gpt-MT/evaluation/testset/wmt-testset/enis/test.en-is.is

Forsætisráðherra Indlands mun mæta í skóflustungu fyrir byggingu hofs á umdeildum stað
NÝJA-DELÍ (AP) – Narendra Modi, forsætisráðherra Indlands, verður viðstaddur skóflustunguathöfn fyrir byggingu hindútrúarhofs á umdeildum stað í Norður-Indlandi, þar sem moska frá 16. öld var rifin niður af strangtrúuðum hindúum árið 1992, að sögn samtakanna sem hafa umsjón með byggingu hofsins.
Athöfnin á að fara fram 5. ágúst, en skipuleggjendur segja þá dagsetningu boða lukku fyrir hindúa samkvæmt stjörnuspeki auk þess sem þá er ár liðið frá því að indverska þingið afnam sérstaka sjálfstjórnarstöðu eina ríkisins þar sem múslimar eru í meirihluta íbúa, Jammu og Kasmír.
Symbólisminn í dagsetningarvalinu var augljós bæði stuðningsmönnum og andstæðingum hins þjóðernissinnaða hindúflokks Modi, Bharatiya Janata-flokksins, eða BJP, en flokkurinn hefur áratugum saman haft það að stefnu sinni að afnema sjálfstjórn Kasmírs og byggja hof hindúguðsins Ram þar sem moskan frá tímum Mógúlveldisins stóð eitt sinn, í Ayodhya-borg í ríkinu Uttar Pradesh sem trúarfólk telur vera fæðingarstað Ram.
Kórónuveiran er enn skæð víða í Indlandi, en þar greinist þriðji mesti fjöldi tilfella á heimsvísu, og því verður athöfnin send beint út í ríkissjónvarpinu og fjöldi þátttakenda og áhorfenda verður takmarkaður, samkvæmt Vishwa Hindu Parishadm, eða heimssamtökum hindúa, þjóðræknum hóp sem hefur tengsl við BJP.
Hofið á að verða „varanleg og ódauðleg, ljómandi miðstöð félagslegs samhljóms, þjóðareiningar og samlögunar og vakningar tilfinningarinnar um Hindutva,“ eða hindúlífernis, sagði Vinod Bansal, talsmaður samtakanna, í fréttatilkynningu á laugardaginn.
Leyst var úr aldarlöngum ágreiningi um staðsetninguna í fyrra eftir öruggan kosningasigur BJP.
Í nóvember úrskurðaði hæstiréttur samtökum hofsins í vil og sagði að múslimar fengju fimm ekrur á öðrum stað.
Strangtrúaðir hindúar hafa lengið haldið því fram að múslimskir innrásarmenn Mógúlveldisins hafi byggt mosku ofan á hof sem þar var fyrir í hinni fornu Ayodya-borg.
Óreiðir í desember 1992 í kjölfar niðurrifs moskunnar leiddu til ofbeldis í samfélaginu þar sem um 2000 létust, flestir þeirra múslimar.
Réttarhöld um niðurrifið eru enn í gangi hjá sérstökum dómstól.
Arkitekt frá Ahmedabad í Gujarat, heimaríki Modi, hefur lagt fram tillögu um 49 metra (161 fets) háa sandsteinsbyggingu með fimm hvelfingum.
Yogi Adityanath, aðalráðherra Uttar Pradesh og hindúmunkur, bað um að Ayodhya myndi halda sérstaka hreinsunarathöfn og að öll hof borgarinnar kveiktu á olíulömpum fyrir heimsókn Modi, samkvæmt fréttastofunni Press Trust of India.
Adityanath kvað þessa athöfn marka lok „500 ára átaka,“ sagði PTI.
Kanye West biður eiginkonu sína Kim Kardashian afsökunar opinberlega eftir uppljóstranir úr hjónabandinu
Kanye West hefur beðið eiginkonu sína Kim Kardashian afsökunar á því að hafa talað opinberlega um „einkamál“.
Rapparinn sagði frá því á viðburði í Suður-Karólínu að parið hefði íhugað þungunarrof áður en fyrsta barn þeirra fæddist.
Eftir að hafa sett fram röð ásakana gegn eiginkonu sinni og fjölskyldu hennar í viðburðaríkri viku hefur West nú birt afsökun á Twitter.
West ku einnig hafa leitað til sjúkrahúss nokkrum klukkustundum eftir að Justin Bieber heimsótti hann á sveitasetur hans í Wyoming.
Hann sagði: „Ég vil biðja eiginkonu mína Kim afsökunar fyrir að hafa opinberað nokkuð sem er einkamál.
Ég stóð ekki með henni eins og hún hefur staðið með mér.
„Til Kim vil ég segja að ég veit að ég særði þig. Fyrirgefðu mér. Takk fyrir að vera alltaf til staðar fyrir mig.“
Óútreiknanlegar Twitter-færslur West fólu meðal annars í sér fullyrðingar um að eiginkona hans hefði reynt að láta lækna loka hann inni, og hann setti einnig fram röð ásakana gegn tengdamóður sinni, Kris Jenner.
Hann sagði einnig að hann hefði reynt að skilja við Kardashian West, sem hann giftist árið 2014.
Í miðri umræðunni um geðheilsu West, gaf Kardashian West, móðir fjögurra barna þeirra, út langa yfirlýsingu þar sem hún sagði sig og fjölskyldu sína vera „vanmáttuga“ þegar kemur að því að grípa inn í og minnti aðdáendur á að hann væri með geðhvarfasýki.
Hún sagði: „Hann er frábær en flókin manneskja sem auk þess að vera undir því álagi að vera listamaður og svartur maður hefur upplifað sársaukafullan móðurmissi og þarf að glíma við álagið og einangrunina sem geðhvarfasýkin eykur enn frekar á.“
Hún bætti því við að hún hefði ekki rætt um sjúkdóm hans áður vegna þess að hún passar „mjög vel upp á rétt barnanna okkar og Kanye til friðhelgi einkalífsins í tengslum við heilsufar“.
„En í dag finnst mér ég þurfa að segja eitthvað um það vegna þeirrar skammar og ranghugmynda sem fólk hefur um geðheilbrigði,“ bætti hún við.
West lét ummæli sín um þungunarrof falla á viðburði 19. júlí.
Lýst yfir neyðarástandi í Norður-Kóreu eftir grun um Covid-19
Kim Jong-un, leiðtogi Norður-Kóreu, hélt neyðarfund í framkvæmdastjórn Norður-Kóreu eftir að maður sem grunur liggur á um að hafi verið smitaður af Covid-19 kom til landsins frá Suður-Kóreu er hann fór ólöglega yfir landamærin fyrr í mánuðinum, að sögn ríkisfjölmiðla á sunnudaginn.
Ef þetta fæst staðfest væri um fyrsta tilfellið sem yfirvöld í Norður-Kóreu viðurkenna, sem hafa hingað til haldið fram að ekkert staðfest kórónuveirusmit hafi fundist í landinu.
Kim lýsti yfir neyðarástandi, setti á útgöngubann í landamæraborginni Kaesong og kallaði þetta „alvarlegt ástand þar sem segja má að þessi skæða veira hafi borist inn í landið,“ samkvæmt ríkisfréttastofunni KCNA.
Samkvæmt KCNA var það einstaklingur sem hafði flúið til Suður-Kóreu fyrir þremur árum sem snéri aftur yfir víggirt landamærin sem skilja Kóreulöndin tvö að, með einkenni sem bentu til Covid-19.
„Í Kaesong-borg kom upp neyðarástand þegar flóttamaður sem fór suður fyrir þremur árum, einstaklingur sem grunað er að sé smitaður af veirunni skæðu, kom aftur til landsins 19. júlí eftir að hafa farið ólöglega yfir landamærin,“ sagði KCNA.
KCNA tók ekki fram hvort einstaklingurinn hefði verið prófaður en sagði að „óljós niðurstaða hefði fengist úr mörgum læknisskoðunum á sýni úr koki og nefholi, sem og blóðsýni,“ sem leiddi til þess að yfirvöld settu einstaklinginn í sóttkví og munu rannsaka alla sem hann hefur komist í návígi við.
Norður-Kórea hefur fengið þúsundir kórónuveiruprófunarsetta send frá Rússlandi og öðrum löndum og hefur sett strangar reglur um lokanir landamæranna.
Þúsundir manna í þessu leyndardómsfulla ríki voru settar í sóttkví en nýlega hefur verið létt á takmörkunum.
Undanfarnar vikur hefur Norður-Kórea einnig sett aukinn kraft í herferð sem gagnrýnir fólk sem flúið hefur til Suður-Kóreu og nefnt það „úrþvætti“ og kallað eftir því að Suður-Kórea taki hart á hópum sem senda áróður og mataraðstoð til norðurs.
Kim skipaði fyrir um rannsókn á herdeildum við landamærin þar sem grunur lék á um að einstaklingurinn hefði farið yfir, til að „grípa til harðrar refsingar og gera nauðsynlegar ráðstafanir“.
Fleiri en 30 starfsmenn bankaútibús í Tamil Nadu greinast með kórónuveiruna
Að minnsta kosti 38 starfsmenn aðalútibús landsbanka í Tiruchirappalli, Tamil Nadu hafa greinst með kórónuveiruna að sögn fulltrúa bankans og staðaryfirvalda.
Að sögn fulltrúanna hefur viðskiptavinum sem áttu leið í bankann einnig verið ráðlagt að gefa sig fram í skimun fyrir veirunni.
Áður hafði útibússtarfsmaður í stjórnunarstöðu, sem einnig stríddi við aðra sjúkdóma, látist af völdum COVID-19.
Smitin komu í ljós eftir að fjöldaskimun fór fram í bankanum nýlega, að sögn fulltrúa.
Stjórnendur í bankanum sögðu að sótthreinsun væri lokið og að bankinn gæti opnað á ný á morgun.
Heilbrigðisfulltrúar fyrirtækisins hafa sett sig í samband við þá viðskiptavini sem heimsóttu bankann.
Á laugardaginn höfðu alls 206.737 tilfelli greinst í Tamil Nadu, en þar hafa næstflest tilfelli greinst í landinu, á eftir Maharashtra.
Kudlow segir að frumvarp um næsta hvatapakka vegna kórónuveirunnar feli í sér fleiri ávísanir og frestun á útburði framlengd
Larry Kudlow, efnahagsráðgjafi Hvíta hússins, lofaði því á sunnudaginn að alríkisstjórnin myndi framlengja frestun á útburði og senda aftur út ávísanir sem hluti af næsta hvatapakka vegna kórónuveirunnar.
Ummæli Kudlow koma fram nú, en Hvíta húsið hafði í vikunni vonast til að þingið myndi hafna tillögum um lækkun launaskatts.
„Það er 1200 dala ávísun á leiðinni.  Það verður hluti af nýja pakkanum.  Ég hefði kosið lækkun launaskatts til viðbótar við ávísunina,“ sagði Kudlow í þættinum „State of the Union“ á CNN.
„En hvað sem því líður gengur það ekki upp pólitískt séð.“
Þrátt fyrir að ekkert samkomulag hafi verið opinberað hafa fjármálaráðherrann Steve Mnuchin og Mark Meadows, starfsmannastjóri Hvíta hússins, verið á Capitol Hill nýlega til að ræða smáatriði nýja hvatapakkans við leiðtoga þingsins.
Þegar Kudlow var inntur eftir skoðunum á því að alríkisstjórnin ætlaði að hætta 600 dala aukagreiðslum í atvinnuleysisbætur hélt hann því fram að þessir aukapeningar gerðu litlum fyrirtækjum erfitt fyrir að ráða fólk í vinnu.
„Við höfum fengið flóð fyrirspurna og símtala og kvartana um að litlar verslanir, fyrirtæki og veitingastaðir geti ekki ráðið fólk aftur í vinnu,“ sagði hann.
„Það var gengið of langt. Kannski var þetta nauðsynlegt í mars en í raun eru afleiðingarnar þær að fólk snýr ekki aftur til vinnu.“
Mnuchin var ögn berorðari fyrr um daginn í „Fox News Sunday“: „Ég held að launafólk og Bandaríkjamenn skilji að þú ættir ekki að fá meira greitt fyrir að vera heima en að vinna.“
Mnuchin sagði að nýja frumvarpið myndi fela í sér auknar atvinnuleysisbætur en að þær yrðu lægri en greiðslurnar samkvæmt CARES-lögunum.
Hann sagði sumt launafólk fá meira greitt en það hefði unnið sér inn í vinnu.
Þess vegna væri enginn hvati fyrir sumt starfsfólk að snúa aftur til vinnu þegar fyrirtæki opnuðu á ný.
Ráðherrann sagði að ríkisstjórn Trumps og repúblikanar í öldungadeildinni væru á sömu blaðsíðu með pakka upp á eina billjón dala en tók fram að til að unnt væri að samþykkja frumvarpið fljótt gæti þurft að geyma málefni sem erfiðara væri að ná saman um við demókrata fyrir síðara frumvarp.
Lögreglan prófar ný skaðminni vopn í áframhaldandi mótmælum
Á meðan hörð átök halda áfram milli löggæslumanna og mótmælenda í Portland og víðar í landinu fara fram miklar umræður um hvernig lögreglan geti minnkað valdbeitingu sem kostar mannslíf.
Fyrirtæki hafa sett á markað ný hátæknitól fyrir lögregluna, svo sem fjötra sem skotið er af færi, í stað hættulegra úrræða á borð við piparúða, gúmmíkúlur og blossasprengjur.
Mannréttindahópurinn Amnesty International greindi 500 myndbönd frá mótmælunum frá 26. maí til og með 5. júní og fann 125 tilvik um of mikla valdbeitingu í 40 ríkjum auk District of Columbia.
„Við sáum ranga notkun á táragasi, piparúða, piparkúlum, 40 mm höggkúlum og í raun allar samsetningar af rangri notkun óbanvænna vopna,“ sagði Brian Castner, vopnarannsakandi Amnesty International.
Engu að síður eru ýmsir á því máli að mikilvægt sé að hægt sé að grípa til úrræða annarra en skotvopna.
„Lögreglan ætti að hafa öll þessi tæki innan handar í stað þess að nota banvæn skotvopn því þetta er eina starfsstéttin í Bandaríkjunum sem borgarar veita réttinn til að taka líf þeirra,“ sagði Corey Pegues, fyrrverandi yfirlögregluþjónn lögregludeildarinnar í New York.
Eitt nýjasta tólið er nefnt „Bola Wrap“, en það er handhelt tæki sem skýtur 8 feta snúru sem vefst utan um hinn grunaða.
Til eru langdræg hljóðtæknitæki, einnig nefndar hljóðbyssur, sem og orkuvopn sem nota leysigeisla til að hita húð fólks, nýjar gerðir skota úr efnum eins og froðu og kalksteini, fýlubombur og auðvitað rafstuðbyssan.
Gengi hlutabréfa í Axon, fyrirtækinu sem framleiðir rafstuðbyssur, hækkaði um meira en 18% og hafði aldrei verið hærri þegar átök brutust út í mótmælunum dögum eftir dráp lögreglunnar á George Floyd.
Áætlað er að markaðurinn fyrir minna banvæn vopn nái 11,85 milljörðum dala árið 2023.
Horfðu á myndbandið til að sjá nýju skaðminni hátæknitólin sem lögreglan notar, hvaða reglur gilda um þau og hvað er í húfi fyrir framtíð lögreglunnar og samfélögin sem hún þjónar.
United og Chelsea í Meistaradeild; Bournemouth og Watford falla úr ensku Úrvalsdeildinni
Manchester United og Chelsea unnu sér rétt til að keppa í Meistaradeild Evrópu á kostnað Leicester á æsilegum lokadegi tímabilsins í ensku Úrvalsdeildinni á sunnudaginn, en á sama tíma féllu Bournemouth og Watford eftir fimm ár í efstu deild.
United vann Leicester 2-0 með mörkum frá Bruno Fernandes og Jesse Lindard og skilaði það liði Ole Gunnars Solskjær þriðja sæti.
Chelsea sigraði Wolverhampton 2-0 eftir mark og stoðsendingu frá Mason Mount og endaði liðið í fjórða sæti – síðasta sætinu sem gefur keppnisrétt í Meistaradeildinni – fyrir ofan Leicester, sem hefur verið í einu af efstu fjórum sætunum allt tímabilið.
Leicester mun þess í stað leika í Evrópudeildinni ásamt Tottenham, sem gerði 1-1 jafntefli við Crystal Palace og tryggði sér þar með sjötta sætið – fyrir ofan Wolverhampton á markatölu.
Barist var um að forðast tvö síðustu fallsætin fram á síðustu mínútu, en Aston Villa skoraði á 84. mínútu, fékk svo á sig mark mínútu síðar og náði að halda 1-1 jafntefli gegn West Ham til að halda sér uppi.
Fyrirliðinn Jack Grealish skoraði mark Villa í því sem gæti hafa verið hans síðasti leikur fyrir æskufélag sitt.
Bournemouth gerði það sem gera þurfti og sigraði Everton 3-1 en endaði einu stigi á eftir Villa.
Watford féll einnig og endaði í næstneðsta sæti eftir 3-2 tap gegn Arsenal.
Manchester City rauf 100 marka múrinn á tímabilinu með 5-0 sigri gegn botnliði Norwich, sem var þegar fallið, í síðasta leik David Silva í Úrvalsdeildinni eftir tíu ár hjá City.
Kevin De Bruyne setti met með því að gera tuttugustu stoðsendingu sína á tímabilinu og skoraði einnig tvö mörk.
Liverpool lauk meistaratímabili sínu með 3-1 sigri gegn Newcastle og setti félagsmet með því að enda tímabilið með 99 stig.
Þá vann Southampton 3-1 sigur gegn Sheffield United og skoraði Danny Ings 22. mark sitt á tímabilinu.
Hann endaði því einu marki á eftir James Vardy, sem vann gullskóinn sem markahæsti leikmaður deildarinnar.
Watford fellur úr Úrvalsdeildinni er Aubameyang tryggir Arsenal sigurinn
Sumir leikmanna Watford féllu niður á hné; aðrir skunduðu tafarlaust í göngin.
Það var nýbúið að flauta af fimm ára setu þeirra í Úrvalsdeildinni og það gat enginn sagt að þeir hefðu fallið án þess að berjast fyrir sínu þegar aðstæðurnar neyddu þá til að leggja allt í sölurnar á móti Arsenal.
Frammistaðan var full af þeim skörugleika, áræðni og harðfylgni sem hafa einkennt bestu augnablik liðsins síðasta hálfa áratuginn, en hún kom of seint, sem og endurkoman í leiknum sem nægði nánast til að snúa við þriggja marka forskoti.
Hefði Emiliano Martínez ekki varið hælspyrnu fyrrum liðsfélaga síns Danny Welbeck meistaralega þegar 16 mínútur voru eftir af leiknum, stuttu eftir að Welbeck hafði komið Watford innan tveggja marka seilingar frá öryggi, eru allar líkur á því að liðið hefði náð að sýna sögufræga endurkomu.
Að endingu tókst það ekki og það er hægt að ímynda sér að bráðabirgðastjóri liðsins, Hayden Mullins, hafi hugsað með sér að honum hefði aldrei verið falið þetta vanþakkláta verkefni ef lið hans hefði sýnt sama keppnisskap fyrr.
Þeir hafa ekki verið nógu góðir á tímabilinu, en að sama skapi hefur fyrirtækið sem þeir vinna fyrir ekki heldur staðið sig.
Eitt slæmt tímabil verður ekki veldi að falli, en grunnurinn sem Pozzo-fjölskyldan lagði er engin trygging fyrir því að liðið fari beint upp úr næstefstu deild.
Það er erfitt forðast þá hugsun að sú aðferð Watford að skipta út framkvæmdastjórum sé fullreynd.
Næsti fastráðni – ef til vill í víðustu skilgreiningu þess orðs – stjórinn verður sá tólfti á átta árum og það eru takmörk fyrir því hve miklu er hægt að áorka með því einu að skipta um manninn í brúnni.
Troy Deeney stendur nú frammi fyrir falli þrátt fyrir að hafa komist á blað á Emirates-vellinum.
Leikmenn munu yfirgefa liðið, Ismaïla Sarr sýndi aftur að það ætti að vera óhugsandi að hann spili í Championship-deildinni í september og það ætti að vera forgangsatriði að ráða stjóra sem kemur stöðugleika á liðið.
Það var enginn stöðugleiki í þessum „allt eða ekkert“-leik sem Mikel Arteta sagði vera „svolítið eins og körfuboltaleik“, en hann var svo sannarlega góð afþreying.
Arteta sagði eftir leikinn að framherjar Watford hefðu „svindlað“, en tók strax fram að hann ætti við knattspyrnuhugtak yfir það að „taka sénsa, liggja frammi“.
Enda var ekki vanþörf á, því allar hugmyndir um að leikurinn myndi snúast um að keppast um stig urðu fljótt að engu, og þeir velta því kannski fyrir sér hvernig þetta hefði farið ef þeir hefðu ekki verið undir allan tímann.
Þess í stað fengu þeir á sig vítaspyrnu svo gott sem strax.
Craig Dawson hafði farið ógætilega í Alexandre Lacazette innan 40 sekúndna en það tók VAR næstum þrjár mínútur að fá fullvissu um að þetta væri vítaspyrna, sem Pierre-Emerick Aubameyang sendi í netið án vandræða.
Watford þjöppuðu sér saman og pressuðu án afláts, með Sarr í miklu stuði á hægri vængnum, og komust Roberto Pereyra og Troy Deeney nálægt því að skora fyrir liðið.
En síðan fann Aubameyang Kieran Tierney sem skoraði annað markið með skoti sem fór af varnarmanni, og í fyrstu drykkjarpásunni var leikurinn svo öfugsnúinn að þjálfarinn Arteta var í þeirri stöðu að láta leikmenn sína heyra það þrátt fyrir forskot Arsenal.
Aubameyang tók síðan við boltanum eftir langt innkast Tierney og skoraði með meistaralegri hjólhestaspyrnu sem þýddi að hann var aðeins einu marki frá gullskónum; verðlaunum sem hann hefði deilt með Jamie Vardy ef Ben Foster hefði ekki varið síðasta færið í lokin.
Watford virtist vera úr leik en hélt þó áfram að berjast og eftir að David Luiz hafði farið í enn eina vanhugsuðu tæklinguna inn í vítateig á Welbeck dúndraði Deeney boltanum inn úr vítaspyrnunni fyrir hálfleik.
Deeney, sem var meiddur mestallt tímabilið, hljóp um völlinn eins og skylmingaþræll.
Hann hefði sennilega nýtt færið sem Adam Masina brenndi af snemma í síðari hálfleik, og fleiri tækifæri fóru einnig forgörðum.
Fyrst var það hinn frábæri Martínez sem stöðvaði Welbeck, en Arteta hefur staðfest að hann muni byrja úrslitaleik bikarkeppninnar á laugardaginn, og svo skoraði hann eftir fastan bolta inn í teiginn frá Sarr, svo allt starfsfólk Watford á hliðarlínunni spratt á fætur.
En möguleikar Watford minnkuðu þegar næsta tilraun hans var varin og nú þarf liðið að fara í rækilega naflaskoðun.
Covid-19 mun breyta hagkerfi heimsins til frambúðar (skoðun)
Líklegt er að veiruskimanir verði hluti af lífi okkar, rétt eins og öryggisráðstafanir tröllriðu öllu eftir 11. september.
Mikilvægt er að fjárfesta í þeim innviðum sem þarf til að greina veirufaraldra framtíðarinnar.
Þessi fjárfesting verndar hagkerfin ef í ljós kemur að hjarðónæmi gegn Covid-19 sé aðeins tímabundið.
Mörg hagkerfi hafa tekið upp afbrigði af hinni þýsku Kurzarbeit-hlutabótaleið á meðan faraldurinn hefur geisað.
Með þessari stefnu heldur starfsfólk vinnu sinni með minnkuðu starfshlutfalli og kaupi en ríkisstjórnin bætir upp hluta launalækkunarinnar.
Með því að halda ráðningarsambandinu virku er hagkerfið betur undir það búið að ná hratt upp fyrri styrk.
Mikilvægt er að bæta framkvæmd þessara leiða og gera þær að varanlegum hluta af verkfærakassanum sem nota má til að endurreisa efnahagslíf þjóðarinnar.
Líklegt er að fjarvinna verði algengari.
Við sáum vísbendingar um að vinna á heimili skili í það minnsta jafnmiklum afköstum og vinna á skrifstofum.
Hins vegar voru mörg fyrirtæki treg við að gera fjarvinnu að sjálfsögðum hlut.
Nú þegar svo margir hafa reynt hana með góðum árangri gæti fjarvinnan verið komin til að vera.
Heimsfaraldurinn hefur hraðað fyrir stafrænni umbreytingu með enn frekari vexti í rafrænni verslun og hraðað á innleiðingu fjarlækninga, myndfunda, kennslu á netinu og fjármálatæknilausna.
Fyrirtæki með alþjóðlegar aðfangakeðjur glíma við skort og flöskuhálsa.
Við sjáum líklega mörg þessara fyrirtækja færa framleiðslu sína aftur til heimalandsins.
Því miður er ekki líklegt að þessi þróun skapi mörg störf þar sem stærstur hluti framleiðslunnar verður líklega sjálfvirkur.
Ríkisstjórnir verða stærri eftir að hafa gegnt hlutverki tryggjanda og fjárfestis til þrautavara í faraldrinum.
Skuldir hins opinbera munu aukast til muna og valda fjármálaerfiðleikum víða um heim.
Mikilvægasti lærdómurinn af Covid-19-faraldrinum er mikilvægi þess að vinna saman að vandamálum sem steðja að öllu mannkyni.
Við erum mun sterkari sameinuð en sundruð.
Síðdegistónleikar „Sunday Morning“: Til heiðurs Rodgers og Hart
Árið 2020 er öld frá fyrstu Broadway-sýningu fyrsta samstarfsverkefnis eins sögufrægasta tvíeykis söngleikjanna í atvinnuleikhúsi; Richard Rodgers og Lorenz Hart.
Til að heiðra söngvaarfleifð þeirra munu Broadway-stjörnurnar Jelani Alladin („Frozen“, „Hercules“) og Christiani Pitts („King Kong“, „A Bronx Tale“) auk dansarans Richard Riaz Yoder („Hello, Dolly!“, „Shuffle Along“) sýna nútímalega útgáfu af hinu sígilda lagi Rodgers og Hart „The Lady Is a Tramp“, sem tekin var sérstaklega upp fyrir áhorfendur „Sunday Morning“.
Trommarinn Bryan Carter sá um tónlistarstjórnun og útsetningar og með honum leikur Russell Hall á bassa.
Kveikt í dómshúsi í mótmælum í Kaliforníu
OAKLAND, Kaliforníu – Mótmælendur í Kaliforníu kveiktu í dómshúsi, skemmdu lögreglustöð og réðust á lögreglumenn eftir að hiti færðist í friðsæl mótmæli seint á laugardaginn, að sögn lögreglunnar í Oakland.
Lögreglan í Oakland sagði á Twitter að mótmælendur hefðu brotið rúður, úðað málningu, skotið upp flugeldum og beint leysigeislum að lögreglumönnum.
Lögreglan birti fleiri færslur á Twitter þar sem hún kallaði eftir friði og bað skipuleggjendur um að „hjálpa okkur að tryggja örugg svæði og örugga staði fyrir mótmælendur“.
Mótmælin hófust fyrr um laugardagskvöldið með þátttöku hópa á borð við „Wall of Moms“, sem svipar til hóps sem var stofnaður í Portland í Oregon, en í þeirri borg hafði slegið í brýnu milli mótmælenda og alríkislögreglumanna sem sendir voru þangað til að verja dómshús alríkisdómstóls.
Donald Trump Bandaríkjaforseti hafði sent alríkislögregluna á vettvang til að bæla niður mótmælin sem hafa farið fram á hverju kvöldi frá dauða George Floyd í Minneapolis 25. maí.
Mótmælin í Oakland voru friðsæl til að byrja með en óróinn jókst þegar leið á kvöldið.
Lögreglan lýsti yfir „ólöglegri samkomu“ um klukkan 23:40 og lögreglumenn báðu mótmælendur um að yfirgefa svæðið.
Eldur kviknaði í hæstarétti Alameda-sýslu og náðist að ráða niðurlögum hans stuttu seinna samkvæmt fréttastofum.
Lögreglan sagði mótmælendur hafa á einum tímapunkti „brotið rúður og kallað kynþáttaníð í átt að íbúum“.
Myndir sem lögreglan birti á Twitter sýndu brotið gler og málningu sem slett hafði verið á lögreglustöðina.
Priti Patel innanríkisráðherra krefst skýringa frá Twitter og Instagram vegna „hryllilegra“ Twitter-færslna Wiley
Priti Patel hefur krafist skýringa frá Twitter og Instagram um hvers vegna svo langan tíma tók að fjarlægja „hryllilegar“ færslur Wiley.
Lögreglan rannsakar nú röð athugasemda sem sýna gyðingahatur sem birtar voru á samfélagsmiðlum grime-tónlistarmannsins Wiley.
Innanríkisráðherrann birti eftirfarandi á Twitter á sunnudaginn: „Gyðingahatursfærslur Wiley eru hryllilegar.“
„Þær hefðu ekki átt að geta verið á Twitter og Instagram svo lengi og ég hef krafið þau um ítarlega útskýringu.“
„Samfélagsmiðlafyrirtæki verð að bregðast mun fyrr við til að fjarlægja svo hryllilegt hatur af vettvöngum sínum.
Twitter var sakað um að „hunsa gyðingahatur“ þar sem færslur Wiley voru enn sýnilegar 12 klukkustundum eftir birtingu þeirra.
Síðan þá hefur fjöldi færslna verið fjarlægður og þessi 41 árs gamli tónlistarmaður hefur fengið sjö daga bann á miðlinum.
Twitter hafði áður sagt að reikningi Wiley hefði verið lokað tímabundið „fyrir að brjóta gegn reglum okkar um hatursfulla hegðun“ og Facebook sagði að það væri „ekkert pláss fyrir hatursorðræðu á Instagram“.
Lögregla stórborgarsvæðisins sagði á laugardaginn: „Lögregla stórborgarsvæðisins lítur allar tilkynningar um gyðingahatur mjög alvarlegum augum. Verið er að leggja mat á viðeigandi gögn.“
Umboðsskrifstofa Wiley, A-List Management, hefur í kjölfar þessa „sagt skilið“ við stjörnuna.
Fyrrverandi umboðsmaður listamannsins, John Woolf, sem er gyðingur, skrifaði á Twitter: „Eftir gyðingahatursfullar Twitter-færslur Wiley í dag höfum við hjá @A_ListMGMT sagt skilið við hann.  Það er ekkert pláss fyrir gyðingahatur í samfélaginu.“
Hann sagðist fyrr í dag hvorki styðja né vera samþykkur því sem Wiley birti en að hann myndi ræða við hann í einrúmi og „hjálpa til við að upplýsa hann“.
Hins vegar virtist Wiley segja að hann hefði slitið tengslin við umboðsteymi sitt í myndbandi á Instagram.
Aðrir þingmenn hafa gagnrýnt Twitter fyrir að leyfa færslunum að vera sýnilegar.
Þingmaðurinn Jess Phillips sagði á laugardaginn:
„Var að sjá allt þetta um Wiley.  Hvers vegna í ósköpunum hefur @Twitter haldið svo augljósri gyðingaandúð og hatri í birtingu?  Þetta slær á alla hættulegu strengina, gyðingar fá hluti sem þú færð ekki, þeir eru við stjórnvölinn, þeir halda að þeir séu betri ...  Þetta er hættulegt.  Auðvitað á að fjarlægja þetta.“
Þingmaðurinn Neil Coyle bætti við: „Umboðsteymi hans virðist bregðast hraðar við en @Twitter sem sýnir enn og aftur fram á að löggjöf (þar á meðal Online Harms-frumvarpið) ætti að tryggja að vettvangur á samfélagsmiðlum sé ekki notaður til að dreifa hatri.“
John Mann, óháður ráðgjafi ríkisstjórnarinnar um gyðingahatur, sagði færslurnar „sýna nákvæmlega hvers vegna breyta þarf lögunum svo hægt sé að refsa fyrir þær“.
Herferðin Campaign Against Antisemitism hefur beðið lögregluna um að rannsaka efni Wiley og hefur kallað eftir því að reikningum hans á samfélagsmiðlum verði lokað „til að koma í veg fyrir frekari útaustur eitraðrar orðræðu gegn Gyðingum“.
Wiley, sem er þekktur sem guðfaðir grime-tónlistarstefnunnar, og heitir í raun Richard Cowie, fékk MBE-orðu fyrir þjónustu sína í þágu tónlistar árið 2018.
Kórónuveiran: Ferðamenn frá Spáni verða að fara í sóttkví
Fólk sem ferðast til Bretlands frá Spáni þarf nú að fara í 14 daga sóttkví samkvæmt nýjum ferðareglum vegna kórónuveirunnar.
Tilkynnt var um reglurnar á laugardaginn eftir mikla aukningu kórónuveirusmita á Spáni, en fleiri en 900 ný tilfelli greindust á föstudaginn.
Embættismenn á Spáni hafa varað við því að önnur bylgja gæti verið á næsta leiti eftir mikla aukningu smita í stórborgum.
Flugfélög, meðal annars British Airways, hafa gagnrýnt nýju aðgerðirnar og kallað þær „enn eitt áfallið“ fyrir ferðaþjónustuna í Bretlandi.
Samgönguráðuneytið hefur ráðlagt fólk sem er í fríi á Spáni að fylgja reglunum sem þar gilda, ferðast heim eins og venjulega og kynna sér ferðaráðleggingar á vefsíðu utanríkisráðuneytisins.
Utanríkisráðuneytið ráðleggur fólki að forðast öll ferðalög um meginland Spánar sem ekki eru nauðsynleg en hins vegar gildir sóttkvíarskyldan um alla sem koma frá meginlandi Spánar, Kanaríeyjum og Baleareyjum, svo sem Mallorca og Ibiza.
Ráðleggingar utanríkisráðuneytisins hafa afleiðingar fyrir ferðatryggingar.
Samgönguráðherrann Grant Shapps er á meðal þeirra sem nýju reglurnar hafa áhrif á, en hann fór í frí til Spánar á laugardaginn.
Gert er ráð fyrir því að hann haldi ferð sinni áfram samkvæmt áætlun og fari svo í sóttkví samkvæmt reglum þegar hann kemur heim.
Sóttkvíarskylda var fyrst sett á fyrir ferðamenn á leið til Bretlands í byrjun júní.
En eftir þrýsting frá flugfélögum og ferðaþjónustufyrirtækjum hafa ríkisstjórnin og staðbundin yfirvöld nú birt lista yfir lönd sem eru undanþegin reglunum.
British Airways gaf út að nýjustu breytingarnar á ferðatilmælum og -reglum ríkisstjórnarinnar væru vonbrigði en að flugferðir héldu áfram.
Fyrirtækið sagði einnig að aðgerðirnar „settu ferðaáætlanir þúsunda Breta í uppnám“.
Samtök flugrekenda sögðu að nýju aðgerðirnar myndu „enn frekar skaða endurreisn fluggeirans, sem var viðkvæmur fyrir og stendur enn frammi fyrir stærstu áskorunum í sögu hans“.
Stærsti ferðaskipuleggjandi Bretlands, Tui, aflýsti því flugi sem fyrirhugað var til Spánar og Kanaríeyja á sunnudaginn.
Viðskiptavinir sem eru á ferðalagi geta haldið heim með flugi sínu samkvæmt áætlun.
Lággjaldaflugfélagið EasyJet lýsti þó yfir vonbrigðum og sagðist myndu starfa samkvæmt fullri áætlun á næstu dögum.
„Viðskiptavinir sem kjósa að hætta við að ferðast geta breytt dagsetningum flugsins án þess að greiða breytingagjald eða fengið inneignarnótu fyrir upphæð bókunarinnar,“ sagði fyrirtækið í yfirlýsingu.
Talsmaður Samtaka breskra ferðaskrifstofa (Abta) sagði breytingu ríkisstjórnarinnar á reglum um sóttkví vera „vonbrigði“.
„Við leggjum til að ríkisstjórnin íhugi að aflétta reglum um sóttkví fyrir flug til og frá tilteknum svæðum þar sem smitstuðullinn er lægri, eða til staða á borð við Baleareyjar eða Kanaríeyjar – sem eru landfræðilega aðskildir meginlandi Spánar – til að afstýra frekari tjóni á ferðaþjónustunni innanlands í Bretlandi og við ferðamenn á útleið,“ sagði hann.
Á Spáni hafa fleiri en 28.000 látist af völdum kórónuveirunnar.
Á fimmtudaginn var mesta dagsaukning smita í landinu frá því að útgöngubanni var aflétt.
Katalónía er nýjasta svæðið til að setja takmarkanir á næturlífið.
Hið vel stæða norðausturhérað, sem Barcelona er staðsett í, hefur skipað öllum næturklúbbum að loka í tvær vikur og börum í Barcelona og nágrenni er gert að loka á miðnætti.
Guy Hedgecoe hjá BBC í Madríd segir að smit meðal ungs fólks sé sérstakt áhyggjuefni þar sem það hefur safnast saman í stórum hópum á kvöldin í borgum.
Frakkland hefur varað borgara sína við að ferðast til Katalóníu og Noregur hefur sagt að byrjað verði að skylda fólk sem kemur frá Spáni til að sæta sóttkví.
Ríkisstjórnin hvetur vinnuveitendur til að „sýna þeim skilning sem snúa nú aftur heim frá Spáni og þurfa að fara í sóttkví“.
En innanríkisráðherra stjórnarandstöðunnar úr Verkamannaflokknum, Nick Thomas-Symonds, kallaði eftir því að ríkisstjórnin útskýrði nákvæmlega hvernig hún hygðist styðja þá sem verða fyrir áhrifum og bætti því við að fréttirnar myndu valda „miklum áhyggjum fyrir fjölskyldur sem eru á Spáni eða sem hafa skipulagt ferðalög.
Nicola Sturgeon, æðsti ráðherra Skotlands, sagði á Twitter að ákvörðunin hefði verið tekin eftir að nýjustu upplýsingar hefðu verið skoðaðar fyrr á laugardaginn.
„Þetta rennir frekari stoðum undir það að þessi mál geta breyst með stuttum fyrirvara og því ráðlegg ég fólki að gæta varúðar varðandi ónauðsynlegar ferðir til útlanda,“ sagði hún.
John Blackmore frá Hampshire ætlaði að fljúga út til fjölskyldu sinnar á Spáni með konu sinni og tveimur ungum börnum.
En nýju reglurnar þýða að hann þurfti að hætta við ferðalagið af ótta við að vinnuveitandi konunnar hans myndi ekki geta leyft henni að taka sér tvær aukalegar vikur í leyfi vegna sóttkvíar við komu aftur til landsins.
Hann sagði að hann teldi ólíklegt að þau gætu fengið flugið endurgreitt, og því hefur ekki verið aflýst.
„Ég er miður mín,“ sagði hann við BBC.
„Ég á fjölskyldu á Spáni sem hefur ekki séð einu barnabörn sín síðan um jólin.“
Lois Stothard frá Suður-Jórvíkurhéraði sagði BBC að hún hefði bókað frí í Sevilla til að koma kærastanum hennar á óvart á 30 ára afmælisdegi hans, og átt að fljúga út á sunnudagsmorgun, en að hún teldi nú að hún gæti ekki ferðast.
„Ég er lykilstarfsmaður – ég er kennari – og kærastinn minn þarf að sinna sinni vinnu, svo við getum ekki farið í 14 daga sóttkví við komuna til baka,“ sagði hún.
„Við getum ekki fengið neitt endurgreitt og til að breyta dagsetningum biður fyrirtækið um tvöfalt þar sem ég borgaði þegar í gjöld.
Ég er mjög vonsvikin og í uppnámi þar sem við vorum búin að pakka niður og vorum tilbúin í ferðina.“
Ógn við lýðræðið í Ástralíu er nær heimahögunum en Kína
Ýmis lög sem hafa nýlega verið sett eða verða sett á næstunni á löggjafarþingi Ástralíu vekja þó áhyggjur um valdboðsákvarðanir í okkar eigin landi.
Þar á meðal eru upptaka andlitsgreiningartækni, þvingun tæknifyrirtækja til að dulráða upplýsingar sem geymdar eru á tölvukerfum viðskiptavina þeirra, þvingun tæknifyrirtækja til að veita aðgang að skýjaupplýsingum viðskiptavina án þess að eiganda upplýsinganna sé tilkynnt um það og útvíkkun á valdi ASIO í tengslum við skyldubundnar yfirheyrslur.
Þessar aðgerðir vekja áleitnar spurningar um mörkin milli borgara og yfirvalda en ASIO-lagafrumvarpið er sérstakt áhyggjuefni.
Ólíkt öðrum löndum Five Eyes-leyniþjónustunnar – Bandaríkjunum, Kanada, Bretlandi og Nýja-Sjálandi – var ASIO eftir 11. september gefin heimild til að halda fólki í yfirheyrslum í allt að sjö daga í tengslum við hryðjuverkabrot.
Þótt fallast megi á að réttlæta megi sérstakar valdheimildir með hliðsjón af því mikla ofbeldi sem hryðjuverkum fylgja, þá markar slíkt ofbeldi þó greinileg mörk fyrir þessar sérstöku heimildir.
Slíkt er sannarlega ekki hægt að segja um hinar „víðtæku og óljósu“ skilgreiningar sem í þessu frumvarpi veita heimild til skyldubundinnar yfirheyrslu: sem varða upplýsingar sem hafa áhrif á „pólitísk, hernaðarleg eða efnahagsleg tengsl Ástralíu við annað land,“ eða aðgerðir í samstarfi við erlent afl sem eru leynilegar eða villandi og hafa „skaðleg áhrif á hagsmuni Ástralíu“.
Það er erfitt að ímynda sér „víðtækari og óljósari löggjöf um „þjóðaröryggi““ en þessa.
ASIO fengi heimild til að skylda hvern sem er til yfirheyrslu um þessa hluti – ekki aðeins þá sem eru grunaðir um brot.
Þar á meðal eru blaðamenn, viðskiptafólk, háskólafólk, lögfræðingar, borgarar, íbúar og gestir.
ASIO þyrfti aðeins að sýna fram á að yfirheyrslan verði „mikilvægur hluti af upplýsingasöfnun“ um erlend ígrip, sem virðast vera aðalviðfangsefni lagafrumvarpsins.
Þá væri hægt að yfirheyra aðilann í allt að 40 klukkustundir (að viðbættum hléum).
Ef aðilinn neitar að mæta í yfirheyrslu yrði hann handtekinn.
Hámarksrefsing fyrir því að neita að svara eða veita misvísandi upplýsingar er fimm ára fangelsisdómur.
Þetta frumvarp kollvarpar reglum sem eru grundvöllur réttarkerfis okkar – og sem eru varðar af stjórnarskrá Bandaríkjanna.
Fólk – þar á meðal það sem þegar bíður ákæru – verður skyldað til að veita upplýsingar sem ákæruvaldið gæti síðan notað gegn því.
Það gæti haft lögmann hjá sér en það eina sem hann gæti gert væri að skýra óljósar spurningar.
Nýja frumvarpið færir ákvörðunina um að gefa út yfirheyrsluheimild frá dómara til ríkissaksóknara.
Eins og yfirmaður upplýsinga- og öryggismála benti á „gengur þetta gegn þeirri þróun sem gætir í öðrum lögsagnarumdæmum Five Eyes, að gera auknar kröfur um utanaðkomandi heimildir“.
Þetta brýtur einnig gegn þrískiptingu ríkisvaldsins og eftirliti dómstóla með aðgerðum framkvæmdavaldsins.
Í nýja frumvarpinu er enn fremur lagt til að yfirheyrsluvald nái einnig til barna sem eru orðin 14 ára, en aðeins þó þeirra sem taka þátt í eða líklegt er að taki þátt í aðgerðum gegn Ástralíu, og fólks sem fremur ofbeldi af pólitískum ástæðum.
Jafnvel þótt leyniþjónusta okkar væri sú besta í heimi tekur það út yfir allan þjófabálk að veita henni vald til að skylda hvern sem er til yfirheyrslu um upplýsingar sem „hafa áhrif á pólitísk, hernaðarleg eða efnahagsleg tengsl Ástralíu við annað land“ eða athafnir sem hafa „skaðleg áhrif á hagsmuni Ástralíu“.
Við erum ein.
Ekkert annað Five Eyes-land gengur svona langt, ekki einu sinni vegna hryðjuverkabrota.
Lýðveldi sem eru í raun og sanni frjálslynd standa vörð gegn valdboði.
Framferði leyniþjónustu okkar í tengslum við hlerun á þinginu í Austur-Tímor, réttarhöld vitnisins K og Bernard Collaery, leyniréttarhöldin og fangelsun fyrrverandi starfsmanns leyniþjónustunnar, nýlegar leitarheimildir sem gefnar voru út fyrir tvo blaðamenn og hugsanleg ákæra gegn öðrum þeirra vegna fréttaflutnings um grun um morð af hendi ástralskra hermanna í Afganistan sýna hvers vegna við ættum að vera á varðbergi.
60.000 kórónuveirusmit í Ísrael eftir mikla aukningu
JERÚSALEM (Reuters) – Fjöldi þeirra sem hafa greinst með kórónuveiruna í Ísrael náði 60.000 á laugardaginn og ríkisstjórnin á erfitt með að hemja aukna smittíðni.
Síðustu tölur um smit á dag sýndu 1770 ný smit sem færir heildarfjölda smitaðra upp í 60.496 samkvæmt heilbrigðisráðuneyti landsins.
Í Ísrael búa níu milljónir og alls hafa 455 látist þar í landi af völdum veirunnar.
Ísrael var eitt af fyrstu löndunum til að setja á allsherjarútgöngubann og tókst upphaflega vel til að halda aftur af útbreiðslu veirunnar.
Daglegum smitum fækkaði úr hundruðum niður í tveggja stafa tölur.
Vegna áhyggna af efnahagslegum afleiðingum afléttu yfirvöld takmörkununum – of snemma, hafa nú sumir embættismenn viðurkennt – og nýjum tilfellum hefur farið fjölgandi á ný.
Endurteknar tilfallandi lokanir hinna ýmsu geira hagkerfisins hafa aukið á gremju almennings og hrint af stað daglegum mótmælum.
Tony Blair kveðst aldrei ætla að hætta að blanda sér í bresk stjórnmál þrátt fyrir mikla andstöðu vegna Brexit
Tony Blair hefur lýst því yfir að hann hætti aldrei að blanda sér í bresk stjórnmál eftir mikla andstöðu við þátttöku hans í Verkamannaflokknum og herferðinni gegn Brexit.
