અનન્ત - કોટીન્દુ - રવિ પ્રકાશે, ધામ્ન્યક્ષરે મૂર્તિમતાક્ષરેણ ।
સાર્ધં સ્થિતં મુક્તગણાવૃતં ચ, શ્રી સ્વામિનારાયણમાનમામિ ॥1॥
બ્રહ્માદિ સંપ્રાર્થનયા પૃથિવ્યાં, જાતં સમુક્તં ચ સહાક્ષરં ચ ।
સર્વાવતારેષ્વવતારિણં ત્વાં, શ્રી સ્વામિનારાયણમાનમામિ ॥2॥
દુષ્પ્રાપ્યમન્યૈ: કઠિનૈરુપાયૈ:, સમાધિસૌખ્યં હઠયોગમુખ્યૈ : ।
નિજાશ્રિતેભ્યો દદતં દયાલું, શ્રી સ્વામિનારાયણમાનમામિ ॥3॥
લોકોત્તરૈર્ભક્તજનાશ્ર્ચરિત્રૈરાહ્લાદયન્તં ચ ભુવિ ભ્રમન્તમ્ ।
યજ્ઞાંશ્ર્ચ તન્વાનમપારસત્વં, શ્રી સ્વામિનારાયણમાનમામિ ॥4॥
એકાન્તિકં સ્થાપયિતું ધરાયાં, ધમઁ પ્રકુર્વન્તમમૂલ્યવાર્તા: ।
વચ: સુધાશ્ર્ચ પ્રકિરન્તમૂર્વ્યાં, શ્રી સ્વામિનારાયણમાનમામિ ॥5॥
વિશ્ર્વેશભક્તિં સુકરાં વિધાતું, બૃહન્તિ રમ્યાણિ મહિતલેઽસ્મિન્ ।
દેવાલયાન્યાશુ વિનિર્મિમાણં, શ્રી સ્વામિનારાયણમાનમામિ ॥6॥
વિનાશકં સંસૃતિબન્ધનાનાં, મનુષ્યકલ્યાણકરં મહિષ્ઠમ્ ।
પ્રવર્તયન્તં ભુવિ સમ્પ્રદાયં, શ્રી સ્વામિનારાયણમાનમામિ ॥7॥
સદૈવ સારંગપુરસ્ય રમ્યે, સુમન્દિરે હ્યક્ષરધામતુલ્યે ।
સહાક્ષરં મુક્તયુતં વસન્તં, શ્રી સ્વામિનારાયણમાનમામિ ॥8॥