⵉⵜⵉ ⴰⵔ ⴰⴷ ⵉⴷⴷⵓⵏ ⵉ ⵊⵊⴰⵔⵉ, ⵅ ⴰⴷ ⵜⴱⵔⵔⴰⵎ ⵖⵔ ⵓⵣⵍⴰⵍⴰⵎ ⴰⴷ ⵜⵉⵇⵢⵢⵕ: ⵉⵙⴷ ⵍⴱⵓⵛⴽⵍⵉ ⴰⵢ ⴰⴷ ⵎⴰⴷ ⴰⵛⵏⵉⴹ? ⵟⵟⵉⵇⵚⵏ ⵉⵎⵥⴰⵔⵏ ⵙ ⵜⴰⵟⵚⴰ. ⵉⵎⵏⵣⴰⵖⵏ ⵅ ⵜⵏⴱⴰⵟ ⵉⵜⵓⵜⵛⵏ ⵉ ⵡⴰⵔ ⴰⵎⵙⴰⵙⴰ, ⴷ ⴰⴷ ⵜⵏ ⵉⵥⵉⵔ ⵅ ⴰⴷ ⵜⴽⴽⵔⵏ ⵖⵔ ⵡⴰⵡⴰⵍ ⵉ ⵜⵎⵟⵓⵟ; ⵜⵟⵟⵙ ⵜⵙⵓⵏⵅⵔ ⵉⴳⵉⵜ ⵜⴰⴳⵏⵏⵓⵣⵜ; ⵜⵓⵙⵉ ⵜⴰⴷⵉⵙⵜ, ⵜⴰⵔⵓ ⵜⴳ ⵜⵉⵅⵙⵉ, ⴰⵍⵍⵉⴳ ⴰⵙ ⵜⵙⵙⵔⵙ ⵉⴽⵯⵏⵉⵡⵏ ⴳ ⵉⴽⵯⵏⵉⵡⵏ. ⴽⵎ ⵜⵏⵏⴰ ⴰⵡⴰⵍ, ⵓⵔ ⵉⵎⵇⴰⴷⴷⴰ, ⵉⵛⵛⴹ ⴷⴳⵙ ⵉⵖⵏⴼ ⴰⵙ: ⵡⵏ ⵉⵜⴳⴳⵏ ⵔⵔⴰⵢ ⵉ ⵜⵎⵟⵓⵟ ⴰⵢⵏ ⵖⵉⴼⵙ ⵉⵜⴽⴽⵏ ⴰⵢⴰ, ⵢ ⵅⵙ, ⵜⴰⵎⴰⵔⴰ ⵏ ⵜⵓⴷⵔⵜ ⴳ ⵉⵖⵔⵎ. ⴷ ⵜⵎⵟⵓⵟ ⵉⵜⵙⵓⵙⵓⵎⵏ, ⴰⵢ ⵜⵡⴰⵜⴰ ⴰⵢⴰ. " ⴰⴽ ⴰⴷ ⵉⵜⵜⵓⵙⴱⴷⴷ ⵓⴽⵔⴼⵚ ⵏ ⵜⵄⵢⵢⴰⵍⵉⵏ ⴷ ⵉⵎⵥⵢⴰⵏ, ⵢⵉⵅⵙ ⴰⴷ ⵉⵜⵓⵙⴷⵔⵓⵙ ⵣⴳ ⵡⴰⵜⵉⴳ ⵏ ⵓⴽⵔⴼⵚ ⴰⵡⵜⵎ ⵢⴰⵖⵓⵍ ⴰⴷ ⵜⵙⵙⵔⵙⵏ ⴳ ⵜⵉⴷⴷⵓⴽⵍⵉ ⴷ ⵓⵎⵚⴰⵡⴰⵟ " ( 3 ). ⵓⵟⵓⴼ ⵏⵏⵙ ⴳ ⴰⴽ ⴰⴷ ⵜⵜⵙⵙⵍⵎⴷ ⵉⵍⵍⵉⵙ, ⵓⵔ ⵜ ⵜⵙⵙⵓⴼⵓⵖ ⵣⴳ ⵜⵉⵏⵎⵍ, ⴷ ⵜⵓⵜⵔⴰ ⵏ ⵡⴰⵙⵙ ⴰⵔ ⴰⴷ ⵉⵙⵙⵉⴷⴷⵏ; ⴷ ⵎⴰⵏⵉⴳ ⵓⵔ ⵜⴽⴽ ⵅⴼⵙ ⵜⵎⴰⵔⴰ. ⵄⵍⵍⴰ, ⵉⴱⴱⴰⵙ, ⵏⵜⴰ ⵉⵜⵇⵇⴰⵍ, ⵉⴳⴳⵓⵜ ⵎⴰⵢ ⵍⵎⵎⴷⵏ ⵉⵎⵃⵟⴰⵔ, ⴰⴽ ⴰⴷ ⵙⵙⴳⵓⵏⴼⴰⵏ, ⵡⴰⵍⵢⵏⵏⵉ ⵉⵍⵉ ⵏⵏⵙⵏ, ⵉⵙⵙⵉⵍⵉⴷ ⵅⴰⵙ ⴰⵖⵕⵓⵛ. ⵓⵔ ⵉⵍⵍⵉ ⵎⴰⵢ ⵉⵜⵜⵓⴳⵓⵏⵉⵏ ⵣⴳ ⵜⵉⵏⵎⵍ ⵉⵣⵔⵉ ⵓⵔⵓⵎⵉ ⵉⵥⵄⴽⵏ ⵜⴰⵎⵓⵔⵜ ⵉⴳⵉⵜ ⵜⵜⵉⵏⵙ. ⴷ ⵏⵜⴰ ⴰⵍⵍⵉⴳ ⵉⴼⴼⵖ ⵅⴰⵙ ⴰⴽ ⴰⴷ ⵜⵉⵙⵙⴻⵔⵙ ⴳ ⵓⴼⵓⵙ ⵏ ⵓⵣⵄⵄⴰⴽ ⴰⵔⴰ ⵉⴳⵏ ⵣⴳ ⵜⵎⵓⵔⵜⴰ, ⵎⴰⴽⴽⴰ ⵉⵜⵉⵥⵉⵕ ⴰⵅ ⵉⵙⵙⵄⵏⵇ, ⴷ ⵙⵜⵉⵜ. ⵡⴰⵍⴰⵢⵏⵏⵉ ⴰⴼⵕⵕⵉⵖ ⴷⴰ ⵏⵇⵇⴰⵍ ⴳ ⵜⵡⵓⵔⵉ ⵉⴳⴳⴰⵔ ⵉⵜⵡⵜⵎⵉⵏ, ⴰⴽ ⴰⴷ ⵉⵕⵥ ⵉⵍⵙ ⵜⵙⵎⵓⵏ ⵣⴳ ⵡⴰⵀⵍⵉ. ⴰⵣⵄⵄⴰⴽ ⴷ ⵉⴷⵊ, ⵉⴳⵓ ⴰⵔⵓⵎⵉ ⵏⵖ ⴷ ⵉⴱⵣⵣⵣ ⵜⴰⵏⴱⴰⵟⵟ ⵏⵏⵙ. ⵙ ⵓⵙⴽⵛⵎ ⵏ ⵜⵉⵏⵎⵍ ⵖⵔ ⴱⵕⵕⴰ, ⵉⵙⵙⵏ ⵉⵙ ⴰⴽ ⴰⵜⵙⵀⵓⵜⵛⵜ ⴰⵍⵖⵎ, ⵢⵉⵅⵙ ⴰⴷ ⵉⵜⵡⵜⵜ ⵖⵔ ⵉⴼⴰⴷⴷⵏⵙ. ⴳ ⵡⴰⵏⵙⴰⵢⵓ ⵉⴼⴰⴷⴷⵏ ⵜⵎⵓⵔⵜ ⵉⴳⵉⵀⵏ ⵉⵍⵙ ⴰⵎⴰⵣⵉⵖ. ⵜⴰⵎⵟⵓⵟ ⵓⵔ ⵜⴳⵉ ⵜⴰⵎⵖⵕⵓⵚⵜ, ⵉⵙⴷ ⴰⵙ ⵉⵍⵍⴰ ⴰⵡⴷ ⵏⵜⴰⵜ ⵡⴰⵡⴰⵍ ⵜⵜⵉⵏⵉ, ⵙⵎⵉ ⵜⴳⴳ ⴰⴳ ⵏⵜⴰⵜ ⵜⴰⵏⴱⴰⵟ. ⵅⴰⵙ ⵜⵓⵙⵙⵏⴰ ⵜⵉⵏⵉ, ⵜⵃⴰⵢⵍ, ⵢⵉⵅⵙ ⴰⴷ ⵉⵡⵡⵜ ⴷⴳⵙ ⵡⴰⵟⵓ, ⴰⴽ ⵓⵔ ⵜⵖⵉⵎⴰ ⵜⵔⵚⵟ ⵜⵏ ⵉⵜⵓⵣⵎⵎⵏ ⵏ ⴰⵢⵜ ⵓⵅⴰⵎ, ⵎⵇⵇⴰⵔ ⵜⴳⵓ ⴰⵏⵇⵇⵣ ⵉⵎⵖⵕⵏ, ⵜⴷⵊⵓ ⵜⴰⵎⵟⵓⵟ ⵍⴰ ⵜⵇⵇⵏ ⴳ ⵓⵛⵡⵡⴰⵍ ⵓⵔⴳⴰⵣ. ⴷⴰ ⵜⵇⵇⵉⵎ ⴰⵍⵍⵓ ⵜⵎⵣⴰⴳⴰⵍ ⴷ ⵜⵉⵍⴻⵍⵍⵉ, ⴷ ⵓⵕⵥⵥⵓⵎ. ⵜⴰⵎⵟⵓⵟ ⴽⵎ ⵜⵅⵙⵜ ⴰⴷ ⵜⵄⴱⵔⵜ, ⵎⵛⵃⴰⵍ ⴰⵢ ⵜⴳⵓ ⵉⵅⴼ ⵏⵏⵙ, ⵙⵇⵙⴰⵜ ⵎⴰⴳⴳⵉⵏ ⴰⵔⴳⴰⵣ? ⵜⵙⵍⵍⵜ ⴰⵙ: ⵏⵜⴰ ⴰⴳ ⵜⵇⵍⵍⴰⴱⵏ, ⵉⵙ ⵜⴻⵜⵜⵛⵓ ⵜⵎⵟⵓⵟ ⵏⵖ ⴷ ⵜⵙⵡⵓ. ⴰⵣⵖⴰⵏ ⵏ ⵜⵏⴱⴰⵟ ⵉⵍⵍⴰ ⴱⵟⴰⵢⵟⴰⵢ ⴰⵍⵍⵉⴳ ⵢⵉⵡⵟ ⵖⵔ ⵉⵜⵜⵓⵙⵜⴰⵢⵏ, ⵉ ⵟⵟⵔⵔⴰⴱⵏ, ⴰⵙⴽⴽⴰ ⵎⵉ ⵟⵟⴼⵏ ⵜⵉⵙⵓⵔⴰ ⵉⵡ ⵙⵏⵢⵓⴷⴷⵓ ⵏ ⵜⵎⵓⵔⵜ. ⵛⵛⴼⴰⵢⵜ ⵅ ⴰⴷ ⵜⵏⵖⴰⵍ ⴰⴷⴷⴰ ⵢⴰⴽⵎⵏ, ⴰⴷ ⵙⵃⵓⵣⵣⵔⵏ ⵉⵡⴷⴰⵏ ⴰⴷ ⴱⴱⵉⵏ ⵅⴼⵙⵏ ⴰⵙⵙ ⵓⵕⵥⵥⵓⵎ ⵏ ⵜⵉⵕⴱⵉⵄⵉⵏ ⵓⵙⵜⵜⴰⵢ. ⴷⴰⵢ ⵜⴰⴼⵜ ⵉⴷⵊ ⵢⵉⵡⵉⴷ ⵉⴼⵛⴽ ⵏ ⵓⵙⴼⴰⵟ, ⵉⴷⵊ ⵍⴼⵜⵜⴰⵛⴰ ⵓⵙⵉⴷ, ⴷⴰⵢ ⵜⴷⴷⵓⵜ; ⵓⵔ ⵉⵍⵍⵉ ⵡⵏ ⵉⵜⵉⵜⵉⵏⵉⵏ ⵜⵥⵉⵍ, ⴽⵓ ⵉⴷⵊ ⵉⵜⵛⴰⵜ ⵅ ⵓⵄⴰⵕⵓⵎ ⵏⵏⵙ. ⴷ ⵉⴱⵔⴷⴰⵏ ⴳ ⴰⵢⵏ ⵉⵍⵍⴰⵏ ⴷ ⵜⴰⵍⵍⵙⵜ, ⵓⵔ ⴷⴳⵙⵏ ⴰⵙⵉⴷ, ⵉⵙⵔⴰⵎⵏ ⵍⴰ ⴳⵊⴳⵏ ⵅⴼⵙⵏ ⵉⵣⴰⵏ, ⵡⵏ ⵉⵏⵏⴰⵏ ⴰⴷ ⵢⴰⴼ ⵜⴰⵡⵓⵔⵉ ⵉ ⵡⵉⵏ ⵇⵇⵉⵎⵏⵉⵏ, ⵍⴰ ⵙⵓⵍⵏ ⵜⵛⵢⵢⴰⵛⵏ ⵉⵣⴰⵏ. ⵓⵙⵙⴰⵏ ⵏ ⵜⴰⵟⵟⵚⴰ ⵣⵔⵉⵏⵜ, ⴰⴽ ⴰⴷ ⵟⵟⵉⵇⵚⵏ ⴷ ⵉⵊⴷⵊⵉⴳⵏ ⵢⵉⵡⵟ ⵓⵎⵣⴳⵓⵏ ⴰⵙⵙⵓ ⴰⴷ ⵉⴳ ⵜⴰⵡⵓⵔⵉ ⵢⵓ. |