Blair, sem hefur ekki verið í embætti í meira en tíu ár, sagði Sophy Ridge á Sky News að hann myndi aldrei hætta að láta í sér heyra í breskum stjórnmálum.
Hins vegar viðurkenndi þessi umdeildi stjórnmálamaður að „margir sem horfa á þetta telja ef til vill að ég ætti að hætta að tjá mig um hluti“.
Sophy Ridge sagði við Blair: „Ég fæ það alltaf á tilfinninguna að þú getir ekki slitið þig frá stjórnmálunum.“
„Þú ert alltaf að birta skýrslur um kórónuveiruna eða tjá þig um Brexit.“
„Ég velti því fyrir mér hvort fólk sé að spá í hvers vegna þú sért enn að reyna að koma þér að í stjórnmálum, eftir að hafa verið forsætisráðherra í áratug?“
„Er ekki kominn tími til að taka sér hlé, fara á golfvöllinn.“
Forsætisráðherrann fyrrverandi hafnaði þessu og sagðist ætla að taka þátt í breskum stjórnmálum eins lengi og hann gæti.
Hann sagði: „Þetta er ekki eitthvað sem ég vil gera.  Margir sem eru að horfa hugsa ef til vill að ég eigi að gera nákvæmlega það og hætta að tjá mig, en mér þykir vænt um landið mitt.“
„Við erum stödd á stórmerku augnabliki breytinga í heiminum og stofnunin sem ég kom á fót starfar víða um heim.“
„Ég veit að ég hef gert hluti sem fyrri forsætisráðherrar höfðu ekki gert en sem ég spái að fleiri muni reyna í framtíðinni.“
Fyrr í viðtalinu sagði Blair að Bretland og Evrópusambandið gætu enn náð samkomulagi um Brexit fyrir lok árs.
Hann sagði: „Þau gætu náð samningi.  En jafnvel samningurinn sem við náum verður vondur.“
„Þetta verður í grunninn gott fyrir Evrópu því þetta mun auðvelda vöruviðskipti en verður mjög hamlandi fyrir okkur hvað varðar þjónustu.“
Þessi fyrrum leiðtogi Verkamannaflokksins sagði Sky News einnig að Bretland myndi þurfa að lifa með COVID-19, frekar en útrýma sjúkdómnum, í fyrirsjáanlegri framtíð.
QB Herbert á meðal fjögurra úr nýliðavali sem skrifa undir hjá Chargers
COSTA MESA, Kaliforníu  (AP) - Los Angeles Chargers hefur gert samning við fjóra leikmenn sem liðið valdi í nýliðavalinu, þar á meðal leikstjórnandann Justin Herbert, og hefur einnig komist að samkomulagi um launakjör við tvo aðra úr nýliðahópnum.
Chargers náðu að ganga frá samningum við nýliðahóp sinn á laugardaginn þegar hópurinn mætti á æfingasvæðið til að fara í læknisskoðun og búnaðarmátun.
Auk Herbert, sem var sjötti í röðinni í valinu, tilkynnti liðið um að það hefði gert samning við kantmennina Joe Reed (fimmtu umferð) og KJ Hill (sjöundu umferð) auk Alohi Gilman sem öryggisval úr sjöttu umferð.
Liðið hefur komist að samkomulagi um kjör við varnarleikmanninn Kenneth Murray Jr. og hlauparann Joshua Kelley, sem var valinn í fjórðu umferð.
Herbert byrjaði 42 leiki hjá Oregon og var með árangurinn 29-13 með 10.541 jarda í sendingar og alls 108 snertimörk.
Hann leiddi Ducks til sigurs í Pac-13 á síðasta tímabili er hann kastaði 32 snertimörk og náði sex inngripum í 14 leikjum.
Hann kórónaði ferilinn með sigri á Wisconsin í Rose Bowl, þar sem hann náði þremur snertimörkum og var útnefndur besti sóknarmaðurinn.
Herbert mun keppa um byrjunarliðssæti við gömlu kempuna Tyrod Taylor.
Chargers verða án leikstjórnanda eftir að Philip Rivers fór frá liðinu þegar samningur hans rann út eftir 14 tímabil sem byrjunarliðsmaður.
Murray var 23. í valinu eftir að Los Angeles skipti við New England til að komast aftur í fyrstu umferð.
Hann var valinn í þriðja All-America-lið Associated Press síðasta tímabil eftir að hafa leitt Sooners áfram með 102 tæklingar, þar á meðal 69 einstaklingsframtök.
Auglýsingaskiltarisar kalla eftir afslætti frá flugvöllum og bæjarfélögum
oOh! Media stóð fyrir hlutafjárútboði fyrr á árinu til að ná fram auknum stöðugleika í fjármálum þar sem heimsfaraldurinn hafði tekið að fæla auglýsendur frá.
Heimildarmenn segja að fyrirtækin hafi rætt leiðir til að vinna upp stórminnkaða sölu með því að fá lækkaða leigu á starfsstöðum þeirra með því að afnema eða lækka tryggingu um lágmarkstekjur, sem yfirleitt er kveðið á um við undirritun samnings.
Einn heimildarmaður gaf til kynna að stóru auglýsingaskiltafyrirtækin gætu hafa ábyrgst allt að 85% af tekjuspá í leigu.
Sumir verktakar setja ákvæði sem gera þeim kleift að lækka lágmarkstrygginguna ef fólki á svæði fækkar um tiltekið hlutfall en óljóst er hvort þetta ákvæði sé til staðar í þeim samningum sem gerðir hafa verið milli auglýsingaskiltafyrirtækjanna og leigusala þeirra.
Samtímis bjóða fyrirtækin auglýsendum upp á mikla afslætti til að fylla upp í laus pláss á auglýsingaskiltum og gefa þeim sem mest fyrir peningana.
Erfitt hefur reynst að fylla auglýsingaskilti sem að jafnaði sýna sex auglýsingar í viðskiptahverfi Sydney og úthverfum.
Sums staðar hafa skiltin þó verið uppfærð – eins og 40 x 10 metra auglýsingaskilti oOh! Media á flugvellinum í Sydney.
oOh! Media vildi ekki tjá sig um málið en á ráðstefnunni Macquarie Australia í maí greindi það frá meira en 20 milljónum dala í sparnað vegna fasts leigukostnaðar.
JC Decaux neitaði að tjá sig um málið.
Flugvellir og almenningssamgöngur eru eftirsótt samningstækifæri fyrir auglýsingaskiltafyrirtæki.
Samkvæmt skýrslu Outdoor Media Association frá árinu 2019 voru tekjur af samgöngum, þar á meðal flugvöllum, 169,4 milljónir ástralskra dala, á meðan tekjur af gatnamannvirkjum og utanverðum strætisvögnum og sporvögnum voru 266,5 milljónir dala.
JC Decaux hefur gert samninga við Sydney-flugvöll, Yarra-sporvagna, Perth-flugvöll og Strætisvagna Sydney. oOh! Media heldur úti auglýsingaskiltum á svæðum á borð við Qantas-setustofurnar, fyrir utan flugvellina í Sydney, Adelaide og Darwin og í lestarstöðvunum í Sydney og Melbourne.
Útboð í pláss við Melbourne-flugvöll og lestir í Sydney hafa farið fram á meðal faraldurinn hefur geisað en ákvörðun hefur ekki enn verið tekin.
Melbourne er næststærsti samningurinn um auglýsingapláss á flugvöllum í Ástralíu og fyrir kórónuveirufaraldurinn nam virði hans tugum milljóna á ári hverju.
Í ársuppgjöri sínu í febrúar sagðist oOh! Media hafa haft 65,9 milljónir í tekjur í flokknum „flug“, sem má að mestu rekja til tekna af Sydney-flugvelli.
Tekjur í flokknum „samgöngur“ námu 234,8 milljónum, en sá flokkur samanstendur að mestu af samningum um lestir og samgöngumannvirki sem áður voru í eigu fyrirtækisins Adshel, áður en það var keypt upp af Ooh!.
Tekjur JC Decaux Australia af samgöngum árið 2018 voru 37,7 milljónir ástralskra dala, samkvæmt ársreikningi ársins 2018 sem skilað var til verðbréfa- og fjárfestinganefndar Ástralíu.
Líklegt er þó að báðar þessar upphæðir verði töluvert lægri í ár.
Samkvæmt vísitölunni Standard Media Index, sem gefur upplýsingar um útgjöld fjögurra af fimm stærstu auglýsingaskrifstofusamstæðunum, hafði útiauglýsingamarkaðurinn fallið um 68% í júní.
Til samanburðar sýna frumniðurstöður fyrir júní að stafræn útgjöld lækka um 37% á meðan útvarpsútgjöld í borgum höfðu lækkað um 48%.
Útgjöld í sjónvarpi á borgarsvæðum lækkuðu um 34% í júní, útgjöld í dagblöðum um 49% og útgjöld í tímaritum hrundu um 66%.
„Mistök“ Bandaríkjanna halda aftur af leit að lyfjum við kórónuveirunni
Átaki heimsbyggðarinnar um að framleiða lyf sem verka á Covid-sjúkdóminn er haldið aftur af því að bandarískir vísindamenn prófa lyf á „tilviljanakenndan og óskipulagðan hátt,“ segir sérfræðingur sem leiðir breska verkefnið.
Rannsóknarverkefnið Recovery í Bretlandi, sem hefur náð til 12.000 sjúklinga í nokkur hundruð breskum sjúkrahúsum, hefur þegar komið auga á eitt nýtt lyf sem lofar góðu í baráttu við sjúkdóminn og hefur einnig leitt í ljós að tvö önnur sem áður var talið að gætu bjargað lífum eru gagnslaus.
En vangeta heilbrigðiskerfisins í Bandaríkjunum til að halda í við þessi afköst þýðir að aðrar meðferðir sem lofa góðu og hefðu getað verið samþykktar til almennrar notkunar hafa ekki enn verið metnar.
Sérstaklega er það batasermi (blóðvökvi sem tekinn er úr Covid-19-sjúklingum og sem inniheldur mótefni sem gætu veitt vörn gegn sjúkdómnum) sem hefur ekki verið prófað nægilega í stórri slembirannsókn.
„Tugir þúsunda hafa þegar fengið batasermi í Bandaríkjunum en þessar rannsóknir voru ekki gerðar með slembiúrtaki,“ sagði prófessor Martin Landray, einn af stofnendum Recovery-verkefnisins.
„Þeir gefa einstaklingum einfaldlega batasermi í von um að það virki. Gríðarlegt magn hefur verið gefið og þeir hafa ekki enn hugmynd um hvort það hjálpi til, skaði eða hafi engin áhrif,“ bætti Landray við, en hann er sérfræðingur í uppsetningu stórra lyfjarannsókna.
Bandaríkjunum hefur mistekist að gera stórar slembirannsóknir og það er slæmt fyrir læknavísindin
Lyfjarannsóknir með slembiröðun eru gullstaðallinn til að meta gagnsemi lyfja.
Með þeim er ómeðvituð hlutdrægni sem gæti skekkt dómgreind vísindamanna tekin út úr jöfnunni.
Þúsundir manna fá lyf og þúsundir annarra fá lyfleysu.
Enginn veit hvað hann fær.
Niðurstöðurnar eru síðan bornar saman og árangur meðferðarinnar kemur í ljós.
Það var með þessum hætti sem Recovery gat sýnt fram á að sterinn dexametasón fækkaði dauðsföllum um þriðjung hjá Covid-19-sjúklingum í öndunarvél.
Einnig kom í ljós að lyfið sem mikið hefur verið talað upp, hýdroxýklórókín – auk samsettrar meðferðar lyfjanna lópínavír og rítónavír – hafði engin áhrif í átt að því að bjarga lífi sjúklinga.
Lykilatriðið er að þessar rannsóknir þörfnuðust mjög margra sjúklinga og ekkert eitt sjúkrahús bjó yfir nægilega mörgum fyrir slíka rannsókn.
Bretland býr að einum lykilkosti – miðstýrðri heilbrigðisþjónustu.
Munurinn er sá að í Bandaríkjunum er heilbrigðisþjónustan tvístruð og það eina sem hún hefur áorkað í átt að því að finna mögulega meðferð er að benda á nytsemi hins einstaklega dýra lyfs remdesivírs við að hraða bata sumra Covid-19-sjúklinga.
„Það eru fjölmargar minni lyfjarannsóknir með nokkrum tugum eða nokkur hundruð sjúklingum í Bandaríkjunum en ekkert veigamikið,“ bætti Landray við.
„Þeim tekst ekki að framkvæma stórar slembirannsóknir og það er slæmt fyrir læknavísindin. Þetta gerir læknavísindin verri og skerðir horfur sjúklinganna.“
Landray sagði að þessi vangeta væri sérstaklega gremjuleg hvað snertir notkun batasermis, sem margir læknar telja að gæti gegnt lykilhlutverki við meðferð alvarlega veikra Covid-19-sjúklinga.
„Ef þú skoðar Bandaríkin þá hefur þessari meðferð verið beitt í gríðarmiklum mæli en á tilviljanakenndan og óskipulagðan hátt. Bretland skarar langt fram úr í samanburði,“ bætti hann við.
Prófessor Peter Horby, sérfræðingur í smitsjúkdómum og stofnandi Recovery-verkefnisins, sagði: Tilkynnt hefur verið um að 20.000 sjúklingar hafi fengið batasermi í rannsóknarþýði en engum þessara sjúklinga var slembiraðað.
Ef þeir hefðu haft þessa sjúklinga í slembirannsóknum hefðum við fengið skýr svör um árangur af meðferð með batasermi.“
Horby bætti því við að UK Recovery hefði nú sett af stað slembiraðaða rannsókn á notkun batasermis en gerir ekki ráð fyrir því að niðurstöður liggi fyrir fyrr en síðar á þessu ári.
Ted Cruz segir að markmið Pelosi séu að „skófla peningum í vandamálið og loka Bandaríkjunum“
Washington – Ted Cruz, öldungadeildarþingmaður repúblikana frá Texas, sakaði Nancy Pelosi, forseta þingdeildar og þingflokks demókrata, um að mæla fyrir lögum sem ætlað er að létta á áhrifum kórónuveirunnar með því að „skófla peningum í vandamálið og loka Bandaríkjunum,“ er samningaviðræður um næsta úrræði halda áfram.
Í viðtali við „Face the Nation“ á sunnudaginn sagði Cruz að landið stæði frammi fyrir tveimur krísum á sama tíma: heimsfaraldri sem hefði dregið meira en 600.000 manns til dauða á heimsvísu og „algjörar efnahagslegar hamfarir“ í Bandaríkjunum.
Cruz sagði að Pelosi, sem kom fram í „Face the Nation“ á undan öldungadeildarþingmanninum, sinnti hvorugu þessara vandamála.
„Markmið hennar eru að „skófla peningum í vandamálið og loka Bandaríkjunum,“ segir Cruz.
„Og ef þú skoðar 3 billjón dala frumvarpið sem hún er að reyna að ýta í gegn snýst það aðeins um að skófla peningum í vini hennar og ekki í raun um að leysa vandamálið. Markmið okkar ætti að vera að Bandaríkjamenn vilja komast aftur til vinnu. Þeir vilja geta séð fyrir fjölskyldum sínum.“
Repúblikanar í öldungadeild þingsins og í Hvíta húsinu áttu í síðustu viku viðræður um fjórða stig viðbragða við kórónuveirunni, sem áætlað er að muni kosta 1 billjón dala.
Mark Meadow, starfsmannastjóri Hvíta hússins, og fjármálaráðherrann Steven Mnuchin héldu aftur til Capitol Hill um helgina til að eiga frekari viðræður við starfsfólk öldungadeildarinnar og í viðtali við Fox News á sunnudaginn sagði Mnuchin að Mitch McConnell, leiðtogi meirihlutans í öldungadeildinni, myndi skýra frá niðurstöðum þeirra viðræðna á mánudaginn.
Það málefni sem er mest áríðandi fyrir þingmenn – sem repúblikanar og demókratar hafa tekist á um – eru auknar atvinnuleysisbætur sem byrja að renna út þessa helgi.
Á meðan demókratar vilja að 600 bandaríkjadala hækkun á bótum verði haldið inni í „fjórða stigs“-kórónuveirupakkanum kalla repúblikanar eftir því að upphæðin verði lækkuð og halda því fram að atvinnuleysisbæturnar sumra Bandaríkjamanna séu hærri en laun þeirra voru.
Cruz sagði að meira en helmingur Bandaríkjamanna sem fengu auknar atvinnuleysisbætur fengi greitt meira nú en þegar þeir voru vinnandi og sagði að hann hefði rætt við eigendur lítilla fyrirtækja í Texas sem ættu í vandræðum með að ráða fólk aftur til vinnu.
„Auðvitað kemur þetta fólk ekki aftur til vinnu því alríkisstjórnin er að greiða þeim, í sumum tilvikum, tvöfalt meira fyrir að vera heima,“ sagði hann.
Cruz sagði að þingið ætti að einbeita sér að því að samþykkja lög um viðspyrnuaðgerðir sem myndu auðvelda Bandaríkjamönnum að snúa aftur til vinnu með því að létta á sköttum og reglum fyrir lítil fyrirtæki: „í stað þess að bara moka billjónum út um dyrnar myndu lög um viðspyrnuaðgerðir fella niður launaskatt, sem myndi gefa öllu vinnandi fólki í Bandaríkjunum launahækkun. Það væri raunverulegur hvati fyrir fólk að mæta aftur til vinnu,“ sagði hann.
Trump forseti krafðist þess í síðustu viku að lækkun launaskatts yrði hluti af næsta aðgerðapakka en Mnuchin sagði að hún yrði ekki hluti af lögunum þar sem tillagan hefði ekki hlotið góðan hljómgrunn meðal repúblikana.
Trump sættist á að lækkun launaskatts yrði ekki hluti af næsta frumvarpi en reyndi að koma sökinni á demókrata.
Cruz, sem mótmælti í síðustu viku kostnaði næsta pakka, sagði á sunnudaginn að hann væri ekki samþykkur úrræðinu frá félögum hans í Repúblikanaflokknum í öldungadeildinni.
En hann gagnrýndi einnig 3 billjóna dala frumvarpið sem samþykkt var í maí í fulltrúaþinginu, sem demókratar ráða, og sakaði pólitíska andstæðinga sína um að véla um að samþykkja úrræði sem myndi skemma fyrir forsetanum í aðdraganda kosninganna í nóvember.
„Eina markmið demókrata er að sigrast á Donald Trump og þeir hafa í biturð sinni ákveðið að besta leiðin til að sigrast á Donald Trump sé að loka öllum fyrirtækjum í Bandaríkjunum, loka öllum skólum í Bandaríkjunum,“ sagði hann.
„Nancy Pelosi talar um vinnandi menn og konur.  Það sem hún leggur til er að halda vinnandi mönnum og konum frá því að vinna.“
Mótmælin í Seattle: Eldar og piparúðar er þúsundir mótmæla í borginni
SEATTLE – Eftir vaxandi átök síðustu vikur milli mótmælenda og alríkisyfirvalda í Portland í Oregon komu um 2000 manns saman í Seattle á laugardaginn og gengu um göturnar og lentu í árekstrum við lögreglu.
Þrír lögreglumenn slösuðust, þar af einn sem færður var á sjúkrahús með meiðsl á fótlegg vegna sprengingar, og 16 mótmælendur höfðu verið handteknir snemma í kvöld, að sögn lögreglunnar.
Mótmælendurnir báru skilti á borð við „Alríkislögreglumenn farið heim“ og kölluðu „Ekkert réttlæti, enginn friður“ og námu staðar við verðandi fangelsi fyrir ungmenni og kveiktu í byggingum.
Sumir brutu glugga nálægra bygginga.
Í Capitol Hill-hverfinu beitti lögreglan blossasprengjum og piparúða á hópinn og hóf síðan að hneppa fólk í varðhald.
Bipasha Mukherjee, 52 ára kona frá Kirkland í Washington, sagðist hafa verið að mótmæla á götunum frá því í maí og að það væri henni áhyggjuefni hve harkalegar aðgerðir lögreglunnar væru.
„Þetta er ekki landið sem ég fluttist til,“ sagði Mukherjee, sem kom til landsins frá Indlandi fyrir meira en 30 árum.
„Það er eins og að við séum óðfluga að verða að fasísku ríki og lögregluríki.“
Michaud Savage frá Seattle sagði að mótmælin beindust bæði  að staðbundnum yfirvöldum og því að alríkislögreglumenn hefðu verið sendir til að kveða niður hin langvarandi mótmæli í Portland.
Savage sagði að aðferðir lögreglunnar sem sést hafa í Portland og hafa meðal annars falið í sér notkun táragass og vopna til að tvístra hópum, væru hættulegar og óviðeigandi.
„Þetta er mjög hörð breyting í afar ofbeldisfulla átt,“ sagði Savage er hún skolaði piparúðann úr augunum og hlúði að sári á hendi sem hún hlaut af blossasprengju.
Dauði George Floyd við handtöku hans í Minneapolis í maí setti af stað fjöldamótmæli sem drógu milljónir manna út á göturnar í tugum borga, en mótmælin hafa fjarað út í flestum borganna.
Í Seattle og Portland hafa mótmælin hins vegar haldið áfram.
Mótmælendur í Seattle lögðu á einum tímapunkti undir sig nokkrar húsaraðir í Capitol Hill-hverfinu og lýstu því yfir að það væri sjálfstjórnarsvæði.
Eftir að byssuskot þar leiddu til þess að lögreglan rýmdi svæðið höfðu mótmælin fjarað út.
Á meðan hafa mótmæli haldið áfram í Portland, en þar hafa ein mestu mótmælin verið í kringum alríkisbyggingar í borginni.
Eftir að Trump forseti gaf út tilskipun um að verja skyldi styttur og alríkiseignir sendi heimavarnarráðuneytið sérsveitir til borgarinnar og þar með hófust átök sem hafa leitt til þess að mótmælendur hafa slasast, rannsóknir hafa farið stað hjá lögreglumálastjóra og leiðtogar í borginni hafa kallað eftir því að alríkislögreglumenn yfirgefi borgina.
Mótmælahópar í borginni hafa náð þúsundum og mótmæli þar voru enn í gangi.
Í þessari viku var sérsveit send til Seattle og mótmælendur nefndu það sem eina af ástæðunum fyrir mótmælum laugardagsins.
Mótmælin í Portland hafa fyrst og fremst farið fram í miðbænum en á laugardaginn breiddust þau aftur á móti út um svæði austan við miðbæjarkjarnann, þar sem bygging alríkisdómstóls borgarinnar er.
Gagnrýni um „Persana“: Forn frásögn Æskýlosar af ósigri
Það gerist ekki mikið og það er varla að finna söguþráð í „Persunum“.
Fólk einfaldlega væflast um, talar (reyndar nokkuð ákaft) um atvik (reyndar frekar sorgleg) sem áttu sér stað í fjarska.
Engu að síður leysir þessi leiksýning Gríska þjóðleikhússins úr læðingi mikinn kraft.
Þegar mest lætur slær sýningin mann eins og högg í bringspalirnar svo maður missir andann – áhrifin eru bara örlítið minni af því að horfa á hana á netinu.
„Persarnir“ eftir Æskýlos, sem var fyrst sviðsett árið 472 fyrir Krist, er talið vera elsta varðveitta gríska leikritið.
