Datasets:

Tamazight-NLP
/

IRCAM-CORPUS

ⵜ ⴰ ⵀ ⵔ ⵓ ⵢ ⵜ ⵉ ⵔ ⴰ ⵏ ⴰ ⴷ ⵜ ⴳ ⵓ ⵚ ⴽ ⴰ ⵢ ⵢⴰⵏ ⵡⴰⵙⵙ ⵏ ⵓⵏⴱⴷⵓ, ⵜⵏⴽⵔ ⵜⵀⵔⵓⵢⵜ, ⵜⵍⵙ ⴰⴱⵟⵟⴰⵏ ⵏ ⵡⵓⵚⴽⴰⵢ; ⵜⴷⴷⵓ ⵙ ⵄⴰⵔⵉ ⴰⴷ ⵜⵏⴰⴷⴰ ⵓⵛⵛⵏ. ⵜⵏⵏⴰ ⴳ ⵉⵅⴼ ⵏⵏⵙ: " ⵓⵍⵍⴰⵀ ⵜⵜⴹⵚⵚⴰⵖ ⵉⵎⵉⵃ ⵅⴼ ⵡⵓⵛⵛⵏ! " ⴳ ⵄⴰⵔⵉ, ⵜⴼⴼⵔ ⴷⴷⴰⵡ ⵏ ⵢⵉⵡⵜ ⵜⵙⴽⵍⵓⵜ, ⵜⴰⵎⴰ ⵏ ⵓⵖⴱⴰⵍⵓ ⴳ ⴷⴰ ⵉⵙⵙⴰ ⵡⵓⵛⵛⵏ, ⴰⵔ ⵜ ⵜⵀⵓⴳⴳⵓⵎ ... ⵅⵙ ⵜⴰⵏⵏⴰⵢ ⵜⵉⵅⴼⵜ ⵏ ⵡⵓⵛⵛⵏ, ⵜⴰⵢⵍ ⴷ ⵜⵀⵔⵓⵢⵜ ⵙⴳ ⴷⴷⴰⵡ ⵏ ⵜⵙⴽⵍⵓⵜ, ⵜⴰⵖ ⵏⵏ ⴰⴼⵍⵍⴰ ⵏⵏⵙ: " ⵀⵀⴰⵡ! ⵀⴰⵡ! ⵀⴰⵡ! ⵀⴰⵡ! ... ". ⵉⵙⵎⵓⵏ ⵜⵏⵜ ⵡⵓⵛⵛⵏ, ⵉⵏⵅⵕⵟ; ⴰⵔ ⵉⵔⴳⴳⵯⵍ, ⴰⵔ ⵉⵔⴳⴳⵯⵍ, ⴰⵔ ⵜⵔⴳⴳⵯⵍ ⴹⴰⵕ ⴰⵙ, ⴰⵔ ⵜⵙⵀⵓⴱⴱⵓ, ⴰⵔ ⵜⵙⵀⵓⴱⴱⵓ ... ⴷ ⵡⵓⵛⵛⵏ ⵏⵜⵜⴰ ⵅⵙ ⴰⵔ ⵉⵔⴳⴳⵯⵍ, ⴰⵔ ⵉⵔⴳⴳⵯⵍ ... ⴰⵍⵍⵉⴳ ⵜⵏⴳⵉ ⵜⴷⵉⵙⵜ ⵏⵏⵙ, ⵢⴰⵍⵉⵜ ⵉⴷ ⵓⵙⵔⴰⵎ: ⴷⵔⵓⵖ ⴰⵢⴷ ⴰⵙ ⴷ ⴼⴼⵖⵏⵜ ⵜⵓⵔⵉⵏ. ⵎⴰⴽⴰ ⵜⴰⵀⵔⵓⵢⵜ ⵜⴰⵎⵅⵉⴱⵜ ⵜⵣⵔⵉ ⵜⴰⵎⴰ ⵏ ⵢⴰⵏ ⵓⵣⴳⴳⵯⴰⵔ ⴰⵙ ⵢⵓⵎⵥⵏ ⵜⴰⴱⵟⵟⴰⵏⵜ ⵏ ⵡⵓⵚⴽⴰⵢ, ⵉⴼⵍⵉⵜ ⴰⵙ ⵜⵜ ⴰⵀⴰ ⵉⴼⴼⵖ ⴰⵙ ⴷ ⵉⵅⴼ ⵏⵏⵙ, ⵜⴱⴷⴷ. ⵢⴰⴽⵉ ⴷⵉⴷⵙ ⵡⵓⵛⵛⵏ ... ⵉⴱⵕⵕⵎ ⴷ ⵄⵎⵎⵉ ⵄⵍⵉ ⵓⵛⵛⵏ, ⵢⵉⵥⵉⵕ ⵎⴰⵢⴷ ⵉⵍⵍⴰⵏ ⴷ ⵎⴰⵢⴷ ⵉⵊⵕⴰⵏ. ⴼⵉⵙⴰⵄ, ⵢⴰⵖⵓⵍ ⴷ ⵥⴰⵔⵙ, ⵉⵏⵏⴰ ⴰⵙ: " ⵀⴰⴰⴰ! ⴽⵎⵎ ⴰⵢⴰ ⴰⵎ ⵉⵍⴷⴷⴰⵢ!!!? " ⵜⵏⵏⴰ ⴰⵙ ⵙ ⵜⴰⵡⴷⴰ: " ⵓ ..., ⵓⵀⵓ ⴰ ... ⵄ ... ⵄⵎⵎⵉ ⵓⵛⵛ ... ⵢⵓⵛⵛ ... ⵏ, ⵅⵙ ⵙ ... ⵅⵙ ⵔ ... ⵔⵉⵖ ⴰⴷ ⵉⴷⴽ ⵓⵔⴰⵔⵖ ⵉⵎⵉ ... ⵉⵎⵉⵃ. " ⵉⵙⵙⴽⵏ ⴰⵙ ⵡⵓⵛⵛⵏ ⴰⵢⵏⵏⴰ ⵎⵉ ⵉⵕⵥⵎ, ⵉⵏⵏⴰ ⴰⵙ: " ⵎⴰⵖ ⴰⵢⴰ ⴷⵉⴳⵙ ⵓⵔⴰⵔ? ⴰⵏⵛⵜⴰ ⴰⴽⴽⵯ ⴷ ⴰⵙⵔⴰⵎ ⴷ ⵉⵙⴰⵏⴽⴰⵜⵏ ⴷⵉⴳⵙⵏ ⵓⵔⴰⵔ? " ⵉⵟⵟⴼ ⵜⵜ ⴷ ⵡⵓⵛⵛⵏ ⴳ ⵉⵎⵊⵊⴰⵏ, ⵢⴰⵖ ⵏⵏ ⴰⴼⵍⵍⴰ ⵏⵏⵙ, ⵉⵙⴼⵍⵉⵍⵍⵉ ⵜⴰⴷⴰⵡⵜ ⵏⵏⵙ. ( ⵜⵙⵎⴰⵔ ⵍⵇⵇⵉⵙⵜ, ⵓⵔ ⵙⵎⴰⵔⵏⵜ ⵜⵀⵔⴰⵢ ⵡⴰⵍⴰ ⵓⵛⵛⴰⵏ; ⵓⵎⴰ ⵉⵙⵏⵏⴰⵏⵏ, ⵓⵔ ⵉⵍⵍⵉ ⵅⵙ ⵏⵉⵜⵏⵉ, ⴰ ⵜⵉⵀⵔⴰⵢ! ).