Pullo-Africa-Protagonist/k-data · Datasets at Hugging Face

audio audioduration (s) 0.28 215	transcription stringlengths 1 2.23k
	1 Kronikuls 10
	Kiŋ Sɔl Day
	Di filistin dɛn fɛt Izrɛl; ɛn di Izrɛlayt dɛn rɔnawe pan di Filistin dɛm, ɛn dɛn kil bɔku pan di Izrɛlayt dɛn na Mawnt Gilboa.
	Ɛn di Filistin dɛm kech Sɔl ɛn in bɔypikin dɛn; di Filistin dɛn kil Jonɛthan, Abinadab ɛn Malkishua we na Sɔl in bɔypikin dɛm.
	Di fɛt bin traŋa bad bad fɔ Sɔl ɛn dɛn wan dɛn we de shut aro fɛn am, shut am ɛn wund am.
	Nain Sɔl tɛl di man we de tot di ayɛn klos we i de wɛr fɛt se, “tek yu sɔd ɛn chuk mi wit am lɛ a day, mek dɛn ɔnsakɔmsayz pipul nɔ kan tek mi mek fɔn.”
	Bɔt di man we de tot di ayɛn klos we i de wɛr fɛt nɔ gri, bikɔs i fred bad bad.
	So Sɔl tek in yon sɔd ɛn fɔdɔm pan am.
	We di man we de tot di ayɛn klos si se Sɔl dɔn day, insɛf fɔdɔm pan in yon sɔd ɛn day.
	Na so Sɔl day; In ɛn in tri bɔypikin dɛm ɛn ɔl udat de nain os.
	We di Izrɛlayt dɛm we de na di vali si se di sojaman dɛn dɔn rɔnawe, ɛn Sɔl ɛn in bɔy dɛn ɔl dɔn day, dɛn rɔnawe lɛf dɛn siti dɛn ɛn di Filistin dɛn go tap de.
	Di nɛks de, we di Filistin dɛn go fɔ go sach di wan dɛn we day, dɛn fɛn Sɔl ɛn in bɔypikin day wan na Mawnt Gilboa.
	Dɛn tek ɔl wetin i gɛt, kɔt in ed ɛn tek in ayɛn klos we i de tek fɛt.
	Dɔn dɛn mɛsenja dɛn go ɔl bɔt na di Filistin kɔntri fɔ go tɛl dɛn laylay gɔd dɛn ɛn dɛn pipul dɛn wi gladi, wetin dɔn bi.
	Dɛn put in ayɛn klos we i de tek fɛt klos na dɛn laylay gɔd dɛn tɛmpul ɛn fasin in ed na Degɔn in tɛmpul.
	Bɔt we ɔl Jebɛsh-Giliad yɛri ɔl wetin di Filistin dɛn du Sɔl, ɔl di man dɛn we gɛt maynd grap go tek Sɔl ɛn in bɔypikin dɛn bɔdi kɛr go Jebɛsh.
	Dɛn bɛr dɛn ɔnda di kɔtin tri na Jebɛsh ɛn fast sɛvin day.
	So Sɔl day bikɔs i nɔ bin de waka tret wit PAPA GƆD; dat na we i nɔ bin de du wetin PAPA GƆD se.
	Pantap dat, i go luk- grɔn mek i go no wetin fɔ du, ɛn nɔ bin aks PAPA GƆD wetin fɔ du.
	Na dat mek PAPA GƆD kil am ɛn tek di kindɔm gi Devid we na Jɛsi in bɔypikin.
	1 Kronikuls 11
	Devid Bi kiŋ na Izrɛl ɛn Juda
	Ɔl di Izrɛlayt dɛn gɛda to Devid na Ɛbrɔn, ɛn tɛl am se, mɛmba se wi na yu flɛsh ɛn blɔd.
	Fɔstɛm, ɔl we na Sɔl na bin kiŋ, na yu bin tinap bifo Izrɛl fɔ go fɛt ɛn kam bak; ɛn PAPA GƆD bin tɛl yu se, na yu go lid mi pipul dɛn ɛn yu go bi dɛn kiŋ.”
	So ɔl di bigman dɛm na Izrɛl go to di kiŋ na Ɛbrɔn; Devid mek wan wɔd wit dɛm bifo PAPA GƆD ɛn dɛn anɔynt Devid ɛn mek Devid fɔ bi kiŋ na Izrɛl, bay wetin Samiɛl se tɔk PAPA GƆD se.
	So Devid ɛn ɔl di Izrɛlayt dɛn go na Jerusɛlɛm, dat na Jebus, usay di Jɛbyusayt dɛn bin tap na di land.