Þessi uppsetning Dimitris Lignadis var send út í beinni útsendingu á laugardaginn frá hinu forna hringleikahúsi Epídárus; í anda leikhússins er engin upptaka til á netinu.
Leikvangurinn var upphaflega hugsaður sem asklepíon (lækningamiðstöð) þar sem Grikkir töldu jafnvægi milli líkamans og sálarinnar vera nauðsynlegt fyrir góða heilsu.
Við mættum staðnæmast örlítið og íhuga þá heimspeki.
Sýningin fjallar um eftirmála Salamis, sjóorrustu þar sem Grikkir gjörsigruðu hinn mikla persneska her fyrir 2500 árum, þrátt fyrir að vera mun færri.
Nú þegar það þrengir að sjóndeildarhring okkar er það beinlínis svimavaldandi að tengjast áhorfendum í beinni útsendingu á netinu og horfa á (textaða) leikara alla leið frá Grikklandi flytja árþúsundagamalt leikrit.
Æskýlos barðist sjálfur við Salamis en í leikriti hans er óvænt vending: Þessi stríðsmaður sigurvegaranna segir söguna frá hlið hinna sigruðu og lítur á nauðir þessara nýlegu óvina sinna með nokkuð samúðarfullum augum.
Kór persneskra manna sem klæðast löngum drapplituðum pilsum og hvítum hnepptum skyrtum setja leikritið af stað.
Þeir eru í höfuðborginni og bíða óþreyjufullir frétta af konungi þeirra, Zexes, sem er að heyja bardaga við Aþenu.
Þá kemur til sögunnar móðir Xerzesar, ekkjan og drottningin Atossa (Lydia Koniordou), í nokkuð stórum svörtum kjól sem virðist klæðast henni, frekar er hún honum; hún er manneskja brynjuð klæðum, viðkvæm og óárennileg í senn.
Koniordou, sem er meðal merkustu leikkvenna Grikklands, þekkir hlutverkið út og inn – hún leikstýrði og lék aðalhlutverkið í fyrri útfærslu Gríska þjóðleikhússins á „Persunum“ sem var sýnd í New York City Center árið 2006 – og hún gefur sýningunni kjölfestu án þess að virðast gera ýkja mikið.
Hún stendur að mestu í miðju hringlaga sviðsins og stafar áreynslulaust frá sér rjúkandi reiði og þjakandi angist þegar fréttirnar berast um raunir heimahersins.
Óttinn sem greip um sig hjá fólkinu er staðfestur með átakanlegri nákvæmni af sendiboða (Argyris Pandazaras) frá vígvellinum.
Í algjörlega ótrúlegri senu segir hann frá bardaganum og tekur æðiskast á meðan kórinn dansar í kringum hann og dynjandi tónlist Giorgos Poulios vex upp í ærandi hávaða.
Síðar hitta þau fyrir látinn eiginmann Atossu (Nikos Karathanos) sem kallaður hefur verið til úr undirheimunum og Xerxes (Argyris Xafis), sem hefur á einhvern hátt sloppið lifandi úr brakinu.
Bönd á kyrtli hans tákna blóð (einstakir búningar Evu Nathena eiga hér sem fyrr þátt í að segja söguna).
Persónurnar harma mannslátin og eyðilegginguna í sameiginlegri sorgarstund.
Það er nokkuð algengt að reynt sé að gera klassískt leikhús í Bandaríkjunum aðgengilegra með einum eða öðrum hætti.
Oft er það gert með nokkuð natúralískri framsögn, til að gera textann minna framandi og auðskiljanlegri.
En Lignadis og leikhópur hans gangast að fullu upp í formlegri framsögn, sem hljómar ef til vill svolítið þvingað í eyrum nútímaáhorfenda en leggur áherslu á áhrifamikinn ryþmann í textanum.
Þrátt fyrir að tæknilega sé ekki um söng að ræða flytja aðalleikararnir fjórir sem dæmi í raun aríur og ná að skapa særandi kraft sem virðist ekki af þessum heimi.
Við gleymum því þó aldrei að rætur leikritsins eru í tilfinningum sem við þekkjum öll.
Queen og Adam Lambert: Brian May heldur upp á afmæli Rogers Taylor
Queen-goðsögnin á afmæli sama dag og Mick Jagger, söngvari The Rolling Stones, sem er nú 77 ára gamall.
Brian May átti 73 ára afmæli þann 19. júlí, síðastliðna helgi, og þakkaði hann aðdáendum sínum fyrir afmæliskveðjurnar.
Rokkstjarnan skrifaði skilaboð við mynd af honum og eiginkonu hans, Anitu Dobson: „Afmæliskvöldverður fyrir mig – sem Anita eldaði – við klæddum okkur upp til að vera heima!“
Háttsettur embættismaður Sameinuðu þjóðanna kemur sér hjá heimsókn til Pakistans og ber fyrir sig flugvandamál
ISLAMABAD (AP) – Næsti forseti allsherjarþings Sameinuðu þjóðanna tilkynnti á sunnudaginn að áætlaðri heimsókn hans til Pakistans yrðu frestað „vegna tæknilegra flugvandamála“.
Tyrkneski diplómatinn Volkan Bozkir var kjörinn forseti 75. þings allsherjarþings Sameinuðu þjóðanna í síðasta mánuði og átti að koma til Islamabad á sunnudaginn.
En í færslu á Twitter sagði hann að heimsókn sín til höfuðborgar Pakistans yrði að bíða.
Shah Mahmood Qureshi, utanríkisráðherra Pakistans, svaraði Bozkir á Twitter með orðunum „Ég hlakka til að bjóða þig velkominn til að eiga uppbyggilega og árangursríka viku í Pakistan fljótlega“.
Degi fyrr hafði Qureshi tilkynnt um heimsóknina, vongóður um að geta rætt við Bozkir um ýmis málefni, meðal annars Kasmír, sem er skipt milli Pakistans og nágrannaríkisins Indlands, en bæði ríkin gera tilkall til alls svæðisins.
Tvö af þremur stríðum milli Pakistans og Indlands hafa verið háð vegna þessa umdeilda svæðis frá því að það fékk sjálfstæði undan breskri stjórn árið 1947.
Löndin tvö skiptast oft á skotum í Kasmír og í röðum beggja hafa herliðar og óbreyttir borgarar fallið.
Pakistan vill að Sameinuðu þjóðirnar taki þátt í að leysa ágreininginn um Kasmír í samræmi við ályktunum þeirra með því að leyfa fólki sem býr á Himalajasvæðinu að ákveða hvort það vilji sameinast Indlandi eða Pakistan eða hvort það kjósi sjálfstæði.
Karlmaður handtekinn fyrir að myrða áfengissjúkan bróður í Greater Noida, segir lögregla
37 ára gamall maður var handtekinn á sunnudaginn vegna gruns um að hann hafi myrt bróður sinn, en lík hans fannst á afskekktu svæði fyrir viku síðan, í Greater Noida í Uttar Pradesh, að sögn lögreglu.
Hinn grunaði sagði lögreglu að áfengissýki og misgjörðir bróður hans gagnvart konum í fjölskyldu þeirra hefði angrað hann, og það leitt til glæpsins, að því er lögreglan segir frá.
Lík Bhisham Singh, íbúa í þorpinu Bisrakh í Greater Noida, fannst í runnlendi á afskekktu svæði fyrir um viku síðan.
Á líkinu voru stunguáverkar og skýrsla var gerð á lögreglustöðinni í Bisrakh og rannsókn málsins hafin, að sögn talsmanns lögreglunnar.
„Við rannsóknina leiddu sönnunargögn lögregluna til mannsins sem lést, og bróður hans, Deepak, og var hann yfirheyrður. Við yfirheyrslu játaði Deepak að hafa stungið bróður sinn til dauða. Hann sagði lögreglunni að Bhisham drykki oft áfengi, skapaði vandræði á heimilinu og hegðaði sér illa gagnvart konum í fjölskyldunni og þess vegna hefði hann ákveðið að drepa bróður sinn,“ sagði talsmaðurinn.
Hinn grunaði hefur verið handtekinn og kærður fyrir morð og tengd brot, sagði lögreglan.
Karlmaður með skotsár fannst í Mambourin nærri Werribee
Karlmaður var fluttur með hraði á sjúkrahús eftir að hafa orðið fyrir skoti í vesturhluta Melbourne í nótt.
Lögregla var kölluð á vettvang í Yard-götu í Mambourin nærri Werribee um klukkan 20, þar sem karlmaður á þrítugsaldri hafði fundist með grun um skotsár í neðri hluta líkamans.
Karlmaðurinn var fluttur á sjúkrahús og reyndust sárin ekki lífshættuleg.
Lögreglan sagði málið vera í rannsókn.
Mikil öryggisgæsla fyrir utan ræðisskrifstofu Bandaríkjanna í Chengdu í Kína
Mikil öryggisgæsla var fyrir utan ræðisskrifstofu Bandaríkjanna í borginni Chengdu í Kína á sunnudaginn er bandarískt starfsfólk hennar bjóst til að yfirgefa staðinn.
Þrjár flutningabifreiðar sáust fara inn í húsaþyrpinguna á meðan einkennisklæddir og óeinkennisklæddir lögreglumenn stilltu sér upp beggja vegna götunnar, sem var lögð málmtálmum.
Ritstjóri kínverska götublaðsins Global Times sagði á Twitter að ræðisskrifstofa Bandaríkjanna í Chengdu hefði fengið 72 klukkustundir til að loka, eða til 10:00 (02:00 GMT) mánudaginn 27. júlí.
Samkvæmt ásökun Kína stunduðu sumir starfsmenn á ræðisskrifstofunni í Chengdu „athæfi sem ekki samræmdist því hverjir þeir segjast vera“.
Án þess að gefa nokkrar upplýsingar um málið sagði talsmaður kínverska utanríkisráðuneytisins, Wang Wenbin, að þetta athæfi hefði með málefni Kína að gera og það skaðaði öryggishagsmuni landsins.
Skipun Kína um lokun ræðisskrifstofunnar í Chengdu var gefin út á föstudaginn til að hefna fyrir skipun Bandaríkjanna um lokun kínverskrar ræðisskrifstofu í Houston í Texas.
Washington skipaði Kína að loka skrifstofunni í Houston „til að verja hugverkaréttindi Bandaríkjanna og persónuupplýsingar Bandaríkjamanna“.
Þegar lokun kínversku ræðisskrifstofunnar tók gildi á föstudaginn sást hópur manna sem virtust vera bandarískir embættismenn brjótast bakdyramegin inn á svæðið.
Wang sagði á laugardaginn að það væri brot á alþjóðlegum og tvíhliða samningum og að Kína myndi bregðast við, án þess að taka fram með hvaða hætti.
Eftir að löndin höfðu goldið líku líkt hefur spenna milli landanna aukist vegna ágreinings um allt frá viðskiptum og iðnaðarnjósnum til mannréttinda.
Sunnudagur með Oliver Spencer: „Ég klæði mig ekki upp, sunnudagar eru fyrir þægileg föt“
Hvernig byrjar sunnudagurinn?
Ég staulast niður stigann og dett um hundinn á leið minni að laga tebolla fyrir konuna.
Ef ég er heppinn höfum við flúið London í strandhúsið okkar á Isle of Wight.
Við sitjum tvö saman og horfum yfir vatnið í þögninni.
Það hljómar friðsælt ...
Og það er það líka, alveg til klukkan 8:00 þegar tveir eða þrír af strákunum okkar berja á dyrnar og heimta morgunmat.
Það er beikon og egg fyrir þá, spínat og sveppir fyrir okkur, og svo ef veðrið er gott hendum við strákunum út.
Við syndum, förum á sjóbretti eða göngum um hið fallega Quarr-klaustur, sem lítur út eins og eitthvað beint úr Game of Thrones.
Og í útgöngubanninu?
Fyrstu tvær vikurnar var ég er algjörri afneitun, ég gat ekki trúað því að fyrirtækið mitt væri lokað.
Ég dreifði athyglinni með því að verða heltekinn af lífi og dauða nýplantaða gróðursins í garðinum mínum.
Annars hef ég verið að prófa mig áfram í eldhúsinu: bragðsterkur áll og shiitake-soð og brioche-brauð úr fituríkum rjóma er það sem stendur upp úr.
Hvernig slakarðu á?
Ég klæði mig ekki upp, sunnudagar eru fyrir þægileg föt, hálfsíðar íþróttabuxur og hvítan stuttermabol.
Eftir að hafa snætt ofnbakaðan kjúkling í hádegismat sest ég með blöðin á sólstól úti í garði og dotta.
Ég reyni að drekka ekki: Það hjálpar mér að hafa skýran haus þegar mánudagurinn kallar.
Sunnudagur sem stendur upp úr?
Eftir langt laugardagskvöld í 40 ára afmæli mágkonu minnar í New York ákvað kasólétt eiginkona mín að við þyrftum að fara að koma okkur.
Hún var ákveðin í að njóta sín, sagði fólki að þetta væri eftir allt saman hennar þriðja.
Við fórum úr veislunni og hún beint í hríðir.
Og hvernig er sunnudagskvöldið?
Um sjöleytið höfum við pakkað öllu í bílinn og erum komin um borð í ferjuna til Portsmouth.
Við keyrum A3 og erum komin til London, þar sem ný vika hefst. Þegar krakkarnir eru komnir upp í rúm fer ég út að ganga með hundinn og fæ mér skál af morgunkorni.
Mér finnst allt í lagi að yfirgefa Isle of Wight og halda aftur í borgina, því ég veit að ef ég gerði það ekki gæti ég ekki átt heimili þar.
Steinn frá Mars á heimleið eftir 600.000 ár á jörðu
Í vikunni verður litlum steini varpað út fyrir himinhvolfið í eina undarlegustu geimferð sögunnar.
Örlítið basaltstykki frá Mars sem er á stærð við tíu pensa mynt verður um borð í bandarískum könnunarróbóta sem skotið verður á fimmtudaginn í sjö mánaða langt ferðalag í átt að rauðu heimaplánetunni.
Þessi ótrúlega ferð, sem mætti kalla geimútgáfuna af því að senda kol til Newcastle, verður lykilhluti af Marsleiðangri Nasa árið 2020.
Geimverkfræðingar segja að steinninn, sem var gefinn Náttúruminjasafninu í Lundúnum, verði notaður til að kvarða nema um borð í könnunarróbótanum Perseverance þegar hann lendir og byrjar að leita að merkjum um líf á plánetunni.
Sumir af þeim loftsteinum sem við erum með frá Mars eru mjög viðkvæmir en við völdum þennan sérstaklega því hann er grjótharður
„Þegar kveikt er á mælitækjum og byrjað að stilla þau áður en þau eru notuð við rannsóknir þarf að kvarða þau með efni sem líkist óþekktu efnunum sem á að rannsaka.  Og hvað er betra til að rannsaka steina á Mars en brot sem kom þaðan?“ sagði prófessor Caroline Smith, sýningarstjóri loftsteina hjá Náttúruminjasafninu.
Vísindamenn eru vissir um að steinninn sem verið var að skila til Mars hefði komið þaðan, bætti Smith við, sem er einnig meðlimur vísindateymisins fyrir förina til Mars 2020.
„Örsmáar gasbólur sem festust inni í loftsteininum hafa nákvæmlega sömu samsetningu og andrúmsloftið á Mars og því vitum við að steinninn kom þaðan.“
Talið er að loftsteinninn frá Mars hafi myndast þegar smástirni eða halastjarna hrapaði á plánetuna fyrir um 600.000 til 700.000 árum síðan og dreifði brotum út í geim.
Eitt þessara brota sveif um sólkerfið og brotlenti að endingu á jörðinni.
Þessi loftsteinn, sem nú er þekktur sem SAU 008, fannst í Óman árið 1999 og hefur verið í umsjá Náttúruminjasafnsins síðan þá.
Á meðal mælitækja sem geimkönnuðurinn Perseverance er búinn er nákvæmur leysir sem nefndur er Sherloc, sem notaður verður til að greina efnasamsetningu steina og ákvarða hvort þeir innihaldi lífræn efni, sem eru til merkis um að líf hafi áður verið að finna, eða sé enn til staðar, á plánetunni Mars.
SAU 008 er ætlað að tryggja að þetta gerist með eins mikilli nákvæmni og mögulegt er.
„Þessi steinn sem við erum að senda var valinn sérstaklega vegna þess að hann er úr réttu efni hvað varðar efnafræðilega samsetningu en er einnig mjög harðgerður steinn,“ bætti Smith við.
„Sumir af þeim loftsteinum sem við erum með frá Mars eru mjög viðkvæmir. Þessi loftsteinn er alveg grjótharður.“
Þegar Perseverance hefur valið vænlegustu steinana sem hún getur fundið mun hún safna þeim á geymslustaði á yfirborði Mars.
Þeir verða svo sóttir síðar í öðrum róbótaferðum og varpað út í geim í átt að jörðu, þar sem þeir verða rannsakaðir.
Hið kristaltæra Tahoe-vatn hefur mengast vegna loftslagsbreytinga
Suður-Tahoe-vatn, Kalifornía – Þrátt fyrir heimsfaraldurinn safnast fólk enn saman á Pope-strönd við Tahoe-vatn.
„Mér finnst gaman að fara í útilegu og hjóla og synda í vatninu,“ sagði stúlka að nafni Dakota.
„Hér er mjög fallegt og allir vilja koma hingað,“ sagði Emerica Benitas.
Þess vegna gengur reksturinn enn vel hjá köfunarfyrirtæki Matt Meunier, jafnvel í heimsfaraldri.
Hann segir vatnið „ótrúlega tært. Tahoe-vatn er hreinasta og yndislegasta stöðuvatn landsins, held ég.“
Og nú vondu fréttirnar: Tahoe-vatn er ekki jafn hreint og tært og það var þegar hann flutti hingað fyrir ríflega tveimur áratugum.
„Við tökum meira og meira eftir breytingum niðri á klöppunum,“ sagði Meunier.
„Það er einhver skrýtinn þörungur á klöppunum.“
Vísindamenn telja að loftslagsbreytingar hafi haft áhrif á hitastig vatnsins, og þar með tærleikann.
Og 15 milljónir manna heimsækja vatnið á hverju ári – með því rusli sem þeim fylgir.
Meunier sagði að í köfunarferðum til að hreinsa vatnsbotninn hefði gamalt rusl fundist.
„Og þegar ég segi gamalt rusl á ég við fá sjöunda og áttunda áratugnum,“ sagði Meunier.
„Bjórdósir, gosdósir, upptakaradósir frá því í gamla daga.“
Vísindamenn mæla tærleika Tahoe-vatns á hverju ári með því að láta hvítan disk falla í vatnið og mæla á hve miklu dýpi hann sést.
Geoff Schladow, prófessor við UC Davis sagði það vera „mikilvægan vísi um heilbrigði vatnsins“.
Þegar tærleiki stöðuvatnsins var mældur í fyrra var hann um 24 metrar.
Það þýðir að diskurinn sást sökkva niður á 24 metra dýpi.
En það sem þarf að athuga er að fyrir 20 árum var tærleiki vatnsins rúmir 30 metrar.
Þessari þróun reyna vísindamenn nú að snúa við.
Það er þó ærinn starfi því þeir þurfa að berjast gegn áhrifum loftslagsbreytinga, uppbyggingu umhverfis vatnið og nokkru sem var bætt í vatnið á sjöunda áratugnum: smávaxinni ágengri rækjutegund sem ætlað var að fæða fiskana.
Það gekk ekki.
„Þegar rækjan var komin í vatnið voru allt í einu engin náttúruleg hreinsiöfl í vatninu,“ sagði Schladow.
Sama vandamál er til staðar í öðrum vötnum og vatnasvæðum víða um heim.
„Lærdómurinn hér er að ef þetta er ekki hægt í Tahoe-vatni, hvaða von er þá fyrir allar árnar og árósana, lækina og stöðuvötnin í landinu sem aldrei munu fá sömu athygli eða njóta sama fjármagns?“ sagði Schladow.
Meunier sagði að hann væri „vongóður“ því „ef hægt er að taka eitthvað gott úr faraldrinum er það að hann hefur sýnt að náttúran mun taka við sér og græða sig sjálf ef við bara léttum af áganginum á henni, ágangi mannanna, og leyfum þessu að gerast. Við höfum séð þess dæmi.“
212 veikjast af salmonellu í 23 ríkjum
25. júlí (UPI) – Miðstöð sjúkdómaeftirlits og sjúkdómavarna rannsakar salmonellufaraldur, en 212 manns hafa veikst í 23 ríkjum.
Í fréttatilkynningu á föstudaginn greindi CDC frá því að 87 hefðu veikst frá því upplýsingar voru síðast veittar um faraldurinn á fimmtudaginn.
Stofnunin sagði að fólk hefði byrjað að sýna einkenni sem tengist afbrigði salmonellu þar sem einkenni koma fram eftir tvær til fjórar vikur, á tímabilinu milli 19. júní og 11. júlí.
Þrjátíu og einn hefur lagst inn á spítala frá upphafi faraldursins en ekki hefur verið greint frá dauðsföllum.
Samkvæmt CDC hefur ekki tekist að rekja uppruna þessa salmonelluafbrigðis.
Stofnunin hefur ekki gefið út viðvaranir gegn því að neyta tiltekinna matvæla, né nefnt söluaðila sem gætu verið að selja mengaðar vörur.
Flest tilfelli salmonellu hafa komið upp í Oregon, eða 51 sýking, en Utah er skammt á eftir með 40 tilkynnt tilfelli.
Salmonella er bakteríusjúkdómur sem smitast með matvælum og veldur 1,35 milljónum sýkinga, 26.500 sjúkrahúsinnlögnum og 420 dauðsföllum á hverju ári samkvæmt CDC.
Algengustu einkenni salmonellusýkingar eru niðurgangur, hiti og magakrampi, og geta byrjað sex klukkustundum til sex dögum eftir smit.
Veikindin vara yfirleitt í fjóra til sjö daga og flestir ná sér án meðferðar, en í sumum tilfellum er þörf á sjúkrahúsinnlögn.
Íbúð og ókeypis menntun fyrir eggjasalann Paras Raykar í Indore eftir að vagni hans var velt vegna meintra 100 rúpía mútna
Lögreglumenn í Indore voru sakaðir um að hafa velt eggjavagni Paras Raykar á fimmtudaginn.
Tveimur dögum eftir að frásögnin um að lögreglumenn hefðu velt vagni hins 13 ára gamla eggjasöludrengs frá Indore fór á flug á samfélagsmiðlum hefur pilturinn fengið yfirgnæfandi stuðning frá fólki hvaðanæva af landinu, svo hann nái að komast yfir tapið og koma rekstrinum í gang að nýju.
Fjölskylda drengsins sagði að stjórnmálamenn, meðal annars leiðtogi þingsins, Rahul Gandhi, og aðalráðherrann Delhi Arvind Kejriwal, hefðu haft samband við þau og boðið þeim stuðning sinn.
Fjölskylda drengsins fékk einnig íbúð og vilyrði um að menntunarkostnaður barna í fjölskyldunni yrði greiddur.
Lögreglumenn í Indore voru sakaðir um að hafa velt eggjavagni Paras Raykar á fimmtudaginn, en þar hafa yfirvöld sett reglur um „vinstri-hægri“-tvískiptingu á opnunartíma verslana í kórónuveirufaraldrinum.
