જય સદ્‌ગુરુ સ્વામી, પ્રભુ જય અંતર્યામી
સહજાનંદ દયાળુ (2), બળવંત બહુનામી....જય
ચરણ-સરોજ તમારાં, વંદું કર જોડી... (2)
ચરણે શીશ ધર્યાથી (2), દુ:ખ નાખ્યાં તોડી....જય
નારાયણ નરભ્રાતા, દ્વિજકુળ તનુધારી (2)
પામર પતિત ઉદ્ધાર્યાં (2), અગણિત નરનારી....જય
નિત્ય નિત્ય નૌતમ લીલા, કરતા અવિનાશી (2)
અડસઠ તીરથ ચરણે (2), કોટિ ગયા કાશી....જય
પુરુષોત્તમ પ્રગટનું, જે દર્શન કરશે (2)
કાળ, કર્મથી છૂટી (2), કુટુંબ સહિત તરશે....જય
આ અવસર કરુણાનિધિ, કરુણા બહુ કીધી (2)
મુકતાનંદ કહે મુક્તિ (2), સુગમ કરી સિદ્ધિ....જય

સહજાનંદસ્વામી મહારાજની જય ...
અક્ષરપુરુષોત્તમ મહારાજની જય ...
શાસ્ત્રીજી મહારાજની જય ...
યોગીજી મહારાજની જય ...
કાકા-પપ્પા-સાહેબની જય ...
હરિપ્રસાદસ્વામી મહારાજની જય ...
અક્ષરવિહારીસ્વામી મહારાજની જય ...
આત્મીય સમાજની જય ...

કૃપા કરો મુજ ઉપરે, સુખનિધિ સહજાનંદ,
ગુણ તમારા ગાવવા બુદ્ધિ આપજો સુખકંદ. 01
અક્ષરપુરુષોત્તમ જે પૃથ્વી ઉપર પધારિયા,
અનેક જીવ ઉદ્ધારવા મનુષ્યતન ધારી રહ્યા. 02
પ્રગટ પુરુષોત્તમ જે સુખરૂપ સહજાનંદ,
મૂળ અક્ષર એ જ છે સ્વામી ગુણાતીતાનંદ. 03
એ બેઉના ગુણ ગાવવા વિચાર કરે છે મતિ,
ગતિ આપો એહવી, ફેરફાર નવ રહે રતિ. 04

(1)જનમ્યા કૈાશલ દેશ વેષ બટુકનો, લૈ તીર્થ માહીં ફર્યા,
રામાનંદ મળ્યા સ્વધર્મ ચલવ્યો, યજ્ઞાદિ મોટા કર્યા;
મોટાં ધામ રચ્યાં રહ્યા ગઢપુરે, બે દેશ ગાદી કરી,
અંતર્ધાન થયા લીલા હરિતણી, સંક્ષેપમાં ઉચ્ચરી...

(2) જે છે અક્ષરધામ દિવ્ય હરિનું, મુક્તો-હરિ જ્યાં વસે,
માયાપાર કરે અનંત જીવને, જે મોક્ષનું દ્વાર છે;
બ્રહ્માંડો અણુતુલ્ય રોમ દિસતા, સર્વે પરબ્રહ્મને,
તે મૂલાક્ષર મૂર્તિને નમું સદા, ગુણાતીતાનંદને...

(3) જેનું નામ રટ્યા થકી મલિન સંકલ્પો સમૂળા ગયા,
જેને શરણ થયા પછી ભવ તણા ફેરા વિરામી ગયા;
જેનું ગાન દશો દિશે હરિજનો ગાયે અતિ હર્ષથી,
એવા ‘યજ્ઞપુરુષદાસ’ તમને પાયે નમું પ્રીતથી...

(4) વાણી અમૃતથી ભરી મધુસમી સંજીવની લોકમાં,
દૃષ્ટિમાં ભરી દિવ્યતા નીરખતા સુદિવ્ય ભકતો બધા;
હૈયે હેત ભર્યું મીઠું જનની શું ને હાસ્ય મુખે વસ્યું,
તે ‘શ્રી જ્ઞાનજી યોગીરાજ’ ગુરુને નિત્યે નમું ભાવશું.

(5) દીક્ષા અર્પી અહો ! ગુણાતીત સમી જેને ગુરુ જોગીએ,
‘કાકા’ ને વળી આપ દિવ્ય દ્વયનું અદ્વૈત અનોખું જ છે;
ભેદે સાક્ષી અનંતના, સ્વરૂપ આ શાસ્ત્રી મહારાજનું,
એવા ‘સ્વામી હરિપ્રસાદ’ ચરણે વંદન સદા હું કરું.

(6) જેની સાધુ સુવાસ આજ જગમાં શ્રીજીસ્વરૂપે દીસે,
ધર્મ, જ્ઞાન, વિરાગ, ભક્તિ, મહિમા એકૈકથી શ્રેષ્ઠ છે;
બોલે બોલ અમોલ શબ્દ મધુરા સાક્ષાત્ સુધા તો ઝરે,
એવા ‘સ્વામી હરિપ્રસાદ’ વિભુને સ્નેહે નમી સૌ તરે.

સ્વામિનારાયણ.. સ્વામિનારાયણ.. સ્વામિનારાયણ..
સ્વામિનારાયણ.. સ્વામિનારાયણ.. સ્વામિનારાયણ..

સહજાનંદસ્વામી મહારાજની જય ...
અક્ષરપુરુષોત્તમ મહારાજની જય ...
શાસ્ત્રીજી મહારાજની જય ...
યોગીજી મહારાજની જય ...
કાકા-પપ્પા-સાહેબની જય ...
હરિપ્રસાદસ્વામી મહારાજની જય ...
અક્ષરવિહારીસ્વામી મહારાજની જય ...
આત્મીય સમાજની જય ...
દાસના દાસ થવાની જય ...