	Di pipul dɛn we tap na Jebus tɛl Devid se “yu nɔ go kam na ya” pan ɔl dat Devid, kapchɔ di say we dɛn abop pan na Zayɔn; dat na Devid in Siti.
	Devid se, “di fɔs pɔsin we go kil wan pan di Jebyusayt dɛn, go bi chif ɛn kɔmanda.
	Na Joab we na Zɛruaya in bɔypikin, nain fɔs kil, so dɛn mek am kɔmanda.
	Ɛn Devid tap na di say we dɛn abop pan; na da mek dɛn kɔl am Devid in siti.
	Ɛn i bil di siti rawnd am frɔm usay dɛn kɔl Milo te go rawnd; so Joab mek di balans say na di siti we bin dɔn pwɛl.
	Devid kam bi pawaful mɔ ɛn mɔ bikɔs PAPA GƆD Ɔlmayti bin de wit am.
	Devid In Femɔs Fɛtman Dɛn
	Na dɛn wan ya na di kɔmanda dɛn pan Devid in pawaful sojaman dɛm we sɔpɔt am traŋa traŋa wan nain kindɔm, togɛda wit di Izrɛlayt dɛn, fɔ mek am kiŋ, bay wetin PAPA GƆD bin dɔn tɔk se go bi na Izrɛl.
	Dis na wetin dɛn rayt bɔt Devid in pawaful fɛtman dɛm.
	Jashobiam we na Amonayt na bin di edman pan dɛn tri; In fɛt wit in spia na wan batul nɔmɔ ɛn kil tri ɔndrɛd man.
	Di wan we bin de nɛks to am pan dɛn tri mayti man dɛn ya, na Ɛlieza we na Dodo, da Aoayt, in bɔypikin.
	I bin de wit Devid na, Pas Damim di tɛm we di Filistin dɛn bin gɛda de fɔ fɛt wa.
	Wan plɔt bin de de we ful ɔp wit bɔlgɔ, ɛn di man dɛn rɔnawe pan di Filistin dɛm.
	Bɔt in tinap traŋa wan lɛk man midul di plɔt, fɛt ɛn kil di Filistin dɛm; PAPA GƆD sev dɛm ɛn mek dɛn win we ɔlman gladi bad bad wan.
	Tri pan di tati bigman dɛm go dɔŋ na di bi big ston go mit Devid na di kev na Adulam di tɛm we di Filistin ami bin kamp na Refaim vali.
	Devid bin de na di barik ɛn di Filistin dɛn bin de na dɛn yon barik na Bɛtliɛm.
	Nain Devid tɔk se “e ya, a wish sɔmbɔdi kin gi mi wata fɔ drink we kɔmɔt na di wɛl we de nia di get na Bɛtliɛm.”
	So, di tri pawaful sojaman dɛn, go insay di Filistin dɛn kamp, drɔ di wata na di wɛl na Bɛtliɛm we de nia di get, ɛn kɛr am go to Devid.
	Bɔt Devid nɔ gri drink; i tɔn am na grɔn gi PAPA GƆD, ɛn tɔk se “mek Gɔd nɔ gri lɛ mi du dis kayn tin.
	Mi fɔ drink dɛn man dɛn blɔd?
	Na dɛn layf dɛn risk we dɛn briŋ am.”
	Fɔseka dat i nɔ gri drink am.
	Na dɛn kayn tin ya di tri pawaful sojaman dɛm du.
	Abishay we na Joab in brɔda, na bin di lida pan tati man dɛn.
	In swiŋ in spia rawnd ɛn kil tri ɔndrɛd man wantɛm ɛn mek nem lɛk di Tri pawaful sojaman dɛn.
	Naim bin femɔs pas femɔs pas ɔl di tati man dɛn ɛn i bi dɛn kɔmanda, bɔt i nɔ bin femɔs rich di tri pawaful sojaman dɛn.
	Bɛnaya we na Jɛoiada in bɔypikin we kɔmɔt Kabzil, na bin man we nɔ de fred natin ɛn i bin de du pawaful tin; i kil tu pawaful Moabayt sojaman dɛn.
	Pantap dat, i kil wan layɔn insay ol ɛn na de we sno bin dɔn fɔdɔm.
	Ɛn i kil wan big ay Ijipshian we in ayt na bin sɛvin ɛn af fut.
	Di Ijipshian in spia we i bin ol bin tik lɛk mata pɛnsul; bɔt Bɛnaya go dɔŋ go mit am wit tik we tan lɛk fufu tik ɛn jɔg di spia kɔmɔt na di Ijipshian in an, ɛn kil am wit in yon spia.
	Na dɛn tin ya Benaya, we na Jeoayda in bɔypikin bin du we i mek nem lɛk di tri pawaful sojaman dɛn.
	Insɛf mek nem insay di tati, bɔt in ɔ bin rich di tri.
	Devid mek am kɔmanda fɔ in bɔdi gad dɛm.
	Di pawaful sojaman dɛn na di ami dɛn na bin Asaɛl we na Joab in brɔda, Ɛlanan we na Dodo we kɔmɔt Bɛtliɛm in bɔypikin, Shamɔt we kɔmɔt Arɔd, Ɛlɛz we na Pɛlonayt, Ira we na Ikɛsh we kɔmɔt Tɛkoa in bɔypikin, Abieza we kɔmɔt Anatɔt, Sibɛkay we na Ushatayt, Ilaɛl we na Aoayt.
	Maaray we kɔmɔt Nɛtofa, Ɛlɛd we na Beana we kɔmɔt Netofa in bɔypikin.
	Itay we na Ribay we kɔmɔt Gibɛa we blant di Bɛnjamin fambul, in bɔypikin.
	Benaya we kɔmɔt Piratɔn, Uray we kɔmɔt usay na Gaash watasay dɛn de, Abiɛl we na Abatayt.
	Azmavɛt we kɔmɔt Baurɔm, Ɛliaza we kɔmɔt Shaalbɔn Ashɛm we na Gizonayt, Jonɛthan we na Shagi we na Ararayt in bɔypikin.
	Aiam we na Saka we na Ararayt in bɔypikin, Elifal we na Ɔ in bɔypikin, Efa we na Mekeratayt, Aayja we na pɛlonayt.
	Ezro we kɔmɔt kamɛl, Naaray we na Ezibay in bɔypikin, Joɛl we na Netan in brɔda, Miba we na Gri in bɔypikin, Zilɛk we na Amonayt, Naaray we kɔmɔt Biarɔt, we na di man we de tot Joab, we na Zɛruaya in bɔypikin, in ayɛn klos fɔ fɛt Ira we na Itrayt, Garɛb we na Itrayt, Yuraya we na Itayt, Zebad we na Alay in bɔypikin, Adina we na Shiza we na Rubɛnayt, ɛn lida fɔ di Rubɛnayt we gɛt tati fɛt man wit am, in bɔypikin, Anan we na Maaka ɛn Joshafat we na Mitnayt.
	Uzaya we na Ashtɛratayt, Shema ɛn Jɛiɛl we na Otam we na Aroɛrayt in bɔypikin dɛn Jediaɛl we na Shimri in bɔypikin, ɛn Joa ɛn Joa we na Tizayt, in brɔda.
	Ilaɛl we na Meavayt, ɛn Jɛribay ɛn Joshavia we na Ɛlnaam in bɔypikin dɛn, ɛn Itma we na Moabayt, Ilaɛl ɛn Obɛd ɛn Jeasiɛl we kɔmɔt Zobab.
	1 Kronikuls 12
	Di fɔs Pipul Dɛn we Bin De Wit Devid We Kɔmɔt Na Di Bɛnjamin Fambul
	Na di man dɛn dɛn wan ya we bin go to Devid na Ziklag we i nɔ bin ebul waka fri wan bikɔs i bin de fred Sɔl we na Kish in bɔypikin; dɛn bin de pan di pawaful sojaman dɛn we bin ɛp am fɛt wa.
	Na man dɛn we kin faya bo ɛn aro ɛn kin sɛn sliŋ wit raytan ɛn lɛf an; dɛn na Bɛnjaminayt dɛm we na Sɔl in fambul dɛm.
	Di lida na bin Aiɛza dɛn, nɛks tɛm na Joash.
	Dɛn tu na bin Shimaa we kɔmɔt Gibia in bɔypikin dɛm.
	Dɔn yu gɛt Jeziɛl ɛn Pɛlɛt we na Azmavɛt in bɔypikin dɛn; Bɛraka, Jeu we kɔmɔt Anatɔt.
	Ishmaya we kɔmɔt Gibɛɔn we3 na pawaful sojaman pan di di tati, ɛn na lida fɔ di tati; Jɛrimaya, Jaeziɛl, Joanan.
	Jozabad we kɔmɔt Gɛdɛra, Ɛluzay, Jɛrimɔt, Bealia, Shɛmaraya, Shefataya we na Arufayt.
	Ɛlkena, Isaya, Azarɛl, Joɛza ɛn Jashobem we dɛn na Koraayt; ɛn Joɛla ɛn Zɛbadaya we na Jeroam we kɔmɔt Gɛdɔ, in bɔypikin dɛn.
	Di Wan Dɛm We Bin De Wit Devid We Kɔmɔt Na Di Gad Fambul
	Insay di Gadayt fambul, pawaful sojaman dɛm we dɔn fɛt fɔ lɔŋ, man dɛn we sabi fɛt wit big shild ɛn spia bad bad wan, kɔmɔt go mit Devid na di barik na di ɛmti ples we pɔsin nɔ go ebul tap.
	Dɛn fes dɛn bin tan lɛk layɔn fes dɛn ɛn dɛn gɛt spid lɛk dɛn fritambo na dɛn mawnten.
	Ɛza di lida, Obidaya di nɔmba tu man, Eliab di nɔmba tri, Mishmana fo, Jɛrimaya fayv, Atay siks, Ilaɛl sɛvin, Joenan et, Ɛlzabad nayn, Jɛrimaya tɛn ɛn Machbanay, nɔmba Ilɛvin.
	Dɛn Gadayt ya na ofisa dɛm na di ami.
	Di juniɔ ɔfisa dɛn bi gɛt wan ɔndrɛd man ɔnda dɛn, ɛn di sinyɔ wan dɛn bin gɛt wan tawzin Na di man dɛn dɛn wan ya we krɔs Riva Jɔdan insay di fɔs mɔnt we i bin rɔn oba kam na land, ɛn mek ɔl di wan dɛn we de na di ist ɛn wɛst say na di vali dɛn, rɔnawe.
	Di Wan Dɛn We Kɔmɔt Na Di Bɛnjamin Ɛn Juda Fambul
	Sɔm pan di man dɛn na di Bɛnjamin ɛn Juda Fambul bin kam na di barik to Devid.
	Dɛvid kɔmɔt go mit dɛm ɛn tɛl dɛn se, “If una kam to mi wit gud at fɔ ɛp mi, misɛf go gladi fɔ una; bɔt if una kam fɔ sɛl mi gi mi ɛnimi dɛm, ɔl we mi an klin, mek wi Papa dɛn Gɔd si ɛn pɔnish una.”
	Nain di Spirit kam pan Amasay we na lida fɔ di tati fɛtman, ɛn i tɔk se:
	Devid, wi na yu yon;
	Jɛsi in bɔypikin, wi de wit yu,
	gɛt kol at, mek Gɔd gi yu kol at,
	ɛn mek Gɔd gi di wan dɛn we de ɛp yu kol at!
	Bikɔs yu Gɔd de ɛp yu.
	Nain Devid gri fɔ mek dɛn wok wit am, ɛn i mek dɛn ofisa nain ami.
	Di Wan Dɛn We Kɔmɔt Na Di Manasɛ Fambul.
	Sɔm pan di man dɛn na di Manasɛ fambul lɛf kan jɔyn Devid we i bin kam wit di Filistin dɛm fɔ kan fɛt Sɔl (Bɔt in nɔ bin ɛp dɛm bikɔs, di Filistin rula dɛm ɛŋ ed ed ɛn drɛb am, se “I go sɛl wi ed chenj kamp go bak to in masta Sɔl.”)
	We i bin de go Ziklag, dɛn man ya na di Manasɛ fambul chenj kamp go to am: Adna, Jɔzabad, Jɛdiaɛl, Maykɛl, Jɔzabad, Ilaɛlu, ɛn Zilɛtay, lida dɛn fɔ tawzin tawzin dɛm na di Manasɛ fambul.
	Dɛn ɛp Devid fɔ fɛt di pipul we kam red am bikɔs dɛn ɔl na pawaful sojaman dɛn ɛn dɛn na kɔmanda dɛm na di ami.
	Frɔm da de de, man dɛn jɔs de kam to Devid fɔ ɛp an, sote i tɔn bi bi big ami lɛk PAPA GƆD in ami.
	Di List Fɔ Devid In Ami

1 Kronikuls 10

Kiŋ Sɔl Day

Di filistin dɛn fɛt Izrɛl; ɛn di Izrɛlayt dɛn rɔnawe pan di Filistin dɛm, ɛn dɛn kil bɔku pan di Izrɛlayt dɛn na Mawnt Gilboa.

Ɛn di Filistin dɛm kech Sɔl ɛn in bɔypikin dɛn; di Filistin dɛn kil Jonɛthan, Abinadab ɛn Malkishua we na Sɔl in bɔypikin dɛm.

Di fɛt bin traŋa bad bad fɔ Sɔl ɛn dɛn wan dɛn we de shut aro fɛn am, shut am ɛn wund am.

Nain Sɔl tɛl di man we de tot di ayɛn klos we i de wɛr fɛt se, “tek yu sɔd ɛn chuk mi wit am lɛ a day, mek dɛn ɔnsakɔmsayz pipul nɔ kan tek mi mek fɔn.”

Bɔt di man we de tot di ayɛn klos we i de wɛr fɛt nɔ gri, bikɔs i fred bad bad.

So Sɔl tek in yon sɔd ɛn fɔdɔm pan am.

We di man we de tot di ayɛn klos si se Sɔl dɔn day, insɛf fɔdɔm pan in yon sɔd ɛn day.

Na so Sɔl day; In ɛn in tri bɔypikin dɛm ɛn ɔl udat de nain os.

We di Izrɛlayt dɛm we de na di vali si se di sojaman dɛn dɔn rɔnawe, ɛn Sɔl ɛn in bɔy dɛn ɔl dɔn day, dɛn rɔnawe lɛf dɛn siti dɛn ɛn di Filistin dɛn go tap de.

Di nɛks de, we di Filistin dɛn go fɔ go sach di wan dɛn we day, dɛn fɛn Sɔl ɛn in bɔypikin day wan na Mawnt Gilboa.

Dɛn tek ɔl wetin i gɛt, kɔt in ed ɛn tek in ayɛn klos we i de tek fɛt.

Dɔn dɛn mɛsenja dɛn go ɔl bɔt na di Filistin kɔntri fɔ go tɛl dɛn laylay gɔd dɛn ɛn dɛn pipul dɛn wi gladi, wetin dɔn bi.

Dɛn put in ayɛn klos we i de tek fɛt klos na dɛn laylay gɔd dɛn tɛmpul ɛn fasin in ed na Degɔn in tɛmpul.

Bɔt we ɔl Jebɛsh-Giliad yɛri ɔl wetin di Filistin dɛn du Sɔl, ɔl di man dɛn we gɛt maynd grap go tek Sɔl ɛn in bɔypikin dɛn bɔdi kɛr go Jebɛsh.

Dɛn bɛr dɛn ɔnda di kɔtin tri na Jebɛsh ɛn fast sɛvin day.

So Sɔl day bikɔs i nɔ bin de waka tret wit PAPA GƆD; dat na we i nɔ bin de du wetin PAPA GƆD se.

Pantap dat, i go luk- grɔn mek i go no wetin fɔ du, ɛn nɔ bin aks PAPA GƆD wetin fɔ du.

Na dat mek PAPA GƆD kil am ɛn tek di kindɔm gi Devid we na Jɛsi in bɔypikin.

1 Kronikuls 11

Devid Bi kiŋ na Izrɛl ɛn Juda

Ɔl di Izrɛlayt dɛn gɛda to Devid na Ɛbrɔn, ɛn tɛl am se, mɛmba se wi na yu flɛsh ɛn blɔd.

Fɔstɛm, ɔl we na Sɔl na bin kiŋ, na yu bin tinap bifo Izrɛl fɔ go fɛt ɛn kam bak; ɛn PAPA GƆD bin tɛl yu se, na yu go lid mi pipul dɛn ɛn yu go bi dɛn kiŋ.”

So ɔl di bigman dɛm na Izrɛl go to di kiŋ na Ɛbrɔn; Devid mek wan wɔd wit dɛm bifo PAPA GƆD ɛn dɛn anɔynt Devid ɛn mek Devid fɔ bi kiŋ na Izrɛl, bay wetin Samiɛl se tɔk PAPA GƆD se.

So Devid ɛn ɔl di Izrɛlayt dɛn go na Jerusɛlɛm, dat na Jebus, usay di Jɛbyusayt dɛn bin tap na di land.

Di pipul dɛn we tap na Jebus tɛl Devid se “yu nɔ go kam na ya” pan ɔl dat Devid, kapchɔ di say we dɛn abop pan na Zayɔn; dat na Devid in Siti.

Devid se, “di fɔs pɔsin we go kil wan pan di Jebyusayt dɛn, go bi chif ɛn kɔmanda.

Na Joab we na Zɛruaya in bɔypikin, nain fɔs kil, so dɛn mek am kɔmanda.

Ɛn Devid tap na di say we dɛn abop pan; na da mek dɛn kɔl am Devid in siti.

Ɛn i bil di siti rawnd am frɔm usay dɛn kɔl Milo te go rawnd; so Joab mek di balans say na di siti we bin dɔn pwɛl.

Devid kam bi pawaful mɔ ɛn mɔ bikɔs PAPA GƆD Ɔlmayti bin de wit am.

Devid In Femɔs Fɛtman Dɛn

Na dɛn wan ya na di kɔmanda dɛn pan Devid in pawaful sojaman dɛm we sɔpɔt am traŋa traŋa wan nain kindɔm, togɛda wit di Izrɛlayt dɛn, fɔ mek am kiŋ, bay wetin PAPA GƆD bin dɔn tɔk se go bi na Izrɛl.

Dis na wetin dɛn rayt bɔt Devid in pawaful fɛtman dɛm.

Jashobiam we na Amonayt na bin di edman pan dɛn tri; In fɛt wit in spia na wan batul nɔmɔ ɛn kil tri ɔndrɛd man.

Di wan we bin de nɛks to am pan dɛn tri mayti man dɛn ya, na Ɛlieza we na Dodo, da Aoayt, in bɔypikin.

I bin de wit Devid na, Pas Damim di tɛm we di Filistin dɛn bin gɛda de fɔ fɛt wa.

Wan plɔt bin de de we ful ɔp wit bɔlgɔ, ɛn di man dɛn rɔnawe pan di Filistin dɛm.

Bɔt in tinap traŋa wan lɛk man midul di plɔt, fɛt ɛn kil di Filistin dɛm; PAPA GƆD sev dɛm ɛn mek dɛn win we ɔlman gladi bad bad wan.

Tri pan di tati bigman dɛm go dɔŋ na di bi big ston go mit Devid na di kev na Adulam di tɛm we di Filistin ami bin kamp na Refaim vali.

Devid bin de na di barik ɛn di Filistin dɛn bin de na dɛn yon barik na Bɛtliɛm.

Nain Devid tɔk se “e ya, a wish sɔmbɔdi kin gi mi wata fɔ drink we kɔmɔt na di wɛl we de nia di get na Bɛtliɛm.”

So, di tri pawaful sojaman dɛn, go insay di Filistin dɛn kamp, drɔ di wata na di wɛl na Bɛtliɛm we de nia di get, ɛn kɛr am go to Devid.

Bɔt Devid nɔ gri drink; i tɔn am na grɔn gi PAPA GƆD, ɛn tɔk se “mek Gɔd nɔ gri lɛ mi du dis kayn tin.

Mi fɔ drink dɛn man dɛn blɔd?

Na dɛn layf dɛn risk we dɛn briŋ am.”

Fɔseka dat i nɔ gri drink am.

Na dɛn kayn tin ya di tri pawaful sojaman dɛm du.

Abishay we na Joab in brɔda, na bin di lida pan tati man dɛn.

In swiŋ in spia rawnd ɛn kil tri ɔndrɛd man wantɛm ɛn mek nem lɛk di Tri pawaful sojaman dɛn.

Naim bin femɔs pas femɔs pas ɔl di tati man dɛn ɛn i bi dɛn kɔmanda, bɔt i nɔ bin femɔs rich di tri pawaful sojaman dɛn.

Bɛnaya we na Jɛoiada in bɔypikin we kɔmɔt Kabzil, na bin man we nɔ de fred natin ɛn i bin de du pawaful tin; i kil tu pawaful Moabayt sojaman dɛn.

Pantap dat, i kil wan layɔn insay ol ɛn na de we sno bin dɔn fɔdɔm.