Myndbandið þar sem drengurinn heldur því fram að lögreglumenn hafi varað hann við því um morguninn að fjarlægja vagninn eða greiða 100 rúpíur í mútur hafði farið á flug á samfélagsmiðlum.
Þegar hann neitaði að verða við því veltu lögreglumennirnir vagninum svo öll eggin brotnuðu, að sögn drengsins.
Drengurinn hélt því einnig fram í myndbandinu að dagleg sala hans hefði minnkað vegna heimsfaraldursins og að birgðirnar sem þarna hefðu tapast gerðu fjárhagsstöðu hans enn erfiðari.
Síðan á fimmtudaginn hefur fjölskylda drengsins fengið yfirgnæfandi stuðning frá fólki víðsvegar um landið sem margt hvert hefur boðið fram bæði peninga og aðstoð.
Fjölskyldan hefur einnig fengið hjálp frá heimafólki.
Fyrrverandi aðalráðherrann Digvijaya Singh hefur boðið fram fjárhagsaðstoð og aðstoð við að koma börnunum í skóla og Ramesh Mendola, þingmaður BJP frá Indore, hefur boðist til að tryggja barninu húsnæði samkvæmt Pradhan Mantri Awas Yojana.
Indore Press Club hefur einnig boðið drengnum matarbirgðir og peninga.
Skrifstofa þingleiðtogans Rahul Gandhi og Arvind Kejriwal, aðalráðherra Delí, hafa einnig boðið fram aðstoð sína.
Stuðningurinn frá fólki víðsvegar um landið er yfirþyrmandi.
Ramesh Mendola (þingmaður BJP) hefur einnig útvegað íbúð samkvæmt átakinu Pradhan Mantri Awas Yojana.
Hann útvegaði einnig hjól og 2.500 rúpíur.
Digvijaya Singh hefur boðið 10.000 rúpíur og boðist til að tryggja menntun barnanna tveggja.
Skrifstofa Rahul Gandhi hringdi einnig og bauð fram aðstoð sína.
Kona hringdi frá Arvind Kejriwal, aðalráðherra Delí, og bauð fram aðstoð.
„Jyothiraditya Scindia hefur einnig boðið fram aðstoð sína,“ sagði afi Paras.
Gætið ykkur á garðyrkjutrixum sem líta of vel út
Hugsanlega er vandræðalegt að grasafræðingur viðurkenni þetta, en ég fell algjörlega fyrir allskonar garðyrkjutrixum.
Ég vil meina að það sé vegna þess að ég er með opinn huga eða kannski bjartsýnni en góðu hófi gegnir, sérstaklega þar sem margir hlutir í plöntuheiminum eru oft alls ekki augljósir.
En ég skammast mín ekki fyrir að segja að ég hef fallið fyrir mörgum slíkum trixum í lífi mínu í garðyrkjunni.
Þrátt fyrir að ég trúi staðfastlega á gildi þess að prófa hlutina upp á eigin spýtur þá eru hér nokkur af algengustu garðyrkjutrixunum sem ég hef kynnst, ef þið nennið ekki að brenna ykkur á þeim sjálf.
Fyrst er það ef til vill versti skúrkurinn – hin ágrædda tómata- og kartöfluplanta.
Ágræðslu tómatplantna á kartöflurætur hefur verið fagnað sem byltingarkenndri nýjung en er í raun gamalt furðuverk úr grasafræðinni sem nær aftur til að minnsta kosti 3. áratugar síðustu aldar.
Þar sem plönturnar eru báðar af sömu ætt og að miklu leyti með svipaðar „pípulagnir“ er sannarlega hægt að skapa slík undur með ágræðslu.
En vandamálið er þetta: Það krefst mikillar orku að framleiða ávexti og rætur og ef plöntur reyna gera hvort tveggja er óhjákvæmilegt að takmörkuð orka þeirra skiptist í tvennt.
Það þýðir að uppskera þessara ágræddu plantna er skelfileg og ekkert á við það sem er sýnt á auglýsingamyndum.
Svo má nefna þá staðreynd að kartöflur og tómatar vaxa á mismunandi hraða, svo að til að taka upp kartöflur þar að drepa plönturnar áður en tómatarnir hafa þroskast.
Og talandi um auglýsingamyndir, þá er þar ýmislegt vafasamt að finna.
Ég hef séð rósir fótósjoppaðar himinbláar og ávaxtatré með fleiri ávexti á greinum en er lífeðlisfræðilega mögulegt, í sumum stórum vörulistum.
Ég hef meira að segja séð ljósmyndir sem hafa verið „fengnar að láni“ af Instagram-reikningnum mínum og notaðar til að sýna ræktunarferlið í sjónvarpsauglýsingum.
Því miður þýðir athæfi lítils minnihluta kærulausra fyrirtækja að þú þarft að líta auglýsingamyndir mjög gagnrýnum augum, sérstaklega á netinu.
Og ef þær líta út fyrir að vera of góðar til að vera sannar er það líklega raunin.
Talandi um það, þá er blái liturinn tiltölulega sjaldgæfur í plöntuheiminum, svo ef þú sérð splunkunýtt og fallegt beitilyng, orkídeu eða kaktus í rúðuúðabláum lit er nánast öruggt að um litarúða eða litarefni er að ræða.
Sem er fínt ef söluaðilinn tekur það skýrt fram, en svo er sjaldnast.
Bláar phalaenopsis-orkídeur fá upprunalegan hvítan lit sinn aftur en ólíklegt er að kaktusar og beitilyng sem úðuð eru með litarefnum sem útilokar sólarljós lifi lengi.
Loks verð ég að vekja athygli á bonsai-ræktunarsettum, eða það sem verra er bonsai-fræjum, þar sem fullyrt er að smávaxnar plöntur vaxi úr pakkningunum.
Bonsai-tré eru ekki plöntutegund.
Þetta er þjálfunaraðferð sem er notuð til þess að líkja eftir aldagömlum trjám á fjarlægum fjallstindum.
Þau eru nær alltaf búin til úr þroskuðum runnum sem eru klipptir til og vöxturinn mótaður með vírum.
Ég veit að ég mun áfram falla fyrir svona trixum, það er hluti af því sem er svo gaman við að prófa sig áfram.
En ég mæli með að þú sleppir þessum og þá rambar þú kannski á eitt sem virkar í alvörunni.
Gwyneth Paltrow vill að börn tileinki sér góð grunngildi
Gwyneth Paltrow hefur sagt að hún vilji ala börn sín þannig upp að þau búi yfir góðu vinnusiðferði því hún vill ekki að þau „fái hlutina upp í hendurnar“.
Paltrow á tvö börn, Apple (16) og Moses (14), með fyrrverandi eiginmanni sínum Chris Martin, og hún vill að þau tileinki sér góð gildi og komist ekki áfram vegna frægðar foreldranna.
„Þess vegna finnst mér þetta svo mikilvægt ... að ala upp barn sem býr yfir vinnusiðferði og gildum sem samræmast þínum eigin, sem hefur góða sjálfsmynd, og svo framvegis,“ sagði hún í hlaðvarpsviðtali við Rob Lowe.
„Sannleikurinn er sá að sumir fá dyr opnaðar fyrir sér, en svo eru aðrir sem leggja mikið á sig án árangurs.“
„Sem foreldri hugsar maður að það eina sem er hægt að gera fyrir þessi börn er að kenna þeim muninn á réttu og röngu og kenna þeim hvað vinna er,“ bætti hún við. „Ég hef virkilega reynt að tryggja að þau fái ekki allt upp í hendurnar.“
Paltrow hefur einnig reynt að gera börnum sínum kleift að njóta einkalífs í eins miklum mæli og mögulegt er og tryggir að þau hafi aðganga sína á samfélagsmiðlum lokaða.
„Ég leyfi þeim ekki að vera með opið fyrir nokkra samfélagsmiðla eða eitthvað slíkt, ég reyni að halda þeim frá kastljósi fjölmiðla eins og hægt er“ sagði hún.
„Þetta er öðruvísi núna, þú veist, því börnin segja „Má ég vera með YouTube-rás?“ og ég segi „Nei, þú mátt það ekki.
Alls ekki.““
Narendra Modi forsætisráðherra segir á minningarathöfn til heiðurs Kargil-hetjunum að Pakistan hafi reynt að „stinga Indland í bakið“
Pakistan reyndi að „stinga Indland í bakið“ þrátt fyrir tilraunir þess til að halda samskiptum landanna friðsamlegum, sagði Narendra Modi forsætisráðherra í dag í ávarpi til hersins í tilefni þess að 21 ár er liðið frá Kargil-stríðinu.
Í mánaðarlegu Mann ki Baat-útvarpsávarpi sínu sagði forsætisráðherrann að „Pakistan hafi ráðist í þennan misheppnaða slag með þeim illa ásetningi að hertaka landsvæði Indlands og beina athyglinni frá ágreiningi innanlands“.
„Pakistan sýndi þá bíræfni að reyna að hertaka indverskt land og beina athygli frá ólgu í eigin landi,“ sagði hann.
„Indland var á þessum tímapunkti að leitast við að bæta samskipti sín við Pakistan.  En eins og sagt er þá er það eðli illskunnar að slá frá sér.  Fólk sem er þess eðlis getur aðeins hugsað um að gera illt, jafnvel þeim sem reyna að gera þeim gott.  Þess vegna stakk Pakistan Indland í bakið þrátt fyrir tilraunir Indlands til að halda samskiptunum vinsamlegum,“ sagði hann.
„Þið getið ímyndað ykkur, óvinaherinn var hátt á fjöllum uppi á meðan herafli okkar barðist við þá neðan frá.  En góður og sannur andi herafla okkar sigraðist á fjöllunum,“ bætti hann við.
„Þökk sé hugrekki herafla okkar sýndi Indland mikinn styrk í Kargil,“ sagði Modi forsætisráðherra er hann minntist heimsóknar sinnar til svæðisins.
Kargil Diwas er haldið hátíðlegt á hverju ári á þeim degi þegar indverski herinn endurheimti allar indverskar útvarðarstöðvar sem pakistanski herinn hafði hertekið 21 ári fyrr.
26. júlí 1999 lýsti herinn yfir að „Operation Vijay“ hefði heppnast.
Fleiri en 500 indverskir hermenn létust í nærri þriggja mánaða átökum í ísilögðum fjallshlíðum Ladakh-fjalls.
Fyrr í dag vottuðu varnarmálaráðherrann Rajnath Singh, undirráðherra hans Shripad Naik, starfsmannastjóri hersins Bipin Rawat herforingi, herstjórinn M M Naravane, flugherstjórinn Marshal R K S Bhadauria og sjóherstjórinn Karambir Singh, einnig virðingu sína á Amar Jawan Jyoti við herminnisvarða þjóðarinnar.
Samskipti Indlands og Pakistans hafa verið stirð á áratugunum eftir Kargil-átökin, eftir röð hryðjuverkaárása.
Indland hefur staðið fast á því að viðræður og hryðjuverk fari ekki saman og að Pakistan þurfi að leysa upp allar hryðjuverkabúðir þar í landi.
Lögreglumenn í Kenía handteknir eftir banvæn byssuskot í Garissa
Tveir lögreglumenn í Kenía hafa verið handteknir í tengslum við dauða tveggja einstaklinga sem urðu fyrir skoti.
Mennirnir voru skotnir á Soko Ng‘ombe-markaðinum í austurhluta Garissa-sýslu á laugardaginn í miðjum mótmælum gegn handtöku manns sem er grunaður um morð.
Greint hefur verið frá því að fórnarlömbin tvö hétu Aden Abdi Madobe og Muhiyadin Adow Shibin.
Eftirlitsstofnun lögreglunnar í Kenía hefur hafið rannsókn á þessari skotvopnanotkun.
Þar á meðal fer fram tæknileg rannsókn á byssum lögreglumannanna.
Aden Duale, þingmaður í Garissa, kallaði dauðsföllin „svívirðileg“ og fordæmdi „ofbeldi lögreglunnar“ í yfirlýsingu á Facebook.
Baráttufólk hefur lýst yfir áhyggjum af störfum lögreglunnar í heimsfaraldrinum.
Samkvæmt Amnesty International hafa lögreglumenn í Kenía drepið 21 manns síðan í mars fyrir að fylgja ekki forvarnaraðgerðum vegna kórónuveirunnar, svo sem útgöngubanni og grímuskyldu.
Fyrr í mánuðinum beitt lögreglan í höfuðborginni táragasi og handtók fjölda mótmælenda sem tóku þátt í hinni árlegu Saba Saba-göngu – mótmælum sem fyrst fóru fram fyrir 30 árum gegn einveldisstjórn þáverandi forsetans Daniels arap Moi.
Viðmælendur fréttastofunnar segja að harðræði lögreglunnar í útgöngubanninu vegna Covid-19 hafi kynt enn frekar undir mótmælunum í ár.
Bavíanar í safarígarði sjást vopnaðir hnífum, skrúfjárnum og KEÐJUSÖG er „hrekkjalómar gefa þeim vopn til að skemma bíla“
Prímatarnir í safarígarðinum Kowsley á Merseyside hafa löngum verið þekktir fyrir að stökkva þá sem nema staðar innan afgirta svæðisins og rífa af rúðuþurrku eða spegil.
Bavíanar hafa verið vopnaðir hnífum, skrúfjárnum og jafnvel keðjusögum í safarígarðinum Knowsley á Merseyside.
Starfsfólk óttast að hrekkjalómar séu færa öpunum hrekkjóttu vopnin, en þeir eru þekktir fyrir að hlaupa að hverjum þeim sem nemur staðar og rífa af rúðuþurrkur og spegla.
Starfsfólk óttast nú að gestir gefi þeim banvæn vopn „í gríni“ til að gera árásirnar harðari og aparnir hafa jafnvel sést róta í verkfærakössum sjálfir.
Einn starfsmaður garðsins sagði við The Sunday Times: „Við erum ekki viss um hvort þeir fái vopnin frá gestum sem vilja sjá þá ráðast á bíla, eða hvort þeir séu að veiða þau úr pallbílum og sendiferðabílum.“
„Þeir fara bókstaflega í verkfærakassa fólks og bera þá með sér. Einn bavíananna sást draga keðjusög á eftir sér.“
Annar starfsmaður sagði: Bavíanarnir hafa sést með hnífa og skrúfjárn. Ég velti því fyrir mér hvort sumir gestanna séu að rétta þeim þetta.“
Og árásir bavíana eru svo óumflýjanlegar að bifvélavirkjar víða um norðvesturhluta Englands þekkja afgirta svæðið vel.
Einn bifvélavirki í Sale nálægt Manchester sagði að fólk vissi hverju mætti búast við í garðinum og að hann hefði fengið tvo viðskiptavini á þessu ári sem urðu fyrir árásum bavíananna.
Hann bætti því við að eina mínútuna vildu krakkarnir fá apa á bílinn og þá næstu væri ekkert bílnúmer á honum – en þetta sé vandamál sem gefur verkstæðinu ágætlega í aðra hönd.
Knowsley opnaði aftur 15. júní með öryggisráðstöfunum vegna Covid-19 eftir að hafa staðið fast á því að garðurinn væri jafnöruggur og bílalúga McDonald's þar sem gestir fara ekki úr bílum sínum á fimm mílna löngum safaríakstrinum.
Garðurinn, sem er 550 ekrur og heimili ljóna, tígrisdýra, nashyrninga, gnýja og kameldýra, hafnaði fréttum um vopnaða apa sem flökkusögu.
Talsmaður sagði: „Við trúum því að margar þessara sagna hafi verið blásnar upp eftir því sem þær hafa verið sagðar oftar, með ýkjum til að þeir hlutir sem stundum finnast á svæðinu hljómi meira spennandi og ótrúlegri.“
Árið 2012 hleypti bílaframleiðandinn Hyundai 40 öpum úr garðinum í nýja kynslóð i30-bíla sinna í 10 klukkustundir til að sanna að þeir byggju yfir þeim styrk sem þarf fyrir fjölskyldur með lítil börn.
Angóla: Pedalé-sjúkrahúsið fært undir heilbrigðisráðuneytið
Lúanda – Forseti lýðveldisins, João Lourenço, ákvað á föstudaginn að færa umsjón Pedro Maria Tonha Pedalé-sjúkrahússins, sem verið er að byggja í Lúanda, yfir á verksvið heilbrigðisráðuneytisins.
Skrifstofa forseta lýðveldisins hefur gefið út að þessari aðgerð sé ætlað að uppfylla markmið ríkisstjórnarinnar um byggingu og stækkun almenningssjúkrahúsa til að tryggja betri heilbrigðis- og lyfjaþjónustu fyrir íbúa landsins.
„Í þessu tilfelli er hugmyndin að gefa Angólabúum aðgang að sérfræðisjúkrahúsi búnu nútímatækni sem getur með mikilli nákvæmni greint og veitt meðferð við flóknum sjúkdómum,“ segir í skjalinu.
Í skjalinu er lögð áhersla á að ákvörðun þjóðhöfðingja Angóla tekur einnig mið af fólksfjölgun í landinu, sem hefur skapað „gríðarmikla þörf“ fyrir góða heilbrigðisþjónustu í hinum ýmsu sérfræðigreinum.
Í skjalinu segir einnig að þessi eftirspurn réttlæti sérhæfðar meðferðir flókinna sjúkdóma, kennslu og rannsóknir, aðgerðir á sviði augnlækninga og mæðra- og ungbarnalækningar á sjúkrahúsinu, en skipulag og stjórnun þessara sviða eigi heima hjá heilbrigðisráðuneytinu.
Fleiri en 200 slökkviliðsmenn kallaðir til vegna Karen-eldanna í Jurupa Valley – CBS Los Angeles
JURUPA VALLEY (CBSLA) – eldur braust út síðdegis á laugardaginn í borginni Jurupa Valley og fleiri en 200 slökkviliðsmenn fóru á vettvang.
Tilkynnt var um Karen-eldsvoðann rétt eftir klukkan 15 á Sierra Avenue og Karen Lane.
Eldurinn hafði breiðst út frá um 5-10 ekrum í um 250 ekrur klukkan 20.
Við síðustu athugun hafði náðst stjórn á 50% eldanna og 225 slökkviliðsmenn frá Cal Fire, slökkviliðsdeild Riverside-sýslu, slökkviliðsdeild Corona-borgar og slökkviliði San Bernardino-sýslu voru á staðnum til að slökkva eldana.
Framgangur eldanna hefur verið stöðvaður en gert er ráð fyrir því að slökkviliðsmenn verði á vettvangi yfir nóttina til að fylgjast með aðstæðum.
Ekki hefur verið tilkynnt um meiðsli á fólki eða skemmdir á mannvirkjum og rýming hefur ekki verið fyrirskipuð.
Sierra Avenue hefur verið lokað milli Armstrong og marka San Bernardino-sýslu.
AP gagnrýnir Kayleigh McEnany, fjölmiðlafulltrúa Hvíta hússins, fyrir „pólitíska“ blaðamannafundi – en blaðamenn halda áfram að spyrja pólitískra spurninga – RT USA News
Associated Press hefur sakað Kayleigh McEnany, fjölmiðlafulltrúa Hvíta hússins, um að valda fjölmiðlum áhyggjum með því að gera fréttamannafundi sína pólitíska frekar en til upplýsingagjafar – en virðist þó gleyma því að það er fréttafólksins að ákveða spurningarnar.
Í grein frá því á laugardaginn frá AP, stærstu fréttastofu Bandaríkjanna, segir að hefð hafi verið rofin á fréttamannafundum Hvíta hússins þar sem McEnany hefði gert þá að „straumlínulagaðri og ákafri auglýsingu fyrir forseta sem leitast eftir endurkjöri, vettvangi fyrir árásir á fjölmiðla þar sem tiltölulega litlar upplýsingar er að fá,“ um það sem ríkisstjórnin er að gera.
Síðasta fullyrðingin er óvefengjanleg, þar sem nánast engar nýjar upplýsingar eru veittar á fundunum.
Það sem AP minntist þó ekki á er að það er nánast aldrei kallað eftir nýjum upplýsingum á fundunum.
Fréttamenn nota oft fréttamannafundi Hvíta hússins til að vekja athygli á sér, sem er listform sem Jim Acosta hjá CNN hefur náð fullkomnum tökum á.
Þeir ganga mun lengra en í hefðbundnum átökum fjölmiðla og ríkisstjórnar og apa hver eftir öðrum með spurningum sem einungis er ætlað að koma höggi á Donald Trump forseta.
Í sumum tilfellum gera þeir sig sjálfa að fréttaefni, eins og þegar Weijia Jiang, fréttamaður CBS News, brást við tilsvarinu „spurðu Kína“ frá Trump með því að bera fram lítt dulda ásökum um rasisma: „Hvers vegna segir þú þetta við mig, sérstaklega?“
Fréttamannafundurinn 6. júlí var gott dæmi um það hvernig fréttamannafundirnir hafa ekki lengur upplýsingalegt gildi fyrir Bandaríkjamenn.
Trump birti færslu á Twitter um morguninn um að sjónvarpsáhorf á NASCAR hefði minnkað vegna rangra ásakana um hatursglæp ökumannsins Bubba Wallace og ákvörðunar fyrirtækisins að banna birtingu Suðurríkjafánans á viðburðum þess.
Það var fyrirsjáanlegt að flestar spurningarnar snerust um tístið, þar sem hver fréttamaðurinn á fætur öðrum spurði McEnany spurninga sem gerðar voru til þess að fá hana til að segja að Trump styddi Suðurríkjafánann.
McEnany gaf ekki þau svör sem blaðamennirnir vildu – ummæli sem myndu koma Trump illa – en hún svaraði því endurtekið að forsetinn tæki ekki afstöðu varðandi Suðurríkjafánann og að kjarninn í skilaboðum hans væri að NASCAR-aðdáendur væru ranglega málaðir upp sem rasistar.
AP sagði að hún hefði hljómað eins og að hún væri að missa þolinmæðina á fundinum.
Frétt AP var í sama anda og pistill fréttamannsins Jonathan Karl hjá ABC News í Washington Post fyrr í mánuðinum, en hann er einnig forseti Samtaka fréttamanna í Hvíta húsinu.
Karl hélt því fram að það að „hafna raunveruleikanum og nota ræðupúlt Hvíta hússins eingöngu í pólitískum tilgangi væri brot gegn trausti almennings.“
Engu að síður hafa skörp hugsun hennar og átakastíll gert hana að hetju sumra stuðningsmanna Trumps frá fyrsta fréttamannafundi hennar 1. maí eftir að hafa tekið við sem fjölmiðlafulltrúi í apríl.
Fréttamannafundir höfðu ekki verið haldnir í meira en ár áður en hún var ráðin.
Samband fjölmiðlafulltrúa Hvíta hússins hefur tekið miklum breytingum í forsetatíð Trumps, rétt eins og aðrir þættir í stjórnmálalífi Washington.
Þessi breyting kom frá báðum hliðum áður en McEnany kom til sögunnar.
„Roast“-ræða grínistans Michelle Wolf um fjölmiðlafulltrúann Sarah Huckabee Sanders á kvöldverði blaðamanna í Hvíta húsinu í apríl 2018 var svo grimmileg að jafnvel kynnirinn Mika Brzezinski hjá MSNBS kallaði hana „hneykslanlega“.
