Datasets:
File size: 17,061 Bytes
7b03a83 |
1 |
ⴰⵕⵕⵓⴹ ⴰⵎⴰⵢⵏⵓ ⵏ ⵓⴳⵍⵍⵉⴷ ⵛⵃⴰⵍ ⵣⴳ ⵡⴰⵎⵉ, ⵉⵔⴰ ⵉⵍⵍⴰ ⵢⵉⵊⵊ ⵏ ⵓⴳⵍⵍⵉⴷ ⵉⵙⵙⵓⵙⵎ ⵜ ⵡⴰⵕⵕⵓⴹ ⴰⵟⵟⴰⵚ. ⵜⵎⵏⵢⴰⵜ ⵏⵏⵙ, ⵜⵕⴰⵃⵏⵜ ⵖⵉⵔ ⴷⴰⴳⵙ. ⵓⵔ ⵜ ⵉⵜⵜⵉⵡⵉ ⴷⴳ ⵡⴰⵍⵓ ⵖⵉⵔ ⴰⴷ ⵢⵓⴳⵓⵔ ⵉⵜⵜⴼⵢⵢⴰⵛ ⵙ ⵡⴰⵕⵕⵓⴹ ⵏⵏⵙ ⴰⵎⴰⵢⵏⵓ. ⴽⵓ ⵜⴰⵙⵔⴰⴳⵜ ⴷⴳ ⵡⴰⵙⵙ ⵙ ⵡⴰⵕⵕⵓⴹ ⵏⵏⵙ. ⵎⴰⵏⴰ ⴰ, ⵓⵔ ⵉⵙⵏⴱⵀⵀⵉⴹ ⵛⴰ, ⵃⵎⴰ ⴰⴷ ⵜ ⵏⴰⴼ ⴰⴽⴷ ⵉⵎⴰⵡⵙⴰⵙⵏ ⵏⵏⵙ, ⵏⵜⵜⴰⴼ ⵉⵜ ⴷⴳ ⵓⵅⵅⴰⵎ ⵏ ⵡⴰⵕⵕⵓⴹ ⴰⴽⴷ ⵉⵎⴳⵏⵉⵡⵏ ⵏⵏⵙ. ⵉⵍⵍⴰ ⴰⵟⵟⴰⵚ ⵏ ⵓⵎⵓⵙⵙⵓ ⴷⵉ ⵜⵎⴰⵥⵓⵏⵜ ⵏ ⵜⴳⵍⴷⵉⵜ ⵏⵏⵙ; ⵎⴰⵏⵉ ⵎⵓⵏⵏ ⵔⴳⵏⵓⵙ ⵎⴰⵕⵕⴰ, ⵎⴰⵏⵉ ⵉⵜⵜⵡⴰⵙⵍⵏⵜ ⵜⵓⵜⵍⴰⵢⵉⵏ ⵎⴰⵕⵕⴰ, ⵎⴰⵏⵉ ⵉ ⵍⵍⴰⵏ ⵇⵇⴰⵄ ⵉⵙⴳⴳⵉⴷⵏ. ⴷⴳ ⵓⵎⵓⵏⵉ ⴰ ⵏ ⵜⴼⴳⴰⵏⵜ, ⵜⵓⵖⴰ ⵍⵍⴰⵏ ⵢⵉⵏⵏⵉ ⵉⵜⵜⴰⴽⴰⵔⵏ ⵙ ⵓⵃⵛⵛⵉ ⵏⵉⵖ ⵙ ⵜⵓⵣⵣⴰⵍⵜ. ⵙⵉⵏ ⵣⵣⴰⴳⵙⵏ, ⴳⴳⵉⵏ ⵢⵉⵅⴼ ⵏⵏⵙⵏ ⴷ ⵉⵎⵥⴹⴰⵡⵏ. ⵙⵙⵏⵏ ⴰⴷ ⵥⴹⵡⵏ ⵜⵛⵓⵇⵜ ⵜⴰⵚⴱⵃⴰⵏⵜ ⴷⴳ ⵓⵎⴰⴹⴰⵍ. ⵢⵓⴳⵓⵔ ⵣⴳ ⵜⵖⴰⵔⴰ ⵏⵏⵙ, ⵏⵏⴰⵏ ⵓⵔ ⵉⵣⵎⵎⵔ ⴰⴷ ⵜⵜ ⵉⵥⵕ ⵖⵉⵔ ⵡⵏⵏⵉ ⵉⵍⵍⴰⵏ ⴷ ⴰⵎⵉⵖⵉⵙ. ⵉⵏⵏⵉ ⵓⵔ ⵜⵜ ⵉⵜⵜⵡⵉⵍⵉⵏ, ⵓⵔ ⵙⵜⵉⵀⵍⵍⵏ ⴰⴷ ⵉⵍⵉⵏ ⴷⴳ ⵓⵎⴽⴰⵏ ⵏⵏⵉ, ⴰⴷ ⵖⴰⵔⵙⵏ ⵜⵉⵍⵉ ⵜⴰⵡⵓⵔⵉ ⵏⵏⵉ. ⵉⵏⵏⴰ ⵓⴳⵍⵍⵉⴷ ⴰⴽⴷ ⵢⵉⵅⴼ ⵏⵏⵙ: - ⴰⴷ ⴰⵢⵉ ⴷ ⴳⴳⵏ ⵉⵊⵊ ⵏ ⵡⴰⵕⵕⵓⴹ ⵉⵛⵏⵄ, ⵣⵣⴰⴳⵙ ⴰⴷ ⵙⵜⵉⵖ ⵉⵎⵙⵖⴰⵏⵏ ⵉⵎⵉⵖⵉⵙⵏ ⴷⵉ ⵍⵅⵣⵔⴰⵜ ⵜⴰⵎⵣⵡⴰⵔⵓⵜ. ⵢⵓⵎⵕ ⵓⴳⵍⵍⵉⴷ ⴱⴰⵛ ⴰⴷ ⴰⵙ ⴷ ⴰⵡⵉⵏ ⵙⵉⵏ ⵏ ⵉⵙⴱⴱⴰⴱⵏ ⵏ ⵜⵛⵓⵇⵜ ⵏⵏⵉ. ⴰⵍ ⵎⴰⵏⵉ ⴷ ⵉⵡⴹⵏ ⵖⵔ ⵜⴳⴰⴷⵉⵔⵜ, ⵉⵡⵛⴰ ⴰⵙⵏ ⵉⵅⵅⴰⵎⵏ ⴷ ⵉⵚⴱⵃⴰⵏⵏ ⴷ ⵜⵎⵏⵢⴰⵜ. ⵙⵔⵙⵏ ⴰⵥⵟⵟⴰ, ⴳⴳⵉⵏ ⵢⵉⵅⴼ ⵏⵏⵙⵏ ⴱⴷⴰⵏ ⵜⴰⵡⵓⵔⵉ. ⵙⴱⵢⵢⴰⵏⵏ ⴷ ⵉⵅⴼ ⵏⵏⵙⵏ ⵜⵜⴳⴳⵏ ⵎⴰⵕⵕⴰ ⵎⵉⵏ ⵖⴰⵔⵙⵏ ⵏ ⵜⵣⵎⵎⴰⵔ ⵃⵎⴰ ⴰⴷ ⵥⴹⵡⵏ ⵜⵛⵓⵇⵜ ⵙ ⵓⵎⵖⵢⵓⵙ. ⵎⴰⵛⴰ, ⵜⵓⵖⴰ ⵜⵏ ⵥⵟⵟⴰⵏ ⴰⵚⵎⵎⵉⴹ. ⵜⴻⵜⵜⵔⵏ ⴽⵓ ⴰⵙⵙ ⴰⵎⵟⵟⴰⵍⵙⵓ ⵏⵏⵉⴹⵏ ⴷ ⵉⴼⵉⵍⴰⵏ ⵏ ⵡⵓⵔⵖ. ⵜⵜⵅⵎⵎⴰⵔⵏ ⵜⵏ ⴷⴳ ⵓⵇⵔⴰⴱ ⵏⵏⵙⵏ ⵏ ⵓⵎⵎⵓⴷⴷⵓ. ⵜⵓⵖⴰ ⵓⵔ ⵜⵜⵎⵓⵜⵜⵓⵢⵏ ⵣⴳ ⵓⵎⴽⴰⵏ ⵏⵏⵙⵏ, ⵖⵉⵔ ⴷⵉ ⵛⴰ ⵏ ⵡⴰⴽⵓⴷ. ⵄⴷⵓⵏ ⵛⴰ ⵏ ⵡⵓⵙⵙⴰⵏ, ⵉⵏⵏⴰ ⵓⴳⵍⵍⵉⴷ ⴰⴽⴷ ⵢⵉⵅⴼ ⵏⵏⵙ: -ⵅⵙⵖ ⴰⴷ ⵥⵕⵖ ⵎⴰⵏⵉ ⵉⵡⴹⵏ ⵉⵎⵥⴹⴰⵡⵏ ⵉⵏⵓ! ⵉⵙⵡⵉⵏⴳⵎ ⴷⵉ ⵎⴰⵎⵛ ⵖⴰ ⵜⵉⵍⵉ ⵜⵛⵓⵇⵜ ⵏⵏⵉ. ⵉⵙⵙⴽ ⴰⵎⴰⵡⵙⴰⵙ ⵏⵏⵙ ⴰⵎⵣⵡⴰⵔⵓ ⵃⵎⴰ ⴰⴷ ⴰⵙ ⵉⵏⵉ ⵎⴰⵏⵉ ⵜⵉⵡⴹ ⵜⴰⵡⵓⵔⵉ ⵏⵏⵉ. ⵉⵙⵡⵉⵏⴳⵎ ⵓⴳⵍⵍⵉⴷ ⴱⵍⵍⵉ ⴰⵔⴳⴰⵣ ⴰ, ⵓⵔ ⴷ ⴰⵙ ⵉⵣⵎⵎⵔ ⵃⴷⴷ ⴷⵉ ⵜⴰⵡⵓⵔⵉ ⵏⵏⵙ, ⵏⵜⵜⴰ ⵡⵃⴷⵙ ⵉ ⵉⵙⵙⵏⵏ ⵜⴰⵖⴰⵔⴰ ⵏ ⵜⵓⵛⵓⵇⵜ. ⵢⵓⴷⴼ ⵓⵎⴰⵡⵙⴰⵙ ⴰⵎⵣⵓⵍ, ⵉⵕⴰⵃ ⴰⴷ ⵉⵥⵕ ⵙⵉⵏ ⵏ ⵉⵎⵄⵉⵡⵔⵉⴹⵏ, ⵢⵓⴼⵉ ⵜⵏ ⵣⴷⴰⵜ ⵉ ⵓⵥⵟⵟⴰ ⴰⵢⵏⵏⵉ ⵎⴰ ⵉⵡⴹⵏ. ⴰⵍ ⵎⴰⵏⵉ ⵅⴰⴼⵙⵏ ⵢⵓⴷⴼ, ⵉⵇⵇⵉⵎ ⵉⵜⵜⴱⵀⴹ. ⵉⵕⵥⵎ ⵜⵉⵟⵟⴰⵡⵉⵏ ⵏⵏⵙ ⵎⵍⵉⵃ, ⵓⵔ ⵉⵥⵕⵉ ⵡⴰⵍⵓ. ⴰⵍ ⵎⴰⵏⵉ ⵖⴰⵔⵙ ⵉⵔⵉⵎ, ⵓⵔ ⴷ ⵉⵙⴱⵢⵢⵏ ⵛⴰ ⴰⵏⴱⵀⴹ ⵏⵏⵙ. ⵙⵉⵏ ⵣⴳ ⵉⵅⵏⴷⴰⵍⵍⴰⵙⵏ ⵏⵏⵉ ⵙⵙⵇⵙⴰⵏ ⵜ ⵙ ⵢⵉⵊⵊ ⵏ ⵓⵣⵔⴰⴽ ⵏ ⵓⵖⵉⵔ, ⵅⴼ ⵓⵎⵖⵢⵓⵙ ⵏ ⵜⵛⵓⵇⵜ ⵏⵏⵉ ⴷ ⵜⴼⵔⵉⵙⵜ ⵏⵏⵙ. ⵢⴰⵔⵔ ⴷ ⵅⴰⴼⵙⵏ ⵉⵏⵏⴰ ⴰⵙⵏ ⵄⵎⵎⵔⵚ ⵓⵔ ⵉⵥⵕⵉ ⵛⴰ ⵏ ⵜⵡⵓⵔⵉ ⴰⵎ ⵜⵏⵏⵉ. ⵉⵇⵇⵉⵎ ⵉⵊⵄⴰⵕ. ⵉⵔⵣⵣⵓ ⵅⴼ ⵓⴼⵔⵓⵔⵉ ⵏ ⵜⵛⵓⵇⵜ ⵏⵏⵉ ⵉ ⵅⴼ ⵙⵙⴰⵡⴰⵍⵏ ⵉⵎⵄⵉⵡⵔⵉⴹⵏ ⵏⵏⵉ. ⵉⵏⵏⴰ ⴰⴽⴷ ⵢⵉⵅⴼ ⵏⵏⵙ: - ⴰⴷ ⴰⵙ ⵉⵏⵉⵖ ⵉ ⵓⴳⵍⵍⵉⴷ ⵎⵛⵃⴰⵍ ⵜⵖⵢⵢⵙ ⵜⵛⵓⵇⵜ ⵏⵏⵉ ⵉ ⵉⵙⵜⴰⵀⵍⵍⵏ ⴰⴷ ⵜⵉⵍⵉ ⵜⵛⵏⵄ. ⴷⴳ ⵓⴱⵔⵉⴷ ⵏ ⵓⴷⵡⴰⵍ, ⵉⵙⵡⵉⵏⴳⵎ ⵓⵎⴰⵡⵙⴰⵙ ⵉⵏⵏⴰ: - ⵏⵛⵛ, ⴷ ⴰⵖⵢⵓⵍ? ⵎⴰⵕⵕⴰ ⴰⴽⵓⴷ ⴰ ⵉ ⴷⵉ ⵍⵍⵉⵖ ⴷ ⴰⵎⴰⵡⵙⴰⵙ, ⵓⵔ ⵜ ⵜⵜⵉⵏⵉⵖ ⵉ ⵃⴷⴷ, ⵃⵎⴰ ⵓⵔ ⴷⴰⵢⵉ ⵜⵜⴽⴽⵙⵏ ⵜⴰⵡⵓⵔⵉ ⵉⵏⵓ. ⵢⴰⵔⵔ ⴷ ⵅⴼ ⵢⵉⵅⴼ ⵏⵏⵙ, ⵉⵏⵏⴰ ⵉⵣⵎⵎⵔ ⴰⴷ ⴰⵙ ⵢⵓⵍⵙ ⴰⴼⵔⵓⵔⵉ ⵉ ⵓⵔ ⴷⴰⵙ ⵉⵜⵜⵉⵏⵉ ⵓⵣⵍⵍⵉⴼ ⵏⵏⵙ ⴱⵍⴰ ⴰⴷ ⵉⵙⵙⴷⵃⴰ. ⵢⵓⵃⵃⵍ ⵓⴳⵍⵍⵉⴷ ⵙ ⵓⴼⵢⵢⵛ ⵙ ⵜⵛⵓⵇⵜ ⴰ ⵉ ⵉⵙⵙⴱⵀⴰⴹⵏ ⵉ ⴷⴰⵙ ⵉⵙⵡⴰⵏ ⴰⴳⵔⴰ ⵏ ⵉⴼⵉⵍⴰⵏ ⵏ ⵡⵓⵔⵖ ⴷ ⵓⵎⵟⵟⴰⵍⵙⵓ. ⵉⵙⵙⴽ ⴰⵎⴰⵡⴰⵖ ⵃⵎⴰ ⴰⴷ ⵉⵥⵕ ⵎⴰ ⵜⴰⵡⵓⵔⵉ ⵏⵏⵉ ⵜⴻⵜⵜⵡⴰⵙⴰⵍⴰ ⵏⵉⵖ ⵓⵀⵓ. ⵡⴰⵏⵉⵜⴰ ⵏⵏⵉⵜ, ⵢⵓⴼⴰ ⵢⵉⵅⴼ ⵏⵏⵙ ⴷⴳ ⵓⵙⵔⵙ ⵏⵏⵉ ⵉ ⴷⵉ ⵜⵓⵖⴰ ⵉⵍⵍⴰ ⵓⵎⴰⵡⵙⴰⵙ ⴰⵎⵣⵡⴰⵔⵓ. ⵉⴳⴳⴰ ⵎⴰⵕⵕⴰ ⵜⵉⵣⵎⵎⴰⵔ ⵏⵏⵙ ⵃⵎⴰ ⴰⴷ ⵉⵥⵕ ⵛⴰ, ⵉⵃⵓⴽ ⵜⵉⵟⵟⴰⵡⵉⵏ ⵏⵏⵙ, ⵉⵥⵕⴰ ⵖⵉⵔ ⵉⴼⴰⵙⵙⵏ ⵅⵡⴰⵏ ⵏ ⵓⵥⵟⵟⴰ. ⵙⵙⵏⵜⴰⵏ ⵉⵎⴳⵏⵉⵡⵏ ⵉⵎⵔⵊⴰⵏⵏ ⵜⴰⴽⵓⵎⵉⴷⵉⵜ ⵏⵏⵙⵏ. - ⵓⵔ ⵍⵍⵉⵖ ⵛⴰ ⴷ ⴰⵎⵖⵏⴷⴼ! ⵉⵏⵏⴰ ⵓⵎⴰⵡⴰⵖ. ⵓⵔ ⵣⵎⵎⵔⵖ ⴰⴷ ⴳⴳⵖ ⵜⴰⵡⵓⵔⵉ ⵉⵏⵓ? ⵓⵔ ⵜⴻⵜⵜⵉⵎⵏⵖ! ⴰⴷ ⴰⵙ ⵉⵏⵉⵖ ⵥⵕⵉⵖ ⵃⵎⴰ ⵓⵔ ⵜⵜⵉⴼⵖ ⵢⵉⵅⴼ ⵉⵏⵓ ⴷⴳ ⵓⴱⵔⵉⴷ. ⵉⵙⵙⵏⵜⴰ ⵉⵔⵏⵏⵉ ⵅⴼ ⵡⴰⵡⴰⵍ ⵏⵏⵉ ⵉ ⵏⵏⴰⵏ ⵉⵎⵔⵊⴰⵏⵏ, ⵉⴳⴳⴰ ⵢⵉⵅⴼ ⵏⵏⵙ ⵉⵎⵎⵔⵏ ⴰⵍ ⵎⴰⵏⵉ ⵉⵥⵕⴰ ⴰⵥⵟⵟⴰ ⵏⵏⵉ ⵉ ⴷⵉ ⵓⵔ ⵉⵍⵍⵉ ⵇⵇⴰⵄ ⵓⴼⵉⵍⵓ. ⴰⵍ ⴰⵎⵉ ⵉ ⴷ ⵉⴷⵡⵍ, ⵉⵏⵏⴰ ⴰⵙ ⵉ ⵓⴳⵍⵍⵉⴷ: - ⵎⴰⵏⴰ ⵉⵏⵏⵉ, ⵉⵛⵏⴰ ⴰⵟⵟⴰⵚ! ⵜⴰⵎⴷⵉⵏⵜ ⵏⵏⵉ, ⵎⴰⵕⵕⴰ ⵜⵓⵖⴰ ⵜⵙⵙⴰⵡⴰⵍ ⵖⵉⵔ ⵅⴼ ⵜⵛⵓⵇⵜ ⵏⵏⵉ. ⵉⴷⵃⴰ ⵓⴳⵍⵍⵉⴷ ⵓⵔ ⵉⵣⵎⵎⵔ ⴰⴷ ⵉⵥⵥⵉⴹⵕ, ⵉⵙⵙⴽ ⵖⵔ ⵉⵎⴰⵡⵙⴰⵙⵏ, ⴷ ⵉⵎⵙⵖⴰⵏⵏ ⴷ ⵉⵅⴷⴷⴰⵎⵏ ⴰⴷ ⵕⴰⵃⵏ ⴰⴷ ⵥⵕⵏ ⵉⵎⵄⵉⵡⵔⵉⴹⵏ ⵏⵏⵉ. ⴰⵍ ⴰⵎⵉ ⵓⴷⴼⵏ, ⴳⴳⵉⵏ ⵢⵉⵅⴼ ⵏⵏⵙⵏ ⵍⵀⴰⵏ ⴷⴳ ⵜⴰⵡⵓⵔⵉ ⵏⵏⵙⵏ. - ⵎⴰⵏⴰ ⴰ ⵎⴰⵛⵉ ⵉⵙⵙⴱⵀⴰⴹ? ⵉⵏⵏⴰ ⴷⵖⵢⴰ ⵓⵎⴰⵡⵙⴰⵙ ⴰⵎⵣⵡⴰⵔⵓ. - ⵅⵣⵔⵜ ⴷⴳ ⵉⴽⵍⵓⵜⵏ ⵎⴰⵎⵛ ⵛⵏⴰⵏ! ", ⵉⵏⵏⴰ ⵄⴰⵡⴷ ⵓⵎⴰⵡⴰⵖ. ⵙⵅⴰⵔⵔⵇⵏ ⵙ ⵙⵏⴰⵜ ⵉⴷⵙⵏ, ⵓⵔ ⵏⵏⵉⵏ ⵛⴰ ⴰⴼⵔⵓⵔⵉ, ⴳⴳⵯⴷⵏ ⴰⴷ ⵜⵏ ⴼⴹⵃⵏ ⵉⵏⵏⵉ ⵉⵜⵜⵡⴰⵍⴰⵏ ⵜⴰⵡⵓⵔⵉ ⵏⵏⵉ. ⵅⵣⵔⵏ ⴷⴳ ⵓⴳⵍⵍⵉⴷ, ⵙⵡⵉⵏⴳⵎⵏ ⵎⴰⵎⵛ ⵖⴰ ⵉⵍⵉ. ⵉⵙⵡⵉⵏⴳⵎ ⵓⴳⵍⵍⵉⴷ ⵓⵛⴰ ⵉⵏⵏⴰ: " ⵎⴰⵎⵛ! ⵎⴰⵏⴰ ⴰ ⵙ ⵜⵉⴷⴷⵜ? ⵓⵔ ⵜⵡⵉⵍⵉⵖ ⵡⴰⵍⵓ. ⵜⴰⵏⵉⵜⴰ ⴷ ⵜⴰⵡⴰⵖⵉⵜ! ⵎⴰⵏⴰ ⴰ, ⵉⵅⵙ ⴰⴷ ⵉⵏⵉ ⵏⵛⵛ ⴷ ⴰⵎⵖⵏⴷⴼ? ⵓⵀⵓ! ⵎⴰⵏⴰ ⴰ ⵉⵅⵙ ⴰⴷ ⵉⵏⵉ ⵓⵔ ⵙⵜⵉⵀⵍⵍⵖ ⴰⴷ ⵉⵍⵉⵖ ⴷ ⴰⴳⵍⵍⵉⴷ! ⵎⴰⵏⴰ ⴰ ⵉⵙⵙⴰⴳⴳⵯⴰⴷ! ⵉⵅⵚⵚ ⴰⵢⵉ ⴰⴷ ⵙⴱⵢⵢⵏⵖ ⴱⵍⵍⵉ ⵏⵛⵛ ⵙⵜⴰⵀⵍⵍⵖ ⴰⴷ ⵉⵍⵉⵖ ⴷ ⴰⴳⵍⵍⵉⴷ, ⵙ ⵉⴷⴰⵎⵎⵏ ⴷ ⵉⵚⵎⵎⴰⴹⵏ ". -ⵜⵛⵓⵇⵜ ⴰ ⵉ ⵜⴳⴳⵉⵎ, ⵜⵛⵏⴰ, ⵜⵇⴰⴷⵉⵖ ⴽⵏⵏⵉⵡ ⵅⴼ ⵜⵡⵓⵔⵉ ⵏⴽⵓⵎ. ⵢⵓⴷⵙ ⵖⵔ ⵓⵥⵟⵟⴰ, ⵉⵅⵣⵔ ⴷⴳ ⵓⴼⵔⵓⵔⵉ ⴰⵎⵥⵢⴰⵏ. ⵏⵏⴹⵏ ⴰⵙ ⴷ ⵉⵎⵙⵖⴰⵏⵏ ⵏ ⵜⴳⴰⴷⵉⵔⵜ ⵉ ⵓⵔ ⵉⵜⵜⵡⵉⵍⵉⵏ ⵡⴰⵍⵓ, ⵜⵜⵄⴰⵡⴰⴷⵏ ⵉ ⵡⴰⵡⴰⵍ ⵏ ⵓⴳⵍⵍⵉⴷ. ⵜⵜⵙⵍⴰⵏ ⵖⵉⵔ ⵉ ⵡⴰⵡⴰⵍ ⴰⵚⴱⵃⴰⵏ ⴷ ⵓⵙⵎⵓⵢⵎⵏ ⴷ ⵓⵅⴼⴰⵡⴰⵍ ⵉⵛⵏⴰⵏ. ⵉⵏⵏⴰ ⵢⵉⵊⵊ ⵏ ⵓⵎⴰⵡⵙⴰⵙ ⴷ ⴰⵔⴳⴰⵣ ⵉ ⵓⴳⵍⵍⵉⴷ ⴰⴷ ⵉⵕⴹ ⴰⵕⵕⵓⴹ ⵏⵏⵉ ⴰⵙⵙ ⵏ ⵓⴽⴰⴱⴰⵕ ⵉ ⵖⴰ ⵉⵍⵉⵏ ⴷⴳ ⵓⵎⴳⴳⴰⵔⵓ ⵏ ⵓⵢⵢⵓⵔ. ⵜⵓⵖⴰ ⵖⴰⵔⵙⵏ ⵖⵔ ⵉⵎⴳⵏⵉⵡⵏ ⵏ ⵜⴳⴰⴷⵉⵔⵜ ⴰⴽⵓⴷ ⵃⵎⴰ ⴰⴷ ⵙⵏⴼⵍⵓⵍⵏ ⵉⵊⵊ ⵏ ⵡⴰⵕⵕⵓⴹ ⵉⵛⵏⴰ ⵙ ⵜⵛⵓⵇⵜ ⴰ. ⵉⵙⵙⵓⵙⵎ ⵜ ⵉ ⵓⴳⵍⵍⵉⴷ ⴰⵙⵡⵉⵏⴳⵎ ⵏⵏⵉ, ⵓⵔ ⵉⴼⴼⵉⵖ ⴰⵍ ⵎⴰⵏⵉ ⵉ ⵉⵡⵛⴰ ⵉ ⵉⵃⵛⵛⴰⵢⵏ ⵉⵙⵎ ⵏ " ⵉⵎⵥⴹⴰⵡⵏ ⵉⵎⵇⵇⵔⴰⵏⵏ ⵏ ⵜⴳⴰⴷⵉⵔⵜ! ". ⵉⵊⵊⵉ ⵜⵏ ⴰⴷ ⴳⵏⵏⵓⵏ ⵙⵉⵎⴰⵏⵜ ⵏⵏⵙⵏ ⵜⵛⵓⵇⵜ ⵏⵏⵉ ⵙ ⵓⵎⵖⵢⵓⵙ. ⵉⵎⵎⴰⵔⵏⵉ ⵓⵎⵓⵙⵙⵓ ⴷⴰⵜ ⵉ ⵡⵓⵙⵙⴰⵏ ⵏ ⵓⵣⵎⵣⵣⵓ. ⵉⴹ ⵏⵏⴰⵟ ⵏⵏⵙ, ⴷⴰⵜ ⵉ ⵓⴽⴰⴱⴰⵕ, ⵉⵡⵉⵏ ⴷ ⵚⴹⵉⵚ ⴷ ⵎⵔⴰⵡ ⵏ ⵍⵃⵙⴰⴽⵉ, ⵙⵔⵙⵏ ⵜⵏⵜ ⵅⴼ ⵜⴷⴰⴱⵓⵜ, ⵣⵄⵎⴰ ⵏ ⵜⵡⵓⵔⵉ. ⵜⵓⵖⴰ ⴷⵉⵏⵏⵉ ⵎⴰⵕⵕⴰ ⵎⵉⵏ ⵉⵜⵜⵕⴰⵃⵏ ⴰⴽⴷ ⵜⴽⵓⵎⵉⴷⵉⵜ ⵏⵏⵉ. ⵜⵜⴱⴱⵉⵏ ⵙ ⴱⵓ ⵉⵎⵛⵕⴰⴹ ⵙ ⵜⴷⵓⵙⵉ ⴷⴳ ⵡⴰⴹⵓ. ⵙⵙⴰⴷⴰⴼⵏ ⴰⴼⵉⵍⵓ ⴷⵉ ⵜⵙⵉⵏⴰⴼ ⵏ ⵏⵏⵓⵇⵔⵜ, ⴳⵏⵏⵓⵏ ⵙ ⵓⵙⵢⵢⵙ. ⵖⵔ ⵓⵎⴳⴳⴰⵔⵓ, ⵙ ⵜⴼⴰⵡⵜ, ⵏⵏⴰⵏ ⴰⵙ ⵉ ⵓⴳⵍⵍⵉⴷ ⴰⵇⵇⴰ ⵙⴰⵍⴰⵏ, ⴰⵕⵕⵓⴹ ⵏⵏⵙ ⵉⵡⵊⴷ. ⵢⵓⵙ ⴷ ⵓⴳⵍⵍⵉⴷ ⵙ ⵜⵔⴰⴱⴱⵓⵜ ⵏⵏⵙ ⵖⵔ ⵓⵅⵅⴰⵎ ⵎⴰⵏⵉ ⵍⵍⴰⵏ, ⴰⴽⵉⴷⵙ ⵉⵃⵏⵊⵉⵔⵏ, ⵉⵎⵏⴰⵢⵏ, ⵜⵉⵅⴷⴷⴰⵎⵉⵏ, ⵉⵅⴷⴷⴰⵎⵏ, ⴰⵎⴰⵡⴰⵖ, ⵉⵊⵉⵏⵉⵕⴰⵍⵏ, ⵉⵎⴰⵡⵙⴰⵙⵏ ⴷ ⵜⵎⴰⵙⵙⴰⵜⵉⵏ. ⴳⴳⵓⵔⵏ ⵉⵛⴼⴼⴰⵕⵏ ⵏⵏⵉ, ⴳⴳⵉⵏ ⵢⵉⵅⴼ ⵏⵏⵙⵏ ⴽⵙⵉⵏ ⵉⵛⵜ ⵏ ⵜⵛⵓⵇⵜ ⴷⴳ ⵉⴼⴰⵙⵙⵏ ⵏⵏⵙⵏ. - ⴰⵇⵇⴰ ⵜⴰⴷⴳⴰⴳⵜ ⵏ ⴱⴰⴱ ⵏ ⵡⴰⴷⴷⵓⵔ, ⵉⴽⵙⵉ ⵓⵎⴷⴷⵓⴽⵍ ⵉⵏⵓ ⴰⵕⵕⵓⴹ ⵏⴽⵓⵎ ⵉⵏⵏⴹ ⵙⴰⴷⵓ ⵏ ⵜⵖⵔⵓⴹⵜ ⵏⵏⵙ. ⵉⴼⵙⵓⵙ ⴰⵎⴰⵛⵏⴰⵡ ⵉⵅⵎⵕⴰⵡⵏ ⵏ ⵇⵓⵏⴷⵄⴰ, ⵅⵎⵉⵏⵏⵉ ⵉⵜ ⵖⴰ ⵜⵉⵕⴹⴷ, ⵓⵔ ⵜⵜⵉⴽⵉⴷ ⵜⵉⵕⴹⴷ ⵜ. ⵎⴰⵏⴰ ⴰ ⴷ ⵉⵊⵊ ⵏ ⵜⴱⴰⵖⵓⵔⵜ ⵏⵏⵉⴹⵏ, ⵡⴰⵅⵅⴰ ⵉⵜⵜⵡⴰⴳⵏⵏⵓ ⵙ ⵉⴼⵉⵍⴰⵏ ⵏ ⵡⵓⵔⵖ, ⵉⴼⵙⵓⵙ ⴰⵎ ⵡⴰⴹⵓ, ⵉⵏⵏⴰ ⵡⵏⵏⵉ ⵉⵇⵊⴰⵔⵏ ⵣⵣⴰⴳⵙⵏ. ⵜⴱⴷⴰ ⵜⵔⴰⴱⴱⵓⵜ ⵜⵙⵙⴰⵡⴰⵍ, ⵜⵏⵏⴰ ⴰⵎ ⵍⴱⴷⴷⴰ: - ⵎⵛⵃⴰⵍ ⵉⵛⵏⴰ ⵡⴰⵕⵕⵓⴹ ⴰ! ⴽⵓ ⵉⵊⵊ ⵉⵏⵏⴰ ⴰⵡⴰⵍ ⴰⵚⴱⵃⴰⵏ, ⵓⵍⴰ ⴷ ⵉⵊⵊ ⵓⵔ ⵉⵣⵄⵉⵎ ⴰⴷ ⵉⵏⵉ ⵓⵔ ⵉⵜⵜⵡⴰⵍⵉ ⵡⴰⵍⵓ. ⵉⴽⴽⵙ ⵓⴳⵔⴰⵡ ⴰ ⵜⵓⵔⴷⴰ ⵉ ⵓⴳⵍⵍⵉⴷ. ⵉⵏⵏⴰ ⴰⵙⵏ ⴰⴷ ⵉⴽⴽⵙ ⴰⵕⵕⵓⴹ ⵏⵏⵙ ⵃⵎⴰ ⴰⴷ ⵉⵕⴹ ⴰⵕⵕⵓⴹ ⵏ ⵓⴽⴰⴱⴰⵕ. ⵉⵛⴼⴼⴰⵕⵏ ⵏⵏⵉ, ⴱⵍⴰ ⵎⴰ ⴰⴷ ⵟⴱⵀⴹⵏ, ⴳⴳⵉⵏ ⵢⵉⵅⴼ ⵏⵏⵙⵏ ⵜⵜⴰⵡⵙⵏ ⵜ ⴰⴷ ⵉⵕⴹ ⵜⴰⴷⴳⴰⴳⵜ ⴷ ⵡⴰⵔⵚⵎⵉⴹ ⵏ ⵛⵛⴰⵔⴽ. ⵉⵇⵇⵉⵎ ⵓⴳⵍⵍⵉⴷ ⴷ ⴰⵄⴰⵔⵢⴰⵏ ⵎⴰⵕⵕⴰ, ⵉⵏⵏⴹ ⵉⵅⵣⵣⵔ ⵢⵉⵅⴼ ⵏⵏⵙ ⵣⴷⴰⵜ ⵉ ⵜⵉⵙⵉⵜ. ⵉⵏⵏⴰ ⵣⴷⴰⵜ ⴰⵙ: " ⵛⵃⴰⵍ ⵉⵛⵏⴰ ⵡⴰⵕⵕⵓⴹ ⴰ! " - " ⴰⵕⵕⵓⴹ, ⵉⵚⴱⵃ ⴰⵟⵟⴰⵚ! " ⵉⵏⵏⴰ ⵓⵎⵇⵇⵔⴰⵏ ⵏ ⵜⵔⴰⴱⴱⵓⵜ. ⵉⵏⵏⵉ ⵉⵜⵜⴱⵀⴹⵏ, ⴳⴳⵉⵏ ⵉⴼⴰⵙⵙⵏ ⵅⴼ ⵜⵉⵟⵟⴰⵡⵉⵏ, ⵓⵔ ⵣⵎⵎⵔⵏ ⴰⴷ ⵅⵣⵔⵏ ⴷⵉ ⵟⵟⵢⴰ ⵏ ⵡⴰⵕⵕⵓⴹ ⵉⵜⵜⵛⴹⵉⴹⵉⵃⵏ. ⵉⵏⵏⴰ ⴰⵙⵏ ⵓⵎⵇⵇⵔⴰⵏ ⵏ ⵓⴽⴰⴱⴰⵕ: - ⵜⴰⵣⴰⵔⴱⵉⵜ ⵉ ⵅⴼ ⵖⴰ ⵢⵓⴳⵓⵔ ⵓⴳⵍⵍⵉⴷ ⴰⵇⵇⴰ ⵜⵜ ⵣⴷⴰⵜ ⵉ ⵜⴳⴳⵓⵔⵜ ⵏ ⵜⴳⴰⴷⵉⵔⵜ. - ⴰⵇⵇⴰ ⵢⵉ ⵡⵊⴷⵖ, ⵉⵏⵏⴰ ⵓⴳⵍⵍⵉⴷ, ⵔⵣⵣⵓⵖ ⴰⴷ ⵙⵙⴽⵏⵖ ⴷⵖⵢⴰ ⵉ ⵓⴳⴷⵓⴷ ⵉⵏⵓ ⴰⵕⵕⵓⴹ ⴰ ⴰⵎⴽⵓⵏ ⵉ ⵉⵕⴹⵖ. ⵉⴳⴳⴰ ⵢⵉⵅⴼ ⵏⵏⵙ ⵉⵅⵣⵣⵔ ⵔⵅⵣⵔⴰⵜ ⵜⴰⵎⴳⴳⴰⵔⵓⵜ ⴷⴳ ⵡⴰⵕⵕⵓⴹ ⵏⵏⵙ. ⵉⴱⴷⴰ ⵉⴳⴳⵓⵔ, ⵉⵎⴰⵡⴰⵖⵏ ⵖⵔ ⵡⴰⵔⵏⴰⵙ ⵓⴷⴰⵔⵏ ⴰⴷ ⴽⵙⵉⵏ ⴰⵏⵡⵡⴰⵕ ⵏ ⵓⵏⵣⵣⴰⵕ ⵏⵏⵙ. ⵙⵙⴰⴷⴰⵔⵏ ⵉⴼⴰⵙⵙⵏ ⵏⵏⵙⵏ ⵖⵔ ⵜⵎⵓⵔⵜ ⴰⵎ ⵅⵎⵉ ⵖⴰ ⴽⵙⵉⵏ ⵛⴰ ⵏ ⵡⴰⵕⵕⵓⴹ. ⴹⴼⴼⵕⵏ ⴰⴳⵍⵍⵉⴷ ⵙ ⵉⴼⴰⵙⵙⵏ ⵎⵎⴽⵙⵉⵏ ⵖⵔ ⵓⵊⵏⵏⴰ, ⴰⵎ ⵅⵎⵉ ⵜⵜⴰⴳⴳⵍⵏ ⵛⴰ ⵏ ⵓⵙⵇⵇⵉⵏ ⵖⵔ ⵓⵊⵏⵏⴰ. ⴰⵍ ⵓⵎⵉ ⵉⴱⴷⴰ ⵡⴰⴽⴰⴱⴰⵕ, ⵓⵔ ⵢⵓⵎⵉⵏ ⵛⴰ ⵓⴳⴷⵓⴷ ⵙ ⵎⵉⵏ ⵉⵥⵕⴰ ⵙ ⵜⵉⵟⵟⴰⵡⵉⵏ ⵏⵏⵙ. ⵎⴰⵕⵕⴰ ⵜⴰⵎⴷⵉⵏⵜ ⵖⴰⵔⵙ ⴰⵏⵖⵎⵉⵙ ⵏ ⵡⴰⵕⵕⵓⴹ ⴰⵎⴰⵢⵏⵓ ⵏ ⵓⴳⵍⵍⵉⴷ. ⴽⵓ ⵉⵊⵊ ⵉⴳⴳⴰ ⵢⵉⵅⴼ ⵏⵏⵙ ⵉⵜⵜⵡⴰⵍⴰ, ⵉⵊⵄⴰⵕ ⴷⴳ ⵡⴰⵕⵕⵓⴹ ⵏⵏⵉ ⵃⵎⴰ ⵓⵔ ⴷⴰⴳⵙⵏ ⵜⵜⴽⴽⵙⵏ ⵜⴰⵡⵓⵔⵉ ⵏⵏⵙⵏ. ⵎⴰⵎⵛ ⵜⵓⵖⴰ ⵜⵜⵉⵏⵉⵏ ⴰⵍ ⵎⴰⵏⵉ ⵜⵓⵖⴰ ⴰⴳⵍⵍⵉⴷ ⵉⵜⵜⵄⴰⵢⴰⵕ ⴰⵕⵕⵓⴹ, ⴰⵎⵏⵏⵉ ⵉⵙⵍⴰ ⴷⴳ ⵓⴱⵔⵉⴷ ⵏ ⵓⴽⴰⴱⴰⵕ. - ⴰ ⵙⵉⴷⵉ ⵕⴱⴱⵉ ⵎⴰⵏⴰ ⵡⴰⵕⵕⵓⴹ ⴰ! ⵉⵛⵏⴰ ⵎⴰⵕⵕⴰ ⵣⵉ ⵇⴰⵟⵉⴼⴰⵜ ⴷ ⵓⵎⵟⵟⴰⵍⵙⵓ! - ⵜⵛⵏⴰ ⵜⴰⵎⴰ ⵏ ⵓⵥⵏⵏⴰⵕ! ⵛⵃⴰⵍ ⵉⵚⴱⵃ ⵓⵣⵎⵣⵣⵓ ⴷⴳ ⵜⴼⵔⵉⵙⵜ ⴷ ⵓⵛⴹⵉⴹⵃ ⴷⴳ ⵓⴽⵓⵍⵓⵜⵏ! -ⵎⴰⵛⴰ, ⴰⵇⵇⴰⵜ ⴷ ⴰⵄⴰⵔⵢⴰⵏ! ⵉⵏⵏⴰ ⵢⵉⵊⵊ ⵏ ⵓⴼⵔⵓⵅ ⵉ ⵉⵍⵍⴰⵏ ⵅⴼ ⵉⵊⵉⵎⴰⵏ ⵏ ⴱⴰⴱⴰⵙ. - ⵉⵙⵙⵉⵡⵍ ⵙⵉⴷⵉ ⵕⴱⴱⵉ ⵙ ⵢⵉⵎⵉ ⵏ ⵎⴻⵎⵎⵉⴽ ⴷⴳ ⵓⵎⴽⴰⵏ, ⵉⵏⵏⴰ ⵓⵊⵊⴰⵕ ⵏⵏⵙ ⵊⴰⵔ ⵜⵖⵎⴰⵙ. ⴷⵖⵢⴰ ⴱⴷⴰⵏ ⵉⵡⴷⴰⵏ ⵙⵙⴰⵡⴰⵍⵏ ⵅⴼ ⵓⴳⵍⵍⵉⴷ, ⵣⴳ ⵢⵉⵎⵉ ⵖⵔ ⵢⵉⵎⵉ. ⵓⵔ ⴷⴰⵙⵏ ⵉⵙⵙⵓⵙⵎ ⵜ ⵍⵃⴰⵍ ⵉ ⵉⵡⴷⴰⵏ ⴰⴷ ⵥⵕⵏ ⴰⴳⵍⵍⵉⴷ ⵏⵏⵙⵏ ⴰⵎⵏⵏⵉ, ⴱⴷⴰⵏ ⵙⵖⵓⵢⵢⵓⵏ: " ⴰⴳⵍⵍⵉⴷ ⴷ ⴰⵄⴰⵔⵢⴰⵏ! " ⵉⵙⵍⴰ ⵓⴳⵍⵍⵉⴷ ⵉ ⵎⴰⵏⴰ ⵉⵏⵏⵉ, ⵉⴱⴰⵏ ⴰⵙ ⴷ ⵙ ⵜⵉⴷⴷⵜ ⵎⵉⵏ ⵏⵏⴰⵏ. ⵎⴰⵛⴰ ⴰⵏⴱⴰⴹ ⵏ ⵜⴳⵍⴷⵉⵜ ⵉⵙⵙⵍⵎⴷ ⴰⵙ ⵉⵅⵚⵚⴰ ⵓⵔ ⴷ ⵉⵙⴱⵢⵢⵉⵏ ⴰⵇⵇⴰⵜ ⴷ ⴰⵄⴰⵔⵢⴰⵏ. ⵉⵙⴰⵍⴰ ⴰⴱⵔⵉⴷ ⵏⵏⵙ ⴱⵍⴰ ⵎⴰ ⴰⴷ ⵉⴳⴳ ⵡⴰⵍⵓ. ⴽⵙⵉⵏ ⵉⵎⴰⵡⴰⵖⵏ ⵜⴰⵎⴰ ⵏ ⵓⵥⵏⵏⴰⵕ, ⵅⵣⵔⵏⵜ ⴷⴳ ⵓⴳⵍⵍⵉⴷ ⴰⵄⴰⵔⵢⴰⵏ. 6 |