ધર્મકુંવર હરિકૃષ્ણની રે, મૂરતિ મારે મનમાની, જીવન જોયા લાગ છે રે
તરુણ મનોહર મૂરતિ રે, રેખા ઊઠે નાની નાની, જીવન જોયા લાગ છે રે
મસ્તક મુગટ જડાવનો રે, કુંડલ મકરાકાર;
કેસર તિલક લલાટમાં રે, જોઈ જોઈ વાધે પ્યાર... જીવન જોયા...1
ઉરમાં અનોપમ ઊતરી રે, કંચન કેરી અનૂપ;
રતને જડિત બાજુ બંધિયા રે, સુર નર મુનિ ને ભૂપ... જીવન જોયા...2
વેઢ વીંટિયું કડાં સાંકળાં રે, શોભે છે કરવર માંયે;
પ્રેમાનંદ છબી ઉપરે રે, તન મન ધન બલિ જાયે... જીવન જોયા...3