Jill Colvin, blaðamaður AP í Hvíta húsinu, bauð McEnany velkomna á fyrsta fréttamannafundinum með því að spyrja „Munt þú heita því að ljúga aldrei að okkur frá þessu púlti?“
Stjórnmálagreinandinn Brit Hume hjá Fox News, sem hefur meira en 50 ára reynslu af fréttamennsku og var aðalfréttamaður ABC í Hvíta húsinu á árunum 1989-1996 sagði að fréttamenn hefðu í dag sýnt „árásargjarna hegðun“ í fundarherberginu vegna fyrirlitningar þeirra á Trump.
Það er vegna áherslu þeirra á andstöðu gegn Trump sem fréttamenn eru að vanrækja það að leita frétta um stefnumál, var haft eftir honum í vikunni í þættinum Tucker Carlson Tonight á Fox.
„Þetta snýst ekki bara um að koma höggi á fólk,“ sagði Hume um tilgang fréttmannafundanna.
Fundirnir eru ekki ætlaðir fyrir tilraunir til að koma embættismönnum í vandræði. Þeir snúast um að afla upplýsinga.“
Uppfærðar fréttir um ferðalög á tímum kórónuveiru: Í hvaða löndum gilda ferðatakmarkanir fyrir Búlgara við komu
Vaxandi fjöldi landa hefur sett takmarkanir á ferðalög.
Frá þessari viku krefst Tékkland kórónuveiruprófa fyrir árstíðabundið vinnuafl frá Búlgaríu.
Danmörk leyfir Búlgara aðeins á sínu landsvæði ef þeir eru með skráða búsetu þar, ráðningarsamning eða skjal sem staðfestir viðskiptaferð.
Frá og með deginum í dag hefur fólk sem ferðast til Ítalíu og hefur heimsótt Búlgaríu og Rúmeníu síðustu 14 daga þurft að fara í sóttkví.
Í Finnlandi eru heimsóknir til landsins einungis leyfðar með „gildri ástæðu“.
Í Austurríki er skylda um sóttkví á heimili þrátt fyrir neikvæða niðurstöðu úr PCR-prófi.
Þessi krafa er þegar í gildi fyrir þá sem fara til Þýskalands.
Næstu 14 daga verður engum hleypt inn í suðurhluta Rúmeníu án góðrar ástæðu.
Grikkland hefur einnig hert enn frekar á aðgerðum á landamærum sínum að aðliggjandi löndum.
Utanríkisráðuneytið hefur tilkynnt um að frá þriðjudeginum þurfi þeir sem ferðast með flugi frá Búlgaríu til Grikklands að framvísa til landamæravarða neikvæðri niðurstöðu úr PCR-prófi fyrir kórónuveiru sem tekið er síðustu 72 klukkustundir fyrir komu til nágranna okkar í suðri.
Tekið er fram að aðeins farþegum sem framvísa vottorði fyrir slíkt próf verði hleypt inn í landið.
Það verður að vera gefið út á ensku og bera nöfnin og númerin þrjú af vegabréfi eða skilríkjum farþegans.
Yfirvöld nágranna okkar í suðri munu ekki samþykkja vottorð sem ekki uppfylla þessi skilyrði
„Ferðalangar þurfa að fara í RT-PCR-próf á rannsóknarstofu með töku sýnis úr munni eða nefi.“
Próf fyrir kórónuveiru verða tekin gild ef þau eru framkvæmd á viðurkenndum tilvísunarrannsóknarstofum í landinu, rannsóknarstofum heilbrigðisyfirvalda eða einkareknum rannsóknarstofum sem bera vottun frá þar til bærri vottunarstofnun í landinu (ekki endilega sérstaklega vegna COVID-19).
Þessar kröfur gilda ekki um gríska ríkisborgara, ríkisborgara sem búa í Grikklandi eða fólk sem ferðast af mikilvægum ástæðum vegna atvinnu.
Utanríkisráðuneyti Grikklands tilkynnti einnig að þriðjudaginn 28. júlí og miðvikudaginn 29. júlí yrðu farþegar sem ekki gefst tími til að fara í próf fyrir ferðina að fara í próf hjá grískum yfirvöldum við komuna til landsins.
Enn er í gildi krafan um að ríkisborgarar sem ferðast með flugi til Grikklands þurfi með minnst 24 fyrirvara að fylla út rafrænt staðsetningareyðublað sem býr til QR-kóða sem sýna verður grískum yfirvöldum við komu í landið.
Nánari upplýsingar eru birtar á travel.gov.gr
Eins og er hefur engin breyting verið gerð á kröfu um ferðir um landamærin milli Búlgaríu og Grikklands.
„Fólk sem ferðast landleiðina til Grikklands þarf óháð ríkisfangi einnig að fylla út rafrænt staðsetningareyðublað sem býr til QR-kóða minnst 24 klukkustundum fyrir komu,“ segir utanríkisráðuneytið.
Lokanir landamærastöðvanna í Ilinden, Kapitan Petko Voyvoda og Makaza hafa aukið umferð um landamærin nærri Petrich.
Engin vandamál hafa komið upp við aðlögunina.
Engar raðir hafa myndast af vörubifreiðum.
Allir þeir sem bíða komast til sjávar í Grikklandi.
Ferðamenn þurfa að bíða í um eina og hálfa klukkustund eftir því að komast fram hjá turninum.
Þrjár af landamærastöðvunum milli Búlgaríu og Grikklands eru opnar.
Aðeins „Ilinden - Exohi“ og þessi hluti Ivaylovgrad eru lokaðar.
Sameinuðu þjóðirnar segja þúsundir vígamanna sem berjast gegn Pakistan vera í Afganistan
ISLAMABAD – Í skýrslu Sameinuðu þjóðanna kemur fram að fleiri en 6000 pakistanskir uppreisnarmenn séu í felum í Afganistan og flestir þeirra tilheyri hinum útlæga pakistanska talíbanahópi sem ber ábyrgð á árásum gegn pakistanska hernum og pakistönskum borgurum.
Í skýrslunni sem gefin var út í vikunni kemur fram að þessi hópur innan vébanda Íslamska ríkisins, sem gengur undir nafninu Tehrik-i-Taliban (TTP), hafi tekið höndum saman við samstarfshóp sinn í Afganistan.
Sumir af meðlimum TTP hafa meira að segja gengið til liðs við þennan samstarfshóp Íslamska ríkisins sem hefur höfuðstöðvar í Austur-Afganistan.
Ríkisstjórn Afganistans svaraði ekki fyrirspurnum Associated Press á sunnudaginn.
Í skýrslunni segir að Íslamska ríkið í Afganistan, sem gengur undir heitinu IS í Khorasan-héraðinu, hafi orðið fyrir miklu falli vegna aðgerða afganskra öryggissveita sem og sveita Bandaríkjanna og NATO og jafnvel afganskra talíbana stöku sinnum.
Skýrslan var tekin saman af greiningar- og refsiaðgerðaeftirlitshópi Sameinuðu þjóðanna, sem fylgist með hryðjuverkahópum um allan heim.
Í skýrslunni er áætlað að meðlimir IS í Afganistan séu 2200 og að þrátt fyrir að fækkað hafi í hópi forystumanna sé hinn sýrlenski Abu Said Mohammad al-Khorasani enn á meðal leiðtoga IS.
Í skýrslunni kemur einnig fram að eftirlitshópurinn hafi fengið upplýsingar um að tveir háttsettir stjórnendur Íslamska ríkisins, Abu Qutaibah og Abu Hajar al-Iraqi, hafi nýlega komið til Afganistan frá Mið-Austurlöndum.
„Þrátt fyrir að (Íslamska ríkið) hörfi frá landsvæðum er það enn fært um að gera skæðar árásir í ýmsum hlutum landsins, þar á meðal Kabúl.
Það leitast einnig við að fá baráttumenn talíbana sem eru andvígir samkomulaginu við Bandaríkin til að ganga til liðs við sig,“ segir í skýrslunni, og er þar vísað til friðarsamkomulags Bandaríkjanna og talíbana frá því í febrúar.
Samkomulagið var gert til þess að Bandaríkin gætu bundið enda á 19 ára veru sína í Afganistan og samkvæmt því skulu talíbanar tryggja að landsvæði þeirra verði ekki notuð af hryðjuverkahópum.
Samkomulaginu er einnig ætlað að tryggja fulla þátttöku talíbana í baráttunni gegn IS.
Annar hluti samkomulagsins og ef til vill sá mikilvægasti kallar eftir viðræðum milli talíbana og pólitískra leiðtoga í Kabúl.
Síðla laugardags gaf utanríkisráðuneyti Bandaríkjanna út yfirlýsingu um að friðarfulltrúi þess, Zalmay Khalilzad, væri aftur á ferð um svæðið til að koma viðræðunum af stað á ný, en þeim hefur ítrekað verði frestað vegna ágreinings um samkomulag um að leysa fanga úr haldi.
Samkvæmt samkomulaginu, sem stutt er af Bandaríkjunum, mun ríkisstjórn Afganistans leysa 5000 hermenn talíbana úr haldi og talíbanar leysa úr haldi 1000 ríkisstarfsmenn og hermenn sem merki um velvild áður en frekari viðræður fara fram.
Ríkisstjórnin hefur hingað til neitað að leysa nærri 600 fanga úr hópi talíbana sem hún kallar hættulega glæpamenn og boðist til að leysa aðra úr haldi í staðinn.
Talíbanar hafa ekki samþykkt þetta.
„Aðilarnir hafa aldrei verið nær því að hefja viðræður innan Afganistans, sem er lykillinn að því að binda enda á 40 ára stríð í Afganistan,“ sagði í yfirlýsingu utanríkisráðuneytis Bandaríkjanna.
„Þrátt fyrir að mikið hafi áunnist í átt að fangaskiptum er frekari aðgerða þörf til að leysa að fullu úr því máli.“
Pólitískur talsmaður talíbana sagði fyrr í vikunni að þeir væru tilbúnir til að eiga viðræður við stjórnmálaleiðtoga Kabúl að lokinni íslömsku hátíðinni Eid al-Adha í lok mánaðarins, að því gefnu að fangaskipti hafi farið fram.
Viðvera hermanna í Afganistan er mikið áhyggjuefni fyrir Pakistan, sérstaklega þeirra sem tengjast TTP, Jamaat-ul-Ahrar eða Lashkar-e-Islam, auk frelsishers Balúkistans, sem hefur lýst yfir ábyrgð á skæðum árásum í þessum mánuði í suðurhluta Sindh-héraðs og suðvesturhluta Balúkistanhéraðs.
Í þessum mánuði hafa margir liðsmenn pakistanska hersins fallið í átökum við uppreisnarmenn í suðvesturhluta Balúkistanhéraðs.
TTP lýsti á hendur sér einni af hryllilegustu árásunum í Pakistan árið 2014, þegar ráðist var á pakistanskan herskóla og 140 létust.
Flestir þeirra voru nemendur og sumir allt niður í fimm ára gamlir.
„Áætlað er að alls séu 6000 til 6500 erlendir pakistanskir hryðjuverkamenn í Afganistan, sem eru ógn fyrir bæði löndin, og flestir tilheyra þeir TTP,“ segir í skýrslunni.
Par úðað með PIPARÚÐA í hundagarði fyrir að nota ekki andlitsgrímur á meðan það snæddi hádegisverð (MYNDBAND) – RT USA News
Grímusmánun er eitt en hrein og klár líkamsárás er annað.
Par sem snæddi hádegisverð með hvolpinum sínum í hundagarði í Kaliforníu varð fyrir því síðarnefnda þegar ævareið kona úðaði þau með piparúða fyrir að neita að setja á sig grímur ... á meðan þau borðuðu.
Ash O'Brien og eiginmaður hennar Jarett Kelley segjast hafa verið að fá sér að borða í hundagarðinum Dusty Rhodes í San Diego á fimmtudaginn og var þriggja mánaða gamall pug-hvolpur þeirra með í för.
Parið hafði tekið grímurnar af sér til að borða þegar „einhver gömul kona“ gekk að þeim og kallaði þau „fávita“ fyrir að setja ekki á sig grímur, jafnvel þótt „þú getir ekki haft á þér grímu og borðað á sama tíma“.
O'Brien bað konuna um að fara úr garðinum og hætta að áreita hana og þá tók konan upp piparúðabrúsa og úðaði á parið.
Myndband sem vitni tók upp sýnir Kelley reyna að ná úðabrúsanum af konunni og fá úða í andlitið að launum.
O'Brien heyrist gráta í bakgrunni er árásarkonan gengur í burtu með hundum sínum.
O'Brien deildi myndbandinu á Facebook og sagði ABC 10 að hún vildi að konan færi í fangelsi.
Fólki er skylt að bera andlitsgrímu í Kaliforníuríki, jafnvel undir berum himni.
Aðeins má fjarlægja grímu í ákveðnum aðstæðum, svo sem til að borða eða drekka.
Hins vegar stendur hvergi í leiðbeiningum ríkisins um kórónuveiruna að vegfarendur megi nota vopn til að framfylgja þessum reglum.
Jafnvel á þessum tímum „grímusmánunar“ er það enn glæpur sem getur þýtt sekt upp á 1.000 dali eða þrjú ár í ríkisfangelsi.
Paul Pogba gefur vísbendingu um framtíð sína eftir að Mancester United tryggir sér sæti í Meistaradeildinni
Paul Pogba, stjarna Manchester United, hefur gefið til kynna að hann muni halda kyrru fyrir hjá félaginu þetta sumar eftir að Rauðu djöflarnir tryggðu sér eitt af fjórum efstu sætunum.
2-0 sigur gegn Leicester færði United þriðja sætið, á undan Chelsea sem er undir stjórn Frank Lampard.
United var 14 stigum á eftir Leicester fyrir aðeins 12 leikjum en mögnuð leikjaruna varð til þess að Rauðu djöflarnir enduðu á meðal fjögurra efstu liðanna.
Búist hafði verið við því að Pogba myndi yfirgefa liðið í sumar eftir hafa tvisvar beðið um lausn frá liðinu síðustu tvö ár.
Hins vegar hefur heimsfaraldurinn gert það að verkum að fá félög munu eyða miklum fjárhæðum í sumar og enginn kaupandi er til sem gæti bæði haft efni á kaupverði Pogbas og launum hans til að lokka hann frá Old Trafford.
Það hefur hjálpað Pogba á síðustu vikum að fá þetta á hreint, þar sem frammistaða hans og líkamstjáning hafa batnað.
Og Frakkinn gaf nýjustu vísbendinguna um að hann ætli sér að vera áfram hjá félaginu með færslu á Instagram eftir 2-0 sigur liðsins.
Þrátt fyrir að Pogba gæti einfaldlega verið að fagna endurkomu félagsins í keppnina túlka margir stuðningsmenn færsluna sem sterka vísbendingu um að hann verði áfram hjá félaginu þegar það keppir að nýju á meðal þeirra bestu í Evrópu.
Pogba á ár eftir af samningi sínum en liðið getur framlengt hann um 12 mánuði, sem þýðir að hann á í raun tvö ár eftir.
Stjórnendur United vilja gjarnan framlengja samning Pogbas og vilja fá stöðu hans á hreint fyrir næsta tímabil.
Fyrri sitt leyti líður Pogba vel hjá félaginu og hefur notið góðs af komu Bruno Fernandes.
Portúgalski leikstjórnandinn hefur slegið í gegn á Old Trafford og koma hans hefur gert Pogba kleift að spila dýpra á miðjunni, sem hefur einnig létt lund hans.
Lánveitendur á netinu vara við því að lánaáætlun fyrir lítil og meðalstór fyrirtæki missi marks
Geiri lítilla fyrirtækja, sem stóru bankarnir veita oft ekki nægilega athygli, hefur í auknum mæli leitað fjármögnunar hjá lánveitendum á netinu.
Hins vegar sagði Callaghan að lánveitendur á netinu væru í óhagstæðri stöðu miðað við stóru bankana þar sem þeir hefðu ekki aðgang að jafn ódýrri fjármögnun og þar af leiðandi næði lánatryggingakerfi fyrir lítil og meðalstór fyrirtæki ekki að skila árangri.
„Ég held að það hafi líklega misst marks vegna alls þess fólks sem hringir í okkur og býst við því að það geti fengið mjög ódýra fjármögnun frekar en að yfirvöld ábyrgist 50% af láninu,“ sagði hann.
„Svo það hringir í okkur og verður fyrir miklum vonbrigðum þar sem búið er að skapa væntingar þarna úti um að það sé afsláttur í boði, á meðan kostnaður okkar við fjármögnun hefur ekkert breyst.“
Callahan bætti við að ef fjármálatæknifyrirtæki hefðu aðgang að ódýrari fjármögnun og gætu velt henni áfram til lítilla fyrirtækja væri það kerfi „gefið mál“.
„Þetta hefur verið svolítil pattstaða því stóru bankarnir hafa aðgang að ódýrari fjármögnun en eru áhættufælnari svo þeir lána í raun ekki í sama mæli, þeir geta ekki fengið aðgang að gögnunum og finna ekki fyrir trausti nema þú eigir eign,“ sagði hann. „Fyrr en við fáum aðgang að þessari ódýru fjármögnun tel ég að á markaðnum sé búið að blása upp hversu vinsælt kerfið verður.“
Moula í Melbourne tekur einnig þátt í kerfinu og forstjórinn Aris Allegos sagði að það ætti að láta lítil fyrirtæki njóta góðs af ávinningnum af 50% ábyrgðinni í kerfi ríkisstjórnarinnar en að mismunandi lánveitendur beittu mismunandi aðferðum.
„Ég get skilið að hugsanlega eru aðrir sem ekki komast í gegnum þessa kostnaðarsamsetningu,“ sagði hann.
„Þetta gæti verið vegna þess hvernig fjármögnunin er skipulögð og gæti einnig verið vegna þeirra flokka sem verið er að lána til og hvernig áhættan innan þessara flokka er metin.“
Allegos vildi ekki gefa upplýsingar um fjölda lána sem Moula hefði veitt samkvæmt kerfinu en hann sagði að uppfærða kerfið væri „grundvallarviðurkenning á því sem þarf að breytast“ til að gefa lánveitendum og lántökum meiri sveigjanleika.
Hins vegar sagðist hann hafa mestar áhyggjur af „tveggja hraða hagkerfinu“ sem nú væri í gangi og áhrifum þess á lítil fyrirtæki.
„Stærsta vandamálið sem Moula hefur staðið frammi fyrir, og lánveitendur með tilliti til lítilla fyrirtækja, er þessi alkunni veggur sem við rekumst á og hvernig við sigrumst á honum,“ sagði hann.
„Almennt talað hefur eftirspurnin ekki náð því stigi sem hún var á fyrir COVID en hún er að aukast.“
Netlánaveitan Prospa, sem er skráð í ASX-kauphöllinni, vildi ekki gefa upp hve mikil lán fyrirtækið hefði veitt samkvæmt kerfinu þar sem upplýsingarnar væru viðkvæmar í viðskiptalegu tilliti en forstjórinn Greg Moshal sagði að framlenging ríkisstjórnarinnar á kerfinu væri vel þegin.
Við styðjum allar viðbætur við kerfið sem gefa litlum fyrirtækjum aðgang að fjölbreyttum fjármögnunarvörum sem uppfylla þarfir þeirra, þar á meðal sveigjanlegum sjóðstreymisvörum yfir styttra tímabil,“ sagði hann.
Union Chain-brúin milli Skotlands og Englands er 200 ára gömul
Brú sem tengir Skotland og England er 200 ára gömul og til stendur að gera 10 milljón punda endurbætur á henni.
Union Chain-brúin liggur yfir Tweed-ána frá Fishwick í Scottish Borders yfir til Horncliffe í Northumberland.
Þegar hún var opnuð árið 1820 var hún heimsins lengsta hengibrú úr smíðajárni, 137 metrar að lengd (449 fet).
Hún var einnig fyrsta akstursbrú sinnar tegundar í Bretlandi.
Brúin var hönnuð af Samuel Brown, kapteini í breska sjóhernum.
Hann fékk einkaleyfi á og hóf framleiðslu á keðjum úr smíðajárni eftir að hafa horft á eftir skipum í eigu breska sjóhersins sem fórust er þau losnuðu frá reipum.
Hollvinafélag brúarinnar (Friends of the Union Chain Bridge) og Stofnun byggingarverkfræðinga (Ice) í Skotlandi hafa fagnað tveggja alda afmæli brúarinnar.
Robert Hunter, meðlimur í hollvinafélaginu, sagði: „Þetta er svo sannarlega ein af sögufrægustu brúum heims og heillandi mannvirki frá sjónarhorni verkfræðinnar.
„Við höfðum skipulagt ýmsa viðburði til að fagna afmælinu en því miður þurfti að fresta þeim.
Hins vegar er sú staðreynd að brátt mun vinna að 10 milljón punda endurbótum hefjast besta mögulega afmælisgjöfin og þessar endurbætur munu tryggja að komandi kynslóðir geti notið brúarinnar í allri sinni dýrð.“
Hannah Smith, stjórnandi Ice í Skotlandi, lýsti brúnni sem hluta af verkfræðisögu Skotlands sem oft sé litið fram hjá.
Hún sagði: „Við vitum að hún er rómuð um allan heim og það er frábært að vinna að endurbótum á henni muni fljótlega hefjast.“
Kanye West segist geta sigrað Joe Biden „án þess að vera á kjörseðli“ – RT USA News
Eftir að hafa nýlega opinberað fjölskylduvandamál á Twitter hefur rapparinn kynngimagnaði enn á ný blásið lífi í forsetaframboð sitt sem mikil óvissa hefur ríkt um með því að halda því fram að hann gæti sigrað Joe Biden með einungis atkvæðum sem greidd eru frambjóðanda sem ekki er á kjörseðli.
Nokkrum dögum eftir að hafa tilkynnt um nýja plötu og opinberað að hann hafi verið að reyna að skilja við eiginkonu sína Kim Kardashian í tvö ár beindi Kanye West athygli sinni aftur að forsetaframboði sínu árið 2020 á laugardaginn með tilkynningu í hástöfum þar sem hann lýsti því yfir að „ÉG GET SIGRAÐ BIDEN ÁN ÞESS AÐ VERA Á KJÖRSEÐLI“.
Ef West er enn alvara um að bjóða sig fram til forseta gætu atkvæði til frambjóðanda sem ekki er á kjörseðli vera eina leið hans til sigurs, eða raunar eina leiðin til þess að fá atkvæði.
Rapparinn tilkynnti um framboð sitt 4. júlí, eftir að fresturinn til að skrá framboð hafði runnið út í að minnsta kosti sex ríkjum.
Engu að síður hélt West áfram ótrauður og skilaði nauðsynlegum gögnum til Alríkiskosninganefndarinnar (FEC) og fékk nafn sitt á kjörseðla í Oklahoma.
Síðan þá hefur hann haldið einn kosningafund þar sem hann ávarpaði gesti í skotheldu vesti og hélt ræðu sína án hljóðnema eða ræðupúlts.
West lýsti andstöðu sinni gegn þungunarrofi og grét er hann hélt kristilega ræðu sem hann sagði að myndi fá fjölmiðla til að „segja að ég sé brjálaður“.
Einnig á rt.com Kanye West heldur því fram að hann hafi reynt að skilja við Kim Kardashian og sakar hana og tengdamóður sína „Kris Jong Un“ um HVÍTA KYNÞÁTTAHYGGJU
Það var vissulega rétt og kosningafundi West hefur á fréttasíðum og slúðurtímaritum verið lýst sem kynningarbrellu, merki um andleg veikindi eða hvort tveggja.
