audio
audioduration (s) 0.02
202
| transcription
stringlengths 1
2.03k
|
---|---|
Esayi 9 |
|
Xeet fee na ñaaƴaa kam o niɓaan ole |
|
xan a nga a qoolaand a maak. |
|
Took no waa ngenna kam a pelyook ale na fa nqon fee, |
|
xan a qoolaand a meleƈ. |
|
O Yaal oxe, mayƭandaa xeet fee fa baneex, |
|
ci’in o ɗaay o maak. |
|
Kaa mbelakinooxaa mbaambir of ne o kiin a felakinoortaa yaa fo a saxad, |
|
nen xa ƈeel no waa na lasraa ke da njaɓitna na xire. |
|
Yaam kadoor ke da ngadneena |
|
fo o cap ole da nqawteel no ndiiñ |
|
fo o samb ole no xe na ñaatlandaa a den, |
|
xan o yaq a den, nen a koom alaa fo ñaal naa Majan . |
|
O ñaaƭ o xire’te luu na dakaa no lanq ke |
|
fo ndikoorik nuu taƥna fo’oy, |
|
xan a ndeɓel kam ƈulfaan, ndax da ndoxel boo riw. |
|
Yaam i ndimane o ndeɓandoong, |
|
i ci’e o ƥiy o ngoor! |
|
A gadooxa sañ-sañ, |
|
too kaa xoyeel: |
|
o Aa-as, Com’andtu, |
|
Roog, o Cegu Doole, |
|
Faap fee na refkaa boo faw, |
|
o Kelwaar Jam. |
|
Sañ-sañ um kaa magin, |
|
too jam fee xan a gen cay took uum-maamaad le Dawid fo no maat um. |
|
Xan a sinjtel soo a saƭkandtel a ƭat fo o cofel, |
|
ndiiki bo na moos boo moos. |
|
Keene o mat o Yaal oxe Hupna fop a fi’kaa kam o mbeq o naalu nqe ten. |
|
O ɓay ole no Yaal oxe a yoɗooxa |
|
O Yaal oxe a lulta o ñuxur na Yakoob, |
|
fa lay um a yen na Isra’el . |
|
Xeet fee fop a nga’a ta fadnoox, |
|
bo na Efrayim fo we ngenna Samari, |
|
ndaa a laya fo o nga’atinax fo xeeñ magnandooxu yee: |
|
«A muul ake a yena, |
|
ndaa xan i maxatinit fo a ƥil a sexe. |
|
A qanq mbaƭat ake a ndaƈte, |
|
ndaa xan i ndondandit a den a qanq ndaxar seedar .» |
|
Maaga, o Yaal oxe a saƭakina noon we Isra’el |
|
soo a soob fañ we ten ndefna: |
|
Aa-araam we no batand fo Fiifilista we no mudand, |
|
da listir a Isra’el. |
|
Kaa koy, keene fop taxkee fuux le no Yaal oxe a ɓoos, |
|
too o ɓay um ole yoɗooxa boo fa ndiik. |
|
Xeet fee nomtooxiidee me no xe na yaran, |
|
waaƭee o Yaal oxe Hupna fop. |
|
Ten taxu o Yaal oxe a ɗega xoox le fo a las ale Isra’el, |
|
ngeec oo xeet oo, no ñaal leng kut. |
|
Maak we fo kelfa ke ndefu xoox le, |
|
soo duleer we na njangnaa xa maaƥ a ndef a las ale. |
|
Ɗooɗox we na xeet fene kaa mo’and’un, |
|
soo a nduuxnoor a den a koƥ. |
|
Ten taxu o Yaal oxe wuus’ee mbes ke den |
|
too yirim’ee xa baan axe den fo ñaaw we den, |
|
yaam den fop kaa njofaƭar, a soxod, |
|
too laykee jam muk. |
|
Keene fop koy taxee fuux le no Yaal oxe a ɓoos, |
|
too o ɓay um ole yoɗooxa boo fa ndiik. |
|
A woora yee, kañaan ne xan a dox nen takar-ñiig fo tomb kaa fiɗel a raaɓaa. |
|
Xan a kaƥ nen o ñaay olaa na raaɓaa suungaan niɓu, |
|
soo a fi a eel fo suun akaa na yoɗooxaa. |
|
Saax le xan a raaɓel na pexey fuux le no Yaal oxe Hupna fop, |
|
soo xeet fee a ref muud fiɗel le. |
|
O leng yirimkatee o pog um. |
|
Xan a ƭipit na ñamaak, ndaa watinkee nqeex, |
|
a seel na janoon, ndaa taxkee giñ a ref meen. |
|
Oxuu refna xan a ñaamaa o pog um. |
|
Xan a carind ale Manaase a listaa ale Efrayim, |
|
a carind ale Efrayim oo a listaa ale Manaase, |
|
soo den ɗik fop da tapoor, a song a Yudaa. |
|
Kaa koy, keene fop taxkee fuux le no Yaal oxe a ɓoos, |
|
too o ɓay um ole yoɗooxa boo fa ndiik. |
|
Nahum 2 |
|
Nga’yo, o tuleer oxey a garaa took xa coong axe, |
|
a ɓisiidaa o nan o felu, |
|
a yegnitaa jam. |
|
Nuun wiin we Yudaa, |
|
ndoofandyo qew ke nuun |
|
soo mbadin a tegit ake nuun no Yaal oxe, |
|
yaam o caree tus oxe dakkatee me nuun. |
|
A moocande boo xoo! |
|
Wo Niniif, o yaayaq oxey a inooxaniidang. |
|
Yetooxi saŋe ne! |
|
Horooxi a ƭat ale! |
|
Fapooxani a ñoq ale, |
|
fokat a yaj ake wo fop! |
|
O Yaal oxe xe dalnatinaa o ndam onqe Yakoob , |
|
kaam ee oxe dakniidaa o niwel ole Isra’el , |
|
a ƭing taxar biiñ ale jaajangal we a njangal’ina boo a yaq xa par axe ten. |
|
Njom ne Niniif |
|
Pegoor ke na salma-koor ake no fañ we kaa yaxig, |
|
xir say we a ndokoox daalde. |
|
Boo da mbaajanaa a ñoq ale, |
|
a sareet-xire ke den kaa meleƈaa nen o jam, |
|
soo pis ke a coketaa . |
|
A sareet-xire ke kaa mboy kam ped ke, |
|
a mam no qel ke. |
|
O ga’angaa a den ee xa cam, |
|
da ƈuftaa nen xa kiiñaand. |
End of preview. Expand
in Dataset Viewer.
README.md exists but content is empty.
Use the Edit dataset card button to edit it.
- Downloads last month
- 0