Ɛn i kil wan big ay Ijipshian we in ayt na bin sɛvin ɛn af fut.

Di Ijipshian in spia we i bin ol bin tik lɛk mata pɛnsul; bɔt Bɛnaya go dɔŋ go mit am wit tik we tan lɛk fufu tik ɛn jɔg di spia kɔmɔt na di Ijipshian in an, ɛn kil am wit in yon spia.

Na dɛn tin ya Benaya, we na Jeoayda in bɔypikin bin du we i mek nem lɛk di tri pawaful sojaman dɛn.

Insɛf mek nem insay di tati, bɔt in ɔ bin rich di tri.

Devid mek am kɔmanda fɔ in bɔdi gad dɛm.

Di pawaful sojaman dɛn na di ami dɛn na bin Asaɛl we na Joab in brɔda, Ɛlanan we na Dodo we kɔmɔt Bɛtliɛm in bɔypikin, Shamɔt we kɔmɔt Arɔd, Ɛlɛz we na Pɛlonayt, Ira we na Ikɛsh we kɔmɔt Tɛkoa in bɔypikin, Abieza we kɔmɔt Anatɔt, Sibɛkay we na Ushatayt, Ilaɛl we na Aoayt.

Maaray we kɔmɔt Nɛtofa, Ɛlɛd we na Beana we kɔmɔt Netofa in bɔypikin.

Itay we na Ribay we kɔmɔt Gibɛa we blant di Bɛnjamin fambul, in bɔypikin.

Benaya we kɔmɔt Piratɔn, Uray we kɔmɔt usay na Gaash watasay dɛn de, Abiɛl we na Abatayt.

Azmavɛt we kɔmɔt Baurɔm, Ɛliaza we kɔmɔt Shaalbɔn Ashɛm we na Gizonayt, Jonɛthan we na Shagi we na Ararayt in bɔypikin.

Aiam we na Saka we na Ararayt in bɔypikin, Elifal we na Ɔ in bɔypikin, Efa we na Mekeratayt, Aayja we na pɛlonayt.

Ezro we kɔmɔt kamɛl, Naaray we na Ezibay in bɔypikin, Joɛl we na Netan in brɔda, Miba we na Gri in bɔypikin, Zilɛk we na Amonayt, Naaray we kɔmɔt Biarɔt, we na di man we de tot Joab, we na Zɛruaya in bɔypikin, in ayɛn klos fɔ fɛt Ira we na Itrayt, Garɛb we na Itrayt, Yuraya we na Itayt, Zebad we na Alay in bɔypikin, Adina we na Shiza we na Rubɛnayt, ɛn lida fɔ di Rubɛnayt we gɛt tati fɛt man wit am, in bɔypikin, Anan we na Maaka ɛn Joshafat we na Mitnayt.

Uzaya we na Ashtɛratayt, Shema ɛn Jɛiɛl we na Otam we na Aroɛrayt in bɔypikin dɛn Jediaɛl we na Shimri in bɔypikin, ɛn Joa ɛn Joa we na Tizayt, in brɔda.

Ilaɛl we na Meavayt, ɛn Jɛribay ɛn Joshavia we na Ɛlnaam in bɔypikin dɛn, ɛn Itma we na Moabayt, Ilaɛl ɛn Obɛd ɛn Jeasiɛl we kɔmɔt Zobab.

1 Kronikuls 12

Di fɔs Pipul Dɛn we Bin De Wit Devid We Kɔmɔt Na Di Bɛnjamin Fambul

Na di man dɛn dɛn wan ya we bin go to Devid na Ziklag we i nɔ bin ebul waka fri wan bikɔs i bin de fred Sɔl we na Kish in bɔypikin; dɛn bin de pan di pawaful sojaman dɛn we bin ɛp am fɛt wa.

Na man dɛn we kin faya bo ɛn aro ɛn kin sɛn sliŋ wit raytan ɛn lɛf an; dɛn na Bɛnjaminayt dɛm we na Sɔl in fambul dɛm.

Di lida na bin Aiɛza dɛn, nɛks tɛm na Joash.

Dɛn tu na bin Shimaa we kɔmɔt Gibia in bɔypikin dɛm.

Dɔn yu gɛt Jeziɛl ɛn Pɛlɛt we na Azmavɛt in bɔypikin dɛn; Bɛraka, Jeu we kɔmɔt Anatɔt.