Hins vegar naut West tveggja prósenta fylgis á landsvísu samkvæmt nýlegri könnun, jafn Jo Jorgensen í Frjálslynda flokknum og prósentustigi ofar en Howie Hawkings hjá Græningjum.
Þrátt fyrir að afar ólíklegt sé að hann geti sigrast á því 48% prósenta fylgis sem Biden er sagður hafa gæti hann fræðilega séð náð að stela nægilega mörgum atkvæðum af Biden til þess að Donald Trump forseti fái kosningu í sitt annað kjörtímabil – nokkuð sem fréttaskýrendur á báðum vængjum stjórnmálanna grunar að gæti verið það sem vakir fyrir honum.
Shivraj Singh Chouhan um Covid-greininguna
Shivraj Singh Chouhan, aðalráðherra Madhya Pradesh, sem staðfesti á laugardaginn að hann hefði greinst með COVID-19, birti færslu á Twitter á laugardagsmorgun þar sem hann sagðist hafa það „fínt“ og hrósaði framlínustarfsfólki í baráttunni við kórónuveiruna.
Aðalráðherrann endurtók einnig viðvaranir sínar frá því í gær, þegar hann hvatti fólk til að fylgja reglum, svo sem um félagsforðun og notkun andlitsgríma.
„Ég hef það gott, vinir mínir.  Það ber að hrósa vinnu þeirra sem berjast gegn kórónuveirunni, sem eru svo ósérhlífnir að setja eigin líf í hættu.  Ég hylli alla þá sem berjast gegn kórónuveirunni í ríkinu,“ sagði Couhan á Twitter frá Chirayu-sjúkrahúsinu í Bhopal, þar sem hann lagðist inn í gær.
„Haldið tveggja metra fjarlægð, þvoið hendur oft og notið andlitsgrímur – þetta eru helstu vopn okkar til að forðast kórónuveiruna.  Ég biðla til alls fólks – notið þessi vopn fyrir ykkur og ástvini ykkar,“ sagði hann.
„Farið öll gætilega, verið örugg og heilbrigð.  Ég bið til Guðs um það,“ bætti Chauhan við.
Á laugardaginn hafði Chauhan tíst að hann hefði greinst með veiruna þrátt fyrir að gera sitt allra besta til að forðast smit og varaði við því að „aðeins örlítil óvarkárni býður kórónuveirunni heim“.
Chouhan sagði í Twitter-færslu í morgun að þrátt fyrir hættu á smiti væri „engin ástæða til að óttast“ og hvatti þá sem sýna einkenni til að fara í próf.
„Ef þú hefur smitast þarftu ekkert að óttast.  Ekki fela einkennin heldur segðu læknum strax frá svo það megi hefja meðferð.  Meðferð í tæka tíð er rétta leiðin til heilsu,“ sagði hann.
Nærri 27.000 tilfelli af COVID-19 hafa greinst í Madhya Pradesh, en þar af eru 7600 virk smit, og 799 dauðsföll tengjast veirunni.
COVID-19-smitum hefur fjölgað mikið síðustu vikur, og fleiri en 45.000 ný tilfelli hafa greinst á hverjum degi frá 23. júlí.
Heildarfjöldi staðfestra kórónuveirusmita nálgast óðfluga 1,4 milljónir, en þar af eru 467 þúsund virk smit og fleiri en 32.000 dauðsföll vegna veirunnar.
Þessi aukning tilfella samhliða stigskiptri afléttingu á reglum um samkomutakmarkanir á landsvæðum þar sem útgöngubann er ekki í gildi hefur fært Indland upp í þriðja sæti á lista yfir þær þjóðir sem hafa orðið verst fyrir barðinu á veirunni.
Staðan er aðeins verri í Bandaríkjunum (4.178.000 tilfelli) og Brasilíu (2.394.000 tilfelli).
Rahul Gandhi fer með Rajasthan-málið til fólksins
Rahul Gandhi, þingmaður Kongressflokksins, birti í dag myndband á Twitter þar sem hann hvatti fólk til að mótmæla BJP-flokknum vegna atburðanna í Rajasthan.
Í færslunni sem var á hindí, merkt með myllumerkinu #SpeakUpForDemocracy, hvatti hann fólk til að „sameinast og láta í okkur heyra fyrir lýðræðið“.
Kongressflokkurinn áformar mótmæli víða í landinu vegna ástandsins í Rajasthan, þar sem ríkisstjórn Ashok Gehlot berst fyrir lífi sínu.
Flokkurinn sagði að mótmæli yrðu haldin fyrir utan Rashtrapati Bhavan, opinbert aðsetur Ram Nath Kovind forseta.
Í myndskeiðinu sakaði Kongressflokkurinn Bharatiya Janata um að „rífa í sundur stjórnarskrána og leggja lýðræðið í rúst“ á meðan allt landið berst við kórónuveiruna.
Það sama hefur verið gert í Madhya Pradesh, sagði Kongressflokkurinn.
„Við krefjumst þess að þingfundur verði haldinn án tafar, það er stjórnarskrárbundinn réttur okkar,“ sagði flokkurinn í myndbandinu.
Ríkisstjóri Rajasthan, Kalraj Mishra, hefur hafnað einni tillögu um að kalla til þingfundar.
Önnur tillaga var lögð fram í dag og hann sagðist vera að skoða hana.
Ríkisstjórn Gehlot hefur átt í miklum erfiðleikum eftir að þingmaðurinn Sachin Pilot snerist gegn honum og fékk stuðning fjölda meðlima Kongressflokksins.
Flokkurinn hefur ekki getað vikið uppreisnarseggjunum af þingi til að ná meirihlutamarkinu niður á þinginu.
Pilot – sem hefur verið leystur úr embætti í flokknum og ríkisstjórninni – hefur fengið tímabundna undanþágu frá vanhæfi frá hæstarétti Rajasthan, sem komst að þeirri niðurstöðu að forseti þingsins gæti ekki gripið til aðgerða fyrr en stærri stjórnskipulegu spurningunni um vald hans hefði verið svarað.
Þessi spurning verður tekin til umræðu í hæstarétti á morgun, en þá verður einnig ákveðið hvort dómstóll geti skorist inn í ákvarðanir forseta þingsins.
Kongressflokkurinn er með aðeins eins manns meirihluta í 200 manna þinginu.
30 þingmenn Kongressflokksins segjast styðja Pilot en til þessa benda vísbendingar til þess að þeir séu aðeins 19.
72 þingmenn eru í Bharatiya Janata og auk samstarfsflokka og óháðra nýtur hann stuðnings 97.
Ef rétturinn úrskurðar Pilot í vil getur Kongressflokkurinn misst aðra af þremur ríkisstjórnum sem hann hefur myndað í miðsvæðisríkjunum eftir kosningarnar 2018.
Í mars féll ríkisstjórn Kamal Nath í Madhya Pradesh eftir að Jyotiraditya Scindia gekk til liðs við Bharatiya Janata með 22 félögum hans í Kongressflokknum.
Barcelona „er með heilt lið til sölu“ í sumar þar sem Coutinho, Dembele, Rakitic og Vidal hafa allir verið settir á sölulista
BARCELONA verður þekkt sem sölulið í sumar, samkvæmt fréttum.
Stórliðið í La Liga hefur sett hvorki fleiri né færri en 12 leikmenn úr aðalliðinu á sölulista samkvæmt Marca.
Barcelona mun hafa sett Philippe Coutinho á sölulista
Á meðal leikmannanna eru Philippe Coutinho, Ousmane Dembele, Ivan Rakitic og Samuel Umtiti, sem allir eru eftirsóttir af liðum í ensku Úrvalsdeildinni.
Coutinho og Umtiti hafa báðir verið orðaðir við Arsenal og Chelsea hefur einnig haft augastað á Brasilíumanninum.
Á meðan eru Manchester United og Tottenham sögð berjast um að njóta krafta Rakitic.
Franski heimsmeistarinn Dembele, sem hefur ekki fengið að leika mikið á Camp Nou, var nýlega orðaður við skipti til PSG fyrir Neymar.
Aðrir leikmenn sem liðið telur sig ekki hafa not fyrir eru Neto, Nelson Semedo, Junior Firpo, Arturo Vidal, Martin Braithwaite, Carles Alena, Rafinha Alcantara og Jean-Clair Todibo.
Barcelona vonast til að þessi hreinsun muni ekki aðeins bæta fjárhaginn heldur einnig liðka til fyrir félagsskipti í framtíðinni.
Ousmane Dembele mun einnig vera á útleið
Samkvæmt spænsku dagblaði hefur Barcelona þegar sett saman lista yfir leikmenn fyrir næsta tímabil og er argentínski framherjinn Lautaro Martinez efstur á þeim lista.
Inter Milan vill þó enn fá 101 milljón punda greidda samkvæmt klásúluákvæði áður en það fer í viðræður við Katalóníuliðið.
Barcelona þarf að selja áður en það getur keypt en forráðamenn liðsins eru vissir um að þeir geti náð samkomulagi við liðið úr Seria A.
Barcelona „býður Arsenal Philippe Coutinho í skiptum fyrir vandræðagemsann Guendouzi“ á meðan Arsenal reynir að losa sig við miðjumanninn
Borgarstjóri Kansas City fagnar aðstoð alríkislögreglunnar við lausn morðmála en hefur áhyggjur af ásetningi Trumps
Quinton Lucas, borgarstjóri Kansas City í miðvesturhluta landsins, lýsti á sunnudaginn yfir efa um ásetning Trumps þegar hann sendi alríkislögreglumenn í bandarískar borgir og sagði að þrátt fyrir að hann tæki fagnandi við aðstoð við að leysa röð morða í borginni teldi hann að aðgerðin gæti frekar snúist um að halda lífi í von Trumps um endurkjör.
„Það angraði mig nokkuð í vikunni [að] forsetinn minntist á mótmælin vegna George Floyd, minntist á Black Lives Matter-hreyfinguna,“ sagði demókratinn Lucas í „Fox News Sunday“ um mótmælin sem staðið hafa yfir vegna kynþáttamisréttis og lögregluofbeldis.
„Þetta er ekki tilfellið í Kansas City. Það hefur verið aukning ár frá ári [en] það sem við þurfum í raun aðstoð við er að leysa sum hinna óleystu morðmála.“
„Reynum að halda skýrum fókus á að leysa morðmálin ... ég held að ef þú hlustar á nýlegar yfirlýsingar ... vinnum við með glöðu geði með alríkislögreglumönnum að afmörkuðum málum,“ bætti Lucas við.
Lucas sagði að þrátt fyrir að vera opinn fyrir því að leyfa alríkislögreglumönnum að vinna með lögreglu á staðnum hefðu rök Trumps – sérstaklega í ljósi ágreiningsins um þær aðferðir sem alríkislögreglumenn hafa beitt er í Portland í Oregon – hafa fengið marga af kjósendum hans til að láta í ljós áhyggjur af viðveru alríkislögreglumanna í ríkinu.
„Það sem við þurfum ekki, að mínu mati, er að alríkislögreglumenn geri illt verra til þess að búa til spennandi pólitískt bitbein, sagði hann.
Trump tilkynnti á miðvikudaginn að hann væri að senda 100 alríkislögreglumenn til Chicago til að aðstoða við löggæslu vegna aukinnar tíðni tiltekinna glæpa, en þessi aðgerð markar aukið inngrip Hvíta hússins inn í löggæslu á staðarvísu og tengist áframhaldandi yfirlýsingum Trumps um að hann sé forseti „laga og reglna“.
Þetta „flóð“ alríkislögreglumanna til Chicago og annarra bandarískra borga sem tilkynnt var um á miðvikudaginn er hluti af aðgerðinni Operation Legend, sem er nefnd eftir hinum fjögurra ára LeGend Taliferro sem var skotinn til bana í svefni á heimili sínu í Kansas City í lok síðasta mánaðar.
Þrátt fyrir að fordæmi sé fyrir því að alríkislögreglumenn séu sendir til að aðstoða lögreglu – í desember tilkynnti dómsmálaráðherrann Bill Barr um svipað átak fyrir sjö borgir sem ofbeldi hafði aukist í – hefur það valdið embættismönnum ríkja og borga áhyggjum að sjá hvers konar menn eru sendir og hvernig aðferðir þeir nota.
Fjöldi þingmanna frá New York jafnt sem Portland hafa mótmælt ákvörðun ríkisstjórnar Trumps um að senda alríkislögreglumenn í sínar borgir, sérstaklega eftir að tilkynnt hefur verið um að óþekktir alríkislögreglumenn hafi handtekið mótmælendur í Portland og fært þá af vettvangi í ómerktum ökutækjum.
Í Portland hafa verið nær dagleg mótmæli gegn ofbeldi lögreglunnar og kerfisbundnum rasisma frá dauða George Floyd við handtöku hans í Minneapolis þann 25. maí.
Yfirvöld á staðnum hafa einnig kvartað yfir því að koma alríkislögreglumanna hafi einungis aukið á spennuna, og sérfræðingar í refsirétti segja að aðgerðirnar séu óútskýranlegar vegna þessarar fordæmalausu stöðu í Bandaríkjunum – með heimsfaraldri, sögulegu atvinnuleysi og fjöldamótmælum gegn rasisma og meðferð lögreglunnar á hörundsdökku fólki.
Egypskur dómstóll sendir mann sem myrti þrjú börn í geðmat
Ríkissaksóknari Suður-Minya, Tamer Motea, dæmdi á sunnudaginn bónda til fjögurra daga fangelsisvistar á meðan beðið er rannsóknar á því hvers vegna hann myrti börn sín þrjú, og sendi hann einnig til að gangast undir mat hjá nefnd geðlækna.
24. júlí kastaði hinn 56 ára gamli Mohamed Ali börnum sínum, Khadiga, fjögurra ára, Mena, átta ára og Omar, sex ára, í veg fyrir lest á ferð á Mallawi-járnbrautastöðinni.
Ali blaðraði samhengislaust meðan á rannsókn stóð, sem leiddi til gruns um að hann hefði orðið fyrir taugaáfalli.
Eiginkona hans neitaði því að hann hefði komið illa fram við hana og tengdi hegðun hans við geðræn vandamál.
Þorpsbúar Massart Mallawi neituðu að ræða um atvikið og vottuðu aðeins fjölskyldu barnanna samúð sína.
Um það bil 93 prósent egypskra barna á aldrinum eins til 14 ára verða fyrir ofbeldi, sagði Khalid Darwish, ráðgjafi Æskulýðs- og mæðraráðs í nóvember.
Málssókn er ein mikilvægasta stoðin til þess að útrýma misnotkun á börnum, bætti hann við, og lagði áherslu á mikilvægi samvinnu milli ráðsins og ákæruvaldsins hvað þetta varðar.
Samkvæmt rannsókn Æskulýðs- og mæðraráðs verða börn fyrir ofbeldi á stöðum sem eiga að vera öryggir, til dæmis á heimilum, í skólum eða tómstundastarfi, og af hendi fólks sem á að annast þau, svo sem foreldrum eða kennurum.
Uppljóstrarar um gyðingaandúð í Verkamannaflokknum krefjast þess að Corbyn verði sagt úr flokknum eða ákærður
Fréttir herma að Verkamannaflokkurinn gæti þurft að greiða á milli 3 og 8 milljón pund í skaðabætur.
Nú er þrýst á leiðtogann Keir Starmer að reka Corbyn úr flokknum.
Í gærkvöldi sagðist fyrrverandi starfsfólk flokksins myndu hætta við málaferli ef Corbyn yrði vikið úr flokknum.
Til þessa hefur Verkamannaflokkurinn neitað að tjá sig um þessa kröfu.
Hins vegar sagði Jon Trickett, þingmaður flokksins: „Þetta er fáránleg krafa.“
Stuðningsmenn Corbyn sögðu að Starmer þyrfti að einbeita sér að viðbrögðum Íhaldsmanna við kórónuveirunni í stað þess að blanda sér aftur í innri átök Verkamannaflokksins.
Heimildarmaður sem áður var í Verkamannaflokkinum sagði Daily Mail að málsókn yrði hafin jafnvel þótt Corbyn yrði rekinn úr flokknum.
„Ég meina, hann hefur virkilega gert Verkamannaflokkinn samkeppnishæfan aftur.“
„Það er enn mikið verk óunnið í stefnumálum en hann hefur farið virkilega vel af stað og komið sér á stað þar sem margir sem höfðu í raun gefist upp á Verkamannaflokknum, semsagt kjósendur, ég held að þeir hugsi sig nú aftur um og sjái hann sem alvöru stjórnmálamann.
Blair hafði áhyggjur af því að enn væri litið á Verkamannaflokkinn sem skattaglaðan.
„Mín reynsla af sköttum og setu í Verkamannaflokknum er að það þarf að fara mjög gætilega, því almenningur þarna úti situr ekki og hefur áhyggjur af því hvort þú ætlir að hækka skatta eða ekki, hann hefur líklega áhyggjur af því að þú ætlir að hækka skatta svo þú þarft bara að hafa gætur á því.“
Dominic Raab: Ríkisstjórnin getur ekki beðist afsökunar á sóttkvíarákvörðun fyrir Spán
Dominic Raab hefur varið ákvörðun ríkisstjórnarinnar um að taka aftur upp sóttkvíaraðgerðir vegna Spánar með stuttum fyrirvara.
Ráðherrar tilkynntu á laugardaginn að ferðalangar sem hefði ekki komið heim frá Spáni og eyjum landsins fyrir miðnætti þyrftu að fara í sóttkví í 14 daga.
Landið hafði verið á „ferðabrúarlista“ Downing Street yfir lönd sem talið er öruggt að heimsækja en nýleg aukning í kórónuveirusmitum hefur vakið ótta um aðra bylgju sjúkdómsins.
Á sunnudaginn varði utanríkisráðherra þessa skyndilegu endurupptöku takmarkana sem „rauntímaviðbrögð“ við auknum smitum á svæðinu sem valdið hafa áhyggjum.
Hann sagði að mat hefði verið lagt á stöðuna síðdegis í gær „og við tókum ákvörðunina eins hratt og við gátum“.
„Við getum ekki beðist afsökunar fyrir að gera það,“ bætti hann við.
„Við verðum að geta gripið til að gerða hratt og með afgerandi hætti, sérstaklega á staðarvísu, en líka hvað varðar önnur lönd, svo sem Spán eða annað land þar sem við sjáum að við verðum að grípa til aðgerða.
„Annars er hætta á nýjum smitum í Bretlandi, mögulega annarri bylgju hér og síðan öðru útgöngubanni.
Samgönguráðherra á meðal ferðalanga sem neyðast til að fara í sóttkví
Ákvörðunin var tekin eftir að á Spáni greindust fleiri en 900 ný tilfelli af Covid-19 í tvo daga í röð.
Utanríkisráðherra viðurkenndi að margir ferðamenn hefðu ekki haft tíma til að hætta við eða breyta ferðum sínum.
„Ég veit að þetta raskar áætlunum þeirra sem fara í gegnum þetta, sem eru á Spáni eða hafa íhugað að fara, en við verðum að geta gripið til aðgerða hratt og með afgerandi hætti til að vernda Bretland,“ sagði hann.
„Við höfum áorkað svo miklu við að hemja veiruna og koma í veg fyrir að hún nái aftur fótfestu í Bretlandi.“
Farþegar mæta á flugvöllinn í Gatwick sunnudagsmorguninn eftir tilkynninguna á laugardaginn (PA)
Heilbrigðisráðherra stjórnarandstöðunnar, Jonathan Ashworth, fordæmdi ríkisstjórnina fyrir „hreint út sagt glundroðakennda“ framkvæmd aðgerðanna.
Hann sagði þessa skyndilegu ákvörðun Downing Street hafa ringlað ferðamenn og sett þá í uppnám.
Þessi þingmaður Verkamannaflokksins sagði Sophy Ridge: „Ég skil hvers vegna þessi ákvörðun var tekin en auðvitað hefur framkvæmd hennar undanfarinn sólarhring verið hreint út sagt glundroðakennd.
„Það er fólk á ferðalagi á Spáni sem er ringlað og í uppnámi, það er fólk sem er á leið í frí til Spánar og eyja eins og Tenerife sem er ringlað og það veit ekki hvort vinnuveitendur þess leyfi því að sér tvær vikur“ í sóttkví.
„Ríkisstjórnin segir bara „við vonum að vinnuveitendur vinni með okkur“.“
„Framkvæmd þessarar ákvörðunar undanfarinn sólarhring hefur verið hreint út sagt glundroðakennd“.
Hvað þýðir það að Spánn sé á sóttkvíarlista fyrir ferðalanga?
Hann hvatti ráðherra til að bjóða upp á „gagnsæi“ um hvort fólk sem sæta verður sóttkví fær fjárstuðning ef vinnuveitendur neita að greiða því laun á meðan það er í sóttkví.
Hann bætti því við að einnig væri þörf á skýrum upplýsingum „fyrir þá ferðalanga á Spáni sem hafa sparað fyrir fjölskyldufríinu allt árið og eru nú ringlaðir og í uppnámi“.
„Það hvernig þessari ákvörðun var komið á framfæri hefur augljóslega valdið fólki kvíða,“ bætti hann við.
Raab sagði að enginn á vinnumarkaði sem fylgir nýju reglunum ætti að verða fyrir refsingu vinnuveitanda, svo sem með því að þurfa að taka sjúkraleyfi.
Hann sagði: „Við erum að breyta reglunum – lögunum er breytt til að taka mið af fólki í fríi og ferðamönnum – og auðvitað gerum við ráð fyrir því að vinnuveitendur sýni þeim starfsmönnum sem þurfa að fara í sóttkví lögum samkvæmt þann sveigjanleika sem þeir þurfa.“
„Ef einhver fylgir lögum um sóttkví með því að fara í sóttkví gengur ekki að refsa viðkomandi.“
Bíl ekið í gegnum mannþröng og mótmælandi skotinn í Colorado
AURORA, Colorado  (AP) – Bíl var ekið í gegnum mannþröng og mótmælandi var skotinn í úthverfinu Aurora í Denver í mótmælum gegn kynþáttamisrétti.
Lögreglan í Aurora sagði á Twitter að mótmælendur hefðu verið á göngu á þjóðvegi 225 á laugardaginn þegar ökutæki var ekið í gegnum hópinn.
Lögreglan sagði mótmælanda hafa skotið af skotvopni og hæft að minnsta kosti eina manneskju sem var færð á sjúkrahúsi en var ekki í lífshættu.
Yfirvöld segja að ökutækið hafi verið dregið á brott og að rannsókn sé í gangi.
Mótmælendur brutu einnig rúður í dómshúsinu og kveikt var í skrifstofu, sagði lögreglan.
Lögreglan lýsti því yfir að samkoman væri ólögleg og skipaði mótmælendum af fara af vettvangi, að sögn yfirvalda.
Mótmælin gegn kynþáttamisrétti sem geisað hafa undanfarið hafa færst í aukana síðan alríkislögreglumenn voru sendir til að kveða þau niður í Portland í Oregon.
Lögreglan lýsti því yfir að óreiðir væru í gangi í Seattle á laugardaginn.
Mótmælin sem brutust út vegna dauða George Floyd, blökkumanns í Minnesota sem lést 25. maí þegar hvítur lögreglumaður hélt honum niðri á götunni með því að leggja hné á háls hans, hafa einnig beint athyglinni að öðrum dæmum um mannslát vegna ofbeldis lögreglunnar.
Í Colorado hafa mótmælendur vakið athygli á dauða Elijah McClain, sem lögreglan stöðvaði þegar hann var á göngu niður Aurora-stræti í ágúst 2019 eftir símtal til neyðarlínunnar þar sem honum var lýst sem grunsamlegum.
Lögreglan setti hann í kyrkingarhald og bráðaliðar gáfu honum 500 milligrömm af ketamíni, róandi lyfi, til að róa hann.
Hann fór í hjartastopp og síðar var úrskurðað að hann væri heiladauður og hann tekinn úr öndunarvél.
„Hvað gerðist þarna?!“
Höggin dundu á UFC-bardagakonunni Correia eftir hún sneri baki í andstæðing sinn því hún hélt að lotunni væri lokið (MYNDSKEIÐ) – RT Sport News
Brasilíska bardagakonan Bethe Correia í fluguvigt er þaulreynd í UFC en gerði byrjendamistök með því að snúa baki í andstæðing sinn Pannie Kianzad og telja ranglega að lotunni væri lokið í viðureign þeirra á Fight Island og fékk í kjölfarið að finna fyrir tevatninu.
Þegar fyrsta hluta bardaga þeirra var að ljúka í upphitunarhluta kvöldsins í Abú Dabí virtist hin 37 ára gamla Correia mistúlka 10 sekúndna viðvörunina sem raunveruleg lok lotunnar og rétti út hanskaklædda höndina áður en hún sneri baki í Kianzad og hélt í átt að horni sínu.
Sænska bardagakonan hikaði ekki við að nýta sér tækifærið með því að slá hana með hægri hendi og fylgja því eftir með röð högga sem færðu Correia upp að grindinni.
Brasilíukonan virtist í augnablik vera í hættu en greip síðan um taumana til að stöðva sókn Kianzad og fá hana til að hörfa áður en lotunni lauk í raun og veru.
„Hvað gerðist þarna? Ja, hérna hér,“ heyrðist í lýsendunum á ESPN+.
Þetta var aðeins einn hluti erfiðs kvölds hjá Correia, sem áður barðist um titilinn í fluguvigt, en hún tapaði með samhljóða ákvörðun og er það þriðja tap hennar í síðustu fjórum bardögum í búrinu og er heildarárangur hennar 11-5, með einu jafntefli.
Fyrir Kianzad, sem er 28 ára og fædd í Íran, var þetta annar sigurinn í röð eftir sigur á Jessica-Rose Clark á bardagakvöldi UFC í Moskvu í nóvember.
Heildarárangur Kianzad, sem gengur undir viðurnefninu „Banzai“, er nú 13-5 og 2-1 í UFC, en hún ætlar sér að hækka sig upp í 135 punda flokknum.
Sama kvöld marði Ástralíumaðurinn Robert Whittaker sigur á Englendingnum Darren Till í aðalbardaganum í millivigt á meðan Khamzat Chimaev, fæddur í Rússlandi, skráði sig í sögubækurnar með öðrum sigri sínum á 10 dögum á Fight Island, stysta tímanum milli sigra í nútímasögu UFC.
Egyptar byrja að skrá gögn um kjósendur erlendis fyrir kosningar inn á öldungaþing
Kosningayfirvöld byrjuðu á laugardaginn að skrá gögn um kjósendur erlendis til að þeir gætu byrjað að greiða atkvæði í kosningum inn á öldungaþingið sem haldnar verða 9. og 10. ágúst, að því er fram kemur á opinberri vefsíðu kosningayfirvalda.
Kjósendur verða að skrá gögn sín og það erlenda sendiráð sem þeir heyra undir á vefsíðu kosningayfirvalda á tímabilinu 25. júlí til 31. júlí.
Kosningayfirvöld birtu einnig myndband með útskýringu á þeim skrefum sem kjósendur verða að fylgja til að kjósa með tölvupósti, sem varúðarráðstöfun vegna kórónuveirufaraldursins.
Kosningayfirvöld sögðu kosningaáróður fyrir öldungaþingkosningarnar leyfðan frá 26. júlí til 8. ágúst.
Nabila Makram, ráðherra fólksflutninga úr landi og brottfluttra Egypta, kallaði eftir því að egypskir kjósendur búsettir erlendis tækju þátt í kosningunum þar sem það væri stjórnarskrárbundinn réttur þeirra.
Hinn 17. júní samþykkti egypska fulltrúaþingið lög um stofnun öldungaþings sem mun gegna hlutverki efri deildar í þinginu.
Lögin voru samþykkt með tveimur þriðju hluta meirihluta en fjórir þingmenn voru andvígir
Fulltrúar í öldungadeild verða 300 og þar af verða 100 kjörnir með framboðslistakerfi, 100 kjörnir með einstaklingskosningu og 100 útnefndir af forseta lýðveldisins
Kjörtímabil á öldungaþingi verður fimm ár frá dagsetningu fyrsta fundar.
Kosið verður inn á nýja þingið á sextíu daga tímabilinu fyrir lok kjörtímabils.
Lík móður og tveggja ungbarna fundust í bíl í tjörn
AUGUSTA, Georgíu – Bíll var dreginn úr tjörn í Georgíu og í honum fundust lík konu og 10 mánaða tvíbura.
Skrifstofa lögreglustjórans í Richmond-sýslu sagði að starfsfólk hefði fundið bílinn í Mayor-tjörn í Augusta síðdegis á föstudaginn, samkvæmt Augusta Chronicle.
Mark Bowen, dánardómstjóri Richmond-sýslu, sagði öll þrjú hafa verið úrskurðuð látin á vettvangi.
Yfirvöld báru kennsl á líkin sem hina 25 ára gömlu Shaquia Philpot og börn hennar Caysen og Cassius Williams.
Lögreglumenn upplýstu ekki um hvernig fjölskyldan endaði í tjörninni.
Að sögn Bowen var það vitni sem var við fiskveiðar á svæðinu sem fann bílinn.
Líkin verða send til krufningar hjá rannsóknarlögreglu Georgíuríkis.
Rannsókn málsins er í gangi.
Leicester-menn ánægðir með að ná markmiði sínu um Evrópusæti segir James Vardy, handhafi Gullskósins
Jamie Vardy viðurkenndi að það væru vonbrigði að komast ekki í Meistaradeildina en sagði Leicester City hafa náð markmiði liðsins fyrir tímabilið – að komast í Evrópudeild.
Leicester var í öðru sæti í desember og í þriðja sæti þegar deildin hófst að nýju eftir lokanirnar en liðið vann sér aðeins inn fjögur stig í síðustu fimm leikjunum og endaði í fimmta sæti í Úrvalsdeildinni.
Sigur gegn Manchester United á lokadegi tímabilsins hefði tryggt liði Brendan Rodgers eitt af fjórum efstu sætunum en liðið tapaði 2-0, sem Vardy segir vera það sem olli mestum vonbrigðum.
„Þetta voru vonbrigði, aðallega hvernig við enduðum á því að tapa leiknum,“ sagði hann á Sky Sports eftir leikinn.
„En eins og við ræddum í klefanum var markmið okkar innan liðsins að ná Evrópusæti og við náðum því.“
„Við áttum möguleika á að ná inn í Meistaradeildina og það hefði verið enn betra, en við munum fara yfir stöðuna og mæta sterkari til leiks á næsta ári.“
„Þetta er súrt í broti en aðalmarkmið okkar var Evrópusæti og við náðum því.“
Þrátt fyrir að liðið hafi ekki endað vel lauk Vardy tímabilinu sem markakóngur Úrvalsdeildarinnar, 33 ára gamall, með 23 mörk.
Hann þakkaði liðsfélögum sínum fyrir þátt þeirra í verðlaununum og sagði að hann ætti enn mikið eftir á tanknum til að keppa í deild þeirra bestu þrátt fyrir hækkandi aldur.
„Ég er mjög ánægður, þetta snýst allt um liðið. Ég hefði ekki fengið þessi færi ef það væri ekki fyrir þá og þau hafa verið þó nokkur.“
„Nú hvíli ég mig aðeins og kem aftur tilbúinn í slaginn fyrir næsta tímabil. Sem betur fer finn ég ekki fyrir aldrinum, fæturnir eru enn fínir og – 7, 9, 13 – ég meiðist ekki oft, svo þetta snýst um að halda því áfram og mæta eins sterkur og ég get til leiks á næsta ári.“
Breski stórbankinn HSBC hafnar því að „leggja gildru“ fyrir kínverska fyrirtækið Huawei í rannsóknum í Bandaríkjunum – RT Business News
Fjölþjóðlegi bankinn HSBC, sem hefur höfuðstöðvar í Lundúnum, neitaði á samfélagsmiðlum staðhæfingum kínverskra fjölmiðla um að hann væri að „falsa sönnunargögn“ gegn Huawei sem leiddu til handtöku fjármálastjóra fyrirtækisins í Kanada.
Í færslu sem ekki er lengur aðgengileg á WeChat sagði lánastofnunin að aðgerðir hennar hefðu ekki sett af stað rannsókn í Bandaríkjunum gegn þessum stærsta framleiðanda fjarskiptabúnaðar heims, þar sem rannsóknir á Huawei fyrir meint brot gegn refsiaðgerðum Bandaríkjanna gegn Íran hefðu hafist löngu fyrir aðkomu bankans síðla árs 2016.
„HSBC er á engan hátt fjandsamlegt Huawei og kom engri sök á Huawei,“ fullyrti bankinn á laugardaginn og bætti því við að hann myndi aldrei afbaka staðreyndir um viðskiptavini sína.
„Þegar dómsmálaráðuneyti Bandaríkjanna bað um upplýsingar veitti HSBC Group einfaldlega hlutlausar staðreyndir.
HSBC hvorki „falsaði“ sönnunargögn né „faldi“ staðreyndir.“
Einnig á rt.com Bann Bretlands við aðkomu Huawei að 5G-netkerfum sýnir að Bandaríkin stýra utanríkisstefnu Bretlands – George Galloway við Boom Bust
Færslan hefur verið falin á miðlinum með athugasemd um að hún „brjóti gegn reglum“ og er ekki aðgengileg núna.
Yfirlýsing var gefin út stuttu eftir að margir kínverskir fjölmiðlar, þar á meðal ríkistengd dagblöð, sökuðu HSBC um að stunda „leynimakk“ með Washington til að leggja gildru fyrir Huawei.
Fyrirtækið hefur verið í miðju diplómatísks skandals í meira en eitt og hálft ár eftir að fjármálastjóri Huawei, Meng Wanzhou, var handtekinn í desember 2018 í Kanada vegna handtökuskipunar í Bandaríkjunum.
Meng stendur frammi fyrir ákærum um fjársvik fyrir að nota skúffufyrirtæki til að brjóta gegn refsiaðgerðum gegn Íran og ljúga að bönkum um tenginguna milli Huawei og íranska fyrirtækisins Skycom.
Samkvæmt nýjum sönnunargögnum sem Global Times vísar til vissi HSBC um tengsl kínverska fyrirtækisins við Skycom.
Bankinn ku hafa kosið að stunda „leynimakk“ með ríkisstjórn Bandaríkjanna til að sleppa undan harðari refsingu árið 2012 þegar bankinn neyddist til að viðurkenna peningaþvætti og brot gegn refsiaðgerðum, þar á meðal takmörkunum gegn Íran.
Á sama tíma var fyrirtækinu gert að greiða um 1,9 milljarða bandaríkjadala í refsigjöld og til að koma í veg fyrir samskonar misferli.
„Sönnunargögn gáfu til kynna að HSBC hefði vitað um þessi tengsl en vísvitandi afhent trúnaðarupplýsingar viðskiptavinar síns til Bandaríkjanna til að ríkisstjórn Bandaríkjanna gæti litið hjá misferli bankans sjálfs og sleppt því að refsa honum samkvæmt samningnum um frestun málssóknar frá árinu 2012,“ segir í einni af greinum dagblaðsins um málið.
Í dulbúinni viðvörun bætti ríkisstýrða dagblaðið við því að lánaveitandinn gæti staðið frammi fyrir „harðri refsingu“ í Kína, einum af stærstu mörkuðum HSBC, ef hann reyndist vera sekur af þessu „leynimakki“.
Þetta er ekki í fyrsta sinn sem spjótin hafa beinst að þessum þekkta banka á síðustu vikum.
Í síðasta mánuði var HSBC gagnrýnt fyrir að styðja ný þjóðaröryggislög fyrir Hong Kong, borgina sem fyrirtækið var stofnað í og sem myndar meira en helming hagnaðar þess.
Bankinn hefur verið gagnrýndur beggja vegna borðsins – á Vesturlöndum, er utanríkisráðherrann Mike Pompeo kallaði stuðningsyfirlýsinguna „viðskiptalegan undirlægjuhátt“, og í austri er kínverska hliðin mun hafa sagt að stuðningurinn kæmi seint og um síðir.
Slökkviliðsmenn ná betri tökum á skógareldunum í Lassen-sýslu
Slökkviliðsmenn eru að sigrast á tveimur skógareldum sem hafa brennt meira en 30.000 ekrur í Lassen-sýslu norðvestur af Sacramento.
Náðst hefur að beisla 40% af Gulleldinum, sem hófst suður af Adin, en hann heldur áfram að ógna heimilum og búgörðum sem og landbúnaði, búfénaði og timburvinnslu, sögðu starfsmenn Cal Fire í tilkynningu á laugardagsmorgun.
Eldurinn hefur geisað í fjóra daga og hafa 21.000 ekrur orðið honum að bráð, sjö heimili eyðilagst og tveir slökkviliðsmenn verið lagðir inn á sjúkrahús.
Slökkviliðsmenn nýttu sér hagstæðar aðstæður í nótt til að koma upp og styrkja varnarlínur.
Nú er hins vegar gert ráð fyrir vindi og þurrki til og með næsta laugardegi.
Vestur af Susanville hefur minni skógareldur sem nefndur er Hog-eldurinn eyðilagt tvö mannvirki og breiðst út um um það bil 10.000 ekur.
Eldurinn minnkaði yfir nótt þegar slökkviliðsmenn unnu að því að hreinsa svæðið og styrkja varnarlínur, samkvæmt upplýsingum frá skóga- og eldvarnardeild Kaliforníuríkis.
En á laugardagsmorgun hafði náðst stjórn á 45% brunans og hafði hann þá logað í sex daga.
Í hitanum á daginn, þegar hitastigið fer yfir 32 gráður á Susanville-svæðinu, var hætta á því að eldur blossaði aftur upp í sviðinni jörð.
Þrátt fyrir að sumum íbúum væri leyft að snúa aftur heim er rýming enn í gildi víða á báðum hættusvæðunum.
Tveir slökkviliðsmenn sem slösuðust í Gulleldinum hafa verið útskrifaðir af sjúkrahúsi.
Alsír: Mahmoud Guemama látinn – Alsír missir föðurlandsvin og staðfastan stríðsmann, segir Tebboune forseti.
Algeirsborg – Forseti lýðveldisins, Abdelmadjid Tebboune, sendi þingmönnum Þjóðþings fólksins (APN) samúðarkveðjur vegna andláts Mujahed Mahmoud Guemama, sem lést á föstudaginn, þar sem hann sagði Alsír hafa „misst föðurlandsvin og stríðsmann sem stóð staðfastur með málstað fólksins og þjóðarinnar“.
Í dag, með dauða Mujahed Mahmoud Guemama, missir Alsír föðurlandsvin og stríðsmann sem stóð staðfastur með málstað fólksins og þjóðarinnar, mann sem gaf aldrei eftir og hvikaði hvergi, frá því augnabliki þegar hann tók upp vopn ásamt hinum hugrökku Mujahedeen-bræðrum sínum, til síðasta andardráttar hans á þessum sorglega degi, þar sem við getum ekki annað en beygt okkur undir vilja Guðs,“ skrifaði Tebboune forseti í samúðarkveðju sinni.
„Friður verði með Mahmoud Guemama heitnum, sem tilheyrði einstakri kynslóð trúfastra og þjóðrækinna stríðskappa sem fórnuðu sér fyrir ættjörðina,“ bætti forsetinn við.
„Hann helgaði líf sitt frelsun Alsírs frá þjáningum hinnar aumu nýlendustefnu með því að ganga til liðs við byltinguna í blóma lífs síns árið 1960 í þjálfunarbúðum hins sögulega Wilaya VI í Tahart.“
„Forsetinn heitinn var þekktur fyrir hernaðaranda sinn og skuldbindingu sína til að festa ímynd velmegandi og sameinaðs Alsírs í sessi,“ sagði Tebboune forseti.
„Mahmoud Guemama heitinn naut mikillar virðingar sem sáttasemjari í suðurhluta landsins, en hann greip inn í til að koma sáttum á milli landsmanna hvenær sem ágreiningur vaknaði,“ bætti forsetinn við í kveðjunni.
„Allir þessir kostir hans og gildi unnu Mahmoud Guemama inn virðingu og traust fólksins í Tamanrasset sem valdi hann sem fulltrúa sinn á Þjóðþingi fólksins (APN) í mörg kjörtímabil og á þeim tíma stóð hann vörð um og talaði fyrir málefnum svæðisins og íbúanna, og var jafnframt fulltrúi og talsmaður allra Alsírbúa,“ skrifaði forseti lýðveldisins.
„Engar samúðarkveðjur nægja til að votta Mahmoud Guemama virðingu, friður sé með honum.
Hann yfirgefur okkur nú á tímum þegar Alsír þarfnast hans,“ sagði forsetinn.
„Ég bið Guðs almáttugan um að umlykja hinn látna með heilagri miskunn sinni og taka á móti honum í hina miklu paradís við hlið píslarvotta og hinna réttlátu.
Ég bið einnig til Guðs um að hann ljái fjölskyldu hans og ástvinum þolinmæði og huggun ... enginn er styrkurinn eða mátturinn nema hjá Guði,“ sagði forseti lýðveldisins að lokum.
Pakistanski kylfingurinn Imam-Ul-Haq getur tekið þátt eftir meiðsli í upphitun
Pakistan og England mun mætast í þremur Test-viðureignum og jafnmörgum T20I-viðureignum.
Læknir pakistanska liðsins hefur sagt að kylfingurinn Imam-ul-Haq geti tekið þátt eftir að hafa fengið högg á vinstri hönd þegar hann sló högg í upphitunarleik liðsins í Derby.
„Örvhenti kylfingurinn tók þátt í upphitun áður en leikar hófust á öðrum degi“, segir í yfirlýsingu Krikketstjórnar Pakistans, PCB.
Imam, sem leikur með PCB Whites, fékk högg á vinstri hönd þegar hann sló högg gegn Naseem Shah í PCB Greens á fyrsta degi viðureignarinnar.
Imam þurfti að draga sig í hlé eftir meiðslin á föstudagskvöld eftir að hafa fengið bolta frá Shah í vinstri hönd, en gat tekið þátt í upphitunarleik næsta morgun og mun mæta aftur til leiks á þriðja degi.
Virginia Beach fjarlægir minnisvarða Suðurríkjasambandsins
VIRGINIA BEACH, Virginíu – Borgaryfirvöld Virginia Beach fjarlægðu 115 ára gamlan minnisvarða frá dögum Suðurríkjasambandsins af svæði í almannaeign innan tveggja daga frá því að borgarráð samþykkti samhljóða að það skyldi gert.
Fjölmiðlar á staðnum greindu frá því að borgarstarfsmenn hafi fjarlægt 8,2 metra háan minnisvarða á laugardagsmorgun.
Hann var reistur árið 1905 fyrir utan gamla Princess Anne County-dómshúsið, á stað þar sem þrælauppboð fóru áður fram.
Borgarráð samþykkti samhljóða á fimmtudagskvöld að hefja vinnu við að fjarlægja minnisvarðann.
Ráðið hafði hlustað á tugi ræðumanna og komst að þeirri niðurstöðu að margir teldu minnisvarðann valda sundrung og vera sársaukafulla áminningu um fortíðina.
Styttan hafði nýlega verið hulin og læst hlið girt í kringum hana eftir nýleg mótmæli og skemmdarverk á öðrum minnisvörðum frá tímum Suðurríkjasambandsins.
Minnisvarðinn verður í geymslu þar til annað er ákveðið.
Borgin þarf nú að bíða eftir tilboðum frá sagnfræðihópum eða öðrum aðilum sem gætu haft áhuga á að taka minnisvarðann að sér.
Innanríkisráðherra Túnis tilnefndur sem forsætisráðherra, myndar ríkisstjórn eftir mánuð
Hichem Mechichi, innanríkisráðherra Norður-Afríkuríkinu Túnis, hefur verið falið að mynda nýja ríkisstjórn, samkvæmt skrifstofu forsetans, en stirt er á milli stærstu flokka landsins.
Þessi 47 ára gamli lögfræðingur tekur við af Elyes Fakhfakh, sem sagði af sér sem forsætisráðherra fyrr í mánuðinum.
En Mechichi var ekki eitt af þeim nöfnum sem stjórnarflokkarnir lögðu til við forsetann, Kais Saied.
Í yfirlýsingu eftir tilkynningu laugardagsins sagði Mechichi að hann myndi „vinna að því að mynda ríkisstjórn sem uppfyllir væntingar allra Túnisbúa“.
Túnis hefur verið hrósað fyrir að vera sjaldgæft dæmi um vel heppnaða lýðræðisumbyltingu eftir svæðisbundnu mótmælin í Arabíska vorinu sem áttu uppruna sinn í byltingu í landinu árið 2011.
Leiðtogum landsins hefur þó reynst erfitt að uppfylla væntingar Túnisbúa og hið viðkvæma efnahagslíf hefur orðið fyrir miklu höggi vegna landamæralokana af völdum heimsfaraldursins COVID-19.
Sjúkdómurinn hefur leitt nærri 50 manns til dauða í Túnis og fleiri en 1400 hafa sýkst.
Auk þess að vera innanríkisráðherra fráfarandi ríkisstjórnar hefur Mechichi verið ráðgjafi Saied forseta með því að hafa umsjón með lagalegum málefnum.
Hann var áður starfsmannastjóri hjá samgönguráðuneytinu og hefur einnig starfað í félagsmálaráðuneytinu.
Hann hefur nú mánuð til að mynda ríkisstjórn sem mun þurfa að fá hreinan meirihluta í atkvæðagreiðslu í þinginu.
Nái hún ekki hreinum meirihluta verður þingið leyst upp og nýjar kosningar haldnar innan þriggja mánaða.
Ennahdha-flokkurinn hlaut flest atkvæði í síðustu kosningum, sem haldnar voru í október, en var lang frá því að ná meirihluta og samþykkti að endingu að taka þátt í samsteypustjórn.
Afsögn Fakhfakh hinn 15. júlí eftir minna en 5 mánuði í embætti vakti ótta um að pattstaða myndaðist á ný í stjórnmálum landsins á sama tíma og það glímir við efnahagslegar afleiðingar heimsfaraldursins.
Uppsögnin jók enn á ágreining við Ennahdha vegna ásakana um hagsmunaárekstra Fakhfakh.
Sambandið milli hins fráfarandi 47 ára gamla forsætisráðherra og Ennahdha hefur verið stirt frá þingkosningunum í október.
Fakhfakh sagði af sér sama dag og flokkurinn lagði fram vantrauststillögu á hendur honum.
Ennahdha hafði upphaflega tilnefnt óháðan þingmann sem forsætisráðherra en náði ekki að vinna þingið á sitt band, sem leiddi til þess að forsetinn tilnefndi Fahkfahk, fjármálaráðherrann fyrrverandi, í embættið.
Þar sem nýjar kosningar voru í vændum samþykkti Ennahdha að endingu að taka þátt í samsteypustjórn.