Ishmaya we kɔmɔt Gibɛɔn we3 na pawaful sojaman pan di di tati, ɛn na lida fɔ di tati; Jɛrimaya, Jaeziɛl, Joanan.

Jozabad we kɔmɔt Gɛdɛra, Ɛluzay, Jɛrimɔt, Bealia, Shɛmaraya, Shefataya we na Arufayt.

Ɛlkena, Isaya, Azarɛl, Joɛza ɛn Jashobem we dɛn na Koraayt; ɛn Joɛla ɛn Zɛbadaya we na Jeroam we kɔmɔt Gɛdɔ, in bɔypikin dɛn.

Di Wan Dɛm We Bin De Wit Devid We Kɔmɔt Na Di Gad Fambul

Insay di Gadayt fambul, pawaful sojaman dɛm we dɔn fɛt fɔ lɔŋ, man dɛn we sabi fɛt wit big shild ɛn spia bad bad wan, kɔmɔt go mit Devid na di barik na di ɛmti ples we pɔsin nɔ go ebul tap.

Dɛn fes dɛn bin tan lɛk layɔn fes dɛn ɛn dɛn gɛt spid lɛk dɛn fritambo na dɛn mawnten.

Ɛza di lida, Obidaya di nɔmba tu man, Eliab di nɔmba tri, Mishmana fo, Jɛrimaya fayv, Atay siks, Ilaɛl sɛvin, Joenan et, Ɛlzabad nayn, Jɛrimaya tɛn ɛn Machbanay, nɔmba Ilɛvin.

Dɛn Gadayt ya na ofisa dɛm na di ami.

Di juniɔ ɔfisa dɛn bi gɛt wan ɔndrɛd man ɔnda dɛn, ɛn di sinyɔ wan dɛn bin gɛt wan tawzin Na di man dɛn dɛn wan ya we krɔs Riva Jɔdan insay di fɔs mɔnt we i bin rɔn oba kam na land, ɛn mek ɔl di wan dɛn we de na di ist ɛn wɛst say na di vali dɛn, rɔnawe.

Di Wan Dɛn We Kɔmɔt Na Di Bɛnjamin Ɛn Juda Fambul

Sɔm pan di man dɛn na di Bɛnjamin ɛn Juda Fambul bin kam na di barik to Devid.

Dɛvid kɔmɔt go mit dɛm ɛn tɛl dɛn se, “If una kam to mi wit gud at fɔ ɛp mi, misɛf go gladi fɔ una; bɔt if una kam fɔ sɛl mi gi mi ɛnimi dɛm, ɔl we mi an klin, mek wi Papa dɛn Gɔd si ɛn pɔnish una.”

Nain di Spirit kam pan Amasay we na lida fɔ di tati fɛtman, ɛn i tɔk se:

Devid, wi na yu yon;

Jɛsi in bɔypikin, wi de wit yu,

gɛt kol at, mek Gɔd gi yu kol at,

ɛn mek Gɔd gi di wan dɛn we de ɛp yu kol at!

Bikɔs yu Gɔd de ɛp yu.

Nain Devid gri fɔ mek dɛn wok wit am, ɛn i mek dɛn ofisa nain ami.

Di Wan Dɛn We Kɔmɔt Na Di Manasɛ Fambul.

Sɔm pan di man dɛn na di Manasɛ fambul lɛf kan jɔyn Devid we i bin kam wit di Filistin dɛm fɔ kan fɛt Sɔl (Bɔt in nɔ bin ɛp dɛm bikɔs, di Filistin rula dɛm ɛŋ ed ed ɛn drɛb am, se “I go sɛl wi ed chenj kamp go bak to in masta Sɔl.”)

We i bin de go Ziklag, dɛn man ya na di Manasɛ fambul chenj kamp go to am: Adna, Jɔzabad, Jɛdiaɛl, Maykɛl, Jɔzabad, Ilaɛlu, ɛn Zilɛtay, lida dɛn fɔ tawzin tawzin dɛm na di Manasɛ fambul.

Dɛn ɛp Devid fɔ fɛt di pipul we kam red am bikɔs dɛn ɔl na pawaful sojaman dɛn ɛn dɛn na kɔmanda dɛm na di ami.

Frɔm da de de, man dɛn jɔs de kam to Devid fɔ ɛp an, sote i tɔn bi bi big ami lɛk PAPA GƆD in ami.

Di List Fɔ Devid In Ami